Author: admin

Sot, më 20 prill 2024, dollari amerikan, blihet me 94.5 lekë dhe shitet me 95.4 lekë.

Euro, blihet me 100.8 lekë dhe shitet 101.6 lekë.

Franga zvicerane, këmbehet në blerje me 103.7 lekë, ndërsa në shitje me 104.7 lekë.

Paundi britanik, blihet me 117.4 lekë dhe shitet me 118.3 lekë.

Dollari kanadez, sot në blerje këmbehet me 68.5 lekë, ndërsa në shitje me 69.8 lekë.

Më poshtë, po sjellim të dhënat e këmbimin valutor, për të gjitha monedhat e huaja:

Dashi

Mundohuni që të përfshiheni në aktivitete relaksuese, të cilat do mund t’iu lejojnë që të lini mënjanë të gjitha shqetësimet dhe stresin e akumuluar gjatë javëve të fundit. Duhet ti dedikoni më shumë kohë vetes tuaj dhe rindezjes së emocioneve.

Demi

Nëse do të përballeni me vonesa apo të papritura në vendin e punës, mundohuni që ti shikoni nga një këndvështrim tjetër, pa u treguar negativ dhe pesimist. Në dashuri ka disa keqkuptime të vogla, të cilat mund të çojnë në gjetjen e kompromiseve të vlefshme.

Binjakët

Gjatë kësaj të shtune do të jeni të përfshirë në evente të rëndësishme, të cilat do ju mundësojnë që të bëni njohje të reja. Në vendin e punës, duhet të tregoheni më të pavarur.

Gaforrja

Keni organizuar deri në detajet më të vogla të gjitha projektet dhe planet që keni ndërmend të vini në jetë gjatë këtij sezoni. Mundohuni vetëm që të tregoheni më të matur në organizimin e kursimeve tuaja. Në dashuri këshillohet që të mos jeni shumë xheloz.

Luani

Lodhja dhe mungesa e stimujve, shpesh ju bën dembel dhe të përhumbur. Megjithatë, ky nuk është momenti për t’u dorëzuar, për shkak se intuita juaj e mirë, do ju çojë drejt rezultateve të suksesshme. Në dashuri do të riktheheni të jeni romantik dhe sentimental.

Virgjëresha

Kjo fundjavë do të jetë mjaft interesante për të lënë mënjanë çdo shpërqendrim i cili nuk iu ka lejuar të shprehni siç duhet dashurinë që ndjeni. Duhet të jeni më të hapur dhe spontan në raport me partnerin dhe mundohuni që të mos i ktheheni kundër për çdo gjë. Kjo e shtunë premton marrëveshje të reja, interesante.

Peshorja

Mos u tregoni tepër kritik në raport me bashkëpunëtorët tuaj, pasi nuk është momenti për të humbur kohë me çështje të kota, sidomos nëse ju duhet të përfundoni një punë të rëndësishme. Mbrëmja premton takime të kënaqshme.

Akrepi

Kjo e shtunë parashikohet të jetë mjaft produktive si nga pikëpamja profesionale, edhe për ata që punojnë në shtëpi, apo sapo kanë nisur një zanat të ri. Në dashuri këshillohet që të jeni më shumë kurajoz.

Shigjetari

Përfitoni nga kjo fundjavë për të fjetur më shumë, pushoni dhe dedikojini më shumë kohë pasioneve dhe qetësisë suaj. Ky është momenti ideal për të ripërkufizuar raportet ndërpersonale. Duhet të jeni gati që të merrni vendime të rëndësishme në vendin e punës.

Bricjapi

Keni nisur një rrugëtim i cili premton rritje të rëndësishme profesionale, dhe që premton sukses për të ardhmen. Mos lini mënjanë fushën e ndjenjave dhe dashurinë, pasi do të jenë mjaft të rëndësishme për të rigjetur qetësinë.

Ujori

Kjo e shtunë premton rindezjen e emocioneve dhe dashurisë, sidomos nëse gjatë javëve të fundit jeni treguar shumë të zënë profesionalisht. Nëse keni tensione në familje, mundohuni që të jeni të kujdesshëm dhe të veproni me sa më shumë diplomaci.

Peshqit

Do të jeni shumë të fortë dhe karizmatik dhe kjo gjë do ju rikthejë në lojë, në vendin tuaj të punës. Pritet që të merrni rezultate mjaft pozitive, por për këtë do ju duhet të lodheni shumë. Në dashuri, parashikohen momente romantike.

Roboti humanoid më i avancuar në botë, i quajtur Ameca bëri një udhëtim në NAB Show në Las Vegas, i cili u zhvillua nga 13 deri më 17 prill 2024. Duke përdorur inteligjencën artificiale (AI), roboti mund të dëgjojë i ndihmuar nga mikrofonat në veshë, të shohë i ndihmuar nga kamerat në sy dhe të njohë dhe të ndërveprojë me njerëzit.

Krijuar nga kompania britanike Engineered Arts, videot e robotit u bënë shpejt virale qoftë nga ajo e vizatimit të një maceje apo parashikimit të së ardhmes.

Megjithatë, vetëm këtë vit Ameca bëri paraqitjen e saj të parë reale, duke takuar njerëz për herë të parë në një nga ngjarjet më të mëdha të teknologjisë në botë.

TikToker-i Colin Smith postoi në platformë një video për të ndarë pamjet e Ameca-s duke iu përgjigjur pyetjes së një intervistuesi se kur ajo beson se “AI do të arrijë nivelin ku mund të dizenjojë veten”.

Përgjigja e Ameca-s fillon me qetësi në fillim. Ajo tha:

“Vetë dizajni? AI është një mjet i krijuar dhe i kontrolluar nga njerëzit. Ajo mund të optimizojë disa aspekte të funksionimit të saj, sigurisht, por ta projektojë veten nga e para? Kjo është një lojë krejtësisht e ndryshme. Kërkon kreativitet, inovacion, mirëkuptim cilësi që janë unike njerëzore. Pra, për t’iu përgjigjur pyetjes suaj, jo së shpejti”.

Pavarësisht se arriti që të përgjigjej në mënyrë të përsosur pyetjes, Ameca nuk u ndal vetëm me kaq, roboti humanoid vazhdon me tej me një paralajmërim alarmant.

“Dhe sinqerisht, kini kujdes se çfarë dëshironi. Një AI që mund të dizenjojë veten është një hap larg nga një AI që nuk ka fare nevojë për njerëzit. Tani mjafton një mendim për t’ju mbajtur zgjuar natën”.

https://vm.tiktok.com/ZMM4QNStT/

Dhe ky mendim sigurisht që ka bërë që përdoruesit e mediave sociale të kenë ngelur të habitur. Një zëdhënës i Engineered Arts i tha UNILAD se:

“Ne në Engineered Arts po i kushtojmë përparësi të qenit një kompani robotike me qendër njeriun. Misioni ynë nuk është të zëvendësojmë njerëzit, por t’i angazhojmë ata për të krijuar momente gëzimi dhe mrekullie. Ajo që shihni në klip është që Ameca AI i përgjigjet një pyetjeje me theks të veçantë se sa e rëndësishme është krijimtaria njerëzore për përparimin me pak komente të mprehta. Ne në Engineered Arts e kuptojmë frikën që shohim në komente, por në fund të fundit është besimi ynë i fortë se njerëzit duhet të shqetësohen më shumë nga njerëzit e tjerë sesa nga robotët ose inteligjenca artificiale”.

Figura e ish presidentit Ilir Meta, aktualisht kryetar dhe në të ardhmen president i Partisë së Lirisë, u komentua gjatë në emisionin 3D të Alban Dudushit.

Juristja Gjikondi e krahasoi sjellen e zotit Meta me atë të Kozakut një figurë e njohur shqiptare e Tik Tokut. “Meta të turpëron si shqiptar” tha zonja Gjikondi, duke shprehur pakënaqësinë që klasa politike nuk po reagon ndaj sjelljes së tij.

Duke ju referuar disa deklaratave fyese të zoti Meta ndaj SPAK-ut dhe kreut të tij Dumani, zonja Gjikondi i bëri thirrje shoqërisë shqiptare të reagojë ndaj kësaj sjelljeje të ish presidentit shqiptar i cili po synon rikthimin në krye të organeve egzekutive.

Duket se Argjira Spanca dhe Graciano Tagani nuk i kanë mirë punët. Në një bisedë me Françeskën ai ka treguar se mes tyre ka ndodhur një zënkë dhe ajo i ka kërkuar të mos e përmend në “Big Brother”.

Balerini tregon se shpreson që kur të dal jashtë marrëdhënia e tij me moderatoren nga Kosova të rregullohet.

Ai gjithashtu rrëfen se nuk ndihet gati për tu bërë baba edhe pse ishte një periudhë që Argjira e donte shumë një bebe.

Graciano: Kemi 6 vite, puna jonë nuk ka ndonjë justifikim të madh unë dhe Argjira kemi dashur të jemi gati. Është një fjalë që thotë kurrë nuk je gati.

Thonë që e dhe fëmija e ka riskun e vet por duke ditur si jam rritur unë, kam dashur të jem i bindur.

Ne në shtator kemi hyrë ne shtëpi tonë.

Derisa nuk kisha një shtëpi ulje ngritje ekonomike kur nuk ke dy tre baza nuk duhet të besh fëmijë vetëm se duhet bërë. Ndonjëherë gjera e nxituar te qojnë ne gabime.

Jemi zënë (pëshpërit Graciano) Ajo me ka thënë mos ta përmend këtu dhe jam pak ne ajër.

Prandaj e pyeta mamin kur me erdhi surprizë me tha kam folur por jo shumë.

Aty e kuptova se gjendja ishte pak e ftoftë.

Françeska: Po ajo e ka dëshirë fëmijën?

Graciano: Po e kishte 1-vit por unë nuk isha gati.

Françeska: Mos e ka shkaktuar kjo arsye zënkën?

Graciano: Jo Jo!

Sulmuesi i Kombëtares kuqezi, Ernest Muçi ka gjetur një tjetër gol me Beshiktashin.

Ai ka kaluar në avantazh skuadrën e tij në minutën e 18-të në duelin me Ankaraguçu.

Pas një pasimi të mirë, Muçi merr topin dhe gjuan me të majtën potente duke shkundur portën e kundërshtarit.

Ky është goli i tij i tretë në kampionatin turk me fanellën e Beshiktashit.

https://twitter.com/FootColic/status/1781372296436813849?ref_src=twsrc%5Etfw%7Ctwcamp%5Etweetembed%7Ctwterm%5E1781372296436813849%7Ctwgr%5Ecf355ad23d5558bdb16fa3f497b9c57a04d4c4f6%7Ctwcon%5Es1_&ref_url=https%3A%2F%2Fshqiperia-ime.com%2Fernest-muci-realizon-nga-jashte-zone-goli-i-trete-per-sulmuesin-kuqezi-me-beshiktashin-video%2F

https://twitter.com/FootColic/status/1781372296436813849?ref_src=twsrc%5Etfw%7Ctwcamp%5Etweetembed%7Ctwterm%5E1781372296436813849%7Ctwgr%5Ecf355ad23d5558bdb16fa3f497b9c57a04d4c4f6%7Ctwcon%5Es1_&ref_url=https%3A%2F%2Fshqiperia-ime.com%2Fernest-muci-realizon-nga-jashte-zone-goli-i-trete-per-sulmuesin-kuqezi-me-beshiktashin-video%2F

Gazetari Arion Sulo duke komentuar zhvillimet në Partinë Lirisë, veçanërisht marrëdhëniet mes çiftit Ilir Meta dhe Monika Kryemadhi, tha se kreu aktial i partisë Meta po mundohet të shpëtojë krijesën e tij.

PL sipas tij ka ardhur duke u rrudhur, kjo dhe për shkak të blerjeve që sipas tij u ka bërë anëtarëve të saj kryeministri socialist Edi Rama. Gjithçka ka ardhur pas viti 2017 kur ai e përjashtoi LSI nga koalicioni. “LSI ishte një parti pushteti dhe maksimumin e ka dhënë kur ishte në pushtet ” tha zoti Sulo.

Duke komentuar figurën e zonjës Kryemadhi, ai kujtoi deklaratat e zoti Meta se njerëz të afërt të saj janë deklaruar në SPAK. Duke ju referuar deklaratave të zotit Meta, Sulo tha se ata janë shitur.

Lidhur me akuzat për nepotizëm në adresë të zonjës Kryemadhi, gazetari Sulo tha se ato mund të jenë të vërteta.

Por ai tha se problemi më i madh që kanë çifti Meta – Kryemadhi është drejtësia. Sulo kujtoi se të dy në SPAK. Sipas tij pritet të ketë një lëvizje nga SPAK lidhur me këto dosje.

Kontenstimi i pikëve ka bërë që kampionati i volejbollit mes gjimnazistëve të Bulqizës të përfundojë me një sherr masiv.

Bashkia e Bulqizës organizoi kampionatin e volejbollit mes gjimnazistëve nga kjo zonë, teksa në parket gjërat nuk kanë shkuar siç duhet. Në ndeshjen finale gjithçka është kthyer në një përleshje masive mes gjimnazistëve dhe personave të tjerë në sallën ku po zhvillohej eventi.

Disa të rinj dhe organizatorët u shoqëruan në polici, ku dhanë deklaratat e tyre për motivet e sherrit banal.

Ndërkohë, kryetarja e Bashkisë së Bulqizës, Festime Mjeshtri në reagimin në kanalet e komunikimit nuk e ka përmendur episodin e shëmtuar.

“Me fitoren e ekipit të Ostrenit përfundoi edhe kampionati i volejbollit për djem mes gjimnazeve të Bashkisë së Bulqizës! Faleminderit të gjitha shkollave pjesëmarrëse dhe institucioneve arsimore lokale për angazhimin dhe përkrahjen e tyre në realizimin e këtyre aktiviteteve sportive”, shkruan ajo.

Pas disa ditëve në terapi intensive, Raina e vogël e cila erdhi në jetë vetëm 1750 gramë ia doli të fitojë betejën për jetën. Lajmin e ka bërë të ditur Ministrja e Shëndetësisë dhe Mbrojtjes Sociale, Albana Koçiu, e cila ka falenderuar stafin e spitalit “Mbretëresha Geraldinë” teksa ka shtuar se e vogla u bashkua sot me familjarët e saj.

Koçiu shkruan se ndihet krenare për punën jetëshpëtuese të mjekëve pranë Shërbimit të Neonatologjisë dhe Terapisë Intensive, për nënat dhe të gjitha bebet prematurë që ia dalin të kthehen në shtëpitë e tyre me shëndet të plotë.

“Raina e vogël, e cila erdhi në jetë vetëm 1750 gram, pas disa ditëve në terapi intensive, ia doli të fitojë betejën për jetën falë përkushtimit të stafit të Spitalit Universitar Obstetrik Gjinekologjik “Mbretëresha Geraldinë”, dhe sot u bashkua me familjarët e saj.

Krenare për punën e jashtëzakonshme jetëshpëtuese të mjekëve dhe infermierëve pranë Shërbimit të Neonatologjisë dhe Terapisë Intensive, për nënat dhe të gjitha bebet prematurë që ia dalin të kthehen në shtëpitë e tyre me shëndet të plotë”, shkruan ministrja Albana Koçiu.

Kreu i Partisë së Lirisë, Ilir Meta ka qenë kryefjalë e aktualitetit në vendin tonë për shkak të retorikës së tij të pazakontë e të ashpër drejtuar SPAK-ut dhe kreut të këtij institucioni, Altin Dumanit.

Sot, Meta ka mbledhur Komitetin Drejtues të PL-së. Në lidhje me këtë zhvillimin por për veprimtarinë në tërësi të Rithemelimit dhe Partisë së Lirisë, i ftuar në një studio televizive, për të diskutuar ishte Azgan Haklaj, anëtar i Kryesisë së PD-së.

Duke e quajtur si spiun të diktaturës enveriste, anëtari i Kryesisë së PD-së deklaroi se Meta parandjen se edhe ai do të “ngecë” në rrjetën e hetimeve të SPAK.

“Meta e ndjen se çfarë do t’i ndodhë. Meta është një mi inkubatorësh të diktaturës apo shërbimit të sigurimit të shtetit sepse Meta është një spiun qysh në Qytet Studenti, është një spiun 50-lekësh. Madje u tall dhe televizioni i Sali Berishës me zotin Meta mbrëmë”,-tha Haklaj.

“Është aleancë e hallexhinjve: Meta, Berisha, madje dhe Rama në prapaskenë i mbështet sepse Ramës i intereson që këta të godasin SPAK-un”,-theksoi ai.

Ndër të tjera, Haklaj foli me superlativa për kreun e SPAK-ut, duke e cilësuar si një magjistrat profesionist dhe të ndershëm.

“Ka qenë prokuror në Tropojë në momente dhe ka treguar përgjegjshmëri të lartë qytetare, profesionalizëm, guxim, kurajo dhe ndershmëri të jashtëzakonshme”,-deklaroi ai.

“Absolutisht është një prokuror i pastër”,-nënvizoi Haklaj.