Month: September 2024

Një ditë speciale e ka cilësuar Dafina Zeqiri 13 shtatorin e 2024-ës për faktin se ajo dhe Kreshnik Gjergji i kanë dhënë fund beqarisë.

Përmes një postimi në InstaStory, Dafina Zeqiri fillimisht ka shpërndarë një foto, krahas së cilës shiheshin dy duar me rrathë që simbolizojnë martesën.

Përveç unazës, ajo që vihet re në dorën e Dafinës është edhe mbishkrimi “Mrs” në thonjtë e saj, çka nënkuptoi se ajo i ka dhënë fund beqarisë.

Por përveç këtyre fotove, Dafina nuk ka ngurruar që të shpërndajë pamje nga ceremonia e martesës ku duket mahnitëse.

Me një fustan të shkurtër të bardhë dhe me motive trëndafili, Dafina Zeqiri, thjesht ka shkëlqyer.

Lajmi për martesë sigurisht që ka lumturuar fansat, por nuk i ka befasuar pasi Dafina ka treguar më herët planet për të kurorëzuar dashurinë e saj me Kreshnikun.

Në nëntor të vitit të shkuar, ka qenë vetë këngëtarja që ka njoftuar se viti 2024 do ta gjejë drejt altarit.

“Është zyrtare… Do të martohem në 2024”, shkruante asokohe Dafina.

Dafina është në një marrëdhënie romantike prej disa kohësh me Kreshnik Gjergjin dhe tashmë dashuria e tyre ka arritur në një nivel tjetër.

dafinaaa

Në qytetin e lashtë të Antigonesë, në jug të Shqipërisë, arkeologët nisën të kërkojnë këtë vit rrënojat e teatrit antik.

Pas kryerjes së studimeve gjeo-fizike arkeologët janë optimistë se do të arrijnë të gjejnë zonën ku shtrihet teatri dhe disa nga monumentet kryesore të qytetit.

https://www.zeriamerikes.com/a/7783363.html?utm_medium=affiliate&utm_campaign=VOA-player7783363&utm_source=www.voxnews.al/&utm_content=player

DASHI

Gjatë orëve të ardhshme do të duhet të përpiqeni të rikuperoni një bisedë të ndërprerë. Të dielën zemrat e vetmuara do të duhet të rriten. Disa përballen me probleme ekonomike. Një dridhje e fortë po vjen. Për sa i përket punës, pret një periudhë premtuese.

DEMI

Sipas horoskopit të Paolo Fox për nesër, shumë prej jush do të përjetojnë një fundjavë të veçantë. Kujdes nga mërzia. Situata ekonomike nuk rezervon asnjë surprizë negative. Disa kanë frikë të fillojnë një marrëdhënie tjetër. Më mirë të bëni një pushim nga puna dhe të pushoni.

BINJAKËT

Kushtojini vëmendje polemikave të vazhdueshme. Jupiteri dhe Venusi pozitive. Mundohuni të vazhdoni përgjithmonë nëse historitë e dashurisë nuk funksionojnë. Sa i përket punës, nuk e duroni dot më rutinën.

GAFORRJA

Ju duhet të vazhdoni një histori dashurie. Gjatë orëve të ardhshme nuk do të mungojnë kënaqësitë, sidomos në punë. Disa do të duhet të ndreqin një lot. Po vjen një stabilitet i mirë.

LUANI

Sipas horoskopit të Paolo Fox për nesër, kushtojini vëmendje disa mosmarrëveshjeve të vogla. Shumë për të bërë për javën e ardhshme. Hëna në opozitë mund të shkaktojë probleme edhe në marrëdhëniet më solide.

VIRGJËRESHA

Venusi është i favorshëm: kjo e shtunë do të jetë premtuese. Nuk përjashtohet një rishikim në frontin e punësimit. Nuk ka nevojë të kesh turp të dielën. Disa janë gati të hyjnë në një lidhje të re. Guxim!

PESHORJA

Shumë prej jush do të kenë dëshirën për të gjetur qartësi në dashuri gjatë orëve të ardhshme. Qielli që kërkon kujdes. Disa do të debatojnë me kolegët. Ka një dëshirë për t’u rikthyer në lojë. Të mundshme disa vështirësi në punë. Asgjë serioze, por do të jetë punë e vështirë.

AKREPI

Sipas horoskopit të Paolo Fox për nesër, gjatë kësaj fundjave mund të ketë disa konflikte të vogla për të zgjidhur. Nuk duhet të keni frikë të përballeni me gjëra të reja. Hëna në opozitë. Favorizohen ata që ushtrojnë veprimtari të vetëpunësuar.

SHIGJETARI

Gjatë orëve të ardhshme të kësaj të shtune të shtatorit mund të reagoni shumë nxehtë. Mbetet një periudhë e ndërlikuar për para. Shkelje çliruese. Diçka ndryshon në planin e punës, por asgjë e bujshme. I qetë dhe gjakftohtë.

BRICJAPI

Disa çifte më në fund do të arrijnë të kapërcejnë një moment të ndërlikuar. Është mirë të filloni rrugë të reja karriere. Më mirë të shmangni çdo lloj akuze. Bëhu i zënë. E kaluara është e kaluara.

UJORI

Sipas horoskopit të Paolo Fox për nesër, Hëna sjell emocione të sinqerta. Është koha për të ecur në rrugën tuaj. Një dashuri mund të lindë nga një miqësi e thjeshtë. Shikoni rreth jush me kujdes.

PESHQIT

Loja ka nisur. Mund të dëgjoni me vëmendje një propozim pune. Periudha premtuese për dashurinë. Qielli që zgjon ambicien.

“Hap pas hapi” është një prej komedive të suksesshme të verës që do të rikthehet sërish nga datat 19-22 shtator në Amfiteatrin e Liqenit të Tiranës. Regjisorja Rozi Kostani dhe aktorja Anila Bisha treojnë për “Rudina” në Tv Klan emocionet e shfaqjes, sfidat, mesazhin dhe risitë e këtij rikthimin.

Biseda në program u ndal edhe te profesionet e tyre. Rozi më parë ka qenë aktore ndërsa tani është profilizuar si regjisore, por ende gjen pika ku profesioni i saj has të njëjtat dilema apo probleme si aktorët. Një prej pyetjeve ‘pikante’ ishin skenat intime në film ose teatër, nëse të dyja janë ndier në siklet pas realizimit.

Rozi Kostani: Unë e kam të famshme. “Unë, ti dhe Kasandra” është një ndër skenat më të përfolura. Isha e papërgatitur, isha e vogël dhe nuk e perceptoja në analizën e rolit që unë kisha bërë që kjo gocë për herë të parë të kishte atë lloj skene aq të fortë seksuale. Unë përfytyroja diçka më shumë erotike sesa seksuale dhe prandaj refuzova, nuk e kam bërë atë skenë dhe them se kam bërë mirë.

Ndërsa aktorja Anila Bisha nuk është gjendur ndonjëherë në situata të tilla, ndoshta e lehtësuar edhe pak prej faktit që bashkëshorti i saj është regjisor. Madje njëherë ‘e urdhëroi’ ai që të bënte një skenë të tillë, çka rezultoi edhe në shumë të qeshura.

Anila Bisha: Unë, ndryshe nga Rozi, e kam burrin regjisor dhe nuk kam fare komplekse të tilla. Edhe te filmi i fundit, ishte një skenë që duhet të zhvishesha pas një xhami të banjës dhe madje më kapi e qeshura, i thashë çfarë thua, seriozisht e ke ti që do të zhvishem unë aty? “Ik tani, shpejt, bëj atë se jam kështu, mos më ngacmo, ik tani bëje “ tha. Unë nuk kam pasur, edhe në teatër ka qenë një shfaqje “Lojëra në oborrin e pasmë që ka një skenë përdhunimi vajza”. Edhe si natyrë vetë, nëse gjërat janë të justifikuara dhe realizohen bukur, asnjëherë nuk janë vulgare dhe asnjëherë nuk do të priten keq nga publiku. Nëse janë të sforcuara dhe të qëllimta…

DerSpiegel

Investimet e Kushner dhe Grenell

Paratë e mafias shqiptare të drogës shfaqen jo vetëm në formën e kullave, që kanë transformuar pamjen e dikurshme të zymtë të Tiranës. Edhe përgjatë bregdetit të Adriatikut po vazhdon ndërtimi.

Dhëndri i Donald Trump, Jared Kushner, dhe ish-emisari amerikan për Ballkanin, Richard Grenell, po planifikojnë investime të mëdha në atë zonë me bekimin e Ramës. Rama, Grenell dhe Trump janë të njohur dhe kanë respekt për njëri-tjetrin që nga koha kur, nën mbikëqyrjen e përfaqësueses së atëhershme të BE-së për politikën e jashtme, punuan për planin e rishikimit të kufijve mes Kosovës dhe Serbisë.

A po “shet” Rama pasuritë e Shqipërisë në këmbim të mbështetjes politike?
Ish-agjenti i lartë i FBI-së, Charles McGonigal, i cili tani është i dënuar, pranoi se ishte paguar në Shqipëri për të ofruar shërbime në interes të qeverisë. Ai gjithashtu pranoi se kishte zhvilluar disa takime me Edi Ramën në ndërtesën e qeverisë. Kryeministri mohon çdo faj.

“McGonigal është paguar nga njerëzit pranë Ramës,” thotë Sali Berisha, i pari President i Shqipërisë i dalë nga zgjedhjet e lira në vitin 1992 dhe bashkëthemelues i Partisë Demokratike. Ai qëndron në katin e tetë të një ndërtese banimi në qendër të Tiranës, i zemëruar dhe i ngarkuar emocionalisht.

Berisha është nën arrest shtëpiak. Edhe ai akuzohet për korrupsion, dhe SHBA-ja i ka ndaluar hyrjen në territorin e saj. Prej më shumë se 200 ditësh, ish-kreu i shtetit nuk është lejuar të dalë nga banesa. Herë pas here pret disa vizitorë. Para pak minutash kishte dalë Ilir Meta, edhe ai ish-president. Tani Berisha është gati të shfryjë.

“Mbaj mend shumë mirë diktaturën e Hoxhës – as atëherë nuk ishte kaq e centralizuar sa është tani nën Ramën,” thotë Berisha, pothuajse tetëdhjetë vjeç, i veshur me këmishë të bardhë, kravatë të gjelbër në të verdhë dhe kopsa mëngësh prej argjendi. “Shqipëria është një lloj diktature, i pari dhe i vetmi narko-shtet në Evropë.”

Berisha nxjerr tabletin e tij dhe tregon të dhëna që, sipas tij, provojnë se edhe vëllai i Edi Ramës, Olsi, është i përfshirë në trafikun e drogës. Olsi Rama i ka mohuar këto akuza. Por Berisha këmbëngul në versionin e tij, duke thënë se Perëndimi është i verbër ndaj realitetit të vërtetë në Shqipëri: “Po ecni me sy mbyllur drejt një katastrofe.”

Nga ballkoni i Berishës në katin e tetë, njerëzit që ecin në rrugën Mustafa-Matohiti në Tiranë duken shumë të vegjël. Çdo mbrëmje në orën tetë, përkrahësit e tij dalin për të mbështetur “heroin” e tyre në arrest shtëpiak. Berisha del, flet shkurt kundër “Narko-diktaturës” së Ramës dhe më pas zhduket sërish. Pas pak minutash gjithçka mbaron, deri në mbrëmjen e ardhshme.
Edi Rama do t’i mbijetojë edhe kësaj.

Një ngjarje tragjike trondit Turqinë pak ditë më parë, ku një vajzë 8-vjeçare, Narine, u gjet e pajetë tre javë pasi ishte zhdukur dhe kishte humbur çdo kontakt me familjen e saj.

Ndërsa dyshimet janë që e mitura është vrarë nga xhaxhai i saj, të tjera detaje janë bërë të njohura lidhur me motivin që shtyu atë të vriste mbesën e tij

Sipas versionit të fundit rreth krimit, Narine dyshohet është vrarë nga xhaxhai i saj, pasi ajo ka parë këtë të fundit duke bërë seks me nënën e saj.

Përballë rrezikut të zbulimit të lidhjes jashtëmartesore, xhaxhai dyshohet se ka vrarë fëmijën, me dijeninë e nënës së saj, ndërsa anëtarë të tjerë të familjes thuhet se kanë marrë pjesë në mbulimin e krimit.

Megjithatë, autoritetet turke ende nuk kanë bërë ndonjë njoftim zyrtar për të konfirmuar apo mohuar këtë version.

Gjithsej 22 të afërm të fëmijës së vrarë janë arrestuar, ndërsa më herët një gjykatë turke akuzoi nënën dhe një nga vëllezërit e saj për pjesëmarrje në vrasje dhe kërkoi masën e paraburgimit të tyre.

Trupi i Narines u gjet pas tre javësh kërkimesh të fshehura nën gurë në provincën Diyarbakir. Gjatë bastisjes, pyetja “ku është Narin” dominoi si në mediat sociale ashtu edhe në mediat turke, ndërsa kur u gjet trupi i fëmijës, ndërhyri edhe presidenti turk Rexhep Tajip Erdogan për të thënë se do të kërkonte dënimin më të ashpër për përgjegjësit e vrasjes së Narine Guran.

Prokurorët në Dijarbakir akuzuan nënën dhe një vëlla të vajzës për bashkëpunim në vrasjen e tij. Gjashtë persona, përfshirë xhaxhain dhe kushërinjtë e Narines, janë akuzuar tashmë për shkatërrimin e provave të krimit.

ADN-ja e vajzës u gjet në makinën e xhaxhait, ndërsa ai, siç raportojnë mediat turke, kishte fshirë bisedat dhe mesazhet nga celulari në periudhën kritike menjëherë pas zhdukjes së vajzës. Në orët e fundit, autoritetet turke kanë arritur të rikuperojnë disa prej këtyre skedarëve të fshirë, përveç atyre të fshirë nga aplikacionet e tipit WhatsApp.

Për fundjavën që presim përpara vendi ynë do të vijojë të ndikohet nga kushte atmosferike të paqëndrueshme për shkak të masave ajrore të lagështa me origjinë veriperëndimore.

Sipas Shërbimit Meteorologjik Ushtarak, moti si për ditën e Shtunë ashtu dhe për ditën e Diel parashikohet me vranësira mesatare dhe të dendura por përgjatë ditës nuk do të mungojnë edhe alternimet e kthjellimeve dhe kryesisht përgjatë vijës bregdetare dhe ultësirës perëndimore. Vranësirat do të shoqërohen me reshje shiu me intensitet kryesisht të ulët dhe mesatar në formën e shtrëngatave.

Por, për ditën e nesërme pjesërisht në zonën e veriperëndimit dhe kryesisht zonën e qendrës deri në orët e mesditës reshjet lokalisht me intensitet deri dhe të lartë. Këto reshje me intensitet deri dhe të lartë do të jenë në formën e rrebesheve apo stuhive afatshkurtra shoqëruar me breshër dhe shkarkesa elektrike çka mund të bëjë që të jenë problematike për zonat urbane.

Era do të fryjë relativisht intensive me drejtim kryesor verilindje dhe juglindje dhe shpejtësi mesatare 5-12 ndërsa përgjatë vijës bregdetare dhe zonat luginore era hera-herës problematike dhe shpejtësi deri në 12-18m/s.

Temperaturat pritet të pësojnë një rënie të ndjeshme në të dyja vlerat (si në ato darkës ashtu dhe ato të mesditës). Në relievet malore vlerat minimale pritet të arrijnë vlerat deri në 7 grad celcius ndërsa ato të mesditës jo më shumë se 22-24 grad përgjatë ultësirës perëndimore. Vlera këto që janë disa gradë më pak sesa mesatarja mujore klimatike për vendin tonë.

Prej shumë kohësh, Arjan Konomi i është fokusuar udhëtimeve, duke lënë pas karrierën televizive.

Së fundmi, ai është “arratisur” në një tjetër udhëtim, por diçka e pazakontë i ka ndodhur pasi ka ngatërruar fluturimin. Destinacioni i Arjanit ka qenë për në Bocas del Toro, por përfundoi në një tjetër vend, në Chiriqui.

Ja një pjesë e rrëfimit të tij:

“Në mes të fluturimit, pasi kishin kaluar nja gjysmë ore dëgjoj pilotin që flet. Dëgjoj një Arhan Konomi, por j në spanjisht lexohet h dhe thashë sa ngjan emri im me fjalë spanjolle. Pastaj fillova vrisja mendjen e ka me mua dhe më zuri frika më kanë futur ndonjë gjë në valixhe.

Kur papritur vjen ndihmës piloti disa stjuardesa të gjithë vijnë tek unë dhe më thonë ju lutem mund të më jepni dokumentin dhe thash po këta mirë që do më arresotjnë, por të paktën mos më hedhin nga avioni. Më pyetën ku do shkosh dhe i thashë, “Bocas del Toro”, e filluan të shohin njëri tjerin dhe më thanë “po ky avion nuk shkon në Bocas del Toro”, po ku i thashë unë e më tha në Chiriqui”.

Ish-banorja e Big Brother, Rike Roçi ka habitur ndjekësit në një postim në “InstaStory”, teksa ka lënë të nënkuptohet se gazetari Bledi Mane do të bëhet baba.

Ajo ka publikuar një bisedë të Bledi Manes, ku ky i fundit ka dërguar një mesazh ku shkruan “E kam lënë shtatzënë”. Ndërsa personi me të cilin bashkëbisedon i shkruan: “Çfarë thua? Seriozisht e ke?”.

Rike Roçi, krahas bisedave private të Bledi Manes, shkruan se i bëri publike si shenjë hakmarrje për shkak të sekreteve që gazetari i ka nxjerrë asaj.

Megjithatë ish-banorja e BBV shprehet se nuk do të bëjë publik emrin e gruas që ai “ka lënë shtatzënë”, dule shtuar “po e kursej”.

“Është hakmarrje, edhe ti sekretet e mia i ke treguar para të gjithëve…nuk po e tregoj kë, po e kursej”, shkroi Rike në Instagram.

Nuk dihet nëse mesazhet Bledi Mane i ka shkëmbyer me Rike Roçin, apo asaj i ka rënë në dorë biseda e tij me dikë tjetër.

Gjithashtu, s’dihet nëse është një shaka mes dy ish-banorëve të BBV për të tërhequr vëmendjen, apo me të vërtetë një “hakmarrje” nga ana e saj.

Postimi në Instagram

Sezoni i ri televiziv ka filluar me shumë risi, dhe një prej tyre ishte ndryshimi i moderatorëve të programit “Shqipëria Live”. Emisioni i riformatuar tani drejtohet nga Sidorela Gjoni, teksa prej 5 vitesh ishte nën moderimin e Erjona Rusit, e cila dy vitet e fundit bashkëmoderoi me Arjon Muçën.

Ky ndryshim ngjalli edhe spekulime se Erjona do të largohej nga Top Channel, gjë që rezulton e pavërtetë. Siç nënkuptoi edhe në mbyllje të sezonit disa muaj më parë, Erjona Rusi do të vazhdojë të jetë pjesë e ekranit të Top Channel, tanimë me emisionin e saj të përjavshëm, “S’e luan Topi”, që transmetohet çdo të shtunë pasdite.

Përveçse moderatore, Erjona është edhe autore e këtij formati, i cili është konfirmuar nga vetë televizioni përmes një promoje të re.