Month: November 2024

Shërbimi Meteorologjik Ushtarak informon se vendi ynë për këtë javë do të ndikohet nga kushte atmosferike relativisht të qëndrueshme. Me masa ajrore kryesisht të ftohta e vlera të larta të presionit atmosferik.

Ditët e hënë e martë dhe të premte vendi ynë pritet të ndikohet nga kushte atmosferike të qëndrueshme. Moti pritet të jetë i kthjellët e vranësira deri mesatar.

Shikim i reduktuar nga prezenca e mjegullës së dendur / mjegullinës në orët e mëngjesit e të mbrëmjes në zonat luginore.

Era pritet të jetë me drejtim nga kuadrati i veriut me shpejtësi mesatare 2-8m/sek, ndërsa përgjatë vijës bregdetare e kryesisht atë veriperëndimorë e lugina 12-14m/sek shoqëruar me valëzim 1-3 ballë.

Ditët e mërkurë e enjte moti pritet të jetë me alterime kthjellimesh të herëpasherëshme dhe vranësira deri të dendura, të cilat pritet të pasohen në pjesën më të madhe të territorit me reshje shiu me intensitet të ulët e lokalisht mesatar.

Reshjet pritet të jenë në formën e shtrëngatave afatshkurta shoqëruar hera – herës me shkarkesa elektrike. Shikim i reduktuar nga prezenca e mjegullës së dendur / mjegullinës në orët e mëngjesit e të mbrëmjes si dhe në momentin e reshjeve.

Era pritet të jetë me drejtin verilindje –veriperëndim me shpejtësi mesatare 1-6m/sek, ndërsa përgjatë vijës bregdetare e lugina 8-10m/sek shoqëruar me valëzim 1-2ballë.

Gazetari i njohur Robert Papa ofroi një analizë të thellë mbi rizgjedhjen e Donald Trump në krye të Shtëpisë së Bardhë, duke komentuar ndikimin e tij në politikën e brendshme dhe të jashtme të SHBA-së. Në një lidhje të drejtpërdrejtë nga Shtetet e Bashkuara për News24, Papa shpjegoi se fitorja e Trump ishte rezultat i një strategjie të suksesshme për të mobilizuar klasën punëtore.

Papa e vlerësoi Trumpin si një lider që ka arritur të sigurojë një bazë të gjerë mbështetjeje dhe tashmë ka mundësinë të ndihmojë në formimin e të ardhmes së Partisë Republikane. Në lidhje me administratën e tij të re, gazetari sugjeroi se një prej emrave të mundshëm për postin e Sekretarit të Shtetit mund të jetë Marc Rubio. Ai gjithashtu përmendi Mike Pompeo, i cili kishte shprehur interes për një pozicion në Pentagon, por pa mundësi të mëdha për t’u emëruar në një rol të lartë. Papa theksoi gjithashtu se Richard Grenell, ish-drejtor i shërbimit të inteligjencës dhe një mbështetës i fortë i Trumpit, mund të marrë një pozicion të rëndësishëm, si ai i drejtorit të CIA-s ose mund të nominohet si Sekretar i Shtetit. Megjithatë, ai paralajmëroi se kandidatura e Grenell mund të hasë pengesa në Senat dhe se ndikimi i tij mund të jetë më i kufizuar në çështjet e rajonit të Ballkanit, përfshirë marrëdhëniet mes Kosovës dhe Serbisë.

Papa gjithashtu vuri në dukje se Trump nuk ka ndërmend të ndryshojë politikat e mëdha të SHBA-së. Ai parashikoi se Trump do të vazhdojë të forcojë marrëdhëniet me Arabinë Saudite për të ushtruar presion ndaj Iranit dhe do të përpiqet të ndikojë për përfundimin e luftës në Ukrainë.

Kur u pyet për Ballkanin, Papa theksoi se mundësia e shkëmbimit të territoreve mes Kosovës dhe Serbisë nuk është në agjendën e presidentit të rizgjedhur. Ai përmendi një bisedë me ish-ambasadorin John Bolton, i cili kishte pohuar se liderët e Shqipërisë, Kosovës dhe Serbisë kishin diskutuar mundësinë e një marrëveshjeje për shkëmbim territoresh, por shtoi se Trump nuk kishte pasur një interes të veçantë për këtë çështje.

Në lidhje me Shqipërinë, Papa shpjegoi se për momentin kjo nuk është një prioritet për administratën Trump.

Duke u ndalur te çështja e ambasadorit të ri amerikan në Shqipëri, Papa zbuloi se kandidatura e David Kostelancik u bllokua nga ana e tashmë zv/presidentit të ri JD Vance së bashku me disa ambasadorë të tjerë për shkak të çështjeve të mbështetjes për LGBT.

Sa i përket çështjes “non grata” të Sali Berishës, Papa vuri në dukje se administrata e re e Trump ka mundësinë ta heqë këtë status, por theksoi se për momentin Shqipëria nuk është një prioritet i madh për Shtëpinë e Bardhë. Ai argumentoi se historia e shpalljes “non grata” të Berishës është më shumë një histori politike, e cila nuk ka pasur një ndikim të madh në politikat e SHBA-së. Megjithatë, ai theksoi se Trump do të përqendrohet në çështje të tjera të rëndësishme, përfshirë mbështetje të pakufizuar për Izraelin, sanksione të ashpra ndaj Iranit, dhe përpjekje për të reduktuar emigracionin ilegal.

“Nëse Artjola Toska futet në Big Brother, unë do dal pa brekë në sheshin ‘Skënderbej’”, tha Sinan Hoxha rreth një muaj më parë në një intervistë.

Lidhur me këtë deklaratë ka reaguar edhe Artjola Toska, e cila u shpreh se Sinani e njeh shumë mirë, prandaj i ka bërë ato deklarata.

Këngëtarja u shpreh se Sinan Hoxha e ka thënë edhe në formë shakaje, por thotë se ajo nuk jep intervista dhe jo më të shkojë në BBV për të treguar gjithçka nga jeta e saj.

“Sinani duke më njohur si tip që unë nuk dua intervista, jo më të shkoj në BBV dhe të tregoj gjithçka 24 orë nga jeta ime. Më njeh si tip edhe e di që s’futem edhe e ka thënë me shaka. Si duket kjo i ka zgjuar edhe portalet. Me çfarë të merremi dhe hajde t’i biem Artjolës”, tha Artjola në “Goca dhe Gra”.

Këngëtari Sinan Hoxha refuzoi që të bëhej pjesë e BBV për shkak ta axhendës muzikore që ai ka.

Ndërsa për t’ia mbushur mendjen që ai të merrte pjesë, iu tha se “edhe Artjola Toska e kishte pranuar ftesën”, por ai u përgjigj:

“Nëse Artjola Toska është në Big Brother, unë do dal pa brekë në sheshin Skënderbej”, tha Sinan Hoxha pak ditë më parë në Top Albania Radio.

Aktori dhe regjisori i mirënjohur, Mevlan Shanaj, tregon për një absurditet në Shqipëri, ku pensionistët duhet të shkojnë në bankë të deklarojnë se janë gjallë.

“Shkoj të tërheq para nga bankomati! Shikoj se nuk kisha aq sa doja të tërhiqja.

U kujtova se nuk kam vajtur në bankë, t’u them se jam ende gjallë!

Nuk e kuptoj këtë absurd pasi në Shqipëri, nuk mund të përcillesh në atë botë pa certifikatë bashkie!

Nuk mundet banka të shikojë të ikurit e muajit në kompjuter apo bashkitë nuk i hedhin çregjistrimet!

Shumë fyese është kjo burokraci!

Nejse, të vete nesër në bankë të konfirmoj se jam ende gjallë, ndryshe nuk ka më lëvizje paresh në bankomat!

Deklaratën e urrej, po ja më duhen ende këto dreq lekësh!”, shkroi, kohë më parë, Shanaj, shkruan aktorët shqiptar.

Sali Berisha u shfaq më shumë se i bindur se administrata e re amerikane, nën drejtimin e Trump, do ta heqë masën non grata ndaj tij.

Berisha lëshoi akuza të ashpra dhe ndaj ish-ambasadores amerikane, Yuri Kim, e cila sipas tij kur u vendosën sanksionet kërkoi nga diplomatët e vendeve të tjera që të bashkohen me to, por që u kundërshtuan ashpër nga ambasadori i ndjerë gjerman.

“Nuk kam dyshim. SHBA nuk do pajtohen me puçin që u bë, me grushtin e shtetit që u bë vetëm që t’i jepen pushtet narkodiktatorit Edi Rama. Historia nuk bëhet me retushime si Enver Hoxha apo Yuri Kim. Ata që bëjnë veprime të tilla janë Donkishotër. Ne u ndëshkuam për vlerat që besonim.

Në takimin e parë pas shpalljes non grata që Yuri Kim bëri me ambasadorët e vendeve të mëdha iu kërkoi të solidarizohen. Ambasadori gjerman i tha që ne nuk solidarizohemi pasi ju nuk na pyetet ne kur e morët këtë masë dhe nuk keni asnjë fakt për korrupsionin e Sali Berishës. Ai i tha se ajo e bëri këtë për të ndihmuar Edi Ramën”, tha Berisha në A2.

Berisha tha se përpjekjet për shpalljen e tij non grata nisën që në administratën e parë Trump, por “me politikanë të korruptuar si Matthew Palmer dhe Edi Rama dhe George Soros”.

Sipas tij, këto përpjekje nisën vetëm se kishte kundërshtuar projektin për ndarjen e Kosovës dhe Ballkanin e Hapur.

“U shpalla non grata me lobimin e Ramës dhe Sorosit, pa asnjë fakt dhe dokument. Është e vërtetë që negociatat i nisën Matthew Palmer në 2020 me Ramën dhe Soros se kisha konspiruar kundër politikës amerikane, sepse kisha kundërshtuar projektin e Kosovës. Kundërshtova Ballkanin e Hapur dhe isha pengesë për projektet Vuçiç-Rama-Soros”, tha Berisha.

Në puntatën e djeshme të “Goca dhe Gra”, Egla Ceno është rrëfyer lidhur me mëmësinë. Sikurse e dimë, Egla Ceno nuk ka fëmijë dhe gjatë emisionit ajo është rrëfyer se ndryshe nga disa vite më parë që e priste një fëmijë, tani nuk e pret më.

Kjo për shkak se sipas saj nuk është e njëjtë të jesh nënë në moshën 20-30 vjeç, me moshën 40-60 vjeç.

“Dua të jem e sinqertë me ju, unë deri para disa vitesh edhe e mirëprisja një gjë të tillë. Por nga 40 vjeç e pak, nuk do të doja të më ndodhte më. E dini pse? Sepse mendoj se një fëmijë nga nevojë për gjithë fuqinë fizike, përqëndrimin tënd. Nuk është njësoj si të jesh nënë 20, 25, 30 vjeç dhe të jesh nënë 40, 50 apo 60 vjeç. Nuk është njësoj sepse fuqia është ndryshe, përqendrimi është ndryshe, lodhja është ndryshe dhe sinqerisht nuk do të doja të isha gjyshja e fëmijës tim. Do të doja të isha mami i fëmijës tim. Por ky është një vendim personal”, tha Egla.

Megjithatë vlen për t’u theksuar se ajo e mirëpret nëse një fëmijë vjen.

Mbrëmjen e kaluar, këngëtarja e njohur Xhensila Myrtezaj, ndau me ndjekësit e saj në rrjetet sociale disa detaje të albumit të saj më të ri, i cili do të publikohet së shpejti.

Ajo shfrytëzoi këtë mundësi për të ndarë emocionet dhe mesazhin pas këtij projekti të ri muzikor, duke e përshkruar albumin si një dedikim për gratë dhe nënat që kanë sakrifikuar gjithçka për fëmijët e tyre.

Në një nga postimet më të spikatura, Xhensila theksoi se ky album është një përshëndetje për të gjitha ato gra që kanë kaluar përmes sfidave dhe sakrificave të mëdha.

Ajo shkroi: “Ky album është për të gjitha gratë, vajzat dhe mbi të gjitha nënat, që për hir të fëmijëve kanë duruar, kanë sakrifikuar, për hir të fëmijëve kanë mohuar dhe veten! Për hir të fëmijëve kanë qeshur, ndërkohë që brenda shpirti ka qarë! Për hir të fëmijëve kanë heshtur për të mos e thënë të vërtetën e tyre kurrë! Për ato gra që sakrifikuan deri në fund, ndoshta dhe jetën e tyre…”

Ndërkohë, është e njohur se Xhensila ka kaluar kohë të vështira edhe në jetën personale. Pak kohë më parë, lidhja e saj me aktorin dhe humoristin Bes Kallaku përfundoi, një ndarje që ishte shumë e komentuar dhe që tërhoqi vëmendjen e mediave dhe publikut në rrjetet sociale.

Pavlina ka thirrur nënën, Dritën në “Shihemi në Gjyq” për t’i kërkuar pjesën e saj të pasurisë pasi thotë se është nënë e dy fëmijëve dhe pa asnjë përkrahje. Nëna nuk pranon t’i japë asgjë as Pavlinës dhe as të birit pasi thotë se ia kanë marrë shtëpinë me gënjeshtra.

Gjuha mes nënës e vajzës është shumë e ashpër, ndërsa Drita trondit të gjithë të pranishmit në studion e emisionit “E Diela Shqiptare” se djali e ka dhunuar, duke shtuar se ndaj djalit e nuses ka urdhër mbrojtjeje. Ajo thotë se truallin prej 496 metrash katrorë dhe shtëpinë prej 79 metrash katrorë ia ka dhuruar ndërsa ka qenë me depresion dhe është mashtruar.

Pavlina: Kjo zonja këtu zonja Eni…
Eni Çobani: “Kjo zonja këtu” është mamaja moj zonjë! Si është “zonja?”
Drita: Kujt i thua zonjë? S’ke turp ti moj? Si s’më thua nënë?!
Pavlina: Ti për mua nuk je nënë!
Drita: Ju kam lindur dhe ju kam rritur më mirë se të tërë!
Pavlina: Ti mua dasmë nuk më bëre, pasuri nuk më dhe. Unë kam dy fëmijë, në punë nuk vete të punoj që të bëj shtëpi. Unë dua pjesën time.
Drita: Nuk kisha dhe nuk të bëra!
Pavlina: Mirë, më jep shtëpinë e fshatit, më kishe premtuar që do të të jap shtëpinë e fshatit. Shtëpinë e fshatit nuk ma dhe. Tani unë dua ose lekët, ose pjesën time të pasurisë.
Drita: Të pasurisë? Po unë kalova depresion dhe më gënjejnë, më morën firmat e ua dhashë shtëpitë të tëra se më gënjejnë! Kam qenë 4 vjet me depresion, me ilaçe!
Eni Çobani: Si është historia që vajza të thotë zonjë, jo mama se tani është shumë e rëndë kjo? Çfarë ka ndodhur?
Drita: Po kjo histori znj. Eni se mua më gënjyen, më mashtruan se isha në depresion dhe më morën firmën, më morën shtëpinë!
Pavlina: Ore nuk më intereson!
Drita: Të intereson, s’të intereson unë nuk të jap as ty, as atij qenit!
Pavlina: Gjeji ku të duash!
Drita: Asnjërit, as ty, as atij! Nuk ju jap! E kam bërë me këto krahë, i kam duart flluskë!
Ardit Gjebrea: Znj. Drita, kush është qeni?
Drita: Im bir z.Ardit! Më kanë keqtrajtuar! Jam me urdhër mbrojtjeje! Më kanë rrahur, më kanë goditur, më kanë poshtëruar!
Ardit Gjebrea: Kush të ka rrahur?
Drita: Djali më ka rrahur! Ja ku është edhe urdhri i mbrojtjes atje me kartën!
Pavlina: Ti nuk më ke trajtuar si vajzën tënde, mendove vetëm për djalin!
Drita: Mendova dhe djali im më shpuri në këtë pikë! Ja ku janë tërë kartat, tërë dokumentet atje nga Policia e Shtetit!

Urdhri i mbrojtjes me vlefshmëri për 6 muaj është lëshuar ndaj djalit dhe nuses. Drita thotë se ajo ka rënë pa ndjenja e madje djali i ka thënë se meritonte më shumë.

Drita: Më kanë goditur znj. Eni! Kam rënë pa ndjenja!
Eni Çobani: Po pse?
Drita: Më kanë goditur për hiçasgjë! Dhe më ka thënë që “unë me kaq të goditur? Të të bëja që mos të të merrte doktor në dorëzim!” Është shumë e vërtetë z. Ardit, ja ku janë edhe kartat!
Pavlina: Mirë ta bëri djali se ashtu e zgjodhe vetë!
Eni Çobani: Jo “mirë ia bëri djali” moj, si mirë ia bëri djali të rrahë mamanë?
Pavlina: Të mbajë djalin se për mua nuk ka menduar fare znj. Eni.

Bashkëshorti i Dritës është në gjendje të vështirë shëndetësore për shkak të një dëmtimi në sy si dhe vuan nga skleroza. Në dokumentet që ndodhen në tavolinën e ndërmjetëses Eni Çobani shkruhet se Drita ia ka dhuruar djalit një pjesë të pasurisë, veprim për të cilin ajo thotë se është kryer gjatë kohës që ka qenë në depresion.

Eni Çobani: Po si është e mundur që të mori djali dhe shkove, ia dhurove. Shumë mirë, më pas çfarë ndodhi? Kur e more vesh që ia dhurove?
Drita: E mora vesh kur filloi sherri! Më tha “ma dhe mua kartën e shtëpisë, e kishe zemrën të mirë. Ne e kemi të keqe, ne të nxjerrim në rrugë” tha, “por tani ne do të të mbajmë për bamirësi”. Tani të punoj unë, të ngordh e të më mbajë për bamirësi znj. Eni, si është e drejtë kjo?
Eni Çobani: Jam shumë dakord, por si ia ke dhuruar se këtë s’e kuptoj?
Drita: Po s’isha mirë mendërisht po të them, më detyruan!
Eni Çobani: Për çfarë të çoi te noterja?
Drita: Më detyruan, më thanë që këtë kartën do ta bëjmë që të shkojë fëmija në shkollë!

Drita thotë se në vilën që kanë ndërtuar ajo dhe i shoqi, qëndron djali, ndërsa në njërin kat një e moshuar me tri vajzat e saj. Prindërit kanë përfunduar në garazhin e përshtatur si shtëpi.

Përmes një telefonate, djali, Nertili i bashkohet bisedës në studio. Që në fillim ai shpreh mungesë të plotë respekti ndaj nënës dhe thotë se prona është ndërtuar në sajë të babait. Ai thotë se ia ka dhuruar i ati, ndërsa për Dritën shpërthen në ofendime e akuza të rënda për moralin e saj.

Djali e quan nënën “të përdalë” dhe thotë se ka prova e fakte për këto akuza si dhe ndihet i turpëruar prej saj.

Nertil: Ajo është një grua e çmendur, një grua e përdalë, një grua e degjeneruar!
Drita: Phu, jazëk të qoftë o qen!
Nertil: Nuk po dalim dot prej shtëpisë në qytet!
Drita: O qen që ma ke pirë gjakun, o qen!
Eni Çobani: Po si i thua mamasë këto fjalë?
Nertil: I kam mesazhet në telefon, i kam të gjitha!
Drita: Ma ke pirë gjakun o qen!
Eni Çobani: Si mund t’i thuash mamasë këto fjalë ore zotëri?!
Nertil: Po i kam me fakte moj, i kam me fakte!
Eni Çobani: Po si i thua nënës e përdalë?!
Nertil: E përdalë pra është, shumë, shumë e përdalë!
Eni Çobani: Po pse, djalë je ti?
Nertil: Fundi, fundi, fundi i botës! Ato që bën ajo!
Eni Çobani: Nëna jote ë?!
Nertil: Po, po! E kam me fakte!
Eni Çobani: Dhe ti ke marrë dhurim nga nëna jote duke e quajtur nënën të përdalë!

Nertili vijon të ngulmojë se prona e konsiderueshme është dhuruar prej të atit. Ai thotë se nëna e tij bën viktimën dhe vazhdon me akuzat.

Nertil: Ajo bën viktimën, është gruaja më fundërrinë në botë që ekziston them unë! Ajo është nga ato gra që fle me burrin në krevat dhe llafos me dashnorin në telefon! E kam me fakte e të tëra!
Eni Çobani: S’ju lejoj që të flisni për znj. Drita në këtë formë…
Nertil: Janë me fakte, me të tëra!

Sa u përket provave, Nertili deklaron se nëna e tij 60-vjeçare ka marrëdhënie jashtëmartesore.

Nertil: I kam me fakte, me prova, për kokën e dy fëmijëve!
Drita: Çfarë thua ti?! Çfarë thua ti o qelbanik?!
Nertil: Nuk guxoj të dal dot prej shtëpisë në qytet se më tregojnë me gisht!
Eni Çobani: Nertil, të lutem, për çfarë provash flet?
Nertil: Për çfarë provash flas unë?
Eni Çobani: Po.
Nertil: Ajo është mësuar si në fshat, t’i marrë dashnorët, t’i sjellë në shtëpi, por nuk e toleroj atë muhabet unë, sot e mot. Ore është grua 60 vjeç dhe e ka mendjen të… cingrenoset poshtë e përjetë, e do më troç?! Do më troç?! Është grua e përdalë!
Eni Çobani: Kjo është shumë e rëndë!
Nertil: Është e rëndë dhe t’i vijë turp!
Drita: Unë jam 60 vjeçe!
Nertil: O fundërrinë, o fundi i botës!
Drita: Jam grua 60 vjeçe!
Nertil: Ti s’ke turp! Ti na ke turpëruar mua, me burrë…ti je fundi i kazanit!

Sa i përket urdhrit të mbrojtjes që Drita thotë se ka marrë ndaj të birit e nuses pas dhunës prej tyre, Nertili shprehet se nuk e ka dhunuar dhe e ka përfituar pa prova.

Nertil: I kam me fakte, me prova, për kokën e dy fëmijëve!
Drita: Çfarë thua ti?! Çfarë thua ti o qelbanik?!
Nertil: Nuk guxoj të dal dot prej shtëpisë në qytet se më tregojnë me gisht!
Eni Çobani: Nertil, të lutem, për çfarë provash flet?
Nertil: Për çfarë provash flas unë?
Eni Çobani: Po.
Nertil: Ajo është mësuar si në fshat, t’i marrë dashnorët, t’i sjellë në shtëpi, por nuk e toleroj atë muhabet unë, sot e mot. Ore është grua 60 vjeç dhe e ka mendjen të… cingrenoset poshtë e përjetë, e do më troç?! Do më troç?! Është grua e përdalë!
Eni Çobani: Kjo është shumë e rëndë!
Nertil: Është e rëndë dhe t’i vijë turp!
Drita: Unë jam 60 vjeçe!
Nertil: O fundërrinë, o fundi i botës!
Drita: Jam grua 60 vjeçe!
Nertil: Ti s’ke turp! Ti na ke turpëruar mua, me burrë…ti je fundi i kazanit!
Eni Çobani: Nuk të nderon kjo! Nëna jote është Drita Bajlos dhe babai Ramadan Bajlos, nuk i heq dot këto, të lutem!
Nertil: Për babain po, për atë nuk ka shans në botë, nuk dua t’ia di fare!
Eni Çobani: E ke dhunuar nënën? Se ka marrë urdhër mbrojtjeje.
Nertil: E ka marrë pa prova, pa fakte.
Eni Çobani: Po si, ia ka dhënë gjykata pa prova? Vetëm në këtë moment, me gjuhën që keni folur ju, zonja mund të shkojë direkt të marrë urdhër mbrojtjeje të dytë nga një djalë si ty!
Nertil: Të vejë ku të dojë!
Eni Çobani: Ka hall se i ikën pasuria! Pasuria është e babait dhe e kësaj nëne që i ka duart kallo!
Nertil: Ja, ashtu bën ajo! Dëgjoje vetë!

Në këtë moment, ndërhyn Pavlina, motra e që i kërkon nënës pjesën e saj të pasurisë. Drita shpërthen në ulërima dhe shkon drejt së bijës thuajse për ta goditur, por stafi i programit ndërhyn në kohë. Në ofendimet e tij, Nertili nuk kursen as motrën dhe thotë se është njësoj si nëna.

Dy tërmete të forta goditën sot brigjet jugore të Kubës.

Sipas Shërbimit Gjeologjik të SHBA-së lëkundja e dytë, me magnitudë 6.8 gradë, ndodhi rreth një orë pas tërmetit të parë me magnitudë 5.9, i cili u ndje në provincat e vendit.

Lëkundjet janë ndjerë kudo në Kubë, por pa shkaktuar viktima, sipas autoriteteve lokale.

Kuba sapo është rikuperuar nga cikloni Rafael, i cili goditi pjesën perëndimore të ishullit dhe shkaktoi një ndërprerje që zgjati gati dy ditë.

Kreu i PD-së, Sali Berisha i është rikthyer akuzave me fjalor të rëndë ndaj kreut të SPAK, Altin Dumani.

Në fjalën e tij për mbështetësit që mblidhen çdo natë poshtë banesës së tij, Berisha bëri akuza të forta fillimisht për kryeministrin Edi Rama dhe qeverisjen e tij.

“Çdo ditë që kalon është frymëmarrje e pamerituar për regjimin e krimit, drogës, regjimin e hajnave, trafikantëve, kriminelëve dhe vrasësve. Çdo ditë që kalon, Edi Rama me tentakulat e tij, me organizatën e tij kriminale–qeveri, me krerët kriminalë të bashkive vjedhin, vjedhin dhe vetëm vjedhin qytetarët shqiptarët”, tha Berisha që ishte akoma më i ashpër me SPAK dhe kreun e tij, Altin Dumani për të cilin tha se mbulon keqbërjet e qeverisë.

“Nga këta mjeranë si Altin Dumani, mercenarë që mburren korridoreve se janë prokurori amerikane. Amerikan, por je i Xhorxh Sorosit o horr, o llum! Dhe fatmirësisht, mos mendo se do të ketë forcë në botë të të mbrojë ty, as Edi Ramën. Jo, jo, sepse keni kryer krime të shëmtuar. Keni përdhosur ligje dhe Kushtetutë!

Monstrat e krimit që tregtojnë çdo natë me vrasës, me kriminelë, me banditë. Që iu marrin përqindjen e fitimit të trafiqeve, u marrin përqinden e fitimit të vrasjeve. Këto monstra janë vërsulur kundër opozitës, pluralizmit në Shqipëri.

Edi Rama mbrohet nga mercenar Dumani, nga llum Dumani. Po tani, o llum që ata të cilët mbrojtën Edi Ramën morën damkën e historisë, ku do shkosh ti që mbron hajdutin, kriminelin, banditin që korruptoi vendit mik dhe aleat shefin e kundërzbulimit, vetëm e vetëm për të luftuar opozitën?

Çfarë fytyre ke ti mor? Ke fytyrë ti? S’ke fytyrë! Ti ke fytyrën e zezë të këpucëve të Edi Ramës, asgjë tjetër! Ti faqezi që drejton një organizatë kriminale politike në Skapin e partisë mbyll dosjet e Edi Ramës, ministrave të tij, zyrtarëve të tij, vëllait të tij. I burgos deputetët e opozitës. Zvarrit ish-presidentë para të cilëve jepje duart në Kushtetutë, o i pa be dhe i pamoral. Të gjitha këto i bën se je një hajdut ordiner.

Të gjitha këto i bën se 8 vite më parë, jo tani, je gjetur me 3 apartamente me rrogën tënde. Po cili shqiptar mund të bëjë 3 apartamente? Cili kriminel të dha ty paratë për t’u bërë me 3 apartamente? Apo të mori peng Edi Rama? Të mbron për të bërë pyetjet 1 milionëshe.

Drejtësia vonon, por nuk harron! E vërteta vonon, por fytyra juaj, karakteri juaj do të dalë në dritë. Dhe harroje se ka diplomatë, harroje se ka shtetar, harroje se ka zyrtar në botë se do të mbrojë Edi Ramën dhe ty nga vrulli, nga revolta, nga zemërimi i shqiptarëve”, tha Berisha.