Author: admin

Mbrëmja e së shtunës në Big Brother VIP u shndërrua në një nga episodet më të komentuara të këtij edicioni, duke sjellë një përzierje emocionesh të forta, rrëfimesh personale dhe momente që prekën jo vetëm banorët e shtëpisë, por edhe publikun përpara ekranit.

Në qendër të vëmendjes ishte Tani, i cili përjetoi një natë emocionalisht të ngarkuar, ku e kaluara, familja dhe surprizat u ndërthurën në një mënyrë të papritur.

Gjithçka nisi me një rrëfim të ndjerë nga Tani, i cili ndau me banorët dhe publikun historinë e dhimbshme të vëllait të tij, një person që nuk e kishte njohur për plot 23 vite.

Ky moment u shoqërua me lot, heshtje dhe reflektim, duke treguar një anë më të ndjeshme dhe njerëzore të tij, larg lojës dhe strategjive që zakonisht dominojnë brenda shtëpisë së famshme. Rrëfimi i tij u konsiderua nga shumë shikues si një nga momentet më autentike dhe prekëse të këtij sezoni.

Por emocionet nuk përfunduan me kaq. Pak çaste më vonë, produksioni kishte përgatitur një surprizë që do ta çonte atmosferën në një nivel tjetër: shfaqjen e bashkëshortes së Tanit, Liria.

Prania e saj në studio u cilësua nga fansat si “epike”, duke sjellë gëzim, mall dhe një ndjesi ngrohtësie familjare që rrallë shihet në formate të tilla televizive. Për Tanin, ky ishte një moment force dhe motivimi, një rikujtim i arsyeve pse po lufton dhe qëndron i fortë brenda lojës.

Megjithatë, ashtu siç ndodh shpesh në epokën e rrjeteve sociale, vëmendja e publikut u zhvendos shpejt nga emocionet e sinqerta te një detaj i vetëm, i cili u bë viral brenda pak minutash.

Gjatë fjalës së saj, Liria falënderoi publikisht shefin e saj, Nikolini, për mbështetjen dhe lehtësirat që i kishte krijuar në punë, veçanërisht në periudhat kur asaj i duhej të balanconte angazhimet profesionale me rritjen e fëmijëve.

Kjo deklaratë mjaftoi që rrjeti të “shpërthente”. Në platforma të ndryshme sociale nisën meme, komente ironike dhe krahasime me skeçin e famshëm të Portokalli, “Çifti i Lumtur”.

Aludimet, shpesh të ekzagjeruara dhe pa baza reale, hodhën dyshime mbi natyrën e kësaj ndihme, duke e shndërruar një falënderim të thjeshtë në një histori të sajuar “telenovele”.

Por e vërteta, sipas burimeve të ndryshme që qarkulluan më pas në rrjet, është shumë më e thjeshtë dhe larg çdo sensacionalizmi.

Nikolini nuk është vetëm shefi i Lirisë, por djali i dajës së Tanit, pra një familjar i afërt. Ndihma e tij ka qenë thjesht një mbështetje familjare, e ofruar në momente të vështira, pa asnjë prapavijë tjetër përveç solidaritetit dhe lidhjeve të gjakut.

Ky sqarim hodhi poshtë çdo skenar të ekzagjeruar dhe tregoi edhe një herë se sa shpejt rrjetet sociale mund të deformojnë realitetin, duke u fokusuar më shumë te thashethemet sesa te faktet. Në fund, historia e Tanit dhe familjes së tij mbetet ajo që ishte që në fillim: një rrëfim njerëzor për sfidat, mbështetjen dhe rëndësinë e familjes, mes dritave të forta të një reality show që ndiqet nga mijëra shikues çdo mbrëmje.

Një zhvillim i ri ka tërhequr vëmendjen e ndjekësve të “Big Brother VIP Albania” jashtë shtëpisë.

Brikena dhe Mateo, dy banorët që po shfaqin një afërsi gjithnjë e më të madhe me njëri-tjetrin, tashmë janë “ndjekur” reciprokisht në profilet e tyre zyrtare në Instagram. Ky veprim, i kryer nga familjarët që menaxhojnë llogaritë e tyre, po interpretohet si një shenjë e qartë mbështetjeje për pëlqimin që dyshja ka ndaj njëri-tjetrit.

Që prej hyrjes në format, Mateo nuk i ka fshehur ndjenjat dhe pëlqimin e tij të fortë për Brikenën, duke këmbëngulur në çdo moment për një mundësi të dytë. Edhe pse Brikena ka shfaqur një rezistencë të gjatë dhe dyshime për shkak të së shkuarës, duket se muret kanë rënë. Ajo, ditë më parë pranoi që t’i japë një mundësi Mateos për ta njohur më afër, duke u dhënë shpresë fansave që besojnë te kjo dyshe.

Fakti që llogaritë e tyre në Instagram tani janë “Follow”, tregon se familjet kanë lënë pas mospëlqimet e vjetra dhe po e shohin me sy pozitiv afrimin e tyre të ri. Ky veprim konsiderohet si një “bekim” në distancë.

Për publikun që nuk e dinte, historia mes Brikenës dhe Mateos nuk nisi brenda shtëpisë më të famshme në Shqipëri. Ata janë njohur jashtë rreth 4 vite më parë, por marrëdhënia e tyre në atë kohë u ndërpre si pasojë e ndërhyrjes së familjes së Brikenës.

hetimet në Itali vijojnë për vdekjen e 46-vjeçarit shqiptar Arben Cristea, i cili humbi jetën gjatë një tentative grabitjeje në një zonë kodrinore në periferi të Arezzos.

Sipas burimeve hetimore, Cristea dyshohet se ishte pjesë e një grupi që operonte në zonë dhe që mendohet të ketë ardhur nga rajoni i Lazio-s. Grupi dyshohet se kishte planifikuar disa grabitje në të njëjtën zonë, përpara se të largohej.

Para ngjarjes fatale, në kodrat e Policiano-s ishin raportuar të paktën dy tentativa të tjera të dyshimta për vjedhje banesash. Hetimet paraprake tregojnë se 46-vjeçari u plagos rëndë pasi u shpua nga një shtyllë gardhi, pjesërisht e elektrizuar për të penguar hyrjen e kafshëve të egra në të mbjella. Dyshohet se ai ka pësuar dëmtim në arterien femorale, duke shkaktuar hemorragji fatale brenda pak minutash. Një autopsi pritet të përcaktojë shkakun e saktë të vdekjes.

Autoritetet kanë përjashtuar, të paktën në këtë fazë, një lidhje të drejtpërdrejtë mes vdekjes së tij dhe të shtënave paralajmëruese në ajër nga kunati i pronarit të vilës.

Sipas të dhënave zyrtare, 46-vjeçari rezulton të ketë qenë me qëndrim të paligjshëm në Itali dhe me precedentë të mëparshëm penalë për krime kundër pronës. Hetuesit po punojnë për të identifikuar vendqëndrimin e tij të saktë dhe për të zbardhur plotësisht rrethanat e ngjarjes.

Kryeministri Edi Rama po mbron me çdo kusht Belinda Ballukun, sepse nëpërmjet saj mbron pushtetin e tij dhe sulmon drejtësinë.

Kreu i qeverisë “ka kry punë” dhe “siç iku Balluku, ashtu do largohet edhe ai. Kështu u shpreh sot në studion e “News 24” Ilirjana Kuçana, anëtarja e Këshillit Kombëtar të PD-së dhe njëkohësisht ish-kandidate për deputete në zgjedhjet e 11 majit 2025 në qarkun Durrës.

Ajo komentoi situatën më të fundit politike, e veçanërisht nismën e qeverisë për ndryshimet ligjore, me qëllim kufizimin e drejtësisë tek pezullimi i zyrtarëve të lartë.

“SPAK ka trokitur në derën e Ramës dhe ai do bëjë gjithçka për ta penguar. Kushtetuta është e barabartë për të gjithë, përfshirë edhe politikanët, nëse Rama nuk e ka kuptuar këtë pjesë është problem i tij, ligji është i barabartë për të gjithë, pse mbron vetëm Ballukun dhe jo Veliajn e të tjerët. Ai është i shqetësuar, ndaj po sulmon drejtësinë”, argumentoi ajo.

Kuçana u shpreh e bindur se ashtu siç iku zv/kryeministrja Balluku, tashmë e pezulluar me vendim të GJKKO dhe e pandehur nga SPAK, teksa Kushtetuesja la në fuqi edhe vendimin e pezullimit, ashtu do të largohet edhe Rama.

“E kam thënë, siç iku Balluku ashtu do iki edhe Rama, nuk ka as Bruksel që e mbron. Rama të lëshojë Ballukun dhe të mos pengojë mbledhjen e Këshillit të Mandateve. Rama po përpiqet të mbrojë Ballukun sepse e kam thënë, ajo është fundi i Edi Ramës, ndaj ai nuk po mbron në dukje Ballukun por veten e tij, aepse aty është pas edhe dosja e AKSHI-t, edhe familja”, vijoi ish-kandidatja për deputete.

Sipas politikanes opozitare, kjo do mbahet mend si qeveria më e korruptuar, ndaj edhe kryeministri do bëjë gjithçka për të mbrojtur karrigen e tij. Ndaj për këto arsye, sipas Kuçanës “Rama ka kry punë”, ashtu sikurse edhe Balluku.

“Kjo do mbahet mend si qeveria më e korruptuar, për afera dhe njerëz të dënuar. Me treçerekun e kryebashkiakëve të akuzuar apo në burg, me zv/kryeministren e pandehur, me një tjetër në kërkim, me ministra të arrestuar. Ndaj them se Edi Rama ka kryer punë. Ai po mbron karrigen e tij. Ai po përpiqet të mbajë pushtetin me çdo formë, me çdo mënyrë, me kartelet e drogës, me njerëzit e tij, me pasuritë e të tjera”, komentoi ajo.

Kuçana dha një opinion edhe për ftesën e presidentit Donald Trump për kryeministrin Edi Rama në Bordin e Paqes, në takimin që do mbahet në SHBA. Ajo u shpreh se ftesa është për Shqipërinë dhe jo për Ramën.

“Sa për ftesën e Bordit të paqes ajo është ftesë për Shqipërinë”, u shpreh anëtarja e Këshillit Kombëtar të PD-së.

Ethet e pritjes për sezonin e tretë të Ferma VIP kanë nisur të ndihen fort në publik, ndërsa kurioziteti rritet dita-ditës. Pas dy edicioneve që sollën dinamika të forta, sfida fizike dhe përplasje karakteresh, këtë vit pritshmëritë janë edhe më të larta. Një nga lajmet që ka ngjallur më shumë interes është konfirmimi se moderimin e këtij sezoni do ta marrë Arbana Osmani, një nga figurat më të njohura dhe të dashura të ekranit shqiptar.

Prania e Arbanës në timon konsiderohet një garanci për profesionalizëm, elegancë dhe menaxhim të qetë të situatave të tensionuara që zakonisht shoqërojnë reality show-t. Ajo ka një eksperiencë të gjatë në formate të ngjashme dhe di të krijojë balancën mes spektaklit, emocionit dhe disiplinës së lojës. Ky rikthim i saj në një format të madh televiziv e ka shtuar edhe më shumë interesin për nisjen e programit, e cila pritet të ndodhë më 13 mars.

Ndërkohë, zbulimi i emrit të parë që do t’i bashkohet kastit ka shtuar akoma më shumë entuziazmin. Sipas Revista Bordo, pjesë e fermerëve VIP do të jetë aktori i njohur i humorit Romir Zalla. Ky lajm është pritur me reagime pozitive, pasi Zalla është një figurë shumë e dashur për publikun shqiptar.

Romir Zalla ka ndërtuar një karrierë të suksesshme në teatër, film dhe veçanërisht në spektaklin e humorit Portokalli, ku ka sjellë dhjetëra personazhe ikonike që kanë mbetur gjatë në memorien e shikuesve. Aftësia e tij për të mishëruar karaktere të ndryshme, për të improvizuar dhe për të krijuar situata komike e kanë bërë një nga aktorët më të spikatur të brezit të tij.

Megjithatë, “Ferma VIP” përfaqëson një sfidë krejtësisht ndryshe nga ajo me të cilën publiku është mësuar ta shohë. Në vend të skenës, ndriçimit dhe skenarëve të përgatitur, Zalla do të përballet me jetën në natyrë, punët fizike të fermës dhe bashkëjetesën e vazhdueshme me figura të tjera publike. Kjo do të thotë më pak role dhe më shumë realitet – më pak personazhe dhe më shumë Romir si individ.

Pjesëmarrja e tij premton të sjellë momente interesante, pasi publiku do të ketë mundësinë të zbulojë një anë tjetër të aktorit. Si do të reagojë ai përballë sfidave fizike? A do të ruajë humorin edhe në situata të vështira? Apo do të shohim një dimension më serioz dhe më të thellë të personalitetit të tij? Këto janë disa nga pyetjet që tashmë po qarkullojnë në rrjetet sociale.

Një tjetër element që e bën këtë sezon të shumëpritur është vetë formati i “Ferma VIP”, i cili kombinon garën, rezistencën fizike dhe lojën sociale. Ndryshe nga formatet e tjera të izolimit, këtu pjesëmarrësit duhet të përballen me kushte më të ashpra jetese dhe me përgjegjësi konkrete pune. Kjo krijon një terren ku karakteri, durimi dhe aftësia për bashkëpunim vihen në provë çdo ditë.

Me një moderatore me përvojë si Arbana Osmani dhe me emra të njohur si Romir Zalla në kast, sezoni i tretë i “Ferma VIP” premton të jetë një nga më të ndjekurit deri më tani. Publiku jo vetëm që do të argëtohet, por edhe do të ketë mundësinë të njohë më nga afër personazhet e preferuar në një realitet krejt ndryshe nga ai i skenës apo ekranit.

Ndërsa data e nisjes afrohet, pritshmëritë vazhdojnë të rriten. Nëse ky është vetëm emri i parë i zbuluar, mbetet për t’u parë se cilat figura të tjera do t’i bashkohen aventurës së fermës. Një gjë është e sigurt: ky sezon pritet të sjellë surpriza, emocione dhe shumë dinamika që do ta mbajnë publikun të gozhduar para ekranit.

Të tjera detaje kanë dalë lidhur me ngjarjen e ndodhur një ditë më parë në burgun grek të Domokos ku një i burgosur u ekzekutua në dhomën e drejtorit të këtin institucioni, pasi tentoi që të “hiqte qafe” këtë të fundit.

Pak pas orës 19:00 të së dielës një 43-vjeçar grek, i dënuar me burgim të përjetshëm për vrasjen e biznesmenit Dimis Korfiatis në Zakynthos në maj 2021, ndodhej në zyrën e drejtorit të burgut së bashku me shefin e rojes dhe një të dënuar tjetër me origjinë bullgare.

Sipas raportimeve fillestare, 43-vjeçari kishte siguruar një armë zjarri dhe dyshohet se kishte shkuar në zyrë me qëllim për të vrarë drejtorin. Në ato momente, në zyrë ndodheshin edhe shqiptari Alket Rizai si dhe i dënuari bullgar, i cili vuan dënimin për ekzekutimin e biznesmenit greko-australian Yannis Makris në zonën e Voula në vitin 2018.

Sipas mediave greke thuhet se efektivët pretendojnë se i dënuari bullgar iu sul 43-vjeçarit grek, e çarmatosi dhe më pas e qëlloi për vdekje me të njëjtën armë. Megjithatë, ende nuk është përcaktuar zyrtarisht se kush e ka kryer vrasjen.

Vrasje në një “pikë të verbër”

Ngjarja ka ndodhur në një nga zonat e pakta të burgut që nuk mbulohen nga kamerat e sigurisë, një “pikë e verbër” që tashmë është në qendër të hetimeve. Revolveri tip COLT, nga i cili rezulton se janë shkrepur tre fishekë, do t’i nënshtrohet analizave në laboratorët kriminalistikë.

Një tjetër pikë që po hetohet është prania e tre të dënuarve me rrezikshmëri të lartë në të njëjtën hapësirë dhe në mungesë të mbikëqyrjes me kamera.

Shefi i rojes së burgut konsiderohet një dëshmitar kyç, ndërsa dëshmia e tij ashtu si edhe ajo e të dënuarit bullgar që pretendon se “shpëtoi” jetën e drejtorit janë të cunguara dhe priten më tepër detaje në vijim.

Roli dhe pozicioni i Alket Rizait

Fillimisht, raportimet e para e përfshinin drejtpërdrejt emrin e Alket Rizai në këtë ngjarje. Më pas, sipas burimeve nga autoritetet greke, ai duket se po “del” gradualisht nga fokusi i hetimit, të paktën në aspektin formal të dosjes.

Megjithatë, konsiderohet pothuajse e sigurt se Rizai ndodhej shumë pranë vendit të përplasjes fatale në momentin e të shtënave. Pozicioni i tij në zyrën e drejtorit në kohën kur viktima hyri me armë, si dhe profili i tij si një nga të burgosurit më të njohur dhe problematikë në sistemin penitenciar grek, e bëjnë praninë e tij një element kyç për zbardhjen e plotë të ngjarjes.

Hetimet vijojnë, ndërsa autoritetet greke përpiqen të sqarojnë jo vetëm autorësinë e vrasjes, por edhe mënyrën se si një armë zjarri përfundoi brenda një burgu të sigurisë së lartë, duke ekspozuar sërish dobësitë serioze në sistemin e sigurisë.

Në shtëpinë e Big Brother VIP Albania, dinamika mes banorëve ndryshon pothuajse çdo ditë, duke prodhuar debate, aludime dhe diskutime që shpesh kalojnë kufijtë e lojës strategjike dhe prekin çështje personale. Së fundmi, në qendër të vëmendjes është vendosur një deklaratë e bërë nga Rogerti, e cila ka ngjallur reagime të shumta si brenda shtëpisë, ashtu edhe jashtë saj.

Gjatë një bisede të zhvilluar me disa prej banorëve, Rogerti ka komentuar mbi Kristin dhe Shëndritin. Më herët, ai i kishte pyetur drejtpërdrejt të dy nëse dëshironin të flisnin për seksualitetin e tyre, por asnjëri nuk kishte dhënë një përgjigje të qartë apo të detajuar. Çështja ishte lënë pezull, pa një sqarim publik nga ana e tyre.

Megjithatë, në diskutimin e fundit, Rogerti shkoi një hap më tej me aludimet e tij. Ai u shpreh se, sipas mendimit të tij, “Kristi i duhet produksionit sepse do lidhet me Shëndritin”, duke shtuar: “Do kemi për herë të parë një çift gay që dashurohet live”. Kjo deklaratë u interpretua nga disa banorë si një parashikim strategjik, ndërsa nga të tjerë si një koment i panevojshëm mbi jetën personale të dy konkurrentëve.

Në një format si “Big Brother VIP Albania”, ku çdo fjalë transmetohet dhe analizohet nga publiku, deklarata të tilla marrin peshë të madhe. Aludimet për orientimin seksual të dikujt, sidomos kur vetë personi nuk ka zgjedhur të flasë hapur për të, janë tema delikate dhe kërkojnë kujdes. Në këtë rast, Kristi dhe Shëndriti nuk kanë bërë ende një reagim të drejtpërdrejtë lidhur me komentin e Rogertit, çka e ka lënë situatën të hapur për interpretime të ndryshme.

Disa banorë brenda shtëpisë kanë shprehur habi për mënyrën se si u artikulua mendimi, duke nënvizuar se ndjenjat dhe orientimi seksual janë çështje personale që duhet të ndahen vetëm nëse vetë individi e dëshiron këtë gjë. Të tjerë e kanë parë deklaratën si pjesë të lojës, duke argumentuar se në një reality show çdo mundësi për të krijuar narrativë apo për të parashikuar zhvillime të reja bëhet objekt diskutimi.

Nga ana e publikut, reagimet në rrjetet sociale kanë qenë të ndara. Ka nga ata që e konsiderojnë deklaratën si të nxituar dhe spekuluese, ndërsa të tjerë mendojnë se një romancë e mundshme mes dy meshkujve do të përfaqësonte një moment historik për televizionin shqiptar, duke thyer tabu dhe duke sjellë më shumë përfaqësim në ekran.

Megjithatë, thelbi i situatës mbetet te fakti se as Kristi dhe as Shëndriti nuk kanë konfirmuar asgjë. Në mungesë të një deklarate nga ana e tyre, çdo koment mbetet në nivelin e supozimit. Në një ambient si ai i shtëpisë së “Big Brother VIP Albania”, ku presioni është i lartë dhe çdo marrëdhënie vihet nën lupë, është e rëndësishme që kufijtë personalë të respektohen.

Mbetet për t’u parë nëse dy banorët do të zgjedhin të reagojnë publikisht ndaj deklaratës së Rogertit apo do ta lënë situatën të shuhet me kalimin e ditëve. Një gjë është e sigurt: ky moment ka shtuar një tjetër shtresë diskutimi në një sezon që tashmë ka prodhuar mjaft polemika dhe surpriza.

Lajmi se një u burgosur përjetë mbeti i vrarë nga një tjetër i dënuar në burgun famëkeq të Domokosit në Greqi, teksa shënjestra ishte shefi i Gardianëve (kryegardiani), ka zënë faqet kryesore të mediave të vendit fqinj ditën e sotme.

Dhe në sfond dalin edhe emrat e 2 shqiptarëve të njohur, njëri prej të cilëve është Alket Rizai, emër i njohur i botës së krimit dhe tjetri i arratisur pasi përfitoi një leje jo të zakontë dhe të dyshimtë pikërisht të lëshuar nga kryegardiani që u bë shënjestër atentatit të dështuar (i dënuari shqiptar dhe kryegardiani janë bazhanakë).

Dhe ngjarjet vijnë në seri, pasi situata në burgjet greke përsa i përket sigurisë, lë për të dëshiruar. Kujtojmë se në burgun famëkeq të Malandrinos u vra edhe shqiptar i dënuari përjetë, Jani Aliaj, pak javë më parë.

“Oficerët e Drejtorisë për Luftimin e Krimit të Organizuar, pas incidentit të ri të dhunës brenda një zone “gjoja” të ruajtur, theksojnë me kuptimplotë se burgimi në asnjë mënyrë nuk i ndal veprimet e kriminelëve mizorë. Siç raportojnë ata, po ndodh pikërisht e kundërta, ndërsa arrijnë të pasurohen dhe të koordinojnë (ndoshta më rehat) aktivitetin e tyre kriminal pas hekurave. Brenda qelive gjenden armë, drogë dhe telefona celularë, me shprehjen “nuk do të gjesh asnjë tank në burg, dhe kjo sepse nuk futet nëpër portë” që pasqyron kryesisht – megjithëse në një mënyrë ekstreme – realitetin”, shkruan “Protothema”.

Vrasja në burg, në një “pikë të verbër” pa kamera

Pak pas orës 19:00 të së dielës pasdite, një 43-vjeçar grek, i dënuar me burgim të përjetshëm për vrasjen e biznesmenit Dimis Korfiatis (i cili u vra në Zakynthos në maj 2021), ishte me rojen kryesore dhe një të dënuar tjetër bullgar, në një zonë burgu që është një nga të paktat që nuk ka mbikëqyrje me qark të mbyllur.

Sipas raporteve fillestare, 43-vjeçari grek, duke mbajtur një pistoletë (nuk dihet se si hyri në burg), u zhvendos drejt oficerit të burgut (kryegardianit) me qëllim që ta qëllonte.

Më pas, i dënuari bullgar (i dënuar për “kontratën e vdekjes” kundër biznesmenit greko-australian Yannis Makris, i cili u ekzekutua jashtë shtëpisë së tij në Voula në tetor 2018), e çarmatosi 43-vjeçarin dhe e qëlloi me dy plumba në kokë, duke mbrojtur oficerin grek.

“Ekzaminimi fillestar i trupit zbuloi se viktima ishte qëlluar dy herë në kokë, duke rezultuar në vdekjen e tij të menjëhershme. Pyetja që mbetet është: Pse ishin të tre atje, dhe në një zonë që është “e verbër” ndaj kamerave? Revolveri COLT, i cili përmbante tre fishekë të shtënë, do të dërgohet në laboratorët e mjekësisë ligjore”, analizon media greke.

Burgu nën mikroskop

Shefi i rojes së burgut të Domokos, sipas burimeve policore, nuk është një person i panjohur për Policinë greke. Autoritetet e konsiderojnë dëshminë e tij shumë të rëndësishme, pasi ka shumë boshllëqe dhe serioze në skenarin e mbështetur si nga ai vetë ashtu edhe nga bullgari që e “shpëtoi”.

Vlen të përmendet se shefi i rojes kishte dhënë një mendim disa muaj më parë në mënyrë që një i dënuar shqiptar (i burgosur për një sërë krimesh të rënda) të mund të merrte leje nga burgu i Domokos. Kur i burgosuri mori leje, ai nuk u kthye më kurrë dhe që atëherë ka qenë në liri.

Megjithatë, ajo që është shumë interesante është se shefi i rojes është i lidhur me të dënuarin shqiptar në fjalë, pasi ai është burri i motrës së gruas së rojes së burgut (baxhanakë).

Hija e Alket Rizait

Raporti fillestar deklaroi se banditi shqiptar Alket Rizaj (foto sipër) ishte gjithashtu i pranishëm në të shtënat. Megjithatë, ai gradualisht po hetohet nga ELAS-i grek, të paktën për sa i përket dosjes së çështjes.

Megjithëse konsiderohet pothuajse e sigurt se ai ishte pranë vendit të përplasjes vdekjeprurëse, por ende mbetet mister lidhja e tij në ngjarje, nëse ishte pjesë e sulmit apo e ndalimit të tij.

Reperi i njohur nga Ferizaj, Getinjo, ka tërhequr vëmendjen në rrjetet sociale pasi publikoi një video ku shihet i shoqëruar nga efektivë policie në ambientet e një aeroporti.

Pamjet e shpërndara në profilin e tij në Instagram, kanë nxitur menjëherë komente dhe spekulime nga ndjekësit.

Në video, artisti shfaqet i qetë dhe duket se e përballon situatën me sportivitet. Në sfond dëgjohet kënga “P9”, bashkëpunimi i tij me Mozzik, detaj që për shumë ndjekës është interpretuar si një tregues se nuk ka pasur tension të dukshëm.

Deri tani nuk ka një deklaratë zyrtare as nga vetë reperi dhe as nga autoritetet lidhur me arsyen e shoqërimit. Nuk dihet nëse bëhet fjalë për një kontroll rutinë, verifikim dokumentesh apo një procedurë tjetër standarde sigurie.

Ndërkohë, fansat kanë reaguar me komente të shumta, duke shprehur kureshtje dhe shqetësim për situatën. Getinjo, nga ana e tij, nuk ka dhënë detaje shtesë, duke lënë hapësirë për interpretime.

Videoja vijon të qarkullojë në rrjetet sociale, ndërsa mbetet për t’u parë nëse artisti do të japë një sqarim mbi ngjarjen.

Momenti i shoqërimit

Nëna e 15-vjeçarit, i cili është identifikuar si shoferi i makinës që u aksidentua në Greqi ku ndërroi jetë dhe 16-vjeçar shqiptar, Eljon Metaj, mohoi që djali i saj të ketë qenë duke drejtuar automjetin në momentin e aksidentit.

Ndërsa nga ana tjetër, shoku i klasës së 15-vjeçarit ka hedhur poshtë versionin e saj, duke zbuluar se ky nuk ishte rasti i parë që shoku i tij i klasës e kishte marrë makinën e mamasë pa lejen e saj.

Në aksidentin fatal në Loutsa, që i mori jetë 16-vjeçarit shqiptar dhe u plagosën dy bashkëmoshatarët e tij, shumë pyetje mbeten ende pa përgjigje. Sipas shokut të klasës, 15-vjeçari kishte mësuar të ngiste makinën nga babai i tij dhe, sipas tij, nuk ishte hera e parë që kishte marrë makinën.

“E kishin bërë edhe më parë. Mamaja e tij nuk e dinte sepse ajo ishte në punë. Makinën ia kishte mësuar i ati”, tregon shoku i kasës së 15-vjeçarit.

Nëna e 15-vjeçari që po drejtonte makinën, nga ana tjetër, deklaroi se djali i saj nuk dinte të ngiste makinën dhe se shoku i tij i kishte thënë të merrte çelësat e makinës.

“Tani është në shok. ‘Mami, shoku im, çfarë bëra?’”, tregon ajo.

Prindërit e 15-vjeçarit shprehën shqetësimin dhe tronditjen e tyre për ngjarjen, duke theksuar se djali i tyre ishte i shokuar dhe po përpiqej të kuptonte se çfarë kishte ndodhur.

Aksidenti ndodhi të premten, më 13 shkurt, në Loutsa, në kryqëzimin e rrugëve Dimokratias dhe Sotiros. Sipas hetimeve, njëri nga të miturit kishte marrë fshehurazi çelësat rezervë të makinës së nënës së tij dhe, duke drejtuar me shpejtësi të madhe, humbi kontrollin e automjetit dhe përplasi makinën me një pemë.