Month: November 2025

Pas deklaratës së Sali Berishës i cili u shpreh se nuk ka marrë fletë thirrje nga SPAK, për t’u marrë në pyetje lidhur me ngjarjen e 21 Janarit, ka patur një përgjigje nga Prokuroria e Posaçme.

Sipas njoftimit të SPAK, janë dërguar dy urdhër-thirrje përmes shërbimit të postës shqiptare njëra në banesë e tjetra është dërguar në Kuvend dhe Partinë Demokratike.

Urdhër-thirrja e parë, e dërguar në banesë më datë 3.11.2025, është kthyer mbrapsht në Prokurorinë e Posaçme, me shënimin: “Rojet janë autorizuar të mos marrin asnjë zarf.” Si rrjedhojë e kësaj,  është dërguar urdhër thirrja edhe në tre destinacione të tjera.

Ku është refuzuar nga stafi politik i grupit parlamentar të Partisë Demokratike.

Spak ka bërë me dije se do të vazhojë: “zbatimin e parashikimeve ligjore për njoftimin dhe paraqitjen e personit të thirrur, sipas afateve dhe detyrimeve të parashikuara në legjislacionin në fuqi,” që do të thotë se “ekziston rreziku” që ish-kryeministri të merret me forcë nga Prokuroria e Posaçme.

SPAK: Përshëndetje, Në përgjigje të kërkesës suaj, ju informojmë si vijon:

Deri tani janë dërguar dy urdhër-thirrje përmes shërbimit të postës shqiptare, më datë 3.11.2025 në adresën e banesës (për t’u paraqitur në SPAK në datë 7.11.2025) dhe në datën 7.11.2025, në adresën e banesës, Partisë Demokratike dhe Kuvendit (për t’u paraqitur në datën 14.11.2025).

Urdhër-thirrja e parë, e dërguar në banesë më datë 3.11.2025, është kthyer mbrapsht në Prokurorinë e Posaçme, me shënimin:

“Rojet janë autorizuar të mos marrin asnjë zarf.”

Pas këtij konstatimi, Prokuroria e Posaçme ka vijuar me dërgimin e urdhër-thirrjes në tre destinacionet (Banesë, Partia Demokratike dhe Kuvend) më datë 07.11.2025.

Më datë 09.11.2025, është refuzuar marrja e zarfit të dërguar në banesë, ndërsa më 12.11.2025 Shërbimi i Burimeve Njerëzore dhe Trajtimit të Deputetëve në Kuvendin e Shqipërisë ka njoftuar se marrja në dorëzim e njoftimit është refuzuar nga stafi politik i grupit parlamentar të Partisë Demokratike.

Përmes shkresës është sqaruar gjithashtu se njoftimi për urdhër-thirrjen është dërguar edhe në adresën zyrtare të emailit:

sali.berisha@parlament.al, më datë 10.11.2025.

Prokuroria e Posaçme do të vijojë zbatimin e parashikimeve ligjore për njoftimin dhe paraqitjen e personit të thirrur, sipas afateve dhe detyrimeve të parashikuara në legjislacionin në fuqi.

Në emisionin e mëngjesit në Top Channel, treshja Blendi Salaj, Enxhi Nasufi dhe Neada Muçaj dukej se shkonin mirë dhe nuk kishte qejfmbetje.

Enxhi, një këngëtare e talentuar, e cila njihej për notat e ironisë dhe Neada një zbulim i Ledion Liços, dukej se shkonin shumë mirë me njëra-tjetrën.

Por duket se kjo ka qenë një fasadë….ose gjërat mund të jenë përkeqësuar me kalimin e kohës.

Ka zëra që rrëfejnë mbi një sherr shumë të ashpër mes moderatoreve. Aq e rëndë ka qenë situata, sa vajzat kanë kaluar në përplasje fizike.

Natyrshëm na lind pyetja: Sa kohë ka që marrëdhëniet mes tyre janë acaruar?

Arsyet e sherrit nuk dihen, por që të arrihet deri në përplasje fizike, duhet të ketë patur mosmarrëveshje të vazhdueshme, derisa është arritur në atë pikë. Pra duket se situata është përshkallëzuar dhe vajzat nuk e kanë lënë më vetëm tek fjalët konfliktin.

Edhe ditën e sotme, në emision shihej ftohtësia mes moderatoreve dhe Blendi përpiqej shumë të mbante një ekuilibër mes të dyjave. Çfarë të fshihet vallë?! /Pamfleti

Shqipëria po përgatitet për ndeshjet e “playoff”-it të Botërorit 2026: shorti do të përcaktojë vetëm disa nga kundërshtarët e mundshëm të skuadrës së teknikut Sylvinho. Pas fitores 1 -0 kundër Andorras Shqipëria do të jetë për herë të parë në play off.

Tani Kombëtarja shikon përpara, duke studiuar rregulloren dhe kundërshtarët e mundshëm. “Playoff”-et do të përfshijnë skuadrat që janë renditur të dyta në grupet e tyre dhe katër ekipet më të mira të Nations League që nuk janë kualifikuar drejtpërdrejt.

Shqipëria në “Playoff”-et e Botërorit: kundërshtarët e mundshëm

Duke qenë se Shqipëria nuk është kokë serie në “playoff”, por momentalisht përfshihet në vazon e tretë shorti do ta vendoste fillimisht përballë një skuadre të dalë nga vazo e dytë. Por cilat përfshihen në këtë kategori?

Aktualisht, asnjë kombëtare nuk është matematikisht e sigurt për pjesëmarrjen në “playoff”, me përjashtim të Skocisë. Renditja në vazo bëhet në bazë të renditjes FIFA të skuadrave të renditura në vendet e dyta të grupeve të tyre. Vetëm Vazo e katërt përfshin katër skuadrat më të mira të Nations League që nuk kanë arritur të zënë vendin e parë ose të dytë në grupet kualifikuese për Botëror.

Sipas renditjeve aktuale, Shqipëria mund të përballet në gjysmëfinale me një ndër Republikën Çeke, Hungarinë, Sllovakinë, apo Skocinë. Në rast kualifikimi për në finale, “Shqipëria” do të ndeshesh me një kundërshtar të cfarëdoshëm, pavarësisht vazos në të cilën bënte pjesë në gjysmëfinale.

Vazo e parë: Italia, Turqia, Ukraina, Polonia.

Vazo e dytë: Republika Çeke, Hungaria, Sllovakia, Skocia.

Vazo e tretë: Maqedonia e Veriut, SHQIPËRIA, Bosnja dhe Hercegovina, Kosova.

Vazo e katërt: Skuadrat e rikthyera nga Nations League – Uellsi, Rumania, Suedia, Irlanda e Veriut.

Si funksionojnë “playoff”-et e Botërorit 2026, kush kualifikohet

Për të siguruar pjesëmarrjen në Botëror, gjashtëmbëdhjetë skuadrat që arrijnë në “playoff” nuk do të përballen me një kundërshtar të vetëm, por do të duhet të kalojnë dy raunde.

Mekanizmi parashikon një gjysmëfinale dhe një finale, të dyja me eliminim direkt, dhe ndeshja do të zhvillohet në fushën e skuadrës më mirë të renditur në klasifikimin e FIFA-s. Shqipëria, aktualisht e 61 në renditjen botërore, është teorikisht jofavorite, por humbja në Palermo e një skuadre si Italia kundër një kundërshtari si Maqedonia e Veriut para Botërorit 2022 tregon se në këto ndeshje ka rëndësi mbi të gjitha momenti: llogaritjet dhe strategjitë tepër ambicioze mund të jenë të rrezikshme.

Me skuadrat më të mira tashmë pranë kualifikimit të drejtpërdrejtë, kuqezinjtë, duke mbyllur grupin në vend të dytë, do të kenë gjasa të jenë në vazon e tretë, duke luajtur kështu ndeshjet e marsit përpara publikut kundërshtar.

Kur luhen “playoff”-et e Botërorit 2026

Pamja e plotë e “playoff”-eve do të përcaktohet përmes shortit, ku do të marrin pjesë gjashtëmbëdhjetë skuadrat e kualifikuara. I parashikuar në nëntor, menjëherë pas përfundimit të fazës së grupeve, shorti do të përcaktojë çiftet për ndeshjet që do të zhvillohen më 26 dhe 31 mars.

Botërori 2026 do të nisë rreth tre muaj më vonë, duke shënuar një ndryshim historik: për herë të parë, turneu do të ketë 48 skuadra pjesëmarrëse, duke zgjeruar formatin tradicional që përfshinte 32 kombëtare./Lapsi.al

Një kompani britanike, Shanta Gold Limited, ka zbuluar një depozitë të madhe ari në Kenia, me vlerë rreth 5.29 miliardë dollarë. Sipas medias “The Star Kenya”, kompania ka konfirmuar se zbulimi përfshin 1.27 milionë onza ari, një prej sasisë më të mëdha të verifikuara ndonjëherë në vend.

Projekti i shfrytëzimit do të drejtohet nga filiali Shanta Gold Kenya Limited, i cili pritet të përdorë teknologji të avancuar me galeri të hapura, që synojnë minimizimin e ndikimit në sipërfaqe. Kompania deklaron se operacioni mund të sjellë zhvillim të dukshëm ekonomik, përmes hapjes së vendeve të punës, rritjes së bizneseve lokale dhe rritjes së kontributeve fiskale ndaj shtetit kenian.

Për realizimin e projektit parashikohet ndërtimi i një uzine përpunimi me kapacitet 1,500 ton në ditë, një qendre elektrike prej 12 megavatësh, si dhe një depo për mbetjet minerare. Kostoja totale e infrastrukturës vlerësohet nga 146 deri në 180 milionë euro.

Për Kenian, e cila në vitin 2023 prodhoi vetëm 410 kilogramë ari, ky zbulim shihet si një shans për t’u shndërruar në një destinacion të ri të rëndësishëm për investimet minerare në Afrikë. Në renditjen e Fraser Institute 2023, vendi tashmë mban vendin e gjashtë në kontinent për atraktivitet ndaj investimeve në miniera.

Një ngjarje e rëndë tronditi qytetin Brest në Francë, ku një çift shqiptarësh, Andon Janaqi dhe Anjeza Zeneli, nga Liboniku, u gjetën të vdekur në banesën e tyre.

Pasditen e së enjtes, policia lokale u njoftua për të shtëna me armë zjarri në banesën e çiftit të bashkëshortëve.

Menjëherë mbërritën në vendin e ngjarjes ku dhe konstatuan trupat e pajetë të burrit dhe gruas, përkatësisht 36 dhe 30 vjeç.

Çifti ishin prindër të dy djemve dhe prej katër vitesh jetonin në Francë. Lidhur me këtë tragjedi ka folur së fundmi nëna e Andonin, 36-vjeçarit i cili ndërmori aktin ekstrem duke vrarë bashkëshorten e tij dhe më pas veten.

Për euronews, ajo ka rrëfyer se i biri e donte shumë gruan e tij, mirëpo përgjatë kohëve të fundit kanë pasur debate me njëri-tjetrin.

E pyetur nëse ka komunikuar me familjarët e 30-vjeçares, nëna e Andonit u shpreh se nuk kanë pranuar të flasin me të.

Nëna e Andonit: Janë me karta franceze, këto kohët e fundit nuk e di si u bë ky muhabet për djalin. Dua ndihmë që të më sjellin trupin e djalit, me një rrogë të vogël jam, çupën e madhe e kam me të meta mendore.

Dua nevojën e shtetit. Me familjen e nuses nuk kam folur. Me çfarë surrat më merr mua më thanë. Falje nuk i kërkoj se këtë më tha, ti nuk ke fytyrë të më flasësh mua. Evlat ajo, evlat unë. Ai e bëri për dashuri se e deshte shumë.

Është plagë si për atë dhe për mua. Edhe për fëmijët që mi la rrugëve. Probleme ka, iku djali, mi la fëmijët. Me një vajzë me të meta mendore. E kisha të mrekullueshëm atë bir, nuk e di pse e bëri këtë gjë. Pyet Lavazhin poshtë në Libonik çfarë djali kisha unë, të pyesësh njëherë çfarë djalë kisha unë.

Me llogjikë, punëtor, nuk prishte me asnjë gojë. E kisha djalë të shkëlqyer”, ka rrëfyer ajo, teksa ndër të tjera i ka bërë apel shtetit që ta ndihmojnë për të sjellë trupin e të birit pasi gjendja e tyre ekonomike nuk është e mirë dhe nuk ka mundësi.

Galeria fotografike (

1 / 2

)

“Hipotekimi” i vendit të dytë nga Shqipëria në Grupin K, kualifikueset e Kupës së Botës 2026, ka bërë jehonë.

Kombëtarja ka shanse të mëdha për të luajtur për hërë të parë në një kompeticion kaq madhor, por fillimisht duhet të kalojë përmes fazës “play-off”.

Përtej golit të Kristjan Asllanit dhe euforisë nga kampi ynë në transfertën kundër Andorrës, Armando Broja ishte totalisht në “hije”.

Gazetarja sportive Qeqa Krelani, e cila është shqiptare e Kosovës ka reaguar me nota të larta ironike kundrejt sulmuesit 24-vjeçar.

Qeqa Krelani: Broja, bëhu burrë edhe shko merr ndihmë profesionale. Urgjent të duhet ndihë psikologjike! Ti ke për shënuar së shpejti gol…por vetëm nëse ndeshja zgjatë 5 ditë. Tifozeria shqiptare është tifozeria më e durueshme në botë. Janë njerëz qe falin. Urime Shqipëria.

Galeria fotografike (

1 / 16

)

Spektakli më i madh dhe fenomenal që ka thyer rekorde shikueshmërie, “Big Brother VIP 5”, vjen së shpejti në Top Channel.

Nga dhjetori do të nisë reality show që premton të mbajë mbërthyer para ekranit miliona shikues, nga shqiptarët anë e mbanë botës.

Ndërkohë që rrjeti po “zien” me konkurrentë të mundshëm, na mbetet vetëm të presim se cilët do të jenë ata që do të vëzhgohen 24 orë nga qindra kamera, drejt e në ekranet tuaja përmes dy kanaleve të dedikuara në Digitalb.

Kujdes… Big Brother po ju vëzhgon

https://www.youtube.com/channel/UCyny-dfYPbE-CjAkzkZqF8A

Sekretari amerikan i shtetit, Marco Rubio, shpalli 4 grupe europiane të ANTIFA si organizata terroriste. Ato janë të lokalizuara me baza në Gjermani, Itali dhe Greqi.

Vendosja e tyre në listën e zezë do të hyjë në fuqi javën e ardhshme. Kjo i vendos këto grupe në të njëjtën kategori me organizata terroriste si ISIS-k dhe Al-Shabaab. Si rezultat, amerikanëve u ndalohet që ndërveprojnë me ato grupime apo t’i mbështesin.

Rubio tha në një deklaratë se kishte caktuar anëtarët e grupeve Antifa Ost, Federata Informale Anarkiste/Fronti Ndërkombëtar Revolucionar (FAI/FRI), Vetëmbrojtja e Klasës Revolucionare dhe Drejtësia Proletare e Armatosur si “terroristë globalë të caktuar posaçërisht”, duke vazhduar politikën e Trump-it për “kundërshtimin e fushatës së dhunës politike”.

Rubio vuri në dukje se ai synon t’i caktojë këto grupe si “organizata terroriste të huaja” nga 20 nëntori dhe paralajmëroi se Uashingtoni do të shënjestrojë edhe grupe të tjera në të gjithë botën.

“Grupet e lidhura me këtë lëvizje drejtohen nga ideologji revolucionare anarkiste ose marksiste, duke përfshirë anti-amerikanizmin, anti-kapitalizmin dhe anti-krishterimin, duke i përdorur ato për të nxitur dhe justifikuar sulme të dhunshme brenda dhe jashtë vendit,” tha Rubio.

“Shtetet e Bashkuara do të vazhdojnë të përdorin të gjitha mjetet e disponueshme për të mbrojtur sigurinë kombëtare dhe publike dhe për të mohuar financimin dhe burimet për terroristët, gjë që do të përfshijë shënjestrimin e grupeve të tjera antifa në të gjithë botën,” shtoi ai.

Për çfarë akuzohen katër grupet?

Sipas Departamentit të Shtetit, Antifa Ost me seli në Gjermani kreu sulme ndaj individëve që i konsideronte “fashistë” në Gjermani midis viteve 2018 dhe 2023 dhe “akuzohet për një seri sulmesh në Budapest në mesin e shkurtit 2023”. Hungaria e shpalli Antifa Ost një organizatë terroriste në fillim të këtij viti.

“FAI/FRI ka marrë përgjegjësinë për kërcënimet me dhunë, bomba dhe letra-bomba kundër institucioneve politike dhe ekonomike, duke përfshirë gjykatat dhe ‘institucione të tjera kapitaliste’”, tha Departamenti i Shtetit.

Ai shtoi se Vetëmbrojtja e Klasës Revolucionare “mori përgjegjësinë për dy sulme me pajisje shpërthyese të improvizuara që synonin Ministrinë Greke të Punës dhe zyrat e Hekurudhave Helenike”, ndërsa Drejtësia Proletare e Armatosur “mori përgjegjësinë për vendosjen e një bombe pranë selisë së policisë greke të trazirave në Goudi, Greqi, më 18 dhjetor 2023″.

Vendimi, vjen ndërsa presidenti amerikan, Donald Trump, i ka shpallur luftë lëvizjes ANTIFA, që zakonisht anon nga e majta politike, por që nuk ka një drejtues të përcaktuar qartë. Në shtator, Trump firmosi një urdhër ekzekutiv duke e përcaktuar atë si organizatë terroriste brenda SHBA-ve dhe kërkoi që autoritetet të ndërmarrin veprime kundër ANTIFA-s.

Trump dhe aleatët e tij republikanë kanë akuzuar mbështetësit e Antifa-s për nxitje të dhunës politike pas vrasjes së aktivistit konservator Charlie Kirk në shtator dhe protestave kundër Zbatimit të Ligjit për Imigracionin dhe Doganat (ICE) në Los Angeles, Chicago dhe Portland.

Ish-ylli i Chelseat, Armando Broja, ka ngjallur shqetësime për mirëqenien e tij, pasi u shfaq duke qarë mes suksesit më të madh të futbollit të vendit të tij.

Sulmuesi i Burnley ndihmoi Shqipërinë të fitonte 1-0 në Andorra të enjten, duke i siguruar vendin e tyre në play-off-et e Kupës së Botës, kështu shkruan gazeta britanike The Sun, që i ka dedikuar një artikull sulmuesit shqiptar i cili mesa duket nuk po kalon një periudhë të mirë.

“Shqipëria, e cila pret fituesen Angli në ndeshjen e tyre të fundit në Grupin K të dielën, nuk ka arritur kurrë në finalet e një Kupe Bote. Broja i lindur në Slough e nisi ndeshjen, por u zëvendësua para orës së fundit, me ndeshjen pa gola. U desh një gol në minutën e 67-të nga Kristjan Asllani i Torinos për të thyer rezistencën e Andorrës së vogël”, shkruan The Sun.

Broja, 26 vjeç, më pas u duk i përlotur dhe i dëshpëruar në stol dhe ndërsa largohej nga fusha në fund të ndeshjes. Shoku i skuadrës Elseid Hysaj i vuri një krah ngushëllues rreth shpatullave të sulmuesit ndërsa ata po largoheshin nga fusha.

Dhe Broja ishte i vetmi lojtar i Shqipërisë që nuk iu bashkua festimeve të ekipit pas ndeshjes me kryetarin e Federatës Kombëtare të Futbollit, Armando Duka.

Zëvendëspresidenti i shoqatës, Lutfi Nuri, u përpoq gjithashtu ta ngushëllonte Brojën përpara se të bëheshin fotot e festimit, vijon artikulli i gazetës britanike.

Burnley i pagoi Chelseat 20 milionë paund për sulmuesin këtë verë, por ai ende nuk ka shënuar në shtatë paraqitje për Clarets.

Një fokë që po përndiqej nga një kope balenash orka ia hodhi paq sulmit të tyre duke kërcyer në varkën e fotografes amerikane, Charvet Drucker.

Fotografja amatore tha për Associated Press se po shkrepte foto të orkave në brigjet e ishullit Camano në Uashington, kur vuri re kopenë që po shfaqte shenja të një gjuetie.

Vetëm pak më pas, një fokë kërceu në varkën e saj duke u përpjekur t’u shpëtonte dhëmbëve të tyre.

Drucker tha se orkat u larguan pas 20 minutash dhe foka u hodh në ujë kur varka iu afrua bregut.