Month: April 2026

Reperi Betim Januzi i njohur si Buta është arrestuar diten e sotme nga policia e Kosovës në Ferizaj.

Ai dyshohet se e ka sulmuar një person me armë. Rasti ka ndodhur në rrugën “Vëllezërit Gërvalla”.

“Ju njoftojmë se më datë 11.04.2026, rreth orës 20:25, kemi pranuar informacion për një rrahje në progres në rrugën “Vëllezërit Gërvalla” në Ferizaj, afër “Eurogjigant”. Njësitë policore kanë reaguar menjëherë dhe në vendin e ngjarjes është konstatuar se, përveç përleshjes fizike ndërmjet dy personave, ka pasur edhe të shtëna me armë zjarri”, thuhet në njoftimin e Policisë.

“Një person ka pësuar lëndime trupore si pasojë e përleshjes, jo nga arma e zjarrit. Në vendin e ngjarjes është gjetur dhe sekuestruar një armë zjarri si dhe tri gëzhoja. Një person është shoqëruar në stacion policor, ndërsa i dyshuari tjetër është identifikuar dhe ndodhet në kërkim policor. Lidhur me rastin, njësitë relevante policore, përfshirë Hetimet dhe Forenzikën të stacionit, kanë dalë në vendin e ngjarjes, ndërsa disa njësi janë vënë në kërkim të dyshuarit. Për informata shtesë, do të njoftoheni me raport vijues”, ka bërë të ditur Policia.

Kujtojme se “Buta” në shtatorin e vitit të kaluar u arrestua pas një kontrolli të policisë. Ai ishte akuzuar nga Prokuroria Themelore në Ferizaj për shitblerje të narkotikëve dhe armëmbajtje pa leje.

Sipas Prokurorisë, ekziston dyshimi i bazuar se me datën 11 shtator 2025 rreth orës 21:00, në rrugën “Zenel Hajdini” në Ferizaj, Betim Januzi “Buta” ka mbajtur në posedim pa autorizim substancë narkotike të dyshuar si kokainë dhe marihuanë, me qëllim shitjeje apo shpërndarje.

Policia ka bërë të ditur se reperi Buta pas arrestimit është dërguar në Emergjencën e Ferizajt pas lëndimeve që ka marrë në një përleshje.

Policia ka bërë të ditur se Buta është lënduar në dorë.

“Të nderuar, Ju njoftojmë se rreth orës 22:05, kemi pranuar informacion për lokacionin e të dyshuarit B.J., i cili ka njoftuar se do të dorëzohet. Menjëherë është angazhuar njësiti policor, i cili në rrugën “Halim Spahija” në Ferizaj ka arrestuar të dyshuarin. Për shkak të lëndimeve në dorë dhe është dërguar në Emergjencën e Ferizajt për tretman mjekësor”, thuhet në njoftim.

Irani i dha një paralajmërim një anijeje ushtarake amerikane se do të sulmohet brenda 30 minutash nëse kalon Ngushticën e Hormuzit, raporton televizioni shtetëror.

Anija u tërhoq pas paralajmërimit, tha një zyrtar i lartë ushtarak iranian.

Nuk është e qartë se çfarë veprimesh ndërmori anija ose ku ndodhet.

Axios më parë raportoi se disa anije të Marinës Amerikane kalùan ngushticën në një veprim që nuk ishte i koordinuar me Iranin.

Donald Trump duket se e konfirmoi këtë duke shtuar se ushtria amerikane kishte filluar të lironte ngushticën.

Megjithatë, Irani ka mohuar se ka kaluar ndonjë anije amerikane.

Një skandal ka shpërthyer në rrjetet sociale orët e fundit, duke vënë në qendër të akuzave për mashtrim dhe manipulim menaxhuesit e llogarive të Mateos, njërit prej banorëve më të komentuar të “Big Brother VIP Albania”.

Ndërkohë që ai vazhdon garën e tij i izoluar brenda shtëpisë, jashtë saj duket se po përdoren skema të mirëfillta për të krijuar një imazh të rremë mbështetjeje masive.

Gjithçka është zbulùar nga një sfidë e hapur së fundmi në faqen zyrtare të BBVA-së, ku produksioni njoftonte: “Banori që do të marrë më tepër pëlqime, do të fitojë një çmim prej 2000 euro për t’u shpenzuar tek Enzo Attini”.

Por çfarë ndodhi me postimin dedikuar Mateos?

Ndërsa numri i “Like-ve” rritej me një shpejtësi marramendëse për ta pozicionuar atë si fitues të kësaj sfide, ndjekësit e vëmendshëm të spektaklit zbuluan menjëherë “sekretin”.

Një numër i jashtëzakonshëm dhe i pajustifikueshëm i këtyre pëlqimeve vinte nga llogari të rreme dhe profile nga India.

Ky manipulim i pastër ka nxjerrë zbuluar përdorimin e programeve të posaçme dhe blerjen e pëlqimeve për të rritur artificialisht influencën e tij dhe për të lënë përshtypjen te publiku se ai është më i preferuari.

Ky detaj flagrant nuk u ka shpëtuar ndjekësve të formatit, të cilët kanë nisur të publikojnë prova, regjistrime ekrani dhe “Screenshot-e” të llogarive indiane që mbështesin Mateon.

Kjo lëvizje nga ana e menaxherëve të tij po komentohet gjerësisht si një bumerang që po dëmton rëndë imazhin e banorit, duke zbehur besueshmërinë e votave reale.

Tashmë i gjithë rrjeti po pret reagimin e produksionit: A do të ketë një skualifikim të Mateos nga kjo lojë specifike pas provave të pakundërshtueshme të ndërhyrjes me “bots”?

https://www.tiktok.com/embed/v2/7627277623839739169?lang=en&referrer=https%3A%2F%2Fapkpro.online%2Fbie-maska-e-mateos-rrjeti-publikon-provat-ja-si-po-e-manipulojne-garen-nga-indiavideo%2F

Kryeministri Edi Rama zhvilloi një bashkëbisedim me pensionistët e Njësisë nr. 2 për rritjen ekonomike dhe politikat sociale, si dhe reformën e pensioneve me bonuset e përvitshme dhe rritjen që do të vijojë sipas kategorive për tu 5-fishuar deri me 2030-ën.

“E vetmja gjë që kemi bërë për vite të tëra ka qenë indeksimi i pensioneve, por kjo nuk është rritje në kuptimin e plotë të fjalës. Ajo që unë kam përsëritur në të gjitha rastet është se e vërteta na ka penguar në rritjen e pensioneve, sepse ekonomia nuk na mbështeste. Ashtu sikur kishim menduar, erdhi mòmenti që ekonomia na i mundësoi. Nga janari i këtij i viti që vjen do të merrni pensione më të larta. Çdo vit do merrni rritje të pensioneve. Ne ndërkohë kemi diskutuar për të tjera ndryshime që do të bëjmë në skemën e pensioneve, duke filluar që të krijojmë edhe një hapësirë tjetër për të gjithë ata që duhen të kursejnë më shumë. Edhe për pensionistët duan që të punojnë, edhe atje ka hapësirë. Kemi diskutuar edhe mbështetjen për invalidin, të cilët duan të trajtohen në mënyrë të barabartë. Do ta korrigjojmë.

Thelbi i këtyre që po them është ekonomia. Është ndryshimi domethënës i ekonomisë sonë që na i jep mundësinë. Lajmi i mirë sot është që i kemi këto mundësi. Kemi kaluar në një tjetër nivel“

Gjëja e parë që do mendojmë jeni ju, të tjerët vijnë pas. Dhe bashkë me ju edhe familjet në nevojë që janë në mbrojtjen ekonomike të qeverisë, për të cilat po përgatisim një skemë të re të bazuar te një kartë e shpenzimeve në bazë të shportës. Do të japim karta për artikujt bazë, jo për pijetore”, u shpreh Rama.

Një video që po qarkullon orët e fundit në rrjetet sociale po bën bujë të madhe mes ndjekësve të “Big Brother VIP Albania”.

Në qendër të vëmendjes është Brikena, e cila është kapur nga kamerat e shtëpisë në një moment mjaft të dyshimtë.

Siç shihet në pamje, Brikena shkon te dollapi ku Selin mban sendet e saj personale dhe fillon të kërkojë me vëmendje nëpër sirtarë.

Ajo duket se po merr diçka, edhe pse nuk dallohet qartë se çfarë. Ky veprim ka ngritur dyshime të forta te publiku, të cilët e akuzojnë atë për vjedhje të sendeve të Selinës.

Mbetet për t’u parë se si do të trajtohet kjo situatë në spektaklin e radhës dhe nëse Selina do të njoftohet për këtë ngjarje.

Ky incident mund të sjellë dinamika të reja dhe tensione të forta brenda shtëpisë më të famshme në Shqipëri.

Video Player

Gara për finalen në Big Brother VIP Albania po bëhet gjithnjë e më e fortë dhe rezultatet e fundit nga sondazhet tregojnë një përmbysje interesante në mbështetjen e publikut.

Pas votimeve të fundit në rrjete sociale, panorama ka ndryshuar ndjeshëm për disa prej banorëve kryesorë që janë në garë për një vend në finale.

Sipas rezultateve më të fundit:

Mateo rezulton më i fąvorizuari për të shkuar në finale, duke marrë 79 për qind vota pozitive, një rritje e ndjeshme krahasuar me më parë. Edhe Brikena vijon të mbetet një nga emrat më të fortë në këtë garë, me 73 për qind mbështetje nga publiku.

Ndërkohë, situata mbetet e paqartë për Shëndritin, ku votat janë të ndara në mënyrë të barabartë, 50 për qind pro dhe 50 për qind kundër, duke e bërë atë një nga rastet më të paparashikueshme.

Nga ana tjetër, Miri ka pësuar një rënie në mbështetje, me vetëm 45 për qind vota pozitive, ndërsa 55 për qind e publikut janë shprehur kundër shkuarjes së tij në finale. Edhe më i rrezikuari duket Rogerti, i cili ka vetëm 27 për qind mbështetje, ndërsa shumica prej 73 për qind janë kundër.

Bazuar në këtë ndryshim të rezultateve, aktualisht më të favorizuar për finalen duken Mateo dhe Brikena, ndërsa gara mbetet e hapur për vendet e tjera.

Megjithatë, këto janë vetëm rezultate sondazhesh dhe gjithçka pritet të konfirmohet gjatë spektaklit live, ku mund të ketë edhe surpriza të fundit.

Një ditë pasi e rritën çmimin e karburanteve, ditën e sotme Bordi i Transparencës ka njoftuar ndryshimet e reja për shitjen e naftës dhe benzinës në vend.

Njoftim:

Bordi i Transparencës në datë 11Prill 2026, në mbledhjen e radhës vendosi:

✅Çmimi i shitjes me pakicë i nënprodùktit gazoil i standardit SSH EN 590 të jetë jo më shumë se 209 lekë/litri, ndërsa i shitjes me shumicë jo më shumë se 197 lekë/litër.

✅Çmimi i shitjes me pakicë i nënproduktit benzinë e standardit SSH EN të jetë jo më shumë se 175 lekë/litri,ndërsa i shitjes me shumicë jo më shumë se 163 lekë/litër.

🗓Çmimet e caktuara nga Bordi do të hynë në fuqi sot datë 11 ora 16.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

⚠️Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.

🚫Në rast të shkeljeve të konstatuara nga operatorë të ndryshëm do të vendoset pezullimi i aktivitetit.

🛢 Ministria e Ekonomisë dhe Inovacionit sëbashku me Ministrinë e Financave dhe Ministirinë e Infrastrukturës dhe Energjisë janë angazhuar të mbrojnë interesat e konsumatorëve shqiptarw dhe ruajtjes së parimeve të konkurencës së ndershme në treg.

SQARIM: Referuar Aktit Normativ nr. 1, Datë 3.4.2026 “Për një shtesë në ligjin nr. 61/2012, “Për akcizat në Republikën e Shqipërisë,” të ndryshuar, ku është parashikuar, se në rast se çmimi i shitjes me pakicë, për gazoili është më i lartë se 220 lek/litri, apo për benzinën është më i lartë se 200 lek/litri, zbatohet niveli 80% i akcizës. Bazuar në zbatimin e metodologjisë per llogaritjen e cmimeve tavan te shitjes me pakice, çmimet janë nën kufirin e Aktit Normativ nr. 1, datë 3.4.2026, dhe për rrjedhojë niveli i akcizës do të zbatohet i plotë, 100%.

Në Islamabad kanë nisur bisedimet e paqes mes Shteteve të Bashkuara dhe Iranit, në një proces të zhvilluar me ndërmjetësimin e Pakistanit, raportojnë agjencitë ndërkombëtare.

Sipas Reuters, negociatat po zhvillohen në një format trepalësh, ku pala pakistaneze luan rolin e ndërmjetësit. Deri tani nuk është e qartë nëse delegacionet amerikane dhe iraniane ndodhen në të njëjtën sallë apo nëse komunikimi po bëhet përmes ndërmjetësve që përcjellin mesazhet mes palëve.

Para nisjes së bisedimeve, Irani ka vendosur dy kushte kryesore për një marrëveshje: armëpushim të menjëhershëm në Liban dhe zhbllokimin e aseteve iraniane të ngrira jashtë vendit. Sipas Teheranit, këto pika kanë qenë pjesë e një marrëveshjeje paraprake të arritur më herët gjatë javës.

Nga ana e Shteteve të Bashkuara, presidenti Donald Trump është shprehur skeptik, duke deklaruar se Irani “nuk ka karta të forta negociuese” dhe duke theksuar se hapja e Ngushticës së Hormuzit është prioritet i menjëhershëm për Uashingtonin. Ai ka shtuar gjithashtu se pengimi i Iranit për të zhvilluar armë bërthamore përbën “99% të çështjes”.

Sipas burimeve pakistaneze të cituara nga Reuters, negociatat mes palëve po zhvillohen edhe ballë për ballë. Në takim marrin pjesë zyrtarë të lartë nga të dyja vendet, përfshirë përfaqësues amerikanë dhe iranianë, ndërsa ndërmjetësit pakistanezë ndodhen në të njëjtën sallë.

Ndërkohë, situata mbetet e tensionuar në terren. Irani ka paralajmëruar se një anije ushtarake amerikane mund të goditet brenda pak minutash nëse kalon Ngushticën e Hormuzit, ndërsa mediat ndërkombëtare raportojnë për lëvizje të anijeve amerikane në këtë zonë strategjike.

Bisedimet konsiderohen vendimtare për përpjekjet e fundit diplomatike për t’i dhënë fund konfliktit në Lindjen e Mesme.

Teksa finalja e madhe e “Big Brother VIP Albania” është vetëm pak ditë larg dhe emocionet kanë arritur kulmin, Miri ka marrë një nga surprizat më të bukura dhe domethënëse të këtij rrugëtimi.

Një “bombë” e vërtetë emocionesh ka mbërritur mbi qiellin e shtëpisë, duke i lënë banorët pa fjalë.

Katër parashuta kanë fluturuar njëherësh mbi oborr, duke sjellë një mesazh shumë të veçantë dhe të shumëpritur për të.

Në to shkruhej qartë “Të duam”, një dedikim i ngrohtë i shoqëruar me fotografinë e bashkëshortes dhe vajzës së tij.

Pas presioneve të fundit dhe debateve lidhur me jetën e tij familjare, kjo surprizë ishte konfirmimi dhe forca që Mirit i duhej në këtë sprint të fundit drejt finales.

Ky moment kaq i ndjerë ka prekur jo vetëm protagonistin, por edhe banorët e tjerë që po e ndiqnin nga oborri. Kjo u vu re sidomos te Rogerti, i cili nuk i ka fshehur dot emocionet, duke u prekur dukshëm nga kjo pamje e bukur dhe mbështetja e fortë që erdhi nga ajri.

VIDEO

Një deklaratë e papritur ka ardhur nga tezja e Brikenës në emisionin “Goca & Gra”, duke trazuar rrjetin dhe duke ndezur debat mes fansave të Big Brother VIP Albania.

Ajo u shpreh hapur për marrëdhënien e Brikenës me Mateon, duke dhënë edhe një “këshillë” direkte për të:

“Nëse është dashuri e vërtetë, duhet të qëndrojnë bashkë deri në fùnd… deri në vdekje!”

Kjo deklaratë ka bërë menjëherë bujë në rrjet, ku fansat janë ndarë në dy kampe:

– Disa e shohin si një mbështetje të fortë për çiftin

– Të tjerë mendojnë se është presion i tepërt për një lidhje që është ende në sprovë

Ndërkohë, ajo nuk kurseu as fjalët për Mateon, duke lënë të kuptohet se ai duhet të tregojë më shumë seriozitet dhe përgjegjësi në raport me Brikenën.

A është ky një sinjal që familja e Brikenës e mbështet lidhjen… apo një paralajmërim për Mateon?

Një gjë është e sigurt: kjo deklaratë ka ndezur rrjetin dhe ka rritur akoma më shumë vëmendjen mbi çiftin më të komentuar të momentit!