Author: admin

Mbrëmjen e 30 marsit 2015, Tepelena u trondit nga një sulm që do të linte shenja të thella tek familja e Elton Çicës.

Në banesën e prindërve të tij, Naim e Antoneta Çiça, hynë me dhunë katër persona të maskuar. Ata lidhën dhe qëlluan dy të moshuarit, duke i kërkuar me tone kërcënuese paratë që supozohej të kishin në shtëpi.

“…Kam qenë në banesën time, kur pasi bëra gati ushqimin për djalin, i cili nuk kishte ardhur akoma në shtëpi, u ngjita në katin e dytë për të bërë gati krevatin e djalit. Zbrita poshtë dhe derën e lashë të hapur, kur në moment dëgjova hapa që ngjiteshin në katin e dytë dhe unë hapa derën, pasi mendova se ishte djali im, por në këtë kohë kam parë tre veta, të cilët ishin të maskuar dhe me doreza në dorë…”

Pavarësisht se autorët hynë në banesë për grabitjen e shumave të mëdha parash, në dëshminë e tij përpara autoriteteve Naim Çiça ka thënë se i kanë vjedhur vetëm 5 mijë euro

Në përfundim të deklarimit të tij, Naimi shpjegon se nga shtëpia u kanë vjedhur një shumë prej 5000 mijë euro dhe dy ora të shtrenjta të cilat ishin të djalit.

Ngjarja ndodhi kur Elton Çiça ishte ende gjallë. Në fakt, ai episod nuk u lidh me konfliktin me Jani Aliajn, por krimi solli të tjera degëzime ngjarjesh kriminale, që janë ende të pazbardhura nga autoritetet.

“Kjo nuk e përjashton faktin që edhe këto konflikte që kanë qenë në zonën e Tepelenës të jenë transferuar në grupe të tjera kriminale, që kanë pasur lidhje, dhe kanë shfrytëzuar informacionet që kanë pasur njëra me tjetrën për të bërë këto konflikte siç ishte edhe rasti i grabitjes së banesës Elton Çiços”, u shpreh Indrit Sefa, avokat.

Në dosjen e grabitjes së prindërve të Çiçës, del në skenë dhe një emër i njohur i botës së krimit, ai i Ervis Martinajt. Ky i fundit, rezulton një nga pronarët e makinës që autorët e grabitjes përdorën për grabitjen në banesën e prindërve të Elton Çiçës…

Nga hetimet u zbulua se grabitësit kishin planifikuar çdo detaj, duke përdorur makina të ndryshme dhe llogari të fshehta pronësie. Automjeti i përdorur, një AUDI S3 me targa italiane CD 368 PT, kishte kaluar nëpër zinxhir pronësie nga Sokol Jella tek Ervis Martinaj dhe më pas tek Robert Rama. Këta personazhe të botës së krimit, kishin informacione se në atë kohë, bosi nga Tepelena konsiderohej si një prej personazheve me shumat më të mëdha të parave të pista cash.

Në deklarimet e tij gjatë hetimeve, në datën 30.04.2015, shtetasi Ervis Martinaj ka shpjeguar se me shtetasin Bledar Llozhi kishte një llogari pa mbyllur, për një shumë prej 10000 (dhjetë mijë) euro në lidhje me disa furnizime inertesh që Ervis Martinaj i kishte blerë Bledarit për pikën e betonit. Në pamundësi të likuidimit të kësaj shume nga ana e Bledarit, ranë dakord që të merrte makinën tip AUDI A3 S3, të cilin ia ka shitur shtetasit Robert Rama. Sipas deklarimit të tij, shtetasi Robert Rama bënte punime alumini dhe kanë rënë dakord që të bënte punime tek një objekt i tij në vlerën e makinës prej 10000 euro.

“U fol në rrugë policore në atë kohë por edhe në disa veprime hetimore që u bënë nga policia që ngjarja kishte të bënte me një grabitje, të disa personave që kishin dërruar dyer dhe dritare në shtëpinë e Elton Çiçës, dhe ato kishin çelësat e dyerve, për shkak se kishin informacion se në shtëpinë e prindërve të tij kishte shuma të konsiderueshme parash”, u shpreh gazetari, Xhevahir Zhabina.

“Në lidhje me këtë ngjarje Jani Aliaj nuk ka pasur asnjë lidhje, është përjashtuar kategorikisht, që kjo të jetë arsye për pasojën e ardhur. Pra personat që u përfshinë në banesën e prindërve të Elton Çiços janë identifikuar menjëherë nga policia, pati edhe të arrestuar, edhe një pjesë e tyre pastaj u vranë u plagosën pati edhe ato një histori më vete”, u shpreh avokati, Gjergj Nikolli.

Ekspertimi daktiloskopik zbuloi gjithashtu në një paketë cigaresh gjurmët e gishtave të Erigers Mihasit.

Megjithatë kjo provë duket se nuk bindi prokurorin e çështjes, i cili 6 muaj pas arrestimit, në korrik të vitit 2019, kërkoi lirimin e Mihasit nga qelia, kërkesë që u pranua nga Gjykata.

Megjithëse u lirua nga qelia, hetimet për Mihasin vijuan në gjendje të lirë. Dosja u pushua pasi ky i fundit u ekzekutua nëntorin e vitit 2021 në zonën e “Astirit”, në Tiranë.

“Është zbardhur edhe e vërteta e grabitjes së familjes së Elton Çiçës, ka rezultuar se nuk kanë pasur lidhje grupi i Jani Aliajt me grabitjen e ndodhur kanë qenë personazhe të tjerë. Por, kjo nuk e përjashton faktin që mund të kenë qenë këta të fundit që mund të kenë çuar informacione”, u shpreh avokati, Indrit Sefa./Top Channel

një ditë pas 28-vjetorit të Top Albania Radio-s u rikthye BBV Live nga shtëpia, me protagonistë banorët e “BBV5”. Personazhet më të komentuar të momentit vijnë me një program të mirëfilltë radiofonik nga shtëpia më e famshme në Shqipëri, aty ku Top Albania Radio ka ngritur studio radiofonike. Alesio i ftuari i parë i Stenaldos dhe Shëndritit tha se:

Në jetën time kam 3 drita, tre kalamaj dhe nëna e tyre është një grua shumë e fortë, edhe pse nuk jemi bashkë e respektoj. Kam një dashuri shumë të madhe, kur dashuroj jap gjithçka, edhe për shoqërinë, kështu e kam zemrën.

Stenaldo:

Kur zgjohesh, si ndihesh që nuk sheh fëmijët?

Alesio:

Unë kam patur jetë të shthurur. Nuk më ndikon kjo në përditshmëri. Por jam pranë tyre sa më shumë që mundem, jo vetëm ekonomikisht. Nuk jam baba si të tjerët, fëmijët e dinë. Goca më thotë je “cool”.

Shëndrit:

Ke një portret femre me vete…

Alesio:
E kam, por lidhet me të kaluarën, jo me të ardhmen. Ajo s’ka lindur akoma. Unë shijoj momentin.

Nga Tirana, ku mori pjesë në Ministerialit për Korridorin VIII, ministri i Jashtëm italian Antonio Tajani theksoi se po punojnë fort për të bërë pjesë të BE-së edhe vendet e Ballkanit Perëndimor.

Në një deklaratë të përbashkët me ministrjen e Jashtme Elisa Spiropali dhe ministrat e vendeve të tjera që ishin të pranishëm, Tajani theksoi se Ballkani është i rëndësishëm për stabilitetin, paqen dhe për një Evropë sa më të fortë dhe të qëndrueshme.

Ai theksoi se duhet të bëjnë hapa të mëtejshëm konkretë për zbatimin e punës së Korridorit VIII, që e cilësoi me rëndësi strategjike.

“Ne kemi miratuar këtë deklaratë të përbashkët sepse duhet të hapim rrugën për hapat e mëtejshëm të bashkëpunimit ndërmjet vendeve për zbatimin e punës në këtë korridor, se Korridori VIII është një nga aspektet më të rëndësishme evropiane. Duhet të punojnë në këtë drejtim për rëndësinë strategjike që ka ky projekt. Kjo është thelbësorë për transportin rrugor, hekurudhor por edhe për mbrojtjen evropiane dhe të NATO-s.

Për këto arsye duhet përshpejtuar ky proces, thelbësore edhe për zgjerimin e BE. Po punojmë fort dhe për anëtarësimin e plotë të vendeve të Ballkanit Perëndimor dhe Korridori VIII është pjesë e një rëndësie të madhe dhe strategjike për Italinë. Për këtë arsye, Ballkani Perëndimor është i rëndësishëm për ne, stabilitetin, paqen dhe rritjen ekonomike dhe për të pasur një Evropë sa më të fortë më shumë se kurrë më parë”, u shpreh Tajani.

Detaje të reja kanë dalë në dritë nga vrasja e shqiptaro-ekuadorianit Artur Tushi, i cili u qëllua 11 herë jashtë qendrës tregtare Santafé në Medellín. Hetuesit kanë identifikuar autorët e sulmit, të cilët dyshohet të jenë pjesë e grupit kriminal “La Oficina Premium”, që synon persona të huaj me status të lartë në Medellín dhe qytete të tjera të Kolumbisë. Vrasja e Tushit dyshohet të ketë lidhje me trafikun e qenieve njerëzore dhe narkotikëve, ku përfshihen bandat shqiptare, ekuadoriane dhe kolumbiane.

Ky rast është pjesë e një serie katër vrasjesh të të huajve në Medellín gjatë viteve të fundit, përfshirë një meksikan, një amerikan dhe dy kanadezë. Viktimat, përveç Tushit, janë Horacio Pérez Ledezma, tregtar meksikan, dhe kanadezët Jonathan Christopher Acevedo García dhe Jesse Marcel Arrigo, të cilët u qëlluan në zona të ndryshme të qytetit. Autoritetet njoftojnë se viktimat amerikane nuk janë bërë publike.

Hetimet kanë zbuluar se grupi operon ndërkombëtarisht, duke përdorur linja telefonike ndërkombëtare, dokumente dhe rrjete financiare për të fshehur aktivitetin e tyre, përfshirë pagesa në parajsa fiskale dhe kriptovaluta. Nëntë të ndaluarit janë nën hetime për vrasje, trafikun e armëve dhe aktivitete të tjera kriminale, ndërsa autoritetet vazhdojnë punën për të zbardhur lidhjet ndërkombëtare dhe implikimet penale të strukturës së “La Oficina Premium”.

Prokuroria e Posaçme kundër Korrupsionit dhe Krimit të Organizuar (SPAK) ka ndërmarrë veprime hetimore në kuadër të një procedure që lidhet me koncesionet dhe tenderat në sektorin e shëndetësisë.

Agjentët e Byroja Kombëtare e Hetimit kanë ushtruar kontrolle në ambientet e Spitalit Amerikan dhe në kompaninë farmaceutike “Evita SHPK”, ku janë sekuestruar pajisje elektronike dhe dokumentacion që pritet t’i nënshtrohet ekspertimit.

Ndër sendet e sekuestruara është edhe telefoni personal i drejtuesit të Spitalit Amerikan, Klodian Allajbeu.

Sipas burimeve zyrtare, Allajbeu i është drejtuar Gjykata e Posaçme kundër Korrupsionit dhe Krimit të Organizuar (GJKKO), duke kërkuar kthimin e celularit dhe të sendeve të tjera të sekuestruara, me pretendimin se masa është e pabazuar në ligj.

Po ashtu, edhe tetë persona të tjerë kanë paraqitur kërkesa në GJKKO për rikthimin e sendeve të sekuestruara gjatë kontrolleve.

Tenderi 750 milionë lekë dhe koncesioni i dializës

Burime pranë hetimit bëjnë me dije se vëmendja është përqendruar te procedurat e prokurimit ku dyshohet për favorizime, përfshirë një tender me vlerë rreth 750 milionë lekë për pajisje kardiokirurgjie.

Sipas të njëjtave burime, në garë ka pasur edhe një ofertë më të ulët, por fitues është shpallur një operator tjetër pas skualifikimit të konkurrentit.

Në fokus të verifikimeve mbetet edhe koncesioni i dializës me vlerë rreth 120 milionë euro, si dhe procedura të tjera që lidhen me shërbime shëndetësore të specializuara.

Dyshime për konflikt interesi, ministrja Sala ‘doreleshuar’ dhe ‘xhepmbushur’

Në kuadër të verifikimeve, po shqyrtohen edhe marrëdhëniet mes përfaqësuesve të biznesit dhe zyrtarëve të lartë shtetërorë.

Ministrja Evis Sala përmendet në dokumentacion si pjesë e një situate që po analizohet për konflikt të mundshëm interesi.

Sipas të dhënave të raportuara, ajo rezulton të mbajë postin e Rektorit në Western Balkans University, institucion privat në pronësi të Klodian Allajbeut, ndërkohë që ministria që ajo drejton ka pasur vendimmarrje që lidhen me kontrata apo pagesa ndaj kompanisë “Evita SHPK”.

Raportohet se ministrja paguhet me një shumë mujore prej rreth 15 mijë eurosh nga ky institucion privat.

Favorizimet nuk ndalen këtu, pasi përveç zgjatjes së kontratës së dializës me pesë vite të tjera, Spitalit Amerikan i është garantuar edhe monopoli i operacioneve të trombozës për vitin 2026, duke i siguruar një fitim të pastër prej 10 milionë eurosh në vit.

SPAK ka tashmë në administrim dokumente dhe komunikime elektronike të sekuestruara gjatë kontrolleve.

Hetimet janë në vijim për të sqaruar nëse kemi të bëjmë me shkelje administrative apo elementë të veprave penale në dëm të buxhetit të shtetit./Politiko

Nga Paolo FOX
DASHI

Do të jeni plot vitalitet dhe gati për t’u përballur me çdo sfidë. Yjet rekomandojnë ta drejtoni këtë energji të jashtëzakonshme në mënyrë produktive dhe të shmangni reagimet impulsive, veçanërisht në marrëdhëniet ku partneri juaj mund të jetë pak nervoz ose i irrituar për shkakun tuaj. Në punë, do t’ju ​​duhet të jepni gjithçka, pa lënë pas dore detajet.

DEMI

Do të keni shumë hapësirë ​​për veprim në këto 24 orë. Në përgjithësi, keni një qiell të fortë që do t’ju shpërblejë deri në qershor me mundësitë më të mira për t’u rikthyer në lojë! Dashuria gjithashtu mund të marrë përsëri në qendër të vëmendjes falë një Venusi dashamirës. Në fund të fundit, nuk ka qenë e lehtë të ecësh përpara në muajt e fundit, veçanërisht gjatë një nëntori shumë të paqëndrueshëm ose në fund të janarit, kur ju është dashur të përballeni me “rëndesën klasike pas fitores” (të fillosh nga e para mund të jetë e vështirë për të gjithë). Qëndroni të fortë dhe u besoni yjeve!

BINJAKËT

Kini kujdes, duke pasur parasysh yjet disi të veçantë! Disa prej jush janë përballur me provokime, veçanërisht në dashuri, ose kanë përjetuar momente të vështira në marrëdhënie; do të duhet vullnet i madh për të dalë nga kjo periudhë e errët, por mos u shqetësoni, nuk është e pakapërcyeshme. Mund të lindin kohë si këto, kur pak gjëra duket se shkojnë mirë, por ju jeni ndër shenjat më të afta në përballimin e vështirësive dhe në rifillimin me shumë energji. Sidoqoftë, kjo është një ditë disi e qetë fizikisht, por mund të ktheheni në rrugën e duhur të premten!

GAFORRJA

Je shumë i frymëzuar tani, me idetë e duhura për atë që duhet të bësh dhe një dëshirë të fortë për t’u angazhuar në biseda, për të takuar njerëz të këndshëm dhe (në përgjithësi) për të filluar lëvizjen! Me këtë qiell të bukur, të qëndrosh në vend është absolutisht e ndaluar. Një mundësi e mrekullueshme, frymëzim interesant ose përgjigjja që ke pritur mund të mbërrijë deri të premten… shumë do të varet nga qasja jote ndaj gjërave të reja dhe shfrytëzimi i mundësive. Në dashuri, zemra jote është e hapur për marrëdhënie të reja, duke e bërë këtë një kohë të shkëlqyer për ata që janë të ndarë ose ata që kërkojnë emocione intensive!

LUANI

Harrojeni të kaluarën dhe mendoni për të ardhmen, veçanërisht pasi duhet kohë për të planifikuar projekte të rëndësishme. Pjesa më e mirë do të vijë në korrik. Është e vërtetë që ende duket shumë larg, por muajt kalojnë shpejt… mendoni për atë që duhet të bëni midis marsit dhe qershorit, sepse këto do të jenë muaj ndërtimi që do t’ju çojnë në një moment shumë interesant dhe të kënaqshëm veror! Nëse keni sfida të vazhdueshme, ose keni “të drejtë” për një ndeshje rikthimi, dijeni se tani mund ta dilni në fushë dhe ndoshta edhe të fitoni…

VIRGJËRESHA

Një ditë që kërkon kujdes, veçanërisht nëse keni qenë pak nervoz gjatë dy ditëve të fundit. Megjithatë, më e keqja ka kaluar; Saturni nuk është më kundër jush dhe ju padyshim që ndiheni më mirë. Më parë, i kishit përballuar disa ngjarje me vështirësi, veçanërisht ndërprerjet që lidhen me punën, por tani jeni më fatalistë dhe të kujdesshëm për atë që duhet të bëni. Dashuria është e mbuluar dhe e mbuluar nga një Venus që kërkon vëmendje të madhe ndaj detajeve; veçanërisht ata në marrëdhënie me kohë të pjesshme (ose që janë të pakënaqur me statusin e tyre në marrëdhënie) mund të përjetojnë momente melankolie.

PESHORJA

Një qiell shumë aktiv, veçanërisht për krijuesit dhe artistët që duhet të paraqesin një projekt (ose të marrin një vendim) midis fundit të shkurtit dhe fillimit të marsit: angazhohuni sepse momenti vendimtar po afron. Ndërsa yjet me siguri do t’ju japin forcë, gjithçka do të varet nga qëndrimi dhe përgatitja juaj. Ekziston një dëshirë e fortë për të qenë pranë të tjerëve, për të qenë aktivë dhe proaktivë, por në të njëjtën kohë, ekziston edhe një nxitje e fortë për të bërë disa kërkime shpirtërore, veçanërisht nëse disa gjëra nuk po funksionojnë ose ndiheni paksa të mangët në motivim.

AKREPI

Nuk ndiheni mirë fizikisht dhe po i kaloni disa probleme që lindën në janar. Megjithatë, tani po hyni në një periudhë çlirimi falë Hënës së favorshme, Diellit aktiv dhe dyshes Venus-Merkur në një aspekt të fortë! Ata me takime të rëndësishme në këto 24 orë do të shpërblehen. Gjithashtu nuk do të mungojnë ëndrrat paralajmëruese të lidhura me dhuratën tuaj pothuajse të botës tjetër (ose të paktën me pikëpamjen tuaj për spiritualitetin), dhe do të ndiheni sikur po merrni frymëzime “nga një dimension tjetër”.

SHIGJETARI

Jini të kujdesshëm, të paktën për një ditë tjetër, veçanërisht nëse keni pasur konflikte deri dje. Është gjithashtu e vërtetë që nuk keni pse të merreni me situata kaq të rënda; ndoshta jeni ju ai që jeni nën shumë presion dhe përjetoni ndjenja të pazakonta. Kjo mbetet një kohë e rëndësishme për të qëndruar larg provokimeve, si në punë ashtu edhe në dashuri. Mund të jeni të shqetësuar për dikë, por mos u dorëzoni ndaj impulsivitetit. Duke filluar nga e premtja, qielli do të jetë më i qartë dhe më pak i trazuar.

BRICJAPI

Mos e fshihni atë që ndjeni; flisni hapur dhe shprehni ndjenjat tuaja! Kur nuk e bëni, kjo ndodh sepse doni të shmangni debatet dhe polemikat, por mbani mend se shfryrja është gjithmonë e dobishme. Venusi aktiv dhe një Merkur plot me njohuri tregojnë se po i afroheni një pike kthese, ose të paktën jeni shumë me fat në punë. Më e mira do të vijë në verë, por midis marsit dhe majit, do të përjetoni një revolucion me ndryshime të mëdha! Ndërkohë, tranziti i Saturnit hedh dritë mbi çështjet që lidhen me shtëpinë ose besueshmërinë e partnerëve të caktuar; do t’ju duhet të kuptoni se kush është në anën tuaj dhe kush jo…

UJORI

Intuita ia vlen shumë floririt tani, dhe të kesh Hënën në favorin tënd tani nuk është një gjë e vogël! Po i jep përparësi punës, dhe madje edhe ndjenjat po trajtohen në mënyrë racionale: nuk beson në moton “dy zemra dhe një kasolle”, sepse e di që martesa (për shembull) kërkon stabilitet pune dhe siguri financiare. Sidoqoftë, jepini më shumë hapësirë ​​nevojave tuaja. Po shkoni drejt një fundjave potencialisht plot surpriza; mos u thoni “jo” ftesave apo situatave argëtuese dhe çliruese!

PESHQIT

Një ditë aktive me ëndrra të mundshme paralajmëruese. Një përqendrim i fortë planetësh ju jep dritën jeshile: zgjedhje, frymëzime, biseda vendimtare… është koha për të ndërmarrë veprime dhe për të arritur diçka! Kjo ditë e mbarë mund t’u sjellë dobi edhe atyre që janë në dashuri të thellë, çifteve që kanë kohë që punojnë mirë, madje edhe atyre që kërkojnë të ndryshojnë partnerë. Ata që kanë kohë që janë bashkë, në një marrëdhënie joformale, mund të marrin në konsideratë të bëjnë hapin e madh dhe të përqafojnë martesën!

Vëllai i deputetes së PD Elda Hoti është arrestuar në Romë. Markelian Hoti u kap në zonën Ponte di Nona, në periferinë lindore të kryeqytetit italian, ku ishte fshehur në një hotel bashkë me të dashurën.

Ai ishte shpallur në kërkim pasi akuzohet se kishte rol kyç në një organizatë që trafikonte kokainë nga Amerika e Jugut drejt Europës. Markelian Hoti është arrestuar dhe në prill të vitit 202 nga policia shqiptarepër kanosje me armë zjarri dhe armëmbajtje pa leje. Hoti ishte denoncuar për tentativë vrasje. Por, pas arrestimit u lirua shumë shpejt.

Përveç vëllait, edhe bashkëshorti i deputetes demokrate është një emër i njohur në botën e krimit. Ladi Ndoja nga Rrësheni, bashkëshorti i Elda Hoti, u arrestua në vitin 2016 në flagrancë në Venecia të Italisë, pasi e kishte kthyer shtëpinë në bazë droge.

Policia i gjeti në banesë 50 kg marijuanë dhe 24 karta identiteti të vjedhura. Zonja Hoti ka bërë më pas një ndarje të dyshuar fiktive nga Ladi Ndoja, ndoshta me qëllim që kjo ‘njollë’ të mos prekë karrierën e saj politike, bën me dije Report TV.

Ndërsa në zgjedhjet parlamentare të 2025, i shoqi i deputetes u arrestua bashkë me një person tjetër pasi ndaluan një mjet me të cilin po lëvizte Drejtorit të Arsimit në Mirditë, Renuar Kola, duke pretenduar se po blinte vota për Partinë Socialiste.

Pavarësisht se ndaluan zyrtarin me pretendimin se po blinte vota, policia tha se vetë burrit të deputetes dhe mbështetësit tjetër të PD iu gjetën lista me të dhëna votuesish.

Ndërkaq, në vitin 2021, Llesh Nikolli iu drejtuar KQZ-së me ankesë, duke akuzuar deputeten Elda Hoti se ka fshehur ndryshimin e emrit të babai të saj nga David në Artan Hoti, për shkak të të shkuarës së tij kriminale. Deputetja Hoti i mohoi akuza.

Autoritetet greke kanë arrestuar kryegardianin e Burgut të Domokos në Greqi, pasi akuzohet për bashkëpunim në vrasjen e një 43-vjeçari grek të dënuar me burgim të përjetshëm brenda qelive, nga një tjetër i dënuar bullgar, po i dënuar përjetë.

Sipas informacioneve, hetuesi nuk ishte i bindur nga skenari se bullgari “shpëtoi” oficerin e burgut. Ndaj dyshohet se vrasja është bërë për vetëmbrojtje. Kryegardiani i arrestuar është njëkohësisht baxhanaku i një shqiptari të dënuar për krime të rënda. Ai rezulton i arratisur nga ky burg, pasi përfitoi një leje në rrethana të dyshimta, po me ndihmën e rojës së ndaluar.

Mediat greke, shkruajnë se ka dyshime se në këtë ngjarje është përfshirë edhe një shqiptarin tjetër. Ai është Alket Rizai. Këto dyshime vijnë, pasi ai ka qenë shumë pranë skenës së krimit të ekzekutimit me 2 plumba të grekut në burg.

Boshllëqet në narrativën e “shpëtimit”

Që në momentin e parë, skenari i mbështetur nga gardiani i burgut të Domokos dhe i dënuari bullgar me burgim të përjetshëm, që 43-vjeçari grek tentoi të qëllonte burgun, kishte boshllëqe të mëdha. Oficerët që trajtojnë çështjen ngrenë një sërë pyetjesh që, në thelb, e hedhin poshtë këtë narrativë.

Fillimisht nga analiza e videos që ekziston nga brenda burgut (jo në vendin e vrasjes) dhe konkretisht nga korridoret, duket se 43-vjeçari grek del nga qelia e tij, kur më herët është njoftuar se rreshteri po e kërkonte.

Ai del nga qelia i veshur me pantallona të shkurtra dhe bluzë dhe nga lëvizjet e tij duket se nuk ka armë, siç pretendonte rreshteri dhe krimineli bullgar. Kur mbërritën në vendngjarje, sipas asaj që pretendojnë oficeri i burgut dhe bullgari, 43-vjeçari sulmoi të parin me qëllim për ta qëlluar. Pastaj i burgosuri bullgar e çarmatosi, por në vend që ta imobilizonte, ai vendosi ta qëllojë.

Në fakt, ajo nuk e qëllon një herë dhe diku në trup, por tre, me dy plumba që godasin në kokë 43-vjeçarin grek. “Ka indikacione serioze se ky skenar nuk korrespondon me realitetin”, theksojnë oficerët e lartë.

Si hyri arma brenda burgjeve?

Pistoleta, sipas rreshterit dhe autorit bullgar, ishte në posedim të viktimës. Nëse dikush e pranon këtë skenar si të mundur, do të thotë se 43-vjeçari grek kishte arritur të merrte armën dhe ta kalonte përmes sistemeve të sigurisë, sigurisht me pagesë.

Po sikur 43-vjeçari të mos mbante armë, por të dërgohej atje për ta vrarë?

Pastaj kjo do të thotë që një person që hyn dhe del nga burgu e ka sjellë armën në burg, në mënyrë që më pas të ekzekutohet kontrata e vdekjes.

Kryegardiani, baxhanak i shqiptarit të arratisur

Shefi i rojes, rezulton të jetë baxhanaku i një shqiptar të arratisur nga burgu i Domokos. Megjithatë, hetimet e mëtejshme zbulojnë se një tjetër i afërm i tij, në vitet 2000, u arrestua pasi ai ishte pjesëtarë i mafies greke. Punonjësit e policisë që kishin trajtuar rastin në atë kohë raportojnë se ai po i jepte informacion një personi që u vra në Haidar.

Pas divorcit të bujshëm dhe përfundimit të martesës me Xhensila Myrtezajn, Bes Kallaku duket se ka nisur zyrtarisht një kapitull të ri në jetën e tij sentimentale.

Aktori i humorit ka publikuar së fundmi një foto ku shfaqet mjaft i afërt dhe i përqafuar me partneren e tij të re, një imazh që konfirmon se ai nuk ka ndërmend ta mbajë më të fshehtë këtë romancë.

Partnerja e tij quhet Ejona, një emër që tashmë është bërë i njohur për publikun edhe përmes një gjesti domethënës të vetë aktorit.

Bes Kallaku ka gdhendur në trupin e tij një tatuazh dedikuar asaj me shkrimin: “Ejona 25.12.2025 – Trëndafil në kohë lufte”, duke e cilësuar atë si personin që i qëndroi pranë në momentet e vështira.

Gjatë koncerteve të tij të fundit, Besi është shprehur hapur për këtë ndryshim në jetën e tij, duke deklaruar: “Dua të falënderoj Zotin që më në fund më solli afër dikë që më ktheu edhe buzëqeshjen”.

Me këtë foto të re, aktori dëshmon se e shkuara është lënë pas dhe po shijon plotësisht dashurinë e re.

Drejtoria e Policisë Rrugore sqaron:
Monitorim intensiv i qarkullimit, për parandalimin e aksidenteve dhe për evidentimin e automjeteve me masa administrative të palikuiduara.

Gjatë muajve janar dhe shkurt, janë likuiduar mbi 16 000 masa administrative të prapambetura.

Gjithashtu, janë konstatuar dhe ndaluar 623 automjete të shpallura alert nga Policia Rrugore.

Njësia Operacionale për Sigurinë Rrugore në Drejtorinë e Policisë Rrugore, në kuadër të rritjes së parametrave të sigurisë në qarkullim dhe forcimit të zbatimit të ligjit, ka intensifikuar monitorimet dhe kontrollet në akset rrugore dhe në qendrat urbane, duke përdorur, krahas pajisjeve inteligjente shpejtësimatëse, edhe pajisjen Scout.

Nëpërmjet kësaj pajisjeje realizohet monitorimi i vazhdueshëm i qarkullimit, me qëllim evidentimin e automjeteve debitore që qarkullojnë pa likuiduar masat administrative (gjobat), si dhe automjeteve të shpallura alert.

Policia Rrugore apelon për të gjithë drejtuesit e mjeteve që të verifikojnë dhe të likuidojnë detyrimet e papaguara, pasi kontrollet do të vijojnë në të gjithë territorin dhe ndaj shkelësve do të merren masat administrative të parashikuara nga legjislacioni në fuqi.

#Zbatonirregullateqarkullimitrrugor