Author: admin

Florian Arapi ka ndërprerë rrugëtimin e tij në shtëpinë e “Big Brother VIP Albania 5”, për arsye se djali i tij është sëmurë.

Gjatë prime-t të mbrëmjes së djeshme, Flori është telefonuar nga i vëllai, i cili i tha se ka djalin sëmurë me temperaturë dhe se duhet të kthehet pranë familjes së tij.

“S’ka asgjë për t’u shqetësuar, por djali është i sëmurë me temperaturë. Fëmijët kanë nevojë për ty, dhe ti duhet të jesh pranë tyre. Nëse është e mundur, duhet të vish në shtëpi.”, i tha vëllai florit.

Pas kësaj telefonate, Flori vendosi që të lërë garën dhe të kthehet pranë familjes së tij.

Brikena mori mbrëmë një vendim të rëndësishëm në lidhje me nominimin. Zarfi i zi çoi në televotim Keijsin, Erikun dhe Inën për shkak të shkeljes së rregullores.

Duke qenë se Ina ishte një banore e vetme me Stelinën, Brikena si lidere e shtëpisë kishte një avantazh, të linte Stelinën në nominim ose t’a hiqte dhe t’a zëvendësonte me një banor tjetër.

Brikena u shpreh se Stelina nuk kishte aspak lidhje me këtë nominim, e si pasojë e zëvendësoi atë me Mateon, i cili nuk e priti aspak mirë këtë vendim nga ana e saj.

Mateo ka biseduar mbrëmë me Keijsin, ku ky i fundit i tha se mendon se ai është më i rrezikuari. Gjithashtu e këshilloi atë që t’i çirrte maskën Brikenës, ose të ikte nga shtëpia më e famshme në Shqipëri, “Big Brother VIP5”.

Pjesë nga biseda:

Keijsi: A më erdhi mua momenti me Stelinën, e bëra, ça të bëja, as unë nuk kam qejf të flas për femra

Mateo: Normale, të vë me shpatulla pas muri

Keijsi: Ty jo me shpataulla pas muri, ty të shkeli me këmbë. Ishte nominim i pastër, personi i katërt që do futej ishte më i rrezikuari në këtë nominim. Mos me ta ndjell

Mateo: I thashë, kaq bezdi e ke praninë time në shtëpi, kaq shumë të ka penguar prezenca ime. Më tha jo. Si jo kur më vë në nominim, nuk te nxorra me të nxjerrë nga shtëpia, por të ndihesh si u ndjeva unë.

Keijsi: E di se ju dëgjova, prandaj u futa brenda

Mateo: Aq shumë u dëgjuam

Keijsi: Po ta thotë Keijsi, ajo ka bërë gabimin më të madh, i ka humbur pikë vetes

Mateo: Nuk e di pse e ka kaq siklet të pranojë

Keijsi: Ti e di më mirë se të gjithë që është më falsja këtu brenda. Ose çirri maskën e rri këtu, ose ik të shtëpia.

Nesër pritet të ketë më shumë intervale me diell dhe më shumë kthjellime, duke u shpërndarë vranësirat.

Kështu ka njoftuar Mendimi për Motin. Aty shtohet edhe se, mot i kthjellet parashihet të jetë edhe gjatë javës tjetër, edhe pse, temperaturat do të jenë më të ulëta.

Postimi:Përgjatë ditës së shtunë vransirat do të mbulojnë pjesën më të madhe të vendit, Herë herë vransirat largohen për të lejuar rreze dielli të depërtojnë në sipërfaqe.

Nuk përjashtohen mundësi që përreth zonave malore të ketë edhe ndonjë rrebesh të dobët dëbore më vonë duke shkuar nga mbrëmja. Temperaturat në rënie, minimalet zbresin në -2C e 2C, e ato maksimale shkojnë deri në 4C e 6C. Frynë erë e lehtë dhe mesatare nga verilindja 3-8m/s.

Me kalimin në ditën e diel, vransirat parashihet të shpërndahen, e të ketë më shumë kthjellime dhe intervale me diell. Mot stabil me më shumë kthjellime po parashihet ditëve të para të javës vijuese, megjithëse me temperatura të ulëta.

Minimalet zbresin deri në -7C e -8C, ndërsa maksimalet shkojnë deri në 3C e 4C. Ditën e mërkurë shfaqen kushte për reshje të dobëta dëbore, ndërkohë që temperaturat po mbesin të ulëta. Frynë erë e lehtë dhe mesatare verilindore e lindore 3-8m/s, nga dita e martë me hove mbi 10m/s.

Prokuroria e Posaçme kundër Korrupsionit dhe Krimit të Organizuar ka reaguar zyrtarisht lidhur me operacionin e zhvilluar mbrëmjen e së premtes në kullën e njohur në qendër të Tiranës, duke dhënë detaje të plota mbi hetimin dhe ndërhyrjen e autoriteteve shqiptare dhe atyre italiane.

Sipas SPAK, hetimet kanë nisur pas materialeve të dorëzuara nga gazetarët e emisionit investigativ italian “Le Iene”, të cilët ngritën dyshime se si shqiptarët ishin duke mashtruar shtetasit italianë, dhe jo vetëm.

Gjatë hetimeve ka rezultuar se një “Call Center” operonte në ndërtesën “Atti Tower”, përballë Katedrales Ortodokse, nga ku dyshohet se mashtronin shtetas italianë dhe europianë për investime të rreme në kriptomonedha.

SPAK bën me dije se struktura ishte e mirëorganizuar, me role të ndara, staf që komunikonte në disa gjuhë të huaja dhe me masa të forta sigurie. Pas dyshimeve për një ndërhyrje të mundshme të autoriteteve, ambientet e call center-it janë boshatisur gjatë natës, ndërsa pajisjet janë transportuar drejt një godine tjetër në zonën “Downtown One”.

Falë veprimeve të shpejta hetimore nga autoritetet shqiptare, disa persona janë kapur në flagrancë, ndërsa janë identifikuar edhe ambiente të tjera ku po ngrihej një tjetër “Call Center”.

“Shtetasin e arrestuar në flagrancë janë 6 persona me inicialet: R.Gj., D.Q., E.Gj., E.M.,R.P.,O.K..

Gjithashtu, paralelisht me identifikimin e Qendrës së dytë të thirrjeve, në sajë të veprimeve verifikuese, janë nxjerrë dhe ekzekutuar urdhrat e ndalimit për shtetasit me inicialet; K.K. dhe H.XH., si të dyshuar për kryerjen e veprës penale të “Mashtrimit kompjuterik”, në bashkëpunimin, në formën e grupit të strukturuar kriminal, parashikuar nga nenet 143/b, 28/4, 333/a dhe 334 të Kodit Penal”, thuhet në njoftimin e SPAK.

Gjatë kontrolleve në dhjetëra ambiente janë sekuestruar qindra pajisje kompjuterike, dokumente, automjete luksoze, përfshirë edhe një makinë tip Ferrari, që dyshohet se i përket organizatorëve.

Njoftimi i SPAK:

Prokuroria e Posaçme kundër Korrupsionit dhe Krimit të Organizuar rregjistroi procedimin penal nr.03/2026, për kryerjen e veprës penale të “Mashtrimit Kompjuterik”, në bashkëpunim, në formën e grupit të strukturuar kriminal,“Pjesëmarrjes në grup të strukturuar kriminal”, parashikuar nga nenet 143/b, 28/4, 333/a dhe 334 të Kodit Penal.

Procedimi u regjistrua në datën 9.1.2026 në Byronë Kombëtare të Hetimit pas paraqitjes së gazetarëve italianë të emisionit investigativ “Le Iene”, që trasnmetohet në Mediaset. Ata kanë dorëzuar materiale të punës së tyre.

Gjatë këtij hulumtumi është identifikuar një Qendër Thirrjesh (Call Center) që ndodhet në Tiranë, në ndërtesën “Atti Toëer”, në rrugën “Ibrahim Rugova”, përballë Katedrales Ortodokse, nga ku, autorët e mirëorganizuar dyshohet se kanë mashtruar shtetas italianë dhe europianë për investime në kriptomonedhave të ndryshme.

Investigimi mori shkas nga ankesat e disa shtetasve italianë të mashtruar nga Qendra e Thirrjeve. Gazetarët italianë mundën të infiltrojnë një shtetas italianë, i cili nisi të punojë aty dhe realizoi regjistrimin e të dhënave në ambientet e Qendrës së Thirrjeve. Nga të dhënat rezulton se në këtë veprimtari dyshohet të jenë përfshirë shtetas italianë, rezidentë në Itali dhe të tjerë që jetojnë në Shqipëri, ndërsa transaksionet kryheshin në kriptovaluta, në portofolet e monedhave virtuale të menaxhuara nga drejtuesit e këtij aktiviteti të kundraligjshëm, duke përdorur platforma mashtruese.

Duke iu referuar materialeve video bëhet fjalë për një Qendër Thirrjesh, që ndodhej në katin e 9-të dhe të 13-të të “Atti Toëer”. Nga pamja e përgjithshme, dinamika e komunikimit dhe veprimet e personit që kryen regjistrimin apo edhe personave të tjerë, shihet se është një qendër e mirëorganizuar e thirrjeve telefonike, me poste pune të ndara, role të përcaktuara dhe staf që operonte në gjuhën italiane, franceze, spanjolle dhe gjermane.

Pas regjistrimit të këtij procedimi penal, hetuesit e Byrosë Kombëtare të Hetimit kanë nisur menjëherë puna për identifikimin e organizatorëve dhe dokumentimin e aktiviteti kriminal të mashtrimit

Nga veprimet e para hetimore të BKH-së, rezultoi se organizatorët e kësaj veprimtarie kriminale kishin ngritur një strukturë të sofistikuar sigurie, me disa perimetra mbrojtës, duke përdorur jo vetëm kamerat filmike statike, por edhe personel civil vëzhgimi, jashtë kësaj Qendre.

Ekzistojnë indicie të qarta se mbrëmjen e datës 15 Janar 2026, pas përfundimit të punës, pjesëtarë të këtij personeli vëzhgues, kanë njoftuar pronarët e Qendrës për një ndërhyrje të mundshme. Pas kësaj, në orët e para të mëngjesit të datës 16 Janar 2026, janë larguar pajisjet dhe është boshatisur edhe ambienti i Qendrës së Thirrjeve.

Pas ekzekutimit të vendimit të Gjykatës së Posaçme, nr.85, datë 15.1.2026, hetuesit e BKH-së konstatuan në datën 16 Janar 2026, boshatisjen e ambientit dhe largimin e pajisjeve dhe personelit. Falë veprimeve të shpejta dhe të pandërprera hetimore u bë i mundur identifikimi i personave dhe automjeteve të përdorura për largimin e pajisjeve kompjuterike dhe sistemeve nga Call Center-i. Pas gjurmimit të tyre, në një kohë të shkurtër, u realizua kapja në flagrancë e disa shtetasve, të cilët kishin transportuar gjatë natës materiale drejt një ambient tjetër të marrë me qira në “Doëntoën One”, në Bulevardin Bajram Curri.

Pas kapjes në flagrancë të këtyre shtetasve, hetuesit kanë bërë kontrollin me iniciativë të ambientit në katin e 5-të të godinës, ku është konstatuar një Qendër tjetër Thirrjesh, në ndërtim e sipër. Aty u gjetën pajisje kompjuterike, telefona, hard disqe, laptopë, karta të ndryshme SIM, dokumente, blloqe me shënime. Personat e kapur në flagrancës, po transportonin një kosh mbeturinash, i cili përmbante sende të dyshuara të marra nga Qendra e Thirrjeve në rrugën “Ibrahim Rugova”, të cilat ishin duke i asgjësuar.

Në kushtet e kapjes në flagrancë është kërkuar mbështetja e punonjëve të Policisë të Drejtorisë Vendore Tiranë.

Shtetasin e arrestuar në flagrancë janë 6 persona me inicialet: R.Gj., D.Q., E.Gj., E.M.,R.P.,O.K..

Gjithashtu, paralelisht me identifikimin e Qendrës së dytë të thirrjeve, në sajë të veprimeve verifikuese, janë nxjerrë dhe ekzekutuar urdhrat e ndalimit për shtetasit me inicialet; K.K. dhe H.XH., si të dyshuar për kryerjen e veprës penale të “Mashtrimit kompjuterik”, në bashkëpunimin, në formën e grupit të strukturuar kriminal, parashikuar nga nenet 143/b, 28/4, 333/a dhe 334 të Kodit Penal.

Në ecuri të veprimeve hetimore, në datë 17.1.2026, janë lëshuar dhe urdhrat e ndalimit për tre shtetas të tjerë, të dyshuar për kryerjen e veprës penale të “Mashtrimit kompjuterik”, në bashkëpunimin, në formën e grupit të strukturuar kriminal, parashikuar nga netet 143/b, 28/4, 333/a dhe 334 të Kodit Penal, të cilët nuk janë gjetur deri në këto momente.

Gjatë kontrolleve të ushtruara në 28 ambiente; banesa, automjete, zyra, garazhde, etj, janë gjetur dhe sekuestruar në cilësinë e provës materiale, qindra pajisje kompjuterike të cilat janë në proces verifikimi, sisteme monitorimi të kamerave, sisteme të rrjetit kompjuterik, pajisje memorizuese, server, dokumente të Qendrës së Thirrjeve, subjektit “Infinite” shpk dhe subjekteve të tjerë në proces verifikimi.Gjithashtu janë sekuestruar edhe automjete të përdorur nga autorët e dyshuar, motomjete si dhe një automjet luksoz i markës Ferrari, që dyshohet se i përket organizatorëve të këtij aktiviteti.

Prokuroria e Posaçme vijon kryerjen e veprimeve hetimore për inventarizimin e të gjitha pajisjeve kompjuterike, sekuestrimin, analizimin e tyre si dhe identifikimin e të gjithë viktimave të veprës penale, në bashkëpunim me autoritetet e huaja.

Falenderojmë Policinë e Shtetit për mbështetjen e dhënë në fazën e ekzekutimit të vendimit të Gjykatës së Posaçme si edhe gjatë veprimeve të mëtejshme për identifikimin dhe arrestimin e personave të dyshuar.

Prokuroria e Posaçme falenderon në mënyrë të veçantë edhe stafin e emisionit investigativ italian “Le Iene” të “Mediaset”, falë punës të së cilëve, u bë e mundur inicimi dhe hetimi i këtij rasti të mashtrimit masiv në Qendrën e Thirrjeve në Shqipëri.

Gjithashtu, SPAK u tërheq vëmendjen qytetarëve dhe medias për fenomenin e mashtrimit online përmes Qendrave të Thirrjeve (Call Center) dhe kjo është një veprimtari që do vazhdojë të ndiqet me prioritet edhe në bashkëpunim me partnerët tanë ndërkombëtarë.

Nga ana tjetër, një apel u shkon edhe shtetasve që punojnë në këto qendra, për t’u ndërgjegjësuar dhe për t’u mos bërë pjesë e veprimtarive të paligjshme.

Ilir Vrenozi është një nga ish-banorët më të komentuar të këtij edicioni të pestë të “Big Brother VIP”. Ditën e sotme, ai ishte i ftuar në emisionin “Fan Club”, ku zbuloi se pas daljes nga shtëpia më e famshme në Shqipëri, është kontaktuar nga disa figura të njohura të politikës shqiptare.

Vrenozi tregoi se dy deputetë, Ervin Salianji dhe Bujar Leskaj, e kanë telefonuar personalisht për ta përgëzuar për qëndrimin dhe sjelljen e tij gjatë qëndrimit në reality show.

Sipas ish-banorit të BBVip , telefonatat kanë qenë të drejtpërdrejta dhe mbështetëse, duke i dhënë komplimente për mënyrën se si u përball me situatat dhe debatet në shtëpi.

Vrenozi tregoi po ashtu se ka folur edhe me kreun e Partisë Demokratike, Sali Berisha.

“Me Berishën kam folur po me Ramën s’kam lidhje. Ervin Salianji dhe Bujar Leskaj më kanë marrë në telefon. Po ashtu edhe Myslym Murrizi. Më komplimentuan, më thanë ‘bravo, bravo’”, u shpreh Vrenozi gjatë bisedës në studio, duke shtuar se ishte i surprizuar nga ky interes dhe vlerësim nga figura politike.

Përkrahja e hapur nga deputetë të njohur shihet si një tjetër dëshmi e popullaritetit që Vrenozi arriti të fitojë gjatë eksperiencës së tij në BBV.

Detaje të reja janë zbardhur nga operacioni i ndërmarrë dy ditë më parë nga autoritetet shqiptare dhe ato italiane, me qëllim “zbërthimin” dhe goditjen e një prej grupeve kriminale të cilat mashtronin shtetasit europianë dhe u merrnin atyre shuma të ndryshme monetare. Lidhur me këto operacion, ranë në pranga Remir Gjoligaj, Endri Gjata, David Qerimi, Elis Merkaj, Rentjan Peposhi dhe Odeas Kuqi.

Sipas Prokurorisë së Posaçme, aktiviteti kriminal nuk ishte i përqendruar vetëm në kullën luksoze “Atti Tower”, përballë Katedrales Ortodokse, por shtrihej edhe në një godinë tjetër prestigjioze të kryeqytetit, “Downtown One”, ku po ngrihej një qendër e “Call-Cetneri”.

Saakq burime për mediat bëjnë me dije se hetimet kanë nxjerrë në pah se skema mashtruese drejtohej nga tre vëllezër, Agim, Alfred dhe Arjan Prekaj, të cilët dyshohen si organizatorët kryesorë dhe aktualisht janë në kërkim.

SPAK sqaroi më herët se hetimet nisën pas dorëzimit të materialeve filmike nga emisioni investigativ italian “Le Iene”, ku një gazetar i infiltruar si punonjës kishte dokumentuar nga brenda funksionimin e call center-it.

Pamjet treguan një strukturë të mirëorganizuar, të shtrirë në dy kate të “Atti Tower”, me role të përcaktuara dhe staf që komunikonte në disa gjuhë të huaja për të joshur viktimat në Itali dhe vende të tjera evropiane.

Sapo autoritetet nisën veprimet hetimore, grupi kriminal dyshohet se u vu në dijeni përmes një sistemi të sofistikuar sigurie dhe vëzhgimi. Mbrëmjen e 15 janarit, pas përfundimit të punës, pronarët u paralajmëruan për një ndërhyrje të mundshme, çka çoi në boshatisjen e zyrave dhe largimin e pajisjeve gjatë orëve të para të 16 janarit.

Hetuesit e BKH-së gjetën ambientet e “Atti Tower” të zbrazura, por falë gjurmimit të mjeteve që transportuan pajisjet, arritën të kapin në flagrancë disa persona që po i zhvendosnin ato drejt “Downtown One”.

Në katin e pestë të kësaj kulle u zbulua një tjetër call center në ndërtim e sipër, ku u sekuestruan kompjuterë, telefona, hard disqe, karta SIM, dokumente dhe materiale të tjera të lidhura me aktivitetin kriminal.

Pas ndërhyrjes së Policisë së Tiranës, u finalizua arrestimi i gjashtë personave, ndërsa dy të tjerë u ndaluan si të dyshuar për mashtrim kompjuterik. Një ditë më pas, SPAK lëshoi urdhër-ndalimet edhe për tre vëllezërit Prekaj, të cilët dyshohet se drejtonin të gjithë skemën.

Në kuadër të hetimeve janë kontrolluar 28 ambiente të ndryshme dhe janë sekuestruar qindra pajisje elektronike, serverë, sisteme monitorimi, automjete dhe një mjet luksoz tip Ferrari.

Ushtria gjermane është larguar nga Grenlanda me nxitim disa orë pas kërcënimeve të Trump. Bild flet për largimin e papritur të ushtarëve gjermanë që mbërritën në Grenlandë vetëm 44 orë pas mbërritjes së tij në ishullin Arktik, duke publikuar foton përkatëse nga aeroporti.

Berlini tha se 15 ushtarët do të qëndronin në Grenlandë më gjatë se sa ishte planifikuar fillimisht. Sipas mediave të huaja, vendimi u mor sot, të dielën, në mëngjes pa i dhënë asnjë shpjegim ushtrisë.

Urdhri ishte i thjeshtë “kthehu”, shkruan Bild, duke shtuar se të gjitha takimet e gjermanëve të planifikuara për sot në Grenlandë u anuluan me nxitim.

Tani për tani, megjithatë, mbetet e paqartë nëse vendimi i Berlinit lidhet me kërcënimet e Trump të shtunën për të vendosur tarifa ndaj 8 vendeve evropiane, përfshirë Gjermaninë që dërguan trupa në Grenlandë apo nëse lidhet me arsye të tjera.

Mbrëmjen e djeshme, Brikena si lidere e shtëpisë së “Big Brother VIP 5” kishte një detyrë të rëndësishme për të bërë.

Teksa zarfi i zi nxori në nominim Erikun, Keijsin dhe Inën, bashkë me këtë të fundit ishte edhe Stelina si një banore e vetme.

Brikena kishte si detyrë të vendoste nëse do linte Stelinën në nominim, ose do e zëvendësonte me një banor tjetër. E ajo e ndërroi atë me Mateon, i cili nuk e priti aspak mirë vendimin e saj.

Mateo në Dhomën e Rrëfimit është shprehur i zhgënjyer dhe ka thënë se nuk e priste aspak një veprim nga ana e Brikenës.

“Ishte diçka që nuk e prisja. Përtej që nuk e prisja ishte zhgënjyese se nuk e prisja kurrë që të isha jo pjesë e këtij nominimi, por të paktën i nominuar nga Brikena. Siç është ajo shprehja që thotë Brikena ‘ti më jep 1 çokollatë unë të jap 10’, unë hyra duke i dhënë një çokollatë dhe mora mbrapsht thikë. U mërzita shumë me thënë të drejtën, nuk e prisja. Më ka ardhur shumë keq”, ka thënë Mateo.

Meteorologu Hakil Osmani, tha se moti deri ditën e martë, në orët e mesditës, do të jetë nën mbizotërimin e motit të qëndrueshëm, ku do të kemi intervale të gjata me kthjellime dhe kalime të shpeshta të vranësirave.

Sipas tij, gjatë orëve të vona të ditës së martë do të kemi prezencë të lartë të vranësirave, duke bërë që në zonat jugore kryesisht të ketë reshje shiu në disa qytete.

“Jo vetëm orët e vona të mbrëmjes, por edhe dita e mërkurë dhe pjesërisht dita e enjte do të sjellin prezencën e reshjeve, kryesisht në zonat jugore. Do të kemi gjithashtu prezencë dhe të reshjeve të dëborës në zonat e thella malore.

Nuk do të jenë reshje problematike, por me intensitet mesatar. Sinjalet tregojnë për përmirësim të kushteve të motit në zonat jugore, ndërsa zonat e tjera mbeten nën mbizotërimin e motit të qëndrueshëm. Dita e premte dhe dita e shtunë sjellin një përmirësim të përkohshëm, ndërsa ka sinjale që gjatë ditës së dielë reshjet të kthehen në vendin tonë.

Përsa i përket temperaturave, relativisht do të jenë të larta, por do të vijojnë me rënie në fillim të javës. Duke qenë se do të kemi masa ajrore të lagështa, temperaturat e ajrit do të rriten, por duke filluar nga mesjava deri në fundjavë do të rikthehen përsëri, rreth -1 dhe -2 gradë Celsius, kryesisht në orët e para të mëngjesit. Sinjalet për reshje në vendin tonë priten gjatë javës së fundit të këtij muaji”, u shpreh meteorologu.

Bashkëshortja e Erik Lloshit ka qenë sot e ftuar në emisionin “Fan Club”, ku ka sqaruar njëherë e mirë nëse është ndarë nga banori i “Big Brother VIP 5” apo jo.

Romina u shpreh se nuk ka ndarje, por e mbështet këngëtarin e njohur në rrugëtimin e tij brenda shtëpisë më të famshme në Shqipëri.

Bashkëshortja e Erikut tregoi arsyet se pse ajo nuk dëshironte që bashkëshorti i saj të hynte në “Big Brother VIP 5”. Sipas saj, ai ka temperament të vështirë si dhe i merr gjërat shumë afër zemrës.

“Eriku ka pak temperament të vështirë, është shumë gjaknxehtë dhe i merr gjërat shumë afër zemrës dhe i përjeton shumë. Kjo ka qenë një nga arsyet që nuk doja që ai të hynte në Big Brother. Loja në Big Brother është një lojë shumë e fortë psikologjike, ku njerëzit luajnë të gjitha kartat e mundshme, të familjes, të jetës personale dhe çdo gjë. Është një person që i merr gjërat shumë afër zemrës dhe shumë i drejtë. Nuk është ai agresiv që përpiqet ta përkufizojë në Big Brother”, tha bashkëshortja e banorit të BBVip 5.

Romina tha duke qeshur se punën e divorcit ja ka përmendur edhe para se ai të futej në shtëpinë më të famshme në Shqipëri, por e ka bërë në formë presioni, por në të vërtetë e mbështet.

“Eriku ka marrë ftesë dhe më parë dhe i kam thënë kategorisht jo, këtë herë nuk më dëgjoi. I thashë do marr valixhet dhe do të iki në shtëpi. Tashmë e mbështes totalisht, padiskutim. Tek Eriku ka gjëra që më pëlqejnë dhe disa që nuk i përkrah”, tha Romina.