Author: admin

Aksident i rëndë në Pajovë të Elbasanit.

Ngjarja ndodhi rreth orë 07.25 në aksin e rrugës kombëtare Peqin-Elbasan. Aksidenti masiv sipas burimeve jo zyrtare ka ndodhur në Pajovë ku të paktën katër automjete, nga të cilët tre furgonë dhe një trajler janë përplasur me njëri-tjetrin. Lajmi konfirmohet për BalkanWeb nga gazetari Fatmir Popja.

Nuk janë të qarta rrethanat e aksidentit, por automjetet e përshirë në këtë aksident janë dëmtuar pjesërisht dhe dy persona kanë mbetur të plagosur. Ndërkohë edhe qarkullimi në këtë aks për shkak të aksidentit është bllokuar.
(BalkanWeb)

Dashi

Nëse nuk doni të bëni një ndryshim shumë drastik në stilin tuaj aktual të jetës, tregohuni më të sigurtë në pozicionimin tuaj. Në dashuri do të ndiheni të vënë në provë nga xhelozia e partnerit/es tuaj.

Demi

Mund të keni një takim të papritur me një person që do ju ngrejë moralin, sidomos nëse gjatë javëve të fundit jeni ndjerë të lënë pas dore, sa i takon anës sentimentale. Kjo ditë do të jetë mjaft e favorshme për të nisur një aventurë profesionale.

Binjakët

Duhet të përballoni një ditë e cila do ju gjejë më të lodhur dhe më nervoz se zakonisht, ndoshta për shkak të një personi që do të vërë në provë të fortë durimin tuaj. Mos u tregoni shumë kontradiktorë, por mundohuni të bëni vetëm detyrat tuaja.

Gaforrja

Parashikohet një periudhë interesante, e mbushur me takime dhe sukses profesional. Gjithsesi ankthi dhe nxitimi do të jenë armiqtë tuaj kryesor. Në dashuri do të jeni më harmonik, por duhet të mundoheni të jeni më shumë pjesëmarrës në çështjet që kanë të bëjnë me familjen.

Luani

Kjo ditë ju fton që të kaloni më shumë kohë me familjen tuaj. Doni të ndiheni të dëgjuar në vendin tuaj të punës, kështu që mundohuni që të jeni më autoritar dhe të vendosur.

Virgjëresha

Kjo ditë do iu gjejë protagonistë sa i takon një takimi intrigues që do të zgjojë sensualitetin tuaj. Në vendin tuaj të punës duhet të jeni më të kujdesshëm me organizimin e një eventi të rëndësishëm që ka të bëjë me një projekt të ri.

Peshorja

Jini të ndershëm me veten tuaj dhe mos vijoni me një projekt tek i cili nuk besoni, pasi në të kundërt do të ishte humbje kohe. Tregohuni të gatshëm të bëni për vete një person që e keni përzemër prej kohësh.

Akrepi

Ka disa objektiva të cilat ia keni vendosur vetes tuaj këtë periudhë, kështu që përqendrohuni sa më shumë dhe mos u hutoni nga ankthet e të tjerëve. Në dashuri, ky është momenti më i mirë për të nisur një histori të re.

Shigjetari

Përqendrojini mirë të gjitha energjitë tuaja, në mënyrë që të mos shkojnë dëm. Në dashuri do të keni mundësi të mira për të bërë një propozim të rëndësishëm ndaj një personi që pëlqeni.

Bricjapi

Kjo javë do të rezultojë shumë e suksesshme sa i takon aftësive tuaja drejtuese, sidomos nëse jeni në kërkim të stimujve të rinj për karrierën tuaj. Favorizohen takimet, ndaj mos jini të ndrojtur.

Ujori

Mundohuni të jeni të fortë dhe mos të bini pre e instinkteve, pasi do të jeni shumë intensiv dhe do të humbini kontrollin e veprimeve tuaja. Për të shmangur situatat e sikletshme, mundohuni që të ruani një profil të ulët, sidomos në dashuri.

Peshqit

Kjo ditë do të jetë mjaft interesante për të studiuar strategji të reja, të cilat mund të parandalojnë vonesa të mundshme në vendin e punës, sidomos nëse jeni në prag të nisjes së një projekti të ri. Kjo ditë do të jetë shumë e kënaqshme, ndaj mundohuni të jeni më kurajoz sa i takon investimeve.

Forca të forta policore kanë shkuar me urgjencë në një spital në Aachen, Gjermani, ku një grua e armatosur thuhet se mban rreth 15 pengje. Sipas informacioneve, gruaja është 65 vjeç.

Bild raporton se ajo u shtrua në spital pak para orës 17:00 të së hënës, 4 mars.

https://twitter.com/i/status/1764747923558904249

Shumë shpejt stafi pa tym, sepse gruaja ndezi fishekzjarrë dhe u përpoq të digjte një person.

Gruaja thuhet se është e mbyllur në një dhomë pacientësh. Policia nuk e di se kë kërcënon 65-vjeçarja. Deri tani nuk raportohet për të lënduar.

Spitali ka 378 shtretër dhe punëson rreth 1600 njerëz./albeu.com

🚨#BREAKING: Around 10-20 hostages at the Luisenhospital in Aachen, #Germany; Armed police on the scene. pic.twitter.com/czIVwFwDel

— World Source News 24/7 (@Worldsource24) March 4, 2024

U inaugurua sot në Kuçovë baza e NATO-s ku krahas fjalimeve pati edhe spektakël të avionëve si edhe helikopterëve e dronëve që do të jenë në shërbimin e Shqipërisë.

Të pranishëm ishin drejtues të lartë të vendit, ndërsa gjatë ceremonisë u vërejt edhe një afrimitet i Kryeministrit Edi Rama me një person që qendronte pranë dronëve “Bayraktar”.

Mësohet se personi, me të cilin Rama u fotografua dhe më pas përqafua, është Haluk Bayraktar, CEO i kompanisë turke “Baykar” që prodhon dronët që ka marrë në përdorim Shqipëria.

Haluk Bayraktar duket se ka udhëtuar vetë sot për të bërë dorëzimet. Me të është parë të takohet edhe Bledi Çuçi, ish-ministri i Brendshëm i cili gjatë kohës kur ushtronte këtë detyrë udhëtoi në Ankara për të parë nga afër dronët inteligjentë teksa qeveria shqiptare po negocionte termat e kontratës me Turqinë.

Ai është vëllai i Selçuk Bayraktar, i cili është martuar me vajzën e Presidentit Erdogan, Summeye.

Selçuk Bayraktar konsiderohet si truri i teknologjisë së dronëve në Turqi, i cili pas studimeve në Amerikë u kthye dhe nisi provat për prodhimin e tyre më shumë se një dekadë më parë. Selçuku është tani në Parlamentin e Turqisë dhe ka statusin e dhëndrit të Presidentit Erdogan, ndërkohë që përfaqësimin e kompanisë ia ka lënë vëllait të tij, Halukut.

Kristjan Asllani e ka kaluar Interin në epërsi në duelin me Genoan që po zhvillohet në kuadër të javës së 27-të në Serie A.

Ndeshja nisi me dominim nga Nerazzurët, me çka edhe u shënua goli i epërsisë.

Ishte minuta e 31-të e takimit kur Asllani pranoi një asistim nga Alexis Sanchez për rezultatin 1-0.

Ky ishte goli i parë i reprezentuesit të Shqipërisë deri më tani në këtë sezon, ndërsa ka edhe dy asistime.

Interi aktualisht po fiton 2-0 ndaj Genoas, ndërsa Sanchez (37′) shënoi nga penalltia.

ASLLANI’S FIRST GOAL FOR INTER!

https://t.co/luVAUW3CZV

— F.C. InterData (@Fcinterdata) March 4, 2024

Ortekë, përmbytje dhe rrëshqitje dheu në këto dy vende, humb jetën një 16-vjeçar në Itali

Moti ekstrem ka sjellë ortekë, stuhi, erëra të forta dhe rrëshqitje dheu në Itali dhe Francë.

Një 16-vjeçar ka humbur jetën pasi u godit nga një ortek ndërsa po bënte ski në një vendpushim dimëror në rajonin e Tirolit në jug të shtetit fqinj.

Rreziku i ortekëve në zonë sipas asaj që shkruajnë mediat e huaja vijon të jetë ende prezent.

Stuhitë dhe erërat me shpejtësi më të madhe se 100 km/h shkaktuan rrëshqitje dheu në rajonin e Ligurias në bregun veriperëndimor të Italisë. Pati përmbytje në Piemonte dhe stuhi në të gjithë rajonet jugore të Italisë dhe në Sardenjë.

Më shumë se 6,000 njerëz që jetojnë në tre fshatra në qytetin italian të Aostës pranë kufirit francez, janë izoluar që nga e diela si pasojë e ortekëve. Si pasojë e motit të keq janë mbyllur shkollat në disa komuna.

Dëbora e madhe në fundjavë ndërpreu hyrjen në disa resorte në juglindje të Francës, ku pati reshje dëbore prej 50 cm brenda disa orësh gjatë natës.

Xhensila Myrtezaj është një personazhet më të komentuara të momentit nga mediat rozë, teksa përflitet se ajo është në proces divorci me aktorin Bes Kallaku.

Çifti nuk ndjekin më njëri-tjetrin në rrjetet sociale dhe kanë fshirë fotot e tyre që kanë patur së bashku.

Por duket se Xhensila ka vendosur që në një moment të vështirë për të, mos ta lë pas as karrierën. Ajo qenë e ftuar në disa koncerte dhe së shpejti pritet që të nxjerrë disa projekte muzikore.

https://vm.tiktok.com/ZMMYNsAf4/

E ftuar në një koncert, këngëtarja është shfaqur në superformë, teksa ka zbuluar se shpejti do të publikojë këngën e saj me një nga reperin Noizy.

“Kam një surprizë vetëm për ju. Është një këngë që do vi me këtë këngëtarin që do lançoj tani”, tha Xhensila dhe në sfond u vendos bashkëpunimi i saj i mëparshëm me Noizy.

https://www.tiktok.com/embed/v2/7342067484062944545?lang=sq-AL&referrer=https%3A%2F%2Fshqiperia-ime.com%2Fxhensila-myrtezaj-ne-super-forme-video-teksa-kercen-ne-skene-po-cmend-rrjetin%2F

Një pasdite e tensionuar ka qenë ditën e djeshme mes Françeskës dhe Sarës, për shkak të një veprimi që kjo e fundit bëri.

Gjithçka nisi pasi Sara i mbylli derën e tualetit Françeskës, gjatë kohës që ajo ishte brenda.

Më pas ajo ka tentuar të dalë dhe në një moment Sara e ka shtyrë, por edhe Françeska ka vepruar në të njëjtën mënyrë.

Për këtë Françeska foli përsëri ditën e sotme dhe ka treguar një pjesë nga adoleshenca e saj, ku e kanë bullizuar dhe mbyllur në tualet, e ngjarja e djeshme ia ka rikujtuar këtë gjë.

Mes fëmijëve dhe gruas, kush e qëlloi me tre plumba Pëllumb Metën? Ka të bëjë fakti që familja ka të trashëguar ftohtësinë e vrasjeve? Janë fëmijët të ushqyer me urrejtje për babain e tyre, apo Blerina është e mësuar me vrasjet, siç tregojnë edhe njerëzit që në këtë fis kanë qenë makabër?

Tashmë një pistë e fortë ku po hetohet është ajo e konflikteve pasurore për tokën, ku personazh kyç është djali i madh i Pëllumbit, Hyseni. Viktima kishte rreth 12 dynymë tokë dhe gjatë kontrolleve në banesë policia nuk i ka gjetur dokumentet e kësaj sipërfaqeje.

Letrat e tokës i mbante djali i madh, që i ka thënë motrës të pranojë krimin pasi me lekët e tokës që do të shiste do ta nxirrte nga burgu. Në murin e kasolles ku fëmijët varrosën të atin, shkruhet “Eni milioneri, 1 milionë dollar”. Djalin e madh të Pëllumbit Hysenin e thërrisnin shkurt Eni.

Hetuesit po hetojnë edhe një lidhje të dyshuar jashtëmartesore të viktimës prej vitesh, ku dyshohet se në dijeni ishin gruaja e Pëllumbit dhe fëmijët. Metri i tokës sipas vëllait të të ndjerit kushton deri në 50 euro, ku në total tokat e Pëllumbit vlenin deri në 500 mijë euro. Hetimet vijojnë ende.

Një person është plagosur si pasojë e gjujatjeve me armë zjarri në rrugën “Bedri Shala” në Prishtinë.

Lajmin për Arbresh.info e ka konfirmuar zëdhënësja e policisë për rajonin e Prishtinës, Flora Ahmeti.

Ahmeti bëri të ditur se policia ka dalë në vendin e ngjarjes dhe ka ndërmarrë veprimet e nevojshme për hetimin e ngjarjes.

“Rreth orës 10:00, policia ka marrë informatën për të shtëna me armë në rrugën “Bedri Shala” në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në informacionet e para raportohet për një person të lënduar, i cili dyshohet të ketë marrë lëndime nga arma e zjarrit. Hetuesit policor në koordinim me prokurorinë, ndërmarrin veprimet hetimore për ndriçimin e plotë të rastit”, tha Ahmeti./Arbresh.info/