Month: March 2025

Banorët e “Big Brother VIP Albania” u emocionuan teksa morën mesazhet e radhës në Big Love, por një mesazh i veçantë shkaktoi entuziazëm të madh.

Ishte në emër të futbollistit të Kombëtares Shqiptare, Armando Broja, dhe sapo banorët panë emrin e tij, nisën brohoritjet.

Megjithatë, Gjesti mbeti i hutuar dhe pyeti: “Kush është?”.

Në sfond, Rozana dëgjohet: “Armando Broja o njeri!”.

Gjesti, i habitur, u përgjigj: “Hej bro, unë s’e di, s’jam i informuar për futbollin këtu”.

Në mesazh, Broja shkruante: “Gjesti na kënaqe o vëlla, veç për ty po e shikoj këtë Big. Të presim me fitore. Loja ka puls edhe dashuria, por ti nuk do të nxjerrësh djalin e dashuruar. Nuk është turp, vëlla. Nuk ka më bukur se dashuria”.

Gjesti e falënderoi dhe e përshëndeti futbollistin, duke e vlerësuar mesazhin si një surprizë të këndshme.

VIDEO

Rënia në përgjim e Erjon Veliajt teksa fliste me gruan e tij nga furgoni i Burgut të Durrësit, ngriti në këmbë dy prokurorët e SPAK-ut, pasi dyshuan se Veliaj përdorte një aparat telefoni në burg.
Por kur verifikuan numrin që kishte rënë aksidentalisht në përgjim të SPAK (pasi në përgjim ishte numri i Ajola Xoxës), kuptuan se ai ishte një numër që përdorej nga një punonjës policie i burgjeve.

Me urgjencë prokurorët kanë marrë listën e shërbimit ditor të këtij punonjësi policie dhe konstatuan se ditën dhe orën kur është bërë thirrja telefonike në drejtim të numrit të Ajola Xoxës, ky punonjës policie ka qenë në shërbim në trupën e shoqërimit që transportonte me furgon Veliaj nga paraburgimi i Durrësit në drejtim të Gjykatës së Apelit të Posaçëm në Tiranë.

Menjëherë është urdhëruar shoqërimi në ambientet e SPAK-ut të punonjësit të policisë, i cili gjatë marrjes në pyetje ka pranuar para prokurorëve se numri ishte i tij dhe ja kishte dhënë Veliaj brenda në furgon, pasi ia kishte kërkuar për të folur me gruan.

“…ia kam dhënë me dëshirë dhe pa asnjë premtim apo favorizim, pasi ma kërkoi të fliste me gruan. Me erdhi keq dhe ja dhashë. Unë jam në moshë të madhe dhe për pak kohë dal në pension. Nuk e mendova se ishte shkelje e rëndë…”-ka treguar punonjësi i policisë M.

Për shkak të kësaj dëshmie bashkëpunuese, prokurorët e kanë toleruar punonjësin e policisë së burgjeve në prag pensioni, duke mos e arrestuar për akuzën e “Shpërdorimit të detyrës”.

Ndërkohë në pyetje brenda godinës së SPAK janë marrë dhe 5 anëtarët e tjerë të grupimit të shoqërimit, si dhe komandanti i grupit, shtetasi, Gëzim. Gj.

Të gjithë anëtarët, përfshirë dhe shoferin e furgonit që transportoi Veliaj në Gjykatën e Apelit, janë vënë në hetim nga SPAK për akuzën “Moskallëzimit të krimit”.

Kjo pasi sipas SPAK ata kanë qenë brenda në furgon dhe kanë parë e dëgjuar se Veliaj ishte duke folur në telefon dhe nuk kanë marë asnjë masë të parandalojnë dhe ndalojnë atë.

Veprimet e kundërligjshme të Veliaj dhe kolegut të tyre M, që i dha telefonin, thotë SPAK nuk janë denoncuar në organet përkatëse nga 5 punonjësit e tjerë të policisë së burgjeve, ndaj të cilëve rëndon akuza e “Moskallëzimit të krimit”.
Ndërsa për Veliaj, është ngritur akuza e “Futjes ose mbajtja e sendeve të ndaluara në institucionin e ekzekutimit të vendimeve me burgim”, vepër kjo që parashikon një dënim nga 1 deri në 3 vite burgim.

Ndodh sërish dhe me të njëjtin personaz. Bëhej fjalë për Halit Valterin, këshilltarin socialist në Këshillin Bashkiak të Tiranë dhe njëkohësisht kandidatin e PS për deputet për zgjedhjet e 11 Majit, i cili duket se gjatë debateve televizive nuk arrin të kontrollojë gojën.

Gjatë një debati në Top News, Halit Valteri ka shpërthyer në ofendime dhe në një fjalor banal +18. Shkak u bë se avokati Romeo Kara i përmendi faktin që ka ndërruar shumë parti dhe nuk është çudi që ta ndërrojë sërish dhe në të ardhmen.

Halit Valteri: Kur unë jam i lirë dhe nuk më pëlqen një gjë tjetër dhe bëj atë që më do **** mua, ty të shqetëson ajo gjëja dhe e vetmja gjë që mund të thuash ti dhe shumë të tjerë, është që unë kam ndërruar PD me PS. E kam ndërruar se më desh *****. E kupton kaq gjë. Dhe do ta ndërroj nëse nuk ndihem mirë tek kjo, sa herë të më dojë ****.

Romeo Kara: Vetëm që ma the këtë këtu në studio, jemi të gjithë ****.

Kjo nuk është hera e parë që Halit Valteri “shthur” gojën në emision, pasi rreth një muaj më parë kaloi në ofendime dhe duke bërë edhe “gangsterin” ndaj analistit Enton Abilekaj.

VIDEO

Po flitet me të madhe që Gjesti do të largohet nesër nga shtëpia më e famshme.

Informacioni është i pakonfirmuar mirëpo është duke u përhapur me shpejtësi të dritës, pas zhvillimeve të fundit me rikthimin e Eglit që po e sulmon fort në shtëpi.

I ftuar në Prive By Liberta Spahiu, opinionisti Elton Tozaj foli për këtë situatë.

Ai përjashtoi mundësinë e daljes nesër por zbuloi një sekret të prime.

I pyetur për Eglin, ai u shpreh se qëllimi i saj është vetëm që të hakmerret ndaj Gjestit.

‘Është lutur korridoreve të Topit për t’u kthyer. Në një prej ditëve, e kam hasur dhe unë’, shprehet Tozaj mes tjerash.

Gjesti është në qendër të vëmendjes, pasi në rrjet po qarkullojnë lajme se ai mund të largohet nga shtëpia e Big Brother VIP Albania. Në ditët e fundit, ai ka bërë disa deklarata brenda shtëpisë, ku ka shprehur lodhjen e tij emocionale dhe psikologjike pas 150 ditësh izolim. Madje, në një rast, ai ka pohuar se ka kërkuar të largohet.

Por ajo që ka shtuar më shumë dyshimet mes ndjekësve është fakti që Gjesti ka ngritur akuza se Egli dhe produksioni po e sulmojnë për t’i ulur imazhin. Kjo ka bërë që shumë fansa të mendojnë se produksioni mund të ketë një skenar të fshehtë dhe se Rozana Radi është e favorizuar për të fituar këtë edicion.Nga ana tjetër, Anaid Kaloti, ish-fituesi i Big Brother Albania, ka mohuar këto zëra, duke i cilësuar si thjesht spekulime dhe parashikime të pavërtetuara. A është ky fundi i rrugëtimit të Gjestit në BBVA? Mbetet për t’u parë në Prime-in e sotëm.

Në tregun e këmbimit valutor shqiptar të ditës së sotme, një dollar do të blihet me 91 lekë dhe do shitet me 92.1 lekë.

Ndërkohë monedha evropiane euro do blihet me 98.5 lekë dhe do shitet me 99.2 lekë.

Franga zvicerane sot në tregun shqiptar do blihet me 102.6 lekë dhe do shitet me 103.6 lekë.

Ndërsa paundi britanik do blihet me 117.3 lekë dhe do shitet me 118.3 lekë.

Presidenti amerikan, Donald Trump, ka dërguar urimet më të ngrohta për të gjithë ata që po festojnë festën e lashtë të Novruz-it, duke shprehur mirënjohjen për popullin persian dhe kontributet e tij të çmuara në fusha të ndryshme.

Në mesazhin e tij, Presidenti Trump theksoi se Novruzi shënon fillimin e pranverës dhe Vitin e Ri Persik, një kohë për të reflektuar mbi vitin që kaloi dhe për të pritur me shpresë dhe optimizëm të ardhmen.

Ai gjithashtu vlerësoi kulturën e pasur persiane dhe arritjet e jashtëzakonshme të popullit persian në fushat e matematikës, shkencës, ligjit, teknologjisë dhe artit. Në emër të Shteteve të Bashkuara, Trump uroi një festë të gëzuar për të gjithë.

Mesazhi i urimit të presidentit amerikan Donald Trump:

Urime më të ngrohta për të gjithë qytetarët në Shtetet e Bashkuara dhe kudo në botë që po festojnë festën e lashtë të Novruz-it.

Novruzi është një rast gëzimi për popullin persian, duke shënuar fillimin e pranverës dhe Vitin e Ri Persik. Kjo traditë e gjatë është një kohë për të reflektuar mbi bekimet e vitit të kaluar dhe për të përgatitur pranverën që vjen me një shpirt të rinovuar optimizmi.

Populli persian me kulturën e tij të gjallë dhe me talente të jashtëzakonshme në fusha si matematika, shkenca, ligji, teknologjia dhe arti, dha kontribute të shumta dhe të rëndësishme në shoqëri. Në emër të Shteteve të Bashkuara, ju shpreh përshëndetjet më të ngrohta për një festë të gëzuar.

Gëzuar Sulltan Novruzin

(Balkanweb)

Dashi

Ju pret një ditë pozitive, gjatë së cilës do të keni mundësi që të bini në sy. Parashikohen mundësi të shumta për tu shfrytëzuar në favorin tuaj, ndaj mos i lini që t’iu ikin. Po ashtu mund të kthehet diçka nga e kaluara.

Demi

Kjo e shtunë favorizon takimet dhe kontaktet me të tjerët. Përfitoni nga fundjava për të frekuentuar njerëz të rinj dhe vende të reja. Kjo pasi mund të krijohen situata të cilat do të sjellin zgjidhje për një sërë problemesh.

Binjakët

Kjo ditë do ju gjejë nervoz dhe të tensionuar, në çdo sferë të jetës. Tregohuni të kujdesshëm, pasi kjo gjë mund t’iu shtyjë që të bëni gabime. Edhe në dashuri parashikohen probleme, ndaj bëjini sytë katër.

Gaforrja

Keni dëshirë që të ndryshoni diçka dhe të jeni më të lirë. Parashikohet një ditë gjatë së cilës nuk do të ketë ndonjë të re, por do të jeni shumë më mirë në raport me ditët e kaluara.

Luani

Parashikohet një fundjavë mjaft interesante për gjithë ata që duan të udhëtojnë. Duke frekuentuar ambiente të reja, mund të lindë ndonjë emocion i ri. Sfera sentimentale do të jetë më e përmirësuar.

Virgjëresha

Kjo ditë do të sjellë me vete ndonjë shqetësim, por vetëm në lidhjet më të vështira. Duhet të rrini të qetë pasi është një periudhë kalimtare dhe situata e ndjenjave do të vijë duke u përmirësuar.

Peshorja

Hëna do të jetë mjaft e favorshme gjatë kësaj fundjave, ku mund të ketë zhvillime interesante. Të shoqëruarit me njerëz të qetë, do të bëjë që të ndiheni mirë. Megjithatë për shkak të ndikimit të Saturnit, do të duhet të lodheni më shumë për të marrë rezultatet e dëshiruara në punë.

Akrepi

Kryefjala e kësaj dite është rregulli. Qëndroni larg konfuzionit, pasi në të kundërt rrezikoni që të përballeni me të papritura. Në punë parashikohen të reja interesante, sidomos nëse keni në aktivitet tuajin.

Shigjetari

Mos lejoni që të manipuloheni apo të bini pre e shantazheve morale. Doni që t’iu jepni shumë të tjerëve, por në të njëjtën kohë nuk ju pëlqen që të ndiheni të detyruar dhe për këtë arsye disa lidhje mund të ndihen në krizë. Mund të jeni pikërisht ju që do të kuptoni se çfarë ka që nuk shkon.

Bricjapi

Duhet të tregoheni të durueshëm, pasi vetëm kështu do të merrni atë që dëshironi. Shumë prej jush do të kenë avantazhe të cilat deri më tani nuk i kanë patur, shkruan noa.al.

Ujori

Gjatë kësaj fundjave, duhet të tregoheni të fortë për të përballuar çdo pengesë. Kjo e shtunë do të sjellë rikuperim të ndjeshëm. Shmangni sa më shumë komplikimet dhe flisni më shumë për dashurinë. Në këtë moment, keni nevojë për një lidhje të lirshme dhe pa shumë mendime.

Peshqit

Tregohuni të kujdesshëm, pasi edhe gjëja më e vogël mund të shkaktojë nervozizëm të madh tek ju. Shumë nga të lindurit e kësaj shenje do të ndihen të acaruar. Do të ndiheni konfuz pa masë! Në vendin e punës mund të merrni ndonjë përgjigje më shumë, por gjithmonë me anë të kompromisit. Një rinovim kontrate mund të hapë mundësi të mëdha.

Përpara çështjes së kontratës me RTSH-në, Alban Dudushi është përballur me një problem shëndetësor, të cilit fillimisht nuk i kishte kushtuar rëndësi. Në një intervistë për “The Dalina Show”, ai tregoi se më 9 shtator 2024, gjatë pjesës së fundit të emisionit, gjendja e tij u përkeqësua dhe iu desh të shkonte në spital.

“Shumë menduan që ishte zemra, por në fakt ishte një problem hemoragjie në stomak. Mendova se do kalonte, por kishte qenë diçka më e rëndë dhe më duhej të bëja një ndërhyrje kirurgjikale,” rrëfen ai.

Dudushi tregon se bashkëshortja e tij, Bieta Sulo, e ka përjetuar situatën më rëndë se ai vetë. “Jo se Bieta është më frikacake se unë, por unë isha në stilin ‘Hm, s’është ndonjë gjë, e kaloj.’”

Ai shton se Bieta është personi që merret me organizimin e gjithçkaje, nga kontaktet te konsultat mjekësore dhe gjatë kësaj kohe ka mbajtur një ngarkesë të dyfishtë, duke u kujdesur për të dhe duke drejtuar emisionin e saj.

“Ne fund të ditës, ata që të shikojnë në ekran nuk pyesin se çfarë halli ke ti, por thonë ‘Ky s’qenka në formë sot,’” thotë Dudushi. Për fat të mirë, gjithçka shkoi mirë dhe ai vijon kontrollet për t’u siguruar që shëndeti i tij është në rregull.

Formimi i një aleance ushtarake ndërmjet Kroacisë, Kosovës dhe Shqipërisë ka shkaktuar një sërë reagimesh negative në Serbi ku presidenti Aleksandar Vuçiç pretendon se shkel marrëveshjen e armëve të vitit 1996 të nënshkruar në Firence ndërmjet Kroacisë dhe Republikës së atëhershme Federale të Jugosllavisë, Federatës së Bosnjës dhe Hercegovinës dhe Republikës Serbe.

Megjithatë, siç raportojnë “ekskluzivisht” mediat në Serbi të afërta me Vuçiçin, Serbia tani, si përgjigje ndaj aleancës ushtarake ndërmjet Kroacisë, Kosovës dhe Shqipërisë, do të lidhë një aleancë ushtarake me Hungarinë. Lajmi ka dalë dje në Kurir, gazetë serbe e cila shkruan se “po përgatitet një bombë e vërtetë”.

Sipas Kurir, Vuçiç dhe kryeministri hungarez Viktor Orban tashmë janë në negociata. Duhet shtuar se në këtë moment, lajmi për një aleancë të tillë nuk është konfirmuar zyrtarisht dhe as Vuçiç e as Orban nuk e kanë komentuar atë.

Sigurisht që ia vlen të theksohet konteksti i publikimit në Kurir. E gjithë kjo po ndodh në momentin e samitit të rëndësishëm të djeshëm në Bruksel.

Në takimet përgatitore para samitit të Bashkimit Evropian, Kroacia ka shprehur shqetësimin për mungesën e një gjuhe më të qartë në paragrafin e konkluzioneve kushtuar situatës në Ballkanin Perëndimor, pra në Serbi dhe Bosnjë e Hercegovinë.

Kroacia beson se ekziston rreziku i përhapjes së situatës në rajon dhe se ishte e nevojshme një përgjigje nga Këshilli Evropian.

Megjithatë, Hungaria e kundërshtoi këtë iniciativë, duke besuar se përfundimi i takimit duhet të mbetet ashtu siç është.