Lajme Flesh

Detaje tragjike kanë dalë në pah nga ngjarja tronditëse e ndodhur në Lutraqi, ku një 17-vjeçar shqiptar është goditur për vdekje me thikë, ndërsa shoku i tij 19-vjeçar ka mbetur i plagosur rëndë.

Nga hetimet e deritanishme, i mitur shqiptar, Aleks Vangjeli dyshohet se u kthye në shtëpi pasi u godit me thikë në gjoks dhe u shtri të flinte me pretendimin se ishte i lodhur, në mënyrë që të fshihet plagën nga familja e tij.

Në orët e para të mëngjesit, ai u u gjet i pajetë në shtrat nga vëllai i tij , i cili e dërgoi për në Spitalin e Korinthit, ku për shkak të plagëve të marra dha frymën e fundit.

19-vjeçari u paraqit në Qendrën Shëndetësore në Lutrak me një plagë thike, me pretendimin se u plagos gjatë një aksidenti me makinë. Për këtë mjekët kanë theksuar se nuk është e vërtetmjekët sigurojnë se nuk është e vërtetë. Para hetuesve 19-vjeçari ka kyçur gojën, e vetmja gjë që ka thënë është se shoku i tij shqiptar u godit me thikë për vdekje.

Në lidhje me ngjarjen e rëndë, në një prononcim për Protothema.gr ka reaguar dhe mamaja e këtij të fundit, e cila ka theksuar se nuk ka qenë në dijeni për ngjarjen e rëndë.Sipas saj, ajo ka mësuar se ka mbetur i vrarë një 17-vjeçar që ishte dhe mik i djalit të saj.

“Nuk di asgjë ende, isha duke fjetur kur më morën. Mora vesh për fëmijën tjetër që kishte vdekur gjatë rrugës. Ishte shok i ngushtë i djalit tim. Kush janë ata që vranë një fëmijë dhe shkuan të vrisnin një tjetër? Nuk e di… “, tha nëna e 19-vjeçarit të plagosur për protothema.gr

Në foton e siguruar nga Top Channel mësohet se ky është 17-vjeçari Aleks Vangjeli, i cili u qëllua për vdekje me thikë.

Një debat i ashpër është regjistruar së fundmi në shtëpinë e Big Brother VIP Albania, ku protagonistë u bënë banorët Artan, Mateo dhe Brikena. Diskutimi, që fillimisht nisi si një shkëmbim mendimesh, degjeneroi shpejt në ofendime dhe tone të larta, duke tensionuar atmosferën mes konkurrentëve.

Shkak për përplasjen u bë një koment i Artanit drejtuar Brikenës. Gjatë debatit, ai iu drejtua asaj me fjalët:

“Sa shpejt shitesh ti moj goce”, një deklaratë që u konsiderua fyese dhe provokuese. Kjo frazë solli reagim të menjëhershëm nga Mateo, i cili ndërhyri në mbrojtje të Brikenës.

Mateo iu kundërpërgjigj Artanit me tone të ashpra, duke përdorur gjuhë fyese dhe kërcënuese. “Ta plas gotën fytyrës.

O llum”, u shpreh ai, duke e përshkallëzuar situatën edhe më tej. Për disa momente, debati kaloi në një përplasje të fortë verbale, ndërsa banorët e tjerë u gjendën dëshmitarë të situatës së tensionuar.

Pas përdorimit të këtij fjalori dhe rritjes së tensionit, produksioni ndërhyri menjëherë përmes audios në shtëpi. Një paralajmërim i drejtpërdrejtë iu adresua Mateos me fjalët: “Mateo kujdes mikrofonin”, duke sinjalizuar se sjellje të tilla nuk tolerohen dhe se gjuha e përdorur bie ndesh me rregullat e formatit.

Mbetet për t’u parë nëse kjo përplasje do të sjellë masa disiplinore ndaj banorëve apo do të ndikojë në dinamikat e mëtejshme të lojës.

VIDEO

Banorët dhe bizneset në Elbasan, Gramsh dhe Librazhd do të përballen me ndërprerje të përkohshme të energjisë elektrike gjatë periudhës 2–5 mars 2026, për shkak të manovrimeve teknike dhe masave të sigurisë në rrjetin e transmetimit.

Sipas njoftimit zyrtar, në kuadër të stakimit si masë sigurie të Iinjës 400 kV Fier – Elbasan – Qafë Thanë, do të kryhen ndërhyrje në disa linja 35 kV dhe 10 kV, çka do të sjellë ndërprerje të shkurtra energjie në disa zona.

Elbasan

Në datat 2–4 mars, nga ora 08:00 deri në 17:00, do të stakohet dhe tokëzohet Linja 35kV L30–66 Mjekës – Kombinati i Drurit Elbasan. Si pasojë, për rreth 5 minuta do të mbeten pa energji zonat:
Ital Druri, Lagjja “Skënderbej”, Fabrika e Tullës, Hajdaran, Shushicë, Fushë Bull, Tahiraj, Shirgjan, Reparti Mjekës, fshatrat Mjekës dhe Kryezjarr.

Gramsh

Ndërprerje do të ketë më 2 dhe 5 mars, nga ora 06:00 deri në 06:05, për shkak të stakimit të Linjës 35kV L30–78 Mjekës – Banjë. Për 5 minuta do të mbeten pa energji:
Nënstacionet Gramsh dhe Cërrunjë, Impianti Fotovoltaik Lundrues i Banjës – Statkraft, si dhe HEC-et Sotiraj, Lenie, Mivas, Tërvol, Kabash, Kërrpicë, Storë dhe Pisha, si edhe subjekti AL Mex Wood.

Ndërprerja do të prekë gjithashtu një numër të madh lagjesh dhe fshatrash në rrethin e Gramshit, përfshirë Çekin, Uzina Çekin, Lagjja Xhile Liçi, Lagjja 18 Gushti, Holta, Llapushaj, Konvikti, Lagjja e Oficerave, Trashovicë, Tunjë, Kushovë, Pishaj, Skënderbegas, Kodovjat, Kukur, Lenie, Cërujë, Qerret, Sult, Katërlis, Kutërqar, Dushan, Zgjup, Kotorr, Ranxhë, Lleshaj, Kabash, Tërvol, Drizë, Gjergjovinë, Galigat, Bizhdan, Gostimë, Shtëpanjë, Klos, Floq, Banjë e Vjetër, Tregan, Gjinar, Shënavlash, Valesh dhe zona të tjera përreth.

Librazhd

Në datat 2–4 mars, nga ora 08:00 deri në 17:00, do të stakohet dhe tokëzohet Linja 10kV e Fiderit F7 të Nënstacionit Kombinati i Drurit. Për rreth 5 minuta do të mbeten pa energji zonat: Shirgjan, Reparti Mjekës, fshatrat Mjekës dhe Kryezjarr.

Autoritetet energjetike sqarojnë se ndërprerjet do të jenë të shkurtra dhe të kontrolluara, të domosdoshme për garantimin e sigurisë së rrjetit dhe realizimin e manovrimeve teknike. Konsumatorëve u rekomandohet të marrin masa për mbrojtjen e pajisjeve elektrike gjatë intervaleve të stakimit.

Një surprizë mjaft e veçantë ka ardhur mbrëmjen e sotme për tre nga banorët e shtëpisë më të fàmshme në Shqipëri, “Big Brother VIP 5”.

Për Selinën, Gretën dhe Gimbon ka ardhur një surprizë nga ajri nga ana e babait të Selinës.

“Selin, Greta, Gimbo, babi Toni ju do fort”, shkruhej në surprizën e banorëve.

Të tre janë emocionuar nga kjo surprizë e papritur, ndërkohë që Greta dëgjohet të thotë:

“Toni zemër të duam. O Zot sa i mirë që është”.

E në një moment kthehet nga Gimbo, e teksa e përqafon i drejtohet duke i thënë:

“Hajde mirë se erdhe, o sa bukur, u kënaqa fare”.

Gazetari i së përditshmes gjermane Frankfurter Allgemeine Zeitung (FAZ), Michael Martens, ka paralajmëruar një zhvillim të ri politik.

Përmes një postimi në rrjetin social “X”, ai thotë se kryeministri i Shqipërisë, Edi Rama, dhe presidenti i Serbisë, Aleksandar Vuçiç, pritet të dalin me një iniciativë të përbashkët në lidhje me procesin e zgjerimit të Bashkimit Europian.

Martens thekson se kjo nismë pritet të ngjallë interes dhe debat të gjerë, ndonëse jo të gjithë do ta mbështesin.

Ai bën me dije se detaje të plota mbi këtë iniciativë do të publikohen së shpejti në Frankfurter Allgemeine Zeitung.

“Një iniciativë e përbashkët nga kryeministri i Shqipërisë Edi Rama dhe presidenti serb Aleksandar Vuçiç mbi zgjerimin e BE-së. Ky veprim ka të ngjarë të tërheqë mjaft vëmendje, edhe pse shumë nuk do të jenë dakord”, shkruan Martens në postimin e tij në “X”.

https://x.com/Andric1961/status/2027281071381909976?ref_src=twsrc%5Etfw%7Ctwcamp%5Etweetembed%7Ctwterm%5E2027281071381909976%7Ctwgr%5Eb8c2b31290237cfca4501dbb7eaa18d21d03bea2%7Ctwcon%5Es1_c10&ref_url=https%3A%2F%2Fwww.voxnews.al%2Fpolitike%2Fgazetari-gjerman-zbulon-planin-e-ri-rama-vucic-pritet-te-ngjalle-debat–i111242

Një 17-vjeçar u ndalua pasditen e së premtes për përfshirjen e tij në ngjarjen e rëndë që çoi në humbjen e jetës së një bashkëmoshatari në Loutraki.

Djali që shikoni në foto është 17 vjeç dhe sipas mediave greke dhe policisë vendase është një shtetas grek. Megjithatë, një portal (ZougIa) sugjeron se i mituri është me origjinë nga një vend i ish-Bashkimit Sovjetik.

I riu shihet si përgjegjës për vdekjen e një djali 17 vjeç. Portali Parapolitika raporton se viktima ishte një djalë shqiptar. Ndërsa tch njofton se i ndjeri është emigranti Aleksandër Vangjeli. Në ngjarjen e rëndë që ndodhi natën duke gdhirë dita e sotme, është plagosur dhe një 19 vjeçar grek.

I dyshuari u ndalua nga autoritetet, ndërsa më herët policia kishte shoqëruar disa persona për sqarimin e rrethanave të ngjarjes.

Raportohet se i riu është paraqitur në komisariat dhe ka deklaruar se dëshironte të dorëzohej. Emri i tij dyshohet se ishte përmendur më herët nga 19-vjeçari i plagosur, i cili po trajtohet në spitalin e Athinës.

Djali 17 vjeçar shqiptar kishte marrë një goditje me mjet prerës në zonën e kraharorit, ndërsa 19-vjeçari u plagos në pjesën e barkut. Fillimisht ky i fundit kishte deklaruar se ishte përfshirë në një aksident rrugor, por më pas, ka dhënë detaje që ndihmuan hetimin.

Mësohet se të rinjtë kishin lënë takim për të zgjidhur një mosmarrëveshje që lidhej me një dëmtim në një motoçikletë. Gjatë debatit situata ka dalë jashtë kontrollit, duke sjellë pasojat tragjike.

Sakaq një detaj shokues ka dalë. 17-vjeçari u kthye në shtëpi i plagosur rëndë nga një thikë që ka marrë në gjoks, por pa i thënë askujt, dhe ra në gjumë. Pak kohë më vonë, vëllai i tij e gjeti të vdekur. Vëllai e çoi në spitalin e Korinthit, ku i mituri u shpall i vdekur.

“Pas plagës me thikë që mori, 17-vjeçari, me origjinë nga Shqipëria, dyshohet se është kthyer në shtëpi pa i njoftuar të afërmit e tij për rrethanat në të cilat u plagos. Ai është shtrirë në dhomën e tij dhe nuk ka thënë asgjë për incidentin. Në agim, vëllai i tij e gjeti pa ndjenja në shtrat dhe e dërgoi me urgjencë në Spitalin e Përgjithshëm të Korinthit, ku u shpall i vdekur”, shkruan Parapolitika.gr, citon noa.al.

Mësohet se djali shqiptar i ka dalë në mbrojtje shokut të tij dy vjet më të madh duke pësuar më pas fundin tragjik.

Autoritetet kanë ndaluar gjithashtu edhe nënën e 17-vjeçarit, një 57 vjeçare, për neglizhencë në mbikëqyrjen e të miturit, ndërsa hetimet për zbardhjen e plotë të rrethanave vijojnë.

Gazetarja Anduena Llabani komentoi deklaratat e kryeministrit Edi Rama se ish drejtoresha e AKSHI-t, Mirlinda Karçanaj, e vënë nën akuzë nga SPAK, jeton me qira.

Në një intervistë për News24, ajo theksoi se Mirlinda Karçànaj ka marrë në muajin dhjetor një banesë me qira në qendër të Tiranës pikërisht për t’u shmangur një skandali të tillë, por sipas saj, ajo qëndron pas shumë pasurive.

Llabani theksoi se emri i Mirlinda Karçanajt del në një dosje të SPAK lidhur me një grup trafikantësh droge. Sipas gazetares, Karçanaj ka blerë një banesë me një vlerë prej 500 mijë eurosh nga një prej këtyre personave që janë vënë nën hetim nga SPAK dhe që lidhet me këtë grup kriminal.

Po ashtu, ajo foli edhe për pasuri që ajo i ka “fshehur” në emër të të vëllait të saj.

“Bashkëshortja e tij është përfshirë te AKSHI, për të cilën ka veprime së fundmi nga ana e SPAK, por Prokuroria është nën monitorim të ndërkombëtarëve. Nëse flasim për Mirlinda Karçanaj, Rama e mbronte se është një drejtoreshë e pastrehë…E kam thënë këtu se zonja Karçanaj ka që në muajin dhjetor që jeton me qira, në qendër të Tiraës ku qiraja kushton shumë. Karçanaj është një emër që ka dalë në dosjen e SPAK që lidhet me trafikun ndërkombëtar të drogërave të forta, të një grupi trafikantësh, të personave që janë në hetim. Emri i saj ka dalë se kjo drejtoreshë e AKSHI ka blerë te një nga këto persona një banesë me vlerë 500 mijë euro. Nëse ajo quhet e pastrehë. Karçanaj e ka marrë shpinë me qira për t’iu shmangur një skandali të tillë dhe duke dashur të fshehë pasurinë apo blerjen e apartamentit në një grup që është në hetim nga SPAK ka bërë manovrën e fundit. Ka shumë prona të tjera të të gjithë pronave që Karçanaj i ka në emër të vëllait të saj, janë shumë. Pasuri të patundshme por që sigurisht as tyre qëndron Karçanaj. Di që gjëja e parë që SPAK bën menjëherë që regjistrohen procedimin penal, është hetimi pasuror.”, u shpreh Llabani.

Më tej, ajo u ndal edhe te hetimi pasuror ndaj Belinda Ballukut, teksa tha se SPAK ka prej kohësh informacione për llogari bankare të tashmë zv kryeministres së shkarkuar në Zvicër, Izrael dhe Emiratet e Bashkuara Arabe, që kapin vlerën e 600 mijë eurove.

“Kam thënë se ndaj Ballukut do të shtohet një akuzë për pastrim parash, nga e cila Balluku nuk shpëton, pasi SPAK rezulton prej një viti ka një dorë letërporosi ku ajo rezulton me 600 mijë euro në Zvicër, në Izrael dhe në Emiratet e Bashkuara Arabe. Këto janë në emër të saj dhe familjarëve.

Pastaj se çfarë pasurish ka zonja Balluku në bankat evropiane apo në vendet aziatike, do të kërkojë mbase një tjetër hetim. Por SPAK e ka prej 1 viti e gjysmë materialet e tjera. Nëse ka argumente për të kërkuar mandati e saj dhe arrestin e saj, është pikërisht për faktin se provat që ka në dorë sot SPAK janë shumë të rënda për një zëvendës kryeministre.”, theksoi gazetarja.

Një zarf ka mbërritur në shtëpinë e “Big Brother VIP”, duke njoftuar një vendim të marrë nga Vëllai i Madh pas një kërkese specifike të bërë nga Gimbo.

Gjatë një bisede në dhomën e rrëfimit, Gimbo kishte kërkuar mundësinë për të zhvilluar një darkë romantike me Selinën.

Sipas njoftimit zyrtar të Iexuar para banorëve, kjo kërkesë është miratuar.

Vëllai i Madh ka udhëzuar dyshen të drejtohen në dhomën e surprizave për të shijuar darkën, e cila është cilësuar si rreptësisht private, duke ua ndaluar hyrjen banorëve të tjerë.https://

VIDEO

Stenaldo dhe Miri janë përfshirë në një debat mjaft të fortë me njëri-tjetrin. Teksa Miri po debatonte me Arditin, aty pranë ishte dhe Stenaldo që fliste herë pas here.

Në një moment Miri iu kthye atij duke i thënë se çfarë kishte ai, e banori iu drejtua duke i thënë ‘a do me ta fut me kokë’.

Miri iu afrua dhe i thoshte ‘hajde ma fut njëherë me kokë’, ndërkohë Brikena sapo i pa shkoi menjëherë për t’i ndarë. Më pas Artani shkoi të largonte Mirin nga aty.

Nga ana tjetër, Arditi dhe Mateo që ishin nuk bënë asgjë, vetëm vijonin debatin me Mirin.

Pjesë nga debati:

Arditi: Do të mbroj nëse është për të mbrojtur kam thënë, kaq

Miri: Ku kam nevojë të më mbrosh ti

Arditi: Kaq kam thënë

Stenaldo: Ja ke kërkuar

Miri: Ti ça ke?

Stenaldo: Pse shkon ashtu

Miri: Se më do

Stenaldo: Të do kush

Miri: Ma do qejfi

Stenaldo: Shko te xhaxhi Gerti o ta fus me kokë

Miri: Hajde ma fut

Stenaldo: Do ta fus me kokë?

Miri: Hajde ma fut njëherë me kokë

Stenaldo: Ça halli ke që vjen këtu?

Miri: O gangster, hajde ma fut me kokë

Stenaldo: Hajde këtu

Miri: Këtu jam

Stenaldo: Hajde ta shohësh a ta fus me kokë apo jo.

Një i burgosur 47-vjeçar është arratisur nga burgu në Greqi, duke shfrytëzuar një vizitë në spital.

Sipas mediave vendase, 47-vjeçari u dërgua në repartin e kujdesit intensiv të Spitali Hipokratik i Selanikut, pasi pësoi një atak kardiak. Megjithatë, në rrethana ende të paqarta, ai arriti t’i shpëtonte vëmendjes së efektivëve të policisë që e shoqëronin dhe të arratisej.

Sipas informacioneve, pavarësisht gjendjes së tij shëndetësore, ai hapi dritaren e dhomës së kujdesit intensiv, doli në ballkonin ngjitur dhe prej andej arriti të largohej nga ambientet e spitalit. Një oficer policie e vuri re teksa po vraponte dhe e ndoqi deri në kafenenë e spitalit, por 47-vjeçari arriti të zhdukej, ndërsa ende mbante në duar tubat intravenoz të serumit.

Ngjarja ndodhi mesditën e djeshme dhe prej asaj kohe autoritetet kanë nisur kërkimet për kapjen e tij.