Month: April 2025

Një shpërthim i fuqishëm i ndjekur nga shpërthime dytësore ndodhi në arsenalin e 51-të të Drejtorisë Kryesore Ruse për Raketa dhe Artileri (GRAU) në rajonin e Vladimir, bënë me dije disa burime të ndryshme këtë të martë.

Depoja, një strukturë e madhe brenda infrastrukturës mbrojtëse të Rusisë, thuhet se ruan më shumë se 100,000 ton municione, duke përfshirë predha artilerie, raketa të sistemit të raketave me shumë lëshime (MLRS), komponentë të mbrojtjes ajrore dhe raketa balistike me rreze të shkurtër veprimi.

An explosion followed by a detonation occurred at the 51st Arsenal of the Main Missile and Artillery Directorate (GRAU) of the Russian Ministry of Defense.

This facility, among Russia’s largest ammunition depots, is situated in the Kirzhach District of the Vladimir Region,… pic.twitter.com/fL5dDDfdag

— OSINTWarfare (@OSINTWarfare) April 22, 2025

Burime lokale dhe llogari në mediat sociale kanë përhapur raporte të pakonfirmuara që sugjerojnë një “sulm raketor” të mundshëm me origjinë nga Ukraina. Alexander Avdeyev, guvernatori i rajonit të Vladimir, konfirmoi shpërthimin, por nuk dha detaje. Guvernatori shkroi në profilin e tij në Telegram se shpërndarja e fotove dhe pamjeve video të incidentit është e dënueshme me ligj.

Sipas dëshmitarëve okularë, disa fshatra në afërsi të depos së municioneve po evakuohen për shkak të shpërthimeve të vazhdueshme. Agjencia shtetërore e lajmeve TASS konfirmoi zyrtarisht evakuimin për fshatin Barsovo. Ende nuk dihet se çfarë e shkaktoi shpërthimin e parë dhe më pas të tjerët. Megjithatë, Ukraina ka përdorur vazhdimisht dronë për të sulmuar depot ruse të municioneve në mbrojtje kundër një pushtimi në shkallë të plotë rus.

Depoja e municioneve është një nga më të mëdhatë në forcat e armatosura ruse. Ndodhet më shumë se 500 kilometra larg kufirit me Ukrainën.

Meanwhile at one of the Russian military's largest ammo depots.

That's about 60 km northeast of Moscow.

Not a big deal, of course, yeah yeah yeah. pic.twitter.com/oQcnL86yiK

— Illia Ponomarenko 🇺🇦 (@IAPonomarenko) April 22, 2025

Siç raportohet, para shpërthimit, në vendngjarje shpërtheu një zjarr i madh. Shkalla e dëmit dhe viktimat e mundshme mbeten të paqarta për momentin. Sipas disa burimeve, ka filluar evakuimi i popullsisë nga zonat përreth. Pamjet dhe fotot e një reje të madhe tymi që mund të shihet mbi depo, dhe mund të dëgjohen shpërthime, janë shfaqur në internet.

Arsenali i 51-të i GRAU luan një rol kyç në zinxhirin logjistik rus për furnizimin e forcave tokësore me një gamë të gjerë municionesh konvencionale. Humbja ose ndërprerja e një objekti të tillë mund të ndikojë në aftësitë operacionale, veçanërisht pasi Rusia vazhdon të mbajë operacione ushtarake në shkallë të gjerë.

Myrto Uzuni është bërë baba për herë të parë. Lojtari i Kombëtares ka postuar një foto të bebit, duke e shoqëruar me fjalë zemre.

“Mirë se erdhe Prince Uzuni”, shkruan Myrto duke zbuluar emrin e të të birit.

Më pas vazhdon me fjalë zemre për partneren, që po ashtu ka postuar në rrjetet sociale. “Të dua Uarda”, shton sulmuesi i Kombëtares.

Kujtojmë se lajmin e embël, që do të bëhet baba për herë të parë me djalë, Uzuni e dha nga “Arena Kombëtare”. Në një festë veçantë me të afërmit dhe shoqërinë e tij, zbuloi gjininë.

29-vjeçari nga janari është pjesë e Austin. Klubi amerikan pagoi klauzolën që prishte kontratën e lojtarit me Granadën në Spanjë.

Një tjetër faqe e çuditshme iu shtua kronikës së klubit futbollistik Avellino, një faqe që për shumë vetë duket thuajse e pabesueshme.

Të shtunën e Pashkëve, “ujqërit” e drejtuar nga trajneri Raffaele Biancolino u ngjitën në Serinë B, duke mposhtur Sorrenton 2-1 në Potenza. Dy ditë më vonë, të hënën e Pashkëve, mbërriti lajmi i hidhur për ndarjen nga jeta të Papa Françeskut.

Në pamje të parë, duket si një rastësi e trishtë. Por për ata që e njohin historinë e Avellinos dhe e kanë ndjekur rrugëtimin e tij ndër vite, ky nuk është një episod i izoluar. Madje, është vetëm kapitulli i fundit i një vargu ngjarjesh që lidhin, në mënyrë misterioze, sukseset e klubit me ndryshime të rëndësishme në Selinë e Shenjtë të Vatikanit.

Një lidhje e pazakontë që nis në vitin 1958

Gjithçka nisi në vitin 1958. Më 9 tetor, Papa Piu XII ndërroi jetë. Kampionati i Kategorisë së Katërt kishte nisur prej pak javësh dhe, në fund të sezonit, Avellino ngjitej në Serinë C. Në Vatikan, Papë u bë Gjon XXIII, i cili ndërroi jetë në vitin 1963 — po atë vit kur Avellino u rikthye në Serinë C, pasi kishte zbritur vetëm një sezon më parë.

Në vijim, në vitin 1978, ndodh një tjetër ndërlidhje e habitshme: viti i vdekjes së dy papëve — Pali VI dhe pasuesi i tij afatshkurtër, Gjon Pali I. Në atë vit historik, Avellino siguron ngjitjen e parë në Serinë A, një arritje madhore për klubin nga Irpinia.

Në 2005, vdekja e Papa Gjon Palit II shënon një tjetër moment të rëndësishëm: më 19 qershor të atij viti, Avellino mundi Napolin në finalen e “play-off”-it dhe u rikthye në Serinë B.

Në vitin 2013, edhe pse nuk pati një vdekje, ndodhi diçka unike: Papa Benedikti XVI dha dorëheqjen — për herë të parë në historinë moderne të Kishës Katolike. Dhe sërish, Avellino u ngjit nga Seria C në Serinë B.

Viti 2025: Historia përsëritet?

Të shtunën e kaluar, në një atmosferë festive, Avellino siguroi ngjitjen në Serinë B. Por euforia u zbeh shpejt nga lajmi që mbërriti vetëm dy ditë më pas: Papa Françesku, që prej vitesh përballej me probleme shëndetësore, ndërroi jetë.

Ndërsa tifozët gëzonin për suksesin e skuadrës, në Vatikan u shpall zia. E pamundur të mos tërhiqet vëmendja mbi këtë përkim tragjik. A është kjo vetëm një rastësi, apo një “mallkim i butë” që ndjek sukseset e Avellinos?

Jo çdo sukses është ndjekur nga tronditje në Vatikan

Megjithatë, statistikat ofrojnë edhe një tjetër panoramë: ka pasur vite të qeta, si 1995, 2003, 2007 apo 2019, kur Avellino është promovuar pa ndodhur asgjë e jashtëzakonshme në Vatikan. Në vitin 1949, kur klubi u ngjit për herë të parë në Serinë B, Papa Piu XII ishte në detyrë. Dhe në vitin 2019, kur skuadra fitoi Serinë D, Papa Françesku gëzonte shëndet të plotë.

Përfundim: Koincidencë apo simbolikë?

Nuk ka asnjë provë që lidh ngjarjet e klubit futbollistik me ndryshimet në Selinë e Shenjtë. E megjithatë, këto përkime janë të mjaftueshme për të mbajtur gjallë një legjendë urbane që duket se sfidon logjikën.

Rastësi të tilla janë të rralla, por kur ndodhin, lënë gjurmë. Dhe për tifozët e Avellinos, për historianët e sportit dhe për ata që besojnë në simbole… kjo është një histori që vlen të tregohet, sa herë bota e futbollit trazon telat e fatit në mënyrë kaq të pazakontë./VoxNews

Besart Kelmendi i njohur për publikun si Gjesti u shpall fitues i edicionit të katërt të Big Brother VIP Albania.

Ai fitoi çmimin e madh prej 100 mijë eurosh, ndersa në vend të dytë u rendit këngëtarja Rozana Radi.

Në fjalët e para pas përfundimit të këtij sezoni, artisti shqiptar tha se do të kalojë kohë me familjen.

Edhe sa ka qenë brenda, ka përmendur vazhdimisht se e ka marrë malli për vendlindjen, fshatin Pavlan, i cili shihet se është kthyer në shtëpi.

I njëjti qëndroi 184 ditë në izolim, marrë parasysh kalimin nga Big Brother i Kosovës në atë të Shqipërisë.

Dashi

Vështirësitë më të mëdha gjatë kësaj dite do vijnë nga fakti se nuk do merrni dot vendimet e duhura. Shpesh do ndiheni edhe të lëshuar plotësisht. Nëse jeta juaj ne çift është e trishtë dhe i mungon emocioni duhet të bëni të pamundurën që ta ndryshoni situatën. Po i latë gjerat pas dore mund të keni probleme serioze më pas. Nëse jeni beqarë do preferoni aventurat kalimtare sot dhe nuk do ndiheni gati të filloni lidhje të qëndrueshme. Në punë do i bëni të gjitha përpjekjet për ta për t’i kaluar pengesat dhe do ja dilni. Yjet do bëhen bashkë dhe do ju ndihmojnë gjithë kohës me financat.

Demi

Sot yjet do ju bëjnë të ndiheni si yje Hollivudi dhe do mburreni shumë. Nëse keni një lidhje do mendoni gjithë kohës sikur jeni mbi partnerin dhe mund ta kritikoni atë. Vetëm në mbrëmje kur ta shihni se ai do qëndrojë në heshtje dhe nuk do ju flasë do reflektoni dhe do i kuptoni gabimet. Beqarët do kenë disa debate me miqtë e tyre të cilët do iu prishin planet e joshjes. Edhe kjo ditë ka për të qenë e zakonshme. Në punë nuk do arrini asgjë nga detyrat që iu janë dhënë dhe kjo do sjellë probleme serioze. Mund të vihen në pikëpyetje edhe vazhdimësia në atë kompani. Paratë do jenë shumë të trazuara do ju duhet të merrni para hua për t’ia dalë mbanë.

Binjakët

Gjatë kësaj dite do i merrni gjërat si t’iu vijnë dhe nuk do mendoni për të ardhmen e largët. Shumë do ju adhurojnë për mënyrën si do e shihni jetën. Ju të dashuruarit herë pas here mund të jeni edhe impulsivë, por ama do i kuptoni menjëherë gabimet dhe do gjeni mënyrën e duhur për ta ndryshuar situatën. Ju beqarët do mërziteni duke kërkuar gjithë kohës dashurinë dhe do qëndroni pasivë. Në fakt kur të jeni diku duke pirë kafe dikush do ju vështrojë nga larg. Në punë do ju duhet më shumë këmbëngulje dhe vendosmëri për t’i përmbushur objektivat. Financat do jenë disi më të mbrojtura dhe do arrini të bëni disa shpenzime që keni menduar.

Gaforrja

Sot do i shihni gjërat me largpamësi, madje edhe më shumë sesa do duhet ndonjëherë. Për ju të dashuruarit gjërat do ecin më mirë nga sa mund t’i keni programuar. Çdo çast do jetë harmonik dhe do merrni surpriza shumë të veçanta nga partneri. Nëse ai ka gabuar më parë do gjejë gjithashtu mënyrën më idealë për t’iu kërkuar falje. Ju beqarët do kenë shumë dëshirë për të joshur e për të bërë ndryshime, por yjet nuk do i keni në krah. Bëni edhe pak durim. Në punë do ta përballoni çdo gjë me optimizëm dhe do arsyetoni para se të veproni. Financat do jenë goxha më të mira kështu që mund të guxoni të bëni edhe ndonjë shpenzim për gjëra qejfi.

Luani

Dielli do ju bëjë me humor të mirë sot dhe do ju rikthehet optimizmi për jetën. Nëse jeni në një lidhje më mirë shfrytëzojeni çdo çast kur të jeni së bashku dhe mos bëni plane shumë afatgjata. Nëse keni pasur mosmarrëveshje kërkoni falje me email ose sms fillimisht sepse është më e thjeshtë. Ju beqarët do takoheni rastësisht në një kafene me persona shumë të sjellshëm dhe gazmorë për të cilët do ju ndizen direkt shkëndijat e dashurisë. Në punë do jeni aktivë dhe do arrini më shumë sesa objektivat që iu janë dhënë. Në planin financiar nuk duhet për asnjë arsye të ndërmerrni rreziqe. Ndihmën e të afërmve pranojeni pa u menduar dy herë.

Virgjëresha

Sot do jeni shumë të paqëndrueshëm në mendime dhe nuk do i dalloni dot qartë të vërtetat nga gabimet. Në disa momente do jeni me humor të keq. Për ju të dashuruarit edhe pse tundimi në disa momente do jetë shumë i fortë, ju sërish do arrini t’i qëndroni besnikë atij që keni në krah. Emocionet dhe kënaqësitë kanë për të qenë shumë të forta. Ju beqaret do keni disa takime mbresëlënëse të cilat do ua ndryshoje jetën përgjithmonë dhe do ju rikthejnë buzëqeshjen e munguar. Në punë do i konkretizoni të gjitha planet dhe do jeni të qetë. Buxheti do jetë delikat sepse do shpenzoni pa menduar për të qetësuar ankthin.

Peshorja

Për fatin e mirë qetësia do mbizotërojë gjithë kohës në jetën tuaj sot. Nuk do keni aspak probleme apo vështirësi. Nëse jeni në një lidhje do përjetoni ndjesi shumë të forta gjatë kësaj dite ju dhe në disa momente do ju duket sikur nuk jeni në realitet. Buzëqeshja do mbizotërojë gjithë kohës. Ju beqarët do dashuroheni marrëzisht pas një personi, por nuk do keni guximin t’ia thoni. Kërkoni edhe ndihmën e miqve të ngushtë sepse do iu japin një dorë. Në punë do përballeni me pasojat e disa zgjedhjeve që keni bërë në të shkuarën. Të ardhurat do fillojnë të dobësohen goxha kështu që kujdes me çdo shpenzim që do kryeni.

Akrepi

Do jeni më të hapur sot dhe nuk do mbani më mëri për ato që keni kaluar më parë. Zemra do ju ndihet më e qetë. Yjet do ju ndihmojnë tej mase ju të dashuruarve dhe do bëjnë që lidhja me atë që keni në krah të behet akoma më e fortë. Ju beqarët do jeni gjatë gjithë kohës në lëvizje dhe do realizoni njohje të jashtëzakonshme. Për ju mund të fillojë një etapë e re. Në punë më në fund do i vini në praktikë të gjitha planet që keni bërë. Keni për te pasur sukses të madh. Venusi do sjellë begati në sektorin e financave. Gjendja do ketë aq shumë përmirësime saqë do mbeteni me gojë hapur.

Shigjetari

Yjet do ju bëjnë më të pasigurt sot dhe nga ana tjetër do e keni më të vështirë t’i shprehni ato që do ndieni. Nëse jeni në një lidhje do jeni tej mase xhelozë për partnerin tuaj dhe situata në shumë momente mund t’iu dalë jashtë kontrollit. Do e bëni tjetrin të ndihet keq, por as vete nuk do jeni të qetë. Ju beqarët do vazhdoni të mbeteni vetëm edhe gjatë kësaj dite dhe nuk do bëni asnjë përpjekje për ta ndryshuar situatën. Në planin profesional do privilegjoheni gjithë kohës. Do keni edhe arritje dhe mund t’iu behet edhe një propozim për rritje në detyrë. Në planin financiar fati do jetë me ju dhe situata do ketë goxha përmirësime.

Bricjapi

Sot do i keni mendimet e qarta dhe do dini gjithmonë si të veproni. Do keni besim tek zgjedhjet tuaja dhe do i keni në dorë letrat e fatit. Ju të dashuruarit do jeni shumë të përkujdesur për partnerin dhe do ruani një marrëdhënie shumë të ngrohte me të. Askush nuk do guxojë t’ua prishë harmoninë. Nëse jeni beqarë duhet të maten disa herë para se të hidhni hapa sepse vetëm kështu do shmangin zhgënjimet. Në punë do filloni disa projekte mjaft interesante, por që do duan me tepër përkushtim dhe kohë te harxhuar. Gjendja financiare për fat të mire nuk do ketë aspak probleme kështu që mos u shqetësoni për asgjë.

Ujori

Ditë ë mbushur me momente të bukura do jetë kjo e sotmja. Marrëdhënia me të gjithë do jetë e shkëlqyer. Nëse jeni në një lidhje më në fund do rimerrni frymë lirisht pas një periudhe disi delikate. Çastet e lumtura do shumëfishohen. Edhe ju beqarëve do ju ndodhin gjëra pozitive sot dhe zemra do fillojë të rrahë akoma më fort. Gjithsesi e mira është që personat që do njihni t’i mbani fillimisht miq e më pas të kaloni në diçka tjetër. Në punë do jeni të motivuar, të frymëzuar dhe mjaft energjikë. Çdo qëllim që do i vini vetes do mund ta arrini. Paratë nuk do kenë asnjë ndryshim nga disa ditë më parë. Vazhdoni të jeni të kujdesshëm.

Peshqit

Saturni do ju bëjë t’iu mungojë siguria në vetvete sot dhe nuk do arrini dot t’i shprehni lirshëm as mendimet. Nëse jeni në një lidhje nuk duhet ta komandoni partnerin apo ta kritikoni për gjithçka pasi në fund të fundit askush nuk është perfekt dhe të gjithë bëjmë gabime. Nëse jeni ende beqarë ka ardhur koha të përzgjidhni sot dhe jo të jeni më të shpërqendruar. Në punë do vazhdoni të hezitoni të tentoni gjëra të reja. Lëre pas krahëve edhe krenarinë edhe frikën. Paratë nuk do jenë të shkëlqyera megjithatë me pak përkujdes dhe ndihmë nga të afërmit do arrini ta kaloni ditën pa probleme serioze.

Big Brother VIP ka festuar pas përfundimit dhe të pranishëm në event kanë qenë i gjithë kasti i këtij sezoni, e po ashtu edhe disa të ftuar të tjerë.

Ish banorja e “BBV”, Danja Koka është komentuar shumë për lidhjen e saj romantike jashtë shtëpisë.

Modelja ka folur shpesh për partnerin e saj, Redin, duke e përmendur me shumë dashuri dhe respekt.

Sidoqoftë, çifti ka zgjedhur ta mbajë lidhjen e tyre larg syrit të publikut, duke mos ndarë foto të përbashkëta në rrjete sociale.

Së fundmi në festën e organizuar nga Top Media, bukuroshja u shfaq publikisht me Redin ku dukeshin tejet të lumtur krah njëri-tjetrit.

Një ngjarje tragjike ka ndodhur të martën në fshatin Oltra, në komunën Lamon të Italisë.

Rreth orës 17:00, fqinjët dëgjuan të shtëna dhe alarmuan autoritetet, të cilat zbarkuan menjëherë në vendngjarje dhe gjetën dy trupa të pajetë: babain 50-vjeçar dhe djalin e tij 17-vjeçar.

Hetimet paraprake sugjerojnë se babai ka goditur djalin me thikë dhe më pas ka kryer vetëvrasje me armë zjarri. Në momentin e ngjarjes, bashkëshortja dhe vajza e vogël e çiftit ndodheshin në shtëpi, por fatmirësisht ata janë të sigurtë.

Autoritetet lokale janë duke hetuar ngjarjen për të sqaruar rrethanat dhe shkaqet e kësaj tragjedie të rëndë.

Ish-banorja e Big Brother VIP Albania, Franceska Murati prej kohësh po jeton në Tiranë ku shpesh ndan momente me miqtë dhe shoqërinë e saj, por asnjëherë me partneri e saj.

Kjo ka bërë që shumë ndjekës të mendojnë se ka një krizë apo divorc me bashkëshortin. Së fundmi Françeska ka kërkuar ndihmë për të gjetur një shtëpi në Tiranë pasi ka vendosur të shpërngulet përfundimisht.

Me anë të një “Ask me questions” modelja përveç se ka bërë me dije se po kërkon të blejë një shtëpi në Tiranë, po ashtu ka shtuar se nuk po kalon një periudhë të mirë në jetën personale teksa shprehet: “Jam e ngarkuar.”

“Po kaloj një periudhë të vështirë. Nuk është diçka që unë e kam diskutuar haptazi. E dinë vetëm njerëzit e mi të afërt dhe ata që dua. Më kanë ndenjur afër dhe më kanë dhënë shumë dashuri. Jam shumë e ngarkuar. Po mundohem ta kaloj, përballoj. Jeta paska qenë shumë e vështirë. Çdo gjë ndodh për një arsye. Në një moment të dytë do flas hapur t’iu tregoj gjithçka që po ndodh në jetën time,” tha ajo.

Po ashtu vihet re se në profilin e saj mungojnë fotot me bashkëshortin Ergys Muratin, me të cilin ajo ka edhe një djalë, Charlien.

Ndër të tjera Frençeska u shpreh se momentalisht është duke kërkuar për shtëpi me qira pasi nuk do t’u bëhet më barrë prindërve, kjo përforcon aludimin se dyshja janë ndarë madje kanë filluar të jetojnë veçmas.

“Jam në kërkim të një shtëpie. Deri tani unë kam jetuar tek shtëpia e prindërve të mi këtu në Tiranë, gjithçka ka qenë super okay, super komode por po vjen vera. Prindërit e mi do të kthehen në Tiranë dhe unë kam nevojë pak për hapësirën time, kështu që kam vendosur të marr shtëpinë time, të kem gjërat e mia, ta arredoj si të dua”, është shprehur ish-missi.

Simpatizani i famshëm demokrat, Ilir Vrenozi postoi këtë të martë një foto me kreun e Partisë Demokratike, Sali Berishën.

“Po ndodh…. kafe burrash”, ka shkruar krahas fotos Vrenozi.

Vrenozi një ditë më parë rrëfeu se ishte kontaktuar nga kryeministri Edi Rama por e kishte refuzuar ta takonte.

Ai u shpreh se u ftua për një kafe private pa kamera nga kryeministri, por ai e refuzoi për shkak të bindjeve të tij të djathta.

Vrenozi tha se nuk mund të ulej në kafe me një person që e ka sharë 12 vite.

SHIKO FOTOT

Një 37-vjeçar shqiptar përfundoi në prangat e policisë në Greqi pasi tentoi të rrëmbente tre fëmijë. Ngjarja ndodhi të dielën e Pashkës në Petrochori, në perëndim të vendit.

Sipas asaj që shkruajnë mediat, incidenti ndodhi rreth pasdites, kur i dyshuari, tentoi të fuste me forcë tre fëmijë, dy vëllezër 9 e 13 vjeç dhe një djalë tjetër 10 vjeç, në makinën e tij në rrugë rurale.

Prindërit e fëmijëve bënë ankesë në polici dhe autoritetet nisën menjëherë një kërkim. Kur pikasën mjetin e shqiptarit, ata i bënë shenjë të ndalojë, por ai u arratis.

Ai u ndalua pas një ndjekjeje prej 20 minutash. Nga testi i alkoolit rezultoi se kishte nivel shumë të lartë në gjak, duke regjistruar 0.56 dhe 0.54 gramë për litër.

Autoritetet zbuluan po ashtu se ai jepte makinës pa patentë të vlefshme. Ndaj 37-vjeçarit rëndojnë disa akuza, që nga tentativë rrëmbimi, shkelje të qarkullimit rrugor dhe rezistencë ndaj arrestimi.