Author: admin

Dhuna tek adoleshentët sa vjen e po shtohet, i tillë është dhe rasti që Fiks Fare trajtoi mbrëmjen e së hënës.

Dhunojnë, filmojnë e më pas shantazhojnë me përhapjen e filmimeve në rrjetet sociale, gjithçka për të përfituar para.

Dy nëna kanë denoncuar publikisht një ngjarje të rëndë dhune ndaj fëmijëve të tyre të mitur në zemër të Tiranës. Vajzat, të moshës 12 dhe 15 vjeç, janë dhunuar fizikisht nga një grup prej nëntë vajzash bashkëmoshatare, ndërsa policia, sipas prindërve, nuk ka marrë asnjë masë ndaj autorëve edhe pse identiteti i tyre është bërë i ditur.

Sipas dëshmisë së njërës prej nënave, tre vajzat , dy të sajat dhe një shoqe e tyre po kalonin në Bulevardin Dëshmorët e Kombit kur u sulmuan pa paralajmërim. “I thirrën, i ofenduan, më pas i kapën dhe i goditën pa mëshirë. Njërën prej vajzave e shtrinë në tokë, tentuan ta zhveshin dhe të filmonin gjithçka”, tregon e tronditur nëna. Videoja e ngjarjes është shpërndarë në rrjetet sociale dhe përmes saj janë identifikuar autoret, të cilat, sipas denoncuesve, banojnë në zonën e Yzberishtit.

Prindërit tregojnë se ngjarja është shumë më e rëndë sesa një konflikt adoleshentesh. Sipas tyre, vajzat dhunuese kishin dalë me qëllim për të dhunuar dikë, ta filmonin dhe më pas të përfitonin para duke shantazhuar. Kështu sipas prindërve janë shprehur dhunueset në dëshminë e tyre dhënë në polici. Madje dhunueset i kanë gjetur vetë prindërit evajzave të dhunuara e më pas i kanë denoncuar në polici. “Vajzat tona nuk i njihnin fare. Ishin thjesht në vendin e gabuar, në momentin e gabuar”, shprehen ato.

Pas denoncimit në polici, prindërit thonë se janë përballur me një mur heshtjeje dhe neglizhence. “Shkuam në Komisariatin Nr. 1, ku na tha oficeri i policisë gjyqësore se nuk kanë çfarë të bëjnë. Se nuk mund të ndërhyjnë në konflikte mes të miturve dhe se vetëm kur ndodh një vrasje mund të veprojnë. Madje fajësoi familjet për mënyrën si rriten fëmijët”, tregojnë denoncueset.

Ndërkohë, situata për viktimat është kthyer në një makth të përditshëm. Vajzat nuk guxojnë më të shkojnë në shkollë dhe jetojnë në frikë të vazhdueshme, pasi dhunueset jo vetëm që janë të lirshme, por edhe i kërcënojnë përmes rrjeteve sociale se do hakmerren për denoncimin.

Prindërit bëjnë apel për drejtësi dhe mbrojtje, duke kujtuar se raste të tilla kanë përfunduar edhe në tragjedi. “Mos të presim që të ndodhë më e keqja. Nuk dua që fëmija im të bëhet viktimë e radhës për t’u kujtuar se duhet vepruar më herët”, thotë një prej tyre, duke përmendur rastin e një 15-vjeçari që humbi jetën pas një konflikti të ngjashëm.

S’ka më shpresë për Erion Veliajn, Apeli i GJKKO e lë në burg, Tirana dhe 3 bashki të tjera drejt zgjedhjeve të parakohshme, ja çfarë po ndodh brenda PS
Rigels Seliman

Erion Veliaj nuk do ta rifitojë më lirinë, të paktën jo së shpejti. Apeli i Gjykatës së Posaçme (GJKKO) vendosi dje të lërë në fuqi masën e sigurisë “arrest me burg”, duke zhbërë çdo përpjekje të avokatëve të tij për lirimin me garanci pasurore. Veliaj nuk ishte në sallë, por në vend të tij foli heshtja që rëndon mbi Partinë Socialiste. Që nga 10 shkurti, Tirana është pa kryetar. Një boshllëk institucional që po kthehet në krizë politike. Por me kalimin e tre muajve nga mungesa e tij në detyrë, ligji hap rrugën për shkarkimin e tij zyrtar. Këshilli Bashkiak i Tiranës pritet të mblidhet, ku ka zërë se ai mund të mblidhet sot, ose në ditët në vijim për të çuar përpara këtë vendim të rëndë.

Mirëpo ndërsa Veliaj endet në labirintin e drejtësisë, PS duket se po përgatitet për një tjetër goditje: zgjedhjet e parakohshme në 4 bashki. Tirana është e para, ku ministrat Ogerta Manistriliu dhe Blendi Gonxhja janë emra që lakohen për të kandiduar në zgjedhjet e parakohshme lokale, por edhe Tepelena, Berati dhe Mati janë pas saj. Ish-kryebashkiakët Tërmet Peçi, Ervin Demo dhe Agron Malaj tashmë janë deputetë, ca do të thotë se për këto njësi duhet të votohet.

Presidenti i Republikës do të shpallë datën e zgjedhjeve menjëherë pas shkarkimit të Veliajt, dhe sipas Kodit Zgjedhor, ato duhet të mbahen brenda 60 ditëve, ndërkohë që e njëjta gjë pritet të ndodhë edhe me tre bashkitë e tjera, gjithmonë nëse mazhoranca socialiste qeverisëse vë në lëvizje Komisionin Qendror të Zgjedhjeve (KQZ). PPra kjo panoramë tregon se Partia Socialiste do të përballet me një sfidë të shumëfishtë, ku jo vetëm do të synojë ruajë bastionet, por edhe të menaxhojë imazhin e goditur rëndë.

Prapaskenat

Ndërkohë sa i takon ish-kryetarit të Bashkisë së Tiranës, Erion Veliaj, ai nga një fitues serial në zgjedhje, sot është simbol i krizës. Nga posterat me buzëqeshje dhe pemë të mbjella, në qeli me dyer të mbyllura dhe dosje hetimore që rëndojnë çdo ditë. Por nga ana tjetër, burime brenda PS flasin për tension të brendshëm. Disa kërkojnë ndarjen e shpejtë nga figura që po e fundos partinë, të tjerë druajnë se kjo mund të përshpejtojë përçarjen.

Madje ka prej tyre që e lidhin këtë krizë me një fazë të re të Prokurorisë së Posaçme (SPAK), ku goditjet politike nuk do të ndalen më në prag, por do të shkojnë deri në fund. Megjithatë çfarëdo që të ndodhë, një gjë është e qartë: ora politike e Erion Veliajt ka ndaluar. Ndërsa ajo e zgjedhjeve të parakohshme në katër bashki (Tiranë, Mat, Tepelenë dhe Berat) ka nisur të tik-takojë me ritmin e një tronditjeje të thellë. Sidoqoftë referuar kësaj situate, theksojmë se në Partinë Socialiste s’ka më vend për iluzione. Pasi nëse nuk lëviz shpejt, Tirana, simboli i fitores, mund të kthehet në simbolin e humbjes. Dhe ajo humbje, do të tingëllojë shumë më fort sesa fitorja e 2023-it. Sepse një zinxhir i thyer nga Veliaj, po fundos qetësinë e një partie të tërë.

Situatat e Veliajt

Ndërkaq kujtojmë se ditën e djeshme Apeli i GJKKO ka lënë në fuqi masën e sigurisë arrest me burg për kryebashkiakun e Tiranës, Erion Veliaj. Kryebashkiaku nuk ishte i pranishëm në seancë, por u përfaqësua nga avokati mbrojtës, i cili kërkoi lirinë kundrejt garancisë pasurore, pa përcaktuar një shumë duke ia lënë në vlerësim gjykatës. Por gjyqtari Engert Pëllumbi rrëzoi kërkesën, ndërsa la në fuqi edhe masën e arrestit shtëpiak për biznesmenin Elman Abule, i cili ishte vetë në sallë.

Përmes avokatëve të tij, Veliaj ankimoi vendimmarrjen e 23 prillit, kur gjyqtari Erion Bani vendosi të pranojë informacionin periodik të SPAK, bashkë me vazhdimin e masës së sigurisë ndaj Veliajt. Veliaj ka dërguar rekurs edhe në Gjykatën e Lartë për masën e sigurisë por ende nuk është caktuar data e shqyrtimit dhe trupa gjykuese. Kryebashkiaku është në hetim për korrupsion pasiv dhe pastrim parash, ndërsa ndodhet në arrest me burg që prej 10 shkurtit. Veliaj po hetohet nga SPAK për korrupsion pasiv në 9 episode dhe pastrim parash.

Ai u arrestua me urdhër të Prokurorisë së Posaçme dhe që prej asaj kohe ka kërkuar disa herë lirimin nga paraburgimi, pa sukses. Nga ana tjetër Ajola Xoxa është paraqitur ditën e djeshme në ambientet e Prokurorisë së Posaçme, në vijim të masës detyrim paraqitje. Bashkëshortja e ish-kryebashkiakut të Tiranës, Erion Veliaj, është në hetim nga SPAK për korrupsion pasiv, pastrim të parave e fshehje të pasurisë dhe po hetohet nën masën detyrim paraqitje.

Marrëdhënia mes Erandit dhe Elinarës mund të konsiderohet si një “Përrallë në Fermë” këto 3 muaj, për shkak të afrimitetit, “ndjenjave” shoqërore mes tyre, apo të kuptuarit me sy me njëri-tjetrin. Por a ka ndjenja mes tyre?

Erandi dhe Elinara e mohuan faktin se mes tyre ka diçka më shumë se shoqëri, por secili në mënyrën e vet la të nënkuptohej që “kurrë mos thuaj kurrë”.Pjesë nga biseda:Elinara: Nuk jam këtu ju.Andrea: Është bërë Erandi për ujë në prime.

Albano: Fakti që në plevicë ishin të gjithë pozitivë, kjo është gjëja më e bukur.

Luana: Fermerët thonë që ka një kimi.Erandi: Është një shkallë shumë e lartë e shoqërisë, një dëshirë e jashtëzakonshme për të ndarë me njëri-tjetrin gjëra të bukura.Albano: Si do e titulloje.Erandi: Titull nuk e di …Luana: Hera e parë që ngel pa fjalë.Elinara: Jam pa fjalë, çfarë të them unë tani.Erandi: Ne paskemi bërë shumë gjëra.Albano dhe fermerët: Puthe, puthe, puthe …Elinara: Nuk marr vesh nga këto gjëra.

Fermerët: Puthe, puthe, puthe …Erandi: Ti ke puth Albanon, ça të puth unë. Ti je puth me Andrean. Është kënaqësi shumë e madhe ta kesh Elinarën afër, ta njohësh. Ne nuk jemi as adoleshentë.Luana: Dashuria të bën adoleshent.Erandi: Por dashuria nuk është kaq e kollajshme. Njësoj kemi dashuri për të gjithë, por varet ku prek ai moment.

Një mashkull që rritet me ferma të bukura, nuk mund t’i bëjë bisht të bukurës, me një femër kaq elegante, kaq të bukur. Me një femër model, për staturën që ka, për eksperiencën. Nuk besoj të kishte mashkull këtu. “Never say never” i thonë, por gjithçka ka një logjikë. Për këto gjëra flasim sa të duash, më vjen mirë që kam gjetur një mikeshë kaq të mrië.Luana: Elinara është shprehur se nuk mund të ndodhë, se Erandi ka një gjë jashtë.

A është ko arsyeja?Erandi: Po patjetër, ka diçka. Në respekt të të gjithë të shkuarës time. Unë kam dy vajza, kam dhe një ish-grua të cilën e kam po aq mikeshë, dhe në respekt të gjithçkaje ne jemi përballë kamerave. Edhe Elinara ka dy vajza të mrekullueshme, këtu dëshira është të kalojmë bukur.Luana: Në lidhje me pengesën?Elinara: Unë mendoj se ka diçka të tillë, por nuk flas me siguri. Unë do të thoja Luana që ne që jemi djegur në të shkuarën për të vendosur.

Sidomos në rastin tim që ka vite që jam vetëm. Nëse do të ndodhë le të ndodhë në të ardhmen, nuk di çfarë të them.Albano: T’ia vëmë titullin, “Vallja e yjeve”.Kastro: Ka dhe një poemë tjetër që është “Shpërthim pranveror”.Zhaku: Ka dhe një poemë tjetër që thotë “Qiqra në hell”./VizionPlus

I ftuar në “Live From Tirana” me Ronaldo Sharkën, ka qenë Juliana Nura. Ditët e fundit ka bërë bujë në media lajmi se Juli i ka gjetur biletat e ndeshjes Shqipëri-Serbi nëpërmjet Armand Dukës, ndërkohë që ky i fundit ka thënë se nuk e njeh. Si qëndron e vërteta? Zbuloni më shumë në këtë link.

Pjesë nga intervista:

Kush ishte ylli i mbrëmjes në stadium nga vajzat e njohur të showbizit që ishin aty?

Unë i njoh të gjitha dhe janë të gjitha shumë goca të mira. Por unë e kam thënë dhe më herët në intervista, jo vetëm pse e kam shoqe, por mua më pëlqen shumë Marina Vjollca, është shumë e bukur. Kishte plot vajza të bukura, jo vetëm të showbizit, por dhe vajza të thjeshta, që kam bërë foto me to, kam bërë muhabet dhe ishin shumë të mira. Ne jemi të bekuar me bukurinë tonë, më e mira në gjithë Evropën. Shqiptaret janë më të bukurat, unë kështu mendoj.

Çfarë bëhet me Gjestin në Prishtinë, a takohet ai me Eglin?

Unë me Gjestin kam muhabet, është një djalë shumë i mirë dhe jam shumë e lumtur që fitoi “Big Brother VIP Albania 4” sepse e ka merituar. Kur ta takoj tani për kafe, do ta çoj një foto.

Unë nuk merrem me jetën e askujt, vetëm timen. /TAR/

Një tërmet me magnitudë 4.5 ballë ka goditur distriktin Simav të Kutahyas na Turqi.

Epiqendra e tërmetit është regjistruar në një thellësi prej 8 kilometrash.

Sipas Agjencisë së Menaxhimit të Fatkeqësive dhe Emergjencave nuk raportohet për të lënduar.

Sipas anëtarit të Komitetit Këshillimor të Tërmeteve t Dhomës së Gjeologëve, profesori Suleyman Pambal, tërmeti lidhet me një çarje aktive që ka shkaktuar tërmete më të mëdha në të kaluarën.

Sot, më 10 qershor 2025, dollari amerikan blihet me 85.4 lekë dhe shitet me 86.6 lekë.

Euro blihet me 97.6 lekë dhe shitet 98.4 lekë.

Franga zvicerane këmbehet në blerje me 103.6 lekë, ndërsa në shitje me 104.6 lekë.

Paundi britanik blihet me 115.4 lekë dhe shitet me 116.2 lekë.

Dollari kanadez sot në blerje këmbehet me 62.2 lekë, ndërsa në shitje me 63.5 lekë.

Më poshtë, po sjellim të dhënat e këmbimin valutor, për të gjitha monedhat e huaja:

Policia në Letoni ka vendosur që të kufizojë aksesin të një nga sheshet kryesore në qytetin e Rigas, ku këtë të martë luhet ndeshja mes Letonisë vendase dhe Shqipërisë. Kjo për shkak se pritet një numër relativisht i madh tifozësh shqiptarë në qytet për ndeshjen në fjalë.

Paraprakisht, bëhet e ditur se do të jenë të paktën 500 tifozë të pranishëm që kanë udhëtuar për ndeshjen, por ky numër mund të rritet ndjeshëm. Ndaj për të shmangur probleme që mund të lindin “Sheshi i Lirisë” do të jetë me akses të kufizuar gjatë orëve të kësaj dite.

Në fakt, në mediat vendase kjo interpretohet më shumë si një provë gjenerale, jo se priten trazira nga tifozët shqiptarë, pasi në këtë qytet do të luhen më vonë dy ndeshje që ata i cilësojnë me rrezikshmëri më të lartë sa u përket tifozëve, ato me Serbinë në shtator dhe Anglinë në tetor.

Drejtuesit e policisë në Riga treguan se nuk do të ketë aktivitete tifozësh në këtë shesh e sidomos pranë ”Monumentit të Lirisë”. Policia bëri të ditur se në rast nevojë, do të mbyllej plotësisht sheshi, për të shmangur ndonjë vandalizëm. Forcat e rendit ishin përballur me kritika pasi tifozët e Ajaksit kishin shkatërruar pjesë të sheshit me aktet e tyre pak kohë më parë.

Mesditën e 18 nëntorit të vitit të kaluar, pak metra larg shkollës “Fan Noli” në Tiranë, një konfortim fizik mes disa të rinjve përfundoi në një tragjedi.

Vogëlushi 14-vjeçar, Martin Cani, u godit me thikë në zemër nga bashkëmoshtari i tij Mario Përlleshaj, ndërkohë që mbylli sytë përgjithmonë në spital pasi fatkeqësisht nuk mundi t’i mbijetonte plagës së marrë.

Në një kohë kur kalvari i vuajtjteve është duke vijuar për familjarët e Martinit në sallat e gjyqit, ku dhe po kërkojnë me zë të lartë drejtësi për birin e tyre, gazetari Eraldo Harilcaj ka publikuar për herë të parë pamjet nga dita e errët e cila i mori jetën Martinit, djaloshit me ëndrra të mëdha për t’u bërë një futbollist me zë dhe për të përfaqësuar Kombëtaren shqiptare.

Përmes kësaj video, gazetari na ka kthyer disa muaj pas, pikërisht më 18 nëntor të vitit 2024, në orën 14:13 minuta.

Në këtë video të publikuar shihen dy të rinjtë, Martin Cani dhe Mario Përlleshaj teksa ecin të dy krah njëri-tjetrit, ndërkohë që mbrapa po i ndjekin shokët, mes tyre edhe Luis Meçaj, miku i 14-vjeçarit i cili po ashtu mbeti i plagosur në këtë ngjarje.

Të rinjtë u futën në një rrugë e cila nuk është e monitoruar nga kamerat, ndërkohë që pas disa minuta ata shihen duke vrapuar.

Fillimisht janë shokët e tyre të cilët vrapojnë, ndërkohë që pas tyre është dhe Martini i cili mban me duar plagën në zemër. Siç evidentohet dhe në pamje, pas Martinit është duke vrapuar edhe Mario Përllashaj, teksa në duar mban thikën.

*KUJDES! PAMJE TË RËNDA

VIDEO

Departamenti i Komunikimit në FSHF bën me dije se Arlind Ajeti nuk do të jetë i gatshëm për ndeshjen e sotme ndaj Letonisë, e vlefshme për kualifikueset e Kupës së Botës 2026.

Qendërmbrojtësi ka shfaqur një shqetësim muskulor në kofshën e majtë dhe gjatë ditës së djeshme është stërvitur veçmas grupit. Ai është mbajtur nën vëzhgim të vazhdueshëm nga stafi mjekësor, por nuk ka mundur të rikuperohet në kohë për të qenë i gatshëm për këtë përballje.

Ndeshja Letoni – Shqipëri zhvillohet sot në mbrëmje, në stadiumin “Skonto Stadions”, duke filluar nga ora 20:45.

Një 13-vjeçare nga Kosova, dyshohet se është mes viktimave të sulmit vdekjeprurrës në një shkollë fillore në qytetin Graz të Austrisë, raportojnë mediat në Kosovë

Presidentja Vjosa Osmani ka thënë se ky sulm është i tmerrshëm dhe se shkollat nuk duhet të jenë vende dhune dhe terrori.

“Ne mendojmë për familjet që humbën të dashurit e tyre dhe qëndrojmë me popullin e Austrisë gjatë kësaj kohe të dhimbshme. Lutemi për shërim të plotë të të plagosurve dhe për shërim në ditët në vijim”, ka shkruar Osmani në platformën “X”.

Të paktën 10 persona humbën jetën kur një person qëlloi me armë zjarri në një shkollë në Graz, konfirmoi policia austriake.

Mediat austriake kanë raportuar se 30 persona kanë mbetur të plagosur në të shtënat. I dyshuari për sulmin ishte ish-nxënës i shkollës, i cili raportohet se vrau veten pas sulmit.