Month: October 2024

Të paktën gjysma e paketës së fondit të përgjithshëm të Planit të Rritjes të KE-së për vendet e Ballkanit Perëndimor do të mbështesë investimet në infrastrukturë, duke përfshirë transportin, energjinë dhe tranzicionin e gjelbër dhe dixhital.

European Western Balkans (EWB) shkruan se pjesa e mbetur e kredive do të lirohet si mbështetje direkte për buxhetet kombëtare, thekson Komisioni Evropian, duke shpjeguar mekanizmat e shpenzimit të parave nga Plani i Rritjes për Ballkanin Perëndimor.

Fondet e para nga ky instrument financiar pritet të dalin së shpejti, pasi Komisioni Evropian të miratojë zyrtarisht Agjendat e Reformave të paraqitura nga Shqipëria, Mali i Zi, Maqedonia e Veriut, Serbia dhe Kosova.

Nga ana tjetër, është e pasigurt nëse Bosnja dhe Hercegovina do t’i marrë paratë në të njëjtën kohë sepse ky vend është vonuar me miratimin e Agjendës së Reformës.

BE-ja synon të ndajë shtatë për qind të totalit të fondeve nga Plani i Rritjes për të gjithë partnerët në Ballkanin Perëndimor që miratojnë Axhendat e Reformave të vlefshme, si parafinancim. Ky mjet, që mbulon periudhën 2024-2027, është një mekanizëm financiar i BE-së me vlerë gjashtë miliardë euro, i miratuar me synimin për të dyfishuar rritjen ekonomike të rajonit në dhjetë vitet e ardhshme.

Nga shuma totale, dy miliardë euro do të shpërndahen si grante dhe pjesa e mbetur, katër miliardë euro, në formë kredie me interesa të favorshme. Përllogaritet se Serbia do të marrë 1.58 miliardë euro, Bosnja dhe Hercegovina 969 milionë, Shqipëria 922 milionë, Kosova 888 milionë, Maqedonia e Veriut 807 milionë dhe Mali i Zi 383.5 milionë.

Duke folur për procedurat e lirimit të fondeve nga Plani i Rritjes, Komisioni Evropian shprehet për EËB- në se “do të kushtëzohet me zbatimin e suksesshëm të Agjendave të Reformës, që mbulojnë si reformat në fushën themelore ashtu edhe reformat socio-ekonomike, në bashkëpunim të ngushtë me BE-në. Komisioni”.

“Fondet në kuadër të Facilitetit duhet të lirohen sipas një plani fiks gjashtëmujor, bazuar në kërkesën për lirimin e fondeve të paraqitur nga partnerët dhe pas verifikimit nga Komisioni për përmbushjen e kënaqshme të të dyja kushteve të përgjithshme lidhur me makro- asistencë financiare, menaxhim të shëndoshë të financave publike, transparencë dhe mbikëqyrje të buxhetit dhe kushteve përkatëse të pagesës, dhe me parakushtet që përfituesit të respektojnë parimet demokratike dhe të drejtat e njeriut”, thotë KE.

Komisioni Evropian shton se, në Agjendat e Reformës, “reformat ndahen në hapa sasiorë dhe cilësorë, të cilët do të shërbejnë si kushte pagese dhe çdo hap ka një afat kohor zbatimi”.

Marrëveshjet e lehtësive dhe huasë do të përfshijnë detyrime për përfituesit për të ndërmarrë masat e duhura për të parandaluar, zbuluar dhe korrigjuar mashtrimin, korrupsionin, konfliktet e interesave dhe parregullsitë që prekin interesat financiare të Unionit, për të shmangur financimin e dyfishtë dhe për të ndërmarrë veprime ligjore për të rikuperuar fondet që janë përvetësuar, mbledhja e të dhënave adekuate për përfituesit e fondeve në kuadër të Instrumentit dhe të drejtat që duhet t’i jepen Komisionit, Zyrës Evropiane Kundër Mashtrimit (OLAF) dhe Zyrës së Prokurorit Publik Evropian (EPPO) aty ku është e aplikueshme”, sqaron KE.

Së fundi, Komisioni Evropian thekson se KE-ja “mund të zvogëlojë ose rikuperojë shuma nëse preken interesat financiare të Bashkimit ose nëse përfituesit kanë shkelur seriozisht një detyrim që rrjedh nga marrëveshjet e lidhura në kuadër të Lehtës”.

Rei Manaj ka gjetur golin me Sivaspor pas rikthimit nga dëmtimi. Sfida në Superligën turke luhet kundër Hatajspor, ndërsa rezultati perfundoi 3-2.

Goli i Manajt u shënua në minutën e 43-të, pasi sulmuesi i Kombëtares përfitoi me kokë nga goditja e këndit.

Katër minuta më vonë Hatajspor barazoi me penallti dhe ashtu u mbyll pjesa e parë.

Manaj nuk është mjaftuar vetëm me një gol, por në minutën e 73-të ai është treguar i saktë nga pika e bardhë e penalltisë.

Goli i Rei Manajt: (VIDEO)

PENALLTIA E MANAJ (VIDEO)

Mbrojtësi i Kombëtares shqiptare, Mario Mitaj e ka bërë “sefte” në Arabinë Saudite, duke gjetur golin e parë me fanellën e Al Itihad, në duelin ndaj Al Qadisija.

21-vjeçari e nisi sfidën nga stoli, teksa u aktivizua në minutën e 35-të të pjesës së parë duke zënë vendin e Kadesh, teksa rezultati ishte 1-1.

Mitaj arriti të shndërrohej në një protagonist absolut teksa në minutën e 81-të, tundi rrjetën për të ngritur shifrat në 3-1.

Shqiptari këmbënguli deri në fund pavarësisht se ishte i rrethuar nga 5 kundërshtarë, duke rifituar topin që më pas e dërgoi në rrjetë.

Një gol shumë i rëndësishëm ky për Al Itihad, që duket se solli sigurinë.

Për të tretën ditë radhazi, Kuba u zhyt në errësirë në pritje të uraganit Oscar që i afrohej ishullit.

Rrjeti kombëtar i energjisë i vendit u shemb për herë të parë rreth mesditës të së premtes pasi termocentrali Antonio Guiteras, më i madhi i ishullit, u rrëzua, duke shkaktuar ndërprerjen më të madhe në të paktën dy vjet.

Pavarësisht përpjekjeve të autoriteteve, rrjeti u shemb sërish mëngjesin e së shtunës. Më shumë se 10 milionë njerëz kanë qenë pa energji elektrike mëngjesin e së dielës.

Dy protesta të vogla u zhvilluan gjatë natës, njëra në Marianao dhe tjetra në rrethin Cuatro Caminos të Havanës.

Më vonë të dielën, ishte bërë përparim gradual pasi u rikthye energjia në disa lagje të kryeqytetit kuban, dhe në mesditë shërbimi shtetëror tha se disa zona kishin rikthyer energjinë.

Dy persona kanë rënë në pranga nga policia greke.

Një 35-vjeçar me origjinë greke dhe një 39-vjeçar nga vendi ynë janë arrestuar në Selanik, pasi akuzohen për kultivim, trafik dhe posedim të lëndëve narkotike.

Siç shkruajnë mediet e huaja, pas kontrollit në banesë, policia gjeti 75 bimë kanabisi brenda apartamentit, duke e kthyer në një “shtëpi bari”.

Policia tha se janë sekuestruar 7 pako marijuane të papërpunuar me peshë totale 2,4 kilogramë , 2 pako me kanabis të përpunuar (çokollatë) me peshë totale 68 gramë. U sekuestruan gjithashtu edhe  2 automjete, si dhe iu gjetën një shumë prej 980 euro cash dhe 2 celularë.

Të arrestuarit u dërguan në Prokurorinë e Shkallës së Parë Selanik.

Një makinë ka përfunduar në lumin e Lanës mbrëmjen e sotme në Tiranë, teksa ende nuk ka raportime për të dëmtuar.

Kjo, për shkak se kur policia dhe ambulanca kanë shkuar në vendngjarje, brenda mjetit tip “Volkswagen” nuk gjetën as shoferin dhe as pasagjerë.

Ngjarja ka ndodhur në zonën e “Brrylit”, në Tiranë, teksa mjeti në rrethana ende të paqarta, ka dalë nga rruga kryesore dhe ka rënë brenda në kanalin e Lanës.

Policia dhe shërbimet e tjera ndodhen në vendngjarje për të nisur hetimet dhe nxjerrë veturën nga kanali. Gjithashtu po hetohet për pronarin e makinës dhe nëse ka të dëmtuar nga aksidenti.

Ish-deputeti i Partisë Socialiste, Jurgis Çyrbja u arrestua sot në Durrës me urdhër të SPAK, ndërsa mbi të rëndojnë tre akuza, por jo ajo e “shpërdorimit të detyrës”.

Policia e Shtetit ka dhënë informacion mbi operacionin për arrestimin e Çyrbjas, i cili, siç raportoi Voxnews.al, u prangos teksa ishte në makinën që drejtohej nga shoferi i tij.

Policia e Shtetit ka ekzekutuar sot masen e sigurimit arrest ne burg të caktuar nga Gjykata e Posacme e Shkallës së Parë për Korrupsionin dhe Krimin e Organizuat ndaj shtetasit Jurgis Cyrbja, si i dyshuar për kryerjen e veprave penale të “Korrupsioni altiv në zgjedhje”, parashikuar nga neni 328 i Kodit Penal; “Përkrahja e autorit të krimit”, parashikuar nga neni 302/1/2 të Kodit Penal si dhe “Tregëtimi i sekretit shtetëror nga shtetasit” parashikuar nga neni 295/1 i Kodit Penal.

Vlen të theksohet se Çyrbja ka qenë drejtor i Hipotekës së Durrësit gjatë kohës kur Emiljano Shullazi mori Hotel Vollgën në Durrës. Ai ishte edhe pjesë e gjyqit ndaj Shullazit, ku dëshmoi për lidhjet e tij me biznesmenin Ylvi Beqja.

“Ylvi Beqaj më ka kërkuar regjistrimin e hotel ‘Vollgës’. Beqja më tha do të prezantoj me bashkëpronarin. Kur erdhi e pashë që ishte Shullazi. Jam takuar në një lokal në Shijak afër shtëpisë sime”, ka thënë deputeti i PS, duke rrëfyer edhe bisëdën me Emiljano Shullazin. Shullazit i kam thënë se do të zbatoj ligjin. Ai më pyeti nëse do ta regjistroja pronën. Bëra regjistrimin dhe kufizimin e pronës. Kam pasur konflikte, po jo me personat e pandehur”, tha Çyrbja në gjyqin ndaj Shullazit.

Është ende e paqartë nëse akuzat kanë lidhje me këtë episod, teksa dyshohet se ai mund të ketë dalë në përgjimet e aplikacionit “SKY ECC” me personazhe të botës së krimit.

Çyrbja dha dorëheqjen vetëm pak ditë më parë, pasi u mor i pandehur nga SPAK. Ai akuzohet për “shpërdorim detyre” gjatë kohës që drejtonte Hipotekën e Durrësit, para zgjedhjes si deputet në vitin 2021.

Çyrbja u thirr më 11 tetor në SPAK nga prokurori Dritan Prençi, ku u morr në pyetje mbi tetë orë, pas kallëzimit të bërë nga Edi Paloka në vitin 2021.

Për shkak të dështimit të një radari në qendrën e kontrollit të zonës së Milanos, fluturimet në qiellin e Italisë veri-perëndimore do të pësojnë devijime të paktën deri në orën 20:00 të ditës së sotme, të dielën e 20 tetorit.

Kjo u njoftua nëpërmjet një buletini zyrtar nga “Sea”, kompania operative e aeroportit që administron aeroportin Malpensa. Kjo do të çojë në vonesa serioze, ose në disa raste edhe anulime, të fluturimeve direkte jo vetëm për në aeroportin e provincës së Varese, por edhe në Torino, Bergamo dhe Genoa.

Në njoftimin zyrtar thuhet se “qiejt e qendrës së kontrollit të zonës së Milanos nuk janë në dispozicion deri në orën 18:00 të koordinuar të kohës universale për shkak të një dështimi të radarit”. Ky është një problem softuerik që ka çuar në bllokimin e sistemeve kryesore të qendrës së kontrollit. Siç raporton Corriere della Sera, Eurocontrol, agjencia evropiane që mbikëqyr lëvizjet në hapësirën ajrore të kontinentit, shpjegoi se dështimi do të ketë pasoja në fluturimet në të gjithë Italinë veri-perëndimore.

Rinisja e lëvizjeve pritet nga 24:00 sot, por vonesat mund të regjistrohen edhe në fluturimet e planifikuara për nesër, të hënën më 21 tetor. Disa nga avionët që tashmë janë nisur do të devijojnë dhe do të zbarkojnë sërish në Rome Fiumicino. Për të tjerë, mund të ndodhin edhe anullime.

Një duet gjeneratash. Kështu mund të konsiderohet ai mes Dua Lipës dhe Cher në ceremoninë e përvitshme që zhvillohet në Klivlend të Ohajos në muzen “Rock&Roll Hall of Fame”.

Ylli i muzikës Pop me origjinë nga trojet shqiptare performoi në krah të yllit 78-vjeçar të të njëjtit zhanër, këngën e kësaj të fundit “Belive”.

Të dyja këngëtaret janë pjesë e historisë së muzikës Pop, njëra si përfaqësuesja e gjeneratës së re, ndërsa tjetra si pjesë e së vjetrës.

Nëpër media është përfolur shpesh se Cher dhe Dua Lipa nuk kanë asnjë konsideratë për njëra – tjetrën, por kjo paraqitje së bashku vërtetoi krejt të kundërtën dhe pati mjaft sukses.

Ish-banorja e edicionit të tretë të “Big Brother VIP”, Rike Roçi, festoi pak ditë më parë ditëlindjen. Rrjetet sociale u mbushën me foto dhe video nga festa që modelja e njohur kishte organizuar.

Ndërkohë mbrëmë në emisionin “Goca dhe Gra” në Top Channel, u transmetuan disa pamje nga kjo festë e bukur. Por jo vetëm kaq, pasi i është marrë edhe një intervistë e shkurtër Rikes.

Roçi tregoi se në festë ka ftuar ish-banorët e BBV3 që ka më xhan, por është vënë re mungesa e moderatores së njohur, Roza Lati. Ende nuk dihet se pse kjo e fundit nuk ishte pjesë e këtij festimi.

Pjesë nga intervista:

Si të gjeti kjo ditëlindje, beqare apo në një lidhje?

Nuk jam vetëm, kjo mjafton

Cilësitë që duhet të ketë partneri ideal?

Të ketë shpirtin e bardhë, të jetë gentleman me mua

Personi i parë që të uroi për ditëlindje?

Mami, zemra ime. Është njeriu më i rëndësishëm për mua. Mami më thotë gjithëmonë ‘mos ndrysho kurrë’ dhe ‘je princesha e mamit’. Personi i parë publik është Erjola Doçi se jemi gjithmonë bashkë.

Po shohim shumë prej banorëve të “Big Brother VIP3” por gjithsesi të tjerë mungojnë

Unë kam ftuar njerëzit që kam qenë më afër, që i kam më xhan

Me kë nga ish-banorët nuk ruan më kontakte?

Ato që nuk janë prezent këtu