SPAK ose GJKKO duhet të ndryshojnë masën e arrestit me burg për Erion Velinë, për disa arsye ligjore dhe kushtetuese.
Gjykata Kushtetuese ka kthyer në detyrë kryetarin e bashkisë, Erion Veliajn. Automatikisht edhe dekreti i Presidentit për zgjedhjet mbetet në fuqi, duke lënë të kuptohet se Erion Veliaj do të jetë në detyrë deri në qershor 2027.
Në këto kushte, a mund ta drejtojë ai Bashkinë e Tiranës nga paraburgimi i Durrësit?
Ligjvënësi ka parashikuar në Kodin e Procedurës Penale masën e arrestit me burg si masë ekstreme shtrënguese, e cila përdoret vetëm kur të gjitha masat e tjera konsiderohen të paaplikueshme.
GJKKO duhet të ndryshojë masën e sigurimit për disa arsye juridike:
1- Vendimi i Gjykatës Kushtetuese ka krijuar rrethana të reja ligjore dhe juridike, të cilat lidhen me ushtrimin e detyrës dhe të drejtave kushtetuese.
2- Ky vendim është bazë juridike për Gjykatën Evropiane të të Drejtave të Njeriut në Strasburg që ta konsiderojë arrestimin si masë të papërshtatshme, njësoj si në rastin e ish-drejtorit të RTSH-së, Thoma Gëllçi. Për më tepër, Erion Veliaj është i zgjedhur nga populli.
3- GJKKO ka një praktikë të mëparshme me Sali Berishën, ku pas vendimit të Gjykatës Kushtetuese masa e sigurisë u ndryshua nga “arrest shtëpie” në “detyrim paraqitjeje”.
4- GJKKO ka sërish një precedent penal me të njëjtin personazh politik, ku pas kalimit të dosjes për gjykim, i pandehuri nuk mund të dëmtojë më provat apo të pengojë hetimin.
5- Gjykata duhet të vlerësojë se Erion Veliaj nuk paraqet më rrezikshmëri shoqërore dhe nuk ka arsye të arratiset nga Shqipëria.
6- Ashtu si shumë deputet apo zyrtarë që hetohen të lirë, edhe Erion Veliaj mund të gjykohet pa pranga.
Të gjithë mund të jemi politikisht kundër Erion Veliajt, por sot të gjithë duhet të jemi juridikisht pro tij, si mundësi që Shqipëria të tregojë se ka institucione dhe gjykata që janë garante të Kushtetutës.
Larg çdo egoje profesionale, gjykatat shqiptare duhet ta lirojnë sot Erion Velinë për të ruajtur integritetin e tyre institucional.
Unë do të këshilloja çdo gjyqtar ta lirojë sot, sepse do të ishte më dinjitoze që prangat t’ia heqë Shqipëria, e jo Gjykata e Strasburgut.
Këshilli i Ministrave ka zhvilluar sot një mbledhje, ndërsa vendimet e saj nuk janë zbardhur.
Vox News mëson se dhe pse mbledhja e qeverisë ka mbaruar, ministrat nuk janë larguar nga godina e Kryeministrisë, pasi do të zhvillojnë një tjetër mbledhje urgjente.
Por, në këto orë të ethshme në Kryeministri do të vendoset fati i zëvendëskryeministres Belinda Balluku, por miratimi i buxhetit të vitit 2026.
Sakaq, kryeministri Edi Rama do të udhëtojë nesër drejt Brukselit për të marrë pjesë në forumin mbi zgjerimin e BE-së.
Ndërkohë, në mbledhjen e ardhshme, qeveria do të marrë vendimin nëse Balluku do të qëndrojë në postin e zëvendëskryeministres dhe atë ministres së Infrastrukturës dhe Energjisë apo do të largohet për t’u përballuar me hetimin e SPAK si një deputete e thjeshtë.
Dashi Çështjet financiare mund të kenë nevojë për vëmendje sot. Faturat duhet të paguhen çekët ose kontratat të ekzekutohen. Lehtësimi që do të merrni nga kjo duhet t’ju ngrejë ndjeshëm moralin. Dilni në ajër të pastër, bëni një shëtitje dhe shfrytëzoni më shumë energjinë tuaj.
Demi Je në humor të shkëlqyer dhe mezi pret të bësh thuajse çdo gjë. Energjia jote fizike është e lartë, kështu që rekomandohet të bësh disa ushtrime, ndoshta sporte të ndryshme. Mund të duash të bësh një udhëtim të shkurtër jashtë qytetit, të nisësh një kurs të ri studimi ose të provosh të shkruash.
Binjakët Ke mbërritur në një pikënisje të rëndësishme. Nis rrugën që gjithmonë ke dashur të ndjekësh. Je në pozicionin e përsosur. Rruga mund të duket e gjatë, por nuk ka pse të jetë e frikshme.
Gaforrja Mos merrni asnjë vendim të madh. Shtyjeni për më vonë. Mendja juaj nuk është plotësisht e qëndrueshme dhe çdo veprim që bëni nuk do të dalë ashtu siç dëshironi. Kjo është një kohë për t’iu përmbajtur detyrave që janë planifikuar tashmë.
Luani Nuk mund t’u besosh plotësisht fjalëve të të tjerëve. Njerëzit mund të thonë një gjë tani dhe të premtojnë gjithçka, por që ata ta mbajnë këtë premtim është një histori tjetër. Në fund të fundit, ata kanë në mendje axhendën e tyre – jo tuajën. Ki kujdes.
Virgjëresha Vazhdoni me detyrat që keni nisur tashmë. Tani nuk është koha për të filluar diçka të re. Besimi juaj është i lartë dhe emocionalisht ndiheni mirë, por në përgjithësi, aktualisht nuk keni gjykimin e duhur. Mos bëni lëvizje të mëdha në këtë kohë.
Peshorja Je në prag të një përparimi të madh në karrierën tënde. Mos e prish këtë mundësi të mrekullueshme duke u nxituar. Jo gjithçka është gati ende. Ki durim. Sot është një kohë e mirë për të reflektuar mbi të kaluarën dhe për të mbajtur shënime mendore.
Akrepi Një ndryshim shumë pozitiv është në ajër, me shumë mundësi bëhet fjalë për situatën tuaj familjare. Ndoshta ju dhe partneri juaj po mendoni të zhvendoseni në një shtëpi të re, ose të blini ose shisni pronën tuaj. Mund ta çoni këtë vendim një hap më tej tani.
Shigjetari Do ta gjesh veten duke ëndërruar me sy hapur. Lëre mendjen të lirë. Fantazitë e tua janë shumë të vlefshme – ato do të të ndihmojnë të hapësh rrugën drejt hapit tjetër në karrierën tënde.
Bricjapi Mos e nënshkruaj kontratën ende. Mos i thuaj po marrëveshjes që po të ofrohet tani. Mendo plotësisht për pasojat. Nëse angazhohesh tani, do të gjendesh në një situatë shumë të vështirë më vonë.
Ujori Kthehuni pas në kohë dhe pyeteni veten se çfarë keni arritur. A i keni përmbushur qëllimet që i keni vënë vetes? Ndoshta nuk keni vendosur asnjë qëllim. Vlerësoni situatën tani në mënyrë që të përgatiteni për të ardhmen.
Peshqit Bëhuni gati! Thyeni barrierën që ju ka shqetësuar në marrëdhënien tuaj. Nëse ju dhe partneri juaj mendoni se ia vlen të vazhdoni, atëherë mund të kërkohet një përpjekje për të kapërcyer këtë vështirësi, por me vendosmëri çdo gjë është e mundur.
Gjykata Kushtetuese ka shpallur vendimin në lidhje me kërkesën e Erion Veliaj.
Sipas GJK, Veliaj rikthehet në postin e kryebashkiakut të Tiranës, duke rrëzuar vendimin e marrë nga qeveria për shkarkimin e tij nga detyra.
Erion Veliaj kërkoi rrëzimin e shfuqizimin e vendimit të Këshillit të Ministrave nr. 539, datë 25.09.2025 “Për shkarkimin nga detyra të Kryetarit të Bashkisë Tiranë, z. Erion Veliaj”, si i papajtueshëm me Kushtetutën e Republikës së Shqipërisë”, si dhe rrëzimin e dekretit të presidentit Bajram Begaj që dekretoi datën 9 nëntor për mbajtjen e zgjedhjeve të pjesshme lokale edhe në Bashkinë e Tiranës.
Në mbrojtjen e tij në seancën në Kushtetuese, Veliaj u shpreh se po përballet me një proces të padrejtë dhe me një situatë që, sipas tij, përbën shkelje të të drejtave themelore dhe të vullnetit të qytetarëve.
“Beteja ime vjen pas një sage të gjatë dhe zhgënjyese. Jam rrëmbyer nga zyra ku më kanë zgjedhur qytetarët dhe jam mbyllur në një regjim burgosjeje më të rëndë se vrasësit serialë. Sot kam më shumë policë rreth vetes sesa avokatë,” tha Veliaj.
Ai shtoi se periudha e fundit ka qenë e mbushur me shkelje të të drejtave të tij dhe me një fushatë denigrimi ndaj figurës së tij.
“Jam zgjedhur tri herë radhazi nga qytetarët e Tiranës. Kjo që po ndodh është një përçmim ndaj votës, ndaj gjësë më të shenjtë që ka demokracia. Është një përçmim ndaj forcës që kanë qytetarët për të zgjedhur,” deklaroi ai.
Veliaj theksoi se para gjykatës nuk ndodhej për të mbrojtur veten, por për të mbrojtur, siç tha ai, “demokracinë që sot po vihet në sprovë”.
“Nuk jam këtu të mbroj veten, sepse nuk kam kryer asnjë shkelje. Jam këtu me respektin për të kërkuar një gjë: a mund ta mbrojmë bashkë demokracinë? Ky nuk është mandati im personal, por një besëlidhje publike që më kanë dhënë qytetarët e Tiranës me vullnetin e tyre të lirë. Kjo besëlidhje është nderi i jetës sime dhe do ta mbroj deri në fund,” u shpreh ai.
Veliaj theksoi se askush nuk ka të drejtë t’i ndërpresë mandatin një të zgjedhuri para afatit, përveç rasteve kur provohen shkelje të rënda të ligjit.
Ka shume mundësi qe qielli i dashurisë te jete i mbushur me re gjate kësaj dite. Asgjë nuk do shkoje si e kishit menduar dhe debatet do jene te pafundme. Beqaret ka shume gjasa te flirtojnë me dike dhe te fillojnë edhe aventura kalimtare. Financat do jene problematike. Do ju duhet shume kujdes dhe përqendrim ne mënyrë qe ta stabilizoni shpejt situatën.
Demi
Jeta ne çift do jete me e qete sot. Do i kaloni te gjitha vështirësitë një e nga një dhe do ndiheni me mire se me pare. Beqaret do marrin ftesa te shumta nga miqtë e ngushte dhe do argëtohen me ta. Nuk do kenë as kohe te mendojnë për dashurinë. Financat nuk do jene ne gjendjen me te mire. Shpenzoni me maturi qete mos gjendeni ne vështirësi.
Binjaket
Do keni me shume se kurrë nevoje sot për ngrohtësinë e partnerit dhe ai me shume gjase do ua plotësojë dëshirat. Priten momente shume te këndshme. Beqaret nuk do e vuajnë me vetminë sepse një person do behet shume shpejt pjese e jetës se tyre. Ne planin financiar duhet treguar kujdes edhe nëse situata është e qëndrueshme. Investimet lërini për me vone.
Gaforrja
Përmirësime te mëdha do ketë sot ne jetën tuaj ne çift. Do i shihni gjerat me shume qartësi dhe do merrni edhe vendime te rëndësishme. Beqaret do kenë dashuri platonike dhe fatkeqësisht asgjë konkrete. Financat duhet t’i menaxhoni me maturi. kërkoni ndihmën e familjareve nëse vete nuk arrini dot ta stabilizoni situatën. Ata do ju gjenden pranë.
Luani
Çdo gjë do jete perfekte sot ne jetën tuaj ne çift. Do merrni vesh me se miri me partnerin dhe do bëni plane për te ardhmen. Beqaret do e gjejnë me ne fund shpirtin e tyre binjak dhe do fillojnë një etape te re. Shume gjera do jene ndryshe ne jetën e tyre. Ne planin financiar do ketë goxha vështirësi. Nuk do arrini dot ta mbani te stabilizuar gjendjen.
Virgjeresha
Partneri juaj do jete i mbushur me pune gjate kësaj dite dhe nuk do ju përkushtohet aq sa duhet. Tregohuni te kuptueshëm nëse nuk doni te keni probleme. Beqaret do ndihen mire ashtu si janë dhe nuk do kërkojnë me ngulm një person qe ta kenë ne krah. Situata financiare do jete shume me e mire se kohet e fundit. Do kryeni edhe transaksione.
Peshorja
Dite shume e zakonshme dhe pa ndonjë gjë te veçante kjo e sotmja për ata qe janë ne një lidhje. Merrini gjerat si t’iu vijnë pa u shqetësuar për te ardhmen. Beqaret do fiksohen pas gjendjes financiare te disa personave dhe do kërkojnë t’i bëjnë për vete. Do jeni me te organizuar dhe do merrni disa vendime te rëndësishme ne planin financiar.
Akrepi
Qielli i dashurisë do jete i kontrastuar gjate kësaj dite. Nuk do merreni vesh si duhet me atë qe keni ne krah dhe situata do jete shpeshherë delikate. Kujdes! Beqaret nuk do e durojnë dot me vetminë dhe do bëjnë çdo lloj sakrifice vetëm për ta ndryshuar situatën. Ne planin financiar tregohuni te matur ne mënyrë qe te shmangni problemet serioze.
Shigjetari
Do keni debate te forta sot me atë qe keni ne krah dhe atmosfera ka gjasa te nxehet me shume sesa mendonit. Mos u tregoni kokëfortë dhe pranoni qe here pas here te bashkëpunoni. Beqaret do i kushtojnë me tepër rëndësi vetes dhe nuk do e kenë mendjen tek dashuria. Ne planin financiar do keni probleme po rrezikuat me shpenzimet.
Bricjapi
Ne përgjithësi jeta juaj ne çift do jete mjaft e qëndrueshme. Asnjë dhe askush nuk do mund te ndërhyjë dhe t’ua prishe çastet harmonike. Beqaret ka mundësi te gjejnë një person te veçante me te cilin do bien ne dashuri menjëherë. Ne pune do e keni paska te vështirë por deri ne mbrëmje do arrini t’i zgjidhni te gjitha problemet. Do jeni te qete.
Ujori
Do keni shume angazhime familjare sot dhe nuk do keni kohen e përshtatshme për t’ia kushtuar atij qe keni ne krah. Edhe çastet intime do mungojnë. Për beqaret ka shume mundësi qe një miqësi e vjetër te shndërrohet ne diçka me tepër. Ne planin financiar do ketë ndryshime pozitive fale ndihmës se familjareve. Përfitoni për te shlyer edhe borxhet.
Peshqit
Sot do futeni ne një faze mjaft delikate ne jetën tuaj ne çift. Do diskutoni për temat e nxehta dhe mund te keni edhe ndonjë mosmarrëveshje. Beqaret do kenë një dite te qete. Nuk do mungojnë takimet me persona te rinj, por nuk do ketë as ndonjë fillim lidhjeje. Te ardhurat do i përmirësoni vetëm nëse tregoheni te kujdesshëm me shpenzimet.
Bandat në Evropë po gjejnë vazhdimisht mënyra të reja për të mashtruar drejtuesit dhe për të vjedhur sende, madje edhe vetë automjetet, ndërsa metodat që përdorin bëhen gjithnjë e më të zgjuara.
Vjedhjet e makinave janë një fenomen që rritet me ritme të shpejta, në shumë shtete evropiane, ndërsa autoritetet paralajmërojnë shoferët të jenë të vëmendshëm. Metodat e bandave janë përhapur e kanë evoluar; ato nuk kufizohen më vetëm në prishje hyrjesh apo dhunë të thjeshtë.
Një nga taktikat më të fundit dhe më të përhapura që është regjistruar në disa vende evropiane është vendosja e kartmonedhave zakonisht 50 euro mbi xhamin e përparmë të makinave.
Qëllimi i kësaj taktike është të tërheqë vëmendjen e shoferit, ta nxjerrë nga automjeti për të kontrolluar çfarë ka ndodhur ose për të marrë kartmonedhën, duke krijuar kështu rastin ideal për sulm.
Reagimi i shoferit në këtë rast mund të rezultojë fatal. Ndërsa drejtuesi është i shpërqendruar, hajdutët mund të marrin sende me vlerë nga brenda makinës ose, në raste më ekstreme, të hipin vetë në automjet dhe të largohen brenda disa sekondave me makinë.
Si në rastet e tjera të shpërqendrimit të shoferit, edhe këtu mjaftojnë disa sekonda që grabitësit të “godasin” dhe të largohen para se të vihen re.
Madje edhe nëse dikush kupton se kartomonedhat janë të rreme, kjo shpesh nuk mjafton për të parandaluar ngjarjen.
Kjo praktikë është përhapur mjaft në vende si Franca, ndërsa autoritetet lokale të policisë kanë nxjerrë udhëzime për mënyrën se si duhet të veprojë një person për të shmangur pasojat më të rënda në një incident të tillë.
Sa i përket Greqisë, e cila shfrytëzoi anëtarësimin e saj në BE për t’iu kundërvënë presionit nga Ankaraja, është e qartë se tani po fillon të peshojë me kujdes implikimet e rritjes së rëndësisë strategjike të Turqisë si nga SHBA-ja ashtu edhe nga BE-ja…
Në një kohë kur e vetmja “konstante” në politikën ndërkombëtare është “paparashikueshmëria” e veprimeve të Presidentit të SHBA-së, Donald Trump, takimi i Presidentit turk, Recep Tayip Erdogan, me Kancelarin Friedrich Merz në Ankara të enjten ishte një ushtrim i suksesshëm i rregullave të politikës reale.
Politika e jashtme e Merz dhe ministrit të Jashtëm gjerman Johannes Vandevoll, i cili ishte i pari që e përshkroi Turqinë si një “partner strategjik” në NATO, synon të ruajë unitetin e shteteve anëtare të BE-së dhe në të njëjtën kohë të forcojë bashkëpunimin në siguri dhe mbrojtje me vendet jo-anëtare të BE-së, siç janë Mbretëria e Bashkuar dhe Turqia.
Ky është pikërisht qëndrimi që u shpreh me qartësi absolute nga Merz dhe Presidenti Erdogan në konferencën e përbashkët për shtyp. Ndryshimi në dinamikën gjeopolitike në rajon me sa duket e ka shtyrë Berlinin të vendosë të thellojë bashkëpunimin e tij ushtarak me Ankaranë.
Sa i përket thirrjes së Kancelarit Gjerman në kriteret e Kopenhagenit që Turqia nuk i plotëson dhe që pengojnë integrimin e saj në BE, Presidenti Erdogan thjesht kundërshtoi me “kriteret e Ankarasë”. Përveç kësaj, në këtë fazë, Turqia nuk ka arsye të kërkojë anëtarësim në Bashkim.
Mosmarrëveshja për krizën e Gazës ishte e dhënë që në fillim. Turqia është i vetmi vend mysliman anëtar i NATO-s. Për më tepër, është i vetmi vend në Evropë që nuk është i ngarkuar me vrasjen e hebrenjve. Që nga koha e Perandorisë Osmane, ajo ka qenë një strehë për hebrenjtë e persekutuar. Të tjerë paguajnë çmimin e Holokaustit.
Sa i përket Greqisë, e cila shfrytëzoi anëtarësimin e saj në BE për t’iu kundërvënë presionit nga Ankaraja, është e qartë se tani po fillon të peshojë me kujdes implikimet e rritjes së rëndësisë strategjike të Turqisë si nga SHBA-ja ashtu edhe nga BE-ja.
Por kjo është një histori shumë e vjetër. Rreth fundit të nëntorit 1839, Mbreti Otto i Greqisë dërgoi Ministrin e Jashtëm Konstantinos Zografos për t’i dorëzuar sulltanit të ri Abdulmecid I letrën e tij të urimit me autograf dhe për të përfunduar një traktat me Portën e Lartë. Pasi paraqiti kredencialet e tij në Topkapi, ai filloi negociatat me homologun e tij osman Reshid Pasha dhe në mars 1840 nënshkroi një marrëveshje ndërshtetërore ad referendum, të cilën do t’ia paraqiste qeverisë në tërësi për miratim ose refuzim.
Në Këshillin e Shtetit, Andreas Zaimi denoncoi “traktatin e pandershëm”. Shtëpia e Zografut u qëllua me gurë nga turma e tërbuar dhe atij iu shpall anatema. Në vitin 1855, u nënshkrua një traktat i ri që nuk ndryshonte në thelb nga ai i Zografut dhe Resit Pashës. Ky ka qenë kursi i marrëdhënieve midis Greqisë dhe Turqisë që atëherë./Përshtati “Pamfleti” nga “Kathimerini”
Pas një periudhe të gjatë heshtjeje publike, Fatos Nano, ish-kryeministri dhe lideri historik i Partisë Socialiste, është shfaqur sërish në një foto të rrallë që po qarkullon në media.
Prej vitesh, Nano kishte zgjedhur të mbante një profil të ulët, duke u shkëputur pothuajse plotësisht nga jeta politike dhe publike. Pamjet e tij të fundit janë të rralla, ndërsa daljet mediatike mungojnë prej kohësh.
Nano shihet pas një dreke miqësore me Taulant Ballën dhe Gramoz Ruçin, dy prej bashkëpunëtorëve dhe miqve më të afërt të tij ndër vite.
Burime pranë familjes tregojnë se ish-kryeministri vazhdon të mbajë kontakte të ngushta vetëm me një rreth të kufizuar personash, mes të cilëve nuk mungojnë figurat e vjetra të Partisë Socialiste.
Fatos Nano, i njohur si njeriu që modernizoi PS-në dhe i dha një frymë të re politikës shqiptare në fillim të viteve 2000, vijon të mbetet një figurë enigmatike për publikun shqiptar, ndërsa çdo dalje e tij zgjon interes dhe nostalgji.
Në nderim të ish-kryeministrit dhe liderit historik të Partisë Socialiste, Fatos Nano, gjatë ceremonisë në Pallatin e Kongreseve pritet të mbajë një fjalë në emër të familjes bashkëshortja e tij, Xhoana Nano.
Pashomazheve, arkëmorti i Fatos Nanos do të kalojë përpara godinës së Kryeministrisë për t’u përcjellë më pas drejt varrezave të Sharrës, ku do të zhvillohet ceremonia e varrimit. Sipas informacioneve të siguruara nga gazetari i Top Channel Muhamed Veliu në homazhe pritet të marrin pjesë personalitete të shumta nga rajoni dhe politika shqiptare. Nga Maqedonia e Veriut do të jetë i pranishëm kreu i BDI-së, Ali Ahmeti, nga Kosova, kryeministri Albin Kurti, disa ministra dhe deputetë, ndërsa Malin e Zi do ta përfaqësojë zëvendëskryeministri i vendit.
Nga opozita shqiptare, Partia Demokratike pritet të përfaqësohet nga Flamur Noka dhe Agron Gjekmarkaj.
Këtë të diel, 2 nëntor, vendi ynë u zhyt në zi! Flamujt u ulën në gjysmë shtizë dhe qindra qytetarë i dhanë lamtumirën e fundit, Fatos Nanos, njeriut që shënoi me gërma të arta emrin e tij në historinë shqiptare.
Bashkëshortja e tij, Xhoana Nano, dhe tre fëmijët shtrënguan duart dhe pranuan ngushëllimet nga qytetarë të thjeshtë, politikanë, gazetarë, njerëz të artit, kulturës, sportit dhe figura të shquara të Shqipërisë.
Por, vëmendje mori edhe mungesa e Rexhina Nanos, ish-bashkëshortes së Fatos Nanos, dashurisë së tij të parë dhe shoqes së gjimnazit e cila i dhuroi dy fëmijë, Sokolin dhe Edlirën.
Shumë u përfol nëpër media prezenca e saj, madje në disa prej tyre një tjetër grua u tha se ishte Rexhina Nano. Por, Newsbomb mëson ekskluzivisht se ish-bashkëshortja e Nanos nuk mori pjesë në homazhet e zhvilluara ditën e sotme në Pallatin e Kongreseve. Gruaja e cila u përfol se ishte Rexhina Nano është Shefikat Ngjela, biznesmenia nga Tirana.
Fatos Nano mbylli sytë përgjithmonë më 31 tetor, në moshën 73 vjeçare, duke shënuar fundin e kapitullit të jetës së tij dhe një nga më të rëndësishmit e Shqipërisë pluraliste, si “arkitekt” i Partisë Socialiste.
Lideri historik i së majtës shqiptare, me ikjen e tij ka lënë në trishtim familjen e parë dhe atë politike, bashkëpunëtorët e shumtë dhe miqtë e pafundëm.
Rexhina Nano, bashkëshortja e tij e parë, u tha se i ka qëndruar pranë deri në ditët e fundit të jetës. Ajo ishte vajza që i vodhi zemrën në rininë e tij të hershme kur ishin gjimnazistë të “Sami Frashërit” dhe e ndoqi në rrugën e tij për gati tre dekada.
Ata qëndruan të martuar për 27 vjet, deri në vitin 2001, kur lideri historik i Partisë Socialiste njoftoi se për shkak të shumë zhvillimeve, kryesisht të këqija, martesa e kishte humbur qëllimin e saj.
Rexhina Nano ishte mjaft elegante, e bukur dhe fisnike. Të tillë mund ta përshkruash edhe sot, pasi divorci nuk mundi ta ndante dot nga shoku i saj i gjimnazit, me të cilin lidhën kurorë dhe sollën në jetë dy fëmijë që i kanë bërë gjyshër, Edën dhe Sokolin.
Fati e deshi që ata të mos ishin më bashkë, pas vitit 2001 kur dhe u ndanë ligjërisht, ndërsa ndoqën secili rrugën e tij.
Statusi i ri me të cilin SPAK pagëzoi Belinda Ballukun duke e shpallur “të pandehur” për tenderin e tunelit të Llogarasë ka ngritur pikëpyetje të shumta për të ardhmen e saj politike. A do të vazhdojë Edi Rama t’i besojë një “të pandehure” drejtimin e qeverisë në mungesë të tij? Apo do ta largojë Belinda Ballukun, siç ka bërë me bashkëpuntorët e tjerë që iu akuzuan për korrupsion?
Nëse e mban ende në detyrë bëhen më të forta hipotezat se punët e pista i kanë bërë bashkë. Dyshimet janë se kësaj radhe Edi Rama nuk flet dot për “mollë dhe dardha” që i janë ngrënë pas shpinës. Formula, me të cilën “lau duart” me Arben Ahmetajn, Ilir Beqajn, Lefter Kokën dhe të tjerë funksionon vetëm nëse kryeministri bën një hap pas nga Balluku, jo nëse e ruan të paprekur kontratën që ka me të.
Por 48 orë pasi Balluku doli nga SPAK, ende nuk ka asnjë akt konkret nga Rama, ndërsa është folur për një përplasje me tone të ashpra në takimin që ndodhi në kryeministri ditën kur Balluku u shpall e pandehur.
Për të kuptuar më shumë nëse ekziston vërtet një krisje mes Ramës dhe Ballukut, ia vlen të shihet sjellja e tyre në publik. Këtë të dielë, të dy ishin në homazhet për Fatos Nanon.
Ceremonia zgjati pak më shumë se një orë dhe si Rama, ashtu dhe Balluku ishin pranë njëri-tjetrit. Fotot që u shpërndanë nga LSA tregojnë diçka më shumë nga regjia e kryeministrisë.
Në to vihet re se Rama dhe Balluku u kujdesën që të mos takohen, duke qëndruar ftohtë dhe pa u përshëndetur. Le t’i marrim me radhë.
Arkëmorti me trupin e Nanos ishte vendosur në mes dy rreshtave me karrige. Në të majtë qëndronin ulur familjarët dhe miqtë më të afërt të të ndjerit. Në të djathtë, ishin caktuar të uleshin bashkëpuntorë dhe politikanë me të cilët ai punoi ndër vite. Në foton më lart duken vendet bosh të politikanëve, ndërsa familjarët përcillnin dashamirësit e Nanos që kryen homazhe.
Edi dhe Linda Rama mbërritën pak më vonë se të tjerët në ceremoni. Ndërkohë që pritej të vintë çifti kryeministror, në hollin e Pallatit të Kongreseve kishin mbërritur thuajse të gjithë politkanët dhe zyrtarë të caktuar për t’u ulur sipas protokollit, siç duket në foton më poshtë.
Vendi bosh i Edi Ramës pranë Arta Dudes në homazhet për Fatos Nanon
Vini re me kujdes foton më lart! Protokolli kishte përcaktuar që Edi dhe Linda Rama të uleshin në dy karriget që janë bosh. Në njërin cep të rreshtit, Linda Rama do të kishte përkrah Niko Peleshin, kurse krah saj, Edi Rama do të kishte pranë Arta Daden ose Gramoz Ruçin. (Të dy ndërrojnë vendet më vonë)
Balluku është caktuar të ulet disa vende më tej. Mes Ballukut dhe Ramës është Arta Dade, Gramoz Ruçi, Albin Kurti dhe Ali Ahmeti. Distanca ishte e konsiderueshme. Kjo i dha mundësi të dyve ta shmangin njëri-tjetrin edhe në vazhdimin e ceremonisë.
Edi dhe Linda Rama mbërrijnë në ceremoni dhe nderojnë para trupit të Fatos Nanos
Në momentin që çifti, Edi dhe Linda Rama u shfaqën në ceremoni, ata fillimisht nderuan përballë arkëmortit të Nanos siç duket në foton më lart. Pastaj takuan familjarët e Nanos dhe u drejtuan tek vendet e lëna bosh për ta.
Edhe pse aty ishte Albin Kurti i ardhur nga Kosova dhe Ali Ahmeti që kishte udhëtuar nga Maqedonia e Veriut, kryeministri Edi Rama u ul menjëherë në vendin e tij, pa përshëndetur askënd. Veprimi dukej i ngurtë dhe pa takt.
Vetëm pasi ishte ulur bashkë me Lindën në vendet e caktuara, Rama kthehet për t’i dhënë dorën miqve që kishte në krah, njëri pas tjetrit.
Fillimisht përshëndet Gramoz Ruçin dhe pastaj zgjat dorën për të takuar Arta Daden. Hedh sytë më tej dhe zgjat dorën për ta shtrënguar me Albin Kurtin. Por pa u çuar nga vendi.
E çuditshme në takimin e duarve me Kurtin është se Rama e mban kokën ulur, sikur përpiqet të shmangë sa më shumë hedhjen e vështrimit në krahun e tij të majtë, tek personat që ishin pas kryeministrit të Kosovës.
Madje në një foto të dytë, Rama duket se e ka kthyer kokën me shpejtësi djathtas, ndërsa ende ishte duke shtrënguar duart me Albin Kurtin. Shikoni foton më poshtë:
Edi Rama duke shtrënguar dorën me Albin Kurtin në homazhet për Fatos Nanon
Rama duket që jo vetëm nuk lëviz nga vendi kur takon Kurtin, por tenton të kthehet sa më shpejt në anën tjetër, ku është Linda Rama.
Ndërkohë pak momente më pas, një foto tjetër e tregon kryeministrin teksa hedh sytë vjedhurazi pas shpinës së Albin Kurtit. Duket se ka pikasur aty Ali Ahmetin, mikun e tij që ka udhëtuar nga Maqedonia e Veriut. Shikojeni më poshtë:
I ndërgjegjshëm se është treguar shpërfillës kur është ulur pa ia hedhur sytë askujt, Rama duket se po tenton të korrigjohet. Ka shfaqur një sjellje gati harbute për të shmangur Belinda Ballukun, por si duket në sytë e mikut të tij Ali Ahmetit?
Me trupin e drejtuar, në pritje të një shenje nga Ali Ahmeti, Rama ka kërkuar një shikim. Duket se e gjen. Menjëherë përkulet dhe i zgjat dorën sikletshëm Ali Ahmetit. Foto poshtë:
Rama takohet me Ali Ahmetin në homazhet e Fatos Nanos
Përpiqet t’i mbajë duart sa më gjatë shtrënguar, por më tej qëndron e ulur Belinda Balluku. Zv.kryeministrjes nuk i lëviz asnjë muskul në fytyrë. Për të shmangur ndonjë shikim me Ballukun, Rama e heq shpejt shikimin dhe e kthen kokën në anën tjetër. Shikoni foton më poshtë:
Rama duke takuar Ali Ahmetin, ndërkohë që kokën e ka kthyer në anën tjetër
Në foton më lart është pamja më domethënëse e parehatisë së Ramës në sallë. Majtas ka dorën shtrënguar me Ali Ahmetin, ndërsa kokën e ka kthyer kokën djathtas. Nuk do që t’i dhurojë asnjë vështrim Belinda Balluku.
Kjo e fundit ka qëndruar ftohtë, gati e nervozuar thuajse gjatë të gjithë ceremoniësë. Në foton më poshtë duket një Belinda Balluku e trishtuar, thuajse e zymtë. Kuptohet, jo për largimin nga jeta të Fatos Nanos.
Ndoshta për herë të parë, po provon ndjesinë e lëshimit nga udhëheqja, pasigurinë e të mos pasurit të pushtetit, që deri dje ia kishin falur me bujari.
Belinda Balluku në ceremoninë e homazheve të Fatos Nanos në Pallatin e Kongreseve
Në ceremoni folën njëri pas tjetrit, bashkëshortja e të ndjerit, Xhoana, djali i tij ,Sokoli dhe në fund Edi Rama.
Pas fjalës së Ramës, arkivoli u ngrit nga ushtarët e gardës, të veshur me kostum ceremonial. Pas tyre, ecnin një Xhoana Nano e përlotur që mbahej në krahët e Linda Ramës.
Kortezhi i ndoqi pas në heshtje. Gjatë ecjes në bulevard, Edi Rama qëndroi në pjesën më të madhe të kohës me Albin Kurtin. Përkrah tij, ecte Gramoz Ruçi me Ali Ahmetin.
Kortezhi që shoqëroi arkivolin e Fatos Nanos në bulevard
Pjesë e kortezhit ishte edhe Belinda Balluku. Edhe pse mban numrin dy në qeveri, “Bela” u duk thjesht një numër rastësor me turmës së deputetëve dhe ministrave që ndoqën me sy lëvizjet e saj dhe të Ramës. Në korridoret e partisë përflitet për një kërkesë për dorëheqje për “të pandehurën”. Ende asgjë nuk është e konfirmuar.
E sigurtë është se Rama bën çmos të distancohet nga çdo bashkëpuntor që ka telashe me prokurorët e SPAK-ut. Jo të gjithë i shkarkon menjëherë, por me të gjithë e ka nisur duke u hequr vështrimin./Lapsi.al
