Author: admin

Një ngjarje tronditëse ka ndodhur më 15 nëntor në Bangkok të Tajlandës, ku një vajzë e porsalindur u gjet e gjallë brenda rezervuarit të tualetit në një ndërtesë zyrash në distriktin Lat Krabang. Zbulimi makabër, i bërë nga një pastruese, ka shkaktuar tronditje të thellë në opinionin publik dhe ka hapur një hetim të plotë policor për rrethanat e ngjarjes dhe identitetin e autores ose autorëve.

Si u zbulua foshnja

Ngjarja u zbulua rreth orës 11:00 të mëngjesit, teksa një grua që punonte si pastruese në ndërtesë po bënte pastrimet rutinë në katin e tretë. Ajo dëgjoi një të qarë të lehtë, të përsëritur, që vinte nga një prej kabinave të tualetit.

Fillimisht mendoi se mund të ishte një mace e ngujuar, por zëri vazhdonte të dëgjohej i mbytur, sikur vinte nga një vend i mbuluar. E alarmuar, pastruesja hapi kapakun e rezervuarit të tualetit — dhe u përball me një skenë të paimagjinueshme: një foshnjë e zhveshur, e porsalindur, ishte futur brenda në ujë, totalisht e lagur, me duart e bardha dhe të rrudhura nga lagështia.

Sipas mjekëve, shenjat e trupit sugjeronin se foshnja kishte kaluar disa orë brenda rezervuarit, duke luftuar për të mbijetuar.

Gjendja shëndetësore e foshnjës

Foshnja u transportua me urgjencë në Spitalin “Sirindhorn”. Mjekët konfirmuan se vajza ishte nën 24 orëshe dhe peshonte rreth 2.7 kilogramë. Pavarësisht kushteve ekstreme dhe ekspozimit ndaj ujit të ftohtë, mjekët thanë se ajo nuk kishte pësuar lëndime dhe se gjendja e saj ishte e qëndrueshme.

Mjekët dhe stafi spitalor e kanë cilësuar mbijetesën e saj “të mrekullueshme”, duke theksuar se foshnja mund të kishte vdekur nga hipotermia ose mbytja po të mos ishte zbuluar në kohë.

Hetimi: Policia kërkon nënën

Kapiteni Kritsada Saikhong i policisë së Lat Krabang deklaroi se foshnja me shumë gjasë ishte lindur jashtë spitalit, ndoshta në kushte të improvizuara, dhe më pas ishte braktisur në tualetin e ndërtesës. Hetuesit dyshojnë se autorja është vetë nëna, e cila mund të ketë qenë në rrezik shëndetësor pas lindjes.

Policia po analizon pamjet e kamerave të sigurisë së ndërtesës dhe zonës përreth për të identifikuar personin që futi foshnjën në objekt. Autoritetet paralajmëruan se, sipas nenit 306 të Kodit Penal të Tajlandës, braktisja e një të mituri mund të sjellë deri në tre vjet burg dhe gjobë.

Reagimi publik

Ngjarja ka shkaktuar valë reagimesh të forta në rrjetet sociale tajlandeze. Shumë qytetarë shprehin zemërim për aktin çnjerëzor, ndërsa të tjerë ngrenë shqetësimin për mungesën e mbështetjes sociale për nënat në krizë.

Disa gra kanë ofruar që të adoptojnë foshnjën, ndërsa qindra komente e quajnë mbijetesën e saj “një mrekulli”.

Autoritetet: Foshnja nën mbrojtje të shtetit

Zyrtarët socialë të Tajlandës kanë marrë kujdestarinë e përkohshme të foshnjës. Nëse nëna nuk gjendet ose nuk ka kushte për ta mbajtur, foshnja do t’i kalojë sistemit të kujdestarisë deri në procesin e adoptimit.

Një rast që rikthen debatin për braktisjen e foshnjave në Tajlandë

Autoritetet kujtojnë se nuk është rasti i parë i këtij lloji, megjithëse është ndër më ekstremët. Në vitet e fundit, Tajlanda është përballur me disa raste të braktisjeve të foshnjave, çka ka shtyrë organizatat sociale të kërkojnë politika më të forta mbështetëse për nënat e reja, edukim seksual më të mirë, dhe akses më të gjerë në shërbime sociale.

Autoritetet italiane kanë zbuluar mbrëmjen e djeshme dy viktima, nënë e bir në zona të ndryshme të Salentos.

Një grua 35-vjeçare, Najoua Minniti, u gjet në det pranë Torre dell’Orso nga një zhytës që njoftoi menjëherë rojen bregdetare.

Ndërkohë, në banesën e saj në Calimera, karabinierët konstatuan të pajetë të birin, Elia Perrone, 8 vjeç cili kishte shenja dhune të shkaktuara me një mjet të mprehtë.

Babai i fëmijës kishte njoftuar autoritetet pasi nuk po arrinte të kontaktonte as me ish-bashkëshorten, as me djalin, ndërsa vogëlushi nuk ishte paraqitur në shkollë atë mëngjes.

Prokuroria e Leçes po heton pistën që Minniti mund të ketë vrarë fëmijën dhe më pas të jetë vetëhedhur në det, por priten rezultate të mëtejshme dhe verifikime të plotësuara nga autopsia. Sipas dëshmive të para, rreth orës 12:30 ajo ka pasur një debat në telefon dhe më pas është larguar me makinë. Dy orë më vonë, trupi i saj u gjet në det.

Minniti, e cila punonte në resorte turistike, thuhet se kohët e fundit po kalonte vështirësi personale dhe ekonomike. Në rrjetet sociale, vetëm pak javë më parë, ajo kishte postuar një foto familjare duke shkruar: “Jemi mirë, herë pas here arrijmë të mblidhemi të gjithë bashkë.”

Një 36-vjeçar është arrestuar nga Policia në Tiranë pasi akuzohet për mashtrim.

Sipas policisë, 36-vjeçari Glarurtin Kaçi ka mashtruar një person, duke iu prezantuar si staf i një emisioni investigativ.

Kaçi i ka marrë 8 mijë euro, personit në fjalë për të mos publikuar një video të sajuar prej tij.

Njoftimi i policisë:

Specialistët për Hetimin e Krimit Ekonomik dhe Financiar: në bashkëpunim me Komisariatin e Policisë Nr. 1, kapën dhe ndaluan shtetasin G. K., 36 vjeç, pasi shtetasi L. B. kallëzoi se ky shtetas, duke iu prezantuar si staf i një emisioni investigativ, i ka marrë shumën prej 8000 euro, për të mos publikuar një video të sajuar prej tij.

Vijon puna për sqarimin e plotë të rrethanave të rastit.

Ilir Vrenozi, ka shpërthyer në rrjetet sociale kundër aktit të sotëm në Parlament të deputetëve të PD-së, të cilët, sapo Edi Rama mori fjalën në foltore, i kthyen kurrizin.

Me stilin dhe notat e tij ironike, Vrenozi u kërkon deputetëve të PD-së të trashin zërin dhe të futen në grevë urie dhe të mos i kthejnë prapanicën Edi Ramës.

Në Kuvend është i pranishëm edhe kryeministri Edi Rama, ndërsa për herë të parë që pasi u mor e pandehur nga SPAK, punimeve të seancës plenare iu bashkua edhe zv.kryeministrja Balluku. 

Kreu i qeverisë, sapo doli në Foltore për të mbajtur fjalën e tij, u përball me shpinat e kthyera të deputetëve të PD-së, të cilëve nuk iu kurseu ironinë.

Zbritjen prej 48 mijë lekësh nga baza e tatueshme e të ardhurave, për çdo fëmijë në ngarkim, për fëmijët deri në moshën 18 vjeç, do ta përfitojnë edhe ata individë që rezultojnë të punësuar qoftë edhe për vetëm një muaj gjatë vitit 2025.

Në ndryshimet e udhëzimit të ligjit “Për tatimin mbi të ardhurat” nëpërmjet shembullit të ri, Ministria e Financave sqaron se kompensimin për fëmijët nën 18 vjeç do ta përfitojnë edhe ata individë që kanë qenë të punësuar vetëm për një muaj të vetëm.

Skema do të vijojë të jetë e njëjtë nëpërmjet rillogaritje së tatimit mbi të ardhurat, duke zbritur shpenzimet prej 48 mijë lekë për çdo fëmijë në ngarkim të moshës deri 18 vjeç.

Kusht për përfitimin është plotësimi i Deklaratës Vjetore të të Ardhurave Personale (DIVA). Zbritjet e shpenzimeve nga totali i të ardhurave vjetore do të llogariten me DIVA-n që do të plotësohet brenda 31 Marsit 2026. Me hyrjen në fuqi të ligjit të ri “Për tatimin mbi të ardhurat” detyrimin ligjor për plotësimin e DIVA e kanë vetëm individët e punësuar me të ardhura vjetore mbi 1,2 milionë lekë në vit.

Në shembullin e ri paraqitet rasti i një individi të punësuar vetëm në muajin Maj 2025 me pagë bruto 500,000 lekë, i cili ka në ngarkim një fëmijë të moshës 10 vjeç, i cili do të përfitojë kompensimin për fëmijën në ngarkim, sipas ligjit të ri për tatimin mbi të ardhurat.

Për vitin 2025, këtij individi i është mbajtur tatim prej 91,100 lekësh, por nga rillogaritja e tatimit, rezulton se pas zbritjeve te lejuara deri në 600,000 lekë (zbritjet janë të përcaktuara sipas nenit 22 të ligjit për tatimin mbi të ardhurat) dhe kompensimit prej 48,000 lekësh për fëmijën, baza tatimore rezulton negative. Por sipas shembullit të ri, ku  baza e tatueshme pas zbritjeve të lejuara rezulton negative do të konsiderohet 0 lekë. Për rrjedhojë edhe tatimi i rillogaritur është 0 lekë.

Si rezultat, individi ka të drejtë të marrë rimbursim të plotë të tatimit të paguar gjatë vitit 2025 për 1 muaj punë, pra me vlerë prej 91,100 lekë.

Shembull i ri që shtohet në udhëzim

Individi “C” gjatë vitit 2025 rezulton i punësuar vetëm në muajin maj dhe paga bruto që ka marrë në këtë muaj është 500,000 lekë. I punësuari ka një fëmijë në ngarkim të tij në moshën 10 vjeç dhe ka të ardhurat më të larta në familje, nuk ka aplikuar për zbritje si kontribut në ndonjë fond pensioni privat, por ndërkohë ka nënshkruar Deklaratën e Statusit Personal.

a) Tatimi mbi të ardhurat personale nga punësimi i llogaritur dhe paguar në listëpagesën mujore Të ardhurat e tatueshme – zbritjet e parashikuara në nenin 22, të ligjit = Baza e tatueshme e të ardhurës nga punësimi të individit në muajin maj: 500,000 lekë – 30,000 lekë = 470,000 lekë Tatimi mbi të ardhurat personale nga punësimi = (170,000 lekë * 13%) + [(470,000 lekë – 170,000 lekë) * 23%] = 22,100 lekë + 69,000 lekë= 91,100 lekë

b) Tatimi mbi të ardhurat nga punësimi i llogaritur mbi të ardhurat vjetore Në kushtet që individi nuk ka të ardhura të tjera përveçse të ardhurës nga punësimi, ky individ nuk ka detyrim ligjor për të deklaruar Deklaratën Vjetore të të Ardhurave Personale (DVAP), sipas përcaktimeve ligjore në fuqi. Megjithatë, nëse ky individ zgjedh dhe deklaron DVAP, ku të ardhurat vjetore nga punësimi janë 500,000 lekë, atëherë zbritja nga baza e tatueshme do të jetë e gjithë shuma prej 500,000 lekësh.

Sipas nenit 22, të ligjit nr. 29/2023 për pagat vjetore deri në 600,000 lekë, lejohet një zbritje deri në 600,000 lekë nga baza vjetore, si dhe një kompensim prej 48,000 lekësh për fëmijën në ngarkim të tij, por në çdo rast baza tatimore nuk mund të jetë më e vogël se zero lekë. Në rastet kur diferenca midis të ardhurave vjetore të tatueshme dhe shumës totale të kompensimeve dhe zbritjeve është negative, baza tatimore vjetore konsiderohet të jetë zero. Në rastin konkret diferenca ndërmjet të ardhurës vjetore të tatueshme nga punësimi me shumën totale të zbritjeve rezulton negative prej -148,000 lekësh [500,000 lekë – (600,000 lekë + 48,000 lekë)], prandaj në këtë rast baza e tatueshme do të konsiderohet 0 lekë dhe detyrimi tatimor rrjedhimisht është 0 lekë.

c) Deklarata vjetore DVAP rezulton me tatim të mbipaguar: Nëse individi zgjedh të deklarojë DVAP atëherë tatimi i paguar në listëpagesën e muajit Maj, do t’i rimbursohet. Konkretisht administrata tatimore duhet të rimbursojë individin me diferencën ndërmjet tatimit të paguar me tatimin e llogaritur në DVAP = 91,100 lekë – 0 lekë = 91,100 lekë rimbursim për vlerën e mbipaguar nga tatimi mbi të ardhurat personale nga punësimi.

Si do të rillogaritet tatimi pas zbritjes së shpenzimeve për fëmijët

Ligji “Për tatimin mbi të ardhurat” parashikon zbritje nga baza e tatueshme prej 48 mijë lekë në vit për çdo fëmijë në ngarkim të moshës deri 18 vjeç, e përfiton çdo individ, pavarësisht nivelit të të ardhurave. Ndërsa shpenzimet fikse për arsimin me vlerë 100 mijë lekë në vit, pavarësisht numrit të fëmijëve, e përfitojnë vetëm individët me të ardhura deri në kufirin e 1,2 milionë lekëve në vit.

Prej individëve tatimi mbi të ardhurat nga paga është paguar çdo muaj për vitin 2025, por zbritja e shpenzimeve për fëmijët nga totali i të ardhurave vjetore të fituara nga punësimi, do të bëhet në Mars 2026 përmes plotësimit të Deklaratës Vjetore të të Ardhurave (DIVA).

Nëse në DIVA pas zbritjes së shpenzimeve do të shfaqet gjendje teprice kreditore, do të thotë se tatimet ndaj këtij individi kanë një borxh parash për të kthyer. Pra nëse tatimi i paguar gjatë vitit 2025 rezulton se është më i lartë se tatimi i llogaritur pas zbritjeve të shpenzimeve në DIVA, që do të plotësohet deri më 31 Mars 2026, në këtë rast individi ka të drejtë që brenda 3 muajve të kërkojë rimbursimin e parave, pra kthimin e tyre.

Në një çift bashkëshortësh të drejtën për zbritjen e shpenzimeve të fëmijëve në ngarkim dhe për arsimimin nëse plotësohet kufiri i të ardhurave e ka anëtari me të ardhura më të larta vjetore. Pra zbritja e shpenzimeve për fëmijët nga baza vjetore e tatueshme nuk përfitohet nga të dy prindërit e fëmijëve në ngarkim, por vetëm ai që ka të ardhurat më të larta të deklaruara.

15 mln euro llogaritet efekti për kompensimin e shpenzimeve për fëmijët

Ministri i Financave Petrit Malaj deklaroi së fundmi në Komisionin e Ligjeve, gjatë prezantimit të paketës fiskale, se vitin e ardhshëm nga zbatimi i kompensimit për shpenzimet e fëmijëve deri nën 18 vjeç, nëpërmjet deklaratës DIVA efekti financiar llogaritet 15 mln euro.

“Duke filluar nga viti i ardhshëm do të nisë zbatimi i lehtësive të parashikuar në ligjin për Tatimin mbi të Ardhurat, që nëpërmjet Deklaratës Individuale të të Ardhurave/DIVA, t’ju vijmë në ndihmë edhe familjeve me fëmijë nën 18 vjeç.

Çdo familje që ka në ngarkim fëmijë nën moshën 18 vjeç, do të ketë të drejtën që të zbresë nga Deklarata Individuale Vjetore e të Ardhurave 48.000 lekë për çdo fëmijë.

Kjo do të thotë se norma efektive e tatimit që paguhet (raporti i tatimit të paguar mbi të ardhurat bruto)  ulet ndjeshëm.

Sipas llogaritjeve paraprake, efekti financiar i kësaj nisme do të jetë 1.5 mld lekë ose 15 milionë euro më shumë në buxhetin e familjeve shqiptare”./monitor

Ka dalë fotoja e 36 vjeçarit Glarurtin Kaçi, i cili u arrestua nga Policia e Tiranës pasi akuzohet për mashtrim.

Ai prezantohej si gazetar i emisionit investigativ Piranja me qëllim përfitimin e parave nga persona të ndryshëm.

Sipas policisë, Glarurtin Kaçi i ka marrë 8 mijë euro një qytetari, të cilit i ishte paraqitur si gazetar dhe e kishte kërcënuar se do të publikonte një video të sajuar, nëse nuk i jepte paratë.

Rasti është kallëzuar nga shtetasi L. B., i cili ka deklaruar se Kaçi e ka kontaktuar duke e bindur se materiali “komprometues” do të transmetohej në media, nëse ai nuk paguante shifrën e kërkuar.

Pas denoncimit, policia ka organizuar operacionin për kapjen e autorit, i cili tashmë ndodhet i ndaluar.

“Specialistët për Hetimin e Krimit Ekonomik dhe Financiar, në bashkëpunim me Komisariatin e Policisë Nr. 1, kapën dhe ndaluan shtetasin G. K., 36 vjeç, pasi denoncuesi L. B. deklaroi se ky shtetas, duke u prezantuar si staf i një emisioni investigativ, i ka marrë shumën prej 8000 euro, për të mos publikuar një video të sajuar prej tij”, thuhet në njoftimin zyrtar.

Policia bën me dije se hetimet vijojnë për të zbardhur plotësisht rrethanat e ngjarjes dhe çdo person tjetër që mund të jetë i përfshirë.

Gjykata e Lartë ka vendosur në një linjë me Apelin e Posaçëm Antikorrupsion për Olta Xhaçkën.

Treshja e gjyqtarëve vendosi kundër rekursit të Fredi Belerit për hetimin e ish-ministres së Jashtme dhe bashkëshortit të saj Artan Gaçi, lidhur me privatizimin e tokave në Himarë ku do ndërtohej resort turistik, dhe mbi të cilën morën statusin e investitorit strategjik.

SPAK vendosi dy herë mosfillimin e procedimit penal dhe tashmë me relator Sokol Binaj dhe anëtar Ilir Panda e Sander Simoninë në seancën gjyqësore të se hënës, edhe Gjykata e Lartë vendosi po njësoj.

Beleri e kallëzoi Xhaçkën dhe bashkëshortin e saj, ish-deputetin socialist Artan Gaçi, për disa vepra penale. E teksa refuzoi hetimin e çiftit socialist, SPAK mori të pandehur për shpërdorim detyre ish-kryebashkiakun e Himarës Jorgo Goro, lidhur me tjetërsimin e dy sipërfaqeve të tokës mbi të cilat Artan Gaçi mori statusin e investitorit strategjik.

Curaçao do të jetë kombi më i vogël që merr pjesë në Botërorin 2026, një ëndërr e bërë realitet në një natë që do të mbetet përgjithmonë në histori. Ishulli i vogël karaibik festoi arritjen e pabesueshme pas barazimit 0-0 kundër Xhamajkës, një pikë që mjafton për ta dërguar në Amerikën e Veriut verën e ardhshme me një biletë vetëm vajtje që dukej e pamundur për t’u siguruar. Është një sukses i orkestruar nga Dick Advocaat, i cili në moshën 78-vjeçare mori kënaqësinë të tërhiqte grupin e tij të lojtarëve drejt kompeticionit më të bukur nga të gjitha, që deri tani kishte qenë vetëm një iluzion i thjeshtë.

Curaçao kualifikohet në Botëror

Ishulli karaibik ka vetëm 156.115 banorë dhe të gjithë dje dolën në rrugë për të festuar rezultatin historik. Curaçao u kualifikua në Botëror për herë të parë në historinë e tij dhe do të ketë mundësinë të përballet me të mëdhenjtë dhe të ëndërrojë të jetë Këpuca e Qelqtë e kompeticionit: fakti që është aty në fazën e grupeve është tashmë një hap gjigant përpara dhe do të paraqitet në nisje si kombi më i vogël nga të gjithë, duke kaluar edhe Islandën që disa vite më parë kishte vendosur rekordin. Pas kësaj arritjeje të madhe është dora e Dick Advocaat, i cili në moshën 78-vjeçare pasuroi karrierën e tij me një kualifikim që dukej i pamundur për t’u arritur.

Asnjë lojtar i grumbulluar nuk ka lindur në ishull

Por të gjithë janë holandezë, duke qenë se kombi bën pjesë në Mbretërinë e Vendeve të Ulëta dhe u mundëson qytetarëve të ketë dy pasaporta dhe rrjedhimisht mundësinë e zgjedhjes në fushën sportive. Shumë prej tyre vendosën të përfaqësojnë përfaqësuesen e vogël karaibike pa asnjë pritshmëri, por u gjendën duke shkruar historinë e një vendi të tërë dhe do të duhet të përballen me mijëra emocione të Botërorit që luhet vetëm pak hapa larg shtëpisë.

CURAÇAO HAVE QUALIFIED FOR THEIR FIRST-EVER WORLD CUP ❤️

WHAT A MOMENT FOR THE BLUE WAVE 🌊 pic.twitter.com/Xn4Tm29MAv

— CBS Sports Golazo ⚽️ (@CBSSportsGolazo) November 19, 2025

Prokuroria e Athinës ka nisur procedim penal kundër një 29-vjeçari shqiptar, i cili dyshohet se ka rrahur për vdekje një shofer grek 58-vjeçar në Neos Kosmos, për krimin e vrasjes me dashje, pas një sherri për zënien e rrugës nga viktima dhe debatit që denigroi në fatalitet.

Media greke tashmë ka zbuluar nga pamjet e kamerave të sigurisë edhe momentin fatal, kur shqiptari e ndjek me motor pasi viktima e kishte ofenduar dhe spërkatur me spraj më herët, teksa mban kaskë të bardhë, zbret, i afrohet dhe e godet me breshëri grushtesh viktimën.

Ky i fundit qëndronte në sedilen e shoferit, i palëvizur pasi shqiptari nuk i jep asnjë shans, duke e goditur pa ndërprerë mbi 6 herë nga xhami i makinës, informon “Zougla”.

I dyshuari është person me precedentë, teksa mediat greke publikuan edhe fotot të tij, por jo identiteti. Sipas burimeve të prokurorisë, tre arrestimet e mëparshme të 29-vjeçarit kishin të bënin me kundërvajtje. Këto vepra penale nuk kërkojnë që i pandehuri të mbahet në paraburgim.

Shqiptari u mbrojt duke thënë se i kishte zënë rrugën dhe pas debatit të parë janë ndarë, por greku ka vijuar me ofendimet, e ka ndjekur dhe më pas spërkatur me spraj te palestra.

Kjo bëri që të humbte qetësinë, ta ndiqte me motor dhe më pas sulmonte fizikisht. Tërbimi i tij solli edhe fatalitetin.

Me njohuri profesionale të arteve marciale, fundi ishte tragjik. Ai ia goditi fort kokën në timon, e grushtoi dhe gjaku u përhap përreth. Ngjarja u pa nga shumë dëshmitarë të pranishëm dhe u filmua nga kamerat e sigurisë.

Presidenti amerikan Donald Trump nuk ka kursyer batutat, gjatë një fjalimi në Uashington, ku përmendi disa prej arritjeve të administratës së tij, përfshirë edhe marrëveshjen që Arabia Saudite të investojë 1 trilion dollarë në SHBA.

Teksa po fliste për rënien e çmimeve të ushqimeve, Trump tha se çmimi i gjelit të detit, që në anglisht quhet “Turkey”, ka rënë me 33%. Ai pastaj i kërkoi të pranishmëve të mos e ngatërrojnë me shtetin e Turqisë, pasi nuk do që Erdogan ta thërrasë në telefon duke u ankuar.

“Po shkonim drejt vdekjes. Ishim në një drejtim shumë të keq. Sipas statistikave, gjeli i detit (Turkey) ka rënë me 33%, dhe nuk e kam fjalën për Turqinë, ata janë mirë. Nuk dua që Erdogani të më marrë në telefon dhe të thotë nuk kam  rënë me 33%. Duhet të kujdesemi për miqtë, i kemi miq të mirë”, u shpreh Trump