Month: August 2024

Revista e njohur prestigjioze CN Traveler ka bërë një artikull duke reklamuar plazhet e virgjëra shqiptare.

Vendi mesdhetar që deri para pak vitesh sfumohej nga fqinjët e saj Kroacia dhe Greqia, tanimë po del në dritë dhe fjala po përhapet shpejt për bukuritë e saj, shkruan në artikullin e saj media e njohur amerikane e specializuar në ofrimin e këshillave turistike për miliona lexuesit e saj.

CN e tregon Shqipërinë si një destinacion ku mund të gjesh gjithçka, por mbi të gjitha plazhe të mrekullueshme dhe jo të mbipopulluara thotë prestigjiozja, për një romancë vere të paharrueshme.

Në artikull përmenden disa prej gjireve dhe plazheve më të paprekura nga dora e njeriut ku listën e kryeson gjiri i gramës në Vlorë, dhe më pas duke shkuar më poshtë rivierës së jugut me Dhërmiun, Drimadhën, Llamanin, Himarën, Sarandën dhe ishujt e Ksamilit. Borshi dhe plazhi i Qeparoit përmenden si ato që ofrojnë një natyrë të egër me pemët e ullirit që rriten në mënyrë spontane në shtëpitë e banorëve, ndërsa për më shumë privatësi, CN Travelere rekomandon edhe plazhin e Gjilekës.

Listës nuk i ka shpëtuar edhe Durrësi, ku revista prestigjioze shprehet se turistët do mund të gjejnë përveç disa vendeve të njohura romake, si amfiteatri, banjat dhe një ujësjellës antik, ai është i bekuar me një shtrirje plazhi rreth 12 kilometra të gjatë që garanton gjetjen një shezlong ku mund të vendosni peshqirin tuaj.

“Babai më kërcënonte gjatë gjithë kohës me thikë që të shfaqesha në rrjetet sociale”, kështu ka deklaruar 10-vjeçari me iniciale A. K., videot e të cilit duke ofenduar me fjalor banal u bënë virale në TikTok, ndërsa në pranga u vendosën gjyshja e tij, Natasha Rombula dhe Armando Kumaraku, pasi akuzohen për “Keqtrajtim i të miturit”.

Njoftimi i Prokurorisë

Detyruan të miturin të bëjë video për rrjetet sociale me fjalor banal, Prokuroria e Beratit dërgon në gjyq babain dhe gjyshen

Prokuroria pranë Gjykatës së Shkallës së Parë të Juridiksionit të Përgjithshëm, Berat përfundoi hetimet dhe dërgoi për gjykim shtetasit A.K., dhe N.R. për veprën penale “Keqtrajtim i të miturit”.

Nga hetimet e kryera nga ana e Prokurorisë në kuadër të procedimit penal nr.760/2023, u provua se shtetasit në fjalë kanë keqtrajtuar të miturin 10-vjeçar, i cili është djali dhe nipi i të pandehurve, duke e nxjerrë në rrjetin social “Tiktok” dhe duke përdorur fjalor banal.

Si pasojë e ngjarjeve traumatike, prokuroria vlerësoi se të pandehurit kanë ndikuar në cilësinë e jetës së të miturit duke mos e lejuar të ketë një qetësi shpirtërore, të ndihet i pambrojtur dhe i bullizuar, duke pasur frikëra të vazhdueshme.

Të pandehurit kanë detyruar shtetasin e mitur A. K., të bëjë video dhe të dalë në rrjetin social “Tiktok” duke përdorur fjalë banale dhe fyese tepër të rënda edhe për persona të rritur jo më për moshën që ka viktima e veprës penale, duke e rënduar emocionalisht këtë të fundit me anë të kërcënimeve të bëra nga dy të pandehurit. Nga administrimi i pamjeve filmike shfaqen video, ku djali i mitur ka përdorur sjellje dhe fjalor të papërshtatshëm i nxitur nga të pandehurit babai dhe gjyshja.

Shtetasi A.K. ka deklaruar se shpesh herë ka pasur kërcënime fizike dhe psikologjike kur dilte në “Tik Tok” dhe babai i tij e kërcënonte gjatë gjithë kohës me thikë që ai të shfaqej në rrjetet sociale edhe pse ai shprehej se nuk kishte dëshirë edhe një pjesë të fjalorit që ai përdorte në këtë rrjet nuk ja dinte kuptimin dhe deklaron se e mësonte babai në prezencë të gjyshes. Dhënia e thikës të miturit me gjatësi 25 cm duke ushtruar dhunë psikologjike të vazhdueshme, duke e ofenduar në vazhdimësi dhe në mënyrë të përsëritur me një fjalor shumë të rëndë ndaj tij dhe nënës së tij si dhe me goditje fizike kanë shkaktuar pasoja tek i mituri.

Prokuroria vlerësoi se dhënia e purove dhe pjeve alkoolike fëmijës së mitur nga dy të pandehurit, qartësisht rezulton se ndaj tij është ushtruar keqtrajtim fizik dhe psikologjik dhe është detyruar për të kryer veprime që dëmtojnë zhvillimin e tij mendor dhe fizik.

Sa më sipër, u arrit në përfundimin se ka prova të mjaftueshme në mbështetje të akuzës për faktin penal të “Keqtrajtimi i të miturit” e kryer në bashkëpunim, të parashikuar nga neni 124/b/2 dhe 25 i Kodit Penal.

Ditën e sotme, ka ndërruar jetë Jetart Berisha, viktima e dytë e tentimvrasjes së para disa muajve në Pejë.

Këtë e ka konfirmuar zëdhënësi i Prokurorisë në Pejë, Shkodran Nikçi.

“Ka vdekur edhe viktima e dytë e plagosjes para disa muajsh që ka ndodhur në Pejë. Prokurori i shtetit ka lëshuar urdhër për obduktimin e viktimës”, tha Nikçi.

Kujtojmë se në qershor, ndërroi jetë edhe babai i Jetart Berishës, Jeton Berisha.

Tre persona u plagosën me 22 maj në qendër të Pejës, pas një mosmarrëveshje.

Të plagosur kishin mbetur Jeton Berisha dhe dy djemtë e tij Jetnisi dhe Jetarti. Babai Jetoni dhe djali Jetarti, kanë ndërruar jetë.

I dyshuar për këtë rast është Agron Gashi, të cilit Gjykata Themelore e Pejës, më 24 maj ia ka caktuar masën e paraburgimit prej një muaji.

Rritja e çmimeve në bregdetet shqiptare e sidomos në jug të vendit, ka tërhequr vëmendjen e aktorit Agron Llakaj.Ai ka ironizuar lajmet propagandeske pro qeverisë që flasin për “boom” turistik, ndërkohë që pamjet që qarkullojnë në rrjet nga terreni flasin të kundërtën.

Teksa shtron pyetjen se çfarë do të thotë “boom” turistik, Llakaj në një postim në rrjetet sociale tregon dy kategori të njerëzve: ata që kanë mundësi të shkojnë e të pushojnë ku të duan dhe të tjerë që përballen çdo ditë me luftën për të mbijetuar.“Çfarë domethënë boom turistik? “Kush ka para me bollëk, shkon tall bythën në Dhërmi. Kush s’ka asgjë në trastë, luan bythën në shtëpi”, shkruan aktori duke ironizuar situatën në vend.

Një grua me inicialet M.Zh., nga Gushterica e Poshtme e komunës së Graçanicës, ka ndërruar jetë më 2 gusht në Qendrën Spitalore Klinike në Prishtinë, pasi burri i saj e kishte rrahur duke i shkaktuar lëndime të rënda. Këtë e ka konfirmuar për Radion Evropa e Lirë drejtori i Qendrës Emergjente në Prishtinë, Naser Syla.

“Fatkeqësisht, ajo ka ndërruar jetë mëngjesin e sotëm. Ajo kishte një hemorragji në tru nga lëndimet e rënda, dhe ne nuk mundëm ta operonim në atë gjendje. Ajo ishte në makineri 24 orë në ditë”, tha Syla. M.Zh., e lindur më 1983, ishte transferuar në Prishtinë nga Qendra Spitalore Klinike në Graçanicë, ku u pranua në gjendje të rëndë mbrëmjen e 31 korrikut. Policia e Kosovës ka konfirmuar se bashkëshorti i saj me iniciale D.Zh. është ndaluar dhe se ka nisur hetimet për këtë rast. Aktivistja për të drejtat e grave dhe drejtoreshë e organizatës joqeveritare “Pravo na pravo” nga Graçanica , Milica Stojanoviq, në një prononcim për Radion Evropa e Lirë, tregon se institucionet kanë dështuar sërish kur është fjala për dhunën ndaj grave.

“Ky përfundim tragjik ka ardhur pikërisht sepse institucionet nuk janë marrë sa duhet me këtë problem. Më e keqja është se institucionet ende heshtin. Policia është përgjigjur me kohë, njeriu është dërguar në mbajtje, por varet edhe nga institucionet tjera se çfarë do të ndodhë”, tha Stojanoviq. Ajo tha se janë institucionet vendore ato që duhet të punojnë për fuqizimin e grave për të denoncuar në kohë dhunuesin dhe se institucionet e drejtësisë duhet të vendosin dënime më të rrepta për dhunuesit.

“Që të mos lirohen dhunuesit me gjobë, dhunuesi nuk duhet të lirohet asnjëherë 24 apo 48 orë pas ushtrimit të dhunës”, nënvizon ajo dhe shton se në raste të tilla duhet të reagojë edhe shoqëria, sepse dhuna nuk është kurrë “çështje private”.

Ditën e djeshme u raportua për një sherr masiv mes reperit Noizy dhe një figure të njohur TikToku në Sancy Club në Pejë edhe pse këta të fundit deklaruan se sherri kishte ndodhur jashtë ambientit të tyre.

Në grupin e Noizyt duket se i përfshirë ka qenë edhe reperi Stresi. Fillimisht erdhi një reagim nga Med Iseni, personi i cili u dhunua nga grupi i Noiyzt, ku u shpreh nëpërmjet një postimi në llogarinë personale të Instagram-it se:
“E vërteta është që më kanë prerë në besë. Ja biseda shikojeni vet! Isha vet i dyti kurse ata mbi 8 veta të përgatitur me armë“,- shkruan ai. Pa kësaj erdhi një reagim nga Stresi.

Ai ka reaguar me një postim në InstaStory, ku thotë se prej vitesh ia kanë sharë familjen në mënyrën më të shëmtuar.

“Ju kam pre në besë, unë juve apo ju mua? Ju kam mbajtur në shtëpi të gjithëve dhe keni vite që na shani familjet në mënyrën më të shpifur për famë TikTok-u që vetëm një burrë nuk shan ashtu.

Atëherë më keni pre ju mua, jo unë juve. Ne e kemi parë ngjarjen por as unë as ai nuk të ka prekur me dorë dhe këtë e keni të vërtetuar.

Nipat janë rritur, nuk duruan eskaloi situata sepse ju keni sharë gjithë Kosovën e Shqipërinë.

Dhe mos doni me ju prit me duartrokitje? Ncncncncn shërim të shpejt mos e merr me stres. Unë do bëj çdo lojë me arrit te ai që më preku familjen, ç’lidhje ka besa këtu idiota.”

Por nuk përfundon me kaq… Një reagim i dytë ka ardhur përsëri nga Medi i cili shfaq një pjesë së bisedës së tij të bërë me Stresin në What’s app:

Noizy bashkë me grupin e tij është përfshirë në një sherr masiv në diskotekën “Sancy” në Pejë të Kosovës, ku rrahën brutalisht Muhamet Isenin, i njohur në rrjetin social TikTok si “Medi” dhe një familjar të tij, Bekim Hardergjonajn.

Medi Iseni dyshohet se u pre në besë nga reperi tjetër shqiptar, Arkimed Lushaj, i njohur me emrin e artit si Stresi, i cili dyshohet se e kishte ftuar për ta takuar, por ndërkohë ishte një “kurth”, për ta vendosur në të njëjtin ambient me Noizyn dhe grupin e tij.

Pasi Medi Iseni dhe shoku i tij u futën në një dhomë, aty ata u përballën me Noizyn dhe 7 persona të tjerë të grupit të tij, duke u dhunuar me doreza hekuri dhe sende të forta.

Pas ngjarjes ata u dërguan me urgjencë në spital, teksa media kosovare “Gazeta Sinjali” ka publikuar pamjet e Medi Isenit dhe Bekim Hadergjonajt, ku ata shihen me plagë të shumta në kokë dhe trup, si dhe të mbuluar në gjak.

Prokuroria e Posaçme anti-Korrupsion arriti që të zbardhte gjashtë vrasje dhe atentate në Elbasan, Peqin dhe Rrogozhinë. Në shënjestër ishin vëllezërit Çopja, që dyshohet se janë njëri në Belgjikë dhe tjetri në Dubai.

Mes 33 personave që SPAK kërkoi arrestimin gjatë operacionin “Plumbi i artë 2”, duke caktuar masën e sigurisë “arrest në burg dhe “arrest shtëpie”, është dhe një sekretare gjyqësore e quajtur, Denada Toda alias Runaj për nxjerre të sekretit hetimor.

Ajo është motra e të ndjerit Regis Runaj, i cili në 29 korrik 2020 u masakrua me rreth 27 goditje thike, nga Euglen Halili, i cili kishte marrë urdhër nga Xhuljano Hoxha dhe Erjon Alibej për vrasjen e Runajt në qytetin e Elbasanit.

Syri.net shkruan se ajo ka shërbyer për më shumë se 10 vite si sekretare gjyqësore në gjykatën e Tiranës dhe atë të Elbasanit, duke punuar si sekretare pranë gjyqtares Pajtime Fetahu. Por prej disa kohësh ajo është larguar me dorëheqje nga gjykata e Elbasanit, duke u vendosur në Itali.

Një prej gazetarëve dhe moderatorëve më të zëshëm në vendin tonë, Blendi Salaj, ka ngritur alarmin mëngjesin e sotëm duke u bërë thirrje qytetarëve shqiptarë që të mos bien pre e mashtrimit në një faqe interneti e quajtur “Nearest Edge”.

Përmes një postimi në llogarinë e tij në “Instagram”, Salaj bën me dije se personat të cilët qëndrojnë mbrapa kësaj faqe kanë përdorur identitetin e tij si dhe të Edi Manushit me qëllim për të bindur qytetarët që të investojnë online.

Gazetari siguron ndjekësit e tij që ai dhe Manushi nuk e kanë bërë asnjëherë bisedën që është afishuar në këtë faqe duke u bërë thirrje që të mos investojnë lekët e tyre në këtë faqe pasi nuk do i marrin mbrapsht sërish.

“Kujdes nga mashtrimet. Më kanë njoftuar sot se ekziston një faqe interneti “Nearest Edge” ku gjoja mund të investosh me shumë përfitim. Është e gjitha një mashtrim. Faqja, që imiton faqen Ëeb të Top-Channel citon një gjoja-intervistë midis meje dhe Edi Manushit ku ne tregojmë sesi të bësh para përmes këtyre investimeve online. Është e gjitha mashtrim. S’e kemi bërë kurrë atë bisedë, s’kemi asnjë lidhje me këtë kurth, as ne, as Topi. Jam i bindur se kush fut lekë atje nuk ka për t’i parë më. Mos u gënjeni. Ndajeni postimin ju lutem, të mos lejojmë që të njohurit tanë të bien pre”, shkruan Blendi Salaj.

https://www.instagram.com/p/C-KDsfEo5Z3/embed/captioned/?cr=1&v=14&wp=961&rd=https%3A%2F%2Fshqiperia-ime.com&rp=%2Fleket-nuk-iu-kthehen-me-moderatori-i-njohur-paralajmeron-qytetaret-mos-u-mashtroni-nga-kjo-faqevideo%2F#%7B%22ci%22%3A0%2C%22os%22%3A592%2C%22ls%22%3A278%2C%22le%22%3A474%7D

Një sherr u raportua ditën e djeshme nëpër media ku sipas asaj që u tha Noizy së bashku me 7 persona të tjerë dhunuan brutalisht me doreza hekuri brenda një klubi nate në Pejë, Medi Isenin dhe Bekim Hadërgjonajn.

Medi Iseni, njihet edhe si shoku i ngushtë i Kozakut, një personazh mjaft i njohur për të rinjtë në rrjetin social TikTok.

Lidhur me këtë ngjarje së fundmi ka ardhur edhe reagimi i Kozakut. Përmes një video live në rrjetin e tij social, “TikTok”, ai shprehet se i vjen keq për Medin dhe se pas kësaj ngjarje ka fshirë foton që ka pasur me Noizyn si shenjë “hakmarrje” kjo për dhunën që reperi ushtroi ndaj mikut të tij me të cilin ashtu si dhe Kozaku thotë ka ndarë bukën.

“E hoqa se unë kam ngrenë bukë me Medin. Sido që të jetë ai. E hoqa sepse u ndjeva keq kur e pashë Medin. Ç’punë kam unë me Noizyn, Noizy ka problemet e veta unë kam problemet e mija. Unë mendova se i kanë gjuajtur, por kur e kam parë më ka ardhur keq”, tha ai.