Category: Lajme

Kryeministri Edi Rama ka bërë dallimin ndërmjet jetesës në Shqipëri dhe Britani, teksa u shpreh se në Angli është vështirë të gjesh ndjenjën e komunitetit që ekzistonte dikur.

Rama u shpreh se në Britani duhet të bësh dy punë, përndryshe është e papërballueshme për të jetuar.

Kreu i qeverisë theksoi se rrogat në krahasim me Shqipërinë kanë dallim të mash, por theksoi se “çfarë ka pas asaj page, kur vjen fjala për qiranë, taksat, fatura për të paguar, është e papërballueshme në Britani, apo kudo tjetër në Evropë”.

Rama u shpreh se “duhet vendosur në peshore”, ndërsa shtoi se “i kuptoj njerëzit që duan të sfidojnë veten, duke u përpjekur aty ku mendojnë se mundësitë janë më të mëdha”.

Edi Rama: Nuk di shumë për Britaninë, por kam ndjesinë se edhe nuk është e lehtë të gjesh atë ndjenjë komuniteti që ekzistonte dikur, është bërë shumë më i largët.

Isha në Londër për tu takuar me shqiptarët dhe historia e dëgjuar rëndom, shumë rëndom dhe po flas për njerëz që janë të stabilizuar, punojnë shumë, që nisi nga përpjekja për të bërë gjithçka dhe tashmë kanë familje, fëmijë. Ishte e njëjta gjë: Duhet të bësh dy punë, përndryshe nuk ia del dot.

Sigurisht që në disa aspekte është mirë për fëmijët, por nuk është kaq e mirë edhe fëmijët. Koha e lirë për të shpenzuar me familjen është zero.

Kam pasur këtu njerëz që kanë ardhur nga emigracioni dhe thonë të njëjtën gjë. Kur njerëzit i shohin pagat nga këtu dhe bëjnë krahasimin, sigurisht që është dallim i madh.

Por çfarë ka pas asaj page, kur vjen fjala për qiranë, taksat, fatura për të paguar, është e papërballueshme në Britani, apo kudo tjetër në Evropë.

Pra duhet vendosur në peshore, por megjithatë unë i kuptoj njerëzit që duan të sfidojnë veten, duke u përpjekur aty ku mendojnë se mundësitë janë më të mëdha. Kjo është normale.

DASHI

Fundjava duket plot ngjarje. Mund të lindin mosmarrëveshje të vogla me partnerin, por asgjë e pazgjidhshme nëse trajtohet me qetësi. Kur bëhet fjalë për punën, është koha për të qenë kreativ dhe për të dalë me ide të reja.

DEMI

Sipas horoskopit të Paolo Fox (e shtunë 14 dhjetor 2024), fundjava sjell stabilitet në jetën tuaj. Marrëdhëniet romantike do përjetojnë momente intimiteti të madh. Kur vjen puna te puna, merrni kohë për të planifikuar dhe organizuar. Shëndeti është i mirë, por mos e lini pas dore pushimin.

BINJAKËT

Do t’ju duhet të përballeni me një fundjavë kushtuar dialogut. Komunikimi do jetë vendimtar për të shmangur keqkuptimet në dashuri. Për sa i përket punës, do të nevojitet fleksibilitet për të menaxhuar situata të papritura.

GAFORRJA

Ju pret një fundjavë emocionuese. Yjet rekomandojnë të dëgjoni zemrën tuaj, veçanërisht në dashuri. Kur vjen puna te puna, është koha të bëni një bilanc të prioriteteve tuaja. Shëndeti përmirësohet, por vazhdoni të kujdeseni për veten.

LUANI

Sipas horoskopit të Paolo Fox (e shtunë 14 dhjetor 2024), do të jeni protagonistë të fundjavës, me momente plot energji. Ka vend për pasion dhe takime të reja. Për sa i përket punës, kërkohet lidership: nuk duhet të keni frikë të merrni vendime të rëndësishme. Shëndeti është i shkëlqyer, por shmangni teprimet.

VIRGJËRESHA

Shumë prej jush do ta gjeni veten në një klimë reflektimi. Marrëdhëniet romantike mund të vuajnë nga keqkuptimet: përpiquni të jeni më të hapur. Puna? Shmangni konfliktet e panevojshme dhe fokusohuni në atë që ka rëndësi.

PESHORJA

Fundjava ofron ekuilibër dhe harmoni. Yjet favorizojnë momentet romantike. Sa i përket punës, gjithçka po shkon mirë, por mos e humbni vigjilencën. Shëndeti është i mirë.

AKREPI

Sipas horoskopit të Paolo Fox (e shtunë 14 dhjetor 2024), do të përjetoni një fundjavë intensive. Emocionet do jenë protagoniste, pozitive dhe negative. Shmangni diskutimet e panevojshme. Kur vjen puna te puna, jini strategjik dhe të fokusuar. Shëndeti kërkon vëmendje.

SHIGJETARI

Fundjava do të jetë plot zbulime. Marrëdhëniet romantike pasurohen me nuanca të reja. Sa i përket punës, është koha e duhur për të eksploruar mundësi të reja.

BRICJAPI

Ju pret një fundjavë e qetë. Yjet nxisin stabilitetin dhe mirëkuptimin. Puna kërkon angazhim dhe përkushtim, por pa ju stresuar shumë.

UJORI

Sipas horoskopit të Paolo Fox (e shtunë 14 dhjetor 2024), do të përjetoni një fundjavë me lajme. Marrëdhëniet romantike do jenë dinamike dhe të paparashikueshme. Kur bëhet fjalë për punën, është koha të mendoni jashtë kutisë. Shëndeti është i mirë.

PESHQIT

Fundjava do t’i kushtohet introspeksionit. Yjet sugjerojnë hapjen me sinqeritet. Për sa i përket punës, mund të merrni lajme të papritura. Shëndeti është i qëndrueshëm.

Shqipëria është pjesë e një grupi relativisht të vështirë për kualifikueset e Kupës së Botës, në vazo me Anglinë dhe Serbinë.

Tashmë janë publikuar edhe datat e ndeshjeve të kombëtares shqiptare të futbollit, duke e nisur më 21 mars në një përballje që mund të konsiderohet jo e vështirë me Letoninë.

Tre ditë më pas, Shqipëria do të përballet me Andorrën. Në 7 qershor është ajo që konsiderohet si ndeshja e ferrit, Shqipëri-Serbi.

Kalendari i plotë:

Gazmond Haxhifejzullahi, bashkëshorti i këngëtares shqiptare Edona Llalloshi, gjithashtu kandidate për deputete nga radhët e Lëvizjes Vetëvendosje, është arrestuar nën akuzën e dhunës në familje.

Pak kohë më parë, ai është denoncuar për këtë veprim. Dyshohet se konflikti ka nisur mes tij dhe këngëtares për një pronë, që i takon kandidates për deputete.

Rasti është njoftuar edhe nga Prokuroria e Prishtinës. Sipas organit të akuzës, është kërkuar caktimi i paraburgimit për të dyshuarin.

Shtëpia e futbollit evropian, UEFA, ka dënuar të premten Federatën e Futbollit të Serbisë për sjellje raciste të tifozëve serbë në dy ndeshje të Ligës së Kombeve, përfshirë për përpjekjet e tyre për ta djegur flamurin e Shqipërisë në Zvicër.

Vendimi u bë i ditur të premten, pak orë para se shorti i FIFA-s i vuri Serbinë dhe Shqipërinë në të njëjtin grup kualifikues për Kupën e Botës 2026 – që nënkupton se ato do të përballen ndërmjet dy herë, vajtje-ardhje.

Të hënën, komiteti ekzekutiv i UEFA-s pritet të konfirmojë se Serbia dhe Shqipëria do ta organizojnë bashkërisht Kampionatin Evropian të futbollit për nën 21-vjeçarët në vitin 2027.

Gjatë ndeshjes Zvicër –Serbi në nëntor, tifozët serbë u xhiruan duke tentuar t’ia vënë zjarrin një flamuri të Shqipërisë.

Kombëtarja zvicerane ka futbollistë që kanë lidhje familjare me Shqipërinë apo Kosovën, përfshirë kapitenin e saj, Granit Xhaka.

UEFA tha se komiteti i saj disiplinor e akuzoi Federatën e Serbisë për “sjellje raciste dhe/apo diskriminuese” në Zvicër, më 15 nëntor, si dhe në shtëpi kundër Danimarkës tre ditë më vonë.

UEFA tha se ia ndaloi federatës serbe të shesë bileta për dy ndeshjet e ardhshme të kombëtares jashtë vendit në garat e UEFA-s, si dhe e urdhëroi t’i mbyllë pjesë të stadiumit për dy ndeshjet e ardhshme në shtëpi.

UEFA gjithashtu e ka gjobitur federatën serbe me 173.000 euro në total. Serbia është dënuar nga UEFA edhe në të kaluarën për incidente të ngjashme. Ndeshjet mes Serbisë dhe Shqipërisë në kualifikimet e vitit të ardhshëm për Kupën e Botës do të jenë të parat prej se ato u takuan në kualifikimet për Kampionatin Evropian të vitit 2016.

Ndeshja në Beograd në tetorin e vitit 2014 u braktis në mënyrë kaotike, pas futjes së një droni që barte një flamur nacionalist shqiptar mbi fushë. /Rel

Ledjona Xheladinaj, përmes një postimi në “Instastory,” ka njoftuar ndjekësit e saj se projekti i ri, i cili pritej të lançohej në dhjetor, është shtyrë për shkak të gjendjes shëndetësore.

Ajo shprehu mirënjohjen për mbështetjen dhe siguroi ndjekësit se do të rikthehet së shpejti: “Premtoj që do rikthehem shumë shpejt, gjithmonë me Zotin pranë.”

Në një mesazh për të qetësuar publikun, Ledjona shtoi: “Jam mirë dhe kjo më mjafton. Ju dua.”

Pavarësisht sfidave, duket se Ledjona mbetet optimiste dhe e vendosur për të vazhduar projektet e saj.

Një video e publikuar në kanalin më të ndjekur në New York “Abc7”, e ripostuar nga gazetari Blendi Fevziu ku shfaqet një zonjë e cila dyshohet se është këngëtarja ikonë e muzikës shqiptare, Parashqevi Simaku, ka tronditur rrjetin.

Në video shihet një grua e cila përngjan shumë në zë dhe portret me Parashqevi Simakun, por ajo që ka ka bërë edhe më shumë habi është se shfaqet duke marrë ndihma nga një qendër vullnetare që japin çanta shpine me ndihma, kryesisht për nënat dhe fëmijët në nevojë.

Familjarët e këngëtares nga Kavaja kanë reguar në lidhje me këtë video ku shprehen se kanë vite që kanë humbur kontaktet më ikonën e muzikës shqiptare dhe nuk kanë asnjë informacion se ku ndodhet ajo.

Për Report Tv, familjarët kanë folur ku shprehen se e konsidertojnë të humbur dhe se prej 5 vitesh ata po e kërkojnë.

“Familja ka vite që e kërkon, e konsiderojnë të humbur prej 5 vitesh që kemi humbur kontaktet me të. E divorcuar prej vitesh, burri ka kujdestarinë e djalit dhe ka vazhuar jetën.”

Video e publikuar nuk ka datë të saktë, do të thotë se nuk dihet se kur është xhiruar, por ajo që shton më shumë dyshime se bëhet fjalë për Parashqevi Simakun është emri në fillim të videos ku shkruhet “Simaku Nohfe”.

Pas kërkimit të emrit, rezultoi se ekziston një llogari në Facebook me këtë emër, dhe po është vetë këngëtarja pasi ajo ka ndarë fotografi aktuale të sajat, por edhe foto të vjetra në rini kur ishte e madhja Parashqevi Simaku. Pra, zonja në video është pikërisht Parashqevia jonë.

Guida e njohur gastronomike “Taste Atlas” ka publikuar listën e saj vjetore të kuzhinave më të mira në botë.

Kuzhina greke, e cila për këtë vit është renditur si e para në rang global, është edhe më e mira Ballkan, ndërsa pas saj si e dyta në rajon renditet kuzhina serbe, e cila në nivel botëror renditet si e 15-ta.

Kur bëhet fjalë për vendet e tjera të rajonit, Kroacia është në vendin e 17-të, Sllovenia e 56-të dhe Mali i Zi në vendin e 83-të.

Shqipëria është një ndër kuzhinat e renditura më keq, pasi mban vendin e 96-të në listën me 100 shtete, duke lënë pas vetëm kuzhinën e Bolivisë, Nigerisë, Laosit dhe Nikaraguas.

Në vendin dytë këtë vit renditet kuzhina e Italisë, e treta është meksikania, e ndjekur nga kuzhina spanjolle dhe portugeze. Kuzhinat më keq të vlerësuara janë nga Shqipëria, Bolivia, Nigeria, Laosi dhe Nikaragua.

Kuzhinat më të vlerësuara në botë renditen sipas vlerësimeve mesatare të pjatave dhe produkteve ushqimore më të vlerësuara të secilit vend.

Këtë fundjave vendi ynë do të ndikohet nga kushte të paqëndrueshme atmosferike.

Moti parashikohet me vranësira si dhe reshje shiu, të cilat do të bëhen prezente ditën e shtunë fillimisht në veriperëndim dhe gradualisht në të gjithë territorin me intensitet të ulët deri mesatar. Reshjet do të vijojnë të jenë të herëpashershme gjatë natës si dhe ditën e diel deri në orët e pasdites në formën e shtrëngatave (me ndërprerje) në pothuajse të gjithë territorin.

Në Alpe dhe relievet malore mbi 1000-1200metër në veri-verilindje-juglindje parashikohen reshje dëbore me intensitet të ulët, lokalisht deri mesatar (majat e maleve).

Era ditën e diel deri në orët e mesditës pritet të fryjë me drejtim nga kuadrati i jugut me shpejtësi mesatare 4-12m/s, ndërsa në lugina dhe bregdet hera-herës do të arrijë shpejtësi 14-21m/s shoqëruar me dallgëzim të forcës 3-5ballë. Pas orëve të mesditës intensiteti i erës do të jetë 7-16m/s.

Mjegull e dendur lokale/mjegullinë dhe shikim i reduktuar në orët e mëngjesit/mbrëmjes dhe momentin e reshjeve.

Dikur ishte yll i padiskutueshëm i muzikës shqiptare. Admirohej edhe për faktin se ishte një ndër femrat më të bukura në Shqipëri. Por duket se fati u tregua i pamëshirshëm me Parashqevi Simakun.

Vite më parë, njerëzit ‘çmendeshin’ për ta parë e dëgjuar. Ruhej me bodigardë. Por sot një video e publikuar në rrjet, sugjeron se ajo endet e vetmuar dhe e braktisur në rrugët e Nju Jorku.

Donalda Surducku, mjekja kushërirë me Parashqevi Simakun është familjarja e parë që ka hedhur dritë mbi fatin e saj.

Në një mesazh drejtuar gazetares Mira Kazhani ajo tregon betejën me shëndetin, ndarjen nga bashkëshorti dhe pengun e nënës së Parashqevisë që iku nga kjo jetë një vit më parë.

Gazetarja ka kërkuar një nismë për të ndihmuar Parashqevi Simakun, këngëtaren e madhe shqiptare e cila u largua herët në SHBA, dhe prej asaj kohe shumë pak dihet për fatin e saj.

Një video e postuar së fundmi në televizionin amerikan “ABC7 New York”, tregon një grua e cila përngjan shumë në zë dhe portret me Parashqevi Simakun, por ajo që ka ka bërë edhe më shumë habi është se shfaqet duke marrë ndihma nga një qendër vullnetare që japin çanta shpine me ndihma, kryesisht për nënat dhe fëmijët në nevojë.

Ndërsa gazetari Blendi Fevziu, i cili shpërndau sot videon duke kërkuar ndihmë për identifikimin e saj, thotë se tashmë e ka konfirmuar që bëhet fjalë për këngëtaren shqiptare.

Ai thotë se është në kontakt me avokatë dhe biznesmenë në SHBA për ta identifikuar dhe ndihmuar dhe shprehet se ajo largohet sa herë i afrohen persona të cilët i flasin në gjuhën shqipe.

Familjarët e këngëtares nga Kavaja kanë reguar në lidhje me këtë video ku shprehen se kanë vite që kanë humbur kontaktet më ikonën e muzikës shqiptare dhe nuk kanë asnjë informacion se ku ndodhet ajo.

Video e publikuar nuk ka datë të saktë, do të thotë se nuk dihet se kur është xhiruar, por ajo që shton më shumë dyshime se bëhet fjalë për Parashqevi Simakun është emri në fillim të videos ku shkruhet “Simaku Nohfe”.

Pas kërkimit të emrit, rezultoi se ka dy llogari në Facebook me këtë emër, dhe duket se është vetë këngëtarja ajo që ka ndarë fotografi të kaluara dhe aktuale të sajat, por edhe foto të vjetra në rini kur ishte e madhja Parashqevi Simaku.

Pershendetje Zonja Mira,

Unë jam familjare e Parashqevisë. Ne kemi vite që i kemi humbur kontaktet. Informacioni i fundit është që ka pësuar një hemoragji cerebrale dhe si pasojë nuk është shumë e kthjellët.

Me bashkëshortin është ndarë prej shumë kohësh, por duke qenë se ai fitoi kujdestarinë mbi djalin e tyre është detyruar të vazhdojë jetesën në Amerikë për t’i qëndruar pranë djalit.

Tezja e mamasë sime (mamaja e saj) vdiq totalisht e vetme vjet dhe me lot në sy për vajzën. Siç ju thashë kontaktet i kemi humbur prej disa vitesh.

Ju falenderojmë për këtë nismë dhe ndoshta është akoma e mundur ta gjejmë dhe ndihmojmë.

Mesazhi i të afërmes së Parashqevi Simakut:

Pershendetje Zonja Mira,

Unë jam familjare e Parashqevisë. Ne kemi vite që i kemi humbur kontaktet. Informacioni i fundit është që ka pësuar një hemoragji cerebrale dhe si pasojë nuk është shumë e kthjellët.

Me bashkëshortin është ndarë prej shumë kohësh, por duke qenë se ai fitoi kujdestarinë mbi djalin e tyre është detyruar të vazhdojë jetesën në Amerikë për t’i qëndruar pranë djalit.

Tezja e mamasë sime (mamaja e saj) vdiq totalisht e vetme vjet dhe me lot në sy për vajzën. Siç ju thashë kontaktet i kemi humbur prej disa vitesh.

Ju falenderojmë për këtë nismë dhe ndoshta është akoma e mundur ta gjejmë dhe ndihmojmë.

VIDEO