Month: August 2024

Modelja e njohur Jori Delli është shumë aktive në Instagram, së fundmi ajo ka postuar foto me bikini nga pasqyra.

Modelja ka zgjedhur të bëj disa pushime në Mykonos të Greqisë, ajo ka pozuar para pasqyrës me një palë bikni stil leopard të cilat i nxjerrin në pah linjat perfekte trupore. Jori shihet mjaft në formë dhe e tonifikuar.

Modelja ka qenë në qendër të vëmendjes në mediat shqiptare, që pas hyrjes së saj në Big Brother VIP 2. Ajo bëri mjaft përshtypje dhe ngjalli kureshtje për publikun, si një vajzë shqiptare e rritur në Itali. Në këtë kohë që flasim ndjekësit e njohin shumë më shumë Jorin. Pas daljes nga BBV ajo është intervistuar nga shumë televizione shqiptare ku ka folur për veten dhe jetën e saj.

Kohët e fundit ajo është komëntuar për lidhjen e dashurisë që ka më këngëtarin Fred De Palma, çifti e ka publikuar lidhjen e tyre disa muaj më parë dhe janë shumë aktiv në rrjetet sociale.

I

Një rrahje brutale ka ndodhur mbrëmë pas mesnate në njërin prej klubeve të natës në qytetin e Pejës.

Të përfshirë në sherr kanë qenë reperi Rigel Rajku i njohur si Noizy si dhe tiktokeri Muhamet Iseni i njohur si Medi.

Dyshja edhe më parë kishin pasur përplasje. Por mbrëmë rreth orës 03:00 të mëngjesit në klubin e natës “Sancy” në Pejë situata ka degraduar duke u përfshirë në rrahje masive.

Detaje për ngjarjen ka dhënë zëdhënësi i Policisë për rajonin e Pejës, Fadil Gashi teksa tha se dy persona kanë kërkuar ndihmë mjekësore në Spitalin e Pejës.

“Rreth orës 3:37 stacioni policor në Pejë është njoftuar nga spitali rajonal i Pejës se kanë pranuar dy persona të lënduar të cilët kanë kërkuar ndihmë mjekësore. Policia menjëherë ka dalë në vendin e ngjarjes ka kontaktuar me viktimat dhe të njëjtit kanë deklaruar se deri sa kanë qenë në një diskotekë, janë sulmuar nga persona të panjohur të cilët u kanë shkaktuar lëndime trupore dhe janë larguar në drejtim të panjohur”, konfirmoi Gashi për Insajderin.

Ai tha se dyshimet janë për 7-8 persona të përfshirë në rrahjen masive.

“Rasti është në fazën e hetimeve dhe nuk mund të japim emra, kanë qenë 7-8 persona që janë përfshirë në rrahje dhe janë të dyshuar por ende është herët për të dhënë konstatime, policia po punon për me i identifiku të dyshuarit. Deri më tash nuk kemi asnjë të arrestuar”, shtoi Gashi.

Nga sherri masiv disa persona kanë marrë lëndime trupore dhe janë duke u trajtuar në spitalin e Pejës.

“Dua të bëhem polic, të fus babin në burg, që të mos e prekë më mamin”. Mjaftuan këto fjalë të një fëmije që ndjek shkollën fillore në një qytet të vogël në zonën e Biellës në Itali për të alarmuar mësuesen.

Djali i vogël ishte shumë i inatosur me të atin, sepse ai i kishte “bërtitur” disa herë nënës së tij në praninë e vogëlushit.

Mësuesja e kuptoi menjëherë peshën e situatës pas këtyre fjalëve dhe njoftoi drejtorinë e shkollës , e cila nga ana e saj dërgoi një raport të detajuar në Prokurori.

Hetimet iu besuan karabinierëve të qytetit ku banon familja. Pasi morën në konfidencialitet maksimal elementet që vërtetonin hipotezën e mundshme të një rasti dhune në familje, karabinierët iu afruan me delikatesë nënës së fëmijës, një grua 42-vjeçare, duke fituar besimin e saj dhe ia dolën që ta bindnin që ajo tu tregonte historinë e saj, të rrëfente terrorin në të cilin jetonte për shkak të keqtrajtimeve që partneri i saj, një i alkoolizuar, i kishte bërë për vite me radhë, madje edhe para fëmijëve dhe që ajo nuk e kishte raportuar kurrë për shkak të frikës.

Frikë e justifikuar, duke qenë se pasi kishin zhvendosur nënën dhe fëmijët në një qendër pritjeje, karabinierët kishin gjetur në shtëpinë e tyre një pistoletë, me karikatorin brenda,  të vendosur mbi frigorifer dhe brenda një dollapi u gjet një pushkë dhe disa fishekë. Të dy armët kishin numrin serial të gërvishtur.

48-vjeçari u arrestua për armëmbajtje pa leje dhe dhunë në familje. /corriere.it

Erion Isai i ftuar në një emision, ka zbuluar se shpesh jeta private dhe profesionale e tij ka qenë shpesh burim lajmesh e thashethemesh, ku aktori më në fund vendosi t’i sqaronte përpara kamerës.

Një prej miqësive që gjithashtu ka qenë pre e lajmeve është raporti me Bes Kallakun.

Isai mohoi gjithçka duke e quajtur Besin “vëlla” dhe se në 19 vite, nuk janë zënë kurrë. Madje për këtë, ia atribuoi meritën shokut të tij.

Erion Isai: Besin unë e kam vëlla.

-Nuk jeni zënë me Besin, se ç’dolën ca fjalë kështu…

Erion Isai: Kurrë! Unë me Bes Kallakun, 19 vjet nuk kemi pasur hatërmbeteje një herë. Kjo është për meritë të Besit se unë jam gërnjar sa të duash.

Gazetari i kërkoi ta telefononte Besin gjatë transmetimit. Pasi ky i fundit u përgjigj, Erioni i bëri me dije se ishin në transmetim dhe më pas e pyeti nëse ka patur zënka mes tyre. Besi sigurisht që s’e kurseu një përgjigje me humor.

Erion Isai: 19 vjet, a jemi zënë ndonjëherë o zemra?

Bes Kallaku: Po, jemi kapur njëherë prej flokësh te ato, te Instagram-i.

Erion Isai: Sapo thashë në intervistë që as hatërmbetje s’kemi pasur ndonjëherë, por kjo është meritë e Bes Kallakut se të ishte për mua ishim zënë nja 100 herë me këtë natyrë që kam.

Bes Kallaku: Jo more jo! Është meritë e dy shpirtrave të pastër me njëri-tjetrin.

BBC i ka dedikuar një artikull këngëtares Dua Lipa dhe festivalit që ajo dhe familja e saj mbajnë, “Sunny Hill”.

Me një reportazh të zgjeruar, mediat britanike, kanë shkruar sesi këngëtarja me famë ndërkombëtare po ndikon në ndryshimin e imazhit të Kosovës. I ftuar në këtë reportazh ishte edhe Dukagjin Lipa, babai i Duas.

ARTIKULLI

Më shumë se 25 vjet pas luftës së Kosovës, një festival muzikor në kryeqytetin Prishtinë shpreson të ndryshojë imazhin e vendit në mbarë botën duke ftuar artistë dhe fansa ndërkombëtarë të mësojnë më shumë për skenën kulturore të vendit. Festivali Sunny Hill organizohet nga ylli i popit botëror Dua Lipa dhe babai i saj Dugi, i cili është nga Prishtina. Ata po përdorin kontaktet e tyre të industrisë për të sjellë akte si Bebe Rexha, Stormzy dhe Burna Boy në një festë me dhjetëra mijëra njerëz, si dhe duke ftuar ekspertë të industrisë. Por më shumë se 15 vjet pasi Kosova shpalli pavarësinë, a mund të bëjnë politikanët më shumë për të ndihmuar në rritjen e skenës muzikore të vendit në vend që të mbështeten te familja Lipa?

“Jemi përpjekur t’i ndryshojmë fytyrën Kosovës. Nga të dhënat e mia, mbi 42% për qind e të ftuarve në koncert kanë qenë të huaj. Kemi një diasporë të madhe dhe shumë prej tyre kanë ardhur dhe kanë marrë edhe miqtë e tyre me vete. Ka qenë gjithnjë ëndrra ime që të bëja diçka për vendin tim. Kosova ka dal nga lufta e fundit që ka ndodhur në Ballkan dhe ka nevojë për shumë mbështetje dhe për shumë art të bukur”,-shprehet Dukagjini në intervistën për BBC.

Gjatë gjithë verës në MB ka një festival muzikor pothuajse çdo javë diku në vend. Në disa pjesë të botës nuk ka asnjë mundësi për të kërcyer me bashkëshortët tuaj në një fushë duke mbajtur një birrë të vakët.

Pikërisht këtu Dua Lipa dhe babai i saj Dukagjin donin të ndryshonin gjërat duke nisur festivalin Sunny Hill në qytetin e familjes së tyre në Prishtinë, Kosovë – një pjesë e botës që disa artistë ndërkombëtarë kanë bërë turne. “Dua të ndryshoj retorikën e asaj që njerëzit mendojnë për Kosovën dhe se ajo është e shkatërruar nga lufta”,- shpjegoi Dua në fillim të këtij viti.

Dua-Lipa-LeGrange-116192

“Kur jetoja në Kosovë, asnjë nga artistët që doja të shihja nuk zbriti kurrë”. Disa kishin udhëtuar aq larg nga Çikago në SHBA për të parë artistë si Bebe Rexha, Burna Boy, Stormzy dhe DJ Snake që kryesojnë skenën kryesore fundjavën e kaluar. Groove Armada, Black Coffee dhe Griff ishin, gjithashtu, në skenë. Kosova mendohet të ketë popullsinë më të re në Evropë, pasi më shumë se gjysma vlerësohet të jetë nën moshën 30 vjeçare.

Kufizimet e udhëtimit, deri në fillim të këtij viti, nënkuptonin që muzikantët vendas nuk kishin fleksibilitetin për të luajtur në pjesë të tjera të kontinentit.

“Nuk është aq e lehtë të jesh muzikant”, shpjegon këngëtarja La Fazani, e cila ka luajtur disa herë në Sunny Hill.”E vetmja mënyrë për të fituar të ardhura të mira është duke luajtur klube nate.”

I lumtur duke parë vajzën e tij si titullar i një prej festivaleve më të mëdhenj në botë, Dukagjin thotë se “Glastonbury është i një lloji” dhe e di se do të jetë e vështirë për projektin e tij Sunny Hill. Edhe pse, ai thotë se miqtë e industrisë si pronari i Coachella, Paul Tollett, thonë se projekti i kujton atij Glastonbury në vitet 1980 dhe ka plane për ta bërë atë më shumë se një festival muzikor live.

“I dua artistët që kalojnë një ose dy ditë më gjatë në Prishtinë dhe kanë mundësi të takojnë artistë vendas dhe të ndajnë ide. Dhe që ata të njihen me njerëzit në industrinë e muzikës, dhe shpresojmë që vitin e ardhshëm ne mund të krijojmë një lëvizje me disa punëtori”, thotë Dukagjin.

Ministrja e Bujqësisë dhe Zhvillimit Rural, Anila Denaj ditën e sotme tha se qytetarët duhet të mos u besojnë pajisjeve të pacertifikuara që gjurmojnë praninë e nitratit apo kimikateve të tjera në produktet ushqimore.

Sipas saj, Instituti i Sigurisë Ushqimore dhe Veterinarisë, është instituti përgjegjës për të gjitha analizat laboratorike që kontrollon futat dhe perimet që tregtohen në vend.

“Institucioni që është përgjegjës për të gjitha analizat laboratorike është ISUV, një institucion shtetëror i fokusuar në akreditimin e testeve laboratorike. Sot jemi 1361 kontrolle. Gjurmohet edhe ku ka produkte që mund të ketë përmbajtje të lartë të disa produkte si nitrati. Duhet të heqim dorë nga pajisje që nuk janë të certifikuara. Çdo produkt që mund të ketë indikacion të shkojë dhe të certifikohet në ISUV. Sot produktet bujqësore, sidomos nga zona e Myzeqesë, nuk ndodh që të mos kenë produkte të certifikuara”., tha ajo.

Boksierja italiane Angela Carini shpërtheu në lot pasi braktisi ndeshjen e saj kundër algjerianit Imane Khelif pas 46 sekondash në një përballje që shkaktoi polemika të mëdha në Lojërat Olimpike.

Boksieri algjerian Imane Khelif është një nga dy boksierët që u lejohet të garojnë në Lojërat Olimpike, pavarësisht se u skualifikua nga kampionati botëror i femrave vitin e kaluar për dështimin në testin e testosteronit dhe testeve të përshtatshmërisë gjinore.

At the Olympics this morning, Angela Carini, a female boxer from Italy, was forced to fight against a man. She quit just 46 seconds into the bout after receiving a suspected broken nose. The people who allowed this to go ahead should be prosecuted. Utterly appalling. pic.twitter.com/8n4OcZc9Z1

— Paul Embery (@PaulEmbery) August 1, 2024

Ata janë meshkuj biologjik, që përmes terapive të caktuara kanë tranzituar dhe identifikohen si femra.

Në North Paris Arena, Carini zbuloi më pas se ajo ishte tërhequr pasi ishte goditur më fort se kurrë më parë. Një grusht i parë ia hoqi rripin e maskës në mjekër dhe i dyti e goditi në mjekër duke e gjakosur.

“Unë jam zemërthyer”, tha Carini. “Unë shkova në ring për të nderuar babanë tim. Më thanë shumë herë që isha luftëtare, por preferoja të ndaloja për shëndetin tim. Unë kurrë nuk kam ndjerë një grusht si ky”, tha ajo.

25-vjeçarja nga Napoli shtoi: “U futa në ring për të luftuar. Nuk u dorëzova, por një grusht më lëndoi shumë dhe kështu thashë mjaft. Unë po dal me kokën lart”.

“Pas grushtit të dytë, pas vitesh përvojë, ndjeva një dhimbje të fortë në hundë. Thashë mjaft, sepse nuk doja. Nuk mund ta mbaroja luftën pas grushtit në hundë. Kështu që ishte më mirë t’i jepja fund.

Jam copëtuar sepse jam luftëtare, më kanë mësuar të jem luftëtare. Gjithmonë jam përpjekur të sillem me nder, gjithmonë e kam përfaqësuar vendin tim me besnikëri. Këtë herë nuk ia dola sepse nuk munda të luftoja më. Pavarësisht nga personi që kisha përballë, nga unë, që nuk më intereson, pavarësisht nga të gjitha, doja vetëm të fitoja. Doja të përballesha me personin që kisha përballë dhe të luftoja”, u shpreh Carini.

An absolute travesty at the Olympics.

Angela Carini is forced to box against a biological male. She quits after just 45 seconds, and cries hysterically as her opponent is declared the winner.

Don't look away. This is wokeness. pic.twitter.com/wOkVRs88t5

— End Wokeness (@EndWokeness) August 1, 2024

E pyetur nëse do të kishte qenë më mirë të tërhiqej paraprakisht, Carini tha: “Unë nuk jam nga ata që dorëzohem lehtë. Jo, edhe sikur të kishin thënë që nuk do të ziheshim, nuk do ta kisha pranuar kurrë. Unë kam një mentalitet luftëtar. Këtë herë nuk ia dola. Ndjeva shumë dhimbje në hundë. Thashë mjaft.

Kursi i këmbimit të euros ka vijuar rënien ditën e enjte dhe i është afruar më shumë se kurrë më parë kufirit simbolik të 100 lekëve.

Sipas kursit zyrtar të këmbimit të bankës së Shqipërisë, euro u këmbye sot me 100.14 lekë, niveli më i ulët i regjistruar ndonjëherë.

Kursi i këmbimit vazhdon të jetë nën efektin e faktorit sezonal, që karakterizohet nga një prurje e madhe e valutës së huaj. Të dhënat historike tregojnë se kulmi i efektit sezonit veror mbi kursin e këmbimit arrihet mes fundit të muajit korrik dhe fillimisht të muajit gusht.

Këtë vit, efekti sezonal ka qenë më pak i dukshëm, për shkak të ndërhyrjes së Bankës së Shqipërisë, e cila po kryen blerje direkte të valutës që prej fundit të muajit maj, me qëllim për të mos lejuar rënien e euros poshtë kufirit të 100 lekëve.

Megjithatë, këtë javë euro ka humbur lehtë terren, pavarësisht mbikëqyrjes së vazhdueshme që po ushtron Banka e Shqipërisë mbi kursin.

Një kurs i euros pak sipër nivelit të 100 lekëve është kthyer në një lloj normaliteti të ri prej një viti. Tashmë, ndryshimi vjetor i kursit të këmbimit është zbutur ndjeshëm. Sot kursi i këmbimit euro-lek ishte në rënie me vetëm 1.7% krahasuar me të njëjtën ditë të vitit të kaluar.

Megjithatë, mbajtja e kursit në këto nivele i detyrohet vetëm ndërhyrjes së Bankës së Shqipërisë. Në rast se forcat e tregut do të ishin të lënë të vepronin lirisht, me siguri euro prej muajsh do të këmbehej dukshëm poshtë nivelit të 100 lekëve. Përmasa e ndikimit të Bankës së Shqipërisë në kursin e këmbimit, megjithatë, është e vështirë të thuhet me saktësi, sepse vlerat e blerjes së valutës nuk janë bërë ende publike.

Banka e Shqipërisë ndërhyri për të mos lejuar rënien e mëtejshme të kursit të euros, duke e argumentuar këtë vendim në funksion të objektivit ligjor të inflacionit. Në pjesën e parë të këtij viti inflacioni ka zbritur poshtë objektivit të bankës qendrore dhe në muajin qershor u raportua nga INSTAT në 2.1%.

Forcimi i lekut ka patur një rol të rëndësishëm në zbutjen e inflacionit të importuar dhe e mbrojti ekonominë shqiptare nga vala e fortë inflacioniste e viteve 2022-2023.

GJithashtu, rënia e euros ndihmoi ruajti aftësinë paguese të huamarrësve në valutë të huaj dhe me të ardhura në lekë, duke ndihmuar në amortizimin e efekteve të rritjes së normave të interesit të euros.

Por, nga ana tjetër, rënia e kursit të euros ka sjellë pasoja serioze për sektorët ekonomikë që i shesin produket dhe shëbrimet e tyre në monedhën europiane. Kjo rënie ka ndikuar në rënien e eksporteve shqiptare, por edhe në rritjen e çmimeve në sektorë të caktuar, si turizmi apo ndërtimi./Monitor

Kryeministrja e Italisë Georgia Meloni, kishte deklaruar se kampi i refugjatëve në Shëngjin e Gjadër do të hapej më 1 gusht.

Në një reagim për News24, ambasadori italian në Tiranë, Fabrizzio Buçi, ka deklaruar e hapja ne kampit është shtyrë edhe për disa javë.

Shkak për këtë duket se janë bërë punimet shtesë.

Kujtojmë se kampi do të hapet në bazë të marrëveshjes Rama-Meloni, ndërkohë që do të akomodojë 36 mijë emigrantë në vit.

Agron Llakaj është përfshirë në debatin më të madh së fundmi në vendin tonë, sa i përket turistëve që këtë vit zgjodhën të pushonin në Shqipërisë. Ndërsa qeveria reklamon se numri i tyre ka qenë i lartë, gazetarë të shumtë kanë faktuar të kundërtën.

Së fundmi është aktori i njohur i humorit, një nga më të dashurit të publikut, që ka bërë një postim në rrjetet sociale. Ai tregon dy kategori të njerëzve: ata që kanë mundësi të shkojnë e të pushojnë ku të duan dhe të tjerë që përballen çdo ditë me luftën për të mbijetuar.

Duke huazuar edhe një diçiturë të një miku të tij, Llakaj shkruan në Instagramin e vet: “ Çfarë domethënë boom turistik? “Kush ka para me bollëk, shkon tall bythën në Dhërmi. Kush s’ka asgjë në trastë, luan bythën në shtëpi”, përfundon ai duke ironizuar fort situatën në vend, bashkë me qeverinë që reklamon sezonin turistik në Shqipëri.

https://www.instagram.com/p/C-H97Y5tWwg/?utm_source=ig_embed&ig_rid=13bf7b63-5ae7-4785-80a5-3c84dc51ef0d&ig_mid=8E183AC6-DCD1-43C2-98E3-3FA3BDA2AA65