Author: admin

Vendimi i Gjykatës së Posaçme të Shkallës së Parë, për pezullimin nga detyra dhe ndalimin për të udhëtuar jashtë shtetit të zëvendëskryeministres Belinda Balluku, si dhe të masave të sigurimit “arrest në shtëpi” të caktuar ndaj vartësve të saj, Gentian Gjyli dhe Erald Elezi, analizon gjithë arsyet përse ato ishin të domosdoshme, që nga mundësia se të pandehurit mund të dëmtojnë provat e trembin dëshmitarët, e deri në vijimin e abuzimeve me fondet publike dhe arratisjen e mundshme të tyre.

Në arsyetimin e gjyqtarit Erjon Çela, renditen si shkaqe për caktimin e masës së sigurisë ndaj Ballukut, mundësia se ajo mund të sjellë dëme të tjera në fondet publike, nëse do të vijojë të qëndrojë në detyrat që mban, si ministre dhe zëvendëskryeministre.

Ashtu si prokurori i SPAK, Dritan Prençi, edhe gjyqtari Çela çmon se në rastin konkret plotësohen të gjitha kushtet dhe kriteret e parashikuara në ligj për caktimin e masës së sigurimit personal ndaj Ballukut e dy vartësve të saj.

Që në fillim të arsyetimit të tij për nevojën e masave të sigurimit personal, gjyqtari Çela sjell në vëmendje se e drejta për liri dhe siguri, e parashikuar në nenin 27 të Kushtetutës, është një nga vlerat themelore në një shoqëri demokratike.

Megjithatë, sipas tij, edhe e drejta për liri dhe siguri, si çdo e drejtë tjetër mund të kufizohet për një interes publik ose për mbrojtjen e të drejtave të të tjerëve, në përpjesëtim me gjendjen që e ka diktuar atë.

Çela vëren se një nga rastet kur e drejta e individit për liri dhe siguri mund të kufizohet është kur ka dyshime të arsyeshme se ai ka kryer një vepër penale, parashikuar në shkronjën “c” të paragrafit 2 të nenit 27 të Kushtetutës.

Gjykata vlerëson se, në gjëndjen që janë aktet e procedimit penal në ngarkim të të pandehurve Belinda Balluku, Gentian Gjyli dhe Erald Elezi, ka rrethana që tregojnë se ekziston dyshimi i arsyeshëm i bazuar në prova për kryerjen e veprave “Shkelja e barazisë së pjesëmarrësve në tendera apo ankande publike”, kryer në bashkëpunim në dy procedurat e tenderimit me objekt “Ndërtimi i tunelit të Llogarasë’ dhe ai i “Ndërtimit të Unazës së Jashtme Tiranë, Loti 4”, të financuara me mbi 210 milionë euro nga buxheti i shtetit.

Në vijim, gjykata konstaton se vepra penale “Shkelja e barazisë së pjesëmarrësve në tendera apo në ankande publike” për të cilën akuzohet Balluku, kryhet me veprime aktive të kundërligjshme në format e përzgjedhjes së procedurave të prokurimit, shkeljen e rregullave që pengojnë lirinë e pjesëmarrjes dhe realizimin e barazisë së shtetasve në tendera dhe ankande publike. Kjo, me qëllim krijimin e avantazheve ose privilegje të padrejta për të tretët, për të eleminuar konkurentët e padëshiruar në garë dhe në forma dhe mënyra të tjera.

“Nga ana subjektive, krimi kryhet me dashje të drejtpërdrejtë dhe me qëllim për të krijuar avantazhe ose privilegje të padrejta për të tretët, nisur nga motivet se e ka të afërm, mik, shok apo ka interesa të tjera materiale ose morale”, argumenton gjykata në vendimin për caktimin e masaës së sigurisë dhe nënvizon se kjo vepër penale kryhet nga ana e funksionarëve shtetërorë.

Në vijim, gjykata thekson se për të marrë një vendim për caktim mase sigurimi personal, përveç ekzistencës së kushteve të përgjithshme, duhet që të verifikohet nëse ekziston edhe një nga kushtet e veçanta siç janë, “ekzistenca e shkaqeve të rëndësishme që vënë në rrezik marrjen ose vërtetësinë e provës, largimi i të pandehurit ose rreziku që ai të largohet, rreziku që i pandehuri për shkak të rrethanave të faktit dhe të personalitetit të tij mund të kryejë krime të renda ose të të njëjtit lloj me atë për të cilin procedohet”.

Sipas gjykatës, nëse vërtetohet vetëm një nga këto shkaqe, nuk ka detyrim të hetohet dhe të vërtetohet për ekzistencën ose jo të kushteve të tjera që sipas ligjit justifikojnë apo jo caktimin e masës së sigurimit.

Në analizë të fakteve dhe duke konsideruar rrezikshmërinë e veprave penale, si dhe masën e dënimit të parashikuar, vlerësohet nga gjykata se plotësohen të treja kushtet e parashikuara në Kodin e Procedurës Penale për të caktuar masat.

Gjykata vlerëson se, në rastin konkret, ekziston mundësia që Balluku në cilësinë e zëvendës kryeministres dhe ministres së Energjisë e Infrastrukturës, si dhe dy të pandehurit e tjerë, Gentian Gjyli si drejtor i përgjithshëm i ARRSH-së e Erald Elezi, administrator i KESH, të mund të ndërhyjnë dhe të ndikojnë në prishjen ose asgjësimin e provave.

“…Kjo nisur nga fakti që organi procedues po verifikon çdo dokumentacion të administruar nga Institucionet Qëndrore që drejtojnë vetë të pandehurit në detyrë, Ministria e Infrastrukturës dhe Energjisë dhe Autoriteti Rrugor Shqiptar, por edhe nisur nga fakti që organi procedues po vijon me pyetjen e personave zyrtarë që kanë vepruar në kuadër të ndjekjes së procedurave të prokurimit, të cilët janë vartës të drejpërdrejtë të të pandehurve të sipërcituar. Si dhe nisur nga fakti që organi procedues po heton për shkeljet e këtyre të pandehurve edhe në procedura prokurimi të tjera”, argumenton gjyqtari Çela .

Në vijim, gjykata vlerëson se, nisur nga sanksioni dhe marzhi i lartë i dënimit nga 1 deri në 5 vjet që parashikon ligji për veprën penale që ata po hetohen, si dhe nga fakti se e kanë kryer dy herë e në bashkëpunim, në rastin konkret ekziston rreziku i largimit të të pandehurve Balluku, Gjyli e Elezi.

Po ashtu, Çela çmon se, për shkak të rrethanave të faktit dhe personalitetit të të pandehurve, duke qenë në ushtrimin e funksioneve të tyre shtetërore, ekziston rreziku që ata të kryejnë krime të të njëjtit lloj me atë për të cilin po procedohen. “…Kjo, lidhur me rrethanat e veprimeve të kundraligjshme të të pandehurve në disa procedura prokurimi, si dhe nisur nga fakti se të pandehurit menaxhojnë në vazhdim fondet publike për investimet publike të tjera të parashikuara për Institucionet Qëndrore që ata drejtojnë”, arsyeton gjykata.

Një praktikë e mëparshme e SPAK në rastin e hetimit në gjendje të lirë, pa caktuar asnjë masë ndaj ish-ministrit të Shëndetësisë, Ilir Beqaj për aferën e sterilizimit, rezultoi me dëme financiare, pasi ndëkohë që ishte i pandehur, ai vijonte të bënte korrupsion me fondet e ndihmës nga Bashkimi Evropian nëpërmjet procedurave të pavërteta të prokurimit dhe pastrimit të parave përmes faturave fiktive, në kohën kur drejtonte SASPAC – ç’ka solli më pas arrestimin e tij.

Për të pandehurën Belinda Balluku, gjykata vlerëson se nuk ka ndalim për caktimin e masës së sigurimit pezullim nga detyra lidhur me funksionin e saj si zëvendëskryeministres apo ministre. Në vendim sillet në vëmendje përcaktimi i nenit 242 i Kodit të Procedurës Penale “Pezullimi i ushtrimit të një detyre a shërbimi publik”, ku në pikën 1 parashikohet se: “Me vendimin që disponon pezullimin e ushtrimit të një detyre a shërbimi publik, gjykata i ndalon përkohësisht të pandehurit, plotësisht ose pjesërisht, veprimtarinë që lidhet me to”.

Nga ana tjetër, konstatohet se kjo masë nuk zbatohet ndaj personave të zgjedhur sipas ligjit elektoral”, që janë personat e zgjedhur deputetë, kryetar bashkie dhe anëtarët e këshillave bashkiakë.

Çela ka vlerësuar se bazuar në rrethanat konkrete, ndaj Ballukut më e përshtatshme ka qenë caktimi do masave të sigurimit, pezullimi nga detyra dhe ndalimi i daljes jashtë shtetit. Gjykata thekson se, caktimi i këtyre masave të sigurimit personal, nuk e pengojnë të pandehurën Belinda Balluku që të ushtrojë funksionet e saj si deputet i zgjedhur në Kuvendin e Shqipërisë.

Ndërsa ndaj dy të pandehurve të tjerë është caktuar masë sigurimi “Arrest në shtëpi”. Për të tre është konsideruar dhe fakti se kanë fëmijë të mitur.

Dy duar të prera janë zbuluar në autostradën A45 në North Rhine-Westphalia në Gjermani, të hënën në mbrëmje, ndërsa Policia ka identifikuar një grua nga Eritrea dhe tani po heton sfondin e ngjarjes makabre.

Siç raportoi gazeta “Bild”, ato janë dy duar të prera dhe i përkasin një gruaje nga Eritrea, e cila mund të identifikohet nga gjurmët e gishtërinjve.

Njëra pistë çon në një strehë refugjatësh në një qytet të madh në shtetin federal, megjithatë, vendi ku u gjet trupi është shumë larg shtëpisë së gruas. Ajo ende nuk është raportuar e zhdukur dhe hetuesit nuk gjetën prova të një krimi të dhunshëm në dhomën e saj.

Policia mbylli përkohësisht autostradën A45 midis kryqëzimit Olpe-Süd dhe Freudenberg për të kontrolluar përsëri zonën. Një skuadër vrasjesh po heton, por deri më tani nuk janë gjetur pjesë të tjera të trupit. Ekspertët mjeko-ligjorë po përpiqen të sqarojnë se si u prenë duart.

Siç raporton “Bild”, rasti i gruas nga Eritrea po bëhet gjithnjë e më misterioz. Foshnja e saj është gjetur disa orë më vonë në një karrocë fëmijësh jashtë manastirit të Kröffelbach në Waldsolms, Hesse.

Grupi hetimor vazhdon kërkimet për nënën dhe babain e foshnjës, si dhe për të zbuluar se si janë prerë duart dhe kush është gruaja. Po vet me të, çfarë ka ndodhur?!

Një 13-vjeçare ka humbur jetën këtë premte në një shkollë në Pire, Greqi. E mitura mësohet se ka ndërruar jetë pasi dyshohet se u mbyt me ushqim gjatë pushimit të drekës.

Mediat greke raportojnë se fëmija pësoi një bllokim të rrugëve të frymëmarrjes.

Edhe pas tentativave të mjekëve të cilët i dhanë ndihmën e parë në shkollë, vajza nuk arriti t’iu mbijetonte incidentit tragjik.

Menjëherë u thirr një ambulancë, e cila e transportoi 13-vjeçaren pa ndjenja në spital.

Pas mbërritjes në spital e mitura ka pësuar edhe arrest kardiak ku dhe ka ndërruar jetë. Drejtori dhe një mësues i shkollës u arrestuan ndërsa policia po kryen hetimet për zbardhjen e saktë të vdekjes së 13-vjeçares.

Pas konfirmimit të largimit nga emisioni i mëngjesit “Wake Up”, moderatorja Neada Muçaj ka bërë reagimin e saj të parë publik, duke pranuar hapur situatën në të cilën është përfshirë pas konfliktit të shumëpërfolur me kolegen Enxhi Nasufi.

Në Instagram, Neada publikoi një foto në të cilën shfaqej me një buqetë lulesh dhe një kartolinë të bardhë nga një dërgues ende anonim. Mesazhi i shkruar në kartolinë dukej si një kujtesë për të që qëndresa sjell gjithmonë dritë në fund të ditës:

“Edhe ditët më të vështira mund të kthehen në diçka të mirë. Dikush beson tek ti.”

Me këtë postim, moderatorja la të kuptohej se e ka pranuar largimin e saj nga televizioni.

Ndërkohë, reagimi i Enxhi Nasufit ka qenë krejt i kundërt. Pak pasi lajmi për largimin e tyre u bë publik, ajo publikoi në rrjetet sociale një foto me nënën dhe qenin e saj, por vëmendjen e mori qëndrimi provokues: Enxhi shihej duke nxjerrë gjuhën jashtë dhe duke bërë gjestin e gishtit të mesit një lëvizje që shumë ndjekës e kanë interpretuar si ironi ndaj situatës.

Konflikti mes dy moderatoreve ka ndezur diskutime të shumta online, pasi ende nuk është zbardhur se çfarë ka ndodhur realisht mes tyre dhe çfarë dinamike ka çuar në këtë përplasje.

Ministri i Drejtësisë, Besfort Lamallari, zhvilloi një vizitë inspektuese në ambientet e IEVP Fier, ku takoi drejtuesit e burgjeve të vendit për të diskutuar ecurinë e punës, sigurinë, kushtet e të dënuarve dhe përpjekjet për të rritur standardet në sistemin penitenciar.

Gjatë vizitës, Lamallari njoftoi një lajm të rëndësishëm: me buxhetin e ri do të kryhet indeksimi i pagave për të gjithë punonjësit e burgjeve, përfshirë rritjen e pagave për personelin shëndetësor. Konkretisht, mjekët do të përfitojnë një shtesë prej 12,000 lekësh dhe infermierët 55,000 lekë. Ministri theksoi se kjo është një vëmendje e vazhdueshme e qeverisë për natyrën e vështirë të punës së stafit të burgjeve.

Lamallari e vlerësoi sistemin e burgjeve si thelbësor dhe kërkoi angazhim maksimal nga drejtuesit për të ruajtur parametrat e sigurisë dhe për të parandaluar futjen e sendeve të paligjshme.

Mes çështjeve të tjera, ministri konfirmoi vendimin për mbylljen e IEVP Bënçë, Tepelenë, duke u bazuar në kushtet e papranueshme të trajtimit dhe sigurisë, si dhe rekomandimet e Komitetit Evropian për Parandalimin e Torturës, që evidentonte se burgjet nuk përmbushnin standardet minimale. Në vijim të takimit ministri Lamallari përmendi masterplanin e burgjeve, i cili ka për synim të sjellë një transformim në të gjithë sistemin e menaxhimit të këtij sektori delikat.

“Vendimarrja ishte e fortë, por e drejtë. Ne duhet të kemi një sistem të ngjashëm me standardet e BE për trajtimin e të burgosurve”-, u shpreh ministri Lamallari.

Një akt guximi i rrallë ka ndodhur në Padova, aty ku shqiptari Elton Zefi, 32 vjeç, është hedhur në kanalin Battaglia për të shpëtuar një burrë që po mbytej brenda makinës së tij. Vetëm më vonë Eltoni do të zbulonte se viktima ishte pikërisht ish-punëdhënësi i tij, gjë që e ka emocionuar edhe më shumë.

Ngjarja ndodhi të enjten, më 20 nëntor, rreth orës 11:30 të paradites, në një mëngjes të akullt. Një automjet Toyota Yaris humbi kontrollin pas një manovre të gabuar në zonën e Ponte della Cagna dhe përfundoi në ujërat e kanalit Battaglia. Mjeti filloi të fundosej me shpejtësi, ndërsa brenda ndodhej një burrë i moshuar, në panik të plotë.

“Kur pashë makinën që fundosej, kuptova se duhej të hidhesha”

Elton Zefi, punonjës në një kompani fotovoltaikësh, ndodhej rastësisht aty pranë:

“Po kaloja aty rastësisht dhe pashë shumë njerëz të mbledhur në buzë të kanalit. Mjeti po zhitej. S’e mendova dy herë. Kuptova se duhej të ndërhyja.”

Një tjetër kalimtar, që po përgatiste veten të hidhej, i sugjeroi Eltonit të priste momentin e duhur për të shmangur rreziqet. Disa sekonda që dukeshin të pafundme.

Lufta me kohën: makina mbushet me ujë

Brenda makinës, burri i moshuar ulërinte ndërsa uji ngjitej me shpejtësi. Makina u përmbys pjesërisht. Eltoni u hodh bashkë me kalimtarin tjetër, por hapja e derës ishte e pamundur. Uji vazhdonte ta zhyste makinë më thellë.

“Makina u anua dhe bagazhi doli për një çast mbi ujë. U ngjita mbi të, ishte e vetmja mundësi për të provuar diçka.”

Ai tentoi të thyente xhamin, ndërkohë që rryma e fortë e kanalit po e zhvendoste automjetin edhe më thellë.

Në videon e publikuar nga televizioni Telenuovo, momenti i shpëtimit nuk shfaqet plotësisht. Por Eltoni tregon:

“Pak pasi mbaron video, pashë një dorë që dilte nga dritarja e pasme. E kapi ai burri tjetër, e kapa dhe unë, dhe të dy e tërhoqëm me gjithë forcën. Në fillim dukej e pamundur, por pastaj doli… dhe filloi të merrte frymë. Ishte i vetëdijshëm dhe nuk reshti së falënderuari.”

“Nuk e dija kush ishte. Ç’befasi kur e njoha…”

Vetëm pasi u qetësuan të gjithë dhe pasi u sollën batanije e peshqirë për të ngrohur të shpëtuarit, Eltoni kuptoi kush ishte burri:

“E njihja, por në ato momente s’e kisha idenë. Ishte ish-punëdhënësi im. Nuk e besoja.”

Një ngjarje që zbuloi se fati i dy njerëzve ishte lidhur sërish në mënyrën më të papritur.

Një zinxhir solidariteti nga kalimtarët

Ndërkohë, kalimtarët e tjerë formuan një zinxhir njerëzor duke ndihmuar në nxjerrjen e burrit nga uji dhe duke sjellë batanije e xhaketa për të ngrohur Eltonin dhe bashkëshpëtimtarin:

“Ishim duke ngrirë. Ishte ftohtë e tmerrshme. Por kur pamë se ai njeri ishte mirë, ndjemë një lehtësim të madh.”

Dita e tij e lindjes

Pas ngjarjes, Eltoni shkoi në shtëpi, bëri një dush të gjatë me ujë të ngrohtë për të larguar të ftohtin dhe për të përballuar adrenalinën.

Ironia e bukur e fatit?
Ajo ditë ishte ditëlindja e tij.

“Një ditë që nuk do ta harroj kurrë. Shpëtova një jetë. Mund të kishte qenë kushdo.”

Eltoni jeton prej 15 vitesh në Itali dhe është tashmë i integruar plotësisht në komunitet. Sot, ai konsiderohet nga të gjithë një hero i heshtur – megjithëse vetë ai refuzon këtë etiketim:

“S’jam hero. Thjesht veprova. E bëra sepse ashtu ndjeva.”

Kryeministri Edi Rama duhet të vendosë nëse do ta bëjë vetë betejën lidhur me atë që konsiderohet tejkalim i kufijve kushtetues nga GJKKO dhe SPAK në rastin e pezullimit të zëvendëskryeministres Belinda Balluku, apo do të ndjekë retorikën e tij të deritanishme për ta lënë drejtësinë të veprojë si pushtet i pavarur.

Kjo e dyta i ka sjellë një sërë përfitimesh politike në raport me procesin e integrimit në Bashkimin Europian, duke rritur autoritetin e SPAK dhe duke mos hapur beteja për shumë nga shkeljet e qarta ligjore që janë ndeshur në këtë proces.

Për burokratët europianë këto janë të parëndësishme, pasi për ta ka rëndësi rezultati politik i SPAK dhe jo kultura ligjore që sundon në Shqipëri. Por për Shqipërinë kanë rëndësi të dyja.

Duke iu qëndruar besnik retorikës së tij se nuk ndërhyn në drejtësi, u arrestua kryetari i Bashkisë së Tiranës në zyrë, pa akuzë ndaj tij, por mbi dyshime për bashkëshorten në një veprimtari të një OJQ-je. Aq i dukshëm ishte motivimi personal i prokurorëve, saqë për çdo përpjekje për të mbrojtur shkeljet që ata bënin ndaj Veliajt, përfshirë edhe fyerjet verbale në sallën e gjyqit, ata i shtonin nga tre akuza në javë, shumica pa bazë ligjore, pa fakte penale dhe pa realitet faktik.

E njëjta gjë u bë me Ilir Beqajn. I përfshirë në akuzë për koncesionin e sterilizimit – një nga koncesionet më të mira të bëra në fushën e shëndetësisë, që ka shpëtuar mijëra jetë – befas, me kërkesë të gjykatës dhe përtej prokurorisë, u kërkua që ai të konsiderohej pjesë e një grupi kriminal bashkë me zëvendësministrin. Ky ishte një hap larg zyrës së kryeministrit, pasi në fakt koncesioni është politikë e qeverisë, jo e Beqajt apo zëvendësministrit.

Tani ka trokitur në dyert e kryeministrisë. Belinda Balluku është pezulluar nga detyra me vendim gjykate dhe i është ndaluar dalja jashtë shtetit pasi konsiderohet e pandehur. Vendimi është i debatueshëm, pasi SPAK ka anashkaluar parlamentin duke vendosur masa sigurie që cenojnë imunitetin, si ndalimi i udhëtimit ose arresti me burg. Këtu ka debat edhe për cënim të rëndë të imunitetit qeveritar, edhe për ndërhyrje të drejtpërdrejtë në pushtetin ekzekutiv

Është pak a shumë ajo që bënë me Veliajn: meqë ai nuk kishte imunitet, e çuan direkt në burg 9 muaj para se të ngrinin akuzën. Dhe më pas, përmes Ulsiut, zbatuan një regjim të posaçëm kriminal për ta linçuar edhe fizikisht – regjim që vazhdon ende pa shumë shpjegime nga qeveria.

I gjithë ky agresion ndaj të drejtave ligjore të të pandehurve politikë – përfshirë Ilir Metën – për arrestimet e tyre të parakohshme, në fakt ka krijuar një pol të ri pushteti në Shqipëri: Republikën e Prokurorëve.

Kryeministri Edi Rama e ka pranuar këtë realitet dhe nuk ka ndërmarrë asnjë nismë ligjore për të frenuar disa fenomene që më shumë se drejtësi janë politikë me drejtësinë. Ky është arrestimi i parakohshëm i zyrtarëve të lartë për korrupsion apo pezullimi nga detyra, siç ndodhi në këtë rast. Me sa duket I shijoi më shumë rmbështetja ndaj Shqipërisë në kancelaritë perëndimore dhe hovi që i dha kjo klimë ritmit të pranimit të Shqipërisë në BE, duke hapur gjithë kapitujtë.

Tani, një betejë e re verbale si ajo që nisi procesin ndaj Veliajt nuk ka kuptim. Kryeministri duhet të ruajë pavarësinë e pushtetit të tij dhe nëse konstaton krizë kushtetuese, duhet t’i drejtohet vetë Gjykatës Kushtetuese në emër të qeverisë. Kjo është një betejë që duhet ta bëjë ai. Nuk ka nevojë për debate televizive apo sulme nëpër gazeta. Ose vepron vetë, ose vazhdon të mbrojë retorikën e deritanishme: drejtësia ka punën e saj, ai ka të vetën.

Një shprehje e Gjykatës Kushtetuese për këtë problem është një gur më shumë në kulturën juridike që duhet të ndërtojmë për të zgjidhur krizën mes institucioneve. Ata duhet të shprehen shpejt dhe me përgjegjësi, si institucion që garanton rendin kushtetues të Republikës.

Deri atëherë, qeveria duhet të zbatojë vendimin e gjykatës dhe ta lërë krizën të përballet në institucione dhe jo në debate publike, për t’i treguar njëri tjetrit kush është më i fortë.

Po të ishte Sali Berisha, do ta kishte zgjidhur për pesë minuta: do ta shpallte grusht shteti, siç në fakt ka shenja, do ta quante Dumanin “horr bulevardesh”, do të ngrinte një komision hetimor dhe do ta shkarkonte.
E njohim atë kohë dhe nuk duhet të kthehet më, edhe pse pati shumë “suksese” me atë metodë.

Tani e vetmja rrugë është beteja ligjore dhe një formulim i qartë nga Gjykata Kushtetuese për këtë krizë – formulim që do të vlejë edhe për të ardhmen.

Kryetari i Partisë Mundësia Agron Shehaj ka deklaruar se vendimi i Kryeministrit për ta dërguar në Gjykatën Kushtetuese pezullimin nga detyra të zv.kryeministres dhe Ministres së Infrastrukturës Belinda Balluku, është përplasja përfundimtare e Edi Ramës me Prokurorinë e Posaçme SPAK, përpara se kjo e fundit të hetojë edhe kreun e Qeverisë Shqiptare.

Në një video mesazh kreu i Mundësia, Shehaj thekson se Edi Rama do ta përdorë Gjykatën Kushtetuese për të mbrojtur Belinda Ballukun dhe veten e tij, njësoj siç bëri në rastin e kryebashkiakut Erion Veliaj.

“Edi Rama vendosi të mos shkarkojë Belinda Ballukun, përkundrazi vendosi ta mbrojë atë, do përdorë Gjykatën Kushtetuese ashtu siç bëri dhe me Erion Veliajn. Kjo është përplasja përfundimtare”.

Për Agron Shehajn, përplasja e fundit e Ramës me SPAK tregon se organi i hetimit është i pavarur në ushtrimin e funksionit të tij dhe se nuk do të vonojë dita kur para drejtësisë të dalë edhe Kryeministri i vendit.

“Kuptojmë që SPAK është i pavarur, tani është e qartë për të gjithë. Kjo tregon që SPAK po i heton dhe po i nxjerr para drejtësisë të gjithë, të majtë, të djathtë, të rinj, të vjetër, ata që janë në pushtet dhe ata që nuk janë në pushtet.

Tani nuk kanë më gojë të flasin të thonë që gjoja Edi Rama i përdor kundër opozitës apo kundër kundërshtarëve të vet, tani Edi Rama ka dalë haptaz kundër SPAK dhe do të shpëtojë veten në fakt jo vetëm Belinda Ballukun.
Tani nuk ka asnjë shans që Edi Rama t’i shpëtojë drejtësisë. Pse? Sepse e njëjta gjë ka ndodhur në shumë vende të Europës së Lindjes.

Janë me dhjetra kryeministrat që janë dënuar kanë bërë burg pavarësisht se ishin të pushtetshëm sa Rama por edhe më shumë se Rama” theksoi Shehaj duke nënvizuar se “ditë më të mira dhe më të bukura po vijnë për Shqipërinë”.

Të premten e 21 nëntorit, një ditë pasi SPAK pezulloi nga funksionet e saj Belinda Ballukun dhe i bllokoi pasaportën me arsyetimin se mund të rrezikonte prishjen e provave dhe të arratisej, Qeveria e dërgoi në Gjykatën Kushtetuese vendimin e GJKKO.

DEKLARATA E PLOTE:
Edi Rama vendosi të mos shkarkojë Belinda Ballukun, përkundrazi vendosi ta mbrojë atë, do përdorë Gjykatën Kushtetuese ashtu siç bëri dhe me Erion Veliajn.
Tani, çfarë kuptojmë me këtë gjë?

Kuptojmë që SPAK është i pavarur, tani është e qartë për të gjithë. Kjo tregon që SPAK po i heton dhe po i nxjerr para drejtësisë të gjithë, të majtë, të djathtë, të rinj, të vjetër, ata që janë në pushtet dhe ata që nuk janë në pushtet.
Tani nuk kanë më gojë të flasin të thonë që gjoja Edi Rama i përdor kundër opozitës apo kundër kundërshtarëve të vet, tani Edi Rama ka dalë haptaz kundër SPAK dhe do të shpëtojë veten në fakt jo vetëm Belinda Ballukun.
E dyta, kjo është përplasja përfundimtare.

Tani nuk ka asnjë shans që Edi Rama t’i shpëtojë drejtësisë.
Pse? Sepse e njëjta gjë ka ndodhur në shumë vende të Europës së Lindjes.
Janë me dhjetra kryeministrat që janë dënuar kanë bërë burg pavarësisht se ishin të pushtetshëm sa Rama por edhe më shumë se Rama.

Dhe prapë nuk kanë mundur t’i shpëtojnë drejtësisë.
Vendimi për ta bërë Shqipërinë një vend normal, një vend ku ka drejtësi nuk është marrë në Tiranë, nuk varet nga vullneti i klasës politike të korruptuar në Shqipëri, por BE SHBA, kanë vendosur ta bëjnë Shqipërinë pjesë të vendeve moderne Perëndimore ku shteti ligjor funksionon.
Kjo është e ardhmja e Shqipërisë prandaj ne duhet të jemi të gjithë të lumtur.
Këto janë ditë të jashtëzakonshme për Shqipërinë, më në fund klasa politike e korruptuar po largohet do largohet e ditë më të mira dhe më të bukura po vijnë për Shqipërinë.

Osmanit, “Mirëmbrëma Yje”, është kthyer në qendër të kritikave të ashpra nga publiku, duke u akuzuar për mungesë etike dhe bullizëm televiziv.

Në panelin e të ftuarve ishin Arjan Konomi, Inida Gjata (Zhaku) dhe Zhaklin Lekatari. Gjatë një rubrike ku shfaqeshin foto të personazheve publike për t’u komentuar, situata degradoi në ofendime personale ndaj personave që nuk ishin të pranishëm në studio, konkretisht ndaj aktores Egla Ceno.

Kur në ekran u shfaq fotoja e Eglës, komentet e të ftuarve ishin të rënda. Zhaklin Lekatari u shpreh: “Homofobe,” ndërsa Inida Gjata (Zhaku) nuk u përmbajt duke thënë: “kjo është idiote komplet.”

Nga ana tjetër, Arjan Konomi e injoroi duke thënë: “nuk e njoh.” E gjithë kjo situatë u shoqërua me të qeshura nga të pranishmit, përfshirë edhe Arbanën.

Ky moment ka shkaktuar zemërim te ndjekësit në rrjetet sociale. Komentuesit e kanë cilësuar sjelljen si “aspak profesionale”, duke kritikuar Arbanën që lejoi dhe qeshi me fyerjet ndaj personave të tretë, në vend që të ruante etikën e emisionit.

Shumë prej tyre e kanë cilësuar këtë si një formë bullizmi dhe një fiksim të moderatores me personazhet e Top Channel.

Arena Channels, një grup mediatik në pronësi të Telekom Srbija, ka vendosur të hyjë në tregun shqiptar. Një javë më parë, shoqëria serbe ka krijuar kompaninë Arena News Channels Two Albania, e cila është regjistruar këtë të enjte në Qendrën Kombëtare të Biznesit.

Sipas ekstraktit, shoqëria do të ketë si objekt aktiviteti; Prodhimin, transmetimin dhe shpërndarjen e përmbajtjeve audiovizive nëpërmjet televizionit, internetit, platformave digjitale dhe rrjeteve sociale.

Ekstrakti i Arena Channels Two Albania

Po kështu pjesë e aktivitetit të saj do të jetë edhe botimi dhe administrimi i publikimeve elektronike dhe mediave online.

Dokumentat tregojnë se adresa e regjistruar e shoqërisë është në rrugën Dervish Shaba, Blloku B-1. Në të njëjtën adresë gjendet dhe televizioni Adria Med si dhe disa kompani të tjera në pronësi të biznesmenit Enver Mehmeti, por ky i fundit deklaron se shoqëria serbe nuk ka lidhje me televizionin e tij.

Arena News Channel Two Doo u themelua më 13 mars 2009 nga Goran Đaković. Në atë kohë, ajo quhej “Telecommunications Company HD-WIN doo”. Më 22 maj 2019, kompania u ble nga “Telekom Srbija” AD, çka e bën atë një kompani që indirekt zotërohet nga qeveria e Serbisë.

Aktualisht Arena Channel Group është mbajtësja e të drejtave për transmetimin e kanaleve sportive në territorin e Serbisë, Bosnje Hercegovinës, Malit të Zi dhe Kroacisë. Po kështu ky grup mediatik mban edhe liçencën e kanalit të njohur Euronews për Serbinë.

Ardhja e Arena Channel në Shqipëri përkon me disa ndryshime të rëndësishme në tregun mediatik shqiptar. Dy javë më parë, Kapitali raportoi se familja Dulaku shiti platformën Tring tek një kompani e lidhur me grupin Devolli të Kosovës.

Po kështu, gjatë muajve të fundit ka patur zëra edhe për një shitje të mundshme të platformës tjetër, Digitalb, por deri më tani kjo nuk është materializuar./Kapitali