Month: August 2024

Disa javë pasi u dhunua barbarisht nga Antonela Berisha dhe motra e saj, Klea Prenga ka postuar të tjera pamje në Instagram, ku tregon gjendjen e saj.

Me një shenjë të lehtë në fytyrë, pasi u godit me gotë nga motrat Berisha teksa darkonte në një restorant në Tiranë, Prenga tregon se është duke u rikuperuar.

Pas sherrit të rëndë, ku motrat e akuzonin atë se kishte ndërhyrë në raportin martesor të Marielës, ato e dhunuan atë fizikisht, e më pas u arratisën.

Policia i ka shpallur në kërkim, ndërsa ende nuk dihet vendndodhje e tyre, por sipas informacioneve rezulton se nuk kanë dalë jashtë Shqipërisë.

Kalimi përmes sigurisë së aeroportit mund të jetë një pjesë e lodhshme e procesit të udhëtimit ajror, por disa aeroporte europiane kishin arritur ta përshpejtonin atë falë instalimit të skanerëve më të avancuar, të cilët lejojnë pasagjerët të mbajnë pajisje elektronike dhe kozmetikë të çdo sasie në bagazhet e tyre pa pasur nevojë t’i nxjerrin jashtë. Por pavarësisht pritjes pozitive të pajisjeve, Brukseli kohët e fundit bëri thirrje për një kthim në modelin e mëparshëm të kufizimit të kontejnerëve të lëngshëm në 100 mililitra.

Efektive por e pamjaftueshme

Teknologjia C3 EDSCB, siç quhen këta skanerë të avancuar, shfaq imazhe tre-dimensionale me rezolucion të lartë të përmbajtjes së bagazheve nga skanimet CT dhe mund të zbulojë lehtësisht përbërësit shpërthyes në të gjitha llojet e kozmetikës, lëngjeve ose pajisjeve elektronike. Prandaj, pasagjerët nuk kanë nevojë të hapin valixhet ose të nxjerrin disa nga gjërat e tyre, të cilat mund të krijojnë vonesa dhe duhet të kalojnë vetëm përmes një detektori metalik. Por efektiviteti i tij u vu në pikëpyetje nga një raport teknik që Komisioni dërgoi në Konferencën Evropiane të Aviacionit Civil (ECAC) majin e kaluar, sipas të cilit softueri i këtyre skanerëve nuk mund të garantojë besueshmërinë e tyre për kontejnerët me përmbajtje më shumë se 330 mililitra.

Më pas, më 31 korrik, Brukseli njoftoi vendimin për të aplikuar kufizime “të përkohshme” për këto sisteme të zbulimit të eksplozivëve C3 si një “masë paraprake” derisa “të zgjidhen disa probleme teknike”, tha një zëdhënës i Komisionit. Zyrtarisht, megjithatë, “Komisioni nuk ka ndryshuar mendimin e tij për cilësinë e kësaj gjenerate të re të skanerëve dhe performanca e tyre nuk është vënë në dyshim”, shtoi zëdhënësi. Aeroportet që përdorin tashmë modelin C3 tani do të duhet të kthehen në skanerin tradicional me rreze X, teknologjia e të cilit është e pamjaftueshme për të treguar në detaje brendësinë e objekteve dhe për të zbuluar kështu materialin shpërthyes në lëngje.

Humbje financiare për aeroportet

Këta skanerë të rinj janë “tetë herë më të shtrenjtë” me kosto të mirëmbajtjes “katër herë më të larta”, kështu që aeroportet që kanë investuar tashmë në këta skanerë të rinj për të përmirësuar përvojën e pasagjerëve “do të penalizohen rëndë, pasi përfitimet që lidhen me përdorimin e këtij shteti -Teknologjia e artit vështirë se do të materializohet”, tha në një deklaratë Këshilli Ndërkombëtar i Aeroporteve për Europë (ACI).

Shumica e pasagjerëve në aeroportin Zaventem në Belgjikë thanë se ishin mësuar të mos udhëtonin me lëngje dhe të përpiqeshin të linin pajisjet elektronike në shtëpi, kështu që ky ndryshim në rregullore nuk do t’i prekte shumë ata. Ata që kishin hasur në skanerët e teknologjisë së lartë C3 ose skanerët e avancuar të trupit në një aeroport, megjithatë, dalluan një ndryshim thelbësor në lehtësinë me të cilën fituan akses në portat e imbarkimit.

Gjithsesi, përgjigja është unanime mes stafit të aeroportit dhe udhëtarëve: të gjithë duan të fillojnë pushimet e tyre sa më shpejt dhe sa më lehtë të jetë e mundur. Për këtë qëllim, ata që kanë vendosur të shtyjnë pushimin e tyre në shtator duhet të sigurohen që kremi i diellit dhe produktet e bukurisë të mos marrin më shumë se 100 mililitra nëse nuk duan të humbin më nga koha e lirë në një pikë kontrolli aeroporti.

Nga Sherefedin Shehu*

Përfundimi i projekteve të infrastrukturës si autostradat dhe sidomos tunelet përbën një ngjarje për Shqipërinë. Shqiptarët udhëtuan për herë të parë në autostradën Tiranë-Vorë të përfunduar nga fundi i viteve ’90 dhe më pas në autostrada të vërteta pas vitit 2009.

Kjo është një arsye se përse qytetarëve nuk ju shkon fare ndër mend që të shqetësohen për eficiencën e parashikimit buxhetor, projektimit dhe zbatimit të këtyre projekteve.

Por, fatkeqësisht ata nuk reagojnë as kundër inaugurimeve të përsëritura të projekteve të papërfunduara dhe pajtohen me përdorimin e tyre, pavarësisht rreziqeve dhe problematikës që ata hasin, siç është rasti i “Rrugës së Arbërit” dhe “Tunelit të Llogorasë”.

Midis projekteve infrastrukturore në zbatim, inaugurimi i tunelit të Llogorasë pa u përfunduar dhe problematikat në projektimin dhe zbatimin e tij tregojnë qartë injorimin e standardeve dhe rregullave të miratuara për menaxhimin e investimeve publike.

Analiza e procesit të miratimit, projektimit, tenderimit dhe zbatimit të këtij projekti tregon qartë se vendimi dhe të gjitha procedurat që lidhen me zbatimin e këtij projekti dominohen nga motive dhe interesa politike.

Tuneli i Llogorasë nuk ishte përcaktuar si projekt prioritar në Strategjinë Kombëtare për Zhvillim dhe Integrim dhe as në Strategjinë e Sektorit të Transportit, por u zgjodh papritur nga Kryeministri.

Duke ju referuar këtyre dokumenteve dhe praktikës së vendeve të zhvilluara rezulton se secili vend së pari duhet të projektojë korridoret më të rëndësishme që përgjithësisht janë korridoret Veri-Jug dhe Lindje-Perëndim.

Më tej projektohen lidhjet më të rëndësishme me këto korridore.

Strategjia e sektorit të transportit në Shqipëri përcakton si prioritar korridorin rrugor Elbasan-Berat-Përmet-Tepelene-Ura e Kardhiqit-Sarandë si vazhdim të korridorit veri-jug të Shqipërisë dhe korridorin Lindje-Perëndim apo rrugën Korçë-Durrës.

Këto projekte do të nxisnin zhvillimin më të shpejtë ekonomik dhe do të hapnin rrugën për përfundimin e korridoreve të tjera mbështetëse që sipas strategjisë së transportit rrugor përfshijnë Rrugën e Arbërit, rrugën Milot-Shkodër, rrugën Lushnjë-Skrapar, rrugën Tepelenë-Korçë dhe rrugën Vlorë-Sarandë, pjesë e të cilit është edhe Tuneli i Llogorasë.

Ndërtimi i Tunelit të Llogorasë spostoi zbatimin e projekteve në vazhdim që ishin rruga Rrogozhinë-Korçë dhe Rruga e Arbrit.

Në të dy projektet, puna kishte filluar para vitit 2013 dhe tani në vitin 2024 ose pas më shumë se 11 viteve, ato janë ende larg përfundimit pavarësisht inaugurimeve të shumta të bëra herë pas here për fillime dhe rifillime të segmenteve të tyre.

Përveç injorimit të prioriteteve vëmendje duhet të tërheqë edhe kostoja e rritur nga faktori kohë mbasi tejzgjatja e zbatimit të projekteve, sidomos gjatë kësaj periudhe të krizës së Covid-19 dhe krizës ekonomiko-financiare që pasoi i rrit ndjeshëm kostot e tyre, përveç vlerës kohore të parasë.

Tuneli i Llogorasë ekonomikisht rezulton si projekt i paleverdishëm.

Pavarësisht atyre që thuhen ky nuk shkurton 35 apo 40 minuta, por më pak se 15 minuta. Edhe po të ishte e vërtetë kjo kohë, ajo nuk mjafton për të argumentuar ndërtimin e një vepre me kosto kaq të lartë si një minisegment i një korridori të quajtur Korridori Blu, i cili është ende është në letër.

Një fakt tjetër kundër leverdishmërisë së këtij projekti është edhe përdorimi sezonal i tij.

Turizmi në Shqipëri akoma është në fillimet e veta dhe zgjat 2-3 muaj dhe fatkeqësisht zona është e shpopulluar dhe shumë pak njerëz jetojnë në të në pjesën tjetër të vitit.

Ashtu si edhe shumë projekte të tjera, edhe ky projekt nuk i shpëtoi kostove të keqmenaxhimit dhe abuzimit. Zbatimi i këtij projekti ka kaluar nëpërmjet disa pazareve dhe marrëveshjeve të dyshimta.

Tenderi i parë për ndërtimin e tij u shpall në dhjetor të vitit 2020, ndërsa hapja e ofertave ishte caktuar për në 12 shkurt të vitit 2021.

Por, pak ditë para datës së hapjes së ofertave, afati i tenderit u shty për në 12 mars.

Më tej, Ministria e Infrastrukturës kundër ligjeve dhe standardeve të tenderimit ndryshoi kriteret e veçanta të kualifikimit, duke ulur kriterin e fitimit të realizuar 5 vitet e fundit me 2.5 herë dhe vëllimin e punëve të ngjashme nga 70% në 50% e fondit limit, si dhe duke shkurtuar kohën e ndërtimit nga 5 në 3 vjet.

Edhe pse kushtet e konkurrimit u formatuan për një kontraktor “të paracaktuar” dhe ndonëse në tender u paraqitën 6 oferta, tenderi u anulua me një artikulim publik pa argumente konkrete se “asnjëra ofertë nuk ishte e përshtatshme”.

Kështu tenderi u rishpall në qershor të vitit 2021 për t’u zhvilluar më 28 korrik të këtij viti.

Dhe rezultati ishte një kosto e shtuar prej rreth 40 milionë eurosh krahasuar me ofertën më të mirë të tenderit të parë dhe fituesi ishte një biznesmen turk i cili, bazuar në dokumente dhe foto të bëra publike, ishte takuar me kryeministrin Edi Rama dhe ministren Belinda Balluku 4 muaj para zhvillimit të tenderit.

Kostoja më e lartë e Tunelit të Llogorasë nuk lidhet me vështirësinë e projektit, por me keqmenaxhimin e projektimit dhe zbatimit të tij. Ky është një tunel i standardeve më të ulëta për nga përmasat dhe vështirësia e realizimit të tij.

Por, kostoja e ndërtimit të tij tuneli është afërsisht 35 milionë euro për 1 (një) Kilometër (km).

Studimet më të fundit për kostot e ndërtimit të autostradave në Bashkimin Europian tregojnë se për periudhën 1990-2020, ato janë mesatarisht rreth 11 milionë euro/km.

Kjo kosto është relativisht më e lartë në vendet malore si Austria me 12.87 milionë euro/km, Sllovakia me 9.56 milionë euro/km dhe Çekia me 8.86 milionë euro/km. Ndërsa në vende të tjera të BE-së, kostoja është edhe më e ulët si Danimarka 5.89 milionë euro/km, Kroacia 6.682 milionë euro/km, Sllovenia 7.29 milionë euro/km dhe Gjermania 8.24 milionë euro/km.

Kostoja e abuzimeve në këtë vepër është shumë e dukshme. Përveç kontraktimit dhe rikontraktimit të kompanive të hartimit të projektit dhe tenderimit dhe ritenderimit të zbatimit të tij, proceset përkatëse kanë rezultuar me kosto të rritura.

Kështu fituese e tenderit ishte oferta 170 milionë euro ose rreth 205 milionë euro (përfshirë TVSH-në, mbasi shpallja e ofertave pa përfshirë TVSh-në është spekulative dhe e qëllimshme) kur në tenderin e parë të anuluar pati edhe oferta me 110 milionë euro dhe në tenderin e dytë oferta më e mirë ishte 158 milionë euro (pa TVSh).

Por hijet e dyshimit shkojnë më tej po të kemi parasysh faktin se kompanitë që dhanë ofertën më të ulët në tenderin e parë të anuluar përfunduan si nënkontraktorë në tenderin e dytë.

Përfundimisht ajo që u rrit është vetëm kostoja e qytetarëve. Përveç kostos së abuzimit, e cila rezulton rreth 40 milionë euro, ata do të paguajnë edhe 5 euro për secilin kalim në tunel.

*Konsulent i pavarur, e posaçme përMonitor

Kur pritej vetëm firma në kontratë, lajmi se Armando Broja nuk do kalonte te Ipsëich në Premier League, ka rezultuar tejet befasues dhe ka ngritur shumë pikëpyetje në të njëjtën kohë. Më herët u raportua se klubet kishin arritur një akord për huazimin e shqiptarit dhe se Ipsëich do i pagunte 30 milionë stërlina Chelseas verën e ardhshme nëse do mbijetonte në Premier League.

Zyrtarizimi megjithatë nuk erdhi kurrë dhe mediat angleze kanë shkruar disa hipoteze sepse Broja nuk kaloi te Ipsëich. Më kryesorja ka të bëjë me vetë 22-vjeçarin shqiptar, i cili nuk ka mundur të kalojë testet fizike, pasi ka një problem ‘në tendinën e akilit’. Në këto kushte Ipsëich ka dashur të ulë çmimin e Brojës, por Chelsea nuk ka pranuar dhe transferimi nuk është kryer.

Mirëpo këto detaje kanë ndikuar për keq për vetë sulmuesin e Kombëtares. Mediat në Angli shkruajnë gjithashtu se dhe Everton, klubi tjetër që e këronte me ngulm Brojën, ka hequr dorë pasi sulmuesi nuk ofron garanci për shkak të dëmtimit që ka kaluar. Sipas tyre Broja bëri paraqitje zhgënjyese te Chelsea pas rikuperimit dhe në të njëjtën kohë u zhduk te Fulham. Në këto kushte, por teksa kemi hyrë edhe në ditët e fundit të merkatos, koha po punon mbrapsht për Armando Brojën.

Shumë më ndryshe duket situata për futbollistin tjetër të kombëtares, marash Kumbullën, i cili para pak ditësh u huzua nga Roma te Espanyol. Mbrojtësi të shtunën debutoi me ekipin e ri dhe pavarësisht humbjes 0-1 kundër Sociedad është vlerësuar shumë pozitivisht nga tifozët. 24-vjeçari shqiptar u aktivizua si titullarë dhe luajti për 90 minuta në këtë ndeshje.

Koncertet e verës kanë qenë të shumta për Luiz Ejllin, ndërsa nuk kanë munguar as këngët e reja.

Por këto të fundit kanë qenë shumë shpesh të kritikuara ndonëse kanë marrë numër të konsiderueshëm klikimesh.

Pas këngës solo “Kce”, Luizi publikoi këngën me Ghetto Geasy “Ding Ding”, më pas “Shqiptare” me Melinda Ademin apo edhe një tjetër solo, “Do pi”.

Për të gjitha këto, komentet më të shumta kanë qenë negative dhe kritika që këngëtari t’i rikthehet muzikës së mëparshme që bënte. Kjo solli edhe publikimin e një balade të ndjerë nga Luizi, “Më fal”.

Kënga shënoi pikën e kthesës pasi vështirë të gjesh një koment negativ dhe madje ka shumë përgëzime për rikthimin e tij te pika e fortë, baladat. Ndaj për të gjitha këto, Luizi ka bërë një premtim ndaj admiruesve të tij dhe muzikës së mirë.

“Unë prapë do të bëj këngë që do të më dalin nga shpirti. Sepse ato do të jetojnë më gjatë se të gjithë ne, playlist-at apo renditjet.”

Një grup turistësh, prej tyre edhe disa shqiptarë që po udhëtonin për në plazhin Barbati në Korfuz, janë përballur me një përvojë të frikshme gjatë udhëtimit me autobus. Sipas raportimeve pranë redaksisë se Joq, shoferi i autobusit filloi të mallkonte, të shante Zotin dhe të godiste veten, duke vënë në rrezik jetën e pasagjerëve. Pas reagimit të turistëve, shoferi i cili duket në gjendje të rënduar, i ka kërcënuar dhe i ka detyruar këta të fundit që të zbrisnin nga autobusi.

Mesazhi i qytetarit:

“Pershendetje JOQ, dua te raportoj skandalin qe ndodhi dje ne korfuz po shkonim ne plazhin barbat dhe kur po ktheheshim ishim me shume se 50 veta gjysma ishte ne kembe shoferi me shume mundesi eshte drogaxhi ai filloj duke uleritur qe ne fillim duke shar dhe duke mallkuar ne fillim nuk po merrim vesh cfare kishte dhe cpati te gjithe po qeshnim ne fillim por pastaj u be e fikshme sepse filloj duke leshuar timonin dhe duke i qelluar vetes me grushta

Ne jemi turista dhe me autobusa ne korfuz udhetojm por dje na u vonua dhe sme menduam gje por kur erdhi ishte plot dhe njerzit dolen te bardh si bora Nuk menduam gjo hypem dhe ishim me shume se 60 veta dhe fatorino na tha rrini ne kemb se ju vjen autobusi tjt pas nesh per 10 minuta shoferi e pa me inat fatorinon dhe I bertiti dhe doli jashte dhe erdhi duke uleritur brenda dhe ne filluam duke fol shqipe ky na pa mir dhe na tha malaka ne Nuk e kpt dhe qeshem kur ky filloj duke I dhen autobusit shume keq u fut ne kundra vajtje dhe nje fugon I tha je keq Nuk eshte rruga jote dhe ky filloj me kriza keq duke rrafur veten duke shar mallkuar zotin dhe duke i ren xhamit timonit i mori ato kthesat aq keq vec ulerima dhe buri nga mbrapa dhe i uleret nje anglez nga pas dhe ky na ndalon ne qyqet na zbriti aq shpejt dhe na ndaloj ne mes te rruges na uleriti dilin se ju qr dhe dolem te gjithe”

Shqipëria ka qenë edhe këtë vit një nga destinacionet e preferuara për t’u eksploruar, apo rivizituar, nga turistë nga e gjithë bota. Por po ashtu vendi jonë, bregdeti por dhe alpet janë zgjedhur edhe nga figura të njohura publike të shteteve të ndryshme të botës.

Një prej tyre është gazetari i njohur britanik Simon Calder, i cili gjatë një interviste për mediat atje, e veçoi Shqipërinë “si yllin e këtij viti”, dhe se duhej vizituar.

Këtë pjesë të intervistës së tij e ka publikuar në rrjetin e tij social në Facebook edhe kryeministri Rama, teksa shkruan ndër të tjera:
E çfarë vlerësimi më domethënës mund t’i bëhej Shqipërisë teksa sezoni i verës po mbyllet, se sa nga Simon Calder, gazetari i famshëm i mediave britanike si BBC dhe Independent, i cili zbulimin e vendit tonë e ka nisur dekada më parë, me vizitat e para si reporter kurioz përpara viteve ‘90 në Shqipërinë e një tjetër kohe, ndërsa së fundi është bërë “tifoz” i bregdetit shqiptar, duke ua këshilluar të gjithëve në Britaninë e Madhe si “yllin e këtij viti” në turizëm.

Rasti i përdhunimit të një të miture nga një 44-vjeçar në Colonos të Greqisë ka tronditur opinionin publik, shkruajnë mediat vendase.

Bëhet me dije se 16-vjeçarja prej disa muajsh ishte në një lidhje me djalin e 44-vjeçarit dhe i kishte thënë se e shihte si vajzën e tij. Kur vajza u nda me të riun, babai shfrytëzoi rastin për të zbatuar planin e tij.

Ai i tha vajzës se do ta ndihmonte të kthehej së bashku me djalin e tij, kështu që e çoi me makinën e tij në një vend të braktisur në Athinë ku e përdhunoi. Por makthi për vajzën nuk u ndal me kaq.

44-vjeçari filloi ta kërcënonte se do ta vriste atë dhe babain e saj, i cili ishte i vetmi që kishte gjallë pasi nëna i kishte vdekur.

Burri, i cili përveç djalit ka edhe një vajzë 11-vjeçare, mësohet me këto kërcënime e ka përdhunuar vazhdimisht 16 -vjeçaren, derisa ajo ka arritur të flasë me të atin.

16-vjeçarja fillimisht foli me një shoqe për atë që po kalonte dhe ishte ajo që e bindi se duhet t’i tregonte të atit të saj.

Babai i vajzës ka treguar se autori ka kryer marrëdhënie seksuale me të, kundër dëshirës së saj, rreth dhjetë herë, në periudhën nga qershori 2024 deri më 19 gusht.

Autori, pas denoncimit të babait, është pikasur në orët e para të 22-23 gushtit duke kaluar me makinë jashtë shtëpisë së 16-vjeçares. Në ato ditë ai e telefononte vazhdimisht që të takoheshin sërish, megjithatë e mitura u përpoq ta shmangte.

Mësohet se 44-vjeçarit i është konfiskuar edhe celulari dhe makina me të cilën udhëtonte pasi ka lidhje me rastin, ndërsa në banesën e tij iu konfiskua një laptop. Të gjitha sendet e sekuestruara dhe provat e grumbulluara janë dërguar për analiza laboratorike.

Olsi Jazexhi, profesor i historisë, i ftuar në një intervistë televizive, ka komentuar për rritjen e tensioneve pas sulmit izraelit ndaj Libanit.

Ai tha se Izraeli javët e fundit ka bërë disa provokime dhe ndodhet në gjendje emergjence pasi Libani ka nisur përgatitjet për kundërpërgjigje ndaj tij.

Sipas Jazenxhi, oponenti më i fuqishëm i Izraelit në këto momente lufte mbetet Hezbollahu, ndërsa theksoi se Irani aktualisht ndodhet në një krizë politike.

“Përshkallëzimi mes tyre është pjesë e luftës që ka nisur që në 7 tetor 2023 ndërmjet izraelit dhe boshtit islamik. Izraeli në këto javë të fundit ka bërë një sërë provokimesh duke goditur udhëheqës të rezistencës islamike dhe që nga vrasja e dy udhëheqësve boshti i rezistencës apo iranianët, libanezët kanë njoftuar se do të përgjigjen.

U bë disa javë që Izraeli është në gjende emergjence dhe sot në një njoftim lëvizja libaneze e Heznollahut ka treguar se ata kanë nisur sulmin e parë për hakmarrje për udhëheqësit e vrarë. Spiunazhi izraelit duket se e ka kuptuar këtë dhe kanë qenë izraelitët që kanë goditur të parët disa qindra baza të Hezbollahut në Liban dhe ky i fundit i është përgjigjur me sulme. Janë goditur një sërë bazash ushtarake izraelite dhe mendohet se nga to mund të jenë shkaktuar një numër i madh viktimash në radhët izraelite.

Oponenti më i fuqishëm i Izraelit është Hezbollahu që disponon dronë, raketa, tunele nëntokësore. Por deri në këto momente Irani se ka mbajtur premtimin e tij i cili pas vrasjes që Izraeli i bëri krehut të Hamasit premtoi një hakmarrje të ashpër, por deri tani kjo nuk ka ndodhur.”

Më tej ai shtoi se Izraeli është jo mes dy zjarresh, por duke bërë luftë në 7 fronte dhe sipas tij nëse do të kemi një përhapje të kësaj lufte do të rrezikonte dhe vendi ynë pasi strehon muhaxhedinët.

“Iranianët kanë dashur të japin një kundërpërgjigje masive ndaj izraelit, të njëjtën gjë ka dashur të bëjë dhe Hezbollahu por në këto momente kemi një krizë politike në Iran. Nëse ka zgjerim të hartës së luftës kemi një rrezik dhe Shqipëria me regjimin e Ramës e futën vendin në një luftë që nuk i takon shqiptarëve. Shqipëria në rrezik me strehimin e muhaxhedinëve, pasi nga Manza janë kryer dhe sulme terroriste ndaj Iranit.

Nuk mendoj se sulmet kibernetike bëjnë ndonjë gjë në këtë fazë ku jemi, mendoj se iranianët sikurse dhe është thënë se e kërcënuan në 2023 kryeministrin Rama se do të godasin kampin terrorist të muhaxhedinëve në Manzë dhe Irani e ka treguar se e ka këtë mundësi.”

Një 33-vjeçar shqiptar, i identifikuar si Marin Hysa, i cili u kap në një “shtëpi bari” u arrestua në Britani.

Mësohet se i riu shqiptar kishte mbërritur në Angli ilegalisht, duke kaluar kufirin në pjesën e pasme të një kamioni.

Ai dhe plantacioni i kanabisit u zbuluar kur policia bastisi një pronë në Haybridge Avenue, në Hadley, operacion që mesa duket është zhvilluar më 18 korrik.

Hysa u arrestua dhe brenda shtëpisë policia zbuloi një rrjet që ishte shtrirë për përshtatjen e ambientit në mënyrë që të përdorej më pas për të mbjellë bimët narkotike, sicc ishte pajisja me drita speciale dhe pajisje hidroponike.

Dy dhoma në katin e sipërm “strehonin” përkatësisht 44 dhe 49 bimë të rritura, ndërsa në një dhomë tjetër u zbulua, 128 fidanë.