Author: admin

Disa rajone në Spanjën juglindore janë aktualisht nën alarm të kuq për mot, me shira të rrëmbyeshëm dhe me lëvizje të ngadalta që do të vazhdojnë gjatë ditëve të ardhshme. Fluturimet janë anuluar dhe qyteti i Murcias është evakuuar tashmë.

Moti i keq po shkaktohet nga stuhia Alice, e emëruar nga agjencia spanjolle e motit AEMET, e cila ka monitoruar nga afër zhvillimin e saj mbi Mesdheun perëndimor ditët e fundit. Gjatë ditëve në vijim, në disa vende është e mundur të bien deri në 250-300 mm reshje shiu, raportuan mediat spanjolle.

Sistemi është i lidhur me një fenomen të njohur si “DANA” – një term meteorologjik spanjoll që do të thotë Depresión Aislada en Niveles Altos (“Depresion i Izoluar në Nivele të Larta”).

Zonat më të goditura pritet të jenë rreth Cabo de la Nao në bregdetin midis Valencias dhe Alicante, dhe zonat e brendshme aty pranë. Reshjet këtu mund të kalojnë 60 mm në orë, duke çuar në përmbytje të rrezikshme të menjëhershme, informon BBC.

Gjatë ditëve në vijim, në disa vende është e mundur të bien deri në 250-300 mm reshje shiu. Banorët dhe vizitorët po nxiten të qëndrojnë vigjilentë, të shmangin zonat e prirura ndaj përmbytjeve dhe të ndjekin nga afër paralajmërimet lokale.

Në tetor 2024, Valencia u godit nga një tjetër DANA shumë më i fuqishëm, duke çuar në përmbytje katastrofike dhe shkatërrime të përhapura. Ishte një nga përmbytjet më intensive në rajon në një shekull. Mbi 200 njerëz vdiqën.

Ngjarjet e rëndësishme të DANA-s zakonisht ndodhin vetëm një ose dy herë në dekadë, me rastet më ekstreme që ndodhin afërsisht çdo 20 vjet.

Në tregun e këmbimit valutor shqiptar, një dollar amerikan do të blihet sot me 83 lekë dhe do shitet me 84 lekë.

Ndërkohë monedha evropiane euro do blihet me 96.3 lekë dhe do shitet me 97.1 lekë.

Franga zvicerane sot në tregun shqiptar do blihet me 102.7 lekë dhe do shitet me 103.8 lekë.

Ndërsa paundi britanik do blihet me 110.4 lekë dhe do shitet me 111.6 lekë.

Kandidati i pavarur për Bashkinë e Tiranës, Florian Binajn, flet për herë të parë për kandidimin e tij të papritur në Top Story në Top Channel

Fotot me Ramën, Veliaj dhe a je prishur me Adriatik Lapajn ?

Me Ramën dola në foto në një organizim FRESSH-i. Në atë periudhë, të gjithë thonin që Rama ishte e vetmja zgjidhje që mund ta shpëtojë vendin. Duke qenë imitues i atij bëra një skeç dhe bëra një lidhje me Ramën, që më dha një mandarinë. Takimin e fundit me Ramën e kam në vitin 2015, që atëherë nuk e kam takuar më dhe as nuk kam folur më. Ne besonim në atë kohë tek ai se nuk e kishim provuar, por u zhgënjeva më pas me atë që ndodhi.

Foton me Veliajn të fundit e kam o në 2014 o në 2015, kur ka qenë ministër, do ju tregoj një histori. Më merr një zonjë më thotë punoj te zyra e pritjes së moshës së tretë dhe organizojmë mbledhim ushqime dhe ata të kanë qef të të takojnë, i thashë patjetër do vi. Takohem përqafohem me pleqtë, dhe duke i shërbyer drekë, dhe shoh një hije që vjen shpejt dhe Lali që thotë: Shpejt një foto, shkrepe, shkrepe, shpejt. Unë nuk e dija që ishte Veliaj aty, ca duhet të bëja unë në atë momente, plus Veliaj në atë kohë nuk ishte ai që është sot, nuk kishte bërë ato që ka bërë sot. Pas kësaj nuk kam qenë më kurrë me të.

Kryetari i Partisë Demokratike, Sali Berisha, u pyet sot në konferencën me gazetarët për qendrimin e tij lidhur me kandidatin opozitar Florian Binaj, i cili deklaroi në një dalje televizive se kur të vijë momenti i fushatës elektorale për bashkinë Tiranë ai nuk do të dalë përkrah Berishës apo aleatëve të tjerë të opozitës.

Në replikën e tij, Berisha tha se e përshëndet deklaratën e Binajt. Kreu i PD-së sqaroi se Florian Binaj nuk është kandidat jo-partiak i propozuar nga opozita, por kandidat i pavarur, i cili mbështetet nga opozita.

Për rrjedhojë kryedemokrati tha se si kandidat i pavarur, i cili ka mbështetjen e opozitës, Florian Binaj me të drejt mund të dalë në fushatë i vetëm pa u përfshirë me opozitën.

“Kandidati i pavarur, i cili kandidon në mënyrë të pavarur të cilin partitë politike e gjejnë të përshtatshëm për ta mbështetur në interesin më të mirë të qytetarëve, absolutisht. Nëqoftëse është i pavarur nuk ka pse të bëjë asnjë fushatë me kryetarët e partive. Po kryetarët e partive do angazhohen me të gjithë mundësitë e tyre për të mobilizuar elektoratin partiak për të votuar atë.
Pra e kundërta mendoj unë, do ishte jo reale. Nuk është kandidat i propozuar nga ne. Nuk është kandidat i partive opozitare, jopartiak. Jo është kandidat i pavarur të cilin partitë opozitare kanë vendosur ta mbështesin“, tha kreu i PD-së.

Sakaq ai theksoi se opozita do të angazhohet për të mobilizuar elektoratin partiak për të votuar Binajn.

“PD do të bëjë gjithçka për të mbrojtur interesat e një spektri më të gjerë të mundshëm të shqiptarëve. Ajo është parti e interesit kombëtar dhe ka qenë e mbetet. Por kjo pastaj duhet të ketë edhe atribute të tjera që po përpiqet”, tha Berisha.

Gazetari: Florian Binaj tha se nuk do dalë në fushatë përkrahë Berishës e as liderëv të tjerë të opozitës, si e komentoni deklaratën?

Berisha: E përshëndes plotësisht këtë deklaratë. Ka një linjë, ka një grup, ka një rrymë të cilët vërtetë nuk realizojnë dot dallimin midis kandidatit të pavarur të mbështetur nga parti politike dhe kandidatit jo partiak, të propozuar nga parti politike. Kandidati jo partiak i propozuar nga parti politike, është kandidat i partisë politike.

Kandidati i pavarur, i cili kandidon në mënyrë të pavarur të cilin partitë politike e gjejnë të përshtatshëm për ta mbështetur në interesin më të mirë të qytetarëve, absolutisht. Nëqoftëse është i pavarur nuk ka pse të bëjë asnjë fushatë me kryetarët e partive. Po kryetarët e partive do angazhohen me të gjithë mundësitë e tyre për të mobilizuar elektoratin partiak për të votuar atë.
Pra e kundërta mendoj unë, do ishte jo reale. Nuk është kandidat i propozuar nga ne. Nuk është kandidat i partive opozitare, jopartiak. Jo është kandidat i pavarur të cilin partitë opozitare kanë vendosur ta mbështesin.

Gjatë një jave rresht unë jam marrë me çështjen e modelit, pikërisht për transparencë dhe jo të gjithë njerëzit e realizojnë modelin.

Pastaj rryma keqdashëse, ndjellakeqëse e cila e tërbuar nga fakti se, ky kandidat i pavarur ka premisa të ketë mbështetje të gjerë në elektoratin shqiptar të pavendosur, gri, por qoftë dhe të spektrit më të gjerë të mundshëm, kjo i tmerron. Çfarë tha ai, një gjë të bukur. Ogerta përfaqëson 100% Edi Ramën, kjo është e vërteta.

Dhe me këtë unë mendoj se, intervista e tij ishte intervista e një njeriut të ndershëm dhe të sinqertë para qytetarëve të Tiranës.
Ai aty, për herë të parë qytetarët nuk dëgjuan një politikan, apo qoftë dhe një përfaqësues jo partiak të partive politike, të flasë për partitë, të flasë për liderët, lavdinë e tyre, por foli vetëm për qytetarët.

Kam filluar punën 8 vjeç tha, dhe unë tha, njoh çdo lloj dhimbje, vuajtje, preokupimi të qytetarëve. Pra unë mendoj se, ai paraqiti veten ashtu siç është, një përfaqësues i qytetarëve të Tiranës.

Dhe ju garantoj ju dhe të gjithë shqiptarët, se pikërisht për këtë shkak ne e kemi mbështetur plotësisht. Tani, ka një kërkesë ndaj PD-së, shumë e ligjshme që kjo parti të ndryshojë dhe të hapet. Unë kam premtuar këtë. Unë ju garantoj se jam shumë serioz në ato që premtoj. E kam premtuar këtë dhe e konsideroj jashtëzakonisht të drejtë atë kërkesë të qindra e mijërave demokratëve, por edhe mbështetësve tanë.

Dhe ne në këto zgjedhje, duke adaptuar këtë model me kandidatura të pavarura, në mbështetje të kandidatëve të pavarur në 6 bashkitë që garojnë, besoj se bëmë një hap në drejtimin e duhur. Dhe kjo do të vazhdojë. PD do të bëjë gjithçka për të mbrojtur interesat e një spektri më të gjerë të mundshëm të shqiptarëve. Ajo është parti e interesit kombëtar dhe ka qenë e mbetet. Por kjo pastaj duhet të ketë edhe atribute të tjera që po përpiqet.

Ky ishte thashë një hap shumë i rëndësishëm, hapa të tjerë do bëhen. Demokratët duhet ta dinë. Iku koha kur PD-ja mbrohej nga një agresion mafioz kombëtar dhe ndërkombëtar. Tani është në sulm. Tani para shqiptarëve dhe Zotit, dhe miqve të saj, ka faktuar se është e përkushtuar dhe e vendosur të mbrojë vlerat e vërteta. Kjo është.

Ka ndërruar jetë në moshën 74-vjeçare Paqësor Hajdini, babai i personazhit të rrjeteve sociale, Genard Hajdini.

Lajmi i trishtë vjen vetëm dy muaj pas ngjarjes së rëndë të ndodhur në orët e para të mëngjesit të 3 gushtit, në një lokal në rrugën “Bardhyl”, ku ndaj Genard Hajdinit dhe babait të tij, u ushtrua dhunë nga 40-vjeçari Sh.G.

Paqësor Hajdini, ndërroi jetë duke lënë pas dhimbje për familjarët, të afërmit dhe miqtë e tij.

Të paktën 33 trupa palestinezësh u gjetën pas tërheqjes izraelite nga Gaza.

“33 trupa u gjetën në disa pjesë të qytetit”, deklaroi drejtori i Spitalit Al-Shifa, Dr. Mohammed Abu Salmiya.

Qeveria izraelite ratifikoi mëngjesin e sotëm fazën e parë të një marrëveshjeje paqeje për Gazën, e cila do të çojë në një armëpushim dhe lirimin e pengjeve, e pohuar kjo nga zyra e Kryeministrit Benjamin Netanyahu.

Armëpushimi duhej të hynte në fuqi fill pasi kabineti izraelit i dha OK-in e tij, por dëshmitarë okularë pohuan për BBC se gjatë natës ka pasur sulme ajrore në disa pjesë të Gazës.

Agjencia palestineze e lajmeve “Wafa” pretendon se IDF bombardoi orët e para të ditës së sotme Khan Younis-in; shënjestra sipas saj, ka qenë zona e al-Katiba-s, në qendër të qytetit ku ushtria izraelite përdori dronë e zjarr artilerie.

Vrasja e gjyqtarit Astrit Kalaja ka sjellë reagime të shumta edhe nga personazhet publike.

Një prej tyre ka qenë edhe moderatorja Orinda Huta e cila ka rrëfyer për herë të parë betejën familjare prej më shumë se një dekade.

Përmes një postimi në “Instagram”, Orinda e prekur nga vrasja e gjyqtarit ka theksuar se kjo ngjarje është një kambanë alarmi edhe për reagimet e njerëzve të cilët kanë “përqafuar” aktin e vrasësit.

“Nuk e besoj dot që njerëzit duartrokasin një veprim kafshëror”, shkruan ajo në një postim në Instagram, duke theksuar se reagimet e tilla janë po aq shqetësuese sa vetë ngjarja.

Më tej, ajo ka zbuluar se prej 15 vitesh është në “luftë” gjyqësore me familjarët e nënës së saj për një truall i cili i takon.

“Zoti e di sa do zgjasë se akoma s’ka kaluar në shkallë të parë, jemi ende me shtetin. Por janë tokat e mamase time dhe do i marr njësoj siç i takojnë të gjithë pjesëtarëve”, tregon prezantuesja, duke shtuar më tej se ka marrë edhe kërcënimet nga dajat e saj.

Reagimi i Orinda Hutës:

Vrasja e tmerrshme e gjyqtarit (ndjesë pastë) është këmbanë alarmi jo vetëm për ngjërjen, por edhe për reagimin e njerëzve më pas.

Nuk e besoj dot që njerëzit e duartrokasin një veprim kafshëror. Unë jam vetë pjesë e një procesi gjyqësor që zgjat prej 15 viteve e nuk i jepet zgjidhje.

Zoti e di sa do zgjasë se Akoma s’ka kaluar në shkallë të parë mes palëve, jemi Akoma me shtetin.

Por janë tokat e mamasë sime dhe do i marr, njësoj siç i takojnë të gjithëve që janë pjesëtarë.

E në këto vite kam marrë shpesh kërcënime nga të ashtuquajtur ‘daja’ pse po kërkoja të drejtën e familjes sime. E njoh mirë frustrimin e proceseve të gjata pa fund, por që të biesh dakort me krimin e ta vlerësosh….KY ËSHTË FUNDI!.

Zyra Amerikane e Kontrollit të Aseteve të Huaja (OFAC) tha se sanksionet kundër Industrisë së Naftës së Serbisë (NIS), e cila është në pronësi ruse, rafineri i vetëm i naftës bruto në Serbi, kanë hyrë në fuqi pas disa vonesave, një veprim që mund ta godasë rëndë kombin ballkanik.

NIS tha sot, më 9 tetor se një licencë e veçantë nga Thesari Amerikan që i lejon kompanisë të operojë nuk u zgjat pasi u vonua tetë herë që kur kompania u vendos për herë të parë në listën e sanksioneve të SHBA-së në janar për “rrezikun e saj dytësor”, pronësinë e saj ruse.

Sanksionet synojnë, ndër të tjera, parandalimin e financimit të luftës së Kremlinit në Ukrainë nga kompanitë ruse të energjisë.

“Kompanisë nuk i është zgjatur një licencë e veçantë nga Departamenti i Financave i Shteteve të Bashkuara, e cila mundëson biznes të qetë operativ,” tha NIS në një deklaratë.

“Që nga lista e kompanisë në listën SDN (Shtetas të Përcaktuar Specialisht) në janar, NIS ka monitoruar me kujdes situatën dhe është përpjekur të përshtatë operacionet e saj me rrethanat e reja… NIS ka siguruar rezerva të mjaftueshme nafte për përpunim në këtë kohë, ndërsa stacionet e benzinës furnizohen siç duhet me të gjitha llojet e derivateve të naftës.”

Gazprom Neft, e kontrolluar nga Kremlini, drejtpërdrejt ose nëpërmjet degëve të saj, është pronari kryesor i aseteve të konsiderueshme të energjisë në Serbi. Që nga viti 2008, Gazprom ka zotëruar një pjesë të madhe të aksioneve në NIS, kompaninë kombëtare të naftës dhe gazit të Serbisë.

Presidentiu serb Aleksandar Vucic, e quajti ketë si një lajm shumë të keq për Serbinë, por u mundua të mos përhapte panik gjatë deklaratës për media, duke thënë se karburantet e makinave dhe avionëve nuk do të preken pasi vendi i tij “i ka të mbushura plot” depozitat dhe do nisë të kërkojë për tregje të reja.

Një ngjarje skandaloze ka ndodhur te vendi i quajtur Ura e Shkozetit në Durrës.

Aty, një pjesëtar i Policisë Rrugore është kapur duke parë filma +18 në orarin e punës brenda veturës së forcave të rendit.

Sipas videos së publikuar nga JOQ, zyrtari policor shihet teksa ka ndaluar veturën poshtë urës për “ta shijuar momentin”.

Një i ri, i cili e ka xhiruar momentin nuk ka ngurruar të ironizonte me ngjarjen teksa dëgjohet duke thënë: “Ja çfarë bën shteti jonë në orar të punës”.

VIDEO

Para ndeshjes mes Serbisë dhe Shqipërisë ditën e shtunë, Federata e Futbollit të Serbisë ka lëshuar një njoftim urgjent, pas arrestimit të një shtetasi shqiptar që, sipas Ministrisë së Brendshme të Serbisë, kishte tentuar të fuste në vend simbolet e Ushtrisë Çlirimtare të Kosovë dhe sende të tjera të ndaluara.

Në deklaratë, FSS shprehet se “mbështet plotësisht veprimet e autoriteteve” dhe se ndeshja përbën një “ngjarje me rrezik të lartë”, ndaj do të merren masa të rrepta sigurie, shkruan media serbe, Kurir.

Federata serbe njofton se:

“Biletat janë të personalizuara, dhe në hyrje të stadiumit do të lejohet vetëm personi që ka emrin identik me atë në dokumentin e identifikimit.

Është konstatuar “interesim për treg të zi” në disa komuna të jugut të Serbisë, dhe çdo blerje e tillë “është hedhje parash kot”, pasi hyrja në stadium nuk do të lejohet.

Në hyrje, do të konfiskohen të gjitha çakmakët, monedhat metalike dhe sendet e forta, me kontroll që do të zhvillohet në dy pika sigurie”.

Federata apelon që tifozët të vijnë herët në stadium “për të shmangur vonesat dhe për të respektuar rregullat”.

FSS thekson se siguria e lojtarëve, tifozëve dhe gjithë pjesëmarrësve është prioritet absolut, dhe se nuk do të lejojë “asnjë incident që mund të dëmtojë reputacionin apo interesat e kombëtares dhe të shtetit serb”.

Ky reagim vjen në një atmosferë të tensionuar, me ndeshjen që autoritetet serbe e kanë cilësuar “me rrezik të lartë”, ndërsa mediat në Beograd theksojnë “rrezikun nga provokimet shqiptare”.