Month: April 2025

Pas incidentit të ndodhur në “Big Brother VIP Albania”, ku Jozi goditi fizikisht Gjestin gjatë transmetimit të drejtpërdrejtë, kanë vazhduar reagimet nga publiku dhe figura të njohura të skenës shqiptare.

Një ndër to është edhe këngëtari Labinot Rexha, i cili ndau informacione të reja në lidhje me të kaluarën e Jozit.

I ftuar në emisionin “Weekend”, Rexha u shpreh se Jozi ka pasur një të kaluar problematike, duke pretenduar se ka qëndruar në burg në Zvicër për një periudhë disa vjeçare:

“Herë pas herë ka qenë agresiv shumë, ka talent shumë të madh, këndon bukur, por derisa ishte në Zvicër kishte qenë në burg mbi tre vite sa di unë, dhe njihet si një djalë agresiv.”

Deklarata e Rexhës ka ngjallur diskutime të gjera në rrjetet sociale, pasi hedh dritë mbi një aspekt të panjohur më parë për publikun.

Në një postim të në Instagram, Rexha shprehu keqardhjen për familjen e Gjestit dhe u tregua i ashpër në drejtim të Jozit, duke shkruar:

“Më vjen shumë keq për familjen e Gjesit. Jozef Marku, haram të qoftë buka ime dhe e gjithë shqiptarëve të Kosovës që të kanë mbajt me bukë derisa ishe në Zvicër. Humbe karrierën sado pak që e krijove.”

Ky reagim vjen mes një vale të gjerë reagimesh publike, ku shumë artistë dhe figura të njohura po distancohen nga akti i dhunshëm dhe po kërkojnë transparencë dhe përgjegjësi nga produksioni i spektaklit.

Një video e re e cila po qarkullon me shpejtësi në rrjetet sociale ka rikthyer vëmendjen tek incidenti i rëndë që ndodhi gjatë spektaklit gjysmëfinal të Big Brother VIP Albania 4, ku Jozefin Marku sulmoi fizikisht Besart Klemendin, të njohur si Gjesti.

Pamjet tregojnë një moment të shkurtër pas përfundimit të spektaklit, ku Egli dhe Gjesti shihen duke biseduar në një ambient të qetë.

Ajo që ka tërhequr më së shumti vëmendje është një deklaratë e Gjestit, që duket të jetë një reflektim i sinqertë mbi ngjarjen e ndodhur.

“Kuku aq shumë e kam lypur ta qes prej kontrollës, i tmerrshëm jam babë, më ka parë duke ia çelur derën, s’ka pas faj i ngrati”, dëgjohet duke thënë Gjesti, në një moment të zënë ngushtë, i mbushur me emocione të përziera.

Kjo fjali, që u transmetua pa dashje përmes mikrofonit të vendosur, është shoqëruar me një reagim të menjëhershëm nga stafi teknik. Në video dëgjohet një zë që i tërheq vëmendjen: “Gjeti, kujdes mikrofonin

Menjëherë pas aktit të dhunës, ai shpërtheu në fyerje, duke thënë: “S’ka le *** nëne që ma hap derën mua! Kush e hap derën? Legen! Më fal vetja ime që mora pjesë në këtë vend me njerëz me dy fytyra.”

Gjatë dëshmisë së dhënë në polici, Jozi ka deklaruar: “Më ka provokuar gjatë gjithë lojës, nga gjaknxehtësia e qëllova. Nuk e durova më!”

Me ardhjen e tij në pushtet, presidenti amerikan Donald Trump ka firmosur një sërë urdhrash ekzekutivë të cilët ndryshuan ekuilibrat e vendosur në rang global.

Në një prej këtyre urdhrave parashikohet dëbimi i emigrantëve të paligjshëm në Shtetet e Bashkuara të Amerikës.

Nga ky urdhër preken edhe 1874 shqiptarë, të cilët ndodhen mes 1.4 milionë emigrantëve të paligjshëm në SHBA.

I pyetur në një studio televizive, rreth fatit të këtyre emigrantëve, ministri i Jashtëm Igli Hasani deklaroi se ai në asnjë rast, qoftë këtu edhe kur bëhet fjalë për qytetarë shqiptarë, nuk e mbështet paligjshmërinë.

“Duhet të rregullojmë mundësitë që kanë të bëjnë me përfaqësimin e shqiptarëve atje ku ata vendosen. Por asnjëherë në mënyrë të paligjshme,” deklaroi ai.

Nga ana tjetër, ministri shtoi se pavarësisht se cilët janë në pushtet përtej oqeanit, demokratë apo republikanë, Shqipëria ka një marrëdhënie shumë të fortë dhe shumë të konsoliduar me Shtetet e Bashkuara të Amerikës.

“Jemi një nga vendet më pro-amerikane në botë. Kjo marrëdhënie reflektohet në të gjitha fushat,” shtoi ai.

Ndërsa, i pyetur rreth fjalës kyçe dhe kryepremtimit të kësaj fushate zgjedhore për socialistët, “pasaportës europiane”, Hasani deklaroi se është në duart e tyre që, siç u shpreh ai, “kjo ëndërr të bëhet realitet.”

“Për ne dhe vendet anëtare të BE, merita është kryesore dhe ne këtë po përpiqemi të tregojmë. Se ne, për shkak të meritës, dhe jo për shkak të ndonjë konfigurimi të caktuar, jemi ata që jemi dhe do të vijojmë te pedalojmë fort, për të plotësuar sa më shpejt ato që duhet të bëjmë.”

Në proceset integruese, ministri Hasani theksoi se Shqipëria gëzon edhe mbështetjen nga Berlini. Duke shtuar se me qeverinë e re gjermane, qeveria shqiptare do të punojë krah për krah, në mënyrë që edhe me ndihmën e Procesit të Berlinit, integrimi të jetë sa më i shpejtë.

Ngjarja e ndodhur në spektaklin televiziv “Big Brother VIP Albania”, ku banori Jozi Marku goditi me shuplakë Gjestin gjatë transmetimit live, mund të ketë pasoja serioze ligjore. Sipas Kodit Penal të Shqipërisë, ky veprim përbën vepër penale dhe mund të dënohet me burgim.

Sipas Nenit 90 të Kodit Penal, goditja e një personi tjetër, edhe nëse nuk lë pasoja të rënda fizike, konsiderohet akt dhune me dashje, dhe dënohet me gjobë ose me burgim deri në 2 vjet.

Ngjarja, e cila ndodhi në mënyrë të papritur dhe publikisht përballë mijëra shikuesve, e rrit ndjeshmërinë morale dhe sociale të rastit. Megjithëse fakti që ndodhi gjatë një transmetimi televiziv nuk e ndryshon automatikisht klasifikimin penal, ai mund të ndikojë në vlerësimin e rrezikshmërisë shoqërore të veprës dhe në mënyrën si prokuroria i qaset rastit.

Procedimi penal për këtë vepër zakonisht nis me kallëzim nga viktima, përveç rasteve kur prokuroria vendos të ndërhyjë vetë, për shkak të ndjeshmërisë së lartë publike – siç mund të ndodhë në këtë rast konkret, ku incidenti u bë viral dhe shkaktoi reagime të shumta në rrjetet sociale.

Në rast se do të provohet përmes raportit mjekësor se viktima ka pësuar dëmtime fizike, atëherë rasti mund të klasifikohet më rëndë dhe të kualifikohet sipas Neneve 88 ose 89 të Kodit Penal, ku dënimet parashikohen më të ashpra se 2 vjet burgim.

Kujtojmë se në rastin konkret, Gjesti është trajtuar menjëherë pas incidentit dhe sipas raportimeve, gjendja e tij është stabilizuar. Ndërkohë, Jozi është arrestuar nga policia në vendngjarje dhe pritet që drejtësia të ndjekë procedurat ligjore për zbardhjen e plotë të rastit.

Ngjarja skandaloze e regjistruar gjatë transmetimit live të Big Brother VIP Albania, ku Jozi goditi Gjestin duke e rrëzuar në tokë pak para daljes nga shtëpia, ka shkaktuar reagime dhe revoltë tek fansat e Gjestit në Shqipëri dhe Kosovë.

Pak pasi ndodhi incidenti i rëndë, në ambientet e Top Channel kanë mbërritur mbështetësit e Gjestit për t’i dalë në mbajrotje banorit si dhe duke kërkuar Jozin.

Indeks Online ka publikuar një video ku mbështetës nga Kosova të Gjestit kanë mbërritur në Kashar në kërkim të Jozit.

“O p*** none, hajde rrehu me burra”, dëgjohet të thonë disa persona të cilët kanë parkuar dhe presin ën derën e jashtme të televizionit.

VIDEO

Në orët e para të mëngjesit të së shtunës në ujërat territoriale greke, një mjet lundrues turk hapi zjarr ndaj një anije të rojes bregdetare të Greqisë.

Ngjarja ndodhi rreth orës 8 me orën lokale greke në afërsi të ishullit Lesbos.

Një anije patrulluese greke ka kërkuar të ndalojë dhe kontrollojë një mjet lundrues të dyshuar turk.

Mediat greke raportojnë se kur anija patrulluese i është afruar asaj turkes është qëlluar me armë kallashnikov.

Gjithashtu raportohet se nga ekuipazhi greke nuk ka pasur të lënduar, ndërsa mjeti lundrues i Rojes Bregdetare është kthyer në port me gjurmë plumbash.

Reagimeve mbi skandalin në BBVA ku Jozefin Marku goditi dhe rrëzoi në tokë Gjestin, nuk i kanë shpëtuar as personazhet e politikës.

Kandidati për Deputet në Kualicionin Euroatlantik i Lulzim Bashës, Eduart Ndocaj ka lënë një koment ku duket se shprehet hapur pro dhunës dhe sulmit të Jozit ndaj Gjestit.

“Mos luj me kryqin e Krishtit o i pafytyrë”, komenton Ndocaj në një nga postimet në rrjet ku shihet momenti i sulmit të Jozit ndaj Gjestit.

Shpulla e Jozit ndaj Gjestit ka bërë “jehonë ndërkombëtare”, ku dhe mediat italiane kanë shkruar për të.

Media Fanpage.it shkruan për ngjarjen e paprecedentë, duke e cilësuar si “Dhuna në Big Brother-in e Shqipërisë”.

Kujtojmë se një ngjarje e paprecedentë dhe skandaloze u regjistrua gjatë spektaklit të Big Brother Vip Albania. Ka qenë Jozi ai i cili ka qëlluar me shuplakë finalistin e tretë të këtij edicioni, Gjestin.

Përpara daljes së tij nga shtëpia, pas eleminimit nga votat e publikut, Jozi e ofendoi dhe goditi Gjestin.

Menjëherë pas incidentit, produksioni i Big Brother Vip lajmëroi Policinë e Shtetit, e cila bëri të mundur shoqërimin e Jozit në Komisariat, por ditën e sotme u la i lirë.

Ndërkohë, që për Gjestin u kujdesën mjekët dhe fatmirësisht ndodhet në gjendje të stabilizuar.

Së fundmi, një thashetheme ka qarkulluar me shpejtësi në rrjetet sociale, ku pretendohet se këngëtarja Egli Tako ka humbur një fëmijë gjatë lidhjes së saj me aktorin Olsi Bylyku. Ky pretendim mori vëmendje të madhe pas një InstaStory që Egli pretendohej se kishte postuar dy vite më parë, ku fliste për një moment shumë të dhimbshëm emocionalisht.

Në këtë postim, i cili u tha se ishte postuar kohë më parë nga Egli, shkruhej: “Ky ishte vendi ku ti mbroheshe, flije dhe ku pushove në paqe! Vendosa të të mbaj këtu përgjithmonë, ta mbaj këtë vend mbushur me ty, njësoj si zemrën time! Till we meet each other again snow. Mami të do!”

Pas përhapjes së këtij lajmi, familjarët që janë edhe menaxhuesit e profilit të saj në Instagram, kanë reaguar duke mohuar këto pretendime, të cilat i kanë cilësuar si të pavërteta. Në një reagim të ashpër, familjarët e këngëtares shkruajnë: “Lat nam. Zotin ju kemi lënë se ju qenkeni fundi, s’ka më keq!”.

Olsi Bylyku dhe Egli Tako kanë qenë në vëmendje të medias rozë së fundmi. Një këngë e publikuar nga aktori i njohur bëri që rrjeti të shpërthejë akoma më shume duke pretenduar se projekti është një dedikim për Eglin, pasi teksti përshtatet me një periudhë dramatike që ajo po kalon. Mirëpo vetë Olsi ka sqaruar njëherë e mirë situatën teksa ka dhënë një intervistë.

Ai është shprehur se gëzon respekt për ish-partneren e tij, mirëpo nuk ka nguruar të falënderojë edhe partneren e tij aktuale, Denada Lura e cila po përballon gjithë këtë zhurmë teksa shprehet: “Përtej opinion tim për ish-partneren time, përtej opinionit tim për situatën, në fakt, ajo që më ka shqetësuar është që nuk ka pasur një koment për një partnere që unë kam në shtëpi dhe që i duron të gjitha këto gjërat. Që, në fakt, unë tek kjo intervista gjej rastin ta falënderoj për herë të parë. Se gjithmonë kemi ndaluar tek ajo historia ime që në fakt e kam pasur 19-vjeç dhe kam shumë respekt dhe mirënjohje për atë gocën absolute, dhe i uroj fitoren aty ku është”,– u shpreh ai.

Përsa i përket Eglit, Olsi është shprehur se është shumë mirënjohës për periudhën 5- vjeçare që ata kanë kaluar së bashku duke shtuar se e vlerëson atë për vajzën që është.

“Unë e vlerësoj shumë për gjithë fjalët që ka thënë për mua, se sigurisht kemi pasur një marrëdhënie 5- vjeçare. Një marrëdhënie si çdo marrëdhënie tjetër që ka pasur dhe respekt ka pasur debatin, ka pasur dhe kënaqësinë. Ka qenë periudhë shumë e bukur dhe jam shumë mirënjohës, kam bërë dhe dy projekte që janë shumë të suksesshme. I uroj suksese sepse është gocë me ego shumë të madhe dhe ambicie shumë të madhe”,– tha Olsi Bylyku për Andale.

Pas incidentit të bujshëm në “Big Brother VIP Albania”, ku Gjesti u godit fizikisht nga Joz Marku, reagimet publike në mbështetje të tij nuk kanë munguar. Së fundmi, edhe këngëtari i njohur Ylli Limani i ka dalë në krah Gjestit me një mesazh të fuqishëm në rrjete sociale.

Në një postim në InstaStory, Ylli ndau një foto të Gjestit nga shtëpia e BBVA dhe shkroi:

“Rrugën drejt sukseseve të mëdha nuk munet me nal kërkush edhe kurgjo. Me ty @gjesst”, duke e shoqëruar me një zemër të kuqe.

“Rrugën drejt sukseseve të mëdha nuk munet me nal kërkush edhe kurgjo. Me ty @gjesst”, duke e shoqëruar me një zemër të kuqe.