Author: admin

Specialistët kanë përllogaritur se 68% e profecive të saj kanë ndodhur…

Baba Vanga, gruaja e verbër për të cilën thuhet se ka parashikuar shumë ngjarje dhe fenomene botërore përpara se të ndodhin, ka bërë një të tillë edhe për Presidentin e Rusisë Vladimir Putin. E konsideruar si “Nostradamusi i Ballkanit”, së fundmi në shumë media botërore thuhet se në vitin 1979 ajo kishte parashikuar që Vladimir Putin dhe Rusia do të dominojnë botën.

Në një takim që kishte patur me shkrimtarin Valentin Sidorov, BirminghamLive raporton se Baba Vanga i kishte thënë: “Të gjithë do të shkrihen si akulli, vetëm një do të mbetet i paprekur, lavdia e Vladimirit, lavdia e Rusisë. Askush nuk mund ta ndalojë Rusinë. Nuk do të ketë asnjë pengesë në rrugën e saj dhe do të bëhet zot i botës”. Specialistët kanë përllogaritur se 68% e profecive të saj kanë ndodhur dhe jo 85% siç pretendojnë ndjekësit në rrjetet sociale.

Ndërkaq nëse ju është dukur se viti 2025 ka kaluar shumë shpejt, nuk jeni duke gabuar. Nata e Vitit të Ri është gjithmonë një moment për të reflektuar mbi 12 muajt e fundit, dhe për disa njerëz, viti ka kaluar si një “rrufe”, ndërsa për të tjerët, ka ecur ngadalë. Por sipas ekspertëve të kompanisë së zonës kohore TimeAndDate, viti 2025 ishte, objektivisht, pak më i shkurtër se zakonisht. Kjo është arsyeja pse ndoshta nuk e keni vënë re.

Graham Jones, komunikues shkencor, tha për Newsweek se viti i kaluar ka qenë rreth 65 milisekonda më i shkurtër se mesatarja, duke e bërë atë vitin më të shkurtër të regjistruar deri tani. Shkaku është shpejtësia e rrotullimit të Tokës: edhe një ndryshim i vogël mund të bëjë që një ditë të jetë pak më e gjatë ose pak më e shkurtër se mesatarja prej 86,400 sekondash.

Është zbardhur dëshmia e 56-vjeçarit Mikel Ndoj, i cili plagosi me thikë vajzën e tij 24-vjeçare dhe një kalimtar të rastit, paraditen e së hënës në qytetin e Durrësit.

Ndoj është shprehur i penduar, duke theksuar se ka qenë në gjendje të rënduar psikologjike dhe nën efektin e alkoolit.

Ashtu siç u bë me dije edhe më herët, shkak i konfliktit ka qenë tentimi i 56-vjeçarit për t’u ribashkur me familjen pas 6 vitesh të ndarë, gjë që është kundështuar nga e bija, Xhesika Ndoj.

Sipas dëshmisë, Ndoj ka shkuar të puna e vajzës së tij për të biseduar, por situata ka përshkallëzuar kur është përballuar me reagimine ashpër të vajzës së tij.

Megjithatë, 56-vjeçari shprehet se ka qenë në gjendje të rënduar psikologjike dhe nuk mban mend me detaje se çfarë ndodhi në ato momente.

Gjatë dëshmisë, ai shpreh keqardhje dhe pendesë për ngjarjen dhe u kërkon falje vajzës dhe djalit, të cilin sipas tij, as nuk e njihte.

“Shkova te vendi i punës së vajzës pasi nuk po më përgjigjej në telefon. Dua të ribashkohem me familjen por vajza ka ndikuar negativisht. Nuk donte të kishte të bënte më me mua, më shpërfillte, më injoronte. Shkova për t’i thënë se doja të bisedoja me të, por më tha se nuk dua të kem asnjë lidhje me ty, për mua nuk ekziston më. Në këtë moment m’u errësuan sytë, i thashë hajde dalim pak përjashta që të flasim. Ajo më shtyu. Nuk mbaj mend më se çfarë ndodhi. Ishte edhe një djalë aty që ndërhyri në ato momente. Teksa po tentonte të më largonte u pre nga thika edhe ai. Më pas ika dhe u fsheva diku afër repartit të zjarrfikëses. Aty e kuptova çfarë kishte ndodhur. Unë isha në gjendje të rënduar psikologjike dhe kisha konsumuar alkool. Më vjen shumë keq për atë që ndodhi. Jam penduar shumë. U kërkoj falje vajzës dhe djalit që u plagos. Djalin nuk e njihja fare. Nuk di çfarë të them, ndihem shumë keq”, ka dëshmuar 56-vjeçari.

Ngjarja e rëndë ndodhi mëngjesin e djeshëm, në lagjen nr.12 të qytetit, ndërsa shkak është bërë refuzimi i vajzës Xhesika Ndoj për t’u mos u bashkuar me të atin.

Prindërit e vajzës ishin divorcuar 6 vite më parë për shkak të dhunës në familje dhe 56-vjeçari ishte larguar në Itali.

Ndoj rezulton një person me precedent penal në shtetin Italian për dhunë, vepër për të cilën kishte kryer edhe disa vite burg.

Mirëpo, së fundmi ai ishte rikthyer për t’u ribashkuar me familjen, gjë që është kundërshtuar nga e reja.

Kaq ka mjaftuar që 56-vjeçari të shkonte te puna e vajzës, me të cilën është konfliktuar dhe më pas e ka goditur me thikë.

Ndërkohë një kalimtar, shtetasi Onard Memlika, ka ndërhyrë për të parandaluar ngjarjen, por ka përfunduar i plagosur.

Ministrja e Brendshme Albana Koçiu ka reaguar për herë të parë lidhur me protestën e 24 janarit në Tiranë, ku pati përplasje mes protestuesve të opozitës dhe efektivëve të policisë.

Gjatë fjalës së saj në foltoren e Kuvendit, ajo theksoi se Policia e Shtetit ka vepruar në përputhje të plotë me ligjin, duke garantuar se nuk ka ushtruar dhunë ndaj protestuesve, por përkundrazi është përballur me to. Sipas saj, efektivët janë sulmuar me molotovë dhe mjete të forta, duke sjellë kështu dhe plagosjen e 11 punonjësve të policisë.

Koçiu shtoi më tej se vetëm pasi thirrjet për ndalimin e dhunës u shpërfillën, policia ndërhyri për shpërndarjen e turmës, sipas procedurave ligjore.

“Dua ta shfrytëzoj këtë mundësi për të dhënë dy fjalë për atë që ësh temë dita, pikërisht me protestën që u zhvillua ditën e shtunë dhe rolin e Policisë së Shtetit. Do më duhet ta cek sepse është një diskutim që u bë këtu duke përbaltur punonjësit e policisë së shtetit. Garantoj të gjithë qytetarët që policia e kreu detyrën më së miri dhe përpikmëri.

Policia e shteti nuk ushtroi dhunë ndaj protestuesve, policia u përball me dhunë. Policët u sulmuan me molotovë dhe si pasojë e këtyre akteve pati dhe lëndim, 11 punonjës policie u lënduan, Policia e shteti ka vepruar në përmbajtje të rregullave dhe ligjit, ka bërë thirrje për ndalimin e dhunës, dhe vetëm pasi këto thirrje u shpërfillën, rreziku për jetën e policëve u bë evident atëhere u ndërmorën masa për shpërndarje ne turmës sipas ligjit”, tha Koçiu, teksa sa i përket shoqërimit në Komisariat të një të mituri, ministrja sqaroi se ai është konstatuar duke goditur policinë me gurë dhe sende të forta.

Për këtë arsye sipas saj, ai u shoqërua për verifikim dhe më pas u la i lirë. Ajo theksoi më tej se në asnjë moment 14-vjeçari nuk është dhunuar dhe se është trajtuar në përputhje të plotë me ligjin.

Pjesë nga fjala e ministres:

Dua ta shfrytëzoj këtë mundësi për të dhënë dy fjalë për atë që ësh temë dita, pikërisht me protestën që u zhvillua ditën e shtunë dhe rolin e Policisë së Shtetit. Do më duhet ta cek sepse është një diskutim që u bë këtu duke përbaltur punonjësit e policisë së shtetit. Garantoj të gjithë qytetarët që policia e kreu detyrën më së miri dhe përpikmëri. Policia e shteti nuk ushtroi dhunë ndaj protestuesve, policia u përball me dhunë.

Policët u sulmuan me molotovë dhe si pasojë e këtyre akteve pati dhe lëndim, 11 punonjës policie u lënduan, Policia e shteti ka vepruar në përmbajtje të rregullave dhe ligjit, ka bërë thirrje për ndalimin e dhunës, dhe vetëm pasi këto thirrje u shpërfillën, rreziku për jetën e policëve u bë evident atëhere u ndërmorën masa për shpërndarje ne turmës sipas ligjit.

Akuza se Policia ka përdorur forcë të tepëruar apo mjete përtej nevojës janë të pavërteta. Dua të theksoj dhe diçka tjetër e drejta për protestë ështën ëj e drejtë kushtetuese por dhuna nuk është një e drejtë politike. Hedhja e molotovëve dhe policisë nuk është protestë por shkelje e ligjit. Sot duhet të kemi guximin politik për të dënuar dhunën.

Dua të ndalem dhe te rasti që është diskutuar së fundmi për të përdorur opinionin publik dhe manipulim politik, rastin e shoqërimit të nëj të mituri. Faktet janë këto dhe janë të vërtetueshme. Shërbimet e policisë kanë konstatuar një të mitur duke gjuajtur me gurë dhe sende të fort drejt policëve, për këtë arsye dhe me qëllim të vetëm e sigurinë, ai është marrë për verifikime ashtu siç e parashikon ligji.

Nga verifikimet rezulton se ishte 14 vjeç, i mituri në asnjë moment nuk është trajtuar në mënyrë çnjerëzore. Nuk është mbajtur në ambiente me të rritur, ka qëndruar në një ambient të posaçëm. Menjëherë pas mbërritjes së përfaqësuesit ligjor i mituri është lënë i lirë.

Këngëtarja Violetë Kukaj i është drejtuar me një letër publike produksionit të Big Brother VIP, pas deklaratave të rënda të banorit Rogert Sterkaj ndaj djalit të saj, Malit.

Sipas reagimit, gjuha e përdorur nga Rogerti, që preku identitetin dhe origjinën e Malit, ka kaluar çdo limit të lojës dhe debatit.

Familja kërkon që produksioni të veprojë me përjashtim, duke theksuar se fjalët që cenojnë integritetin personal dhe familjar janë të papranueshme.

Ata bëjnë thirrje që të respektohet dinjiteti njerëzor dhe të sigurohet një ambient ku nuk tolerohet gjuha denigruese, duke kërkuar masa urgjente për sjelljet që bien ndesh me normat shoqërore. /Prive By Liberta Spahiu

Serbia gjithnjë e më shumë i druhet Ushtrisë së Kosovës, ndërsa në të njëjtën kohë përpiqet që të ndryshojë narrativën duke shitur një propagandë sikur është viktimë, shkruan A2.

Aleksandër Vulin, ish zëvendëskryeministër dhe aktualisht drejton një zyrë të Rusisë në Beograd, pretendon se armatosja e FSK-së nga perëndimi do të çojë në një përplasje të pashmangshme teksa citon dhe “armën e Çehovit”.

“Nëse në aktin e parë të një drame ka një armë të varur në mur, në aktin e tretë duhet të qëllojë. Nëse në aktin e parë i armatosni shqiptarët, në aktin e tretë duhet të qëllojë”, theksoi Vulin për median ruse, RIA Novosti.

Ai pretendoi sërish se Serbia kërcënohet nga NATO, që sipas tij e ka rrethuar atë.

“Nuk mund të ketë ushtri në Kosovë përveç KFOR-it, domethënë forcave të armatosura të OKB-së ose NATO-s. Dhe kaq. Megjithatë, tani ekzistojnë të ashtuquajturat Forca të Sigurisë së Kosovës.

Kjo është një ushtri. Një ushtri e pajisur nga Perëndimi dhe e pajisur vetëm për një qëllim: luftën kundër serbëve, dhe për asgjë tjetër”, pretendoi Vulin. (A2 Televizion)

Këshilli i Mandateve dhe Imunitetit do të mblidhet ditën e nesërme pa një vendim të Gjykatës Kushtetuese për “Çështjen Balluku”, ndërsa pritet që të shqyrtojë kërkesën e SPAK për heqjen e imunitetit të zv/kryeministres.

Socialistët nuk pranuan të shqyrtojnë kërkesën e SPAK për heqjen e imunitetit e Ballukut në Këshillin e Mandateve, deri sa Gjykata Kushtetuese të dilte me një vendim.

Por burime për Report Tv bëjnë me dije se “Kushtetuesja” ka kërkuar më shumë kohë në vlerësimin e kësaj çështje. Kushtetuesja u mblodh sot, por siç mësoi gazetarja e Report Tv Esiona Konomi nuk ka dalë me një vendim për ankimin e qeverisë.

Mbetet për tu parë nëse Këshilli i Mandateve drejtuar nga Niko Peleshi do të marrë në shqyrtim kërkesën e Prokurorisë së Posaçme, apo njëjtë si “Kushtetuesja” do të kërkojnë më shumë kohë.

GJKKO, me kërkesë të SPAK pezulloi nga detyra zv/kryeministren Balluku e pandehur për abuzime me tenderin e Llogarasë, por Kryeministri Rama e cilësoi këtë si një shkelje të kompetencave të tij.

Rama e çoi në Gjykatën Kushtetuese çështjen Balluku, me argumentin se GJKKO ka shkelur kufirin e një tjetër pushteti, atij ekzekutiv duke marrë kompetencat e tij si kryeministër për pezullimin ose shkarkimin e një anëtari qeverie.

Pas kërkesës së kryeministrit Rama, gjykata riktheu përkohësisht në detyrë Ballukun deri sa çështja e saj të shqyrtohej në themel nga “Kushtetuesja”.

E pandehur për shkeljet në tenderin 190 mln euro të Tunelit të Llogarasë dhe nën hetim për 7 procedura të tjera prokurorimi lidhur me ndërtimin e lotëve të Unazës së Madhe, SPAK ka dyshime se Balluku duke qenë në detyrë, rrezikon të prishë provat hetimore dhe të intimidojë dëshmitarët.

Akti i fundit normativ për ndryshime në buxhetin e vitit 2025 është diskutuar në seancën kuvendore. Gjatë prezantimit të tij, Ministri i Financave, Petrit Malaj, theksoi se u adresua mbështetja e shtresave në nevojë, siç janë përfituesit e ndihmës ekonomike dhe personat me aftësi të kufizuar, si dhe u akorduan fondet për indeksimin e pensioneve dhe bonusin.

“Akti normativ adresoi në mënyrë të menjëhershme nevojën e mbështetjes të shtresave më në nevojë si personat me ndihmë ekonomike dhe ata me aftësi të kufizuar. Paralelisht kemi siguruar fondet për pensionet. Kemi synuar rritjen graduale të mbështetjes financiare. Për vitin 2025 mbështetja buxhetore ishte 256 milionë euro për ndihmën ekonomike përfshirë dhe bonusin, ndërsa për pensionistët 120 milionë euro që përfituan bonusin dhe indeksimin. Synojmë transferimin e të gjitha fondeve të buxhetit 2025 që nuk janë përdorur nga institucionet, në llogarinë për pensionistët në Bankën e Shqipërisë.”

Ministri theksoi se fondi që do të kalojë në llogarinë e pensionistëve në Bankën e Shqipërisë llogaritet në 150 milionë euro.

“Shuma që minimalisht do kalojë në llogarinë e pensionistëve në Bankën e Shqipërisë është rreth 150 milionë euro. Përmes kësaj shume synojmë të sigurojmë një mbështetje të qëndrueshme për këtë kategori. Kemi një shtesë fondesh prej 2 miliardë lekë për fermerët për masat e mbështetjes në bujqësi për vitin 2025 dhe fondi total shkon në 6.4 miliardë lekë. Realizimi i fondit për skemat mbështetëse është në masën 90 për qind he për kompensimin e naftës dhe 93 për qind për masat e tjera. Pagesat janë duke vijuar.”

Sa i takon investimeve kapitale, Ministri theksoi se përmes aktit normativ janë rialokuar 10 miliardë lekë me qëllim mbështetjen e projekteve që kanë pasur perfomancë më të mirë dhe 1.2 miliardë lekë për shlyerjen e detyrimeve të prapambetura të bashkive.

Të gjithë po flasin për të, por askush nuk e dinte të vërtetën deri më tani.

Dolce e Big Brother VIP Kosova ka trazuar rrjetin si asnjë banor tjetër, duke u bërë objektiv i teorive më të çuditshme që keni dëgjuar ndonjëherë.

Çfarë e bën atë kaq misterioze dhe tërheqëse për publikun? Kjo është një pyetje që po shqetëson shumë fansa dhe ndjekës të këtij reality show.

Jeta private e banores më misterioze të këtij edicioni është shoqëruar me pikëpyetje dhe sekrete që po dalin në shesh vetëm tani. Pse ka kaq shumë fshehtësi rreth saj? Këto janë tri teoritë konspirative që kanë pushtuar TikTokun, duke filluar nga mosha e saj, e cila është bërë një temë e nxehtë diskutimi.

Teoria e parë lidhet me moshën e Dolces, ku fansat janë ndarë në dysh: disa thonë se ajo është 37 vjeçe, të tjerë betohen se është 38, ndërsa disa madje pretendojnë se ajo është edhe më e moshuar. Kjo ka krijuar një atmosferë të tensionuar dhe kurioziteti rreth identitetit të saj.

Por, sa vjeç është në të vërtetë Dolce? Prive By Liberta Spahiu ka siguruar dokumentacionin zyrtar i cili vërteton se Dolce ka lindur më 13 dhjetor 1994. Pra, brenda në Big ajo mbushi 31 vjeç dhe ky debat mbyllet këtu. Megjithatë, a do të ndalojë kjo spekulimet?

Nëse menduat se mbaroi me moshën, gaboheni, sepse konspiracioni në rrjet nuk është ndalur me kaq.

Dy teoritë e tjera janë akoma më habitshme, pasi në rrjetet sociale po ziejnë lajmet se Dolce është në të vërtetë e martuar në fshehtësi dhe madje mban statusin e nënës së një fëmije. Këto informacione, nëse janë të vërteta, do të ndryshonin tërësisht perceptimin e publikut për të.

Deri më tani, asgjë nuk është konfirmuar nga familjarët, duke e lënë gjithçka në nivelin e thashethemeve. Kjo situatë ka krijuar një atmosferë tensioni dhe pritjeje për reagimin e Dolces kur të dalë nga shtëpia. A do të përballet ajo me këto akuzat dhe do të zbulojë të vërtetat e saj?

Po ju, a besoni se ajo po fsheh detaje me rëndësi nga e kaluara e saj? Kjo është një pyetje që do të mbetet e hapur derisa Dolce të vendosë të flasë. Publiku është i etur për të ditur më shumë rreth saj, dhe kurioziteti vazhdon të rritet çdo ditë.

Gelsi Boja, shofer i autoambulancës së Spitalit të Gramshit, është gjendur këtë të hënë përballë provës më të rëndë të jetës së tij ,të ruante qetësinë dhe të kryente denjësisht detyrën për të shpëtuar njerëz, mes tyre edhe motrën e tij.

Aksidenti tragjik në aksin Kabash–Poroçan, ku një kamionçinë ra nga rreth 70 metra në humnerë, shndërroi një ditë pune në një betejë mes detyrës dhe shpirtit të lënduar.

Në mjetin e përfshirë në aksidentin e tmerrshëm ndodheshin mësuesja Albana Besim Boja, motra e Gelsit, infermierja Dëshira Kapo Hoxha dhe drejtuesi i mjetit. Përplasja ishte fatale për infermieren, e cila humbi jetën, ndërsa dy të tjerët mbetën të plagosur rëndë.

Gazetari Fatmir Popja sjell historinë e Gelsi Bojës, i cili dje nuk ishte në vendngjarje thjesht si një shofer ambulance i Spitalit të Gramshit, por si profesionist dhe vëlla që duhet të përballonte tragjedinë, të bënte detyrën dhe të përjetonte nga aq pranë dhimbjen.

Me një qetësi që vetëm sakrifica dhe përgjegjësia e madhe mund ta japin, ai përballoi situatën dramatike si askush tjetër në situata të tilla duke ndihmuar në transportimin e dy të plagosurve, ndërsa e dinte se një prej tyre ishte motra e tij, në gjendje kritike.

Udhëtimi nga vendi i ngjarjes në Gramsh dhe më pas drejt Spitalit të Traumës në Tiranë ishte një rrugë e gjatë, jo vetëm në kilometra, por edhe në peshën e dhimbjes emocionale që mbante mbi supe. Gelsi nuk u thye. Ai e mbajti timonin me duar të forta dhe zemrën të mbërthyer, duke vënë mbi gjithçka detyrën për të shpëtuar jetë.

Mësuesja Albana Boja u dërgua me urgjencë në Spitalin e Traumës, ku po merr trajtim intensiv, ndërsa drejtuesi i mjetit po ashtu mbeti i plagosur rëndë. Pas kësaj ngjarjeje, përveç bilancit tragjik, mbetet edhe një histori force njerëzore dhe profesionalizmi të rrallë.

Historia e Gelsi Bojës është historia e atyre që, edhe kur jeta i godet pa mëshirë, zgjedhin të mos ndalen. Të atyre që, mes dhimbjes personale, vazhdojnë të bëjnë detyrën me dinjitet, duke u kthyer në shembull heshtur heroizmi, shkruan gazetari Fatmir Popja.

Krusita, Selin dhe Mateo kanë biseduar sot me njëri-tjetrin në shtëpinë e “Big Brother VIP 5”. Në një moment ky i fundit iu drejtua balerinës duke i thënë se ‘mbretëreshë do të bëhet kur të ketë mbretin në krah’.

E kur e pyeti nëse është e lidhur, Selin tha po, por Mateo sërish nuk e besoi. Ata të dy vendosën më pas një bast dhe kur të dalin jashtë shtëpisë më të famshme në Shqipëri, do të shohin se kush kishte të drejtë.

Mateo duke qeshur iu drejtua Selin duke i thënë se po të ishte ai i dashuri i saj ‘pupupu, që natën e parë në krevat’, duke folur për situatën e natës së parë në BBV 5.

Pjesë nga biseda:

Mateo: Mbretëreshë do të bëhesh kur të kesh mbretin në krahë. Mbret për momentin nuk ke, a je në lidhje? Jo

Selin: Ku e di ti

Mateo: A je në lidhje?

Selin: Po

Mateo: Nuk je, pse gënjen? Mashtron

Selin: A po më pyet?

Mateo: 100 për qind i sigurte

Selin: Bast?

Mateo: Me ça?

Selin: Me ça të duash, si do ta vërtetosh?

Mateo: Kur të dalim jashtë

Selin: O ti do na japësh drekë ne të dyve, o ne të dy do të japim drekë ty

Mateo: Po. Por nuk je e lidhur, nuk ka shans

Selin: Kështu thuaj ti. Pse nuk ka shans?

Mateo: Të isha unë i dashuri jot, pupu

Selin: E kam shumë liberal

Mateo: Ça liberal, që ditën e parë në krevat, unë isha hedhur nga kati i fundit i pallatit. Ditët e parë unë do isha hedhur nga pallati, ditën e dytë ti do kishe dalë nga Big Brother se do vije të haje pilafin

Selin: Mua më ka thënë shko aty, shijoje, bëj ça të duash, merri më të mirën, ti ça problemi ke?

Mateo: Se besoj fare

Selin: Nuk je ti versioni i këtij djali?

Mateo: Nuk ekziston versioni i këtij djali

Krasita: Ekziston

Mateo: Të hysh në krevat me çunin e huaj dhe ta pranojë për lojë? jo

Selin: Mua më erdhi sfida, Big Brother sfidë është

Mateo: Nuk po them se ke bërë krim këtu brenda, po krim kundrejt atij

Selin: Më ka thënë që nëse duhet të të jap një shenjë që duhet të dalësh jashtë, do të sjell një dron. Droni nuk më ka ardhur

Mateo: Po ik moj mashtruese, nuk ka shanse