Month: September 2024

Gazetarja e njohur shqiptare, Einxhel Shkira ka kohë që qëndron larg ekranit televiziv.

Ajo pati një aventurë të paharruar në “Big Brother VIP Albania” dhe që prej atij momenti duket se vendosi të qëndrojë larg kamerës.

Por a është fakti se u martua me Dj Dagz dhe u bënë prindër arsyeja, apo ka diçka tjetër?

Një ndjekës i ka shkruar Einxhelit në mesazhet e Instagramit, duke i kërkuar të prezantojë Festivalin e Këngës në RTSH.

“Të lutëm prezanto këtë vit Festivalin e RTSH-së”, ka qenë mesazhi që mori Einxhel.

Një kërkesë të tillë Einxhel s’e kishte marrë ndonjëherë, por arsyen përse nuk mund të ndodhë një gjë e tillë e tregon vetë ajo.

“Mirë e ke ti, bukur do ishte, por s’të le radhë njeri. Se ne jemi bërë 5 moderatorë për metër katror” shkroi Einxhel.

Postimi i Einxhel

Ish-mesfushori i Gjermanisë, Toni Kroos, ka ironizuar UEFA-n, referuar prekjes me dorë të Marc Cucurella në zonë, në ndeshjen çerekfinale të Europianit, ndaj Spanjës.

Komisioni i Arbitrave pranoi se mos akordimi i penalltisë, ishte një gafë e arbitrit Anthony Taylor dhe e VAR-it.

Në lidhje me këtë, Kroos ka ironizuar, duke thënë se UEFA-s iu deshën tre muaj, për të kuptuar atë që të gjithë e panë në një sekondë.

“Atyre iu deshën tre muaj për të kuptuar se ishte një lojë me dorë, diçka që pothuajse të gjithë ne e pamë në një sekondë. Kjo më qetëson shumë tani. A mund ta quaj veten kampion Europe tani që u pranua gabimi? Nuk mendoj kështu.”, tha Kroos.

Ndeshja mes Gjermanisë dhe Spanjës në çerekfinalen e Europianit, krijoi polemika të mëdha, për prekjen me dorë, pasi në fund ishin iberikët ata që u kualifikuan më tej, pas një goli të shënuar në fund.

Mediat ndërkombëtare po i bëjnë jehonë idesë për krijimin e një “mini-shteti bektashi” në Tiranë.

Keni dëgjuar ndonjëherë për ‘Shtetin Sovran të Urdhrit Bektashi’?

Me shumë mundësi nuk keni dëgjuar, të paktën ende jo. Por nëse gjithçka shkon sipas planit, ai së shpejti do të bëhet mikroshteti më i vogël në botë – një version mysliman i qytetit të Vatikanit (por vetëm një e katërta e madhësisë së tij).

Kryeministri shqiptar Edi Rama ka në plan të transformojë myslimanët sufi bektashinj të Tiranës në një shtet sovran për të promovuar ‘moderimin, tolerancën dhe bashkëjetesën paqësore’.

Toka prej 10 hektarësh në kryeqytetin e Shqipërisë do të ketë pasaportën e saj, kufijtë dhe administratën që rregullon çështjet fetare, pa përfshirjen e Tiranës.

Shqipëria është afërsisht 50% myslimane, por vetëm 10% e kësaj popullsie janë pjesë e Urdhrit Bektashi. Myslimanët bektashi janë komuniteti i katërt më i madh fetar në Shqipëri, pas myslimanëve sunitë, katolikëve dhe të krishterëve ortodoksë.

Duke reflektuar praktikat tolerante islame të Urdhrit, mikroshteti do të lejonte alkoolin dhe do t’i lejonte të gjithë të veshin atë që duan.

Duke folur në Kombet e Bashkuara, Rama vuri në dukje se kombi i tij i vogël ballkanik prej 2.8 milionë banorësh strehoi refugjatët hebrenj nga nazistët gjatë Luftës së Dytë Botërore dhe u dha azil afganëve pasi talebanët morën pushtetin në 2021.

Çfarë është Urdhri Bektashi?

Urdhri Bektashi është një rend mistik mysliman i themeluar në Perandorinë Osmane (Turqia e sotme) në shekullin e 13-të. Është një degë e sufizmit, një degë e Islamit që fokusohet në spiritualitetin dhe lidhjen e drejtpërdrejtë me Zotin.

Bektashinjtë konsiderohen tolerantë, pranues të feve dhe filozofive të tjera.

Urdhri Bektashi e ka selinë në Shqipëri që në vitet 1930, pasi u ndalua në Turqi. Vlerësimet ndryshojnë, por sot thuhet se ka nga 7 deri në 20 milionë bektashinj në mbarë botën.

Kryeministri i Shqipërisë Edi Rama tha se qëllimi i mikroshtetit të ri ishte të promovonte etikën e tolerancës fetare me të cilën krenohet Shqipëria.

Vendi është krenar për lidhjen e tij me Nënë Terezën, familja e së cilës ishte me origjinë shqiptare.

Urdhri vlerësoi planin, duke thënë ‘një hap i tillë historik synon njohjen e Urdhrit Bektashi si një shtet sovran, vetëqeverisës, i përkushtuar për të mbështetur kulturën e tij shekullore të moderimit dhe përfshirjes shpirtërore’.

“Shteti i ri nuk do të synojë asgjë përveç udhëheqjes shpirtërore”, thuhet në deklaratë.

Si do të funksiononte mikroshteti i propozuar?

Nëse planet për një mikroshtet bektashi shkojnë përpara, ka të ngjarë që ai të sundohet në mënyrë teokratike, ngjashëm me sistemin në Vatikan – selia e Kishës Katolike Romake.

Vatikani drejtohet nga Papa, i cili drejton shtetin dhe qeverinë.

Në Shqipëri, mikroshteti bektashian ka të ngjarë të drejtohej nga kreu i bektashinjve, Haxhi Edmond Brahimaj Mondi, i njohur si Baba Mondi.

Shtetësia e shtetit do të kufizohet tek anëtarët e klerit dhe njerëzit që punojnë në administratë.

Baba Mondi tha për mikroshtetin e propozuar: ‘Për ndjekësit tanë, kjo nuk ka të bëjë me pushtetin politik ose blerjen e tokës; ka të bëjë me forcimin e misionit të Urdhrit Bektashi për moderimin shpirtëror dhe mbrojtjen e praktikave tona fetare”.

“Shqipëria ka qenë historikisht një fener i bashkëjetesës fetare dhe ky hap është një dëshmi e natyrës së ardhme të qeverisë shqiptare nën udhëheqjen vizionare të kryeministrit Edi Rama, i cili pranoi rëndësinë e dhënies së hapësirës për të vazhduar promovimin e paqes.

Për komunitetin tonë në mbarë botën, është një moment krenarie dhe rinovimi, duke forcuar identitetin dhe praninë tonë në skenën globale”.

Besimtarët myslimanë kanë zhvilluar një protestë para Komunitetit Mysliman Shqiptar kundër idesë së krijimit të Shtetit të Urdhrit Bektashi, të propozuar nga kryeministri Edi Rama.

Me pankarta “Jo në emrin tim”, ata shprehen ideja nuk është konsultuar me ta dhe se nuk kanë dhënë pëlqimin e tyre për krijimin e një shteti brenda shtetit.

Kujtojmë se, një ditë më parë, KMSH pati dhe një reagim zyrtar, duke thënë se ideja nuk ishte konsultuar me komunitetin ndërfetar.

Deklarata e plotë:

Nisur nga interesi i lartë i besimtarëve, mediave, dhe opinionit publik, lidhur me hapjen e diskutimit për themelimin e “Sovranitetit të Urdhërit Bektashi” në Tiranë, Komuniteti Mysliman i Shqipërisë deklarohet sa më poshtë vijon:

Komuniteti Myliman i Shqipërisë është përfaqësuesi i vetëm dhe zyrtar i fesë Islame në Shqipëri. Feja jonë ka tre komponentë themelorë mbi të cilët ushtron veprimtarinë e saj në Republikën e Shqipërisë për mbi një shekull, të cilat janë:

1-Kurani Famëlartë, fjala e Zotit të Gjithësisë,

2-Tradita Profetike,

3-Kushtetuta e Republikës së Shqipërisë

Në këtë kontekst, ne shprehim shqetësimin tonë lidhur me deklaratat publike ku flitet për “Islam modern” apo “Islam shqiptar” apo edhe për shtet Islam brenda republikës tonë. Këto terma nuk kanë asnjë lidhje me Islamin si fe, e cila është fe universale dhe bazohet mbi Kuranin dhe Traditën Profetike dhe respekton kushtetutat e ligjet në çdo vend ku bën pjesë.

Komuniteti Mysliman i Shqipërisë është institucioni nën obrellën e të cilit kanë qenë dhe do të vijojnë të jenë të përfaqësuara të gjitha tarikatet derivate. Ky ka qenë edhe qëllimi i dijetarëve myslimanë të cilët kanë punuar për një Shqipëri të pavarur, laike dhe multi fetare.

Komuniteti Mysliman është mazhoritar në Republikën e Shqipërisë dhe një ndër kontribuesit kryesor të dialogut e harmonisë fetare në vend. Ky komunitet nuk e ka cilësuar kurrë harmoninë e dialogun si “domain” të tijin, pasi kjo vlerë e jashtëzakonshme që ekziston në vendin tonë është kontribut i secilit dhe i të gjithëve bashkë.

Në këtë kuptim, vendi ynë nuk ndodhet përballë ndonjë rreziku të prishjes së harmonisë e dialogut, përkundrazi, nisma të tilla mund të jenë një precedent i rrezikshëm për të ardhmen e vendit. Të gjitha fetë abrahamike në thelbin e tyre kanë si qëllim t’i shërbejnë Rrugës së Zotit dhe të japin kontributin e tyre në shoqëri, siç bëjnë prej mijëra vjetësh.

Kjo nismë për të cilën jemi njohur përmes medias është e pakonsultuar me komunitetet fetare, të cilat për të tilla raste kanë ngritur edhe një institucion të veçantë, të lavdëruar nga të gjitha vendet Perëndimore, siç është Këshilli Ndërfetar i Shqipërisë. Sa më lart sqaruam, ne sigurojmë besimtarët myslimanë në Republikën e Shqipërisë se do t’i përfaqësojmë ata dhe çdo besimtar të cilitdo tarikati, ashtu siç kemi bërë deri më sot, edhe në vijim.

Ne do të vijojmë ta ndjekim me vëmendje këtë çështje dhe do të ndërmarrim hapat e nevojshme konform Kushtetutës dhe ligjeve të vendit tonë.

Bona Miekley-n e njohim si udhërrëfyese për jetën dhe është një prej mikeshave të përhershme të programit “Rudina” në Tv Klan për tema të ndryshme. Ajo e ka përmendur shpesh motrën e saj binjake, Brunin dhe për herë të parë, e prezanton edhe me publikun.

Sapo hynë në studio, mes tyre ishte e vështirë të bëje dallimin pasi ndryshimi i vetëm ishte ngjyra e flokëve. Ngjashmëria fizike është një aspekt i lidhjes së tyre si binjake. Ato kanë edhe një marrëdhënie e ndjeshmëri shumë të fortë me njëra-tjetrën, të cilën Bona e përshkruan hollësisht me fjalët më të bukura.

Bona Miekley: Të qenët binjake është një ndër ndjesitë më të veçanta në botë them unë sepse mendo pak dy bebe që janë në të njëjtën vezë që marrin frymë pak a shumë në të njëjtin moment, vijnë në jetë në të njëjtin moment, që kanë atë prekjen që kur kanë qenë bebe së bashku me njëra-tjetrën, luajnë dhe pastaj nuk e di, ndodh diçka sepse kemi pak a shumë të njëjtat ndjesi, e kuptojmë njëra-tjetrën edhe pa folur fare. Shpeshherë sëmuremi në të njëjtën ditë, në të njëjtin minutë. Është një ndër ndjesitë më të bukura dhe mbi të gjitha të kesh një motër binajke është dhurata më e bukur sepse është mikesha jote e zemrës sepse ta njeh zemrën edhe pa e shprehur, ka të njëjtën ndjesi vetë.

Bona tregon se edhe në rastet kur sëmuren, ndodh njëkohësisht. Ajo ndan një episod kur edhe pse larg fizikisht, patën të njëjtin shqetësim shëndetësor.

Bona Miekley: Një ndër eksperiencat shumë interesante ka qenë kur në atë kohë unë jetoja në Kosovë dhe pata diçka në vesh, më dhimbte veshi dhe nuk po e duroja dot. Kur më mori Bruni në telefon, i thërras “sissy” sepse në anglisht “sister”, i thashë unë sissy, nuk jam mirë, “pse, çfarë ke”, më tha mua, më dhemb veshi, “ua” tha, “edhe mua më dhemb veshi kaq shumë”. Ishte veshi i majtë në të njëjtën kohë dhe unë nga kurioziteti e pyeta në çfarë ore ka filluar dhimbja e veshit dhe pikërisht ishte në të njëjtën kohë./tvklan.al

Daja i një vajze të re të sapomart.uar, dyshohet se kanosi burrin e saj, i cili pas një muaji i martuar u kujtua që natën e parë të martesës ajo nuk ishte e vi*gjër dhe ndaj ajo duhet të kthehej tek prindërit.

Ngjarja që është zbardhur nga komisariati numër pesë në Tiranë, u zbulua nga denoncimi i dhëndrit të trembur, i cili u martua në mes të muajit shtator dhe në një nga ditët e asaj që duhet të ishte si muaji i mjaltit, telefonoi vjehrrën duke i thënë: hajde merr vajzën nuk ishte e vi*gjër!

Sipas burimeve ekskluzive të gazetës Si, A. T, i moshës 34 vjeç jeton në një fshat në periferi të Tiranës. Ai është nga fshatrat e Shkodrës dhe u martua me shkuesi gjatë muajit shtator, tre muaj pasi të dyja familjet ndërhynë për t’i njohur e për t’i lidhur në martesë.

I riu tregon në komisariatin numër pesë “problemet mes meje dhe L. nisën menjëherë pas natës së parë, ne nuk bëmë celebrime. Gjatë kryerjes së marrëdhënieve bashkëshortore konstatova që nuk ishte e virgjër. Një javë pasi konstatova këtë prob.lem vura në dijeni mamanë time pastaj telefonova mamanë e L. I thashë në telefon që ajo nuk ishte vajzë, nuk ishte grua për mua dhe se duhet të vini ta merrni”, shprehet në de.noncimin e kryer në pol.ici dhëndri i ri.

Por më tej dhëndri tregon se pikërisht përgjigjja që mori nga ana tjetër e telefonit nga vjehrra ishte “do ta mbash me dety.rim, përse nuk na vure në dijeni që natën e parë të martesës”.

Problemet për A. T kanë nisur në ditët në vazhdim, ku ai ka marrë telefonatë nga daja i L. , i cili e ka kërc.ënuar disa herë.

“Më tha nëse e lëshon L. do të dalë punë, më tha më mirë mbyllu në shtëpi”.

Sipas dhëndrit kërc ënuesi është daja i dytë i nuses dhe këtë person ai e ka njohur ditën kur është shpallur fejesa. “Nuk e di nëse ky person disponon a rmë zj.arri – thekson A.T, por kërkoj që ky shqetësim të ndiqet ligjërisht”.

Burimet bëjnë të ditur se menjëherë është marrë në pyetje nusja e re, e cila fillimisht tregon që pas natës së parë të martesës nga frika ka treguar se kush ishte personi me të cilin ajo kishte pasur një lidhje. “A. më pyeti a kisha pasur ndonjë lidhje, më tha trego të vërtetën se do jesh gruaja ime. I tregova – shton e reja. Ai mori në telefon në sy tim dhe kërkoi – hajdeni merreni se nuk është e vi*gjër. Dh unë fizike nuk ka pasur ndaj meje, por kër.cënime si nga burri edhe nga vjehrri dhe vjehrra kam pasur”.

E reja kujton se vjehrri i ka thënë “ti ke das hnor? e f ikësuar pranova që po. Ua thashë këtë gjë kur ata po pinin kafe dhe nga frika se në mur kishin një çifte. Më pas aty erdhi im shoq , ata i treguan çfarë pranova unë nga frika, im shoq më kapi nga flokët dhe se më gjuajti me shpulla”.

Sipas burimeve policore të gazetës Si është kryer këqyrja dhe kontrolli i banesës së dajos, të cilit nuk i është gjetur asnjë send i pali.gjshëm. Dajo deklaron: nuk e kam kë.rcënuar në asnjë moment dhëndrin, vetëm e kam sh.arë. më njoftoi motra e L, pra mbesa e cila më dërgoi një video, ku mbesa L . po merrej në pyetje nga dhëndri dhe vjehrri e vjehrra dhe ajo aty pranonte se kush ishte personi që kishte pasur të dashur para martese. E mora në telefon dhe i thashë: ca janë këto gjëra a jena miq, por dhëndëri më tha: nuk jena më miq, hajde merr mbesën pasi nuk ka dalë e ndershme. U shamë të dy, i thashë për çfarë arsyeje po i bëni këto gjëra që kujtoheni pas 30 ditëve martesë por dhëndri kërkoi: hajdeni merreni, nuk është grua për mua.

E ëma e nuses së re pretendon nga ana e saj se jeta e të bijës rre.zikohet, por se ky nuk është aspak shkak për nda.rje: ata duan ta lëshojnë pasi ime bijë nuk di të bëjë pune shtëpie dhe u kujtuan shumë vonë, nëse nuk ishte e nd.ershme të na thoshin ditën e nesërme këmbëngul gruaja që po ashtu shton para oficerit të komisariatit numër Kamëz: ata po na turp.ërojnë, ime bijë tani nuk është më e vir gjër dhe nuk ma merr më askush.

Policia tregon për gazetën Si se dosja do referohet për kan.osje dhe keqpë.rdorim të thirrjeve telefonike, pasi rezulton që përgjatë dy ditëve të fundit përpara den.oncimit daja ka telefonuar plot 21 herë në numrin e dhëndrit. (SI)

Të paraburgosurit e Elbasanit zhvilluan një ndeshje miqësore futbolli me ekipin e AF Elbasanit në mjediset e parburgimit.

Të paraburgosurit e Elbasanit zhvilluan një ndeshje miqësore futbolli me ekipin e AF Elbasanit në mjediset e parburgimit.

Lajmin e ka bërë të ditur Drejtoria e Përgjithshme e Burgjeve me anë të një postimi në Facebook, ku thuhet se ndeshjen e kanë fituar lojtarët e burgut.

“Të paraburgosurit e Elbasanit zhvilluan një ndeshje miqësore futbolli me ekipin e AF Elbasanit në ambientet tona.

Ndeshja, e cila u fitua nga lojtarët e burgut , u ndoq nga Drejtori i Përgjithshëm i Burgjeve, z. Klevis Qose dhe administratori i AF Elbasan z. Mariglen Çoku, drejtori i Sportit z. Elton Guranjaku si dhe drejtori i IEVP Elbasan Altin Ago. Kjo iniciativë promovon rëndësinë e aktiviteteve sportive në rritjen e mirëqenies fizike dhe sociale të të dënuarve”, shkruan Drejtoria e Përgjithshme e Burgjeve, krah fotove të publikuara.

Diplomati shqiptar Mal Berisha ka reaguar pas lajmit se kryeministri Edi Rama planifikon t’i mundësojë bektashinjve të Shqipërisë një territor të tyre sovran në Tiranë.

Ai ka sjellë në vëmendje kujtimet e vitit 1993 nga libri i tij, teksa rrëfen se ka qenë i pranishëm në takimin e krerëve të besimeve fetare të Shqipërisë në Stamboll.

Berisha thotë se në atë kohë, ishte kryepeshkopi Anastas Janullatos ai që hodhi idenë që Shqipëria të njihej si vend me katër fe, duke shtuar atë bektashiane, çka u kundërshtua në moment nga krerët e besimeve të tjera, duke përfshirë edhe Baba Reshat Bardhin.

Komenti i ish-ambasadorit Mal Berisha:

NJË FARË EGJRE ANTI-KOMBËTARE E MBJELLUR NË STAMBOLL NË VITIN 1993 DUKET SE NA MBIU TANI, NË VITIN 2024.

SHTETI I “BEKTASHINJËVE” BRENDA SHQIPËRISË?!

Të dashur miq!

Tek po dëgjoj dhe po lexoj idenë e një shteti shqiptar bektashian, brenda territorit të Shtetit Shqiptar, vendosa t’i kthehem një ngjarje që ka pikërisht këtë subjekt, dëshmitar i së cilës u bëra në vjeshtën e vitit 1993, në Hotel Marmara, në Stamboll.

Ja ngjarja e plotë siç e kam përjetuar dhe botuar në librin tim “Amabasador i pushtetit të butë” në faqen 73.

TAKIMI I FEVE MONOTEISTE NË STAMBOLL, VJESHTË, 1993

Në vjeshtën e vitit 1993 në Stamboll u organizua një takim i krerëve të feve monoteiste. Aty do të merrnin pjesë drejtuesit e feve abrahamike, që nga Kreu i Rabinatit të Izraelit, pastaj Bartolomeu I, Kreu i Kishës Ortodokse të Stambollit, Kryemyftiu i Turqisë, ndërsa nga Selia e Shenjtë kishte ardhur Sekretari i Përgjithshëm i Vatikanit. Nga Shqipëria merrnin pjesë personalitetet kryesore të këtyre feve:

PJESMARRËSIT NGA SHQIPËRIA:

I pari ishte Hafiz Sabri Koçi, Kryemyftiu i Shqipërisë. Pastaj vinte Imzot Rrok Mirdita, kreu i fesë Katolike shqiptare dhe Anastasios Janullatos, kreu i Kishës Ortodokse shqiptare. Bashkë me ta kishte ardhur edhe kreu i Kryegjyshatës Botërore të Bektashinjve, Dede Reshat Bardhi.

TAKIMI I BESMITARËVE

Takimin e përshkoi një frymë e zymtë e natyrës fetare me shumë qetësi dhe përunjësi. Krerët e feve të vendeve të ndryshme takoheshin me njëri-tjetrin, sidomos brenda feve të veta, por edhe në ndërveprim. Fetë e shqiptarëve ishin si të plagosura pas një periudhe të gjatë që kishin kaluar në ateizëm, në shtetin e parë dhe të vetëm në botë, që ishte shpallur i tillë. Hafiz Sabri Koçi, 72-vjeçar, vinte nga jeta e tij e gjatë prej 23 vitesh në burgim për shkak të besimit fetar. Ai ishte teolog, martir i fesë, burrë shumë i ditur, i shtruar, i kulturuar, shumë i urtë dhe i përunjur. Dede Reshat Bardhi po ashtu kishte kaluar një kalvar vuajtjesh për shkak të besimit dhe e kishte ushtruar fenë tërësisht në mënyrë të fshehtë, por pa e lënë asnjëherë, pavarësisht nga rrjedhojat që pësonte. Imzot Rrok Mirdita ishte drejtuesi i Dioqezës së Durrësit dhe Tiranës, i konsakruar nga Papa Gjon Pavli II. Ai e kishte filluar shërbimin ndaj Kishës Katolike në moshën 25-vjeçare. Shumë vite ai i kishte kaluar duke shërbyer në Kishën Katolike në Bronx në Neë York. Ai është nismëtari i ndërtimit të Katedrales së Shën Palit në Tiranë. Sipas idesë së tij, ajo ka tri kënde, të cilat simbolizojnë bashkëjetesën midis tri feve në Shqipëri, fesë islame, ortodokse dhe katolike.

Kryepeshkopi Anastasios Janullatos, i lindur në vitin 1929, ishte Krypeshkopi i Tiranës, Durrësit dhe të gjithë Shqipërisë dhe Kreu i Sinodit të Kishës Autoqefale Ortodokse Shqiptare. Ai mbante edhe shumë tituj si anëtar i disa akademive. Emri i tij përmendej me shumë skepticizëm si uzurpator i fronit të kreut të Kishës Ortodokse Autoqefale Shqiptare, që dikur e pati themeluar Fan Noli dhe e mbajti gjallë Visarion Xhuvani. Në atë takim u diskutuan shumë çështje që kishin të bënin me paqen fetare dhe mbarëvajtjen midis feve të ndryshme. Në këtë rast u hap një diskutim, i cili e vlen të jetë i shënuar në këtë rrëfim.

PROPOZIMI PËR FENË E KATËRT MONOTEISTE BEKTASHIANE SHQIPTARE I KRYEPESHKOPIT ANASTASIOS JANULLATOS

Krerët e feve shqiptare, edhe pse ato janë vetëm tri të tilla, na dilte se “ishin” katër. Kryepeshkopi i Kishës Ortodokse Shqiptare tha se në Shqipëri ekzistojnë katër fé të ndryshme. Pas shumë diskutimesh duhej të nënshkruhej një rezolutë e përbashkët e feve monotesite. Sipas disa drejtuesve aty, shqiptarët duhej të nënshkruanin të katërt. Por në të vërtetë ne kishim tri fé, jo katër, pavarësisht se Dede Reshat Bardhi përfaqësonte një sekt liberal të islamit – pra bektashizmin. Dikujt i interesonte të shtohej një fé te shqiptarët. Kjo ishte një strategji që u binte për shtat atyre që përherë shqiptarët i kanë dashur të përçarë. Ky ishte rast i mirë për t’i konsideruar ata të ndarë në katër fé.

IMZOT RROK MIRDITA – PATRIOTI I PALËKUNDUR SHQIPTAR

Imzot Rrok Mirdita kërkoi pushim për një konsultim. Ai na mblodhi, Hafiz Sabriun, Dede Reshatin dhe neve të dy të Konsullatës, Orhan Zarshatin dhe mua. Ishte e vështirë situata, pasi kishim shumë merak se mos Dede Reshatit do t’i mbetej hatri, po të mos futej bektashizmi si fé më vete. Imzot Rrok Mirdita e shpjegoi shumë bukur dhe me një frymë të vërtetë kombëtare dhe patriotike. Pastaj Orhan Zarshati u ndal te historia e Kryegjyshatës dhe përse ajo, në vitin 1924, u zhvendos nga Stambolli në Shqipëri. Tek e fundit- tha ai, ndarja fetare midis shqiptarëve u shkon në favor armiqve të Shqipërisë. Dede Reshati menjëherë kërceu dhe tha:

BABA RESHAT BARDHI:

BEKTASHIZIMI NUK ËSHTË FE E VECANTË NË SHQIPËRI – UNË KURRË NUK PRANOJ TË BËHEM PJESË E NJË VEPRIMI, QË E DËMTON SADOPAK VENDIN TIM.

“Ju jeni njerëz të mençëm të atdheut tim. Ju e dini këtë punë më mirë se unë. Unë kurrë nuk pranoj të bëhem pjesë e një veprimi, që e dëmton sadopak vendin tim. Unë jam bektashi, jam besimtar i fesë islame, por para së gjithash jam shqiptar”.

Kështu u shmang përmendja në Rezolutën e Stambollit të Shqipërisë si vend me katër fé. Aty u shënua se Shqipëria ka tri fé monoteiste. “Dikush” ishte nismëtar i asaj teze antishqiptare në konferencë. Pas kësaj ai u largua kokëulur.

Shënim: Ajo farë e keqe egjre e asaj kohe duket se nuk ka qene rastësi. Të paktën le ta themi sepse për ta ndalur rrokullmën e kombit tonë duket se nuk do ta ndalim dot. Por të paktën të mos heshtim!

Mal Berisha

Tiranë, 23 Shtator 2024.

Në Elbasan është rritur interesi i të rinjve për të mesuar një zanat permes kurseve profesionale. Çdo vit 1500 praktikantë ndjekin programet e formimit profesional ku certifikohen në profesione në ndryshme, si kuzhine, estetike, etc.

Marrja e një zanati në kohë të shkurtër ka shtyrë shumë të reja të frekuentojnë kurset në Qendrën e Formimit Profesional në Elbasan. Më të kërkuarat mbeten profilet e estetikës dhe parukerisë, ndërsa djemte zgjedhin kursin për berber. Gjithashtu kuzhina është degë e preferuar dhe me numër të lartë kursantësh.

“Unë kam mbaruar fakultetin për inxhinieri ndërtimi dhe nuk gjeta punë në Elbasan. Pastaj vendosa të ndjek kursin për parukeri se e kam pasur pasion që e vogël, por edhe për faktin se gjen punë shpejt. Unë e kam provuar dhe jashtë por s’dua të largohem më! Do të mbaroj kursin dhe do punoj këtu, shpresoj të vetepunësohem”, tha Juliana Shëngjergji.

Në Qendrën e Formimit Profesional në Elbasan zhvillohen 65 kurse të profileve të ndryshme ,ndërsa numri i kursantëve të certifikuar në një vit i kalon 1500. Drejtuesi i Qendres flet për mundësitë e larta që kanë kursantët për tu integruar në tregun e punës në Shqipëri dhe jashtë saj.Dominon kursi i kuzhinës, më pas estetika dhe parukeria sepse është alternativë për vajzat që të vetëpunësohen. Moshat janë të ndryshme, nis nga 16-vjeç deri në 40 vjeç. Ne i çojmë dhe nëpër biznese që të marrin eksperiencë”, tha Krenar Xhemali, drejtor i QFP Elbasan.

Kursantët e kanë të garantuar vendin e punes, kjo për shkak të lidhjeve që ka qendra me me bizneset në qarkun e Elbasanit.

Një nënë dhe një vajzë janë ribashkuar – ku nuk kanë munguar as lotët – pasi 6-vjeçarja u zhduk në pyllin kanadez për tri ditë.

Sipas mediave të huaja, Oaklynn Schweder, e cila është përshkruar nga familja e saj si autike, u zhduk nga jashtë shtëpisë së saj në British Colombia të enjten e kaluar.

Si pasojë, ajo ishte endur e vetme nëpër pyll për tri ditë, duke shkaktuar një kërkim të madh me dronë, helikopterë dhe qen policie – të angazhuar për ta gjetur atë.

Por për fat të saj dhe të familjes së saj, Oaklynn u gjet të dielën – dhe ribashkimi i saj me mamanë Gail Skin ishte shumë emocionues.

Gail dhe babai James Schweder vrapuan në pyll përpara se nëna të merrte Oaklynn në krahët e saj, duke bërtitur dhe duke qarë për “vajzën e vogël”.

Gjashtë-vjeçarja thuhet se u mbështjellë me një batanije nga vullnetarët e kërkimit teksa duartrokitën për zbulimin e saj dhe ngushëlluan prindërit e saj.

Oaklynn nuk dukej se kishte ndonjë lëndim të dukshëm, por ajo u dërgua në një spital për kontrolle të mëtejshme.

Oaklynn, e cila mbush shtatë vjeç më 30 shtator, do të ketë ‘festën më të madhe të ditëlindjes’ për të festuar shpëtimin e saj, shtoi Gail.