Month: September 2024

Në një diskutim në “Live From Tirana”, Olta Sheta ofroi pikëpamjen e saj mbi ngjarjen që tronditi opinionin publik javët e fundit: dhuna e ushtruar nga motrat Berisha ndaj Klea Prengës.

Ndërsa debati vazhdon të ndezë reagime të ashpra, Sheta ka thënë se përplasjet midis grave janë shpesh pasojë e një problemi më të thellë në familje.

“Si gjest në vetvete, duhet të dënohet, sidomos kur bëhet nga femrat,” tha ajo, duke e vendosur fajin tek bashkëshorti në qendër të problemit.

Për shumë nga ata që kanë ndjekur ngjarjen, pyetja që mbetet ende pa përgjigje është: Pse ndodhi kjo ngjarje e dhunshme dhe çfarë qëndron pas saj

Olta mendon se kjo situatë është një pasojë e frustrimit të grumbulluar, e dëshirës për të mbrojtur statusin dhe identitetin. Ajo shtoi: “Klea e dinte shumë mirë se nga kush do t’i vinte dhe me kë ishte lidhur. Por, ajo që nuk kuptoj është se si njerëzit përreth, të ulur në të njëjtën tavolinë, qëndruan pasivë ndaj kësaj situate.”

Duke u fokusuar në fenomenin më të gjerë të kulturës së dhunës dhe dinamikave të brendshme në familjet shqiptare, Sheta nënvizoi se kjo ngjarje nuk është e izoluar. Ajo theksoi se gratë e reja duhet të përpiqen të krijojnë pavarësinë e tyre ekonomike dhe të mos mbështeten në lidhje materiale si zgjidhje të përhershme.

Përfundimisht, mesazhi i Shetës është i qartë: “Ne duhet të heqim dorë nga dhuna si një mënyrë e të trajtuarit të konflikteve dhe të praktikojmë më shumë komunikim. Shqiptarët duhet të përvetësojnë më shumë koncepte si paqja dhe mirëkuptimi, në vend që të mbështeten në ndarje përmes forcës dhe frikës.”

Ngjarja mbetet ende në qendër të vëmendjes, duke ngritur pyetje serioze për natyrën e marrëdhënieve moderne në Shqipëri dhe për mënyrat se si këto konflikte trajtohen në publik.

Elseid Hysaj i është bashkuar Kombëtares shqiptare në grumbullimin e shtatorit për ndeshjet e Ligës së Kombeve si një futbollist i Lacios. Por në fakt, Hysaj është vetëm në “letër” i tillë, pasi efektivisht, klubi nuk do ta aktivizojë në Serinë A.

Mediat italiane kanë bërë të ditur se, ndonëse ka edhe një vit të mbetur në kontratën e tij me Lacion, Hysaj nuk është përfshirë në listën e skuadrës bardhekaltër që klubi i ka dorëzuar Ligës së Serisë A.

Për çështje të merkatos dhe numrit të futbollistëve që u rezervohen italianëve apo atyre të rritur në klub, bardhekaltrit janë detyruar të bëjnë sakrifica dhe kësisoj kanë zgjedhur të lënë jashtë Hysajn dhe të mbajnë Pedron.

Kështu, Hysaj mbetet përsëri pjesë e Lacios, por nuk mund të aktivizohet në këtë sezon me bardhekaltrit, përveçse në rast emergjence.

Klubi ka të drejtë të bëjë dy ndryshime në listë gjatë sezonit për çështje emergjencash që kanë të bëjnë me dëmtimet afatgjata të lojtarëve. Vetëm në atë rast, Hysaj mund të përfshihet në listë nga klubi bardhekaltër.

Për lojtarin kësisoj mund të jetë më e leverdishme që në javët e ardhshme të kërkojë një sistemim të ri në kampionatet ku merkatoja është e hapur, në mënyrë që të ketë minuta në fushën e lojës gjatë këtij sezoni.

Por për momentin kjo duket e vështirë duke llogaritur rrogën e lartë prej 2,8 milionë eurosh që përfiton ai në vitin e tij të fundit të kontratës me Lacion, që është e vështirë të përballohet nga klube të tjera jashtë kampionateve kryesore.

Detaje të reja kanë dalë në dritë lidhur me ngjarjen e mbrëmjes së shkuar ku mes dy grupeve pati të shtëna me armë zjarri në Prishtinë.

Të përfshirë në ngjarje janë familjet Sekiraqa dhe Capat, të njohura edhe si grupe që janë në konflikt prej kohësh. Gjithashtu raportohet se ky konflikt i armatosur la të vdekur një person dhe pesë të tjerë u plagosën. Mosmarrëveshjet e mëhershme mes dy fiseve ishin shkaku i përleshjes së armatosur në Prishtinë, mbrëmjen e 1 shtatorit, që la të vrarë një person, tha Prokuroria Themelore në Prishtinë.

Prokuroria Themelore tha se pesë të dyshuarit, të cilët kanë marrë lëndime trupore, janë dërguar në Qendrën Klinike Universitare për trajtim dhe “për momentin janë jashtë rrezikut për jetë”. Autoritetet gjyqësore e kanë klasifikuar këtë rast si vepër penale “vrasje të rëndë” në bashkëkryerje dhe “mbajtje në pronësi, kontroll ose posedim të paautorizuar të armëve”.

Prokuroria Themelore tha po ashtu se përveç pesë të plagosurve, autoritetet po punojnë në identifikimin e personave të tjerë që dyshohet se janë përfshirë në të shtënat në Prishtinë.

Ndërkohë, Policia e Kosovës ka dalë me një konfirmim zyrtar lidhur me ngjarjen. Bazuar në informacionet që posedojnë organet e rendit dyshohet se është Premtim Gashi personi që ka humbur jetën. Konfirmimi i identitetit nuk është bërë mbrëmë menjëherë në vendin e ngjarjes për shkak se i vrari nuk kishte dokumente identifikuese me vete. Gjithashtu raportohet se në momentin e ngjarjes, viktima kishte me vete një kallashnikov.

Konflikti dyshohet se lidhet me problemet që familja e Sekiraqës ka pasur në vazhdimësi me familjen Capat në Prishtinë, të cilëve iu plagos një familjar para disa muajsh. Raportohet po ashtu se nga familja Sekiraqa, mbeti i plagosur personi më me ndikim në grupin e tyre, Salih Sekiraqa, 47-vjeçar.

Bashkë me Sekiraqën u lënduan edhe Korab Gashi (vëllai i Premtimit), Robert Llumnica 29-vjeçar, Fatos Abazi 35-vjeç dhe Valdrin Ademi 21-vjeç. Gjithashtu bëhet me dije se në gjendje më të rëndë shëndetësore janë të plagosurit Llumnica dhe Ademi.

Nxënësit e shkollave në Greqi do të detyrohen t’i mbajnë telefonat e tyre në çantë gjatë gjithë kohës që do të zhvillohet viti akademik, i cili nis më 11 shtator.

Rregullorja e re e shkollës u paraqit pas një takimi mes kryeministrit grek Kyriakos Mitsotakis dhe ministrit të Arsimit, Kyriakos Pierrakakis.

“Nxënësit mund t’i sjellin telefonat në shkollë, por ata duhet t’i mbajnë brenda çantës gjatë gjithë ditës që do të jenë në shkollë”, tha kryeministri grek.

“Të dhënat shkencore se si përdorimi i celularëve gjatë ditës në shkollë ndikon në vetë procesin e të mësuarit janë trishtuese. Nga shpërqendrimi, në çështje të tjera të rëndësishme, është e qartë se celularët nuk kanë vend në shkollë gjatë ditëve të mësimit”, vijoi ai.

Sipas rregullave të reja, nxënësit që nuk e respektojnë rregulloren, do të përjashtohen nga shkolla për 1 ditë. Në rast të shkeljeve të përsëritura, mësuesit mund t’i nxjerrin ata nga orët mësimore për disa ditë. Kushdo që filmon shokët e klasës ose mësuesit pa leje, mund të përballet me përjashtim.

“Ne nuk presim domosdoshmërisht që të pajtoheni 100% që nga dita e parë, por duam që fëmijët, prindërit dhe kujdestarët e tyre të kuptojnë rëndësinë e fokusimit të nxënësve tërësisht në procesin arsimor në shkollë”, u shpreh Mitsotakis.

Rregullat i janë shtuar propozimit të paraqitur në mars, pas një ngjarjeje ku disa studentë u përjashtuan nga shkolla, për shkak se filmuan shokët e klasës dhe u tallën me ta në internet.

Kjo nuk është hera e parë që në Greqi është krijuar një sistemi i tillë për përdorimin e celularit në shkollë, të cilin zyrtarët e kanë quajtur një “shpërqendrim të rëndësishëm”.

Më parë, në vitin 2002, ishte vendosur edhe një ndalim i përgjithshëm i celularëve në shkolla, por mësuesit u shprehën se e kishin të vështirë ta zbatonin rregullin.

Su Burcu Yazgi Coskun është njëra nga aktoret turke më të dashura për publikun.

Ajo ka arritur famë të madhe me paraqitjen në serialin “Kardeslerim” në rolin e Asiye Eren.

Në një nga intervistat e fundit, bukuroshja e njohur thotë se nëna e saj me origjinë është shqiptare.

“Paskeni edhe origjinë shqiptare. Kështu a keni ndonjë mendim për traditat e tyre?”, ka qenë pyetja që iu parashtrua në studio.

“Natyrisht që ka. Në fakt çështja e vendlindjeve të mia është pak e përzier”, tha ajo.

Më pas, asaj i ndërhyu moderatores duke i thënë tutje: “Pse?”.

“Nëna ime është shqiptare, por prej aty pastaj ka emigruar në Karadeniz. Babai im është nga Antalia. Por përshembull nga veshjet, në shtëpi kemi veshje shqiptare. Po ashtu edhe ushqime”.

“Ka përshembull, mish dhe oriz. Po është oriz me domate, pasta dhe pulë. Por është shumë e shijshme. Është e pjekur në furrë. Është jashtëzakonisht e shijshme, po ashtu kemi edhe byrek me presh”, theksoi mes tjerash ajo.
E njëjta ka marrë pjesë edhe në shumë projekte të tjera filmike si dhe ka mbi pesë milionë ndjekës vetëm në Instagram

Gjykata e Fierit mori në (2 shtator) vendimin për të liruar me kusht nga burgu Fredi Belerin, duke pranuar kështu kërkesën e tij.

Fredi Belerit i kishin mbetur edhe 6 javë për të përfunduar dënimin.

Ndërkohë mësohet se pasi të lërë qelinë, Fredi Beleri do t’i drejtohet qytetit të Himarës, ku edhe do të mbajë një fjalim para mbështetësve të tij.

Gjykata pranoi kërkesën tonë, urdhëroi lirimin para kohe. I kishin mbetur 6 javë për të bërë. Respekte për gjykatën. U tregua e pavarur. I kishin mbetur edhe dy muaj. Pronari që i ka çelësat e burgut dha leje pas zgjedhjeve që të dali”, tha avokati i tij, pas vendimit.

Ish-kryetari i zgjedhur i bashkisë së Himarës, ndodhej në qeli që prej 12 majit të vitit 2023, dy ditë para zgjedhjeve, pasi u akuzua për korrupsion në zgjedhje.

Kujtojmë që në muajin korrik, miratoi kërkesën duke i dhënë leje Fredi Belerit për të shkuar në Strasburg për t’u betuar si eurodeputet.

Rrugëtimi i Fredi Beleri në burg

Beleri, i cili u arrestua dy ditë para zgjedhjeve të fundit lokale në Shqipëri me akuzën e blerjes së votave, u gjet fajtor nga Gjykata e Posaçme dhe dënimi ndaj tij u konfirmua në Apel.

Edhe pse i arrestuar Beleri fitoi zgjedhjet në Himarë në maj 2023 dhe qe kryetar i zgjedhur i bashkisë deri në korrik 2024, kur pas vendimit të formës së prerë të Gjykatës së Posaçme të Apelit, Komisioni Qendrorë i Zgjedhjeve e shpalli mandatin e tij të pavlefshëm.

Për shkak të arrestimit Beleri nuk kreu dot betimin si kryebashkiak dhe gjykata refuzoi ta lejonte atë të merrte mandatin.

Gjatë kohës që Beleri përballej me akuza në Shqipëri ai mori mbështetje nga Athina zyrtare dhe partia e kryeministrit grek Kyriakos Mitsotakis e kandidoi në listën e saj për deputetë të Parlamentit Europian. Beleri u shpall fitues, ndërsa ishte dënuar nga Gjykata e Posaçme e Shkallës së Parë në Shqipëri.

Intriga, aleanca, tradhti, vrasje dhe shumë para. Kjo është panorama mes grupeve kundërshtare në Elbasan gjatë periudhës nga fundi i vitit 2018 deri në momentin kur Nuredin Dumanit i bëhet atentat.

Dosja e SPAK mbi grupin Çopja është voluminoze dhe paraqet të gjitha zhvillimet e bujshme mes tyre dhe grupit të Erion Alibejt, luftë e cila shpërtheu pikërisht në 29 dhjetor 2018 ku edhe u vranë Indrit Alibej, Erdal Durunay dhe Arben Dylgjeri.

Në këtë moment, Erion Alibej fillon hetimet personale për të zbuluar se kush e kreu atentatin. Nga ana tjetër, Çopjat ndjehen të sigurt se nuk kanë lënë gjurmë në ngjarje. Madje, Franc Çopja shprehet sipas komunikimeve në SKY se ka shkuar për ngushëllim në shtëpinë e Erion Alibejt duke hedhur edhe 50 euro.

Por, situata do të ndryshojë disa muaj më pas ku Erion Alibej përmes njerëzve të tij mëson se pas atentatit janë si financues vëllezërit Çopja, ndërsa si organizator Mikael Qosja ose siç njihet ndryshe, Kel Kamami, sipas dosjes.

Në dosje shpjegohet edhe atentati me detaje, si edhe rolet që kanë patur Mikael Qosja, Talo Çela, Besmir Haxhia, Altin Ndoci, Eljo Bitri si edhe Dashnor Dumani, vëllai i Nuredin Dumanit.

Në dosjen e parë nga albeu.com, është edhe një moment interesant kur Nuredin Dumani, atëhere i kërkuar nga policia, kërkon të komunikojë me vëllanë e tij, Dashnor Dumani.

Dumani, përmes një celulari të kriptuar, i shkruan një të njohuri të tij dhe i thotë që t’ia çojë vëllait, Dashnorit, celularin që ky i njohur kishte, në mënyrë që dumanët të flisnin me njeri-tjetrin.

Në bisedën e zbardhur nga SPAK, Nuredin Dumani i thotë të vëllait se Talo Çela ka dhënë detaje duke orientuar policinë për vendin ku duhej kërkuar për ata, ndërsa një moment i thotë se disa persona në Durrës kërkonin t’i vrisnin prandaj edhe duhej të tregonte se çfarë dinte për Talo Çelën.

Ndërkohë që fliste me të vëllanë duke kërkuar informacion për Talo Çelën. Nuredin Dumani e pyet të vëllanë se “nga dilnin makinat për të bërë punë”, duke kërkuar informacion për bazat e Talo Çelës dhe se ku mund të ishin njerëzit që mbështesnin grupin e tij.

Dashnor Dumani i thotë se makinat dilnin nga Elbasani duke mos dhënë detaje të tjera të operacioneve të grupit të tyre.

Veprimtaria kriminale e vëllezërve Çopja sipas SPAK

Më 1 gusht 2024, SPAK përmes një njoftimi zyrtar zbuloi aktivitetin e organizatës kriminale të drejtuar nga vëllezërit Franc dhe Hajdar Çopja.

Të paktën 4 atentate me 6 të vrarë, 3 vrasje të mbetura në tentativë, 14 të porositura, dhe grabitja e 4.6 milionë eurove në Rinas në prillin e vitit 2019 janë vetëm disa prej krimeve më të rënda të cilat SPAK ka zbardhur dhe thotë se kanë për autorë organizatën kriminale të vëllezërve Franc dhe Hajdar Çopja Elbasani.

Me kërkesë të SPAK, më 29 korrik GJKKO lëshoi 33 urdhërarreste nga të cilat gjatë megaoperacionit “Plumbi i Artë 2” të zhvilluar më 31 korrik 2024 në disa qytete u arrit të ekzekutoheshin 13, ndërsa dy të tjerë gjenden të arrestuar jashtë Shqipërisë, 20 të tjerë arritën të largoheshin.

Vetë Franc Çopja ndodhet ndodhet i arrestuar në Belgjikë, ndërsa Hajdar Çopja ndodhet i arrestuar në Dubai.

SPAK ka zbuluar dhe si vëllezërit Franc dhe Hajdar Çopja e nisën aktivitetin e tyre kriminal vreth viteve 2006 – 2007, duke shpërndarë në sasi të vogla kokainë, derisa arritën të zgjeroheshin edhe ne vende të tjera të Evropës e jo vetëm dhe një nga grupet më të rrezikshme kriminale në Elbasan.

SPAK thotë se për të zotëruar tregun dhe për të krijuar hegjemoninë e tyre ndaj grupeve të tjera, kjo organizatë kriminale në vitin 2018 filloi eliminimin e kundërshtarëve, nëpërmjet vrasjeve me pagesë të personave, të cilët kishin një rol të rëndësishëm në trafikun e drogës në Evropë dhe më gjerë.

Një ndër to është vrasja e 29 dhjetorit 2018, e njohur si Masakra e Bradasheshit, kur u eliminua Endrit Alibej dhe 2 persona të tjerë, vrasje e cila u pasua me urdhërimin dhe të eliminimit të disa personave të afërm të tij.

Jo vetëm kaq ata rritën dhe potencialin e tyre ekonomik dhe si rrjedhojë dhe pozitat e tyre në raport me grupet e tjera ndryshoi pasi ata krijuan kontakte të cilat ju dhanë më pas mundësi për të krijuar lidhje të drejtpërdrejta me eksponentë të rëndësishëm të trafikut të narkotikëve.

4 tentativa vrasjeje ishin në drejtim të vëllait të Endrit Elibejt, bashkëpunëtorit të drejtësisë Erion Alibej por që të gjitha dështuan nga nëntori 2019 në nëntor 2020. Ndërkohë që në 2 raste të tjera ka qenë i penduari tjetër i drejtësisë Nuredin Dumani që i ka shpëtuar atentateve.

Vëllezërit Çopja janë autorë edhe të vrasjes së Klevin Bahos dhe plagosjes e vëllait të tij Aldo (Aleksandër) Baho” në vitin 2019. Gjithashtu SPAKA ka vertetuar se ata janë autorë edhe te vrasjes se Andi Zylyfi dhe plagosjes së Ardit Uruçi, 13 dhjetorin 2019, në fshatin Përparim në Peqin, si dhe vrasjen e Klevis Kapllanit shtatorin e vitit 2020, në fshatin Sinaballaj, Rrogozhinë.

Ndërsa kanë mbetur në tentativë vrasjet e Kei Pikut 16 Janarin e vitit 2020 ne Elbasan; Irfan Azizit, nëntorin e vitit 2020, në Urë Vajgurore dhe një punonjësi policie marsin e vitit 2018, në Fier.

Organizata ka arritur të rekrutojë edhe dy punonjës të policisë së shtetit dhe një punonjëse në gjykatën e Elbasanit që u jepte informacione sekrete.

Organizata kriminale e vëllezërve Çopja sipas SPAK ka investuar në Shqipëri një pjesë të të ardhurave të cilat rrjedhin nga trafiku ndërkombëtar të drogës, kryesisht në tregun e pasurive të paluajtshme (nëpërmjet blerjes së pronave të ndryshme si apartamente, vila, bare e restorante dhe sipërfaqe toke), në qytetet Tiranë, Elbasan dhe të Durrësit. Gjithashtu organizata ka pastruar paratë kryesisht në sektori i ndërtimit, ku nëpërmjet personave të tretë ka injektuar dhe investuar shuma monetare të konsiderueshme cash për realizimin e punimeve të godinave të banimit në proces ndërtimi si dhe në ndërtimin e godinave/komplekseve të banimit prej fillimit.

SPAK thotë se Franc Çopja, në raste të përsëritura ka realizuar transferimin e vlerave monetare të konsiderueshme cash nëpërmjet përdorimit të zyrave të këmbimit valutor (Exchange) brenda dhe jashtë vendit, duke ia dërguar personave të tij të besuar me qëllim, edhe për kryerjen e pagesës së vrasjeve të porositura si dhe kryerjen e investimeve për llogari të tyre në Shqipëri dhe jashtë saj.

Ish-presidenti i SHBA-së, Donald Trump ka “trazuar ujërat” sërish duke pretenduar se kryeministri kanadez Justin Trudeau është djali i ish-liderit të Kubës, Fidel Kastro.

“Thonë se është djali i Fidel Kastros dhe mund të jetë”, u shpreh Trump në një intervistë. Përveç kësaj, Trump vuri në dukje se nëna e Trudeau, Margaret, flinte me të gjithë Rolling Stones, diçka që vetë këngëtari Mick Jagger e përmendi gjatë një koncerti në Kanada.

Në librin e tij të ri, “Save America”, ai rithekson këtë informacion. “ Justin Trudeau dhe unë shkuam shumë mirë, por ndryshimi i natyrshëm ishte se ai ishte shumë bujar dhe unë, për ta thënë butë, jo”, shkroi Trump.

Marrëdhënia e tij me Trudeau

“Do të jetë shumë interesante të shohim se si do të bëjmë në të ardhmen, por më parë duhet të arrij në Shtëpinë e Bardhë”, vazhdoi ai. “Nëna e tij ishte e bukur dhe e egër. Në vitet 1970, ajo shkoi të festonte me Rolling Stones, por ishte lidhur disi edhe me Fidel Castron. Ajo tha se ai ishte ‘mashkulli më seksi që ka takuar ndonjëherë’ dhe shumë njerëz thonë Justin është djali i saj”, pohoi ai.

“Ai betohet se nuk është, por si mund ta dija unë! Castro kishte flokë të mirë, nuk kishte ‘baba’, Justin ka flokë të mirë dhe ai u bë komunist ashtu si Kastro,” vazhdoi Trump. Thashethemet kishin qarkulluar më parë, duke bërë që qeveria kanadeze ta mohonte atë në 2018.

Për më tepër, Associated Press publikoi një kontroll faktesh duke e identifikuar pretendimin si të rremë. Në raportin e tyre, ata sqaruan se Margaret, e cila u martua me kryeministrin kanadez Pierre Trudeau në moshën 22 vjeçare, lindi djalin e tyre Justin nëntë muaj pas martesës së tyre në vitin 1971, kur Pierre ishte 51 vjeç.

Raporti gjithashtu vuri në dukje se Justin Trudeau lindi katër vjet përpara se Margaret të bënte udhëtimin e saj të parë në Kubë. Megjithatë, teoria fitoi popullaritet pasi Trudeau lavdëroi Fidel Castron pas vdekjes së tij në 2016, duke e përshkruar atë si një “revolucionar legjendar më të madh se jeta”.

Një tjetër surprizë që pritet të vijë si risi në ekranet tona është edhe formati që Roza Lati do të sjellë së bashku me të ëmën, Ritën. Për javë me radhë Roza mbeti jashtë ekranit, ku asnjë ide e saj nuk është pranuar.

Por ka qenë pikërisht Rita, ajo që ka përmbyllur edhe idenë e një formati të ri, që do të ketë të ftuar, por edhe shumë lojëra dhe humor.

Kjo do të Jetë hera e parë që Rita dhe Roza do të jenë së bashku në ekran, si moderator. Kujtojmë se të dyja pas përfundimit të “Big Brother”, u ftuan shpesh në televizion të dyja dhe atmosfera e krijuar ishte shumë e zjarrtë.

Mes batutave dhe situatave të ndryshme, nënë e bijë ia dolën që të konsiderohen për të sjellë një format së bashku.

Fundjava do t’i besohet Rozës dhe Ritës, ku njëra do të jetë në rolin e moderatores, teksa tjetra, veç moderimit do të krijojë edhe situatat gazmore mes të ftuarve dhe lojërave të ndryshme.

Vrasja e gjashtë pengjeve izraelite nga Hamasi, ka sjellë revolta të mëdha, teksa protestat kanë shpërthyer në të gjithë Izraelin.

Demonstruesit i bëjnë thirrje kryeministrit Benjamin Netanyahu që të arrijë një armëpushim dhe marrëveshje pengjesh me Hamasin.

Vendet e protestës përfshijnë Tel Aviv, Jerusalemin, Haifa, Ra’anana, Be’er Sheva, Kfar Saba, Kiryat Bialik, Afula, Ness Ziona, Binyamina dhe kryqëzime dhe ura të ndryshme në mbarë vendin, sipas organizatorëve të protestës.

Në Tel Aviv, organizatorët vlerësuan një numër prej 300,000 personash që morën pjesë në demostratë. Ndërkohë Ministri izraelit i Mbrojtjes Yoav Gallant kritikoi qeverinë izraelite se po i jepte përparësi kontrollit të një zone kyçe kufitare mbi një marrëveshje për lirimin e pengjeve, duke e quajtur atë një “turp moral” gjatë një takimi të kabinetit të dielën, ka mësuar CNN.

Protestuesit në Tel Aviv kanë bllokuar disa korsi në autostradën Ayalon teksa bëjnë thirrje për lirimin e pengjeve në Gaza. Policia është kundërpërgjigjur duke gjuajtur me uji me shkumë dhe duke i larguar me forcë demonstruesit e ulur në mes të rrugës.

Disa u panë gjithashtu duke përdorur bombola tymi dhe duke valëvitur flamujt izraelitë. Në Haifa, policia thotë se arrestoi dy protestues të cilët dyshohet se ndezën pishtarë.