Category: Lajme

Ambër ishte këtë të enjte e ftuar në studion e “Shqipëria Live” në Top Channel ku foli për daljen e saj nga Big Brother Vip.

Ajo e përlotur tha se bëri gabim që doli pasi kishte shumë për të dhënë në atë shtëpi, ndërsa shtoi se “njerëzit që kanë kaluar një jetë të vështirë, kanë shumë për të treguar”.

“Në momentin që thash se kisha shumë për të dhënë në atë shtëpi… nëse do kthehesha pas do të bëhesha pak më racionale për sa i përket mendimeve që kisha, duhej t’i peshoja pak më shumë. Do i kërkoj falje publikut për daljen time. Kisha shumë për të dhënë në atë shtëpi dhe absolutisht ia lëmë gabimit im, e quajmë gabim sepse njeriu kur ka se çfarë jep në atë shtëpi, dhe unë kisha për të dhënë shumë”, tha ajo.
Ndërkohë e pyetur nëse është e dashuruar, ajo tha se po, por lidhja e saj është ende në hapat e parë dhe nuk dëshiron që të nxitohet në deklarata.

“Është një gjë e freskët, por nuk jam vetëm”, tha ajo.

Një mesazh e kishte edhe për banorët e tjerë me të cilët ndau shtëpinë për gjatë këtyre ditëve.

“Big Brother është një gjë shumë e madhe dhe duhet të kesh atë forcën Brenda vetes dhe të dalësh dhe të jesh ajo që duhet të jesh”, tha Amber.

Gazetarja e njohur Iva Tiço ka qenë e ftuar në emisionin Opinion, ku u diskutua tema: “Pse po vështirësohen martesat në Shqipëri?”. Gjatë debatit, Tiço tha se një nga arsyet pse gratë sot e shohin martesën si diçka të largët është dëshira e tyre për të qenë të pavarura dhe të suksesshme në karrierë

“Çdo grua ndihet mirë kur hyn në një lidhje martese me atë që dikur ta jepte familja, pra, të ardhura, shtëpi…

Unë mund të kem rreth 10 shoqe beqare, shumë të zonja me shtëpi të tyre, me rroga të tyre, dhe asnjë burrë shqiptar nuk do të donte të kishte një grua të tillë,” – u shpreh gazetarja.

E pyetur se përse ndodh kjo, ajo u përgjigj: “Ata do të donin një grua që të ishte në nivel më të ulët se ata… Pra, për këto gra shumë të emancipuara, ka shumë pak burra të emancipuar.”

Agjentët e Byrosë Kombëtare të Hetimit (BKH) kanë zhvilluar një kontroll në një apartament që dyshohet se përdorej nga Ajola Xoxa, bashkëshortja e kryetarit të Bashkisë së Tiranës, Erion Veliaj.

Apartamenti ndodhet në të njëjtën ndërtesë ku është qendra “Harabel”. Dsyhohet se kontrolli është kryer pas zbulimit të komunikimeve që lidhen me këtë pronë, të identifikuara në pajisjet celulare të Veliajt, Xoxës dhe individëve të tjerë.

Avokatja Adriana Kalaja deklaroi se hetimet kanë zbuluar komunikime të dyshuara për korrupsion, ndërsa apartamenti në fjalë quhej në biseda si “apartamenti i keshit”.

Aty dyshohet se janë mbajtur shuma të mëdha parash në mënyrë të paligjshme. Dokumente dhe materiale të rëndësishme për hetimin janë sekuestruar gjatë kontrollit, përfshirë prova që mund të lidhin Veliajn me akuzat për korrupsion dhe pastrim parash.

Sipas Kalasë, vendndodhjen e apartamentit e dinin vetëm Veliaj dhe Xoxa, duke ngritur pyetje për një mundësi tradhtie nga rrethi i tyre i afërt.

Kalaja theksoi gjithashtu dyshime për dekonspirim të operacionit, pasi Ajola Xoxa ishte larguar nga apartamenti pak përpara mbërritjes së agjentëve. Gjatë kontrollit, përveç dokumenteve dhe provave, u gjetën edhe sasi të mëdha parash, piktura të vlefshme dhe një kasafortë, e cila, megjithëse u hap me vështirësi, rezultoi bosh.

Kalaja e përshkroi situatën si një moment krize për të përfshirët, duke sugjeruar se ata po përpiqen të minimizojnë dëmet dhe të shpëtojnë veten. Hetimet e SPAK vazhdojnë, ndërsa akuzat kryesore përfshijnë korrupsionin dhe pastrimin e parave.

‘Informacionet jozyrtare që kam unë, thonë se hetuesit e BKH-së kanë konstatuar se ka pasur shumë komunikime me natyrë korruptive ndërmjet Erion Veliajt, Ajola Xoxës dhe të tretëve.

Këto komunikime janë evidentuar në aparatet celulare të sekuestruara gjatë kontrollit më 6 dhjetor. Gjatë hetimit, janë zbuluar disa fakte, përfshirë një apartament që në komunikimet e çiftit Veliaj quhet ‘apartamenti i keshit’.

Ky apartament ndodhet mbi selinë e ‘Harabel’ dhe është përdorur për sasinë ‘kesh’ të parave, gjë që na çon në përfundimin se bëhet fjalë për para të korruptuara dhe të pista.

Për këtë arsye, dy nga veprat që po heton SPAK janë të lidhura me korrupsionin dhe një tjetër akuzë është pastrimi i parave.

Sipas këtyre informacioneve, më është thënë që në moment që hetuesit e BKH-së, kanë shkuar në këtë aparatament shumë përpara tyre është larguar Ajola Xoxa, madje më kanë thënë që edhe janë shkëmbyer dhe këtu më lind dyshimi se mund të ketë patur edhe dekonspirim të operacionit.

Po sipas informacioneve që kam, aty janë gjetur sasi parash në miliona euro dhe dokumente me vlerë për hetimin, disa prej të cilave janë të lidhura me dosjen kundër Veliajt.

Nëse Xoxa do të kishte pasur informacion për kontrollet, apartamenti do të ishte boshatisur plotësisht. Aty janë gjetur piktura të çmuara me vlerë me miliona € dhe një kasafortë, që është hapur me vështirësi dhe është konstatuar se ishte bosh.

Të gjithë këtë situatë e shoh si momentin e fundit, ‘të shpëtojmë sa më shumë të mundemi dhe secili të shpëtojë veten’, tha Kalaja.

Sigurimi i detyrueshëm i makinës do të bëhet më i kushtueshëm gjatë 2025-ës. Me hyrjen në fuqi të rregullores së re kompanitë e sigurimeve e kanë të përcaktuar të vendosin për çmimin e primit mbi ato që quhen faktorë risku.

Duke marrë shembullin e një makinë të zakonshme me fuqi cilindrike deri në 2000 cm3, që janë motorët 2-mijësh, siç quhen në gjuhën e përditshme, në rajonin e Tiranës me moshën e shoferit mbi 21 vjeç dhe eksperiencë mbi dy vite në drejtimin e mjeti si dhe me vjetërsi mjeti mbi 15 vite, atëherë primi do të rezultojë 20 705 lek apo thënë ndryshe gati 10% më shtrenjtë se një vit më parë.

Vlera e primit mund të jetë deri në 30% më e shtrenjtë nëse siguracioni do të blihet për një shofer të moshës 18 – 21 vjeç. Për të njëjtën model makine primi shkon automatikisht në 23 811 lek.

Çmimi i siguracionit rritet në mënyrë të qenësishme nëse makina do të përdoret nga bizneset. Me rregullat e reja ka një koeficent 20% rritje për bizneset pasi llogaritet që rreziku është më i lartë në rastet kur ka disa përdorues.

Me sistemin e ri kompanitë e sigurimit ofrojnë edhe zbritje çmimi. Shoferët e qarkut Dibrës, Kukës dhe Berat përfitojnë një ulje minimale prej 500 lek sipas rregullave të reja.

Ndërkohë ende nuk është aktivizuar sistemi Bonus Malus i përcaktuar sipas ligjit të ri për siguracionin e detyrueshëm, ku shoferët që janë të kujdesshëm dhe me historik të mirë përfitojnë ulje në pagesën e primit. Sipas rregullores ky sistem shpërblyes do të fillojë nga 2026-ta bazuar mbi historikun e 2025-ës. Për shoferët që kanë historik të gjatë aksidentesh primi do të jetë më i shtrenjtë.

Drejtoria e Transportit Rrugor bën me dije se janë 914 mijë mjete motorike të regjistruara në Shqipëri. 80.7% janë autovetura ndërsa 541 mijë prej tyre apo pothuajse 73% e tyre janë me vjetërsi mbi 15 vite. Tarifat e reja ende duhet të miratohen nga Autoriteti i Mbikqyrjes Financiare, që mund t’i kërkojë kompanive të rishikojnë çmimet nëse konstaton se arsyetimi për rritjen nuk qëndron.

Top Channel

Spektakli televiziv “Big Brother VIP Albania 4” po vazhdon të sjellë momente të tensionuara, dhe këtë herë në qendër të debatit janë Xumi dhe Gjesti

Dy banorët, të cilët nisën lojën si miq të afërt, duket se tashmë kanë hyrë në një konflikt të ashpër, i nxitur nga afrimiteti i Gjestit me një tjetër banore, Egli.

Gjatë një debati të fundit brenda shtëpisë, Xumi nuk i kurseu fjalët ironike ndaj Gjestit, duke bërë referenca për marrëdhënien e këtij të fundit me Eglin. “Ta mori Edi femrën te formati tjetër,” tha Xumi, një koment që duket se ka ndezur edhe më shumë tensionet mes tyre.

Gjesti, nga ana tjetër, u përgjigj menjëherë, duke mos e lënë ironinë pa kundërpërgjigje: “Siç ta mora unë ty.”

Ky shkëmbim i fortë ka krijuar një atmosferë të ngarkuar brenda shtëpisë, duke ndikuar jo vetëm te dy protagonistët, por edhe te dinamika e grupit.

Miqësia e dikurshme mes Xumit dhe Gjestit duket se ka përfunduar në një rivalitet të hapur, ndërsa publiku po pret me kureshtje se si do të zhvillohet ky raport në ditët në vijim.

“BBVA4” vazhdon të mbajë shikuesit të gozhduar para ekranit, me momente dramatike dhe tensione që e bëjnë lojën edhe më të paparashikueshme.

https://video.gjirafa.com/embed/gjes?autoplay=true&am=true&referrer=https%3A%2F%2Fshqiperia-ime.com%2Fvideota-kane-marre-femren-sy-per-sy-xumi-e-sulmoi-gjesti-i-shokoi-te-gjithe-me-pergjigjen-qe-i-dha-banorit-edhe-une-ta%2F

Një lajm i papritur vjen nga Spanja, por që ka lidhje me futbollin turk. Klubi i Beshiktashit, është gati të bëjë një lëvizje të rëndësishme në janar, duke afruar Roberto Mançinin në rolin e trajnerit të kësaj skuadre.

E përditshmja spanjolle “AS”, ka zbuluar se presidenti i ri i klubti turk, Serdal Adali, dëshiron me çdo kusht Mançinin në pankinën e klubit të qytetit të Stambollit.

Në këtë qytet Mançini ka drejtuar më parë Gallatasarajin, duke fituar Kupën në vitin 2014 e duke e çuar këtë skuadër deri në çerekfinalet e Ligës së Kampioneve.

Vetë Mançini nuk e ka përgënjeshtruar si mundësi. “Beshiktashi është një klub i mirë. Jam i dashuruar me Turqinë dhe e dua shumë popullin turk. Bisedime me Adali? Nuk e di”, tha ai duke qeshur.

Në radhët e skuadrës së Beshiktash është Ernest Muçi, i cili për momentin duket se do të vazhdojë të jetë pjesë e tij, pavarësisht zërave që e shihnin të largohej në merkaton e janarit./PANORAMASPORT.AL

Sot në shtëpinë e “Big Brother VIP 4” situata ka qenë mjaft e tensionuar mes banorëve. Debatet kanë qenë të shumta, me tone të larta, ku nuk kanë munguar as ofendimet.

Madje sot duket se as Egli dhe Gjesti nuk kanë patur një ditë të qetë me njëri-tjetrin.

Teksa Gerta, Egli dhe Livia ishin të ulur së bashku me Gjestin në tavolinën e ngrënies, u ngrit pyetja nëse ‘këngëtari ka pëlqim për ndonjë vajzë në shtëpinë e Big Brother VIP?’.

Pas kësaj Xumi i kujton Gjestit se si në BBV Kosova, një banorë i mori atij vajzën që pëlqente.

“Ka ardhë tjetri e ia mori sy për sy”, tha Xumi dhe përgjigja e Gjestit ishte: “Erdha unë e ta mora ty”, duke iu referuar Eglit.

“Ta ka dridh Edi themelin, t’a ka marrë femrën. Unë e pëlqej po ma mori Edi”, imitonte Xumi Gjestin.

Nga ana tjetër Gjesti imitonte Xumin kur flet për Eglin: “Nëse ai e ka marrë, unë ty pra”.

Gjesti pas këtij debati me Xumin i kërkoi falje Eglit dhe ajo i tha: “Ok”.

Edhe pse Egli i tha Gjestit që nuk ka problem, ajo shkoi në tualet, ku shpërtheu në lot. Aty ishte banori që vazhdonte të kërkonte falje.

SHIKO VIDEON KËTU

Një përleshje e dhunshme është regjistruar mbrëmjen e kësaj të enjte në ambientet e një lokali në Vlorë.

Nga informacionet paraprake mësohet se dy persona kanë mbetur të plagosur.

Më konkretisht, burime bëjnë me dije se një vajzë është çarë me gotë në fytyre dhe një djalë ka marrë plagë në kokë, ku ka disa të çara.

Ky është i riu Vasil Kamberi, që u qëllua me armë zjarri nga i afërmi i tij në pyllin e fshatit Tërnovë e Vogël në Bulqizë rreth orës 12.00 të mesditës së sotme.

36-vjeçari ka humbur jetën gjatë transportimit me helikopter për në spital si pasojë e plagëve të marra.

Autori i dyshuar i ngjarjes është identifikuar si 34-vjeçari me iniciale F. K., i afërm me viktimën, i cili është shoqëruar në Komisariatin e Policisë për veprime të mëtejshme.

Nuk dihen ende rrethanat e vrasjes së Vasil Kamberit, nëse ka qenë aksidentale apo e qëllimtë.

Me datë 16.01.2025, rreth orës 12.00, është marrë njofim se në pyllin e fshatit Tërnovë e Vogël në Bulqizë, është plagosur me armë gjahu (çifte), shtetasi 36 vjeç, i cili si pasojë e plagëve të marra, ka humbur jetën gjatë transportimit me helikopter për në spital.

Nga veprimet e para hetimore, ka rezultuar se autori i dyshuar i ngjarjes është shtetasi F.K., 34 vjeç (i afërm me shtetasin V.K.), i cili është shoqëruar në Komisariatin e Policisë për veprime të mëtejshme.

Grupi hetimor nën drejtimin e Prokurorisë vijon veprimet në vendngjarje për sqarimin dhe dokumentimin e plotë ligjor të kësaj ngjarjeje.

Një ngjarje e rëndë u shënua ditën e sotme ku mbeti i vrarë 36-vjeçari Vasil Kamberi. Policia njoftoi se Kamberi u vra me çifte nga kushëriri i tij 34-vjeçari, Flamur Kamberi.

Mësohet se të dy kushërinjtë kishin dalë në mal për gjueti, por përfundoi në një tragjedi. Burime pranë ngjarjes tregojnë se vrasja ka qenë aksidentale pasi të dy ndodheshin në pozicione të ndryshe dhe autori, Falmur Kamberi mund ta ketë ngatërruar me një kafshë të egër.

Vasil dhe Flamur Kamberi dilnin shpesh për gjuheti në pyllin e fshatit Tërnovë e Vogël në Bulqizë. Sa kush është e vërteta e ngjarjes tragjike zbardhet në orët në vijim pas dëshmisë së autorit të vrasjes i cili u arrestua pak minuta pasi u shënua ngjarja tragjike.