Month: June 2025

Deputeti Erion Braçe ka reaguar ashpër për çmimet ‘stratosferike’ të fruta dhe perimeve në Tiranë.

Në një reagim në rrjete sociale, teksa vë në dukje çmimet e larta, ai thotë se këto fruta dhe perime janë të stinës, që normalisht duhet të kishin çmime të drejta, ndërsa kërkon ndërhyrje emergjente kundër këtyre abuzimeve.

Deputeti bën gjithashtu edhe disa propozime, duke nisur nga shbërja e Tregut Agroushqimor në Tiranë, që zotërohet nga kompania e sipërmarrësit Klodian Allajbeu, që sipas të cilit abuzimi me tarifat ka rritur kostot e produkteve.

Së dyti, ai thotë se duhet të ketë tregje publike për bujqit dhe jo tregtarët, të cilët do të mund të shesin prodhimin e tyre pa kostot e ndërmjetësuesve që abuzojnë.

Së treti, kërkon barazimin e TVSH-së së brendshme pasi me skemën aktuale produktet bëhen më të shtrenjt deri 20%.

Së katërti, Braçe thotë se duhet të ketë kontrolle të qirave të ambineteve tregtare.

“Shpërbërjen e Tregut të Autostradës. Abuzimi me tarifa atje është skandaloz dhe rrit koston e çdo produkti; Hapjen e tregjeve publike për bujqit – jo tregtarët; Të shesin bujqit prodhimin e tyre pa kostot e ndërmjetësve abuzivë; Barazimin e TVSH-së së brendshme; në skemën aktuale produktet bëhen deri 20% më të shtrenjta kot; fiskalizim nga bujku te blerësi i fundit si për çdo produkt”, shkruan deputeti.

Një tjetër komponent që ai përmend është fokusi te prodhimi në fusha dhe jo sera.

Vëmendje të shtuar deputeti kërkon edhe te ndryshimet klimatike, të cilat kanë goditur prodhimet bujqësore.

“Ne nuk po merremi me ndryshimin e klimës dhe përshtatjen dhe mbrojtjen e prodhimit me këto ndryshime. Duket bezdi e madhe të flasësh, madje ta kthejnë – janë punët e Zotit, dhe bezdia paguhet me çmimet e shtrenjta, të padrejta në treg”, ka shkruar deputeti.

Turqia është përfshirë nga një skandal i rëndë, teksa rojet e Ahmet Çalik rrahën për vdekje një punonjës të kompanisë, i cili kishte shkuar para zyrave të Çalik Holding për të kërkuar pagesat që kompania i detyrohej.

Erol Egrek, 49 vjeç, u rrah nga truprojat e Çalik Holding dhe më pas humbi jetën në spital. Incidenti ndodhi muajin e kaluar në zyrat qëndrore të grupit çalik në Stamboll.

Erol Egrek kishte punuar për disa vite në një nga minierat e grupit Çalik dhe kishte pa marrë një pjesë të pagesave. Punëtori i ndjerë kishte fituar edhe gjyqin, por pavarësisht kësaj kompania ka refuzuar të shlyejë pagesat.

Kjo e ka detyruar Egrek që të protestojë para zyrave të grupit, ku fillimisht ka hedhur një vazo lulesh në drejtim të zyrave dhe më pas i ka drejtuar pistoletën vetes së tij duke kërcënuar me vetvrasje. Por gjatë kësaj kohë truprojat kanë ndërhyrë duke e rrahur punonjësit, i cili më pas është çuar në spital ku ka humbur jetën.

Fillimisht grupi Çalik reagoi duke mohuar akuzat për rrahje deri në vdekje, por më pas ka qenë vajza e punëtorit të ndjerë e cila ka publikuar pamjet që tregonin disa truproja duke rrahur babain e saj.

“U bëj thirrje të gjithë atyre që kanë ndërgjegje. Mos lejoni që të harrohet” shkroi vajza e Egrek në rrjetet sociale duke i shoqëruar këto fjalë më pamjet e rrahjes brutale.

Skandali është shoqëruar me protesta të forta nga kolegët e Egrek, të cilët kanë protesuar masivisht para zyrave të çalik. Në një nga këto protesta, ata kanë fajësuar drejtëpërdrejtë pronarin e grupit, Ahmet Çalik si përgjegjësin kryesor.

Ahmet Çalik,pronar i Çalik Group dhe BKT

“Ej, Ahmet Çalik, edhe sa të tjera nga ne duhet të vdesin që të na japësh të drejtat tona, kanë bërtitur në kor punonjësit, para zyrave të Çalik Holding.

Grupi Çalik zotërohet nga biznesmeni turk Ahmet Çalik. Ai është prezent në Shqipëri duke zotëruar bankën më të madhe në vend, Banka Kombëtare Tregtare.

Presidenti ukrainas Volodymyr Zelensky ishte shënjestra e një komploti vrasjeje që do të kryhej nga një pensionist ushtarak polak, i cili ishte rekrutuar për herë të parë nga Rusia Sovjetike dekada më parë.

Lajmin e bëri me dije kreu i agjencisë së sigurisë së brendshme të vendit.

Gjeneral-lejtnant Vasyl Malyuk, kreu i SBU-së së Ukrainës, detajoi komplotin e dyshuar në një takim të mbyllur me median ukrainase.

Malyuk tha se shtetasi polak u aktivizua nga Rusia me një plan për të vrarë Zelenskyn në aeroportin Rzeszów-Jasionka të Polonisë duke përdorur ose një dron (FPV) ose një pushkë snajperi, raporton gazeta TSN.

Vrasësi i mundshëm ishte i magjepsur nga ideja sovjetike, raportoi RBC, dhe i mbajti bindjet e tij për vite me radhë. Por komploti u pengua nga një përpjekje e përbashkët midis SBU-së dhe shërbimit të sigurisë së brendshme polake (ABW).

Në fshatin Dëshiran në Bashkinë e Belshit është shfaqur një fenomen i rrezikshëm natyror.

Pranë disa banesave janë hapur gropa karstike me thellësi deri në 25 metra, duke bërë të pasigurtë jetën e banorëve.

Këta të fundit tregojnë se çdo natë dëgjojnë zhurma poshtë tokës dhe shohin ditë pas dite dheun të fundoset.

Ata kërkojnë ndihmë dhe ndërhyrje nga organet kompetente.

Ekspertët e gjeologjisë e kanë klasifikuar Dumrenë, ku ndodhet edhe fshati në fjalë, si një nga zonat më delikate në vend, për shkak të terrenit të saj të ndjeshëm, me mbi 84 liqene natyrore të krijuara nga shkrirja e shkëmbinjve të gëlqeres dhe gipsit./tvklan.al

Regjimi iranian po përballet me një krizë të thellë të brendshme, ndërsa disa zyrtarë të lartë në Teheran po shqyrtojnë seriozisht mundësinë e largimit të liderit suprem, Ajatollah Ali Khamenei.

Sipas raportimeve të “The Atlantic”, diskutimet për zëvendësimin e tij janë intensifikuar pas sulmeve të fundit amerikane ndaj objekteve bërthamore të Iranit, që kanë thelluar përplasjet në Lindjen e Mesme.

Burime të brendshme nga regjimi kanë pohuar se “ditët e Khameneit janë të numëruara”, duke përmendur jo vetëm moshën e tij të thyer 86 vjeç dhe problemet e vazhdueshme shëndetësore, por edhe mungesën e ndikimit real në zhvillimet aktuale.

Ndërkohë, sipas “New York Times”, Ajatollah Khamenei është izoluar në një bunker nëntokësor, i shkëputur nga çdo komunikim elektronik për shkak të frikës nga një atentat.

Tre kandidatë për pasardhësin e tij janë tashmë në pritje, ndërsa një komision i posaçëm i përbërë nga tre klerikë të lartë po udhëheq procesin e tranzicionit.

Policia franceze ka ndaluar 12 të dyshuar pasi 145 persona raportuan se u shpuan me shiringa gjatë festivalit vjetor të muzikës së rrugës në vend, thanë zyrtarët të dielën.

Miliona njerëz dolën në rrugë në të gjithë Francën të shtunën në mbrëmje për Fete de la Musique, teksa aurotitetet raportuan për turma masive veçanërisht në Paris.

Para festës, disa postime në mediat sociale kishin bërë thirrje që femrat të ishin në shënjestër gjatë festimeve.

Ministria e brendshme tha se 145 viktima në të gjithë vendin kishin raportuar se ishin shpuar me gjilpëra. Policia e Parisit raportoi 13 raste në kryeqytet.

Zyrtarët nuk thanë nëse këto ishin raste të të ashtuquajturës shpim gjilpërash me droga për përdhunim gjatë festës si Rohypnol ose GHB, të përdorura nga sulmuesit për t’i bërë viktimat të hutuara ose të pavetëdijshme dhe të prekshme ndaj sulmit seksual. Pati një valë sulmesh të tilla në Mbretërinë e Bashkuar dhe në një numër vendesh të tjera evropiane rreth tre vjet më parë.

“Disa viktima u dërguan në spital për analiza toksikologjike”, tha Ministria e Brendshme franceze.

Në Paris, hetimet u hapën pasi tre persona, përfshirë një vajzë 15-vjeçare dhe një mashkull 18-vjeçar, raportuan se ishin injektuar në incidente të ndara në të gjithë Parisin, thanë prokurorët. Të tre raportuan se nuk ndiheshin mirë.

Në të gjithë Francën, 12 të dyshuar janë arrestuar, tha Ministria e Brendshme. Midis tyre ishin katër persona në qytetin jugperëndimor të Angouleme, të dyshuar se kishin synuar rreth 50 viktima, tha një burim policor.

Përveç këtyre të dyshuarve, më shumë se 370 persona u arrestuan gjatë festivalit me akuza të ndryshme, përfshirë gati 90 persona në Paris.

Katërmbëdhjetë pjesëmarrës në festime u plagosën rëndë, përfshirë një 17-vjeçar i cili u shtrua në spital pasi u gjet ulur në rrugë me plagë thike në pjesën e poshtme të barkut.

Trembëdhjetë anëtarë të zbatimit të ligjit u plagosën gjithashtu.

Prefekti i policisë së Parisit, Laurent Nunez, tha se “nuk është raportuar asnjë incident i madh”.

Në minutën e 7-të të duelit Real Madri-Paçuka, gjyqtari Ramon Abati akordoi një karton të kuq direkt për 22-vjeçarin Raul Asencio pas një ndërhyrjeje ndaj Salomon Rondon, i cili ishte në pozicion të qartë për gol. 

Ky përjashtim është tashmë zyrtarisht më i hershmi në historinë e garave ndërkontinentale të klubeve – në të gjitha formatet që nga viti 1960. 

Rekordi i mëparshëm mbahej nga Mateus Pereira i Al-Hilal, i cili u ndëshkua me karton të kuq në minutën e 14-të gjatë ndeshjes për vendin e tretë në edicionin e vitit 2022. 

Ky rast shënon gjithashtu herën e parë që nga janari i vitit 2021 që një lojtar i Real Madridit përjeton një përjashtim kaq të hershëm në një ndeshje. Atëherë, ishte Eder Militao ai që u ndëshkua me të kuq në minutën e 9-të kundër Levantes në La Liga. 

Cuando los madridistas querían hacer creer que Raúl Asencio era el mejor central del mundo. 😭😭
pic.twitter.com/E3qx0r4WO2

— Joaconel. (@Joaconel) June 22, 2025

Luiza Gega, një nga emrat më të suksesshëm në historinë e atletikës shqiptare, ka refuzuar të udhëtojë drejt Sllovenisë për të marrë pjesë në Kampionatin Europian të Atletikës për shtete, duke denoncuar publikisht kushtet e papërshtatshme që, sipas saj, i janë ofruar ekipit përfaqësues.

Në një reagim të drejtpërdrejtë në rrjete sociale, kampionia evropiane ka bërë të ditur se udhëtimi drejt vendit pritës ishte planifikuar me autobus, në një itinerar që zgjat mbi 20 orë.

“M’u rikthye ndjesia e para 20 viteve. Nuk ka asgjë të keqe të udhëtosh me autobus, por është një rrugë rraskapitëse që asnjë sportist nuk duhet ta bëjë para një gare,”, shkruan ajo.

Gega nuk i kurseu kritikat as ndaj drejtuesit të ri të Federatës Shqiptare të Atletikës, Izmir Smajlaj, i cili pak muaj më parë mori drejtimin e institucionit me premtimin për t’u bërë zë sportistëve.

‘Në ditën e parë ai tha se do të mbështeste sportistët sepse e kuptonte nga përvoja. Sot e ktheu atletikën 20 vite pas.”

Një tjetër detaj që ajo denoncon është mungesa e uniformave zyrtare për ekipin. Sipas Gegës, sportistët nuk kanë marrë asnjë veshje përfaqësuese nga federata për këtë turne.

Uniformat e vetme i kemi nga dy vite më parë, të blera nga trajneri im me lekët e tij. Kur s’ka fonde, një president i vërtetë duhet të marrë përgjegjësi, edhe nga xhepi i vet”, shtoi ajo.

Për momentin, Federata Shqiptare e Atletikës nuk ka dhënë asnjë sqarim për situatën apo arsyet e organizimit të udhëtimit në këtë formë.

Sara Hoxha duket se po shkruan një kapitull të ri në jetën e saj personale, këtë herë në shoqërinë e të dashurit të ri, Erik Fullani.

Por një tjetër detaj ka ngjallur interesin e rrjeteve sociale: të premten, të dy ndodheshin në të njëjtin ambient për një event tjetër pas ditëlindjes së saj në Siçili

Fotot që kanë publikuar veçmas tregojnë qartë ngjashmëri në vendndodhje, nga dekori identik i tavolinave, deri te ndriçimi në sfond që përkon në të dyja imazhet.

Kjo përputhje e detajeve, edhe pse pa një foto të përbashkët, ka mjaftuar për të ushqyer spekulimet se dyshja jo vetëm janë bashkë, por ndoshta kanë nisur ta bëjnë lidhjen e tyre më të dukshme në mënyrë të matur

Por detaji që ka ngritur më shumë pikëpyetje është prania e babait të Erik Fullanit në njërën nga fotografitë e publikuara.

Një moment që mund të interpretohet si një sinjal i qartë se lidhja mund të jetë tashmë e zyrtarizuar, të paktën në rrethin familjar.

Në New York, është mbajtur parada e shqiptarëve, ku mori pjesë edhe kryebashkiaku Eric Adams.

Kryetari i Bashkisë së New York-ut Eric Adams, priti përfaqësues të komunitetit shqiptar në qytet, ndërsa ishte veshur me një plis në kokë dhe shall kuq e zi.

“Duhet ta doni Shqipërinë më shumë se Amerikën,” tha ai me humor duke shtuar se edhe djali i tij është i dashuruar me Shqipërinë dhe mezi pret të vizitojë vendin.

“Çfarë dite, çfarë dite. Kur mendoni për këtë, vëllezërit dhe motrat tona nga Shqipëria, nga Kosova, nga Mali i Zi dhe Maqedonia e Veriut, thotë shumë për ne të jemi këtu në Gracie Mansion dhe të kemi paradën tuaj, një paradë që do të thotë kaq shumë.

Një paradë është simbolike në këtë vend si një mënyrë për të deklaruar se ju jeni pjesë e gjithçkaje në të cilën besojmë, dhe bukuria e saj është se kur marshoni në njërën nga rrugët tona kryesore, tregoni dhe shfaqni flamurin tuaj, flamurin tuaj kuq e zi me atë simbol të rëndësishëm mbi të.

Ajo thotë se nuk keni pse ta braktisni vendin tuaj për të dashur vendin tuaj të adoptuar, Amerikën. Ju jeni në gjendje t’i keni të dyja. Mendoni për këtë komunitet. Mendoni për atë që doni të thoni dhe atë që përfaqësoni. U tha se duhet të më falënderoni mua dhe të falënderoni vendin. Jo, ne duhet t’ju falënderojmë.

Ju sillni këtu besim, ju sillni këtu kulturën tuaj, ju sillni këtu etikën tuaj të punës, ju sillni këtu sigurinë tuaj publike, burrat dhe gratë që jo vetëm zbukurojnë simbolin tuaj kuq e zi, por ata zbukurojnë edhe uniformën e policisë. Ata na mbajnë të sigurt çdo ditë dhe dua t’i falënderoj që janë këtu për të festuar me ne.

Kur më pyetën nëse mund të organizoni një paradë, thashë po. Do ta bëjmë të ndodhë dhe do të sigurohemi që të jetë një nga paradat më të mira që do të shihni. 200,000 shqiptarë të fortë jetojnë në New York City. Numri më i madh i shqiptarëve në këtë vend është pikërisht këtu në New York City.

Nga Shqipëria e Vogël në Bronx deri te Shqipëria e Vogël në Queens, ju jeni rritur dhe keni një pikëmbështetje të fortë, dhe forca juaj politike është e pashembullt. Ju them, faleminderit që e bëtë këtë qytet atë që është.

Duam të nderojmë shumë nga heronjtë tuaj dhe heronjtë që janë këtu sot dhe duam t’u tregojmë atyre se i falënderojmë për kontributet e tyre në Qytetin e New York-ut. Jam shumë i emocionuar për sot.

U deshën 109 kryetarë bashkie para se të kuptonin se duhet të organizonim një paradë për Ditën e Shqiptarëve këtu në New York City, ku po e organizoni tani. Dhe djali im, e kam shumë zili, ai shkoi në Shqipëri dhe mori pjesë në një nga koncertet tuaja.

Mezi pres të shkoj në Shqipëri dhe të shijoj lumenjtë, detet, malet e bukura dhe gjithçka që keni për të ofruar. Dhe kështu ju falënderoj shumë, dhe mezi presim të nderojmë dhe të lartësojmë ata që po nderojmë sot. Faleminderit. Gëzuar Ditën”, tha ai gjatë fjalimit.