Month: December 2023

Kryeministri Edi Rama ka hedhur kategorikisht poshtë shanset e kryebashkiakut të zgjedhur të Himarës, Fredi Beleri për të kryer betimin në detyrë.

Në emisionin “Debat” në A2CNN, Rama tha se për këtë çështje nuk do të negociohet as me Këshillin Europian, ku Greqia ka ngritur zërin për çështjen Beleri, edhe nëse Athina vijon të bëjë presion me bllokimin e integrimit të Shqipërisë në BE.

“Si bëhet betimi është pyetja? Deri më sot ju keni një vendim të Gjykatës së Lartë të para pak vitesh, e cila ka ngarkuar Gjykatën Speciale të trajtojë këtë çështje. Sepse kërkesa për të bërë betimin u bë te ne. Ne s’kemi asnjë mundësi të vendosim bëhet apo s’bëhet betim. Ne e kemi bërë shumë të qartë. Që sikur të kthehet përmbys gjithë Këshilli Europian ne nuk negociojmë asnjë gjë kundër interesit më të madh strategjik të Shqipërisë, sot, që është zbatimi i Reformës në Drejtësi dhe moscenimi i pavarësisë së institucioneve të drejtësisë. Ca kohë kërkonin këtë, mor nuk e bëjmë dot harrojeni se futemi ne në këtë. Jo bllokim të integrimit. Se nuk është bllokim i integrimit fare se ajo është një proces politik.”

Shefi i qeverisë e bëri të qartë në qëndrimin e tij se në Shqipëri pushtetet janë të ndara dhe fati i Belerit do të vendoset nga drejtësia.

Referuar kërkesës së posaçme për t’u liruar për të kryer betimin, të cilën Beleri ia ka drejtuar Drejtorisë së Burgjeve, Rama tha se Gjykata e Lartë e ka hedhur poshtë, duke nënvizuar në vendim se këto kompetenca nuk i takojnë Drejtorit të Përgjithshëm të Burgjeve.

“Mbasi ata për një kohë të caktuar kanë kërkuar nga ne. E kërkonin kështu Shqipëria. Shqipëria ka pushtet legjislativ, ekzekutiv dhe gjyqësor. Mbasi e kemi përsëritur që nuk mund të bëjë Drejtori i Burgjeve diçka të tillë. Se nuk e ka në ligj. Ligji e thotë shumë qartë kur bëhet betimi. Mbasi humbën kohë, dhe shkuan në Gjykatë të Durrësit, Gjykata e Lartë ia çoi Gjykatës Speciale dhe në vendim thuhet drejtori i burgjeve nuk ka asnjë fuqi që të zgjidhi këtë çështje, që të japi leje. As leje që të shkojë para këshillit bashkiak, dhe as këshilli bashkiak të shkojë në burg dhe as zotëria të marri një noter në burg. Unë jam me Shqipërinë. Të jesh me Shqipërinë sot është të jesh me pavarësinë e sistemit të drejtësisë. Institucionet e drejtësisë nuk janë të shkëlqyera, dakord, por kjo është e vetmja rrugë nëse ne duam që realisht ky vend të bëhet shtet. Është e parë që nga 1912 që ky vend ka një strukturë të drejtësisë të përbërë nga SPAK dhe Gjykata Speciale ku pushteti ekzekutiv nuk i fut duart dhe nuk ndërhyn.”

“Uroj shumë të dini se çfarë bëni”, Rama zbulon çfarë i tha drejtorit të policisë kur u ndalua Beleri

Kryeministri Rama u shpreh se për arrestimin e Fredi Belerit është njoftuar vetëm kur policia është nisur për të ndërhyrë.

Ai ka treguar se i ka thënë drejtorit të policisë se kjo është një çështje shumë e rëndë dhe duhet të bëjnë kujdes.

“Greqia ka të drejtën e saj të bëjë spekulime duke marrë këto fakte dhe duke i bashkuar me një çështje që nuk ka asnjë lidhje. Kjo është një mënyrë interpretimi. E para, unë nuk jam marrë gjithë fushatën me zotërinë. Unë mund të kem shumë të meta, por budalla nuk jam. Nëse do të kisha dijeni që ndaj tij po bëja hetim, nuk do të kishte sulm politik ndaj tij.

Hetimi ka nisur nga prokuroria e Vlorës dhe nuk është e vërtetë që çdo çështje duhet të hetohet që në gjenezë nga SPAK. Prokuroria ka nisur një hetimin dhe prokuroria nuk varet nga ne. Policia ka marrë dijeni për të ndërhyrë vetëm pak orë para ndërhyrjes. Unë jam njoftuar që policia u nis për të ndërhyrë dhe i kam thënë drejtorit të policisë, uroj shumë të dini se çfarë bëni sepse nëse kjo nuk qëndron, atëherë është shumë e rëndë”.

I pyetur nëse drejtësia po vepron me dy standarde për luftën ndaj krimeve zgjedhore, duke përmendur rastin e Belerit dhe të kryetarit të bashkisë së Rrogozhinës, Rama u shpreh se kjo nuk qëndron pasi në burg kanë përfunduar edhe nga radhët e mazhorancës dhe këtu solli edhe rastin e Safet Gjicit.

“E dyta, është njësoj si të krahasosh një shalqi me një kungull. Blerja e votës dhe kapja në flagrancë është një gjë dhe hetimi për një telefonatë që lidhet me lidhjen elektrike të një familjeje, është një gjë tjetër. Edhe ai i Rrogozhinës po hetohet. Në qeli sot, në paraburgim ka kryetar bashkie të zgjedhur në ato zgjedhje që mbahen atje për seks oral. Jemi në kushtet kur nuk bëjmë dot krahasime fare. Për blerje votash janë dënuar komisionerë të PS-së, janë dënuar, dënohen, ata që kapen dhe provohen. Thelbi në këtë histori është që Greqia nuk ka asnjë të drejtë. Ne kemi një drejtësi për të gjithë dhe jo e ndarë, nuk është një çështje e minoritetit”, tha Rama.

Shkruan: Shqipe HOXHA

Kaonët pretenduan se shtëpia e tyre mbretërore ishte me origjinë Trojane, duke pohuar prejardhjen përmes heroit Chaon i cili i dha emrin e tij Kaonisë. Historitë nuk janë të qarta nëse ai ishte mik apo vëllai i Helenit, birit të Priamit të Trojës, por në të dy rastet, ai e shoqëroi atë në gjykatën e Neoptolemusit, birit të Akilit, i cili u besua me themelimin e qytetit të Butrintit.

“The Chaonians claimed that their royal house was of Trojan descent, asserting ancestry through the eponymous hero Chaon who gave his name to Chaonia. The stories are unclear as to whether he was the friend or the brother of Helenus, the son of Priam of Troy, but in either case, he accompanied him to the court of Neoptolemus, the son of Achilles who was credited with founding the city of Buthrotum.”

Virgil. Aeneid, 3.295.

Fqinjët e Kaoneve, Molosët dhe Thesprotët, gjithashtu pohuan prejardhjen e Trojanit.e sygjeruar që origjina shumë e ngjashme me origjinë kaone mund të ketë lindur si përgjigje ndaj vetëpërcaktimeve të Molosëve dhe Thesprotëve.

“The Chaonians’ neighbours, the Molossians and Thesprotians, also asserted Trojan ancestry. It has been suggested that the very similar Chaonian origin-myth may have arisen as a response to the self-definitions of the Molossians and Thesprotians.”

Malkin 1998, p. 138.

Historitë në lidhje me vdekjen e Chaonit janë aq të paqarta sa ajo e marrëdhënies së tij me Helenin. Kaoni u vra ose në një aksident gjuetie ose u ofrua si flijim perëndive gjatë një epidemie, duke shpëtuar kështu jetën e bashkatdhetarëve të tij. Në të dy rastet, kur Heleni u bë sunduesi i vendit, ai emëroi një pjesë të mbretërisë pas Kaonit.

“The stories concerning Chaon’s death are as unclear as that of his relationship to Helenus. Chaon was either killed in a hunting accident or offered himself as a sacrifice to the gods during an epidemic, thus saving the lives of his countrymen. In either case, when Helenus became the ruler of the country, he named a part of the kingdom after Chaon.”

Grimal & Maxwell-Hyslop 1996, “Chaon”, p. 98.

Kalaja e Porto Palermos është një kështjellë afër Himarës në jug të Shqipërisë.

Nuk kanë fund abuzimet me vjedhjen ndaj shqiptarëve sa i takon çmimeve të karburanteve. Shqipëria ka çmimet e karburanteve më të shtrenjta se vendet e rajonit dhe atyre në botë, edhe pse çmimi i naftës është ulur në tregjet ndërkombëtare rreth 20% përgjatë 2 muajve të fundit. Më konkretisht në fillim të kësaj jave nafta Brent tregtohej në kufirin e 78 dollarëve për fuçi, duke rënë me afro 18% krahasuar me çmimin për fuçi në muajin shtator, i cili ishte 96.55 dollarë. Konkretisht, ditën e hënë, gazoili në bursën e Londrës tregtohej me çmimin e afro 793 USD për ton, vlerë kjo ndjeshëm më e ulët se niveli i dy muajve më parë, i cili ishte pothuajse 1000 USD/ton.

Ndërsa çmimet me pakicë në Europë dhe tregjet ndërkombëtare kanë ndjekur trendin e bursës, duket se në Shqipëri po ndodh e kundërta, ku çmimi me pakicë në pikat shitëse të karburantit në Shqipëri, vijon të mbetet i pandryshuara dhe shumë pranë nivelit të 200 lekëve për litër. As forcimi i lekut kundër dollarit të ditëve të fundit nuk ka sjellë uljen e çmimeve. Në fillim të kësaj jave dollari amerikan këmbehej më 93.6 lekë, duke rënë 7% nga vlere e fillimit të nëntorit. Tregu i karburantëve ka një varësi të lartë nga importet. Shifrat e analizuara nga Autoriteti Konkurrencës tregojnë se tre kompani në vend zotërojnë 75% të tregut të naftës me shumicë. Ndërkohë nga një studim i Global Petrol Prices, Shqipëria renditet e 5-ta në botë për çmimin më të shtrenjtë të naftës, ku një litër naftë kushton 197 lekë, 73 lekë më shtrenjtë sesa çmimi mesatar në rang botëror.

Kush po abuzon në “kurriz” të qytetarëve?

Por teksa në Shqipëri çmimi i naftës mbetet i pandryshuar dhe për këtë arsye, ekspertët ngrenë dyshime, që në vendin tonë, tregtarët operojnë si kartel. “Që në momentin që hoqi dorë bordi i transparencës u bë një përqendrim apo kompani të tregtimit në shumicë dhe në pakicë të naftës po formohet një formë karteli dhe kjo është më se evidente. Diferenca në çmime nga një kompani në tjetrën janë zhdukur pothuajse fare”, deklaroi eksperti i ekonomisë, Klodian Muço.

Po ashtu, Muço theksoi distributorët e naftës në Shqipëri paracaktojnë çmimet, duke dëmtuar kështu konkurrencën e lirë në treg. “Në qoftë se ne në të kaluarën diferenca nga 1 lekë deri në 10 lekë nga një distributor te tjetri sot këto diferenca nuk ekzistojnë më. Abuzojnë tregtarët qoftë ata të shumicës si dhe të pakicës”, u shpreh ai. Kujtojmë se Autoriteti i konkurrencës në një studim të industrisë në 2022 evidentoj gati asnjë parregullsi në zinxhirin e distribucionit të naftës, ndërkohë që ky sektor sipas ekspertëve zotërohet gati 75% nga tre kompani të mëdha në vend. Ndërkohë ekspertët apelojnë për një monitorim të shtuar. “Autoriteti i konkurrencës duhet ta monitoroj këtë fenomen. Si ka mundësi që çmimet në tregjet ndërkombëtare po bien, dollari është zhvlerësuar në raport me monedhën tonë vendase dhe çmimet në treg mbeten pothuajse të njëjta. Kur kemi tendencë rënëse çmimet në tregun shqiptar reagojnë shumë me vonesë, ndërsa kur ato rriten çmimet në vend reagojnë pothuajse menjëherë”, nënvizoi Klodian Muço.

Një ndër lajmet më të komentuara gjatë ditëve të fundit ka qenë vizita e kryeministres së Italisë në Serbi dhe deklarata për fabrikën e Fiatit në shtetit ballkanik.

Kryeministri Rama u pyet për marrëveshjen e emigrantëve dhe u shpreh se emigrantët nuk kanë asnjë lidhje me jetën sociale të Shqipërisë.

“Emigrantët do të vijnë, do të shkojnë në një qendër të mbyllje pritjeje dhe nuk kanë asnjë lidhje me jetën sociale të Shqipërisë.

Emigrantët dalin nga kampi për të ikur drejt aty ku e kanë objektivin. Ata nuk dalin në autostradë dhe bllokojnë autobusët, gjejnë rrugët dhe ikin. Qendrat e mbyllura nuk janë një zgjidhje ideale. Por ne nuk mund t’i japim zgjidhje një problemi Europian”, tha Rama.

Ndërkohë, ai u shpreh se marrëveshja për fabrikën e Fiatit në Serbi daton që pas viteve 1990. “Italia nuk çon fabrika gjëkundi. Fabrikat i çon biznesi. Marrëveshja me Fiatin daton që pas viteve 90, pas luftës”, tha Rama në A2 CNN.

Publikohen pamjet ku shihen automjetet në të cilat është transportuar 14-vjeçarja Vanja Gorçevska (Gjorçevska) pas rrëmbimit të saj.

Nga pamjet e kamerave të sigurisë, shihet kur dhe si ka ardhur vajza në fshatin Brazdë, si dhe kohën e saktë se kur i është djegur automjeti. Rreth orës 7:55, një makinë kalon në këtë rrugë të frekuentuar ndërsa automjetit i është djegur rreth orës 09:37.

Makina është filmuar duke nxituar drejt fshatit Brazdë, në momentin kur ka qenë në Vizbegovë, e cila është rreth 15 minuta larg vendit ku është gjetur trupi i Vanjës. Nuk dihet nëse në automjet ndodheshin Vanja e rrëmbyer, Ljupçe apo ndonjë nga të dyshuarit tjerë.

Në video shihet se në “citroen” ka qenë një shofer dhe një pasagjer, të veshur me kapele të zeza, por edhe se pjesa e pasme e veturës duket bosh, edhe pse shihet diçka që të kujton një çantë të bardhë, transmeton Blic.

Kamera, e cila është vendosur në një pronë private, tregon Renault Kango duke kaluar i pari dhe më pas Citroen i vjedhur.

https://m.facebook.com/61552379591530/videos/383388674111438/?ref=embed_video

41-vjeçari i ekzekutuar ditën e sotme në Fier, Elton Javori, është nipi i Demir Backës, shkruanklan.

Mediet shkruajnë se ngjarja dyshohet se ka ndodhur për motive të dobëta, Elton Javori, dyshohet se u vra me pistoletë pas një krushqie të prishur.

Kujtojmë se Demir Backa u vra në një atentat më 23 Tetor të 2021-it pranë një qendre tregtare në Fier. Backa është vëllai i një ish-anëtari të bandës së Fierit i vrarë në 1997, Medi Backa. Ky i fundit u vra në masakrën e Levanit bashkë me 23 persona të tjerë.

Fisi Backa, me të cilin raportohet se ka lidhje viktima është me origjinë nga Kosova e banim të hershëm në Fier si dhe janë mjaft të fuqishëm ekonomikisht në këtë qytet, të konsideruara ndër 2 familjet më të pasura.

Demir Baçka njihej në Fier gjerësisht për shkak të historive nga e kaluara, por edhe bizneseve të tij të cilat shtriheshin deri në zonat bregdetare në jug të vendit.

Deputetja e Partisë së Lirisë, Monika Kryemadhi, ka ankimuar në Gjykatën e Posaçme një sekuestrim të kryer nga ana e SPAK, nuk dihet nëse bëhet fjalë për pasuri apo send në emër të saj.

Ende nuk dihet se çfarë është vendosur në sekuestro ndërsa seanca po zhvillohet në Gjykatën e Posaçme nga gjyqtari, Erjon Çela dhe prokurorin e posaçëm Sotir Kllapi.

Mësohet se Kryemadhi nuk është paraqitur këtë të enjte por përfaqësohet nga avokati, Redi Llanaj.

SPAK ka nisur më herët verifikim në lidhje me një kallëzim për disa ndërhyrje estetike që ka kryer Kryemadhi ndërsa nuk ka deklaruar pagesat që ka kryer.

Në Rusi një nxënëse 14-vjeçare qëlloi për vdekje dy nga shokët e klasës në një shkollë në qytetin Bryansk,

dhe më pas vrau veten.

Siç raportojnë mediat e huaja si pasojë e të shtënave kanë mbetur të plagosur dhe 4 persona të tjerë.

Policia ka deklaruar se vajza qëlloi me armën e babait të sajë dhe se shkaqet e ngjarjes janë ende nën hetim.

Kompania norvegjeze e prodhimit të anijeve, Ulstein, duket se është një hap më pranë ndërtimit të mjeteve lundruese të së ardhmes.

Anija e re e projektuar prej saj, është quajtur Thor – sipas perëndisë vikinge të vetëtimave dhe elementit radioaktiv torium – që do të furnizojë me energji reaktorin e saj bërthamor.

Sipas projektit, mjeti lundrues 152 metra i gjatë, nuk do të ketë nevojë kurrë për t’u furnizuar me karburant dhe do të arrijë të krijojë vetë të gjithë energjinë elektrike që duhet për të funksionuar. Madje, do të ketë energji të mjaftueshme edhe për të mbajtur në lëvizje anijen shoqëruese, të quajtur Sif – sipas një tjetër perëndie vikinge, që ishte edhe bashkëshortja e Thor.

Thor do të përdorë një reaktor bërthamor të testuar fillimisht në vitet 1960, që përdor edhe kripëra në gjendje të lëngshme si karburant. Sipas shkencëtarëve kjo do të jetë një mënyrë shumë më ekologjike lundrimi, por edhe shumë më e sigurt.

Edhe pse është anija kryesore, Thor ka një kapacitet prej 60 pasagjerësh, ndërsa Sif, mund të mbajë 80 pasagjerë dhe 80 personel.

Të dy anijet kanë një kiç të pazakontë, të quajtur kiçi X, i cili përdoret në rreth 100 anije në të gjithë botën. Sipas kompanisë Ulstein, ky kiç e bën anijen më të qëndrueshme, duke sjellë edhe ulje të konsumit të energjisë, përveç se e bën më të sigurt udhëtimin, pavarësisht dallgëve që përplasen mbi të.

Aftësia e Thor për të prodhuar energjinë elektrike i jep mundësinë anijes të shërbejë edhe si central energjetik për qytete portuale apo zona të tjera në rast fatkeqësish natyrore.

Anija gjithashtu ka dronë dhe pista për uljen e helikopterëve, që mund të jetë e nevojshme në rast operacionesh kërkim-shpëtimi.
Por pavarësisht të mirave që kjo anije premton, sipas prodhuesve do të duhet të kalojnë disa vite – rreth 10 ose 15 – para se të bëhet realitet.

SHIKO VIDEON KËTU

Një polic amerikan është kapur nga kamerat e sigurisë duke i fotografuar të pasmet e një gruaje.

Një grua në një koncert të Drake në Houston të Teksasit u trondit kur vërejti një oficer policie duke marrë një pamje të pr,apanicës së një gruaje tjetër pa dijeninë e saj.

Personat e shokuar që ishin aty prezent fotografuan incidentin e mërzitur, i cili më pas tregon policin duke admiruar foton e tij.

Departamenti i Policisë së Hjustonit ka hapur një hetim për këtë çështje.