Category: Lajme

Një avion i kompanisë Delta Air Lines me mbi 200 persona në bord u detyrua të evakuohej urgjentisht në pistën e aeroportit ndërkombëtar Hartsfield-Jackson në Atlanta, pasi një problem me motorin ndërpreu nisjen e fluturimit. Incidenti ndodhi të premten në mëngjes, në mes të kushteve të motit të rënduar nga dëbora, duke lënë katër persona të lënduar, sipas burimeve zyrtare.

Avioni, një Boeing 757 që po përgatitej të nisej për në Minneapolis-St. Paul, ndërpreu ngritjen në orën 09:10 për shkak të një defekti të papritur në motor. Disa pasagjerë raportuan se motori kishte marrë flakë gjatë përpjekjes për ngritje. “Diçka nuk shkoi mirë dhe motori mori flakë. U desh të evakuoheshim menjëherë,” tha një pasagjer për CNN.

Delta Air Lines deklaroi se ekuipazhi ndoqi të gjitha protokollet e sigurisë dhe ndërpreu nisjen e fluturimit kur u sinjalizua një problem në motor. Të dhënat tregojnë se avioni kishte arritur një shpejtësi prej rreth 100 milje në orë përpara se të ndalej në mes të pistës.

Katër pasagjerë pësuan lëndime të lehta; një prej tyre u transportua në spital për trajtim, ndërsa tre të tjerët u ndihmuan në vendngjarje. Një pasagjere, Allison Wade, regjistroi momentet e evakuimit dhe raportoi tym që dilte nga avioni. “Kjo është e çmendur. Ne po qëndrojmë këtu në dëborë, në pistë,” tha ajo në video.

Dashi

Dashuria: Një Hënë miqësore sot do t’ju ftojë të keni besim në intuitat tuaja, gjërat që bëni me zemrën tuaj. Pasioni në krye për një person që e doni. Të gjitha marrëdhëniet emocionale përmirësohen për zemrat e vetmuara që do të ndjehen më pak të vetmuar.

Puna: Në vendimet tuaja profesionale mos lejoni që ju të ndikoheni nga pritjet e të tjerëve, mbështetuni në tuajat.

Demi

Dashuria: Shqetësimi për një të dashur ju ka mbajtur të tensionuar, por tani jeni të lirë nga të gjitha kufizimet dhe mund të vendosni pa vonesë. Megjithatë, jepni shpjegime personit që ka qenë afër jush deri më tani. Dita sfiduese për shumë beqarë, shumë lajme në horizont.

Puna: Ju jeni arkitektët e fatit tuaj, kështu që duhet të lëvizni me kujdes për të ndryshuar jetën tuaj të punës.

Binjakët

Dashuria: Mërkuri dhe Venusi janë në pamje të mirë dhe me sezonin e verës thuajse bëhen edhe më të forta dhe më të sigurta. Entuziazmi juaj do t’ju lejojë të përshtateni me partnerin/en tuaj. Dita me pesë yje për beqarët, dashuria, puna dhe fati do të jetë në krye!

Puna: Përfitoni nga kjo ditë që të filloni të punoni në një projekt që shpejt mund të realizohet.

Gaforrja

Dashuria: Sot ju mund të përballeni me sqarime me të dashurin/ën tuaj me guxim. Momente tensioni në çift, por ato do të kalojnë retë. Ditë interesante dhe pozitive për beqarët, do të keni përparësi nëse veproni para se të jetë tepër vonë.

Puna: Mundësi të reja në sy për të rritur pritjet në punë, mos humbisni për të treguar sa jeni të vlefshëm.

Luani

Dashuria: Në përgjithësi nuk ju pëlqen t’i ndani të gjitha marrëdhëniet përgjithmonë, por tani është koha për ta kthyer faqen. Ju keni nevojë për më shumë paqe mendore për të parë të ardhmen. Në këtë ditë, zemrat e vetmuara do të jenë në gjendje të mbulojnë një marrëdhënie vetëm nëse plotësohen kushtet.

Puna: Diskutimet dhe polemikat kanë vënë një tendosje në marrëdhëniet tuaja të punës, të jeni diplomatik dhe gjithçka do të funksionojë.

Virgjëresha

Dashuria: Dinamik dhe aktiv, sot ju do të tregoni euforinë tuaj në të gjitha fushat. Ju e dini se si ta magjepsni partnerin/en tuaj dhe të kënaqni çdo nevojë! Periudha me fat në dashuri për beqarët, shpirti binjak është aq shumë afër në njohjet tuaja.

Puna: Ju mund të arrini qëllime të mëtejshme, por do të keni për të zgjidhur një çështje që ju pengon të vendosni.

Peshorja

Dashuria: Hëna sot do t’ju ndihmojë të mbani marrëdhënie të mira dhe distancën e duhur me disa njerëz. Mbrëmja në intimitet me partnerin/en, mundësia edhe për të planifikuar të ardhmen e një çifti. Beqarët do të kenë kredencialet për të kryer një histori dashurie të lindur kohët e fundit.

Puna: Me favor të yjeve, nuk do të jetë e vështirë për të zënë pozita udhëheqëse, gjithashtu sepse ju mund të jepni më të mirën tuaj.

Akrepi

Dashuria: Planetet do të jenë gati për të mbrojtur sektorin sentimental të Akrepit. Sot do të ketë shumë momente të buta dhe romantike. Beqarët do të duan të ndryshojnë disa aspekte të jetës së tyre, të jenë më të qetë. Po vijnë njohjet e reja.

Puna: Disa dyshime në një nivel profesional ju vuajnë, por është akoma herët për të marrë vendime të mëtejshme.

Shigjetari

Dashuria: Kjo nuk është koha e duhur për të ekspozuar veten shumë, madje edhe në dashuri mund të keni distancuar veten nga dikush që ju ka zhgënjyer. Për çiftet e qëndrueshme, marrëveshja është shumë e mirë. Për beqarët që duan të bien në dashuri, ka takime interesante, që nuk duhen humbur!

Puna: Në sferën profesionale mund të ketë disa tensione, më mirë të jemi të kujdesshëm me fjalë dhe të shmangim keqkuptimet.

Bricjapi

Dashuria: Ditë e madhe për shenjën e Bricjapit! Yjet e favorshme ju bëjnë optimistë dhe mund të ketë impulse të mëdha te çiftet. Është gjithashtu një moment interesant për të vetmit që duhet të marrin vendime në lidhje me çështjet private dhe familjare.

Puna: Është koha për projekte ambicioze, në këtë fazë jeni në gjendje të dilni me plane vërtet të jashtëzakonshme!

Ujori

Dashuria: Shmangni polemikat dhe kritikat, partneri/ja nuk mund të durojë komentet tuaja. Jini edhe më pak të ngurtë me veten dhe bëni një pushim për të reflektuar. Hëna nuk është më në opozitë dhe beqarët mund të afrohen me një person.

Puna: Jeni përmirësuar vazhdimisht në sferën e punës, rezultatet edhe më të habitshme janë në rrugë të mbarë.

Peshqit

Dashuria: Nëse keni mbyllur raporte ose keni marrë vendime vendimtare, tani mund të rishikoni hapat. Është një kohë interesante për të zgjidhur problemet e pazgjidhura, veçanërisht të një natyre sentimentale. Beqarët mund të duhet të merren me një ish-që shfaqet përsëri.

Aksident në rrugën drejt kishës së Shna Ndout në Laç. Mjeti del nga rruga dhe përpleset me një banesë, plagosen shoferi dhe një shtetase angleze.

‘Në rrugën e “Kishës Laçit”, shtetasi Eduart Çeta, duke drejtuar automjetin tip “Porsche”, ka humbur kontrollin mbi drejtimin e automjetit dhe automjeti ka dalë nga rruga. Për pasojë janë dëmtuar drejtuesi i automjetit dhe pasagjerja shtetasja angleze Danielle Siellege, aktualisht ndodhen jashtë rrezikut për jetën.

Grupi hetimor po punon për sqarimin e rrethanave dhe shkakut të aksidentit’, njofton policia.

Kompania “Gener 2” ka publikuar listën finale të çmimeve për kalimin në autostradën Thumanë-Kashar. Nga 4 janari nisi aplikimi i tarifës dhe ndryshe nga sa u deklarua në fillim, tarifta janë vërtet të kripura për një aks 21 km të gjatë.

Për më tepër që nuk është fare në cilësinë e një autostrade, ku fillimisht u deklarua se do të lëvizej me 130 km/h. Në shumë pjesë ka dëmtime, sidomos te korsia e parë ku dhe lëvizin makinat e tonazhit të rëndë.

AdvertisementsTarifat e segmentit Kashar-Thumanë

Sipas çmimeve të publikuara nga “Gener 2” e Bashkim Ulajt, motoçikletat me cilindratë mbi 250 centimetër kub do të paguajnë 170 lekë, ndërsa automjetet 250 lekë ose 2.5 euro. Për kamionët, autobusët dhe mjetet me 2 apo tre kate e lartësi mbi 2.2 metër është aplikuar tarifa 620 lekë. Ndërkohë mjetet me 4 ose më shumë akse do të paguajnë 870 lekë ose me kursin e këmbimit, 8.8 euro.Tarifat e segmentit Kashar-Rinas

Kompania koncesionare ka publikuar gjithashtu edhe tarifat për segmente të veçanta të kësaj autostrade, si Rinas-Thumanë, Kashar-Thumanë dhe Kashar-Rinas.Tarifat e segmentit Rinas-Thumanë

Kështu, për aksin Kashar-Rinas, çmimi nis nga 50 lekë për triciklat, ose 0,6 euro, deri në 270 lekë (0,6 euro) për kamionët ose automjetet e tjerë me katër ose më shumë akse.

Për aksin Kashar-Thumanë, tarifat nisin nga 170 lekë për triciklat, ose 1,8 euro, deri në 870 lekë (8,8 euro), për kamionët ose automjetet e tjerë me katër ose më shumë akse.

Në çdo vend të botës ka kalime me pagesa. Por te Thumanë-Kashar ka dy probleme. E para 21 km rrugë fare mirë mund t’i ndërtonte shteti vetë dhe tarifat shkonin në buxhet. Askush nuk do të ishte kundër. E dyta, rruga nuk ka cilësi. Në shumë pjesë asfalti ka rënë dhe të paguash 2.5 euro është zhvatje. /Pamfleti

Ndërsa po bisedonin, Egli i kërkoi Gjestit t’i tregonte shenjën e tij të horoskopit.

Ai iu përgjigj se është Dem, ndërsa ajo u befasua dhe i tha se ajo është Virgjëreshë, duke theksuar se Demi dhe Virgjëresha janë një kombinim shumë i mirë.

“Nëse Demi shkon me një shenjë është Virgjëresha dhe nëse Virgjëresha shkon me një shenjë është Demi”, tha Egli.

Gjesti më pas tha se ka përshtypjen se do të martohet brenda shtëpisë së Big Brother VIP Albania.

“E kam një fare ndjenje se kam me u martu dikë në Big”, tha Gjesti.

Egli u shpreh se e beson këtë, duke shtuar se e di se kush është personi që Gjesti mendon të martohet.

“Edhe unë e kam një farë ndjenje se ti ke me u martu me dikë këtu dhe e di se kush është, ta lexoj në sy gjatë lëvizjeve” tha Egli.

Kur Gjesti kërkoi që Egli të thoshte shkronjën e parë të emrit të personit që mendon, ajo tha “L”.

Gjesti, megjithatë, e hodhi poshtë këtë, duke thënë se nuk është e vërtetë.

“Kurrë në jetë”, tha Gjesti.

“Nuk më gënjen intuita”, tha Egli.

“Pastaj mua më kanë thënë se ti je i martum diku”, tha Egli.

“Jo, vetëm për hajgare?”, tha Gjesti.

“Ti e ke pas një histori tek produksioni ku ke qenë”, tha Egli.

“Si të pashë ty komplet ndjenjat m’u hoqën”, tha Gjesti.

“Ti e ke me mua?”, tha Egli.

“Jo s’e kam, këtë shkronjën L hiqe prej mendje”, tha Gjesti.

VIDEO

Artisti nga Kosova, Gjesti është bërë pjesë e shtëpisë së “Big Brother Albania”, duke shkaktuar trazira jo vetëm në shtëpi, por edhe në publik. Pas 85 ditësh qëndrimi në “BBVK”, Gjesti u largua dhe vetëm të nesërmen u bë pjesë e edicionit në Shqipëri.

Megjithatë, pak dihet për jetën e tij para se të bëhej pjesë e lojës.

Në një koment të një fansi, u zbuluan detaje emocionuese nga jeta private e Gjestit.

Sipas këtij komenti, Gjesti është rritur larg prindërve biologjikë dhe është adoptuar nga një çift që e kanë dashur si fëmijën e tyre.

Kjo histori ka prekur thellë zemrat e publikut, duke e bërë atë edhe më të dashur për ndjekësit e tij.

Gjesti ka treguar se është një lojtar i fortë dhe një personazh që di të mbajë publikun të mbërthyer pas ekranit. Me hyrjen e tij në “BBVA4”, ai është gati të sjellë energji dhe dinamika të reja në lojë. Fansat e tij janë të bindur se ai do të shkëlqejë edhe në këtë edicion, duke e kthyer në një nga figurat më të paharrueshme të reality show-t në Shqipëri dhe Kosovë. Vetë këngëtari ka preferuar që mos të flasë rreth kësaj teme, por të flasë për familjen e tij vetëm me dashuri dhe mall.

Familjarët e Gjestit kanë reaguar për herë të parë pasi këngëtari iu bashkua shtëpisë së “Brother VIP Albania”, 24 orë pas largimit nga “Big Brother VIP Kosova”.

Në një postim në llogarinë e Gjestit në Instagram, familjarët shkruajnë se janë pa fjalë për gjithë mbështetjen e madhe që ai po merr.

“Jemi pa fjalë nga përkrahja dhe dashuria që ju publik i dashur i keni dhënë Gjestit gjatë këtij rrugëtimi, e po vazhdoni ende ta përkrahni Gjestin dhe lojën e tij, jemi përjetësisht falënderues për mesazhet e panumërta, e për përkrahjen që nuk po e kurseni asnjëherë, e përkundrazi vetëm po shtohet çdo ditë e më shumë. Gjesti ju do shumë, vazhdoni ta ndiqni e ta përkrahni siç edhe keni bërë deri tash”, thuhet në postim.

Pesë të rinjve të cilët ndodhen në kërkim për mbylljen në banesë të vajzës 21-vjeçare në Astir, e cila alarmoi policinë, u është shtuar edhe një tjetër akuzë.

Tani ata akuzohen edhe për prodhim dhe shitje narkotikësh. Me këtë akuzë shtesë të rinjtë do të përballen me drejtësinë pasi shoqet e 21-vjeçares i thanë policisë së kanë shkuar me dëshirë në banesë, pasi shoqja e tyre i thirri për të festuar me djemtë dhe të konsumojnë kokainë.

Akuzat e tjera për të cilat ata akuzohen janë armëmbajtja pa leje për shkak të dy pistoletave të gjetura në shtëpi, heqje e paligjshme e lirisë pasi izoluan vajzën në apartament dhe falsifikim dokumentesh. Kjo e fundit për shkak se njëri prej të rinjve mbante me vete dokumente false.

Mes personave të shpallur në kërkim është dhe i dashuri i vajzës që telefonoi policinë për ndihmë. Ai është Joni Sadikaj, 26 vjeç, nga Tepelena, i cili së bashku me 4 shokët e tij nga Tirana dhe Vlora kanë kaluar mbrëmjen nën shoqërinë e 3 vajzave në 2 apartamentet që kishte marrë me qira ditore.

Rasti i pazakontë ndodhi rreth orës 13:30 të së enjtes. Menjëherë shërbimet e policisë të ndihmuar dhe nga forcat speciale RENEA shkuan në zonë, ku nisën negociatat për të hapur derën. Pretendime për dhunë dhe rrëmbim patën edhe prindërit e vajzës të cilët bashkëpunuan me policinë.

Forcat RENEA zbritën nga tarraca e pallatit dhe hynë në ballkonin e banesës në katin e tetë, pasi patën dyshime se vajza mund të ndërmerrte ndonjë akt ekstrem.

Pas marrjes në pyetje të vajzës, u zbuluan armët, dozat e kokainës dhe jeleku antiplumb në apartamentin tjetër.

Teksa Gjesti dhe Egli ndodheshin te dhoma e grimit duke rregulluar rrobat e banorit, këngëtari bëri një deklaratë të papritur.

Ai u shpreh se ‘ka një ndjenjë që do të martohet në këtë Big”. Fillimisht këtë e konfirmoi edhe Egli, duke i thënë se do të martohet me një banore me shkronjën “L”, referuar Livias pasi ata qëndrojnë shpesh bashkë.

Por Gjesti u shpreh se nuk është ajo dhe më pas Egli i tha se ka dëgjuar se ai është ‘i martuar’.
Këngëtari u shpreh se jo dhe bëri një lojë fjalësh me Eglin, e cila e mori sikur Gjesti e kishte për të pjesën e martesës ne “Big Brother VIP 4”.

Pjesë nga biseda:

Gjesti: E di si e kam një ndjenjë që do të martohem në këtë Big

Egli: Edhe unë e kam një far ndjenje se ti do të martohesh me dikë këtu

Gjesti: Edhe unë e kam një far ndjenje

Egli: Edhe e di kush është

Gjesti: Kush është shkronja e parë?

Egli: Ta lexoj në sy gjatë lëvizjeve me kë e ke

Gjesti: Më trego shkronjën e parë e unë po të them “po” ose “jo”

Egli: L

Gjesti: Kurrë në jetë

Egli: S’më gënjen intuita

Gjesti: Jo është duke të të gënjyer shumë

Egli: Mua më kanë thënë se je i ‘martuar’ diku

Gjesti: Jo, s’jam

Egli: E ke thënë vetë këtu

Gjesti: Jo, veç bëj hajgare. A të dukem si i martuar?

Egli: Ti ke pasur një histori te produksioni ku ke qenë këtë e dimë. E ke, në një moment në shtëpi ke thënë se ke frikë se ‘është mërzitur me mua’, seç ke bërë diçka. Ke ndjenja për të. Si i bie të martohesh me dikë këtu, kur ke ndjenja për dikë që ke lënë atje?

Gjesti: Po si të pashë ty, mua komplet me ndjenja më ikën

Egli: Ti e ke me mua?

Gjesti: Jo, si të pashë ty po them

Egli: Këtë situatën e ke kundrejt meje?

Gjesti: Jo. Po them që shkronjën “L” hiqe prej mendje

Egli: Kur thua që do martohem e ke për mua?

Gjesti: Jo

Egli: Për kë e ke? Më the thuaj shkronjën e parë, V, D?

Gjesti: Jo

Egli: Me ato që janë të martuara nuk do martohesh

Prej shumë vitesh, Rozana Radi e ka ruajtur jetën e saj personale në hije, duke zgjedhur një partner që preferon të mbetet larg vëmendjes mediatike. Ky qëndrim i saj në lidhje me privatësinë, siç duket, përputhet edhe me dëshirat e partnerit që ka zgjedhur, i cili shfaqet rrallë në publik. Së fundmi, në një debat në ‘Big Brother’, Rozana zbuloi se ata janë martuar, një moment që e mori të gjithë në befasi.

Duke debatuar me Gjestin, njërin nga konkurrentët, Rozana e bëri të qartë se statusi i saj civil është i pamohueshëm. Ajo e tha qartë: “Jam grua e martuar, nuk afrohesh dot fare tek unë”. Kjo deklaratë konfirmoi se ajo dhe partneri i saj kanë kurorëzuar dashurinë e tyre në një martesë të fshehtë, një fakt që shumë prej ndjekësve të saj nuk ishin në dijeni të tij.

Publiku dhe mediat menjëherë shpërthyen me spekulime mbi këtë zbulim. Një jetë private e mbajtur në hije për një artist të njohur si Rozana është gjithmonë një çështje interesante. Ajo gjithmonë e ka shmangur bisedat rreth marrëdhënies së saj, duke preferuar që ato të mbeten një mister për adhuruesit e saj. Ndoshta, ky është një nga arsyet pse shumë e duan atë – sepse jeta e saj personale është e paparashikueshme dhe intriguese.

Artistja, e cila e ka ndarë jetën profesionale nga ajo personale, theksoi se ka kaluar më shumë se 12 vjet në një lidhje dashurie. “Jo vetëm kaq”, vazhdoi ajo, “por kam përjetuar një situatë të çuditshme kur mediat e përfshinë atë në skena të paqarta, duke krijuar tension midis nesh”.

Rozana gjithashtu zbuloi se partneri i saj është i fiksuar pas ruajtjes së privatësisë dhe nuk ka dëshirë të jetë në qendër të vëmendjes. “Ai nuk merret fare me botën e televizionit dhe ka një preferencë të fortë për të qëndruar larg mediave”, tha ajo, duke shpjeguar se ky është një çelës për një lidhje të qetë dhe të qëndrueshme.

Ky qëndrim i tij ka ndihmuar në forcimin e marrëdhënies së tyre. Rozana tha se është e lumtur të dijë se partneri i saj është shumë mbështets dhe i kupton nevojat e saj për privatësi. “Në një emision, tha: ‘Jam shumë e lumtur se jam ndarë më të dashurin’, dërgoi një mesazh publik që, për fat të keq, u keqkuptua”, shpjegoi ajo. Kjo çoi në një situatë të vështirë për të dy, kur mediat filluan të spekulojnë mbi një ndarje të mundshme.

Megjithatë, Rozana është e bindur se marrëdhënia e saj është e fortë dhe e qëndrueshme. Ajo vazhdon të përqendrohet në karrierën e saj dhe në përkushtimin ndaj partnerit të saj.

“Ne jemi në një vend të mirë dhe jemi të lumtur bashkë”, përfundoi ajo. Këto zbulime thjesht theksojnë se ndonjëherë, dashuria dhe angazhimi nuk kanë nevojë për publikim dhe esa ndjenja e autenticitetit çdo herë mbetet më e rëndësishme se transparenca në jetën publike./panorama

Sali Berisha, i pandehur për korrupsion, i shoqëruar nga Flamur Noka me dosje në SPAK, u shfaq dy ditë më parë në burgun e Fierit, për të vizituar Ervin Salianjin, me të cilin u përlesh tre vite më parë për selinë e PD-së.

Sali Berisha, i pandehur për korrupsion, i shoqëruar nga Flamur Noka me dosje në SPAK, u shfaq dy ditë më parë në burgun e Fierit, për të vizituar Ervin Salianjin, me të cilin u përlesh tre vite më parë për selinë e PD-së. Berisha shprehu dëshirën për të vizituar edhe Ilir Metën në burgun 313, aleantin e tij në frontin anti-amerikan dhe anti-SPAK, por shtoi se kishte disa pengesa procedurale.

“Ilir Metën do shkoja 10 herë ta takoja unë, por këta pretendojnë se të paraburgosurit nuk mund të takohen. Këta më kanë thënë mua, se sigurisht unë jam interesuar, por më kanë informuar se ai është në paraburgim dhe nuk lejojnë takime”, tha Berisha.

Kreu i PD e konsideron Ilir Metën të burgosur politik, me shpresën se me dromcat e LSI-së rahmet pastë, që hodhi ‘në erë’ Edi Rama (një nga veprat më patriotike), mund të qepë ndonjë mandat më tepër në zgjedhjet e 11 majit 2025, për të ruajtur monopolin e opozitës deri në 2029. Në gusht të vitit 2001, në një konferencë për shtyp, Sali Berisha parashikonte se Ilir Meta do ta mbyllte jetën e tij prapa hekurave.

“Për PD, Ilir Meta është njeriu që përfaqëson klanin më të rrezikshëm të trafiqeve në Shqipëri, të trafikut të drogës, të trafikut të fëmijëve dhe të trafikut të vajzave të mitura. Në historinë e vendit, ky mbetet njeriu që me bandat e tij, ngjiti Shqipërinë në krye të listës së vendeve të planetit, të trafiqeve të skllavërisë së seksit, të fëmijëve të drogës dhe armëve. Mbi këta të dy (për Ilir Metën dhe bashkëshorten e tij) rëndojnë dy varre dhe dy krime të fshehura pas malit të Dajtit. Nuk do të jetë e largët dita kur Ilir Meta do ta mbyllë jetën e tij pas hekurave të burgjeve”, deklaronte Berisha.

Nuk dihet se kush e pengon më shumë për t’a vizituar Ilir Metën në burg, procedurat apo sikleti nga kjo profetci e përmbushur, po ky parashikim në atë kohë ishte aq i pabesueshëm sa profecia e Çim Pekës, i cili në korrik të vitit 2019 tha se Lulzim Basha është i dënuar të bëhet kryeministër!