Finalistja dhe pretendentja për fitoren e ”Big Brother Albania Vip 3”, aktorja Egla Ceno ka një karrierë të larmishme dhe jo të gjithë e dinë se ajo ka qenë pjesë edhe e serialit televiziv më të shikuar italian, “Cento Vetrine” apo i njohur në shqip si “100 Vitrinat”.
Në një intervistë të para gjashtë viteve për “Panorama”, Egla ka zbuluar disa detaje nga eksperienca e saj në këtë serial ku ka interpretuar një rol të vogël: ”Te ‘100 vitrinat’ kam pasur një rol të vogël të një gruaje që kishte vrarë burrin. Më shumë e gëzuar ndihej komshia ime, Caterina në fakt dhe e tregonte duke më ulëritur nga kopshti i saj: ‘Eglaa je te 100 Vitrinat!’”.
Egla ka jetuar një periudhë të gjatë në Itali dhe para 10 vjetësh është rikthyer sërish në Shqipëri. Gjatë qëndrimit të saj mbi 100 ditor në shtëpinë e “Big Brother VIP Albania”, ky fakt nuk është vënë në pah dhe Egla nuk ka folur shumë mbi këtë periudhë të rëndësishme të jetës së saj.
Analisti Arben Meçe i ftuar në një emision televiziv u shpreh se dy faktorë kanë dëmtuar imazhin e Shqipërisë dhe ato janë : kriminalizimi i politikës nëpërmjet grupeve kriminale dhe korrupsioni në nivele të larta në administratë.
Ai theksoi se këto dy faktorë janë bërë pengesë kryesore për ecurinë e vendit drejt Evropës.
“Shqipëria në momentin që flasim paralizohet për kriminalizimin të politikës nëpërmjet grupeve kriminale dhe janë me dhjetëra artikujt të tillë. Së dyti, për një korrupsion të lartë endemik në administratë. Këto janë pengesa për Shqipërinë, për tu futur në ato struktura që ne duhet të futemi sa më shpejt. Duhet një vullnet që ta zhveshë politikën nga strukturat kriminale dhe korrupsionit. Cili është instrumenti? I pari është vullneti dhe së dyti ky kriminalizimi i grupeve kanë prodhuar një imazh, i cili në perceptimin e shoqërisë është imazh suksesi”, tha ai.
Ai shtoi se grupet kriminale që janë vënë në shënjestër të SPAK duhet të çmontohen sa më parë. Sipas tij, kjo duhet të jetë një agjendë shtetërore, me qëllim që të goditet çdo fije krimi.
“Tashmë ato po bëhen të evidentuar se po goditen dhe po i nxjerrë në treguan mediatik në mënyrë ligjore SPAK. Atëherë, prania e vullnetit politik për ta spastruar Shqipërinë nga këto dy faktorë është themeli kryesor i gjithë kësaj çfarë po ndodh tani. Instrumenti i pastrimit është SPAK. Marrin prioritet ato faktorë që dëmtojnë realisht Shqipërinë. Kush janë faktorët që dëmtojnë realisht Shqipërinë? Berisha dhe Meta janë futur në konservim, dhe ata nuk janë të dëmshme për shoqërinë, por kur them konservim nuk do të thotë se janë harruar. Këta grupet kriminale janë të rrezikshëm dhe duhet të spastrohen sa më shpejt, përbejnë prioritet të politikës shtetërore”, tha ai.
Është zbuluar identiteti real i shqiptarit të arrestuar dje si kreu i grupit kriminal që trafikonte drogë nga Amerika Latine në Greqi, teksa dy shqiptarë dhe një grek u kapën me 210 kg kokainë të ardhur nga Panamaja.
Ai është Azdren Muharremi,48 vjec nga Patosi. Ai rezulton se ka përdorur tre pasaporta shqiptare, një me emrin Azdren Qazim Muharremi të lëshuar më 19.10.2022 dhe me mbarim në 18.10.2032, një me emrin Jasona Panajot Mërkuri lëshuar më 17.09.2013 dhe një me emrin Andrea Panajot Mërkuri me numër Z2….79.
Muharremi në Greqi njihej me emrin Andrea, emër me të cilin është arrestuar më parë për drogë në Turqi, nën identitetin Andrea Mërkuri, 54 vjec, lindur në Gjirokastër, ndërsa ishte i shpallur në kërkim prej vitit 2017 në Greqi dhe më pas i dënuar me 20 vjet burg dhe 100 mijë euro gjobë për drogë nën identitetin Jasona Mërkuri, 54 vjec, lindur në Gjirokastër.
Nën identitetin e fundit rezulton edhe pronar i një biznesi shitje rrobash tek “Rruga e Durrësit” në Tiranë të rregjistruar në maj 2015. Veç identiteteve shqiptare, Muharremi kishte edhe dokumenta greke nën emrat Andrea apo Jasona Mërkuri.
Gjatë kontrollit të banesës, Muharremit i janë gjetur 1 pistoletë me 15 fishekë dhe 129 mijë e 375 euro si dhe 30 paund.
Personi i dytë i arrestuar është Marsel Stafaj, 36 vjec nga Tirana, i njohur në Greqi si “Majk”, banues në Kalithea të Athinës. Stafaj rezulton se jetonte ilegalisht në Greqi. Atij i janë sekuestruar 1800 euro.
Gazetari Sokol Dema teksa tha disa detaje nga aksioni i SPAK ndaj kokave të krimit shtoi se pritet që të ndërmarret një tjetër hetim dhe megaoperacion si ‘Revanshi’, brenda këtij viti.
‘Nuk dihet nëse është autori i vrasjes së Aleksandër Ndokës. Flitet se vetë Durim Bami ka shprehur gatishmërinë për të shkuar për të folur me Arben Ndoka. Mesa duket ka zgjedhur të largohet. Që në momentet kur ishte i dyshuar për ngjarje kriminale, policia e ndalonte. Por i dyshuar mbetet edhe për atentatin e vrasjes së Bejtjas në mars të këtij viti. Gjithë këto vrasje e justifikojnë kërkesën e këtyre bandave kriminale për ta eleminuar. Vetëm për dosjen në fjalë janë më shumë se 20 fashikuj, imagjinoni sa shumë komunikime. Një fashikull ka 100-200 faqe.
Imagjinoni sa material ka tashmë SPAK. Sa herë SPAK kërkon ndihmë tek autoritetet franceze. Pa diskutim për këto ngjarje kriminale, mendohet se janë ngjarje që mund të zbardhen vetëm përmes kësaj mënyrë. Sky do jetë thesar i madh për zbardhjen e këtyre ngjarjeve. Në fazat më të mëvonshme do ketë goditje të grupeve kriminale në Elbasan, Vlorë, Fier.
Një ngjarje në Fier, u zbulua pasi nuk ishte kuptuar kush e kishte porositur. Pritet të ketë operacione të tilla. Ka shumë efektivë që dyshohet se kanë qenë pjesë e këtyre aplikacioneve dhe po dalin nga SPAK. AMP nuk e ka fuqinë të godas në këtë rang. Brenda 2024 SPAK do godas me një operacion të ngjashëm.’
Shanset e Shqipërisë për të bindur Barjan Grudën të veshë në të ardhmen fanellën kuqezi kanë pësuar një goditje nga vendimi i fundit i Julian Nagelsman.
Trajneri i përfaqësueses gjermane, ka vendosur të grumbullojë talentin shqiptar për stërvitje me ekipin i cili do të marrë pjesë në Euro 2024.
Gruda, i cili përfaqëson Gjermaninë me U21, shihet si një lojtar me të ardhme dhe nuk është aspak çudi që lojtarin e Mainc tani e kërkojnë klube më të mëdha si Bajer Leverkusen, Borusia Dortmund, Lajpcig apo Liverpul. Djaloshi monitorohet edhe nga FSHF, që është përpjekur ta bindë të veshë fanellën kuqezi. Por ky vendim mund të bindë Grudën që të presë shansin e tij me Gjermaninë.
Ai dhe Roko Raitz do të stërviten me pjesën tjetër të skuadrës së grumbulluar para Europianit deri të premten e ardhshme. “Disa nga lojtarët tanë të përfaqësues do të jenë në veprim në finalen e Kupës dhe të Ligës ë Kampioneve, ndaj do i bashkohen më vonë ekipit.
Në mënyrë që skuadra të stërvitet në mënyrë optimale në pjesën e parë të përgatitjeve, ne do të dëshironim t’u jepnim dy lojtarëve të rinj premtues, mundësinë që të tregojnë veten me ekipin A”, ishte komenti i Nagelsman rreth kësaj ftese që padyshim afron edhe më shumë Grudën me përfaqësuesen gjermane.
Një nga shtetasit grekë që u arrestua mëngjesin e sotëm, 23 maj, pas sekuestrimit të 210 kilogramëve kokainë të kapur në Portin e Pireut me destinacion Shqipërinë ka një të kaluar të pasur në tregtinë e armëve dhe drogës.
Sipas informacioneve të “Zougla”, Ioannis Viglakis është një tregtar ndërkombëtar armësh dhe droge.
Ai u arrestua dhe kreu një dënim 15-vjeçar në burgjet amerikane pasi akuzohet për shitje të armëve ushtarake dhe raketahedhës (RPG) te FARC (Forcat e Armatosura Revolucionare të Kolumbisë) në këmbim të kokainës dhe parave.
Në veçanti, në nëntor 2011, Ioannis Viglakis u takua me një agjent të fshehtë të DEA (Administrata Amerikane për Zbatimin e Drogës) i cili u paraqit si ndërmjetës për blerjen dhe shitjen e armëve dhe drogës midis FARC dhe shtetasit grek.
Sipas dokumenteve të prokurorisë amerikane të drogës, takimet mes grekut dhe agjentit të DEA-s kanë vazhduar për disa kohë në Europë dhe Amerikën Qendrore.
Në korrik të vitit 2012, atëherë 53-vjeçari I.V., e ndërpreu marrëveshjen me agjentin e fshehtë të DEA-s, të cilit ia dorëzoi armët dhe gjashtë raketa RPG.
Ai gjithashtu i kishte dhënë agjentit të DEA-s 11,200 dollarë si paradhënie për të rregulluar dërgimin e kokainës në Spanjë.
Më pas “Pablo” u arratis në Panama, ku u arrestua në gusht 2012 dhe në prill të 2014 u dënua me 10 vite burg.
Pas lirimit ai duket se ka rinisur aktivitetin kriminal dhe sot u arrestua me 3 persona të tjerë (dy me origjinë shqiptare) pas sekuestrimit të kokainës në kontejnerin me karkaleca të ngrirë.
Shqiptarët e arrestuar janë Azdren Muharremin, 48 vjeç, i cili dyshohet se ishte në krye të organizatës kriminale, dhe Marsel Stafaj, 36 vjeç.
48-vjeçari shqiptar është i njohur për organet e akuzës
48-vjeçari shqiptar është gjithashtu i njohur për policinë. Ai ishte në kërkim në që vitin 2017 për çështjen e 635 mijë ekstazi me vlerë rreth 10 milionë euro dhe armët që u gjetën pas një bastisjeje në një magazinë në Koropi.
Në atë kohë u arrestuan dy shqiptarë, një turk dhe një grek, ndërsa një turk, një ish-polic grek dhe shqiptari i arrestuar sot për kokainë në Pire u shpallën në kërkim.
Rolet e të arrestuave
Shqiptari Azdren Muharremi, ishte drejtues i organizatës kriminale, i ngarkuar për gjetjen e sasive të drogës në qarkullim, financimin e transportit, organizimin e dërgesës së drogës nga Panamaja në vendet e Evropës, fshehjen e tyre në kontejnerë të destinuar për Greqinë dhe lëvizjen e tyre të mëtejshme drejt Evropës
Marsel Stafaj, bashkëpunëtor i drejtpërdrejtë i Muharremit, i ngarkuar për gjetjen dhe rekrutimin e bashkëpunëtorëve në Greqi për importimin dhe marrjen e drogës dhe trafikimin e mëtejshëm të saj.
Ioannis Viglakis, i ngarkuar për komunikimin me anëtarët e tjerë të organizatës kriminale që ndodhen jashtë Greqisë, për koordinimin e furnizimit dhe financimin e blerjes së sasive që do të trafikohen.
Alexandros Merkouris, përgjegjës për mbulimin operacional dhe mbrojtjen e Muharremit duke marrë masat e duhura për të shmangur arrestimin e tij.
Anëtarë të panjohur, të paidentifikuar të organizatës me seli jashtë vendit, të cilët merreshin me furnizimin, blerjen, vendosjen dhe fshehjen brenda kontejnerëve të ngarkuar me ngarkesë legale me origjinë nga Panamaja dhe me destinacion Greqinë.
Anëtarë të panjohur, të paidentifikuar të organizatës me qendër në Greqi, përgjegjës për trafikimin e mëtejshëm të sasisë së sekuestruar.
Ditën e djeshme Besi publikoi këngën “Mosmirënjohja”, me një tekst të realizuar nga vetë ai, teksa u mor komplet si një dedikim ndaj Xhensilës.
Fill pas publikimit të këngës, Xhensila ka bërë këtë veprim, i cili duket si një sinjal për Besin.
Ajo ka postuar një poster me koncertin e radhës që do të mbajë, teksa na bien në sy emojit e vendosura.
Emoji me një sy të mbyllur, duket si tregues që Xhensila publikimin e këngës nga Besi e ka marrë si reklamim më të madh dhe kështu ka nisur të postojë mbi koncertet apo biznesin e saj.
Nëna e 13-vjeçares që akuzoi një 64-vjeçar për ngacmim seksual ka treguar se çfarë i rrëfeu e bija pasi zbuloi mesazhet mes tyre.
Atë që mendoni ju s’e ka bërë”, i ka thënë 13-vjeçarja nënës së saj, duke pohuar se 64-vjeçari e ka prekur në pjesë të trupit.
Ajo ka treguar se sipas vajzës, ai e kishte kërcënuar duke i thënë që nëse tregon në shtëpi do të vras babain.
Nëna është shprehur se 64-vjeçari e merrte jashtë fshatit dhe e gënjente duke i dhënë lekë.
“Unë këto dy tre ditë e kam marrë vesh por vajza siç me tregoi po tregove më shtëpi unë do të vras babain.
Këtë ja ka thënë muaj më parë më parë. Vajza më tha që’ atë që mendoni ju, nuk më ka bërë. Nuk më ka bërë gjë, më ka bërë gjëra të tjera’.
E ka prekur me dorë në pjesë të trupit. E njohim si bashkëfshatar, nuk kishim hyrje-dalje të vinim apo të vinin ata as konflikt nuk kishim.
Ka dy ditë vajza që më tregoi pasi kapëm mesazhet që ai dërgonte në telefonin e gjyshit. Ne e pamë kur i ra telefoni para 2-3 ditësh, e pa kunata por nuk tregoi se kishte burrin atje.
E merrte jashtë fshatit vajzën, e gënjente, i jepte lekë, e kërcënonte”, tha ajo.
I ftuar ditën e sotme në emisionin “ Breaking”, në një lidhje direkte ka qenë avokati Idajet Beqiri për të folur në lidhje me deklaratat e kreut të SPAK ditën e djeshme gjithashtu dhe reagimet e të pranishmëve.
Beqiri ka treguar se e të pranishmit në Komisionin e Ligjeve ishin mbledhur më së shumti për të zbuluar diçka nga kreu i SPAK, por profesionalizmi i Dumanit nuk i lejoi të zbulonin asgjë në lidhje me punën e prokurorëve të Prokurorisë së Posaçme.
Avokati tha gjatë intervistës që SPAK është i ngarkuar përveç çështjeve të veta edhe me çështje me të cilat kryesisht i takojnë Prokurorisë së Juridiksionit të Përgjithshëm për t’i bërë dhe heqja e tyre do të ishte një lehtësim për të.
Në lidhje me reagimet e deputetit Flamur Noka, ai ka thënë se deputetët e partisë së Berishës gjithashtu edhe e Ilir Metës janë përgjithësisht kundër SPAK-ut. Arsye kjo sepse SPAK ka në dorë çështje të tyret të cilat janë shumë tronditëse për opinionin publik. Avokati ka akuzuar se Meta dhe Berisha kanë kryer krime të rënda për të cilat SPAK është në dijeni dhe i ka në dorë dosjet e tyre.
Beqiri tha se në dosjen e Metës dalin hapur të gjitha vjedhjet e kryera nga pasuria e kombit Shqiptar dhe pastrimi i këtyre parave neprmjet operacioneve ose nderhyrjeve estetike, gjithashtu ka përfshirë edhe ish-kryeministrin Berisha duke përmendur vjedhjet bashkë me djalin e tij të cilat i kryenin në bashkëpunim me njerëz të cilët ishin punonjës të shtetit, si oficerë policie, drejtorë, ish-shefa policie etj.
“Ka afera të rënda posaçërisht për naftën ku Berisha, Meta kanë bër kërdinë, kanë varfëruar Shqipërinë me privatizime të paligjshme ne sektorin e naftes të cilat arrijnë deri në 3 miliard euro dëm. Spak meqë e ka filluar mbarë, po luan një rol edhe nga pikpamja strategjike. Kur luan shah hedh ushtarët pastaj kuajt dhe pastaj mbreteresha dhe mbreti. Mbretin dhe mbretëreshën i dimë, janë Berisha dhe Meta dhe familjet e tyre. Këto grupe kriminale që i ka mbajtur politika, kta ishin krahu i armatosur i mbretit dhe Ilir Meta porosiste vrasjen e vëllait të ish-deputetit Ndoka dhe ai u vra” tha avokati.
Ai ka deklaruar se këta do t’i nxjerrin zbuluar vetë ata të cilët kanë kryer krimet dhe janë penduar. Akuza të rënda, avokati ka hedhur edhe për ish-drejtorët e policive ose efektivë të policisë të cilët ai shprehet se kanë kryer vrasje me dorën e tyre dhe më pas deklarohen dhe ftohen si opinionistë ose analistë nëpër studio televizive. Avokati ka përmendur disa dosje krimesh në të cilat figurojnë këta persona bashkë me Metën dhe ish-kryeministrin Berisha.
“CEZ-DIA ka 3 viktima dhe një të zhdukur që janë urdhëruar nga këta që e bënë aferën e CEZ-DIAs, plus një mori vrasjesh për korrupsion kështu që vlersoj që SPAK e ka filluar dhe nisur mbarë,do shkoj te objektivi themelor i saj sepse SPAK e filloi në 2019 me kallëzimet që kishte. U krijua për ato dosje që ishin atje, vrasjet e Haklajve me persona të akuzuar dhe bashkëpuntorë me Berishen dhe 19 të tjerë. Po i vazhdon hetimet për të si hetimet e 21 janarit të Gërdecit” tha Beqiraj.
