Lajme Flesh

Konspiracionisti Alfred Cako ka komentuar ndryshimet e fundit në qeveri, duke pretenduar se lëvizjet lidhen me prapaskena të brendshme dhe ndikime të forta gjeopolitike. Sipas tij, largimi i Belinda Balluku dhe Pirro Vengu është i lidhur me çështjen e tenderit të Porto Romanos dhe me atë që ai e cilëson si sabotim të projekteve strategjike, përfshirë Korridorin VIII. Ai pretendon se kontrata me kompaninë greke për portin nuk do të firmosej dhe se zhvillimet e fundit janë pasojë e këtij procesi. Cako i cilëson të dy ish-zyrtarët si figura me orientim pro-grek dhe argumenton se në skenën shqiptare ka pasur një zhvendosje ndikimesh të jashtme. Ai hedh dỳshime edhe mbi rolin e Elisa Spiropali, duke sugjeruar se lëvizjet brenda Partia Socialiste mund të lidhen me ndërhyrje apo interesa të aktorëve ndërkombëtarë.

Ja çfarë thotë Alfred Cako për ndryshimet në qeveri

“Kam qenë i pari që kam thënë që Belinda Balluku do goditet për shkak të sabotimit të korridorit tetë dhe sabotimi ka filluar që në pikën hyrëse, se korridoret nuk kanë rëndësi edhe me 16 korsi të jenë në qoftë se s’kanë portet në rregull. Që me portet unë të thashë që ajo po goditet sepse i ka dhënë portin një kompanie greke dhe përdori për këtë dhe Pirro Vengun, i cili organizoi si drejtor i portit ato tenderat për t’ia dhënë Archirodonit dhe kam thënë që ajo nuk do firmoset.

Ajo nuk do firmoset dhe Archirodon nuk do ta marrë Porto Romanon. Do gjendet një mënyrë që të mos firmoset ajo kontratë dhe të kam thënë që Pirro Vengu mund të ikë në një ditë me Belinda Ballukun ose mund të ikë edhe më përpara Pirro Vengu sesa Belinda Balluku. Të dy kanë qenë asete të Greqisë dhe kanë qenë njerëz që simpatizonin Greqinë në të gjitha lëvizjet e tyre dhe sigurisht ka rënë Greqia dhe është ngritur sionizmi në penetrimin në Shqipëri. Për Spiropalin, ka disa mundësi për mendimin tim: mund të ketë lidhje me ndërhyrjen e gjermanëve për shkak të një emërimi të çuditshëm që një rus është emëruar në ambasadën shqiptare në Gjermani; mund të jenë sionistët të cilët janë karrigia e fundit ku po mbështetet Rama; mund t’ia kenë parashikuar fundin Ramës dhe si njeri i tyre i preferuar, për shkak se ata i japin një rëndësi shumë të madhe dy partive kryesore, PD-së dhe PS-së për t’i kontrolluar, mundet që parashikojnë fundin e Ramës pas arrestimit të Belinda Ballukut dhe mundet që i kanë thënë Ramës ta dërgojë të merret me partinë për të marrë Partinë Socialiste.

Nga ana tjetër, ministrat e rinj të Ministrisë së Drejtësisë dhe Ministrisë së Brendshëm, dy pastorët, janë të dy sionistë dhe duket që duan të fusin duart te industria ushtarake ta kontrollojnë duke parë që Rama është shumë i dobët dhe po qëndron në fije të perit. Ata e mbajnë si një palaço cirku dhe e nxjerrin para shqiptarëve duke e përdorur. Ata duan të kontrollojnë industrinë ushtarake, infrastrukturën dixhitale të Shqipërisë, duan të shtien në dorë paranë dixhitale e cila Rama e ka pompuar disa herë.

Pra çfarë lloj qeverie vjen? Një qeveri shumë e dobët në këtë prag konflikti botëror të mundshëm në qoftë se fillon lufta në Lindjen e Mesme dhe në Evropë-Rusi, siç unë e mendoj që do të ketë luftë dhe nuk ka paqe. Rama vuri ministër të jashtëm Ferit Hoxhën, një megaloman që dilte në OKB e fliste kundër Rusisë me pathos. Ky tërhoqi dhe Ramën në ato politikat e megalomanisë dhe Rama dukej si Enver Hoxha te libri ‘Dimri i madh’ i Kadaresë. Doli atje kundër ambasadorit rus dhe i kërkonte llogari me një shtet 1.5 milionë shqiptarë; e përdornin si zar. Unë nuk them të dalim kundër Izraelit apo SHBA-së, por duhet t’i trajtojmë si zjarri: mos i rri as shumë afër se digjesh, as shumë larg se ftohesh.”

Profesori i kriminalistikës Ervin Karamuço ka sqaruar pozicionin e Shqipërisë dhe sigurinë e saj përball sulmeve në Lindjen e Mesme.

Karamuço u shpreh se Shqipëria nuk është në hartën e objektivave të Iranit, duke përgënjeshtruar ato që ai i quajti dezinformata të shpërndara në rrjetet sociale.

“Këtu flasim për Iuftë. Që të përmbysësh një regjim në kohë lufte duhen armë dhe një rezistencë e brendshme. Kjo nuk mund të ndodhë në Iran, sepse është një shtet i madh dhe nuk pushtohet lehtë.

Mund të realizohet vetëm faza e parë, ajo e bombardimeve dhe sulmeve ajrore. Mbrojtja kundërajrore iraniane është neutralizuar pothuajse plotësisht. Megjithatë, disa sisteme moderne kundërajrore nuk arrijnë të kapin disa lloje dronësh.

Ka pasur edhe panik në rrjetet sociale, sepse dalin sepse dalin 2-3 gjakprishur që kanë marrë lekë në Iran dhe hapin disa dizinformata dhe bëhet një katrahurë në Shqipëri duke krijuar një situatë kaotike në Shqipëri.

Me dronë është e pamundur të goditemi, ata nuk na kanë fare në objektiv. Në radhë të parë, objektivat e tyre janë bazat ushtarake. Shqipëria nuk është pjesë e hartës së objektivave.

Po zhvillohet një propagandë për të përhapur panik. Ndërkohë, strukturat e antiterrorit janë vënë në lëvizje, si edhe institucionet tona”, u shpreh Karamuço në Top Story.

Kryeministri i Mbretërisë së Bashkuar, Keir Starmer, njoftoi se Marina Mbretërore ka vendosur shkatërruesin e mbrojtjes ajrore të tipit 45 HMS Dragon (D35) dhe helikopterë me aftësi kundër-dronësh për të mbrojtur Qipron nga sulme të mëtejshme me dronë.

Ministria e Mbròjtjes e Mbretërisë së Bashkuar njoftoi gjithashtu se avionët F-35B të Forcave Ajrore Mbretërore kishin rrëzuar dronë gjatë operimeve nga RAF Akrotiri mbi Jordani. Gjashtë avionë F-35B u dërguan në bazën e RAF Akrotiri muajin e kaluar, si pjesë e përgjigjes ndaj tensioneve.

Ministria tha se kjo ishte hera e parë që avionët F-35 britanikë ishin angazhuar për të shkatërruar objektiva në një mision të drejtpërdrejtë. Nuk u deklarua numri i saktë i dronëve të rrëzuar, por u publikua një video nga operacioni.

Sekretari i Shtetit për Mbrojtjen, John Healey, theksoi:

“Po përforcojmë praninë tonë mbrojtëse në Mesdheun Lindor. HMS Dragon sjell mbrojtje ajrore të klasit botëror dhe helikopterët Wildcat janë të armatosur me raketa Martlet për t’iu kundërvënë kërcënimeve nga dronët. Jam krenar për profesionalizmin dhe trimërinë e forcave tona.”

Këto angazhime shtohen në misionet e mëparshme të Mbretërisë së Bashkuar pas sulmeve të Shteteve të Bashkuara dhe Izraelit kundër Iranit.

VIDEO

Rritja e çmimit të naftës në tregjet ndërkombëtare si pasojë e konfliktit në lindjen e mesme është reflektuar dhe në disa prej pikave të karburanteve në kryeqytet.

Ndodhemi aktuaIisht pranë zonës së drejtorisë së policisë tiranë ku kjo pikë karburanti ndryshoi çmimin me një vlerë prej 4 lekësh.

Nafta bruto në bursa ka kapërcyer mbi 80 dollarë për fuqi nga 70 dollarë që ishte më parë. Por në një rast të tillë Shqipëria sipas ekspertëve mund të jetë një ndër vendet që preket nga ky ndryshim çmimesh.

“Shqipëria preket menjëherë se jemi shtet importues neto i karburantit fatkeqësisht. Nëse situata zgjat rritja e çmimit është e paevitueshme, sa jemi në gjendje të kemi rezerva dhe si do jenë masat e qeverisë që mos të ketë spekulime siç ka ndodhur para 3-4 vjetësh”, tha Gjergj Buxhuku-Confindustria.

Vetëm gjatë vitit të kaluar konsumi i karburantit në vendin tonë arriti në 761 mijë tonë, nga 683 mijë tonë në vitin 2024. Me qëllim përballimin e situatave të jashtëzakonshme qeveria nxori 1 vit më parë projektligjin për rezervat shtetërore të naftës.

“Rezerva e naftës deri më sot funksionon që çdo kompani importuese duhet të ketë 90 ditë rezerva. Ndërkohë Shqipëria duhet të kishte plotësuar dhe direktivën e BE për rezervën shtetërore të shtetit”.

Por shtrenjtimi i çmimit të naftës është vetëm fillimi i një zinxhiri që rrezikohen të shtrihet dhe në produkte e shërbime të tjera, për shkak të rritjes së kostove të transportit.

“Në radhë të parë është Autoriteti Konkurrencës që duhet të futet në lojë. Por edhe qeveria duhet të mendonte realisht siç bëjnë fqinjët për fiksim të çmimit të karburanteve në një nivel të arsyeshëm si përshembull Kosova”.

Përfaqësues të shoqatës së hidrokarbureve bëjnë të ditur se pas konfliktit në Lindjen e Mesme janë furnizuar me një çmim të naftës në 900 dollar për tonë nga 750 dollarë për ton më parë.ndërsa lajmërojnë në ditët në vijim që edhe në Shqipëri do të pritet një rritje e çmimit të naftës deri në 40 lekë./Top Channel

Presidenti i SHBA-së, Donald Trump, ka thënë se çmimet e naftës mund të mbeten të larta ndërsa sulmet SHBA–Izrael ndaj Iranit vazhdojnë, gjë për të cilën kanceIari i Gjermanisë, Friedrich Merz, paralajmëron se është “e dëmshme për ekonomitë tona”.

Presidenti amerikan ka deklaruar se sapo të përfundojë situata në Iran, çmimet e naftës do të bien, e sipas tij, më poshtë sesa ishin më parë, raporton Anadolu Agency.

“Nëse kemi çmime pak më të larta të naftës për një kohë të shkurtër, por sapo kjo të përfundojë, ato çmime do të bien, besoj, madje më poshtë se më parë”, ka deklaruar presidenti Trump.

Por, kancelari gjerman, Merz, ka përsëritur se shpreson që luftimet të përfundojnë sa më shpejt në Iran, sepse çmimet e naftës po e dëmtojnë ekonominë.“Kjo, sigurisht, po i dëmton ekonomitë tona. Kjo është e vërtetë për çmimet e naftës, dhe kjo është e vërtetë edhe për çmimet e gazit. Kjo është arsyeja pse ne të gjithë shpresojmë që kjo luftë të përfundojë sa më shpejt të jetë e mundur”, ka deklaruar kancelari gjerman Merz.

Çmimet globale të naftës janë rritur ndjeshëm teksa Irani vazhdon sulmet në Lindjen e Mesme, në përgjigje të ofensivës së vazhdueshme nga SHBA-ja dhe Izraeli.

Nafta Brent është rritur për 10 për qind, duke arritur në mbi 82 dollarë për fuçi të hënën, pasi të paktën tri anije u sulmuan pranë Ngushticës së Hormuzit gjatë fundjavës. Çmimet e gazit natyror janë rritur deri në 25 për qind.

Presidenti i SHBA-ve, Donald Trump, ka kërcënuar se do të ndërpresë të gjithë marrëdhëniet tregtare me Spanjën, pasi qeveria e majtë e këtij vendi refuzoi të lejonte avionët amerikanë të përdornin bazat e saj për të sulmùar Iranin dhe kundërshtoi rritjen e buxhetit të mbrojtjes si pjesë e NATO-s, raporton AFP.

“Spanja ka qenë e tmerrshme”, tha Trump për gazetarët gjatë takimit me kancelarin gjerman Friedrich Merz.

“Ne do të ndërpresim të gjithë tregtinë me Spanjën. Nuk duam të kemi asnjë lidhje me Spanjën“, tha ai.

Trump deklaroi më tej se ushtria amerikane ka pasur sukses, duke theksuar se “në Iran është shkatërruar pothuajse çdo gjë”.

Ai shtoi se lufta me Iranin u zhvillua kaq shpejt, aq sa Uashingtoni nuk pati kohë të përgatiste një plan evakuimi për ambasadat amerikane apo për të nxjerrë jashtë rrezikut shtetasit amerikanë.

Ai bëri këtë koment kur u pyet pse SHBA-të nuk kishin një plan për të evakuuar misionet diplomatike apo qytetarët kur situata u përshkallëzua.

Lajmet e publikuara së fundmi nga Irani për mundësinë e një sulmi me raketa ndaj Ashraf 3 dhe mbulimi i tyre në disa media shqiptare janë cilësuar nga Muxhahedinët si propagandë e orkestruar nga regjimi iranian.

Sipas reagimit të tyre nëpërmjet zëdhënësit Shahriar Kia, thuhet se kjo po bëhet për qëllime të qarta që krijojnë një lufte psikologjike, me qëllim krijimin e shqetësimit dhe kaosit në Shqipëri, për të ndjekur interesat e regjimit iranian.

Muxhahedinët theksojnë se këto pretendime nuk kanë bazë dhe nuk bazohet në asnjë fakt. Ata shtojnë se kjo luftë propagande po kryhet në koordinim të ngushtë midis regjimit iranian dhe agjentëve të tij lokalë në Shqipëri, me qëllim rritjen e rezonancës dhe përhapjes së lajmit sa më shumë të jetë e mundur.

Gjithashtu, Muxhahedinët bëjnë të qartë se raketat e regjimit iranian nuk kanë kapacitetin teknik për të arritur në Shqipëri. /Euronews.al/

Kriza e krijuar nga tensionet në Lindjen e Mesme pritet të refIektohet menjëherë në tregun shqiptar të karburanteve, ku përfaqësues të Shoqatës së Hidrokarbureve paralajmërojnë një rritje me 20 lekë për litër brenda 2 ditëve.

Po ashtu, ata parashikojnë një rritje maksimale deri në 30–40 lekë për litër në ditët në vijim, por shtojnë se këto çmime do të jenë provizore, në varësi të ecurisë së konfliktit.

Tregu i naftës në Shqipëria varet tërësisht nga importet, ndërsa parashikimet për një rritje deri në 30 – 40 lekë për litër bazohen jo vetëm në mbylljen e ngushticës së Hormuzit, ku kalon pothuajse 20 % e naftës së botës, por edhe me sulmet në rafineritë e Arabisë Saudite, duke sjellë rritje të kostove të importit dhe pasiguri për furnizimet ndërkombëtare.

Ndërkaq, përfaqësuesit e shoqatës shpjegojnë edhe arsyet se përse rritja e çmimit reflektohet menjëherë dhe nuk lidhet me rezervën e sigurisë. Sipas tyre rritja ndodh çdo ditë në çmimet me shumicë dhe është pikërisht kjo sasi që del në treg, çka bën që të aplikohet menjëherë edhe në çmimet me pakicë.

Të njëjtit përfaqësues thonë se depozitat ndodhen në zona të lira ekonomike dhe janë të mbrojtura në bursë. “Depozitat janë fizike dhe jo në valutë. Aktivizimi i tyre në këtë moment mund të sjellë edhe falimentim të kompanive”, – shprehen përfaqësues të shoqatës.

Legjislacioni në fuqi përcakton se rezerva e sigurisë shërben për mbulimin e nevojave të konsumit kombëtar në periudha krize dhe situatash të jashtëzakonshme brenda territorit të vendit.

Po ashtu, ligji specifikon se rafineritë e naftës dhe shoqëritë e tregtimit me shumicë të naftës, gazit natyror dhe nënprodukteve të tyre janë të detyruara të mbajnë rezerva sigurie, të barabarta me 30 ditë mesatare shitjeje, sasi që llogaritet duke u mbështetur në të dhënat dhe rezultatet faktike të veprimtarisë së vitit të mëparshëm./Scan

Euro ka zbritur në nivelin më të ulët historik përballë lekut, ndërsa dollari amerikan ka shënuar një forcim të ndjeshëm brenda vetëm një dite, duke reflektuar luhatje të forta në tregun e këmbimit valutor.

Sipas të dhënave zÿrtare të Bankës së Shqipërisë, një dollar amerikan u këmbye mesatarisht me 82.89 lekë, nga 82.03 lekë që ishte një ditë më parë.

Brenda 24 orësh, monedha amerikane fitoi më shumë se 0.8 lekë, duke regjistruar një nga lëvizjet më të forta ditore të muajve të fundit.

Në të njëjtën kohë, euro vijon rënien dhe u këmbye mesatarisht me 96.19 lekë, nga 96.32 lekë një ditë më parë. Me këtë nivel, monedha europiane prek minimumin historik në raport me lekun, duke konfirmuar trendin e zgjatur rënës që ka nisur prej disa vitesh.

Forcimi i lekut ndaj euros dhe luhatjet e forta të dollarit tregojnë një treg valutor gjithnjë e më dinamik, ku faktorët ndërkombëtarë dhe flukset valutore në vend po ndikojnë drejtpërdrejt në kursin e këmbimit.

Zhvillimet e fundit pritet të kenë ndikim si në importet e paguara në dollarë, ashtu edhe në kursimet dhe kreditë e denominuara në euro, në një moment kur monedhat e huaja po përballen me presion të vazhdueshëm kundrejt lekut. /skyweb.al

Fatmir Metaj, drejtues i një drejtorie në Inspektoriatin Kombëtar të Mbrojtjes së Territorit, është dhùnuar barbarisht nga kolegu i tij Klesti Çela dhe tre persona të tjerë. Shkak është bërë një masë bllokimi që Fatmir Metaj kishte vendosur ndaj një kompanie që derdhte dhera në rrethinat e Tiranës.

Nga informacionet paraprake, bëhet me dije se Klesti Çela është drejtor i Mjedisit në IKMT dhe ka shkuar në zyrën e Fatmir Metës bashkë me tre persona të tjerë, dhe pas një debati të shkurtër verbal, e kanë qëlluar këtë të fundit me grushte, shkelma e qyta pistolete.

Ngjarja është në përmasat e skandalit sepse bëhet fjalë për një nga Inspektoriatet më të rëndësishme të shtetit dhe drejtorët rrihen brenda institucionit, mes tyre, me qyta pistoletash.

Për më tepër, nga burime paraprake theksohet se drejtori Fatmir Meta ka zbatuar një urdhër të Kryeinspektorit të sapoemëruar, Afrim Qëndro, duke bllokuar mjetet e një kompanie private sipas parashikimeve ligjore, sepse po shkarkonin dhera e interte në periferi të kryeqytetit duke ndotur mjedisin.

Mirëpo, me këtë vendim nuk ka rënë dakord drejtori tjetër Klesti Çela, i cili ka mësyrë në zyrën e Fatmir Metës bashkë me tre persona të tjerë dhe e kanë dhunuar. Gjatë sherrit, raportohet se janë nxjerr dhe armët e zjarrit, me qytat e të cilave është qëlluar në kokë e trup Fatmir Metaj.

Inspektoriati Kombëtar i Mbrojtjes së Territorit ka njoftuar se me emërimin e Afrim Qëndros ishte në një proces transformimi të shërbimit ndaj qytetarëve, por mesa duket, me mentalitet të vjetër ndaj punonjësve të institucionit.

Siç bëhet me dije, drejtori i Mjedisit në IKMT, kunati i Ergys Agasit, menjëherë pas sherrit të dhunshëm ku është përfshirë ka shkuar në zyrën e Kryeinspektorit Afrim Qëndro dhe ka dhënë dorëheqjen. Pritet që për rastin e Klesti Çelës dhe Fatmir Metës të reagojë edhe Policia e Shtetit.

Fatmir Meta është i njohur për shumë episode si drejtues i IKMT-së, por më së fundi është rikthyer në vëmendjen e mediave verën e kaluar, kur ndërmori aksionin për prishjen e paligjshme të bujtinave dhe strukturave akomoduese në Theth.