Author: admin

Drejtori i komunikimit në Partinë Demokratike, Alfred Lela ka njoftuar se Gazment Bardhi është lënduar gjatë protestës dhe tensioneve të sotme në Parlament.

I ftuar në emisionin “Open” në News24, Lela sqaron se Bardhi ka marrë plagë në këmbë, pasi i ka rënë foltorja dhe aktualisht ndodhet në spital për të marrë ndihmën mjekësore.

Alfred Lela: Është lënduar në këmbë, i ka rënë foltorja kur e kanë tërhequr për ta rrëzuar. I ka dëmtuar këmbën dhe po merr ndihmën dhe nuk ishte në gjendje të mundshme. I urojmë shërim të shpejte.

Kujtojmë që seanca e sotme parlamentare u shoqërua me tensione. Deputetët e Partisë Demokratike nxorën jashtë sallës së Kuvendit karriget e tyre dhe u vunë zjarrin në shenjë proteste ndaj burgosjes së deputetit Ervin Salianji.

Në fillim të seancës, ata bllokuan foltoren e Kuvendit dhe hodhën sende të forta ndaj kryetares së Kuvendit, Elisa Spiropali, teksa ajo njoftoi vakancën e krijuar me ndërprerjen e mandatit të deputetit Salianji, nënkryetar i grupit parlamentar të PD-së, pas dënimit të tij me 1 vit burg nga Gjykata e Apelit me vendim të formës së prerë.

Bloggerja e njohur Sara Hoxha ka tërhequr vëmendjen e ndjekësve të saj në Instagram me një foto të re, ku shfaqet me një fustan të bardhë elegant.

Ky postim ka ngjallur interes, sidomos pasi ish-vjehrra e saj, Xheraldina Vula, mamaja e reperit Ledri Vula, e ka pelqyer atë.
Sara dhe Ledri kanë pasur një lidhje të gjatë dhe kanë një vajzë së bashku. Megjithatë, pas një romancë që zgjati disa vite, çifti vendosi të japë fund marrëdhënies rreth një vit më parë.

Ky postim i fundit i Sarës dhe reagimi pozitiv nga Xheraldina mund të sugjerojnë një marrëdhënie të mirë mes tyre, pavarësisht ndarjes.

Sara Hoxha vazhdon të jetë një figurë e rëndësishme në botën e mediave sociale, duke ndarë jo vetëm stilin e saj, por edhe momente nga jeta e saj personale, duke mbajtur gjithmonë interesin e ndjekësve të saj.

Pas fundit të fejesës me Eros Grezdën, Oriola Marashi rigjen sërish dashurinë. Me anë të një InstaStory, modelja e njohur ka konfirmuar se është në një romancë të re.

Ajo ka postuar një foto nga ashensori krah partnerit por është kujdesur mos ja zbuloj indetitetin këtij të fundit.

Story-t e saj vijuese dëshmojnë se çifti mund të kenë dalë në një darkë romantike së bashku.

Një detaj tjetër që vihet re është veshja e çiftit i cili mesa duket kanë preferuar të shfaqen matchy-matchy, Oriola me një fustan sterrë të zi dhe partneri i saj me një pale pantallona dhe këmishë të së njëjtës ngjyre.

Kujtojmë që lidhja e fundit publike e modeles ishte me Eros Grezdën, një futbollist i cili luan për ekipin “Partizani”.

Dyshja i dhanë fund lidhjes së tyre kohë më parë ndonëse ishin dhe të fejuar më njëri-tjetrin.

Dyshimet për ndarjen e tyre lindën kur secili fshiu fotot që kishin bashkë në rrjete sociale e më pas nuk e ndiqnin më njëri-tjetrin.

Eros dhe Oriola u fejuan në muajin qershor të vitit 2021, dhe miqtë e tyre treguan se ata janë ndarë, duke prishur kështu edhe planet për martesë.

Pas fejesës, ata u vendosën në Kroaci për të bashkëjetuar dhe vendimi për t’u fejuar erdhi pas muajve të karantinës, që i kaluan bashkë në shtëpinë e futbollistit 25-vjeçar.

Arsyeja e prishjes së fejesës ka qenë distanca dhe keqkuptimet për shkak të largësisë, duke qenë se Oriola nuk dëshiron të heqë dorë nga karriera si modele. Prej disa vitesh, ajo ka lidhur kontratë me firmën prestigjioze amerikane “GUESS”, për të cilën ka sfiluar dhe ka realizuar herë pas here sete për fushata të ndryshme.

Oriolën jemi mësuar ta shikojmë gjithmnë në formë dhe provokuese, ku nuk na i kursen shkrepjet sensuale. Flasim për Oriola Marashin, që vijon të mbetet ndër modelet më të mira në vendin tonë.

Arjon Muça ka zbuluar më shumë për marrëdhënien e tij me partneret në ekran, Arjola Shehun dhe Erjona Rusin. Dy vitet e fundit, Arjoni bashkëprezantoi “Shqipëria Live” me Erjonën dhe kimia e tyre ndihej përtej ekranit.

Por nuk ka qenë kështu që nga fillimi. 

Gjatë intervistës së sotme për “Wake Up”, Arjoni zbuloi se në fillim nuk durohej as me Arjolën dhe as me Erjonën, por më pas u bë mik shumë i mirë me të dyja.

“Me Arjolën nuk duroheshim, edhe pse ishte ajo që më zgjodhi si bashkëprezantues, pasi ishte autore në atë kohë. Edhe me Erjonën ishte pak a shumë e njëjta gjë, me ndryshimin e vetëm që ajo dukej shumë më e ftohtë në krahasim me Arjolën. Në provën e parë ishte ajo profesionistja që tha: “Është shumë mirë ky djali”. Dhe mbeti “ky djali”. Më pas zbulova që është një nga njerëzit me gallatë pas ekranit,” -u shpreh ai.

Aktualisht, Arjoni është opinionist në emisionin “Përputhen”, përkrah Zhaklin Lekatarit.

Ish-konkurrentja e “Përputhen”, Alba Pollozhani ka shkaktuar sërish debat në rubrikën “Trotuar” të emisionit “E Diell” me një deklaratë të guximshme, duke thënë se “meshkujt nga jugu janë besprema.”

Ky koment shkaktoi kundërshtime nga të ftuarit në studio, por Pollozhani këmbënguli në qëndrimin e saj, duke deklaruar se preferon vetëm gegët dhe jo toskët.

Gjatë diskutimit, Pollozhani u shpreh: “Unë kam të drejtën të bëj zgjedhjet e mia në jetë. Aktualisht, zgjedhja ime është një mashkull verior, biznesmen dhe mysliman.” Ajo theksoi se preferencat e saj personale janë të lidhura me përvojat që ka pasur dhe se meshkujt veriorë i japin më shumë siguri.

Pjese nga debati 

Pollozhani: Unë e shoh jetën time ashtu si unë dua ta jetoj. Unë kam gjithë të drejtën e botës, si cdo njeri që të bëj zgjedhjet e mia. Zgjedhja ime në jetë për momentin është për sa i i përket anës së marrëdhënies me një partner, është mashkull verior, biznesmen dhe mysliman.

Dragoti: Nuk do mashkull Aba, ajo do një krijesë që i jep siguri dhe komfort. Nuk do mashkull, do një gjë që…

Pollozhani: Ti sapo e pranove në mënyrë indirekte që vetëm veriorët japin siguri, dhe jugorët nuk japin siguri.

Dragoti: Mund të ndodhë që Alba mund të tërhiqet nga dikush me karakteristika të kundërta.

Pollozhani: Unë nuk e di si e kam kismetin.

Dragoti: Alba mund të ketë traumën e padukshmërisë, siç e quaj unë.

Pollozhani: Mua më pëlqejnë në karakter veriorët. Më dëgjo pak, apo ndihesh inferior që ti je jugor dhe jo verior. Eksperiencat që kam njohur çuna jugorë, më kanë dalë shumë ‘bes-premë’. Ngatërrojnë pak pjesën e respektit. Mua me toskët nuk më shkon shumë.

Google Play Store përdoret nga mashtruesit për të shpërndarë “malware”, midis miliona aplikacioneve që shkarkohen çdo ditë nga përdoruesit në mbarë botën.

Sipas studiuesve të sigurisë Kaspersky SecureList, “malware”-i famëkeq Necro është gjetur gjithashtu në sistemin operativ Android. Vlerësohet se më shumë se 11 milionë pajisje janë infektuar, një numër shkarkimesh i vlerësuar nga studiuesit që kërkuan për aplikacionet e infektuara.

Disa aplikacione, si ëuta Camera dhe Max Browser, janë konfirmuar të infektuara. Malware madje mbart modalitete për WhatsApp nga burime jozyrtare, si dhe një mod për Spotify që, si shërbimi premium i platformës, quhet Spotify Plus. Studiuesit madje raportojnë një numër të pajisjeve të infektuara për lojëra si Minecraft dhe Melon Sandbox.

Malware ishte pjesë e Wuta Camera që nga versioni 6.4.2.148 deri në zbulimin dhe heqjen e tij në versionin 6.4.7.138, siç vihet re në raportin e Kaspersky SecureList. Max Browser u hoq nga Play Store, por u shkarkua dhe u instalua më shumë se një milion herë dhe përmbante Necro nga versioni 1.2.0 e tutje.

Ky virus ai hapet dhe klikon në reklama për të gjeneruar të ardhura, megjithatë kjo bëhet përmes dritareve të padukshme. Google tha se të gjitha aplikacionet e njohura të infektuara janë hequr tashmë dhe se shumica e përdoruesve janë të mbrojtur nga Google Play Protect, antivirusi i parazgjedhur në shumicën e pajisjeve Android.

Ky është momenti kur një makinë elektrike tip Tesla shpërthen në flakë, brenda një garazhi të përmbytur nga vërshimet e uraganit Helene.

Ngjarja ka ndodhur në Pinellas të Floridas, teksa në video dëgjohet në fillim një zhurmë dhe më pas shihen flakët.

Autoritetet vendase e kanë shpërndarë videon në rrjetet sociale, duke i bërë thirrje qytetarëve të tregojnë kujdes me makinat elektrike por edhe skuterat për shkak të përmbytjeve masive.

Ata gjithashtu i kanë bërë thirrje pronarit ta dërgojë makinën për inspektim, për të përcaktuar shkakun e zjarrit.

Nga incidenti nuk raportohen të lënduar.

Tesla model X sets on fire from Hurricane Helene. pic.twitter.com/JYybaAs6Nd

— DramaAlert (@DramaAlert) September 30, 2024

Avokatja Eni Çobani e ftuar në emisionin Dekalog nga Roland Qafoku komentoi një deklaratë që ka bërë para disa kohësh, kur tha se impotenca e meshkujve është një problem kryesor në divorcin e çifteve. Çobani tha në studion e DritareTv se ky problem ndikon të tradhtia dhe pastaj te dhuna në familje.

Roland Qafoku: Ju keni bërë një deklaratë për impotencën e meshkujve, si një problem kryesor në divorcin e çifteve.

Eni Çobani: Ështe e vërtetë. Kam dashur të bëj një komunikim me mjekët. Unë them se familja shqiptare një nga elementet kryesore ka pikërisht këtë. Ne duhet ta themi në sy. Ky problem duhet trajtuar sepse tradhtitë, largimet, apo mosdëshira vijnë pikërisht nga dhoma e gjumit. Dhoma e gjumit është sa i shenjtë për çiftin, aq edhe enigmatike për ne që jemi më pas në proceset e tyre. Ne nuk e dimë kurrë se çfarë ndodh te dhoma gjumit. Unë them se edhe dhuna vjen pikërisht nga kjo gjë. Kur ti ndien një mungesë shumë të fortë në personalitetin tënd.

Edhe meshkujt e kanë shumë të rëndësishme këtë pjesë. Nëse ti zhburrërohesh para një gruaje e ke shumë të rëndë pastaj të dalësh përballë ndonjë gruaje tjetër apo në një ambient. Në Shqipëri ti duhet të jesh njeri që i ke të gjitha. Duan sa më shumë burra në Shqipëri.”, tha zonja Eni Çobani.

Një 38-vjeçar rezulton i zhdukur prej datës 9 shtator dhe familja ende s’ka gjetur asnjë gjurmë të tij.

I riu Kozma Stefa u largua nga banesa e tij në Vlorë gjatë mbrëmjes së 9 shtatorit dhe nuk u kthye më.

Mbrëmje e zhdukjes ai mbante veshur pantallona të shkurtra, një bluze jeshile në bojeqielli dhe shapka.

Ndërsa sipas familjarëve, telefoni del i fikur. 38-vjeçari mësohet se vuan nga probleme të shëndetit mendor.

Ata kanë njoftuar policinë për zhdukjen e Kozma Stefës, por ende s’kanë gjetur asnjë gjurmë të tij.

Olsa Muhameti ka qenë e ftuar në emisionin “Sol” në “Klan Kosova”, ku ka folur për BBV e detajet e formatit që pritet të vijë në fillim të tetorit. Por, për herë të parë Olsa është ndalur edhe te jeta e saj personale, të cilën e mban gjithnjë hermetike.

Ajo ka folur për divorcin e prindërve dhe si e ka përjetuar. Më tej Olsa është ndalur edhe te marrëdhënia me të atin, ndërsa ka folur edhe për sëmundjen e nënës së saj. Pas te gjithave historive te jetes, Olsa Muhameti nuk ka nguruar te flas dhe per ikja nga Top Channel. Ku per televisionin ku punoje per disa vite shpreh nje vleresim dhe ka dicka per te thene.