Author: admin

Gazetarja Klodiana Lala, duke folur për konfliktin për aksionet mes aksionerëve të aeroportit të Vlorës, Behgjet Pacolli dhe Valon Ademi, u shpreh në një emision televiziv se nëse zbulohen shkelje shteti ka të drejtë ta sekuestrojë aeroportin.

“Valon Ademi që është pronar i “2A Group”, i është drejtuar prokurorisë me kallëzim penal për Behgjet Pacollin, vëllain e tij dhe ish-administratorin. Prokuroria ka çelur hetim.

Gjatë kësaj kohe, rreth dy muaj, prokurorët kanë pyetur Valon Ademin, vëllain e Pacollit, Nelson Çelën, ish-admininstratorin edhe Valon Llukën po ashtu ish-administrator.

Prokuroria e Tiranës ka person nën hetim, Nelson Celën, ish-administrator i “Mabco”. Nelson Çela është nën hetim për ndërhyrje të paautorizuar në të dhënat kompjuterike, pasi pretendojnë prokurorët se ka ndryshuar të dhënat jo në favor të 2A Group.

Në momentin që prokurorët e provojnë, se numrat janë ndryshuar mbi bazën e dokumenteve të falsifikuar dhe përplasja e tyre cenon një investim strategjik, bëhet sekuestrimi.

Për aeroportin, shteti mund ta marrë dhe sekuestrojë nëse gjenden shkelje të kontratës dhe kushteve të kontratës”- tha Lala.

Mandarinat në marketet e Tiranës nuk janë të sigurta, sepse edhe kësaj here ky produkt sipas analizave laboratorike të ISUV ka rezultuar me mbetje të lartë kimikatesh të rrezikshme.

Burimet për TCH mësojnë se fruti mandarinë është spërkatur mbi norme me insekticidin perimiphos metil, preparat bujqësor ky që është nuk i lejuar të përdoret nga fermerët dhe as të tregtohet nga farmacistët bujqësor, sepse nuk është pjesë e listës së PMB të miratuara nga ministria bujqësisë.

Edhe kësaj here fermerët janë kujdesur të vrasin insektin që dëmton shëndetin e mandarinës, duke vënë në rrezik jetën e konsumatorit.

Ky njoftim që shihni që shihni në ekran, është afishuar pranë një kaseje biznesi agroushqimore në tiranë , ku u kërkohet qytetarëve të kthejnë mbrapsht produktin mandarinë me helme.

“JU NJOFTOJMË SE KLIENTËT QE KANE BLERE PRODUKTIN MANDARINE SIPAS INSPEKTORATIT AKU, KA DALE ME MBETJE PESTICIDESH JU LUTEMI NËSE KENI GJENDJE NGA FURNIZIMI ME PRODUKTIN MANDARINE TE BLERE NGA DATA 23-27 TETOR JU LUTEM TA KTHENI NE SUBJEKTIN TONE KUNDREJT PAGESËS.”

Nga ky lajmërim mësojmë se qytetarët e Tiranës kanë konsumuar mandarinë më kimikate të rrezikshme për katër ditë rresht. Por një njoftim të tillë e ka për detyrë ta bëjë Ministria e Bujqësisë dhe AKU , edhe pse kjo nuk është një histori suksesi që mund të shërbejë për shpërndaje dhe pëlqimesh në rrjetet sociale.

Janë këto dy institucione që duhet të na garantojnë produkte ushqimore të sigurta, por në këtë situatë AKU dhe ministria deri më tani dinë vetëm që mandarinat me helme janë shitur në treg, dhe që ende nuk kanë zbuluar gjurmueshmërinë nëse ky produkt është shqiptar apo I importi.

Përgjatë këtij viti kjo nuk është hera e parë që mandarinët me helme hidhen në treg për shqiptarët, më herët këtë skandal të sigurisë ushqimore e mësuam nga shteti kroat, i cili mori vendimin që mandarinat e rrezikshme të asgjësoheshin menjëherë në tokën kroate.

Një ngjarje e rëndë ka ndodhur në Greqi ditën e sotme, ku grabitës ende të paidentifikuar hynë me forcë në një shtëpi në Salaminë dhe vranë një grua.

Viktima është një grua 75-vjeçare, e cila u gjet e pajetë nga vajza e saj pasditen e sotme.

Sipas informacioneve, kamerat e sigurisë regjistruan grabitësit duke thyer një dritare në shtëpinë e gruas së moshuar dhe duke hyrë brenda.

Sipas të njëjtave informacione, 75-vjeçarja u gjet e vdekur brenda shtëpisë nga vajza e saj.

Gruaja e moshuar ka lëndime në kokë, që janë shkaktuar nga autorët në përpjekje për ta grbaitur apo detyruar të tregonte se ku mbante paratë.

Klubi i Teutës ka njoftuar se peshëngritësja e talentuar e KSHS Teuta, Enkileda Carja është shpallur kampione e trefishtë e Europës në Europianin për të rinj dhe U23 që po zhvillohet në Durrës!

Carja dhuroi spektakël duke thyer 3 rekorde europiane në kategorinë Youth (63 kg) dhe 1 rekord bote në shkëputje për Youth!

Rezultatet:

Shkëputje: 98 kg

Shtytje: 118 kg

Dygarësh: 216 kg

Ajo realizoi me sukses të gjashta provat, duke shfaqur një performancë të jashtëzakonshme, të mbushur me vetëbesim dhe teknikë perfekte, falë punës së palodhur të saj dhe të trajneres Eglantina Kalemi!

Me këtë paraqitje, Enkileda përmirësoi edhe rezultatin e saj nga Botërori i Perusë, ku kishte ngritur 213 kg në total.

https://www.facebook.com/plugins/video.php?height=476&href=https%3A%2F%2Fwww.facebook.com%2Freel%2F1103023475235958%2F&show_text=false&width=242&t=0

Policia e Devollit ka shoqëruar në komisariat tre persona, të identifikuar si Alti Nallbati, (vëllai i deputetit Bledion Nallbati), Marsel Buci dhe Trajan Çeliku, lidhur me një pengmarrje.

Burime bëjnë me dije se të shoqëruarit dyshohet se kanë marrë peng shtetasin Ilir Topçiu në fshatin Vishocicë, i cili ndodhej në masë arresti shtëpie.

Mësohet se pengu është keqtrajtuar në mjediset e banesës së njërit prej autorëve.

Ndërkohë policia e Devollit vijon kontrollet dhe hetimet për mbledhjen e provave dhe sqarimin e plotë të ngjarjes.

Shpallja e Zisë Kombëtare në nderim të të ndjerit Fatos Nano, ish-Kryeministër, udhëheqës dhe politikan i shquar

Këshilli i Ministrave ka vendosur shpalljen Zi Kombëtare ditën e diel, më 2 nëntor 2025, në nderim të Fatos Nanos, ish-Kryeministër dhe një prej figurave më të rëndësishme të politikës shqiptare.

Në respekt të kontributit të tij të çmuar në jetën publike dhe politike të vendit, do të zhvillohet ceremonia funebre shtetërore dhe Homazhet Kombëtare për të ndjerin.

Në të gjitha institucionet shtetërore dhe publike flamuri kombëtar do të ulet në gjysmë shtize.
Në orën 12:00, në nderim të tij, do të ndërpriten të gjitha veprimtaritë dhe do të mbahet një minutë heshtje në mbarë vendin.

Radiotelevizioni Publik Shqiptar gjatë zhvillimit të ceremonialit shtetëror, do të transmetojë muzikë funebre.

Homazhet dhe Ceremonia Shtetërore

Pallati i Kongreseve, Tiranë

• 08:30 – 11:00 – Homazhe publike

• 11:15 – 11:45 – Homazhe shtetërore dhe nderim nga personalitetet

• 12:05 – Ceremonia funebre shtetërore e lamtumirës

Për organizimin e ceremonisë është ngritur një Komision i Posaçëm Shtetëror nën mbikëqyrjen e Kryeministrit, me përfaqësues nga institucionet kryesore shtetërore dhe të sigurisë.

Prokuroria e Posaçme po tregon se ka fituar pavarësinë e saj për të goditur abuzimet e zyrtarëve edhe në nivelin më të lartë.

Gazetarja Klodiana Lala shprehet se duke ndjekur historikun penal të viteve të fundit, ku shumë zyrtarë dhe ish-zyrtarë janë thirrur në SPAK, akuzuar, gjykuar apo arrestuar, kupton se për çështjen më të fundit, marrjen si të pandehur të zv/kryeministres Belinda Balluku, radha për të shkuar në Prokurori i ka ardhur edhe kryeministrit Edi Rama.

Ndërsa ndau mendimin se Balluku moralisht duhet të largohet, edhe pse dorëheqja mbetet në zgjedhjen e saj, gazetarja u shpreh në një studio televizive.

“Emri i Ballukut u përmend nga ish-zv/kryeministri Arben Ahmetaj, ashtu sikurse edhe i kryeministrit. Emri i tij del tek tuneli i Llogarasë, te dosja Mcgonigal dhe të tjera. Kjo tregon se së shpejti mendoj se edhe kryeministri Edi Rama mund të thirret në SPAK. Po të shikosh edhe historinë më parë janë thirrur shumë zyrtarë të tjerë, kujtojmë se kanë shkuar në SPAK ministra, deputetë, ish-kryeministra dhe tani kemi zonjën Balluku”, tha Lala.

Më tej ajo shpjegoi se më lartë se Balluku tani mbetet vetëm kryeministri dhe duke ndjekur praktikën e këtyre viteve, është normale që edhe Rama të shkojë për të dhënë shpjegime në organin e akuzës.

“Kush është më sipër saj tani? Sigurisht që kryeministri Edi Rama dhe besoj se edhe ai do thirret në SPAK”, u shpreh gazetarja.

Klodiana Lala e pyetur në një emision televiziv në lidhje me zgjedhjen e ministres së Infrastrukturës për tu shoqëruar në SPAK nga motra e saj Pamela Qirko, juriste dhe ish-kryetare e Komisionit të Pavarur të Kualifikimit, gazetarja Klodiana Lala e ka quajtur një zgjidhje interesante.

“Ajo është motra që di shumë cka për njerëzit e drejtësisë pasi ka hetuar prokurorët e posacëm. E dija që do të kishte një person nga familja që do ta mbronte nga ana ligjore. Dosja e Ballukut është një ndër dosjet më voluminoze në SPAK”, tha Lala.

Klodiana Lala: Pamela Qirko, motra e Ballukut është regjistruar vetëm ditën e djeshme (30 tetor) në QKR si person fizik dhe mund të ushtrojë pa asnjë problem ligjor cështjen e avokatisë.

Unë e kuptoj se ajo po përpiqet të ndalë rrjedhjen e dosjes dhe të kontrolloj gjithcka mund të dalë në publik. Ajo është motra që di shumë cka për njerëzit e drejtësisë pasi ka hetuar prokurorët e posacëm. E dija që do të kishte një person nga familja që do ta mbronte nga ana ligjore. Dosja e Ballukut është një ndër dosjet më voluminoze në SPAK.

Shefja e një restoranti, e cila ishte e habitur nga faturat e energjisë elektrike prej 1300 paund në muaj, është tr onditur kur ka mësuar se për shumë kohë ka qenë duke paguar edhe për hotelin afër pronës së saj. Patricia Rodrigues nuk kishte arritur ta kuptonte se përse ishte duke paguar fatura të majme të energjisë për ambientet e restorantit të saj, derisa ajo thirri një elektricist për të kontrolluar rrjetin.

Dhe kur elektricisti erdhi, shefja e picerisë kuptoi se kishte paguar edhe për hotelin ngjitur rreth 42,000 paund, për faturat përgjatë 7 viteve.

Restoranti i 29-vjeçares gjendet në Brandon, Angli dhe është pjesë e një kompleksi që përfshin Brandon Lodge Apartment Hotel, i cili është në pronësi të Nolan Guthrie.

Në disa dokumente të zotëruara nga Guthrie, ai deklaroi në një letër se kishte rënë dakord se ajo do të paguante të gjitha faturat e energjisë si pjesë e kushteve të dhënies me qira të restorantit. Por Rodrigues, e cila ka drejtuar biznesin që nga viti 2011 me vëllanë e saj Fabio, pretendon se ajo kurrë nuk ka nënshkruar për një detyrim të tillë.

Sipas saj, dy qarqet shtesë të energjisë elektrike janë të lidhura me dhoma hoteli në katin përdhes pranë restorantit të saj dhe dhoma në katin e parë më lart.

Ajo pretendon pronari nuk i ka paguar asaj paratë që i ka borxh dhe që atëherë nuk ka paguar faturat e energjisë elektrike për tre muajt e fundit.

Një grua e zhdukur është gjetur duke notuar në brigjet e Kolumbisë dy vjet pasi humbi kontaktin me familjen e saj.

Prej dy vitesh familjarët e saj nuk kishin asnjë ide se ku ishte deri së fundmi kur ajo u gjet duke pluskuar rreth një milje larg një plazhi nga qyteti i Puerto Colombia në Atlantico më 26 shtator.

Më vonë, gruaja u identifikua si Angelica Gaitan, 46 vjeçe. Kur u gjet nga peshkatari Rolando Visbal,

Angelica ishte në gjendje të dobësuar me me shenja hipotermie pasi kishte kaluar tetë orë në det.

Pasi u shpëtua, ajo u shpreh për mediat vendase se ishte hedhur në oqean për të vrarë veten pasi ishte viktimë e abuzimit nga ana e ish-bashkëshortit.

Një grua e zhdukur është gjetur duke notuar në brigjet e Kolumbisë dy vjet pasi humbi kontaktin me familjen e saj.

Prej dy vitesh familjarët e saj nuk kishin asnjë ide se ku ishte deri së fundmi kur ajo u gjet duke pluskuar rreth një milje larg një plazhi nga qyteti i Puerto Colombia në Atlantico më 26 shtator.

Më vonë, gruaja u identifikua si Angelica Gaitan, 46 vjeçe. Kur u gjet nga peshkatari Rolando Visbal, Angelica ishte në gjendje të dobësuar me me shenja hipotermie pasi kishte kaluar tetë orë në det.

Pasi u shpëtua, ajo u shpreh për mediat vendase se ishte hedhur në oqean për të vrarë veten pasi ishte viktimë e abuzimit nga ana e ish-bashkëshortit.