Author: admin

Kryeministri Edi Rama, sot ka zhvilluar episodin e gjashtë të sezonit të gjashtë të podcastit të tij “Flasim” ku gjatë këtij episodi Kryeministri është ndalur tek konkluzionet e mbledhjes së Grupit Parlamentar, pas mos-vendimit të Kushtetueses, sa i përket rastit të pezullimit të ministres Belinda Balluku.

Ai është shprehur se ditën e nesërme sëbashku me Taulant Ballën dhe Ulsi Manjën do të depizitojnë një nismë në lidhje me ndryshimet ligjore që lidhen me kompetencat e gjyqësorit.

“Gjithsesi tanimë kur as gjykata kushtetuese nuk mori dot vendim për rastin konkret ne do kalojmë përtej rastit konkret dhe të hënën, nën cilësinë e deputetit unë sëbashku me kryetarin e grupit parlamentar Taulant Balla, dhe kryetarin e komisionit të ligjeve, Ulsi Manja, pra me tre firmat tona do të depozitojmë nismën për të adresuar menjëherë boshllëkun në fjalë. Nisma do i paraqitet fillimisht grupit parlamentar në mbledhjen e tij të fillimjavës, ditën e hënë në mëngjes dhe do të jetë transparente edhe për opinionin publik pasi prezantimi i nismës do të bëhet me praninë e medias” u shpreh kryeministri.

Edi Rama: Dua të ndalem edhe për një sqarim për konkluzionet e mbledhjes së Grupit Parlamentar, pas mos-vendimit të Kushtetueses. Edhe njëherë, nuk është çështja te personi, por te parimi. Te parimi i ndarjes së panegociueshme të pushteteve.

Në këtë vend pa kulturë të të konsoliduar demokratike mdhe me një drejtësi të pavarur në moshë shumë të mitur nuk mhjafton fryma por duhet edhe gërma e ligjit, madje duhet gërmë për gërmë për gërmë, qoftë edhe për gjëra elementare si kjo. Gjykata nuk nën ushtrimine kompetencave të saj ka të drejtë të vendosë masa për ccdo person nën hetim, këtë nuk e diskuton askush, dhe askush nuk është mbi ligjin e këtu vbiem dakord të gjithë, e të paktën të gkithë me fjalë, unë bie dakord dhe me vepra por në të njëjtën kohë ka disa funksione,

ku hyn dhe ai i ministrit të cilat paralizohen nëse ministri pezullohet pra faktikisht nëse ti thua që “unë pezulloj një ministër” “unë pezulloj presidentin e republikës”, “unë pezulloj kryetarin e kontrollit të lartë të shtetit” e ku di unë disa të tjerë që mbulojnë funksione të padelegueshme, faktikisht ti prodhon një pasojë, të menjëhershme të barabartë me shkakrimin sepse nuk është pezulluar thjeshtë personi sicc mund të ndodhi me një drejtor, punën e të cilit e bën dikush tjetër por është pezulluar funksioni.

Ndërkohë që pikërisht për shkak të funksionit emërimi apo shkarkimi i ministrit nuk është gjëkundi kurrë në asnjë vend të botës mund ta them me plotë gojën tani sepse nuk e ka nxjerrë dot kush një rast kun ë një vend të botës kjo kompetencë është e një prokurori dhe një gjykatësi në një seancë paraprake. Drejtësia duhet të jetë e pavarur, sot ajo është e pavaruar edhe duhet të mbetet përgjithmonë e pavarur, por pavarësia e pushtetit gjyqësor mbaron aty ku fillon pavarësia e dy pushteteve të tjera,

legjislativit dhe ekzekutivit të cilat ndër të tjera kanë edhe të drejtën dhe detyrën në emërojnë apo të shkakrojnë ministra, dhe kjo e drejtë dhe detyrë nuk ndahet me gjyqësorin, nuk i takon gjyqësorit dhe nuk mund të lejohet që ta marrë gjyqësori. Gjithsesi tanimë kur as gjykata kushtetuese nuk mori dot vendim për rastin konkret ne do kalojmë përtej rastit konkret dhe të hënën, nën cilësinë e deputetit unë sëbashku me kryetarin e grupit parlamentar Taulant Balla, dhe kryetarin e komisionit të ligjeve,

Ulsi Manja, pra me tre firmat tona do të depozitojmë nismën për të adresuar menjëherë boshllëkun në fjalë. Nisma do i paraqitet fillimisht grupit parlamentar në mbledhjen e tij të fillimjavës, ditën e hënë në mëngjes dhe do të jetë transparente edhe për opinionin publik pasi prezantimi i nismës do të bëhëet me praninë e medias.

Një debat i ashpër është zhvilluar së fundmi mes Mateos dhe Rogertit, ku ky i fundit ka bërë sërish të njëjtën gjë, atë që di më së miri të bëjë, të ofendojë dhe kërcënojë!

Rogerti, banori të cilit i është tërhequr disa herë vërejtje për shkak të fjalorit të tij dhe mënyrës se si sillet me banorët, ka kërcënuar së fundmi Mateon duke e paralajmëruar për atë çfarë do t’i ndodhë kur të jenë jashtë shtëpisë së Big Brother Vip.

“U çfarë do të të bëj unë ty jashtë.”, dëgjohet t’i thotë ai banorit tjetër të kësaj shtëpisë.

Pjesë nga debati:

Rogerti: Jashtë mos u merr me atë sport se jashtë…E di çfarë të bëj unë jashtë? U ça prej të të bëj unë ty jashtë. O të të shpërlaj e të të përlaj unë ty. Nga shishe uji të bëj limonadë qershie

Mateo: Hajde provoje

Rogerti: Jashtë

Mateo: Hajde provoje edhe këtu edhe jashtë

Rogerti: Çfarë pres unë të të bëj jashtë

E ftuar diten e sotme në Fan Club ishte nëna e Stenaldos, e cila ka bërë një rrëfim rrëqethës. Ajo tha se ka kaluar shumë vështirësi në jetë dhe Stenaldo ka qenë arsyeja e ringritjes së saj. Rrëfimi i saj përloti të gjithë personat e pranishëm në Fan Club.

“Ndihem shumë e emocionuar. Më shumë po e përjetoj unë jashtë sesa Stenaldo. Gjithë kohës me ankth se si do të shkojë gjëja. E shoh shumë mirë, si gjithmonë ka forcë për t’i përballuar gjërat. Më ka dhënë frymë, më jep jetë që të jetoj. Jam bërë e fortë pas shumë sakrificash, vetëm Stenaldo më ka dhënë forcë për çdo gjë. Jam shumë e emocionuar, por më mungon shumë. Që i vogël çdo gjë e kemi kaluar bashkë. Edhe në Gjermani flisnim 10 herë në ditë”, tha nëna e Stenaldos.

Ajo shtoi se e ka pasur shumë të vështirë hyrjen e Stenaldos në Big Brother.

“Ishte aq e vështirë kur hyri në fillim. Thoja: si do ta përjetojë Stenaldo? Unë e kam përjetuar pak keq për shkak të ankthit. Ditën e fundit kam qenë keq, i thashë: ‘Nuk do hysh’. Ai ishte mësuar të merrej me punë. Nuk rri dot një sekondë pa bërë diçka. Kam dashur që të jetë i barabartë, këtë ia kam mësuar që i vogël. Ki mendjen, gjërat shikoi me mendje.”

Mamaja e Stenaldos dha edhe një koment për Juelën.

“Vajzë e mirë, në fillim më pëlqeu shumë, familjare, e rregullt. Nuk e di pastaj pse gjërat ndryshuan”, tha ajo.

Shërbimi Kombëtar Kundër Korrupsionit arrestoi ish -ministrin ukrainas të Energjisë, German Galuchenko. Politikani u arrestua pak para se të largohej nga vendi.

“Sot, ndërsa po kalonte kufirin, hetuesit e ndaluan ish-Ministrin e Energjisë në lidhje me rastin Midas”, thanë autoritetet në një deklaratë, duke iu referuar skandalit të korrupsionit që tronditi sektorin e energjisë të Ukrainës vitin e kaluar.

Emri i Galuchenkos nuk u përmend në njoftim, por mediat raportojnë se ai shërbeu si Ministër i Energjisë deri në vitin 2025 dhe dha dorëheqjen në nëntor të atij viti.

“Hetimet fillestare janë duke u zhvilluar, të cilat po kryhen në përputhje me ligjin dhe sanksionet e parashikuara gjyqësore”, u tha në njoftim.

Galuchenko ishte midis ministrave që dhanë dorëheqjen në vitin 2025 pasi Byroja Kombëtare Kundër Korrupsionit zbuloi një rrjet të gjerë pastrimi parash në sektorin e energjisë të Ukrainës, për të cilin hetuesit dyshojnë se ishte orkestruar nga një aleat i Presidentit Volodymyr Zelensky.

Sipas agjencisë, anëtarët e këtij rrjeti ngritën një skemë ryshfeti që vlerësohet në 100 milionë dollarë për të përvetësuar fonde, duke shkaktuar zemërim publik në një kohë kur vendi po përjetonte ndërprerje të përhapura të energjisë elektrike të shkaktuara nga sulmet ruse.

Hetuesit besojnë se Galuchenko përfitoi “përfitime personale”. Ukraina është prekur prej kohësh nga korrupsioni dhe luftimi i këtij fenomeni konsiderohet një parakusht për pranimin e saj në Bashkimin Evropian.

Mbrëmja e djeshme në Big Brother VIP ishte një slitë e vërtetë emocionesh për Artan Kolën dhe gjithë publikun shqiptar. Nga rrëfimi rrëqethës për jetën e tij të vështirë, te surpriza epike nga bashkëshortja, Tani na tregoi se pas humorit të tij fshihet një histori e jashtëzakonshme mbijetese dhe dashurie. Megjithatë, një detaj gjatë surprizës “theu rrjetin” dhe shkaktoi një furtunë komentesh e aludimesh.

Rrëfimi që përloti shtëpinë

Para se situata të merrte një kthesë komike në rrjetet sociale, Tani preku zemrat e të gjithëve me Linjën e tij të Jetës. Ai tregoi për humbjen e babait në moshën 8-vjeçare, betejën fatale të nënës me kancerin, dhe goditjen më të rëndë: gjetjen e vëllait të tij, Albanit, pas 23 vitesh, vetëm për të dëgjuar fjalët shokuese, “Nuk të njoh”.

Për të ndryshuar këtë atmosferë të rënduar, “Vëllai i Madh” solli në shtëpi bashkëshorten e Tanit, Lirinë. Me një buqetë me lule në dorë (duke përmbysur rolet tradicionale), ajo u shfaq me batutën që shkaktoi ovacione: “Të vinte dita, që unë të të sillja lule ty… Vetëm Tan gjigandi e ka”. Ajo rikujtoi historinë e tyre 25-vjeçare, të nisur nga një “gënjeshtër” e ëmbël e Tanit që i tha “të ka rënë diçka në qerpik” për t’i vjedhur puthjen e parë.

Momenti i “Skandalit”: Kush është Nikolini?

Gjatë bisedës me Tanin dhe publikun, Liria gjeti momentin të falënderonte disa burra që i kishin ndenjur pranë familjes së tyre gjatë sakrificave ndër vite. Ajo u ndal veçanërisht te shefi i saj, Nikolini, duke e falënderuar publikisht që i kishte lehtësuar kushtet dhe oraret e punës, në mënyrë që ajo të arrinte të rriste fëmijët e saj e qetë.

Ky falënderim i sinqertë u kthye menjëherë në “karburant” për rrjetet sociale. Brenda pak minutash:

• Shpërthyen memet: Përdoruesit filluan të bënin krahasime me skeçin e famshëm të Portokallisë, “Çifti i Lumtur”.
• Aludimet e rënda: Ndjekësit nisën të insinuonin me ironi se shefi “zemërgjerë” që i lehtëson gruas punën për të rritur fëmijët, fsheh diçka më shumë, duke lënë të kuptohet për një tradhti të mundshme.

E Vërteta: Një “Mollë e Ndaluar” që s’ekziston

Ndërkohë që rrjeti po argëtohej duke ngritur skenare telenovelash, e vërteta është krejtësisht ndryshe dhe shumë më e thjeshtë.

Burime të afërta pranë familjes kanë konfirmuar zyrtarisht se nuk ka asnjë hapësirë për dyshime apo skenare të errëta. Nikolini, shefi i Lirisë, është në fakt djali i dajës së Tanit. Ndihma e tij nuk ishte asgjë tjetër veçse një mbështetje e pastër familjare në kohë të vështira, kur Tani dhe Liria po ndërtonin jetën e tyre dhe po rrisnin fëmijët mes shumë sfidash. Rrjeti u nxitua të shihte një “telenovelë tradhtie”, kur në fakt kishte para syve një shembull të bukur të mbështetjes mes të afërmve.

Në fund të ditës, Tani mbetet fitues: me një histori jete që frymëzon, një grua që i qëndron krah, dhe një familje të madhe që mbështet njëri-tjetrin. Rrjetit, këtë herë, i doli bllof fantazia!

Ndryshime të rëndësishme dhe me peshë politike janë regjistruar ditën e premte në stafin më të afërt të Kryeministrit Edi Rama, duke sinjalizuar një riformatim të qartë të qendrës vendimmarrëse të qeverisë. Lëvizjet e fundit janë interpretuar nga analistët politikë si pjesë e një strategjie më të gjerë për të menaxhuar krizën institucionale të krijuar pas zhvillimeve të fundit juridike që përfshijnë zëvendëskryeministren Belinda Balluku.

Në krye të ndryshimeve qëndron largimi i Engjëll Agacit nga posti i Sekretarit të Përgjithshëm të Kryeministrisë, detyrë që tashmë i është besuar Elsonida Ramës. Paralelisht, posti i Shefes së Kabinetit i është dhënë Vilma Gurit, një emër i njohur për përvojën e saj në administratën shtetërore dhe drejtimin e strukturave qeveritare. Këto emërime vijnë në një moment delikat për ekzekutivin, duke përforcuar idenë se Kryeministri po kërkon stabilitet dhe besnikëri institucionale në rrethin e tij më të afërt.

Megjithatë, vëmendja kryesore në qarqet politike nuk është ndalur vetëm te ndryshimet në Kryeministri, por te e ardhmja politike e Belinda Balluku. Pas vendimit të Gjykata Kushtetuese për të lënë në fuqi pezullimin e saj nga detyra, janë hapur skenarë të shumtë mbi rikonfigurimin e postit të zëvendëskryeministrit dhe Ministrisë së Infrastrukturës dhe Energjisë.

Burime pranë mazhorancës bëjnë me dije se një nga emrat më të përfolur për të marrë postin e numrit dy të qeverisë është Delina Ibrahimaj, aktualisht ministre e Ekonomisë dhe Inovacionit. Ajo shihet si një figurë teknike, me profil të ulët politik, por me besimin e Kryeministrit dhe përvojë në menaxhimin financiar dhe administrativ.

Në të njëjtën kohë, diskutimet nuk e përjashtojnë as Ervin Demo, ministër i Pushtetit Vendor, si një alternativë për postin e zëvendëskryeministrit. Demo konsiderohet si një figurë politike me eksperiencë në administrimin lokal dhe bashkëpunim të ngushtë me strukturat vendore, çka mund t’i shërbejë qeverisë në një periudhë sfiduese.

Sipas burimeve politike, një nga vendimet kyçe që pritet të merret është ndarja përfundimtare e postit të zëvendëskryeministrit nga ai i ministrit të Infrastrukturës dhe Energjisë, dy detyra që deri më tani janë mbajtur njëkohësisht nga Balluku. Ky rikonfigurim shihet si përpjekje për të ulur përqendrimin e pushtetit dhe për të krijuar një balancë më funksionale brenda kabinetit qeveritar.

Sa i përket drejtimit të Ministrisë së Infrastrukturës dhe Energjisë, burime nga Kryeministria bëjnë të ditur se po shqyrtohet mundësia që ky post t’i besohet një prej drejtorëve aktualë të qeverisë Rama, duke ndjekur modelin e emërimeve të fundit. Si Elsonida Rama, ashtu edhe Vilma Guri, janë produkte të një karriere të gjatë në administratë, çka duket se po kthehet në një kriter të rëndësishëm për emërimet e reja.

Ndërkohë, zhvillimet pritet të marrin një tjetër kthesë institucionale gjatë kësaj jave, kur kryetari i Kuvendit, Niko Peleshi, pritet të thërrasë Këshillin e Mandateve. Në këtë mbledhje do të diskutohet kërkesa e SPAK për heqjen e imunitetit dhe lejimin e masës së sigurisë ndaj Ballukut, një hap që mund të ketë pasoja të forta politike për mazhorancën.

Në këtë kontekst, lëvizjet e fundit në Kryeministri dhe skenarët e rikonfigurimit të qeverisë shihen si përpjekje të Kryeministrit Rama për të ruajtur kontrollin politik, stabilitetin institucional dhe për të menaxhuar goditjen që çështja Balluku i ka dhënë imazhit të qeverisë.

Megjithëse kanë kaluar më shumë se dy javë nga vendimi i Komisionit të Mbrojtjes pranë Këshillit të Lartë të Prokurorisë për rritjen e masave të sigurisë, Garda e Republikës nuk ka shtuar numrin e efektivëve për mbrojtjen e Altin Dumani.

Burime nga Struktura e Posaçme kundër Korrupsionit dhe Krimit të Organizuar (SPAK) bëjnë me dije për Euronews Albania se numri i truprojave që shoqërojnë dhe ruajnë ish-drejtuesin e këtij institucioni vijon të mbetet i njëjtë, pavarësisht se Komisioni i Mbrojtjes pranë Këshilli i Lartë i Prokurorisë (KLP) ka pranuar kërkesën e kreut aktual të SPAK, Klodian Braho, për rritjen e nivelit të sigurisë fizike.

Sipas burimeve, ndryshe nga Garda e Republikës, Policia e Shtetit i është përgjigjur kërkesave të SPAK për eskortim sa herë që kjo ka qenë e nevojshme. Përgjigjja e Gardës: Informacioni është “sekret shtetëror”.

Garda e Republikës refuzoi të japë detaje mbi masat konkrete të sigurisë, duke argumentuar se të dhënat mbi organikën dhe numrin e efektivëve për shoqërimin e personaliteteve të larta janë të klasifikuara në nivel “sekret shtetëror”.

Në përgjigjen zyrtare drejtuar gazetarit të Euronews Albania, Eni Ferhati, Garda thekson se: Organika e Gardës, që përmban numrin e punonjësve të sigurisë për grupet e shoqërimit të personaliteteve, është dokument i klasifikuar, bazuar në Vendimin nr. 1, datë 17.11.2021 të Ministrit të Brendshëm.

Sipas ligjit nr. 10/2023 “Për informacionin e klasifikuar”, ky informacion nuk është i aksesueshëm për publikun.

Eskortat ndërtohen mbi bazën e analizës së riskut dhe faktorëve të parashikuar në VKM nr. 777, datë 15.12.2021.

Shoqërimi i z. Dumani kryhet në përputhje me parashikimet ligjore dhe nënligjore, si dhe me organikën e miratuar me urdhër të Ministrit të Brendshëm.

Pyetjet e drejtuara Gardës

Përmes një kërkese për informacion, Euronews Albania i ka adresuar Gardës këto pyetje:

1.A është shtuar numri i efektivëve për sigurinë e z. Dumani pas vendimit të Komisionit të Mbrojtjes pranë KLP? Nëse po, sa efektivë shtesë janë caktuar?

2.Cili është numri aktual i efektivëve që sigurojnë mbrojtjen e z. Dumani dhe familjarëve të tij, para dhe pas vendimit të Komisionit të Mbrojtjes?

Në fund të janarit, Komisioni i Mbrojtjes pranë KLP vendosi rritjen e masave të sigurisë për ish-drejtuesin e SPAK dhe disa prokurorë të tjerë, për shkak të çështjeve komplekse dhe me ndikim të lartë publik që ata kanë trajtuar ndër vite.

Kërkesa për shtimin e sigurisë, e paraqitur nga kreu aktual i SPAK, Klodian Braho, u pranua nga Komisioni, pasi ishte e mbështetur në analizën përkatëse të riskut. Megjithatë, sipas burimeve nga SPAK, në terren nuk ka ende një ndryshim konkret në numrin e efektivëve që sigurojnë mbrojtjen e Altin Dumanit.

Një numër incidentesh të papritura janë regjistruar gjatë një performance të këngëtarit të muzikës popullore Ylli Baka, i cili është goditur egër nga disa persona nga audienca teksa ishte duke kënduar.

Sipas pamjeve të siguruara nga JOQ, artisti ishte në mes të performancës kur individë nga publiku i janë afruar dhe e kanë goditur të mënyrë të furishme, duke shkaktuar tension dhe ndërprerje të performancës nga artisti.

Ngjarja ka krijuar reagime të menjëhershme mes të pranishmëve, ndërsa disa persona janë përpjekur të qetësojnë situatën.

Ende nuk dihen shkaqet që çuan në këtë incident.

Ngjarja ka ngjallur debat në rrjet, ku shumë ndjekës kanë reaguar duke dënuar dhunën gjatë eventeve artistike dhe duke kërkuar më shumë siguri për artistët gjatë performancave live. JOQ

Shiko videon këtu

Gazetarja Edina Avdiu, është gazetarja e radhës që u largua nga puna në RTK, e që thotë se u largua nga pushteti.

Ajo ka thënë se disa javë më parë, administrata e RTK-së e ka njoftuar se nuk do t’i vazhdohet kontrata e rregullt e saj e punës, për çka ka thënë se ky vendim ka ardhur pavarësisht se kishte vlerësime vjetor embi mesatare nga redaktoret e lajmeve, dhe nuk e kishte asnjë vërejtje.

Ajo ka thënë se nga puna e ka larguar u.d i kryeredaktorit, Blerim haxhiuj që ka thënë se edhe muaj më parë ka nisur procedura disiplinore ndaj saj, por që i janë kthyer mbrapshtë.

“”KOMISIONI AD HOC I RADIOTELEVIZIONIT TË KOSOVËS, në takimin e mbajtur

më 09.10.2025, mori këtë:

VENDIM

1. Aprovohet si e bazuar në tërësi ankesa me nr.1773/25 datë 22.09.2025 e palës ankuese Edina

Avdiu, e sistemuar në vendin e punës – Gazetare 1.

ll Shfuqizohet vendimi 1726/25 i datës 11.09.2025, me të cilin të

punësuarës Edina Avdiu i është shqiptuar masa e lehtë disiplinore “Verejtje me shkrim””, ka thënë Avdiu se thuhej në atë vendi,

Avdiu ka thënë se në kohën kur është larguar nga puna, është në muajin e pestë të shtatzanisë, e për çka ka thënë se eprorët e saj ishin në dijeni.

“Arsyetim as vendim nuk mu percoll, POR arsyet qe dihen jane se; Ne keto 3 vite angazhimi ne transmetuesin publik, partise ne pushtet nuk i konvenonte as kur e mbaja mikrofonin ne dore e beja pyetje, as kur e lshoja ne toke, ndaj vendosen qe te ma merrnin nga dora. Ne te dy rastet u ftova nga u.d kryeredaktori i cili me thoshte se presioni nga partia ne pushtet eshte i madh, presion qe i erdhi ne zarf me 200 mijeshen nga Qeveria, nderkohe qe pyetja ime per kryeministrin ishte, pse nuk kam rroge? Presion u provua te ushtrohej edhe ndaj meje si gazetare, natyrisht jo direkt nga partia, por permes veglave te tyre brenda RTK-se, ne pozita te redaktoreve”, ka thënë Avdiu.

Ajo ka rrëfyer edhe për presionin, censurën dhe mbledhjet që ka thënë se ishin të besdisshme në mëngjes, pasi siç ka thënë Avdiu, temat refuzoheshin se nuk i konvenonin partisë në pushtet.

“Ndikimi i partise ne pushtet, ne Dhomen e Lajmeve po ndihej aq fort, sa ‘erdhi dita’ qe gazetaret gezoheshim nese nje dite shpetonim pa na u dhene ndonje detyre e ketij lloji (lexo propagande). Ne keto rrethana, qe per te qene reale, nuk ishin te tilla kur une fillova punen, arrita te realizoj 803 kronika, e qindra lidhje direkte. Por puna me e madhe qe kam bere, mendoj une, jane kronikat qe s’i kam bere, tekstet qe s’i kam lexuar”, ka shtuar Avdiu.

Ajo ka treguar gjithashtu, se arsyeja pse u largua nga puna ishte pasi në ditën e zgjedhjes së Dimal Bashës kryeparlamentar, iu dha urdhër nga redaktorja që ta lexonte një tekst ku lavdëronte e ngritte në qiell Bashën.

“Insistimi ishte qe thjeshte ta lexoja, pa bere pyetje dhe pa mu pergjigjur se kush ishte autori. Natyrisht se une refuzova ta lexoja kete tekst me cilesime e joprofesional per edicionin qendror te lajmeve. Sidoqofte, meqe kam punuar e jam angazhuar vetem per interesin e publikut, po e le ne rubriken e komenteve, tekstin e asaj dite, qe publiku ta lexoj dhe kuptoj; pse une nuk jam me pjese e televizionit publik te Kosoves”, ka shtuar Avdiu. /Lajmi.net/

Teksti që Avdiu ka thënë se iu dha të lexonte:

Postimi i plotë:

https://www.facebook.com/dina.avdiu/posts/26827601233496054

Xhetan Ndregjoni nuk i ndali asnjëherë përpjekjet për të sjellë nga Siria mbesën e tij, Eva.

Për plot 12 vite, me mënyrat më të ndryshme, ai tentoi e tentoi shumë herë t’i sillte të motrës të bijën, të cilën bashkëshorti, përmes mashtrimit, ia mori duke shkuar në Siri e duke iu bashkuar Shtetit Islamik.

Nuk kanë munguar rastet kur atë e kanë mashtruar me premtime false për ta kthyer Evën.Në një intervistë telefonike nga Stambolli, Xhetan Ndregjoni ka treguar vuajtjet e fundit të këtij kapitulli 12-vjeçar.
“Kemi kaluar 48 orë të vështira pasi Eva mbërriti në kufirin turk me Sirinë.

Autoritetet turke të sigurisë e kanë intervistuar Evën për disa orë, por më në fund, me ndihmën e autoriteteve shqiptare, ajo mbërriti paraditen e sotme në shtëpi”, tha ai.

“Ne i mirëkuptuam në shqetësimin e tyre, pasi e dinim se në çfarë rrethanash vinte Eva.”
Xhetani tregon momentin kur, pas 12 vitesh, takoi mbesën.

“Mu hodh në qafë e vetëm thoshte: daja, daja… nisi të qante. Ishte e frikësuar, pasi ishte rrethuar me njerëz të panjohur, të cilët e sollën nga një rrugë e gjatë prej Sirisë në kufirin me Turqinë.

Nuk munda ta besoja se ajo mbërriti. Hera e fundit kur e kisha parë ishte 8 vjeçe. Ajo sot është 20 vjeçe. I dridhej zëri kur më përqafoi.

Deri në atë moment ia kisha dëgjuar zërin vetëm nga mesazhet zanore që na dërgonte. E gjitha ishte e pabesueshme, pasi në të shkuarën shumë herë na ishte premtuar se do ta sillnin Evën, por nuk ndodhi.”

I jam mirënjohës shumë njerëzve të përfshirë në sjelljen e Evës në shtëpi.”
Xhetani thotë se, pasi të çmallet me nënën e saj, të motrën e tij, ai dëshiron që Eva, njësoj si fëmijët e tij, të vijojë jetën e rrethuar me dashuri, bashkë me të vëllain Endrin.

Ndërsa, në një mesazh në rrjetet sociale, ai thotë: “Eva, sot erdhi pranë familjes!
Mirënjohje të pafundme për çdo njeri që besoi tek Eva dhe për çdo njeri që ndihmoi që Eva të jetë sot pranë familjes! Faleminderit! Faleminderit!”.