Ka nisur sot një debat i forte mes Ilnisës dhe Ledjonës, dy banoret kanë kaluar në ofendime dhe tone të larta me njëra-tjetrën.
Teksa Ilnisa i thotë Ledjones që të bëjë ndonjë punë më të ndershme se sa të atakoj dhe sulmojë atë, Lediona e pyet se kush është punë e ndershme sipas saj të futet poshtë jorganit.
Debati:
Ilnisa: Kush je ti ? Kush je?
Ilnisa: Unë ty nuk te kam ofenduar asnjëherë.
Ledjona: Pse e përgojon ata që korrin misër janë më të ndershmit
Ilnisa: Do besh një punë me të mirë, më të ndershme se sa të rrish të më atakosh mua
Ledjona: Kush është me e ndershme sipas teje të rrish poshtë jorganit
Ilnisa:Shko me mire të korrësh misër se sa të merresh me mu të me tregosh mua nivelin
“Parketi i blerë tek `Delta Home` u bë gropë brenda dy javësh, qytetarja nxjerr fotot
Qytetarët ankohen javët e fundit dhe muajt e fundit për produktet që kanë blerë tek kompania Delta në Tiranë.
Në seksionin e posacëm të Google ku qytetarët shkruajnë përshtypjet e tyre për shërbimin dhe produktet që kanë zgjedhur, qytetarët ankohen për cilësinë e artikujve dhe për shërbimin.“Cilesi SKANDALOZE! Qendrojini larg ketij dyqani te degjeneruar! Hajduta! Parketi i sapo blere nga me “cilesori” sipas tyre eshte bere per tu nderruar mbas 2 javesh jetese ne shtepi!
Kemi jetuar ne shtepi qe kane parkete prej 20 vitesh dhe kurre skane pesuar demtim nga jetesa normale! E tmerrshme eshte pak te thuash! Pervec ketij problemi, gjithcka te blere ketu duhet ta kontrolloni mire pasi mungojne produkte neper kutite qe shesin! Mu desh te riblija dy pjese te dushit qe mungonin te cilat ishin goxha te
kushtueshme…Hajduta eshte pak tu thuash ketyre monstrave! Duhet te kisha lexuar revieë me heret!”, shkruan Dina X, tri jave me pare.
Ajo ka publikuar edhe fotografitë e produktit, parket, dhe shenjat e dëmtimit të tij.
Një muaj më parë, Besiana është ankuar për pllakat:
Kam mare pllakat dhe hidrosanitret ketu dhe nuk do ja sygjeroja asnjerit. Nuk jane fare profesionist pasi mbasi ke humbur gjith kohen duke porositur dua kete dua ate ne fund kur do paguanim filluan te nxirnin gjera qe jo kete se kemi jo as kete. THJESHT HUMBJE KOHE Trasporti te cilin e paguam ekstra dhe qe kane per detyre ti zbresin nga makina AS NGA MAKINA nuk i zbrisnin per ti vene poshte pallatit. Madje as nuk i kishin mbuluar me dicka pasi ishte dite me shi dhe pllakat mund ti merje nje nga nje pasi cdo gje ishte e lagur. KINI KUJDES SEPSE GJITHMONE DUAN TE PERFITOJNE NGA SITUATAT Do vendosja 0 por ska mundesi ta besh.
Ndërkohë, shtetasi G.Z, 11 muaj më parë shkruan:
Eksperience shume e keqe me blerjet e mia. Zakonisht nuk më pëlqen të bëj revieë të keqe per inat, por kjo ishte e vetmja mënyrë qe mund të shprehja pakenaqesite e mia.
Pasi bleva me kerkese se firmes se ndertimit para 8 muajsh te gjithe pllakat e parketin tek Delta. Kompania e ndertimit na i shtroi pllakat e parketin me vonese dhe tani Delta thote qe ka kaluar shumë kohë dhe nuk mund te na i ktheje me.
Kjo pasi na kishin shitur nga 10% sasi pllakash e parketi me shumë me premtimin se do mund ti kthenim. Nese ndonjëherë do bleni pllaka te këta kujdes, duhet ti shtroni brenda dy javësh per ti kthyer ndryshe kalon koha dhe nuk i kthejne me. Kete gje nuk ta thone ne fillim, ta thone kur ti shkon e i kthen.
Gjithashtu me kanë sjellë nje pllake me defekt dhe prapë se prapë as nuk e morën parasysh.
Një 32-vjeçar shqiptar, i shpallur në kërkim për vrasjen e Hemawand Ali Hussein, është arrestuar në Belgjikë, ndërsa autoritetet britanike vijojnë kërkimet për dy të tjerë.
I riu shqiptar u arrestua nga policia në Belgjikë pas punës së përbashkët me Policinë e Cleveland, partnerët ndërkombëtarë dhe Agjencinë Kombëtare të Krimit (NCA).
Hussein, një kurd që ishte baba i dy djemve u qëllua në kokë nga një distancë e afërt me një armë gjahu në Hartlepool në shtator 2019. Për këtë ngjarje, policia britanike po kërkon edhe dy shqiptarët: Sajmir Dodoveci, 38 vjeç dhe Armando Marku, 24 vjeç.
Deri më tani, katër anëtarë të bandës shqiptare janë dënuar për vdekjen e Hussein të shtunën e 14 shtatorit 2019. Eugert Merizaj, 33 vjeç, u shpall fajtor për vrasje në mars 2022 dhe u dënua me 32 vjet burg, Noza Saffari, 42 vjeç, u dënua me 15 vjet burg, Dorian Pirija, 36 vjeç u dënua me 19 vjet dhe Qazim Marku, 28 vjeç u dënua me 19 vjet.
Një tjetër burrë që doli në gjyq për vrasjen u lirua nga të gjitha akuzat.
Siç është raportuar më parë, Hussein i cili jetonte në Billingham me partneren e tij, Jennifer Buller dhe dy djemtë e tyre u qëllua për vdekje pasi u josh në një shtëpi në Hartlepool nën pretendime të rreme. Incidenti ndodhi pasi Hussein iu tha se shtëpia mund të ishte e përshtatshme për rritjen e kanabisit dhe ai ra dakord të hidhte një sy. Hamawand Ali Hussein i cili kishte shërbyer me forcat ushtarake Peshmerga të Guvernatorit Rajonal Kurd në Irakun Verior, ishte një snajperist i aftë kurd dhe iu bashkua vijës së parë në betejën globale kundër grupit militant të Shtetit Islamik. Hamaand, i cili ishte me origjinë nga Kurdistani, më pas u zhvendos në Mbretërinë e Bashkuar.
Stafi i JOQ-së ka qenë në kontakt me të dyja palët dhe pas verifikimeve bëri të mundur komunikimin mes djalit dhe babait.
“Për Zotin, u bëra vetë me emocione kur e pashë dhe jam i sigurt që do pritet me gëzim në familje”-shkruan vëllai i Bashkimit.
“Ju jemi shumë mirënjohës dhe falënderues JOQ dhe jemi shumë të lumtur që më në fund e gjetëm babain e Rudit përmes jush. Faleminderit shumë” – shkruan Sabina, bashkëshortja e djalit që kërkonte babain.
Si ishte historia e tyre?
Mund t’ju duket si një skenar filmash por është historia e jetës së një 27-vjeçari gjerman. I riu kontaktoi me redaksinë e JOQ Albania për të gjetur babanë e tij shqiptar.
Ai nuk e kishte takuar kurrë atë dhe ka mësuar për të vetëm një muaj më parë nga nëna e tij sllovake.
Çifti u njohën nëpërmjet një miku në Prill të vitit 1996 dhe vazhduan bashkë deri në Dhjetor kur Bashkimi u fut në burg. Vajza nga Gelnica, Sllovaki i kishte thënë të dashurit të saj se priste një fëmijë me të një ditë para se Bashkimi të burgosej. Një vit më pas, në Gusht lind Rudi por e ëma kishte humbur çdo kontakt me të dashurin shqiptar, babain e tij.
Në prag të Ditës së Shën Valentinit, një oficer policie në Peru, i maskuar si një nga personazhet e serialit të animuar Care Bears, simuloi dërgimin e luleve dhe çokollatave tek një grua që dyshohet se shiste drogë në Lima.
Policë të tjerë u maskuan si punëtorë për të detyruar shitësen e dyshuar të drogës të largohej nga shtëpia e saj.
Pasi pa arushin pelushi me dhuratat, gruaja largua nga shtëpia e saj dhe doli jasht, gjë që çoi në arrestimin e saj. Policia tha se dy grave u gjetën me më shumë se 1500 porcione kokaine gjatë arrestimeve.
Kjo metodë arrestimi nuk është e panjohur në Perus. Krishtlindjet e kaluar, një nga oficerët e tyre u maskua si Santa Claus për të kapur kriminelët.
I ftuar në emisionin “Big Brother Radio” qenë artisti i njohur, Stresi për të bërë një analizë të lojës së banorëve dhe për të dhënë mendimin e tij për videot më të spikatura gjatë 24 orëve të fundit në shtëpinë e BBV.
Duke qenë se Stresi e ka provuar si eksperencë, çfarë ndodh kur je në nominim?
“Ka disa arsye pse je në nominim. E para është sepse disa lojtarë nuk të pëlqejnë dhe të çojnë në nominim. Vjen edhe nga votat e publikut, kur nuk je votuar dhe aq. Njerëzit kur janë në nominim dalin edhe nga vetja, unë kam qenë shumë i qetë sa herë kam qenë në nominim.”
Cilat janë strategjitë që duhet të kesh aty brenda për të qenë i suksesshëm në lojë sipas Stresit:
“Strategjia është që duhet të godasësh me një gur dy ose tre zogj. Duhet të jesh shumë realist, kush është vetvetja dallohet aty. Është një vend ku ashtu je edhe jashtë, si reagon brenda mund të jesh edhe si person jashtë i tillë. Duhet të guxosh.”
Në lidhje me debatin e Ilnisës dhe Ledjonës, Stresi bëri një analizë për të dyja vajzat ku u shpreh se:
“I kam ndjekur dhe mendoj se Ilnisa është një matkë, pra një gocë e hedhur le të themi, e shkathët, e zgjuar e njeh qytetin e Tiranës mirë, ka shoqëri të zgjeruar ashtu si mendoj unë. Ledjonën nuk e njoh shumë realisht, por është një vajzë e guximshme, mendoj që duhet të japë më shumë në këtë format.
Ilnisa është vajzë e përgatitur me jetën. Është ironike, i shkon BBV dreqit (qesh) por ajo puna e martesës ishte gjë e gabuar. Nuk më pëlqeu. Flas si publik. “
Teksa po diskutonin në lidhje me kriteret që duhet të plotësojë partnerja e re e Stresit Elona i drejtoi një pyetje:
Elona: Ke patur ndonjëherë marrëdhënie me ndonjë nga gocat që është brenda në Big Brother?
Stresi: Që janë aktualisht në BBV3? Po me dy. Ç’rëndësi ka. Nejse.
Policia e Tiranës ka zhvilluar këtë të enjte një operacion për goditjen e veprimtarive kriminale në fushën e narkotikëve dhe të mbajtjes pa leje, të armëve të ftohta.
Në pranga kanë përfunduar dy vëllezër të cilët tregtonin lëndë narkotike, armë të ftohta dhe sende të kundërligjshme.
Në cilësinë e provës material u sekuestruan dhe doza kokaine e heroine, mjete për konsumimin e lëndëve narkotike, një shufër metalike, një detektues përgjuesish dhe 2 celularë.
Operacioni u zhvillua dhe me ndihmën e dronit, ku siç shihet dhe në videon e mëposhtme policia ka monitoruar momentin e shkëmbimit të lëndës narkotike.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
“Shërbimet e Komisariatit të Policisë Nr. 4, në zbatim të planit të masave për kapjen e shtetasve në kërkim dhe të atyre që qarkullojnë me sende të kundërligjshme, bazuar dhe në informacionet e siguruara nga inteligjenca informative, kanë organizuar dhe finalizuar operacionin policor të koduar “Brothers”.
Si rezultat u bë arrestimi i shtetasve A. K., 36 vjeç dhe M. M., 37 vjeç (vëllezër), të dy banues në Tiranë.
Gatë kontrolleve fizike ndaj tyre dhe kontrolleve në banesë, shërbimet e Policisë gjetën dhe sekuestruan sasi të lëndëve narkotike kanabis, kokainë dhe heroinë, mjete për konsumimin e lëndëve narkotike, një shufër metalike, një detektues përgjuesish dhe 2 aparate celularë.
Nga veprimet hetimore dyshohet se dy vëllezërit, pasi siguronin lëndët narkotike, i ndanin ato në doza të cilat i shitnin më pas, në zonën e Alliasit”, thuhet në njoftimin e policisë.
E lindur 36 vite më parë pa një barkushe në zemër, tani është bërë nënë e binjakëve.
Ky është një nga 4 rastet e rralla në botë dhe i pari në Itali. Ngjarja e jashtëzakonshme ndodhi në Romë, falë vendosmërisë së të resë dhe punës së përbashkët të specialistëve të Spitalit Pediatrik Bambino Gesu, të cilët e kanë ndihmuar që në fëmijëri për shkak të sëmundjes së rëndë kongjenitale të zemrës dhe Spitalit Universitar Gemelli, ku u krye operacioni cezarian.
Nëna dhe binjakët gëzojnë shëndet të plotë.
“E dija që rrezikoja shumë me një gjysmë zemër, por doja të bëhesha nënë. Lindja e binjakëve ishte një emocion i papërshkrueshëm.”
Lindja e binjakëve, të dy me peshë 1.4 kg, u bë me prerje cezariane në Poliklinikën Gemelli në javën e 34-të të shtatzënisë, pak ditë përpara datës së pritshme të lindjes.
Pas vetëm dhjetë ditësh shtrimi në spital, sipas Spitalit Bambino Gesu, nëna dhe fëmijët mundën të ktheheshin në shtëpi. Nëna e binjakëve ka lindur me një zemër që i mungon barkushja e djathtë, pjesa e muskujve të zemrës që shtyn gjakun drejt mushkërive për oksigjenim.
Është një sëmundje komplekse kongjenitale e zemrës që kërkon një sërë ndërhyrjesh korrigjuese, brenda viteve të para të jetës.
Në këtë rast specifik, pacientja iu nënshtrua një operacioni të vetëm në moshën 4-vjeçare për të ndërtuar një sistem qarkullimi alternativ, të quajtur Fontan, i cili sjell gjak nga vena direkt në mushkëri, pa kaluar nëpër zemër.
Qarkullimi i mbështetur nga një barkushe e vetme kërkon terapi dhe kontrolle të rrepta gjatë gjithë jetës; në 5% të rasteve arrihet transplanti.
“Vazhdo jepi gojës, dhe do gjesh kufomën e djalit tënd”-ishte mesazhi kërcënues që ka marrë eksperti i IT-së Gent Progni në platformën që ai vetë ka ngritur për personat që të mos kenë frikë nga kërcënimet.
Në një studio televizive i përlotur, eksperti tregoi se është kërcënuar për të tretën herë, madje edhe bashkëshortes i kanë vendosur një GPS në automjet.
“Unë kam tre vjet që flas për këtë gjë. Arsyeja pse denoncoj vjedhjen e parave në teknologji është për të ngritur zërin që teknologjia po bëhet çdo ditë me e rëndësishme, sidomos në vende si Shqipëria që nuk i japin rëndësi teknologjisë, por kur e kuptojnë bëhet e madhe… 80% e userave përdorin TikTok, të jep mundësinë ta përdorësh pa hapur llogari, pa pasur një adresë e-mail dhe numër telefoni. Përdorimi është i madh, marketingu është falas dhe shumë i thjesht. Nisi me paratë false, shitjen e drogës, udhëtimet me gomone në Angli, kaloi në sherre, prishje familjesh, komshitë shantazhonin njëri tjetrin për marrëdhëniet bashkëshortore. Gjithmonë marrin një foto, është aq problematike sa vetëm në ekspertët e dimë sa problematike është. Unë marr qindra mesazhe qindra e-maile si të shpëtoj nga shantazhet në Tik Tok. Është e vështirë, por jo e pamundur. Shteti ynë nuk ka struktura dhe ligje të sakta. Jo më larg se tre ditë më parë, isha vetë pjesë e një denoncimi për kërcënim kibernetik. Hasa vështirësi dhe unë që jam ekspert në mënyrën si u trajtua situata ime në polic. Nëse to nuk vepron në kohë reale, është e pamundur të zbulosh kush fshihet pas asaj llogarie TikTok. Policia më tha që ne do bëjmë letrat, kismet të hënën ose të martën, unë i thash nëse nuk veproni tani nuk e kap dot më. Sidomos me networkun shqiptar, kompanitë nuk i kanë strukturat e duhura. Ky është kërcënimi i tretë, më është vendosur edhe një GPS në makinën e bashkëshortes”-deklaroi eksperti.
Zëvendës ministri i Brendshëm, Besford Lamallari i ftuar në Top Story deklaroi se Qeveria është duke marrë masa të forta për rrjetet sociale, kryesisht TikTok, i cili së fundmi është bërë burim krimesh.
Sipas ministrit, veprat penale të sulmeve kibernetike janë rritur, një faktor ky i rëndësishëm që solli reagim.
“Ministria e Brendshme disponon të dhëna të raportuara nga struktura e krimit kibernetik dhe kemi parë rritje shqetësuese të veprave penale nga viti në vit. Nga 2022 në 2023, kemi 40.4 % rritje të veprave penale, duke përfshirë edhe veprat që kërcënojnë mirëqenien e të miturve. Në takimin e fundit me ministritë dhe shoqëritë civile u raportua se kishin 350 telefonata në ditë për bullizëm, apo internet të pasigurt”, tha Lamallari.
Ministri shpjegoi se ministria ka biseduar më përgjegjësit e rrjeteve sociale dhe i kanë informuar mbi shqetësimin real që kryesisht të miturit po kalojnë. Lamallari bën të ditur se do të ketë edhe takime me ta.
“Nga këto të dhëna, është ulëritëse që kemi një jetë të humbur dhe ne si shoqëri, Ministra e Brendshme, çdo institucion dhe media po reagojnë, sepse nuk duhet të presim viktimin e radhës, duke përfshirë masat me karakter legjislativ apo bashkëpunim me organizata. Ky alarm është ngritur nga këto statistika, kemi pasur kontakte me këto organizma si Meta TikTok për të ndarë me ta shqetësimet që ne kemi dhe masat që duhen marrë. I kemi lajmëruar dhe kanë reaguar, shumë shpejt do të kemi dhe takime për të diskutuar për masat”, tha ai.
