Author: admin

Gazetarja Klodiana Lala komentoi në një intervistë televizive, arrestimin e një 38-vjeçari në Lushnjë, i cili u denoncua nga një qytetar për përdorim të paligjshëm të kartës së identitetit dhe tentativë për blerje vote në favor të Partisë Demokratike, kundrejt shumës prej 500 eurosh.

Lala u shpreh se qytetari i përfshirë duhet të përballet me drejtësinë, por theksoi se ky nuk është thelbi i krimit zgjedhor në Shqipëri. Sipas saj, në prapaskenë po ndodhin manipulime shumë më të mëdha, me miliona euro që po shpërndahen nga kandidatët për të siguruar vota.

Ajo ngriti alarmin për strukturat e mirëorganizuara që po veprojnë në mënyrë sistematike për të vjedhur zgjedhjet. “Kemi të bëjmë me krim të organizuar që po del hapur në sipërfaqe. Në Elbasan, për shembull, janë duke u rrahur shtabet elektorale për votat e një vajze pa asnjë kontribut politik,” – u shpreh gazetarja.

“Është një qytetar që ka shkuar në polici dhe ka thënë se Marin Leka më ka marrë ID dhe i ka premtuar 500 euro për të votuar për PD-në. Policia e ka gjetur ID-në në banesën e Lekës dhe e ka arrestuar.

Krimi zgjedhor është shumë i madh dhe duhet të jetë fokus i prokurorisë. Përdorimi i fushatës, miliona euro që investohen në fushatë, milionat që investohen për takimet me diasporën nga shumica dhe opozita, ndikimi i krimit të organizuar në sistemin elektoral. Rasti tipik është kur administrata vihet nën presion me legalizime, me vendet e punës. Janë milionat që shpenzojnë kandidatët për deputetë për të blerë votat e tyre. Nuk duhet të kapin qytetarin. Ai le të vuajë dënimin, por ka struktura të organizuara që bëjnë blerjen e votave, përmes presionit, premtimeve, shpërndarjen e parave. Nuk është ky personazhi.

Krimi zgjedhor duhet ndëshkuar, por dy rastet tipike është në dy dosjet ‘339’ dhe ‘184’ që u mbyllën. Drejtësia dështoi në këto raste. Mazhoranca kishte krijuar një strukturë solide dhe të mirorganizuar për të vjedhur vota.

Në Shqipëri tani po del krimi i organizuar. Në Elbasan po rrihen shtabet elektorale të mazhorancës për votat e një vajze pa kontribute dhe e denoncoi edhe z. Berisha. Elbasani, Fier, Durrësi, Shkodra, Vlora, Tirana janë qarqet kryesore gjatë fushatës ku krimi i organizuar është prezent gjatë fushatës”– tha Lala.

Në darkën e organizuar mes banorëve dhe moderatorëve të “BBV” nuk kanë munguar pyetjet dhe batutat. Laert Vasili iu drejtua Marin Memës duke i thënë se:

Për një gjë më vjen keq, që u ngrite sot edhe the duhet falënderuar e gjithë shqiptaria që të ndjek. Me sa duket e ke ndjekur pak Bigun.

Marini:

E kam ndjekur më shumë se sa mendon ti.

Laerti:

Mos bëj debat me mua se unë jam konkurrent, ti nuk je. Unë votohem, ti jo.

Marini:

Duhet të themi të vërtetën.

Laerti:

Unë jam akuzuar që bëj histori këtu dhe jo lojë. Kur preken këto çështje ti e di që unë reagoj. U ndjeve mirë që na kritikove që nuk kemi falënderuar shqiptarët?

Marini:

Ju duhet t’i përgjigjeni pyetjeve tona. Nuk është e logjikshme të thuash i kam falënderuar pardje dhe sot jo. Mos të hyjmë në debat sepse ti e di që unë kam të drejtë.

Laerti:

Ti e di se çfarë kam hequr unë.

Bashkëshortja e Roan Brahimit alias Sidorel Prendit ka dëshmuar në Polici në lidhje me atentatin e rejgistruar në fshatin Pllanë të Lezhës, ku u ekzekutua brenda lokalit të tij, vjehërri i saj, 64-vjeçari Gjovalin Prendi.

Burime për mediat bëjnë me dije se e veja ka thënë se nuk ka asnjë dijeni se kush qëndron prapa vrasjes së Gjovalin Prendit. Ajo ka pohuar para hetuesve se nuk ka konflikte, por nuk ka përjashtuar problemet që ka patur bashkëshorti i saj me persona të tjerë, i cili është vrarë në Athinë në Maj të vitit të kaluar.

Lidhur me dyshimet e hetuesve që atentati i së enjtes në Tiranë ku u plagosën 4 veta mund të ketë lidhje me vrasjen në Lezhë të vjehrrit të saj, bashkëshortja e Roan Brahimit (Sidorel Prendit) sërish është shprehur se nuk ka asnjë dijeni për lidhje me ngjarjen.

Policia dyshon se atentati me 4 të plagosurit në Tiranë, mes të cilëve edhe dy fëmijë, mendohet që të jetë ngatërruar objektivi. Kjo për shkak se, sipas hetuesve, bashkëshortja e Roan Brahimit ka në posedim një automjet Benz G-Class njësoj si ajo me të cilën udhëtonin 4 të plagosurit dhe banon në të njëjtën lagje me ta në “Rolling Hills”

Sipas të njëjtave dyshime, autorët që ekzekutuan vjehrrin e saj në Lezhë, kanë dashur të vrisnin edhe bashkëshorten e Roan Brahimit në Tiranë. Por kjo pistë është në kuadrin e dyshimeve dhe nuk është varianti zyrtar i policisë.

Kryeministrja italiane Giorgia Meloni u takua me presidentin amerikan Donald Trump në Shtëpinë e Bardhë.

Në një takim dypalësh të zhvilluar në Zyrën Ovale, i ndjekur nga një drekë me dyer të mbyllura në dhomën e kabinetit, të dy liderët iu përgjigjën pyetjeve nga grupi i gazetarëve të Shtëpisë së Bardhë dhe gazetarëve italianë, duke rikonfirmuar mirëkuptimin dhe marrëdhënien e tyre të ngushtë.

Trump pranoi një ftesë të kryeministries italiane për një vizitë zyrtare në Romë “në të ardhmen e afërt”, një rast, thotë Meloni, për të rifilluar dialogun midis Uashingtonit dhe Brukselit. Meloni thotë se presidenti amerikan gjatë vizitës së tij në Itali mund të mendojë të takohet edhe me përfaqësues të BE-së.

“Italia mund të jetë aleati më i mirë i Shteteve të Bashkuara nëse Meloni mbetet kryeministre”, tha Trump. “Ajo është një person i madh, ajo po bën një punë të shkëlqyer dhe marrëdhëniet tona janë të shkëlqyera. Italia është një nga aleatët tanë më të ngushtë jo vetëm në Evropë,” shtoi ai.

Për tarifat, të dy udhëheqësit thanë se kishin besim se mund të gjenin një marrëveshje të drejtë tregtare. “Nuk do të ketë asnjë problem për të bërë një marrëveshje me BE-në për tarifat, nuk do të ketë asnjë problem me askënd”, theksoi Trump në Zyrën Ovale.

Presidenti amerikan përsëriti se ai ishte duke negociuar me disa vende, por pohoi se ai “nuk po nxitonte”. “SHBA do të bëjë gjithashtu një marrëveshje të mirë me Kinën” për tarifat, shtoi ai.

Meloni thotë se ka besim se mund të arrihet një marrëveshje, duke shtuar se ajo beson se “ne duhet të flasim sinqerisht dhe të jemi në mes”.

“Unë besoj në unitetin e Perëndimit, ne thjesht duhet të flasim dhe të arrijmë në rezultate dhe të gjejmë veten në rrugën më të mirë të mesme për t’u rritur së bashku. Kur flas për Perëndimin nuk po flas vetëm gjeografikisht, por si qytetërim,” tha Meloni, e cila ripërshtati sloganin “Make America Great Again” të Trump dhe shprehu dëshirën e saj për të “MWGA”; Bëje Perëndimin Përsëri të Madh.

Kryeministrja italiane njoftoi gjithashtu se Italia “do të duhet të rrisë importet e energjisë” dhe se “kompanitë italiane do të investojnë 10 miliardë euro” në SHBA.

Shpenzimet e mbrojtjes, migracioni, lufta në Ukrainë dhe marrëveshja bërthamore me Iranin ishin gjithashtu ndër temat e diskutuara gjatë takimit të ngrohtë të dy liderëve.

Meloni: Italia do të rrisë shpenzimet e mbrojtjes

“Italia synon të arrijë pragun e 2%”, njoftoi ajo duke iu referuar kërkesës së NATO-s për shpenzimet e mbrojtjes, e cila ka qenë një temë e nxehtë për presidentin e 47-të të SHBA-së, i cili është paralajmëruar vazhdimisht për tërheqjen e Uashingtonit nga aleanca nëse vendet evropiane dështojnë të bëjnë pjesën e tyre dhe të investojnë në kapacitetet e tyre mbrojtëse.

“Italia do të njoftojë në samitin e ardhshëm të NATO-s se do të rrisë shpenzimet në 2 përqind siç kërkohet. Evropa është e përkushtuar të bëjë më shumë, duke punuar në instrumente për të mundësuar dhe ndihmuar vendet anëtare të rrisin shpenzimet e mbrojtjes. Ne jemi të bindur se të gjithë duhet të bëjnë më shumë,” vuri në dukje Meloni.

Trump, i pyetur nëse objektivi prej 2 për qind ishte i mjaftueshëm, u përgjigj duke thënë “Kurrë nuk mjafton”.

Emigracioni

“Italia dhe Shtetet e Bashkuara kanë qëndrime të përbashkëta për një sërë çështjesh, si lufta kundër emigracionit të parregullt dhe drogave sintetike”, tha Meloni.

Pasi përsëriti linjën e ashpër të vendosur në muajt e parë të presidencës së tij kundër emigrantëve (të parregullt dhe të tjerë) në Shtetet e Bashkuara, Trump e zhvendosi fokusin te Evropa, duke kritikuar politikat e saj të emigracionit.

“Unë nuk jam një tifoz i madh i Evropës dhe asaj që ata kanë bërë për emigracionin, por mendoj se ata do të duhet të bëhen më të zgjuar, sepse po dëmtohen seriozisht nga ajo që kanë bërë,” tha Trump, i cili nga ana e tij vlerësoi qeverinë italiane, të kryesuar nga Meloni, për politikën e saj të emigracionit.

Meloni ndërhyri menjëherë për të vënë në dukje se edhe politikat europiane po ndryshojnë, duke i dhënë disa merita Italisë.

“Ne po fillojmë ta bëjmë këtë, do të shihni politikat që po zbaton Europa: Komisioni Evropian sapo ka miratuar rregulloret për riatdhesimet, gjërat po ndryshojnë, edhe falë shembullit të Italisë. Ne po punojmë së bashku dhe jam optimiste.”

Trump: Nuk jam fans i Zelensky

Meloni nuk iu shmang temës së luftës në Ukrainë,

Në dukje një nga pikat e pakta, nëse jo të vetmet, të mosmarrëveshjes në takimin e dyshes, të dy liderët kanë treguar gjatë muajve se qëndrimet e tyre për këtë çështje janë shumë të ndryshme.

“Unë mendoj se ka pasur një pushtim dhe se pushtuesi ka qenë Putini dhe Rusia, por sot ajo që është e rëndësishme është që së bashku duam të punojmë dhe po punojmë për të arritur një paqe të drejtë dhe të qëndrueshme në Ukrainë. Këto janë përpjekje për të cilat ne ndamë punën tonë edhe sot”, tha Meloni.

“Italia ka qenë shumë e dobishme në mbështetjen e Ukrainës”, tha Trump, duke theksuar se “jemi afër përfundimit të luftës, por do të shohim në ditët në vijim”.

“Tani do të përpiqem t’i jap fund, por siç e dini Rusia është shumë më e madhe si një forcë ushtarake dhe, nëse jeni të zgjuar, nuk përfshiheni në luftëra që nuk mund t’i përballoni më vonë”, shtoi presidenti amerikan.

“Unë nuk do të thosha se ai (Zelensky) ka bërë punën më të mirë, në rregull? Unë nuk jam një fans i madh. Unë me të vërtetë jam, nuk jam një fans i madh i tij”, tha Trump.

Sot, më 18 prill 2025, dollari amerikan blihet me 86.7 lekë dhe shitet me 88.2 lekë.

Euro blihet me 98.6 lekë dhe shitet 99.5 lekë.

Franga zvicerane këmbehet në blerje me 105.3 lekë, ndërsa në shitje me 106.7 lekë.

Paundi britanik blihet me 114.5 lekë dhe shitet me 116 lekë

Dollari kanadez sot në blerje këmbehet me 62.3 lekë, ndërsa në shitje me 64.1 lekë.

Më poshtë, po sjellim të dhënat e këmbimin valutor, për të gjitha monedhat e huaja:

Të tjera detaje janë zbuluar nga ngjarja e ndodhur një natë më parë në Tiranë ku pre e një atentati ranë djemtë e mitur të pronarit të kompanisë private “Pelikan Secyrity”, Vesel Bardhi Demiraj.

Ngjarja e rëndë u regjistrua rreth orës 21:50 të mbrëmjes të së enjtes ku persona ende të paidentifikuar qëlluan me breshëri plumbash drejt automjetit me të cilin po udhëtonin dy djemtë e Demirajt, Dior Demiraj, 11 vjeç, Marko Bardhi Demiraj, 17-vjeç dhe shoku i tyre 19-vjeçar, Kian Mullaj.

Automjeti tip “G-Class” me të cilin tre të rinjtë po udhëtonin po drejtohej nga 34-vjeçari Arenc Stafa, i cili rezulton se është punonjës i kompanisë “Pelikan Security” dhe në momentin ku dhe ndodhi ngjarja ishte shoqëruesi i tyre. Si pasojë e plumbave mbetën të plagosur katër personat që ndodheshin në këtë mjet, ndërkohë që 11-vjeçari ndodhet në gjendje të rëndë shëndetësore dhe po lufton për jetën në spitalin e Traumës.

Media më herët se Dior Demiraj ditën e djeshme festoi ditëlindjen e tij të 11-të. Ndërkohë, burime për mediat bëjnë me dije se në momentin kur dhe ndodhi atentati ata po ktheheshin nga festa e ditëlindjes.

I mituri, së bashku me vëllain e tij dhe shokun e tyre 17-vjeçar kishin shkuar me automjetin në pronësi të Vesel Demirajt në pistën e garave në Pjesë.

Pasi kishin festuar aty ata, të shoqëruar nga 34-vjeçari, ishin nisur për t’u kthyer për në Tiranë, në Lundër për të vazhduar festën e ditëlindjes së 11-vjeçarit me familjarët.

Sipas informacioneve të bëra me dije deri më tani, gjatë kthimit ata ishin futur në Unazë për të dalë në Lundër dhe kur janë futur te rrethrrotullimi i Shkozës, rreth orës 21:30 teksa po vijon rrugën për në autostradë, një automjet tjetër tip fuoristradë i zuri pritë dhe filloi të qëllojë në drejtim të tyre.

Breshëria e plumbave ka vijuar deri te Agropark, Tregu Agro Ushqimor, ku dhe ka qenë pika kulminate e të shtënave me armë. Drejtuesi i “G-Classit”, 34-vjeçari Stafa ka tentuar t’i shmanget plumbave me aq sa ka mundur dhe të shpëtojë tre të rinjtë, por si pasojë e plagëve të marra ai humbi ndjenjat në zonën e Lundrës.

Aty më pas kanë qenë njerëzit e rastësishëm të cilët kanë kaluar në rrugë dhe kanë njoftuar menjëherë Policinë, ndërkohë që thuhet se katër të plagosurit kanë qenë vetë qytetarët ata të cilët me mjetet e tyre private i kanë transportuar për në Spitalin e Traumës.

Detaje të reja janë zbuluar në lidhje me atentatin në Tiranë ku mbetën të plagosur katër të rinj.

Gazetarja Klodiana Lala raporton se sipas burimeve nga prokuroria, shënjestër e atentatit nuk kanë qenë familjarët e “Pelikani Security”, por në të vërtetë plumbat ishin nisur për gruan e Roan Brahimit, babai i të cilit u eliminua ditën e djeshme në Lezhë, vetëm 45 minuta përpara se të ndodhte atentati ndaj 4 të rinjve.

Mësohet se automjeti që përdor bashkëshortja e Brahimit është e njëjtë me atë që përdornin katër të rinjtë.

Vijon/…

Pasditen e djeshme në një bisedë të zhvilluar mes finalistëve të “Big Brotherit”, Rozana kritikon se pse Gjesti nuk e meriton finale.

Në renditjen e argumentave se pse artisti nga Kosova nuk meriton të jetë fituesi i këtij sezoni, Rozana thekson se ai gënjen aq shumë saqë nganjëherë e beson dhe vetë gënjeshtrën e tij.

Sipas Rozanës, Gjesti nuk e ka patur aftësinë për të krijuar apo përballur tensionet e një situate të ndodhur në “BBVA4”.

Më tej këngëtarja cek faktin se Gjesti ndryshe sillet në shtëpi dhe komplet ndryshe flet në dhomën e rrëfimit.

Argumentimi i plotë i Rozanës: Unë kam shumë arsye se pse nuk do ta fitojë Gjesti këtë Big. E para njëherë nuk kam njohur njeri që gënjen më shumë se Gjesti. Një njeri i cili aq shumë gënjen saqë ndonjëherë e beson dhe vetë atë që gënjen. Në rrugëtimin e tij më ka treguar që ka qenë i pafuqishëm për të ngritur një situatë të caktuar dhe e ka prishur, arsyetuar rrugës. Siç bëri dhe në fund të prime-t të kaluar ku ndryshe është sjellur gjatë ditëve të qëndrimit në shtëpi dhe ndryshe thotë në dhomën e rrëfimit. Për Gjestin asnjëherë historia e ndërtuar ose narrative e ndërtuar këtu në shtëpi nuk ka qenë serioze por gjithmon ëka bërë hajgare sepse nuk ishte i aftë të vazhdonte debatin pas prime-t. Debat që duhet ta mbante vetë mbi shpatulla. Gjesti nuk është një djalë i cili ka argument. Nuk është një djalë i cili mbron veten e tij për të gjithë gjërat që ka bërë në shtëpi.

Kreu i Partisë Demokratike, Sali Berisha, ka zhvilluar një vizitë në qytetin e Krujës, ku është takuar me pronarët e disa bizneseve lokale. Gjatë takimit, ai është pritur me ngrohtësi nga qytetarët, ndërsa njëra prej zonjave i ka dhuruar një skulpturë simbolike.

I emocionuar nga gjesti, Berisha ka komentuar me ironi: “Simboli i mençurisë, e çmend Ramën”, duke vijuar me kritika ndaj qeverisë dhe mënyrës së saj të qeverisjes.

Kujtojmë që kryeministri Rama përdor si metaforë bufin për të karakterizuar kreun e PD-së.

Vizita e Berishës në Krujë vjen në kuadër të takimeve të tij të shpeshta me qytetarë dhe sipërmarrës në mbarë vendin, ku ka përsëritur mesazhin për ndryshim dhe përkrahje të shtresës sipërmarrëse.

Një fëmijë vetëm 11 vjeç po lufton për jetën mbasi ndaj tij dhe tre të tjerëve që po udhëtonin me një mjet G-Class, u zbrazën mëse 30 plumba automatiku.

I mituri, djali i një biznesmeni kishte festuar datëlindjen së bashku me vëllain të moshës 17 vjeç dhe shokët e tyre, e po kthehej në shtëpi i shoqëruar me shoferin e familjes 34-vjeçarin, Arenc Stafa.

Në dinamikën e ndërtuar, të bazuar tek të dhënat paraprake hetuesit besojnë se ndaj automjetit luksoz ku gjendeshin pasagjerët dy prej tyre të mitur, një i tretë Kian Mullahi 19 vjeç dhe shoferi Stafa u qëllua në ecje e sipër me armë zjarri, ndërsa konsiderohet se njësoj është vënë në rrezik edhe jeta e të pafajshmëve të tjerë kalimtarë të rastit.

Paraprakisht hetuesit thonë se kanë si pistë ngatërrimin e shënjestrës mbas dyshimit fillestar se ky aks rrugor frekuentohej me makina të ngjashme.

Është kjo arsyeja pse hetuesit po verifikojnë se kush jeton në zonën rezidenciale të Lundrës, një zonë ku shënjestrat kanë banesat dhe që sakaq përdorin makina të ngjashme.

Deri më tani agjentët besojnë se në këtë zonë banon edhe bashkëshortja e të ndjerit Roan Brahimi, babai i të cilit u qëllua për vdekje 45 minuta përpara se të ndodhte atentati i Tiranës.

Megjithëse agjentët besojnë se gruaja e Brahimit, që sa ishte gjallë kishte kundërshtar Ervis Martinin, përdorte një automjet të ngjashëm.

Top Channel ka verifikuar të dhënat prej nga ku rezulton se shtetasja A. Brahimi përdor makinë ‘Audi Q5’ dhe jo ‘G-Class’

Njëherazi janë marrë në pyetje tre të dëmtuarit e tjerë të cilët kanë përshkruar itinerarin përpara se të ishin në vatër të armëve të zjarrit ku dhe kanë shpjeguar se nuk kanë patur asnjë incident.

Policia po mbledh ende prova dhe po bëhet gati që mbasi të mbylle marrjen në pyetje të disa shtetasve, të referojë materialet për veprën e vrasjes në rrethana cilësuese të mbetur në tentativë.

Akuza e grupit kriminal po shqyrtohet ende nga hetuesit që shpresojnë të gjejnë gjurmë biologjikë në një nga vendet ku dyshohet se vrasësit kanë pritur shënjestrën./Tch

Si nisi përplasja Martinaj-Brahimi?

Armiqësia duket se nisi vite më parë, ku Brahimi, apo siç njihej ndryshe, Sidorel Prendi, u dhunua dhe denigrua nga Brilant Martinaj.

Thuhet se ai i urinoi në fytyrë, akt ky që Roani nga Pllana e Lezhës, nuk e harroi kurrë. Ngjarja ndodhi për një borxh bixhozi të cilin Brahimi nuk e shleu.

Ylli Brahimi në rreth miqësie me Brahimin, e dërgoi atë në një nga bazat afër Fushës Kuqes, ku ishin Ervis Martinaj dhe njerëzit e tij të besuar.

Me daljen e tij gjallë nga aty, asokohe thuhet se Roan Brahimi paralajmëroi Ylli Brahimin: Nuk ta fal kurrë atë që më ke bërë!

Brahimi u bë i dyshuar për disa atentate të bujshme, mes tyre edhe masakra e Fushë Krujës, ku u vranë Besmir Hoxha, Brilant Martinaj dhe Dikler Vata.

Ngjarja ndodhi më 17 korrik 2022 dhe dyshohet se atentati u porosit dhe u organizua nga Roan Brahimi për eliminimin e Brilant Martinaj, kushëri i Ervis Martinajt.

Më 22 korrik 2022, në Milot, u organizua një atentat ndaj Ylli Brahimit, krahu i djathtë i Ervis Martinajt, ku mbeti i vrarë Klisman Preçi. Edhe për këtë ngjarje, Brahimi u dyshua si organizator. ?

Roan Brahimi dyshohet të ketë lidhje edhe me vrasjen Gentjan Bejtjes në 15 mars të 2024 në Larushk të Krujës.

Një nga personat e arrestuar nga policia si transportues i vrasësve, Ilir Beqaraj, rezulton të ketë lidhje miqësore me të, konkretisht kunat me Roan Brahimin.

Ky i fundit, në bashkëpunim me grupin e Niklës, ka dyshime të forta se kanë bashkëpunuar për të kryer këtë atentat, e po ashtu dyshohen të përfshirë edhe në disa ngjarje të fundit të ndodhura në Kurbin dhe Lezhë.

Ata mendohet të kenë qenë financues dhe organizator, për të goditur grupin rival të Ervis Martinajt. Për vrasjen e Gentjan Bejtjes dyshohet se pajtuan qitës nga Vlora.

Brahimi u largua nga Shqipëria dhe u vendos në Dubai. Megjithatë, më 9 maj 2024, ai u vra në Athinë nga dy persona të maskuar me motor, ndërsa ishte me partneren dhe djalin e tij të mitur.