Month: March 2025

Një veprim i papritur po ndodh nga ana e Gjestit brenda shtëpisë së Big Brother Vip Albania.

Banori deklaroi se ka vendosur të lë shtëpinë e famshme të “BBVA”.

Ndër të tjerash iu tha banorëve që nuk e ka për shaka por e ka seriozisht.

“Ma e rendesishme është shendeti jem, se loja”, tha ai ndër të tjera. Ndërkohë, ai është parë duke u përshëndetur me banorët që janë mbledhur te dera duke i kërkuar të mos dalë.

Kujtojmë se pak ditë më parë, Gjesti tentoi të largohej nga BBVA duke kapërcyer murin e jashtëm rrethues.

Ai është banori që ka qëndruar për muaj të tërë në izolim, duke u transferuar nga Big Brother në Kosovë në shtëpinë e Big Brother në Shqipëri.

Presidenti francez Emmanuel Macron planifikon të mbajë një takim të shefave të ushtrisë evropiane në Paris javën e ardhshme, pasi ai paralajmëron se Evropa është në një epokë të re dhe duhet të rrisë shpenzimet e mbrojtjes.

“Unë dua të besoj se SHBA do të qëndrojnë në anën tonë, por ne duhet të jemi gati nëse nuk është kështu,” tha Macron.

Shefat ushtarakë evropianë do të takohen në Paris javën e ardhshme, njoftoi ai. Franca, së bashku me Ukrainën dhe të tjerët, kanë përgatitur një plan të qëndrueshëm paqeje, tha ai, duke shtuar se kombi i tij duhet të jetë gati nëse SHBA-të nuk janë më pranë saj.

Zyrtarët amerikanë më herët konfirmuan se presidenti Trump ka pezulluar ndarjen e inteligjencës me Ukrainën, përveç ndalimit të ndihmës ushtarake. Vendimi për të ndërprerë mbështetjen e inteligjencës ka të ngjarë të ketë pasoja të rënda në fushën e betejës, thotë Tom Bateman i BBC-së.

Masa vjen pas takimit të zjarrtë të së premtes në Zyrën Ovale midis presidentit amerikan dhe homologut të tij ukrainas Volodymyr Zelensky.

Fenomeni i motit DANA është shfaqur sërish dhe kërcënon Spanjën me përmbytje të ngjashme me ato të tetorit të kaluar që lanë pas qindra viktima.

Meteorologët në Spanjë, e cila po goditet nga moti i keq, parashikojnë kushte të paqëndrueshme, duke paralajmëruar se “më e keqja nuk ka ardhur ende”.

Lindja, jugu dhe pjesët e veriut të vendit kanë marrë paralajmërime për ditët në vijim nga shërbimi meteorologjik i vendit, i cili paralajmëroi se do të preken edhe pika turistike si Malaga, Murcia, Valencia dhe Alicante.

Këto paralajmërime vijnë pasi së fundmi Ishujt Kanarie u goditën nga përmbytjet dhe reshjet e dendura të borës në episode të njëpasnjëshme.

Në Castellón, deri në 254 litra shi ranë në çdo metër katror të disa qyteteve që nga e hëna.

Në Valencia, në disa qytete kishte deri në 200 litra për metër katror.
Ky shi i dendur ka çuar në përmbytje të rënda, me video që tregojnë rrugë të tëra që kthehen në lumenj ndërsa përmbytjet e shpejta gëlltisin qytete të tëra.

Bubullima të forta dëgjohen në videot që tregojnë makina që lëvizin nëpër rrugët e përmbytura.
Pamjet treguan zjarrfikësit që kalonin nëpër ujë deri në gjunjë ndërsa përpiqeshin të pastronin rrugët dhe të shpëtonin njerëzit e bllokuar në makinat e tyre.

Megjithatë, meteorologët paralajmërojnë se më e keqja do të vijë mes të mërkurës dhe të enjtes, pasi fenomeni DANA ndodhet në pjesën lindore të vendit.

Qendra e Koordinimit të Emergjencave të qeverisë së Valencias ka paralajmëruar qytetarët në Castellón, Valencia dhe Alicante që të kufizojnë udhëtimet jo thelbësore.

Në të njëjtën kohë, shkollat ​​janë mbyllur dhe të gjitha aktivitetet në natyrë janë pezulluar deri në përfundimin e motit të keq.

Reshje të mëdha priten në ngushticën e Gjibraltarit, Costa del Sol, Murcia, Tarragona dhe në perëndim të Almerias, me ekspertët që paralajmërojnë se këto zona mund të kenë deri në 60 litra shi për metër katror në 12 orë.

Në Castellón, Valencia, si dhe Tarragona, shiu pritet të bjerë deri në 200 litra për metër katror.

Agjencia meteorologjike e Spanjës theksoi se këto përmbytje nuk kanë gjasa të jenë aq shkatërruese sa përmbytjet e tetorit që vranë qindra dhe lanë mijëra të zhvendosur.

Vitin e kaluar, përmbytjet në Valencia dhe pjesë të tjera të Spanjës vranë më shumë se 200 njerëz, shkatërruan mijëra shtëpi dhe ndezën protesta masive kundër autoriteteve rajonale.

Raportet më të përditësuara tregojnë se 223 njerëz kanë vdekur, me të paktën 31 ende të zhdukur, duke e bërë atë fatkeqësinë më vdekjeprurëse të motit në Spanjë në dekada.

Një tërmet me magnitudë 5.6 goditi rajonin e Oaxaca në Meksikë, sipas Institutit Gjeofizik të Gjermanisë (GFZ)

Lëkundjet shkaktuan panik te banorët, por aktualisht nuk ka raportime mbi dëmet apo viktimat.

Oaxaca ndodhet në një zonë aktive sizmike, duke e bërë atë të ndjeshëm ndaj tërmeteve.

Autoritetet janë në gatishmëri për të vlerësuar situatën dhe për të ofruar ndihmën e nevojshme në rast dëmesh.

Egli Tako është ndër banoret më të komentuara në rrjet kudo.

Ajo po merr vëmendjen e të gjithëve me veprimet që po bënë kundrejtë marrëdhënjes së saj me Gjestin.

Së fundmi nishani në trupin e saj trazoj ujërat.

Familjarët e Eglit kanë shpërndarë një shkrim në instagramin e banorët, postim ky që tregon qëndrimin e tyre në këtë situatë.

Kujtojmë se mesditën e sotme, Gjesti është puthur me Olën, banoren e re, ku mesa duket ky veprim mund ta largojë përgjithmonë nga Egli.

Danja ka folur me Jozin për G Banin dhe largimin e tij nga shtëpia pasi Ledioni i komunikoi se babai i tij ishte shtruar në spital.

Ditët e fundit Danja ka pasur debate të njëpasnjëshme me G Banin ku ku i fundit e ka ofenduar shumë rëndë.

“I thashë ishalla bëhet më mirë babai edhe kaq. Për ta falur nuk e fal G Banin, o për lojë o ku di unë disa gjëra nuk thuhen. Le të më gjykojë gjithë dynjaja, le të më thonë shtrigë.

Kurrë nuk më ka ofenduar njeri ashtu në atë gradë, edhe pa i bërë asgjë. Nervat e atij do i haj kjo detektivja e shtëpisë,(Gerta) u bë me atë që të hante ndonjë copë tortë”, tha Danja.

Fier, 5 mars 2025– Një sherr i paprecedentë mes punonjësve e pronarëve të dy agjencive funerale që operojnë prej vitesh në qytetin e Fierit “ Emini” dhe “ Siqeca” ka përfunduar në plagosje.

Siç shihet në pamjet e kamerave të sigurisë, agresorët janë drejtuar automjetit të vëllezërve që kanë në pronësi agjencinë funerale “ Siqeca” dhe kanë goditur me shkopinj bejsbolli.

Ngjarja e rëndë ka ndodhur mbrëmjen e 3 Marsit, ora 20:50 në vendin e quajtur “rruga e spitalit”.

38-vjeçari Erjon Siqeca mbeti i plagosur dhe u transportua në spital, jashtë rrezikut për jetën.

Në konflikt kanë marrë pjesë 4 agresorë, të cilët janë pronarë e punëtorë të agjensisë funerale “Emini”.

Shkak është konkurenca.

Pronarët e funeralit “Emini” u kanë zënë pritë pronarëve të “Siqecas”, duke u kërkuar të mos u prishin punë me klientët.

Një prej autorëve ka rënë në prangat e policisë, ndërsa tre të tjerët janë larguar nga vendi i ngjarjes dhe janë shpallur në kërkim nga blutë e Fierit.

Njoftimi i policisë:

Specialistët e Seksionit për Hetimin e Krimeve kundër Personit arrestuan në flagrancë shtetasin K. N., 28 vjeç, dhe shpallën në kërkim shtetasit J. M., 47 vjeç, M. S. 38 vjeç dhe E. Rr., 35 vjeç, të gjithë banues në Fier, pasi dyshohet se për motive konkurrence, kanë goditur me send të fortë dhe kanë kanosur shtetasin E. S., 38 vjeç, banues në Fier.

Ky shtetas aktualisht është në kujdesin e mjekëve dhe jashtë rrezikut për jetën.

Punohet për lokalizimin dhe kapjen e shtetasve të shpallur në kërkim.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Gazetari Endri Xhafo, i ftuar në studion e News 24 komentoi aktualitetin politik, pak përpara zgjedhjeve të 11 majit.

Duke folur për vizitën e LaCivita në Shqipëri, Xhafo tha se ekziston një alarm tek demokratët. Sipas tij, Rama ka paralajmëruar se do të bëjë vizitë në SHBA dhe se për këtë, po lobon. Për Xhafon, nëse Rama bën vizitë në SHBA, kjo do ishte “game over”.

“Rama ka thënë se do të kalojë Oqeanin dhe nëse Rama shkon në SHBA, do të zhvlerësonte vizitën e LaCivita, do zhvlerësonte pretendimet e demokratëve për ndikimin e Soros. Kjo do të ishte game over. Të gjitha do të zhvlerësoheshin. Të gjithë presin që Sali Berisha të shkojë në Amerikë, qoftë për një takim me emigrantët. Nëse Berisha shkon në SHBA, kjo do ishte rënia e non gratës. Ka alarm mes demokratëve se Rama se nuk po lë gur pa lëvizur për të shkuar në vizitë në SHBA”, tha Xhafo.

Duke folur për votën e diasporës, Xhafo u shpreh se regjistrimi i mbi 231 mijë shqiptarëve jashtë për të votuar në zgjedhjet shqiptare është një shifër tepër e lartë dhe e kënaqshme.

“Celibashi ka pasur pritshmëri diku tek 50 mijë emigrantë për regjistrim dhe një politikan ka thënë 10 mijë. Kjo shifër, 231 mijë është një shifër shumë e lartë. Kur ka pjesëmarrje të madhe në zgjedhje, shpesh ndodh që kjo votë është për opozitën. Por, vota e diasporës është një enigmë e madhe. PS dhe PD kanë punuar mirë edhe për votën e diasporës. Nuk mendoj se 231 mijë njerëz janë regjistruar se janë ftuar vetëm nga partitë politike. Emigrantët shohin lajmet dhe ndjekin aktualitetin e Shqipërisë. Nuk është risi që të vijnë nga Greqia e Italia të votojnë. Nga Greqia kanë ardhur më herët të votojnë me autobusë, organizuar nga partitë politike. Këtë herë nuk do votojnë në Shqipëri, por aty ku jetojnë”, deklaroi ai.

Teksa komentoi koalicionin e madh të PD-së, Xhafo u shpreh se shikon pragmatizëm politik, pasi çamët dhe grekët kanë hyrë në një koalicion. Ai shtoi se beson se Berisha po “shtrydh” çdo votë kundër Ramës.

“E quajnë edhe koalicion çamo-grek. Kjo është hipokrizi e Dules dhe Idrizit. Disa shikojnë hipokrizi dhe disa pragmatizëm. Është shprehja që ka thënë Mustafa Nano, “koalicioni i qelbësirave”. Mund të ketë demokratë që thonë “Ooo, prapë me Metën”. Berisha hyn me idenë që të gjithë duhet të bëhemi kundër Ramës. Unë shoh pragmatizëm të forcave politike. Berisha po tenton të ‘shtrydhë’ çdo votë kundër Ramës. Sali Berisha mund të kishte marrë edhe gjithë faktorin opozitar në vend. Nuk shoh ndonjë qamet të madh në këtë koalicion prej 26 partish që ka bërë Berisha. “Shqipëria madhështore” është thuajse njësoj si “Make Albania great again””, deklaroi ai.

Xhafo vlerësoi procesin e Primareve në Partinë Demokratike, duke thënë se është një proces i guximshëm në realitetin politik shqiptar.

“Myslym Murrizi tha se ka pakënaqësi. Primaret janë vetëm një kriter për kandidatët për deputetë të PD-së. Berishës i duhet jo vetëm figurë e dashur për demokratët, por edhe për elektoratin gri. I mbetet PD në dorë që të vlerësojë disa aspekte të tjera. Kryesia e PD do vlerësojë kriteret subjektive. Ka pasur shumë persona që kanë pasur rezerva për këtë proces. Unë mendoj se mbajtja e primareve është pozitive. Jo patjetër ai që do anëtarësia, e do edhe elektorati gri po themi. Kjo e ndihmon z Berisha për të kuptuar se kë do anëtarësia. Puna e vulës ka marrë fund. Historia e vulës është e mbyllur”, tha ai.

Në fund, Xhafo nënvizoi se Edi Rama nga 2013 kur PS erdhi në pushtet, e ka rinovuar partinë.

“Rama e ka rinovuar partinë, e ka pastruar dhe ka marrë njerëz të rinj. Ka zëra të rinj në Partinë Socialiste. Tek ‘Deputeti që duam’ duhet të shikojmë produktin”, përmbylli ai.

(BalkanWeb)

Sekretari i Përgjithshëm i Partisë së Lirisë Tedi Blushi, i ftuar në emisionin Open në News 24 deklaroi se presidenti i PL Ilir Meta do të jetë i lirë më 11 maj.

Blushi shtoi se më 11 maj, rikthehet liria për të gjithë shqiptarët. Sipas tij, zgjedhjet do të fitohen nga koalicioni opozitar, që përbëhet nga 26 parti.

Tedi Blushi: Më 11 maj Meta është i lirë. Më 11 maj rikthehet liria për të gjithë shqiptarët. Këtë mund t’iu them.

(Balkanweb)

Dashi

Dashuria: Një përmirësim në sferën sentimentale, por ju ende duhet të prisni për të marrë dashurinë tuaj mbrapa. Kini besim, çdo gjë do të zgjidhet së shpejti. Zemrat e vetmuara do të jenë në gjendje të shpresojnë për surpriza të reja.

Puna: Edhe nëse nuk ju pëlqejnë ndryshimet e programit, fatkeqësisht nuk do të keni zgjidhje. Mos i harroni qëllimet tuaja.

Demi

Dashuria: Nga sot do të jeni të vetëdijshëm se pasionet dhe emocionet bëhen më intensive. Ju do të jeni në gjendje të pranoni disa kompromise për dashurinë. Beqarët nuk duhet të nënvlerësojnë një takim, ky mund të jetë një pikë kthese për ta.

Puna: Shumë probleme pune nuk janë zgjidhur por ata që kanë filluar një rrugë të re do të gjejnë zgjidhje.

Binjakët

Dashuria: Pasuria dhe pozitiviteti do ta bëjnë këtë ditë shumë të këndshme. Ju do të jeni gati të përballeni me përgjegjësi të reja në dashuri dhe mund të planifikoni angazhime afatgjata! Për beqarët, personi i duhur mund të arrijë, të aftë për rrëmbimin e zemrës së tyre.

Puna: Lajme të shkëlqyera në frontin e punës, do të keni kënaqësi të mëdha. Vetëm përpiquni të vendosni besim tek njerëzit e duhur.

Gaforrja

Dashuria: Nëse jeni çift, sot mund të kaloni një ditë relaksuese, duke larguar mendimet e këqija dhe duke ndier emocione të mira. Mundohuni të rrethoheni me njerëz që mund t’ju japin më shumë energji! Ditë e madhe edhe për beqarët, shumë dëshira do të bëhen të vërteta!

Puna: Do të ndiheni pak të lodhur për shkak të shumë përgjegjësive mbi shpatullat tuaja, por rezultatet do t’ju ngushëllojnë.

Luani

Dashuria: Mos i dashuroni njerëzit që kanë tendencë të tregojnë gënjeshtra, prandaj tentoni t’i largoni. Sot ju do të shpëtoheni nga miqtë e rremë të cilët nuk bëjnë asgjë, por të ndërhyjnë në jetën tuaj private. Për zemrat e vetmuara do të vijnë surpriza të reja që do të mbushin zemrën.

Puna: Nëse po kryeni një projekt të rëndësishëm, çdo polemikë apo shqetësim sot do të jetë shumë i bezdisshëm.

Virgjëresha

Dashuria: Një fazë e rëndësishme vazhdon për të lindurit e shenjës, edhe nëse dashuria nuk është pikërisht në momentin e saj më të mirë. Megjithatë, është planifikuar një rikthim për historitë që kanë kaluar nëpër një krizë. Korniza astralike është e favorshme për beqarët, takime dhe flirtime të papritura.

Puna: Sot mund të dukesh pak nervoz dhe i lodhur, po reflekton për perspektivat e tua të ardhshme.

Peshorja

Dashuria: Ju po përjetoni paqartësi në dashuri që nuk ju pëlqejnë. Nëse keni marrëdhënie për disa vite mund të jetë se jeni të lodhur, por para se të bëni një zgjedhje, mendoni për këtë! Beqarët janë në kërkim për diçka alternative për aventurat. Mos i nënvlerësoni mbledhjet.

Puna: Sa i përket punës, yjet sigurojnë zgjedhje të menjëhershme dhe shumë të rëndësishme për shumë të lindur të shenjës.

Akrepi

Dashuria: Ju jeni mbështjellë nga një energji e bukur, por Hëna në opozitë në shenjën tuaj mund të krijojë një nervozizëm të pajustifikuar pak. Përkundër gjithçkaje, marrëveshja me partnerin/en do të jetë e përsosur! Beqarët do të duhet të mbajnë sytë të përqendruar në qëllimet e tyre.

Puna: Në përgjithësi nuk ju pëlqen të takoni njerëz që pyesin për atë që thoni, por ka përparësi në punë.

Shigjetari

Dashuria: Nëse jeni në bilanc mes dy zgjedhjeve të rëndësishme në dashuri ju do të duhet të përpiqeni të mos veproni instinktivisht, por të dëgjoni më së shumti zemrën. Bëni rrugën për ndjenjat e vërteta, nxirrni pasionin! Beqarët do të duhet të ulin armët me veten me durim për të hedhur dritë mbi një çështje të ndjeshme.

Puna: Jupiteri ju fton që të mos jeni të sigurt për pasiguritë, edhe pse shumë situata ende nuk janë zgjidhur.

Bricjapi

Dashuria: Një ditë reflektimi, veçanërisht në sferën sentimentale. Ata që sapo kanë filluar një marrëdhënie, do të gjejnë veten duke bërë një përmbledhje. Saturni në opozitë do të sjellë nervozizëm në marrëdhëniet familjare. Beqarët, nga ana tjetër, do të bëjë takime të reja interesante.

Puna: Në punë dëshira për të ndryshuar, për të zhvilluar ide të reja dhe për të dalë nga monotonia bëhet e fortë.

Ujori

Dashuria: Do të jetë një ditë interesante dhe gjithashtu do të keni rastin të argëtoheni. Ju gjithashtu mund të përjetoni një ndjenjë të sapolindur në një mënyrë më të thellë. Takime të këndshme për beqarët, edhe nëse do të ketë kontrast, mund të lindë një ndjenjë me një person në të ardhmen.

Puna: Me Jupiterin në anën tuaj ju mund të përballeni me ndonjë komplikacion në punë me pozitivitet të madh.

Peshqit

Dashuria: Jepni më shumë vëmendje në jetën tuaj private edhe nëse disa pasiguri vazhdojnë t’ju shqetësojnë. Një person do të përpiqet t’ju tërheqë ju vetë, mos u jepni atyre që nuk ju meritojnë. Beqarët do të jenë të zënë me zgjidhjen e disa problemeve në familje.

Puna: Mërkuri në opozitë e bën të vështirë dialogun me kolegët, dikush do t’ju vendosë shkopinj nën rrota.