Author: admin

Në kohët moderne, teknologjia ka ndryshuar mënyrën se si njerëzit lidhen me njëri-tjetrin. Rrjetet sociale kanë bërë të mundur që individë nga vende të ndryshme të botës të njihen, të komunikojnë dhe, në disa raste, të krijojnë lidhje të thella emocionale, madje edhe lidhje dashurie. I njëjti është edhe rasti i kësaj zonje, e cila para 5 viteve ka njohur një djalë në rrjete sociale. Pas një disfate të parë, zonja, me shpresën se do të rinisë një jetë të re me Labinotin, investoi në këtë marrëdhënie edhe pse në distancë.

Kjo pamundësi për t’u takuar ishte për shkak të dokumenteve jo të sakta në shtetin irlandez, që e kufizonin 40-vjeçarin për të udhëtuar drejt shteteve të tjera, e në këtë rast për të takuar të dashurën e tij prej 3 vitesh. Çdo gjë ecte shumë mirë, komunikimet e tyre ishin të përditshme, derisa në një moment kjo lidhje pëson një krizë. Labinoti i tregon të dashurës së tij virtuale për një vizitë në Kosovë, te familjarët e tij.

Por lidhja e re duket se Labinotit nuk i ka ecur, pasi ai sërish rikthehet pas dy muajsh te zonja.

Një sjellje e çuditshme e këtij zotërie, e cila nga sot e nesër pësoi ndryshime, por pa një arsyetim. Teksa zonja e re vendosi të shkëpusë marrëdhëniet me Labinotin dhe të marrë në kontroll jetën e saj, ky i fundit, nga ana tjetër, nis të shqetësojë 45-vjeçaren pas disfatës së radhës që mori nga ish-partnerja prej dy muajsh. Pas përfundimit të lidhjes së tyre, partneri nuk ka pranuar të tërhiqet, duke nisur një armatë të plotë presionesh psikologjike, kërcënimesh dhe ndërhyrjesh të qëllimshme në jetën personale të zonjës. E gjitha kjo për të ushtruar frikë dhe kontroll mbi të.

Këtu duhet të sqarojmë se zonja dhe Labinoti nuk janë takuar asnjëherë të vetëm. Megjithëse duket sikur ai kërkon rikthimin, 40-vjeçari nuk merr hapa konkrete për të takuar ish-partneren apo për t’u përballur me situatën. E vetmja gjë që di të bëjë më së miri janë kërcënimet.

Eh, mor Zot, po të lutem… Eh, mor Allah, po të lutem… Më dëgjo njëherë në jetën tënde. Merrja dy kalamajtë, se ma ka djegur zemrën, ma ka djegur. Eh, mor Allah, ma ka djegur zemrën. Merrja! Le t’i varrosë. Me dy duart e saj.

A mundet një baba që të mallkojë një nënë me humbjen e fëmijëve të saj? Ku kanë mbetur ndjenjat dhe instinkti prindëror?

O të vdektë familja. O të vdektë familja në aksident! Eh, mor Allah…! Në aksident të vdektë familja!

Deklaratat e Labit janë nga të gjitha drejtimet, duke përdorur çdo formë e mënyrë për ta shantazhuar dhe vënë përpara përgjegjësisë zonjën e re.

Këtu duhet të sqarojmë diçka. Gjatë kohës që të dy partnerët kanë qenë në lidhje, Labinoti ka bërë një tatuazh si simbolikë të dashurisë së tyre. Por kjo gjë nuk ka ndodhur nga zonja. Ai, me zemërim, e cilëson mosrealizimin e tatuazhit si tradhti ndaj tij. Sakaq, ai arrin deri aty sa problemet shëndetësore i përdor si argument për të tërhequr zonjën. Madje ai arrin deri aty sa akuzon zonjën për tradhti, në një kohë kur të dy kanë qenë të ndarë.

Pas akuzave për tradhti, Labinoti nuk ndalet. Kërcënon motrën se do të kontaktojë me vëllain dhe familjarë të tjerë të saj.

Në këto kushte, ku situata sa vjen e rëndohet, kontaktojmë vetë me Labinotin, i cili aktualisht ndodhet në Irlandë.

Labinoti, që në nisje të bisedës, sërish akuzon ish-partneren virtuale për tradhti nga ana e saj. 40-vjeçari përpiqet me çdo kusht të na tregojë për sakrificat që ka bërë për zonjën, madje sa arrin aty të thotë se është i sëmurë me kancer.

Labinoti vazhdon të jetë i paqartë në atë që shpreh, aq sa edhe për të kuptuar pasojat e veprimeve të tij. Teksa përpiqemi të bëjmë Labin të arsyetojë, situata duket paksa e vështirë, pasi zhgënjimi dhe lëndimi i tij karshi zonjës është i dukshëm, por kjo nuk do të thotë të prishë qetësinë e saj me forma shantazhi dhe përndjekje./Piranjat.al

Kandidati i pavarur për Bashkinë e Tiranës, Florjan Binaj, ka hapur zyrtarisht fushatën e tij elektorale me një video ku denoncon gjendjen e rrugëve të kryeqytetit sa herë bie shi.

Në videon e publikuar në rrjete sociale, Binaj shfaqet duke udhëtuar me makinë nëpër rrugët e Tiranës në mes të një shiu të dendur, teksa përpiqet të përshkojë zonat e përmbytura.

Ai e cilëson përvojën si një “mision të pamundur”.

“Bashkia bën propagandë sepse nuk do t’ia dijë as për trafikun, as për ty, as për mua, e as për ne! Zgjidhja e vetme është të bashkohemi dhe të veprojmë”, thotë Binaj.

VIDEO

Një 75-vjeçar nga Kuçova është ankuar në emisionin “Piranjat”, pasi është mashtruar nga miku i tij, Arben Karakashi, një pronar “exchange”-i në qendër të qytetit, i cili pas marrjes së parave është zhdukur pa lënë gjurmë.

I mashtruari rrëfen se më 18 qershor, në orën 4 pasdite, i ka dhënë Arbenit një shumë prej 3 mijë dollarësh dhe 384 mijë lekësh të vjetra në këmbim të 3 mijë eurove, që i duheshin për djalin që do të vinte nga Amerika. Por kur e mori në telefon dy orë më vonë, Karakashi nisi justifikime: “Jam në Berat, gruaja më është sëmurë”, dhe më pas i fiku telefonin.

Maliqi e njihte Arbenin prej vitesh; e frekuentonte shpesh për këmbime valutash dhe pagesa faturash.
“Kishim marrëdhënie të mira, madje kemi pirë edhe kafe bashkë. Nuk ma merrte mendja kurrë që do bënte një gjë të tillë,” – thotë ai. Por më pas, zbuloi se nuk ishte i vetmi.

“Të gjithë më thonë që ai ka mashtruar edhe të tjerë. Unë gabova që s’pyeta më parë,” – rrëfen i moshuari.

Duhet sqaruar se, përveç shumës së parë, Maliqi thotë se i ka dhënë Karakashit edhe 4 milionë lekë dhe 6 mijë dollarë të tjerë borxh, gjithsej rreth 12 milionë lekë me kursin e sotëm. “Kam një letër me vulën e dyqanit të tij që vërteton këtë,” – shton ai.

Pas ngjarjes, Arben Karakashi ka mbyllur dyqanin në qendër të Kuçovës dhe është zhdukur. As në shtëpi nuk gjendet, as në telefon nuk përgjigjet, madje as me familjarët s’ka më asnjë kontakt.
“E di që është brenda, por nuk hap derën,” – thotë Maliqi, që e ka kërkuar disa herë në vendbanim.

Komshinjtë e përshkruajnë Karakashin si njeri të qetë, por që kishte ngecur me lekët. Disa besojnë se ende lëviz natën. Të tjerë mendojnë se është fshehur diku për t’i shpëtuar borxheve që ka lënë pas.

Në përballjen me “Piranjat”, Karakashi deklaroi se nuk i përgjigjet zotit Laze, pasi ai e ka shqetësuar me 80 telefonata – një justifikim absurd, që tregon mosmirënjohje ndaj mikut që e ka ndihmuar në ditë të vështira. Në fund të bisedës, Arbeni tregoi se e njeh borxhin, por se do ta kthejë vetëm pasi të mbyllë detyrimet.

Ndërkohë, Maliq Laze thotë se nuk do të ndalet: “Do t’i bie edhe 180 herë telefonit… dua vetëm djersën time”./Emisioni “Piranjat”

Këngëtarja dhe aktorja e njohur Jennifer Lopez, ka folur së fundi për marrëdhëniet e saj dhe nëse ka qenë ndonjëherë vërtetë e dashuruar.

E ftuar në “The Howard Stern Show”, ajo promovoi projektin “Kiss of the Spider woman”, por edhe foli për dashurinë dhe marrëdhëniet, duke treguar se nuk kishte qënë asnjëherë e dashuruar në të vërtetë sepse sipas saj, ish-partnerët nuk kishin qenë të aftë.

“Ajo që mësova nuk ishte se nuk më donin por ishte se ata nuk ishin të aftë. Më dhanë gjithçka, çdo herë. Të gjitha unazat, të gjitha gjërat që mund të dëshiroja ndonjëherë. Shtëpi, unaza, martesë e të gjitha këto, por një pjesë e problemit ishte se nuk e doja veten në atë kohë”, pranoi ajo.

Lopez është martuar dhe divorcuar katër herë, së fundmi me Ben Affleck dhe ka dy fëmijë me ish-bashkëshortin Marc Anthony.

“Kur u divorcova herën e fundit, ishte gjëja më e mirë që më ndodhi ndonjëherë, sepse më bëri të kthehesha në një faqe të re. Dua të them, kisha një trajner fitnesi, kisha një terapist martese, kisha një terapist individual. Kisha gjithçka. Mendova, do ta zgjidh këtë, edhe nëse më vret’“, tha Lopez.

Ajo thotë se tani ka shumë më tepër vetëbesim dhe është më e vetëdijshme për situatat që i kanë ndodhur.

Lopez mbërriti në premierën e “Kiss of the Spider Woman” në New York e shoqëruar nga ish-partneri i saj Ben Affleck, i cili është edhe producenti i këtij projekti.Megjithatë, një burim pranë këngëtares zbuloi se nuk ka më asnjë lidhje romantike mes tyre.

Galeria fotografike (

2 / 17

)

Monika Kryemadhi ka postuar në Instagram disa foto në shtrat së bashku me ish-banoren e BBVA, Dea Vieri, të veshura robdishan.

Një pamje kjo që nuk e keni parë asnjëherë Kryemadhin, e ‘zhveshur’ nga kostumi i politikanes dhe tashmë pjesë e një filmi nga ku janë shkëputur fotot.

Në hetim nga SPAK dhe e divorcuar nga Ilir Meta, Monika Kryemadhi deklaroi dorëheqjen nga politika dhe gjetjen e pasioneve të reja.

Siç ka lajmëruar dhe më parë, Kryemadhi do të marrë pjesë në një film, për të cilin nuk ka detaje, por mesa duhet një tjetër aktore e kastit qenka dhe ish-banorja e BBA VIP, Dea Vieri.

Galeria fotografike (

2 / 2

)

Nga Paolo Fox

DASHI

Sot është një ditë rikuperimi! Pas disa tensioneve të kohëve të fundit, më në fund ndjeni se gjërat po lëvizin në drejtimin e duhur. Dëshironi të flisni hapur, të ndërmerrni veprime, të sqaroni gjërat: bëjeni, por me qetësi. Ata që janë pranë jush e vlerësojnë energjinë tuaj, por jo zjarrin tuaj të tepërt.

DEMI

Sipas horoskopit të Paolo Fox (e premte, 17 tetor 2025), nevojitet durim. Dikush po të provokon ose po të vë në provë, por nuk duhet të biesh në kurth. Ka një projekt të rëndësishëm që duhet të konsolidohet dhe forca jote do të jetë këmbëngulja jote. Në dashuri, fjalët flasin më shumë se veprimet.

BINJAKËT

Mendja juaj vërshon me shpejtësi, ndoshta shumë shpejt. Je plot ide, por jo të gjitha janë të arritshme menjëherë. Mos kërko përgjigje të menjëhershme; lëre kohën të sqarojë. Jeta juaj dashurore është e paqëndrueshme, por pasionante: çfarë ndodh nëse dikush nga e kaluara kthehet?

GAFORRJA

Hëna ju mbron, por edhe ju ngatërron. Është një ditë me emocione të forta: mund të luhateni midis entuziazmit dhe melankolisë. Diçka po lëviz në dashuri, edhe nëse nuk jeni i sigurt në cilin drejtim. Besojini intuitës suaj.

LUANI

Sipas horoskopit të Paolo Fox (e premte, 17 tetor 2025), jeni plot energji! Puna është tërheqëse, por më në fund po merrni njohje. Ata që ju nënvlerësuan do të duhet të mendojnë përsëri. Në dashuri, pasioni kthehet, por kini kujdes të mos jeni shumë të fortë: ndonjëherë, një vështrim është i mjaftueshëm për të kuptuar njëri-tjetrin.

VIRGJËRESHA

Është një ditë reflektuese. E kuptoni se jo gjithçka mund të kontrollohet dhe kjo ju vë në një situatë paksa të vështirë. Por është pikërisht aty, në kaos, që dalin zgjidhjet më të mira. Një telefonatë ose një mesazh do t’i sjellë qartësi jetës suaj dashurore.

PESHORJA

Yjet po ju buzëqeshin: më në fund, pak qetësi pas disa ditësh të tensionuara. Sot, mund të përballeni me një sqarim ose të merrni një vendim të rëndësishëm. Në dashuri, qetësia kthehet dhe dikush ju shikon me sy të rinj.

AKREPI

Sipas horoskopit të Paolo Fox (e premte, 17 tetor 2025), ju jeni magnetikë dhe vendimtarë: ata që ju njohin e dinë se jeni përtej çdo debati kur keni një ide në mendje! Por kini kujdes të mos i trembni ata që ju duan shumë. Një ofertë pune duhet të merret në konsideratë me qetësi.

SHIGJETARI

Entuziazmi juaj është i jashtëzakonshëm! Sot mund të merrni disa lajme të mira ose një ftesë të këndshme. Në dashuri, nevojitet qartësi: nëse diçka nuk po funksionon, flisni për të. Emocionet do të rizgjohen në pasdite.

BRICJAPI

Ju nevojitet heshtje dhe konkretësi. Jeni të lodhur nga ata që flasin shumë dhe bëjnë shumë pak. Në dashuri, një keqkuptim i vogël mund të zgjidhet me një përkëdhelje. Në punë, po mbërrijnë shenja pozitive, por nevojitet durim.

UJORI

Sipas horoskopit të Paolo Fox (e premte, 17 tetor 2025), mendja juaj është një vorbull idesh sot: jeni të etur për ndryshim, por edhe pak të lodhur. Mos merrni vendime impulsive. Në dashuri, keni nevojë për qartësi: mund të tërhiqeni nga dikush shumë i ndryshëm nga ju.

PESHQIT

Është një ditë ëndërrimtare, por disi e shpërndarë. Ndiheni të frymëzuar, por ju mungon fokusi. Romanca kthehet në dashuri, por kini kujdes të mos e idealizoni tepër partnerin/en tuaj. Mbrëmja sjell një surprizë të ëmbël.

Prezenca e Qiriakos Micotaqis në samitin e paqes për Gazën që u mbajt në Egjipt dhe rreshtimi krah Rexhep Taip Erdogan, thuajse me detyrim nga ana e Donald Trump është bërë “mollë sherri” në Parlamentin e Athinës.

Kreu i ekzekutivit helen u përplas me liderin e partisë opozitare PASOK, Nikos Andrulaqis, pas sulmeve në kontekstin e debatit mbi politikën e jashtme.

“Po e bëj vendin tim të fortë dhe po sigurohem që të mos jetë më ai pleh që ishte nën udhëheqjen e SYRIZA-s”, tha Micotaqis, duke iu drejtuar më pas Andrulaqis me pyetjen: “A do ta kapnit ju Trumpin prej jake dhe t’i thoshit ‘jo, po kthehem z. Trump’?”.

“Zoti Andrulaqis, folët për ‘natyrë të qetë’. Pyes veten: nëse nuk do të na kishin ftuar, çfarë do të kishit thënë? A ju shqetësoi prania në skenë? Po të ishit në vendin tim, çfarë do të kishit bërë? A do ta kishit kapur Trumpin për jake dhe t’i kishit thënë: ‘Jo, po kthehem, z. Trump?’”, tha shefi i qeverisë greke.

Micotaqis më tej mbrojti qëndrimin e Greqisë mbi çështjen palestineze, duke vënë në dukje se vendi mbështet fuqimisht zgjidhjen me dy shtete, “me shtetin palestinez që bashkëjeton në paqe me Izraelin”.

“U habita që asnjëri prej jush nuk e përmendi sulmin çnjerëzor kundër të rinjve izraelitë, i cili ishte arsyeja e përshkallëzimit të krizës. E kam thënë qartë se reagimi i Izraelit i tejkaloi të gjitha kufijtë, sulmi ndaj civilëve dhe fëmijëve nuk është i justifikuar. A nuk e keni dëgjuar këtë nga unë? A po e dëgjoni për herë të parë tani?”, vuri në dukje ai.

Micotaqis u ndal edhe tek njohja e shtetit palestinez nga Franca, duke thënë se kjo nuk përbënte asnjë ndryshim dhe i bëri thirrje kreu të PASOK që të ishte i kujdesshëm kur i referohej presidentit amerikan.

“Stili i zotit Trump mund të jetë i çuditshëm, por ai është presidenti i zgjedhur i Shteteve të Bashkuara dhe një partner strategjik i atdheut tonë”, tha ai.

Spektakli i një ndeshjeje futbolli u shndërrua shpejt në një telenovelë. Në tribunat e stadiumit Ilha do Retiro në Recife të Brazilit, pak para fillimit të ndeshjes midis Sport Recife dhe Ceará SC, një ndeshje e javës së 28-të të Kampionatit Brazilian, tifozët ishin dëshmitarë një skene të pabesueshme.

Në fushë, ndeshja përfundoi 1-1, por ishte ajo që ndodhi më parë që dominoi bisedën gjatë gjithë mbrëmjes dhe në orët që pasuan. Në një video që u bë menjëherë virale në rrjetet sociale, një grua zbulon burrin e saj në shoqërinë e një femre tjetër në shkallët e stadiumit

Një tradhti në mes të ditës, para syve të habitur të tifozëve, e cila përfshin edhe britma dhe shuplaka.

“Unë jam gruaja e tij!” bërtet ajo përpara se t’i drejtohet burrit, i cili po e nxit të ulë zërin sepse të gjithë po e shikojnë. Megjithatë, gruaja, e lënduar nga tradhtia, refuzon të dëgjojë dhe vazhdon të ankohet kundër partnerit të saj: “Mbaroi!”.

Situata bëhet e sikletshme, për të mos thënë më shumë, por gruaja e tradhtuar vazhdon shpërthimin e saj pa pushim, dhe në një moment të caktuar ajo i afrohet aq shumë burrit të saj sa nuk mund t’i rezistojë tundimit për ta goditur në fytyrë të paktën dy ose tre herë.

Mbaroi me kaq? Jo. Pasi burri “është rregulluar”, gruaja i drejtohet femrës që duhet të konsiderohet e dashura e partnerit të saj, e cila ka mbetur e palëvizshme deri në atë moment. Ajo përpiqet t’i afrohet asaj, por burri më pas ndërhyn në një përpjekje për ta mbrojtur atë nga goditjet ose shuplakat e mundshme.

Na partida entre Sport X Ceará, em Recife, uma cena de Casos de Família foi registrada. A mulher pegou o marido no flagra com a amante, apreciando a decadência do clube na séria A, do Campeonato Brasileiro. pic.twitter.com/Jc3hKvMFmC

— JORNAL INFORMAL📰 (@diogesluiz) October 16, 2025

Policia e Vlorës ka dhënë informacion për ngjarjen e rëndë të ndodhur ditën e sotme në afërsi të fshatit Bishan, në aksin Levan-Vlorë, ku një shofer u gjet i pajetë brenda makinës.

Viktima është shtetasi 36-vjeçar Rafael Pasha, dhe sipas policisë ai vuante nga epilepsia. 36-vjeçari dyshohet të jetë ndjerë keq gjatë udhëtimit me makinë dhe ka ndaluar duke hapur krahun anës rrugës.

“Sot, në aksin rrugor Levan-Vlorë, në afërsi të fshatit Bishan, brenda një automjeti tip “Volksëagen”, të ndaluar në xhepin anësor të autostradës, dyshohet se ka ndërruar jetë, për shkaqe natyrale, drejtuesi i këtij automjeti, shtetasi R. P., 36 vjeç, banues në Berat, i cili vuante nga sëmundja e epilepsisë.

Grupi hetimor vijon veprimet për zbardhjen dhe dokumentimin e plotë të rrethanave të ngjarjes”, njofton policia.

Ankthi i pritjes së ekspertizës për vdekjen e djalit të tyre Brianit, vetëm tre vjeç, mori fund mëngjesin e 23 shtatorit, por përgjigjet e ekspertizës shtuan edhe më shumë brengën e përjetshme.

“Ekspertiza e dytë e kryer në Itali mbi shkakun e vdekjes së djalit tim është e tmerrshme. Shkaku i humbjes së jetës është anestezia e tepërt. Në këtë përfundim arriti edhe mjekësia jonë ligjore, por ekspertiza më e detajuar që erdhi nga Italia e ka shtjelluar më thellë. Jam i shokuar sa herë që lexoj çdo rresht”, thotë për Faktoje.al Bledar Spahiu, babai i Brian Spahiut.

Qëndrimet

Në qëndrimet e mëparshme pas humbjes së jetës së djalit Bledar Spahiu shprehej se për ndërhyrjen kirurgjikale në mbushjen e 14 dhëmbëve kishte paguar 700 euro dhe 33 mijë lekë të reja shtesë për “dy herë anestezi”.

Djalin e nxori në agoni nga klinika, duke marrë sigurinë e dy mjekëve, Roland dhe Ina Xhaxho, se narkoza do i dilte shpejt, por pak orë më vonë nisen me urgjencë drejt Pediatrisë në QSUNT dhe e shtrojnë në Reanimacionin e Pediatrisë ku më pas humbi jetën.

“Kur doli nga salla mjekja Xhaxho më tha se kishte ndërhyrë në 14 dhëmbë, autopsia dhe ekspertiza nxorën se gjashtë dhëmbë nuk ishin mbushur fare”, kujton këtë detaj me shumë dhimbje Bledari, sot një prind që kërkon prej dy vitesh drejtësi për jetën e humbur të djalit 3-vjeçar.

“Drejtësi për tim bir. Këtë dua dhe do i shkoj deri në fund”, thotë për Faktoje Spahiu, ndërsa shpesh habi se përse u deshën dy vite zvarritje për të arritur në përfundimin se mjekët shkelën çdo protokoll mjekësor dhe etikë profesionale duke sjellë pasojën e rëndë, vdekjen e një fëmije vetëm 3-vjeçar.

Drejtësi e vonuar

Pas përgjigjes së akt-ekspertizës së hollësishme, Prokuroria e Tiranës kërkoi masë sigurie “arrest me burg” për mjekun anestezist Roland Xhaxho dhe “arrest shtëpie” për Ina Xhaxhon stomatologe (vajza e tij) dhe stomatologen tjetër të klinikës Marta Gina. Gjykata vendosi të zbusë masën për Roland Xhaxhon duke e lënë në “arrest shtëpie” dhe po në arrest shtëpie dy stomatologet.

Ata akuzohen deri më tani për “vrasje nga pakujdesia dhe mjekim i pakujdesshëm”. Megjithatë, përgjigjet e mbërritura mund të rëndojnë akuzat.

Faktoje.al mëson se po diskutohet mundësia e rikualifikimit të veprës penale në “Vrasje me dashje indirekte”, ç’ka rëndon më shumë pozitat e mjekut Xhaxho, vajzës së tij dhe stomatologes së punësuar në klinikën e tyre.

Dosja

I mituri Brian Spahiu humbi jetën në reanimacionin e pediatrisë më 1 tetor 2023, dy ditë pasi kishte kryer ndërhyrje kirurgjikale dentare pranë klinikës private “Splendent”.

Faktoje.al mëson se nga akt-ekspertimi prej afër 200 faqesh jepen hollësi për të gjithë ecurinë fillimisht të anestezisë, më pas ndërhyrjes nga stomatologët dhe pasojave fatale që solli kjo “neglizhencë”, e cila nuk mund të lidhet kurrsesi me paaftësinë e mjekut, pasi Xhaxho renditet ndër mjekët më të mirë anestezist që ka vendi.

Po ashtu po hetohet edhe protokolli mjekësor pas përkeqësimit të shëndetit dhe trajtimit në reanimacionin pediatrik.

Vdekja e 3-vjeçarit Brian Spahiu nuk është rast i izoluar dhe janë me dhjetëra çështje të padive për mjekim të gabuar, apo edhe mitmarrje në sektorin ku është në peshore jeta njerëzore, para së të përfundojnë në peshoren e drejtësisë nga ngjarjet fatale.

“Kam dy vite që shkoj në çdo derë, kam vetëm një qëllim: Drejtësi për tim bir”, thotë Bledar Spahiu, prindi që nuk feston më ditëlindjet e djalit, por përkujton vitet e ditës së mortit.

Urdhri i mjekut

Edhe pse janë me dhjetëra raste të denoncimeve ndaj mjekëve për mjekim të gabuar me pasoja të rënda deri humbjen e jetës së pacientëve, dënime për këtë vepër penale nuk janë dhënë. Kjo konfirmohet edhe nga një përgjigje e Urdhrit të Mjekut për Faktoje.al.

“Gjatë 10 viteve të fundit, Urdhri i Mjekëve ka marrë gjithsej 15 vendime disiplinore për gjykime të zhvilluara në të dyja shkallët e gjykimit, si dhe në shkallën e parë, kur ankesat janë shqyrtuar pranë Këshillave Rajonale, dhe në shkallën e dytë, kur ato janë kaluar për shqyrtim pranë Këshillit Kombëtar”, thotë Urdhri i Mjekut, që më tej shton se: “Në pjesën dërrmuese të rasteve, mjekët janë shpallur të pafajshëm”.

Përgjatë dhjetë viteve të fundit Urdhri i Mjekut numëron pak raste masash disiplinore për pezullim license, vërejtje dhe paralajmërim për heqje license.

“Janë marrë edhe masa disiplinore, përfshirë: 2 raste pezullimi licence (me kohëzgjatje 3 dhe 4 muaj), për shkelje të neneve 13 dhe 25 të Kodit të Etikës dhe Deontologjisë Mjekësore; 2 raste vërejtjeje me shkrim, për shkelje të nenit 26 të Kodit të Etikës dhe Deontologjisë Mjekësore; 2 raste vërejtjeje me paralajmërim për heqje licence, për shkelje të neneve 34, 35 dhe 36 të Kodit të Etikës dhe Deontologjisë Mjekësore”, thuhet në qëndrimin e Urdhrit të Mjekut për Faktoje.al.

Aktualisht urdhri konfirmon se nuk ka masa disiplinore në fuqi për mjekët. “Për të gjithë mjekët ndaj të cilëve janë marrë masa disiplinore, ato masa janë shlyer tashmë. Për këtë arsye, aktualisht nuk ka masa në fuqi”, thuhet në reagim.

Rastet e rënda

Onkologjiku, QSUT (Tiranë), qershor 2024, Hetim për skemë zhvatjeje/transferimi pacientësh nga publiku te privati “Megis”, mosfunksionim i qëllimshëm i “Kobalto Terapisë”, shitje/transferim ilaçesh spitalore; nën hetim: Edmond Gashi, Alketa Ymeri (Pere), Emiljano Lela, Brikena Qirjazi (ish-zv/drejtoreshë), Halil Gashi (admin i klinikës), Florian Marku (farmaci). Masa sigurie: arrest shtëpie/detyrim paraqitjeje.

Kardiokirurgjia, QSUT (Tiranë), 2021-2024, Dosje SPAK ndaj prof. Edvin Prifti: 4 akuza (korrupsion në 7 raste, vjedhje duke shpërdoruar detyrën, fshehje të të ardhurave, pastrim parash); sekuestrim rreth 1.1 mln euro (pjesërisht cash në banesë/zyrë). Më 13 shkurt 2024 dosja u çua për gjykim; shtator 2024 GJKKO ktheu për plotësime hetimi.

Klinika dentare “Splendent” (Tiranë), tetor 2023 (zhvillime 2024-2025), Vdekja e 3-vjeçarit Brian Spahiu pas një ndërhyrjeje dentare me anestezi të përgjithshme në klinikën private të Roland Xhaxho (anestezist/kardiolog), ku punonte dhe e bija Ina Xhaxho. Prokuroria sekuestroi dokumentacionin mjekësor dhe kërkoi ekspertizë të pavarur ndërkombëtare. Akuza: vrasje nga pakujdesia / mjekim i pakujdesshëm. Masa sigurie: arrest shtëpie dhe detyrim paraqitjeje për mjekët. Çështja penale vijon në hetim me akt-ekspertizë italiane për shkaqet e vdekjes.

Spitali i Traumës (Tiranë), “masakra e Velipojës”, korrik 2021, Arrest me burg për Serdi Memini (kirurg ortoped) dhe Ervin Sulaj (anestezist), si dhe një infermiere, pasi u dyshuan se morën 3.7-3.9 mln lekë ryshfet nga i ati i një 17-vjeçari të plagosur. Apeli Shkodër la në fuqi “arrest me burg”.

Spitali i Traumës (Tiranë), shtator 2022, Arrestim në flagrancë i anestezistit Fitim Marku pas infiltrimit policor; dyshohet për marrje 20 mijë lekë ryshfet për shërbim. (Më pas masa sigurie u ndryshua në arrest shtëpie).

QSUT (Tiranë), shkurt 2023, Arrestim i dy punonjësve për korrupsion te shërbimi i skanerit: Nazmi Metaliu (mjek) dhe Astrit Mansaku (teknik imazherie); akuzohen se u merrnin para pacientëve për të kryer skanerin.

Spitali Rajonal Fier, qershor 2021, Pas pezullimit nga detyra, u ndaluan për korrupsion Agim Sula dhe Eduart Shyti; dyshohet marrje ryshfeti nga pacientë.

Durrës, janar 2023, Arrestohet mjek i Bankës së Gjakut: dyshohet se kërkoi 5,000 lekë për të mundësuar transfuzion gjaku.

Institucione të shëndetësisë publike (Tiranë), korrik 2020, Operacion antikorrupsion: 14 mjekë/ish-mjekë & punonjës (Higjiena, ISHSh, poliklinika) nën masa sigurie; ndërmjetësim për tamponë COVID-19 dhe ryshfete 5,000-10,000 lekë, libreza fiktive, etj. Disa me “arrest me burg”, disa me “arrest shtëpie/pezullim”.

Materniteti “Koço Gliozheni” (Tiranë), shtator 2016, Ndalohen për mjekim të gabuar/neglizhencë në rastin e vdekjes së Adia Çajku (35 vjeçe): Dritan Deçka, Helidon Klosi; Nazmie Ceni hetohet në gjendje të lirë.

“Shefqet Ndroqi” (Tiranë), tetor 2024 – Arrestohet radiologu Pëllumb Hysko nën akuza për ngacmim seksual/shpërdorim detyre; në hetim edhe një teknik laboratori. (Rast i vitit të kaluar, ende pa përfundim gjyqësor)./ Sebi Alla / Faktoje