Category: Lajme

Me rënien e diktaturës dhe hapjen e vendit ndaj strukturave euro-atlantike, Shqipëria është vënë përpara një problemi të ri e të mprehtë, që është futja e hundëve të Greqisë në punët e brendshme, duke zbatuar një politikë të stërholluar agresioni politik, ekonomik e kulturor, me pikësynim për të realizuar ëndrrat e saj aneksuese në Shqipërinë e jugut.

Më poshtë paraqitet i shkurtuar një pjesë e materialit të përmbledhur nga një punonjës veteran i Ministrisë tonë të Jashtme, i cili tashmë ka ndërruar jetë, bazuar në informacione të klasifikuara e zyrtare, ka mundur të dallojë politikën shoviniste greke në Shqipërinë e Jugut, nëpërmjet helenizimit, proces që nis me pensionet, dyshtetësinë, kishën, bankat, telefoninë celulare, politikën e jashtme, propagandën, sponsorizimin e krimit, blerje mediash e infiltrim agjenturor dhe në fund futjen e elementëve të spiunazhit grek dhe njerëzve që punojnë për ta në radhët e dy partive kryesore në Shqipëri.

Pra gjendja është e rrezikshme dhe nuk është rastësi që Greqia insiston për të futur në censusin e popullsisë dy elementë si kombësia dhe feja për të nxjerrë sa më shumë grekë, gjë për të cilën ka investuar prej dekadash e sidomos në këto 30 vjetët e fundit, ku shërbimi sekret grek ka kapur edhe individë të pushtetshëm në Shqipëri, individë që punojnë në dëm të kombit shqiptar.

Zbardhet dokumenti

“Greqizimi është një proces që i ka rrënjët thellë në histori, që në vitet 40-të të shekullit XIX, me “Megali Idenë”. Në funksion të këtij procesi është ngritur shovinizmi grek që ka dëbuar nga territoret e tyre qindra e mijëra shqiptarë dhe asimiluar mbi 220 fshatra shqiptare të krishterë nga kufiri shqiptar e deri në Prevezë. Popullata shqiptare myslimane është dëbuar tërësisht. Procesi i helenizimit tani është fokusuar në Shqipërinë e jugut, me një veprimtari të dendur armiqësore ndaj Shqipërisë.

Para lufte greqizimi nuk njihej në qytetin e Gjirokastrës e të Sarandës, kurse tani plani i tyre ka nisur të japë fryte. Ambicia greke ka qenë trekëndëshi Sarandë-Gjirokastër-Himarë, e me pararojë deri në Nartë, Zvërnec e Poron mbi Vlorë. Në krye të procesit antishqiptar është vendosur shërbimi sekret grek, i cili mbështetet nga lloj-lloj shoqatash që pretendojnë Vorio-Epirin.

Zbulimi grek, e jo vetëm, duke ndjekur platformën e merimangës shoviniste greke, mundi të hapë shkolla greke që në kohën e diktaturës, ndryshuan kombësinë e shumë fshatrave në Gjirokastër e pas vitit 1990 i janë turrur zonës bregdetare nga Saranda në Vlorë, duke i shpallur fshatrat minoritare greke. Në Korfuz u fuqizua sistemi i valëve televizive në mënyrë që në këtë zonë të përhapej e dominonte kultura greke.

Organizatat verio-epirote janë më aktive e më agresive se kurrë. Deri në vitin 2005, objektiv i agjenturës greke ishte kryesisht Saranda, e pas vitit 2005 fokusi ka qenë Himara. Për zbatimin e platformës antishqiptare nga shovinistët grekë, janë vënë në rresht vetë shteti grek nëpërmjet zbulimit agjenturor, ambasada greke në Tiranë konsullatat greke në qytetet e jugut, si dhe televizioni nëpërmjet emisioneve dhe njerëzve të paguar. Merimanga shoviniste greke vepron me metoda të sprovuara e të stërholluara.

Ndërhyrja në banka

Synimi madhor është të zmadhohet me çdo mjet e formë numri i popullatës minoritare. Qëllimi i agjenturës greke ka qenë që në fund të këtij procesi greqizimi të regjistrohen 200 mijë minoritarë në të gjithë Shqipërinë.

Këtu të përfshihen edhe ata shqiptarë që nëpërmjet pagesës të deklarohen grekë. Në këtë proces të ethshëm e të pandalshëm të agjenturës greke, në krye është vendosur inteligjenca minoritare, të cilën PPSH dikur e vendosi në sektorët më të rëndësishëm të ekonomisë, institucionet sociale e deri në dikasteret e rëndësishme të shtetit, përfshi edhe brenda qeverisë.

Sot nga kjo inteligjencë që punon për Greqinë i ke deputetë në parlament dhe me funksione në partitë kryesore në Shqipëri. Në fushën ekonomike agjentura greke ka infiltruar njerëzit e saj, gjë që dëshmohet me bankat, investimet në zonën Gjirokastër-Sarandë-Himarë, që lidhen kryekëput me organizatat vorio-epirote. Të gjitha investimet greke drejtohen nga njerëzit e asfalisë greke. Në media, zbulimi grek ka investuar me pagesa dhjetëra milionë euro në portale e gazetarë që punojnë për interesat greke dhe helenizimin e Shqipërisë së Jugut.

Kisha dhe censusi

Në këtë proces është përfshirë edhe kisha, kupola drejtuese e së cilës dyshohet se i përket zbulimit grek. Edhe priftërinjtë e rinj janë shkolluar në Greqi e më pas kthehen dhe bëhen pjesë e përçimit të greqizimit. Kishës i jepet tokë më shumë dhe kudo që ajo kërkon. Kjo shkon në sinkron me ndërtim kishash ortodokse vend e pa vend kudo në Shqipërinë e Jugut dhe sipas një platforme të qartë.

Përveç kombësisë, zbulimi grek ka ndikuar fort që të futet në censusin e popullsisë edhe regjistrimi sipas fesë. Duket ironike sesi shteti grek, që nuk njeh asnjë minoritet dhe nuk zbaton as vetë ndonjë praktikë të tillë regjistrimi, edhe pse është vend anëtar i BE-së, e kërkon këtë tek Shqipëria. Nëse në censusin e popullsisë zbatohen këto dy kritere, kombësia dhe feja, që janë skenar i pastër i zbulimit grek, kjo do të ishte tradhtia më e madhe që i bëhet Shqipërisë. Nga analiza e bërë rezulton se shumë politikanë shqiptarë zbatojnë skenarin e zbulimit grek, e këtu duket se ka rrënjët e thella edhe tranzicioni ynë prej më shumë se 30 vjetësh, me të njëjtët figura në politikën e lartë, sidomos në opozitën aktuale.

Duket e habitshme se si PD, pas rrëzimit të komunizmit, nuk e ngriti çështjen çame dhe zyrtarët e saj në këtë çështje bënin të paditurin, duke shpresuar të merrnin ndihma nga grekët. Sot në Shqipëri, me miratimin e së djathtës, i është ngritur bust në Dropull Vasil Shahinit, një agjenturë që në kohën e Zogut, por që Sigurimi e gjeti fajtor dhe e dënoi me burg. Por “demokratët” e bënë hero dhe i ndërtuan bust, pikërisht një antishqiptari të tërbuar që luftonte me flamurin e Vorio-Epirit. Se si qëndron e vërteta historike për çamët në një anë dhe Vorio-Epirin në anën tjetër e ka sqaruar historiani ynë i madh Kristo Frashëri. Dyshohet se 60-70-% e SHISH-it të sotëm është në funksion të krerëve të sotëm të opozitës. Agjentura greke po synon që të heqë shtetësinë shqiptare e të fusë shtetësinë greke për ata që kanë dyshtetësinë. Kjo politikë helenizimi ka futur rrënjë thellë me pensionet. Por nuk u mjaftuan me kaq.

Zbulimi grek, duke shfrytëzuar politikën e shitur, futi në Himarë Belerin, që e donin për kryetar Bashkie, në mënyrë që të përshpejtohej procesi dhe të zbatojë në Censusin e popullsisë projektin për helenizimin e Shqipërisë së Jugut dhe pas këtij procesi të nisin kërkesat për autonomi dhe shkëputje. Duket qartë se “merimanga” shoviniste greke, ka synime antishqiptare, për këtë duhet që të bëhet çmos që në Census 2023 të mos përfshihen pyetjet për kombësinë e fenë, pyetje që nuk i zbaton shumica e vendeve anëtare të BE-së, përfshi dhe vetë Greqinë.

Politika dhe fijet e shtetit grek

Pra po ta analizosh me hollësi, me keqardhje duhet thënë se platforma shoviniste greke, jo vetëm që është zbatuar, por ajo po hedh rrënje te thella, e cila do t’i kushtoje shume rënde shtetit shqiptar, nga veprimet antikombëtare të Berishës vetëm për të qëndruar në pushtet dhe shumë politikaneve të tjerë. Krahas Berishës një rol shumë negativ nisur nga fitimi nëpërmjet korrupsionit ka luajtur Ilir Meta, me prapaskenat e tij politike pro-greke dhe ekonomike, i tërhequr në bashkëpunim nga Anastas Angjeli. Ky e lidhi me Kokalisin dhe ambasadën greke, ku nuk kishte natë të mos darkonin bashkë me këta punonjës, e cila luante një rol negativ ne ambientet publike dhe nuk mund të mos binte në sy të shërbimeve të huaja agjenturore.

Gjatë periudhës së Ilir Metës shteti grek pushtoi ekonominë e vendit, median e cila është e varur totalisht nga shërbimi zbulimit grek nëpërmjet reklamave qe investojnë në shtypin e shkruar dhe median elektronike. Nëqoftëse do te shkoje te shkruaje një qytetar fjala vjen një artikull për Janullatosin asnjë nga gazetat nuk e merr përsipër dhe nuk pranon. Por drejtimi kryesor i zbulimit grek ka qene sistemi bankar,ku ata kane arritur 60% te vene nen kontroll.

Ky zbulim kishte si qellim kryesor qe te vinte nën kontroll edhe Bankën e Kursimeve nëpërmjet Anastas Angjelit, por nga këmbëngulja e ish Guvernatorit te Bankës Shkëlqim Cani dhe ndërkombëtareve nuk mundi të blihej nga greket. Për këtë ata vepruan me planin operacional rezervë, duke propaganduar dhe dezinformuar se Banka e Kursimeve po falimentonte. Nëpërmjet këtij operacioni zbulimi grek donte te krijonte në popullin shqiptar gjendjen e vitit 1997, të kohës së piramidave. U desh ndërhyrja e SHBA nëpërmjet ambasadorit Limpreht që ky operacion të dështonte. Sipas burimeve të besuara përkrahësit më produktiv kohët e fundit për shtetin grek janë përveç PDNJ, Omonias dhe minoritareve, janë Paskal Milo, Sali Berisha, Anastas Angjeli.

Ndaj Fatos Nanos shteti grek ka ngelur i zhgënjyer dhe e kane parë si një person jo të besueshëm për arsye se Bankën e Kursimeve ja dha austriakeve, aeroportin e Rinasit gjermano-amerikaneve. Vlorën (plani Ambo) amerikaneve, linjat hapësinore ajrore amerikaneve. Pra nga këto objekte shumë strategjike shteti grek nuk përfitoi asgjë, prandaj dhe në zgjedhje ambasadori grek doli hapur kundër Nanos duke punuar në rrëzimin e tij nga pushteti.”/SOT

Biznesmeni shqiptar Samir Mane ka rritur ndjeshëm pasurinë e tij dhe vijon të konsolidojë pozicionin në listën globale të miliarderëve të revistës Forbes. Sipas përditësimit më të fundit të publikuar nga revista amerikane, pasuria neto e themeluesit të BALFIN Group ka arritur në 1.9 miliardë dollarë, rreth 500 milionë dollarë më shumë krahasuar me vitin e kaluar.

Samir Mane hyri për herë të parë në listën e miliarderëve të Forbes në vitin 2025, duke u bërë biznesmeni i parë shqiptar që përfshihet në këtë renditje, si edhe i pari në rajonin e Ballkanit. Përditësimi i fundit tregon një rritje të mëtejshme të vlerës së pasurisë së tij, e cila lidhet kryesisht me zgjerimin dhe diversifikimin e aktiviteteve të grupit BALFIN në disa sektorë. Aktualisht, ai vijon të jetë i vetmi biznesmen nga Ballkani i listuar në renditjen e miliarderëve të Forbes. Gjithashtu sipas përllogaritjeve, Mane fiton 1.1 milion dollarë në ditë.

Sipas shënimeve editoriale të Forbes, Mane është themelues dhe president i BALFIN Group, një konglomerat investimesh me bazë në Tiranë që operon në fusha të ndryshme të ekonomisë, duke përfshirë tregtinë me pakicë, pasuritë e paluajtshme, logjistikën dhe sektorin bankar. Grupi zotëron disa nga qendrat më të mëdha tregtare në rajonin e Ballkanit Perëndimor, rrjete dyqanesh elektronike dhe investime të rëndësishme në projekte rezidenciale dhe turistike në Shqipëri.

Historia e biznesit të Mane nis në fillim të viteve ’90. Sipas Forbes, ai u largua nga Shqipëria në vitin 1991 gjatë rënies së regjimit komunist dhe u vendos në Austri si refugjat. Në vitin 1993 ai nisi aktivitetin tregtar duke eksportuar pajisje elektroshtëpiake drejt Shqipërisë, duke shënuar hapat e parë të sipërmarrjes së tij.

Në vitin 1998 Mane themeloi rrjetin e dyqaneve elektronike Neptun, i cili u bë një nga markat më të njohura në tregun e elektronikës në Shqipëri dhe rajon. Pas rikthimit të tij në Shqipëri në vitin 2005, ai zhvilloi një nga projektet më të rëndësishme të retail-it në vend, duke hapur qendrën e parë moderne tregtare.

Sot BALFIN Group ka një portofol të gjerë aktivitetesh që shtrihet përtej tregut shqiptar. Përveç investimeve në qendrat tregtare dhe retail në Ballkanin Perëndimor, grupi zotëron gjithashtu një bankë, parqe logjistike dhe projekte të mëdha të pasurive të paluajtshme. Forbes thekson gjithashtu se grupi ka investime në pasuri të paluajtshme në Shtetet e Bashkuara, Kanada dhe Austri, si dhe projekte infrastrukturore dhe arsimore në Shqipëri, përfshirë edhe një universitet privat.

Rritja e pasurisë së Mane në 1.9 miliardë dollarë reflekton jo vetëm zgjerimin e portofolit të investimeve të BALFIN, por edhe zhvillimin e sektorëve të retail-it dhe pasurive të paluajtshme në rajon gjatë viteve të fundit.

Për ekonominë shqiptare, përfshirja e një sipërmarrësi vendas në listën e miliarderëve globalë konsiderohet një tregues i rritjes së kapitalit privat dhe i konsolidimit të një prej grupeve më të mëdha të biznesit në vend dhe në rajon. /ekofin.al

Avokati Arben Llangozi ka nxjerrë detaje nga skandali seksual që ka shpërthyer në Ministrinë e Arsimit. Deklarata e Llangozit se dy zyrtarë të Ministrisë së Arsimit kapen duke kryer marrëdhënie intime ngjitur me zyrën e Kumbaros bëri xhiron e mediave, por pas skepticizmit për vërtetësinë e lajmit, Llangozi ka publikuar inicialet e Drejtorit të Përgjithshëm në Ministrinë e Arsimit, i identifikuar vetëm me inicialet V.S.

Në reagimin e tij, thuhet se drejtori në fjalë u përfshi në një skandal seksual brenda ambienteve të institucionit dhe disa ditë më pas ka paraqitur dorëheqjen. Llangozi u shpreh gjithashtu se identiteti i një vartëseje që dyshohet se ishte e përfshirë në këtë ngjarje nuk po bëhet publik për arsye etike dhe familjare.

Llangozi thekson se incidenti dyshohet të ketë ndodhur në një zyrë që ndodhet mes zyrës së ministres Mirela Kumbaro dhe asaj të Erzen Tolës gjatë orarit të punës, ndërsa shton gjithashtu se ka pasur përpjekje për të mos u bërë publike ngjarja.

Postimi i plotë i Llangozit:

Për të gjithë ata skeptikë që dyshojnë në vërtetësinë e lajmit lidhur me një aferë seksuale të pretenduar në ambientet e Ministrisë së Arsimit, e drejtuar nga Mirela Kumbaro, po publikohen edhe disa detaje të tjera që, hedhin më shumë dritë mbi ngjarjen. Këto informacione shtesë synojnë të sqarojnë rrethanat dhe pretendimet që kanë qarkulluar, duke ofruar një pasqyrë më të plotë për publikun.

Një Drejtor i Përgjithshëm në Ministrinë e Arsimit, i identifikuar vetëm me inicialet V.S., u përfshi në një skandal me natyrë intime dhe seksuale që kishte ndodhur brenda ambienteve të institucionit shtetëror. Pak ditë pas ngjarjes, ai paraqiti dorëheqjen.

Identiteti i vartëses me të cilën thuhet se kishte marrëdhënie intime në zyrë është i njohur, por për arsye etike dhe familjare nuk po bëhet publik as emri dhe as inicialet e saj. Sipas pretendimeve, rasti u mbajt larg vëmendjes publike për të shmangur një skandal më të madh.

Zyrtarja në fjalë ende nuk ka dhënë dorëheqjen pasi, gëzon mbështetje për shkak të marrëdhënieve miqësore me Mirela Kumbaron. Ndërkohë, zyra ku pretendohet se ndodhi incidenti ndodhet mes zyrës së ministres Mirela Kumbaro dhe asaj të Erzen Tolës.

Gjithashtu, ky i fundit është përfshirë në përpjekje për të bindur dëshmitarët që të mos flasin për atë që kanë parë.

Një gardiane burgu i sigurisë së lartë në Frankland, Durham, e cila kishte një lidhje intime me një të denuar ka marre dy vjet denim.

Stephanie Smithwhite kishte nisur një marrëdhënie int,ime me Curtis Warren. 40-vjeçarja kishte marrë dy vërejtje për sjellje të pahijshme në detyrë edhe më herët.

Gjykata e Durham tha se gardiania kishte bërë një tatuazh me emrin e tij. Stafi ishte bërë dyshues për marrëdhënien e saj me të burgosurin dhe kishin nisur një inspektim.

Mes tyre u gjeten te shkembeheshin pusulla me permbajtje e.rotike madje u zbulua se kishin telefonuar njëri-tjetrin 213 herë në tre muaj.

Kur u mor ne pyetje nga detektivët, Smithwhite tha se ishte e “shkatërruar” qe lidhja e saj u zbulua, por shpresonte se ekzistonte një shans që marrëdhënia e saj mund të vazhdonte me te b.urgosurin.

Prokuroria e ka akuzuar gardianen se per te kryer marrëdhënie me të dënuarin kishte grisur edhe pantallonat e uniformës.

Gardiania Smithwhite e ka mohuar ne gjyq se kishte bërë një vrimë në pantallonat e saj të punës për qëllime se,ksuaIe,

por gjykatësi tha se e kishte të vështirë të imagjinonte pse tjetër duhej të ishte vrima në pantallona.

Alesio Alia ka pak ditë që është larguar me vetë-dëshirë nga shtëpia e Big Brother VIP Albania 5, duke mbyllur kështu eksperiencën e tij në këtë format shumë të ndjekur.

I ftuar në një studio teIevizive ai ka ndarë disa detaje mbi përvojën e tij brenda shtëpisë më të famshme në Shqipëri, duke komentuar edhe raportet me disa nga banorët.

Gjatë bisedës, Alesio bëri një deklaratë që tërhoqi vëmendje në lidhje me konkurrenten Brikena Selmani. Ai u shpreh se gjatë qëndrimit në shtëpi kishte ndjerë se ajo kishte një pëlqim për të.

“Brikena kishte pëlqim për mua”, tha Alesio, duke lënë të kuptohet se situata mes tyre mund të jetë interpretuar ndryshe nga publiku.

Sipas tij, raporti mes Brikenës dhe Mateo Borrin mund të mos ketë qenë ashtu siç është perceptuar nga jashtë, duke shtuar dyshimet se mund të ketë pasur një dinamikë tjetër mes banorëve.

Nga ana tjetër, Alesio tregoi se aktualisht po shijon një histori dashurie jashtë shtëpisë së Big Brother VIP, duke zbuluar se kjo është një nga arsyet pse ai po qëndron në Shqipëri.

Megjithatë, ai theksoi se pavarësisht largimit të parakohshëm, është i lumtur për eksperiencën që përjetoi në këtë format dhe për momentet që ndau me banorët e tjerë gjatë qëndrimit në shtëpi.

Spektakli i sotëm ka sjellë debate të forta në shtëpinë më të famshme në Shqipëri sërish rreth raportit Miri-Selin.

Selin dëgjoi për herë të parë deklaratat e Mirit në dhomën e rrëfimit kur ata ndanin një krevat dhe banori u fut në akuarium.

“S’duhet te kisha ardhùr këtu. Kishim shume gjera për të sqaruar. E manifestuan gjithë shpija, por ja na ndanë. Un doja të fitoja bashkë me atë sepse unë marr nga ajo dhe ajo merr nga unë. E dua mo vlla.”, kjo ishte deklarata e Mirit në dhomën e rrëfimit, të cilën Selin nuk e kishte dëgjuar më parë.

Miri përsëriti sërish se ajo deklaratë nuk ka patur konotacion romantik, ndërsa Selin tha se ndjen keqardhje që nuk është shkëputur më shpejt nga banori.

Pjesë nga debati:

Miri: Ajo ditë është data 3 janar që ka qenë një ditë shumë e ngarkuar si prime edhe për mua edhe për Selin. Ka qenë natë me shumë emocion dhe në momentin që mbaroi nata, duke qenë se në prime dolëm shumë mirë të dy dhe doja të festoja me atë moment. Thash e dua për lojë, por jo e dashuroj.

Selin: Arsyeja pse po qesh është sepse më kanë ardhur një mendim i parë ishte ai emocioni që e tregova kur pashë videon, dhe e dyta ishte ajo që ka thënë që kur të rritet dua që vajza ime të bëhet si ti. Ndjej keqardhje vetëm për veten time në këto momente që nuk e kam marrë vendimin për t’u larguar nga Miri më përpara.

Avokatja me origjinë shqiptare Flavia Zaka mund të bëhet Zonja e Parë e landit gjerman Baden‑Württemberg, nëse bashkëshorti i saj, politikani Cem Özdemir, konfirmohet në postin e kryeministrit të këtij shteti federal.

Zhvillimi ka tërheqùr vëmendjen e mediave gjermane, jo vetëm për rezultatin politik të zgjedhjeve, por edhe për historinë personale dhe karrierën profesionale të Zakës.

Rezultati i zgjedhjeve

Në zgjedhjet shtetërore të 8 marsit, Partia e Gjelbër doli forcë e parë me 30.2% të votave, duke lënë pas CDU që mori 29.7%. Të dyja partitë kanë siguruar nga 56 vende në parlamentin e landit, çka hap rrugën për negociata për formimin e një koalicioni qeverisës.

Nëse Özdemir arrin të formojë qeverinë, bashkëshortja e tij, Flavia Zaka, do të marrë një rol publik si Zonja e Parë e landit.

Origjina dhe karriera

Flavia Zaka ka lindur në Shqipëri dhe në moshën 12-vjeçare emigroi në Kanada, ku vazhdoi studimet dhe ndërtoi karrierën e saj profesionale.

Ajo është avokate e specializuar në çështjet mjedisore dhe të drejtat e njeriut, me përvojë pune si në institucione qeveritare ashtu edhe në organizata joqeveritare. Në aktivitetin e saj profesional është angazhuar edhe në projekte sociale, përfshirë iniciativa kundër trafikimit të qenieve njerëzore.

Historia e çiftit

Flavia Zaka dhe Cem Özdemir u martuan në bashkinë e Tübingen vetëm dy javë para zgjedhjeve, në një ceremoni të mbajtur private për arsye sigurie. Çifti jeton në Stuttgart që nga fundi i verës së vitit 2025.

Ata u njohën në vitin 2023 gjatë një feste private, ku Zaka ishte e ftuar nga një mik i përbashkët. Sipas një interviste për gazetën gjermane Südkurier, pikërisht në atë takim lindi lidhja mes tyre.

Angazhimi shoqëror

Në Stuttgart, Zaka është përfshirë në aktivitete kulturore dhe projekte sociale. Ajo ka punuar si menaxhere projekti në iniciativa kundër trafikimit të qenieve njerëzore, si dhe ka zhvilluar aktivitete vullnetare, duke dhënë mësime joge dhe ligjërata mbi drejtësinë për studentët.

Nëse Cem Özdemir merr drejtimin e qeverisë së Baden-Württembergut, Flavia Zaka pritet të marrë një rol më të dukshëm publik, duke u bërë një figurë e njohur jo vetëm në Gjermani, por edhe për komunitetin shqiptar dhe diasporën.

onflikti i armatosur në Lindjen e Mesme është futur në ditën e 10-të. Presidenti i SHBA-së, Donald Trump, ka deklaruar se operacionet amerikane kundër Iranit mund të përfundojnë së shpejti.

Turqia , Emiratet e Bashkuara Arabe dhe Katari thonë se kanë kapur raketa iraniane, ndërsa Izraeli thotë se ka zbuluar më shumë suIme.

Përditësimet LIVE, 9 mars 2026

20:53 Tensionet në Lindjen e Mesme, Trump: Lufta me Iranin në thelb ka mbaruar, ata nuk kanë as anije…

Presidenti i Shteteve të Bashkuara, Donald Trump, deklaroi në një intervistë se ai beson se konflikti me Iranin është në një pikë të avancuar dhe se do të përfundojë së shpejti.

20:44 Trump dhe Putin në bisedë telefonike për rreth një orë, Kremlini: Presidenti rus propozoi zgjidhje për konfliktin në Iran

Presidenti amerikan Donald Trump dhe presidenti rus Vladimir Putin zhvilluan një telefonatë rreth një ore, gjatë së cilës diskutuan situatën në Iran dhe Ukrainë. Sipas Kremlinit, biseda ishte “një diskutim konstruktiv, shumë i sinqertë dhe profesional”.

20:14 Goditet njësia logjistike e lidhur me ambasadën e SHBA në Irak, dyshohet se sulmi u krye nga Irani

Një njësi logjistike e lidhur me Ambasadën e Shteteve të Bashkuara pranë aeroportit të Bagdadit në Irak është vënë në shënjestër të një sulmi iranian. Sipas raportimeve objektivi ishte kampi i mbështetjes logjistike që shërben për Ambasadën amerikane në Irak. Sulmi dyshohet të jetë kryer nga forca të lidhura me Iranin.

20:04 Më shumë se 300 fëmijë të vrarë që nga fillimi i luftës, organizata ndërkombëtare: Çdo orë, një jetë e humbur

Organizata humanitare “Save the Children” ka bërë të ditur se në dhjetë ditët që nga fillimi i sulmeve në Lindjen e Mesme janë vrarë gati 300 fëmijë në rajon, një shifër që sipas saj përkthehet në më shumë se një fëmijë të vrarë çdo orë.

19:38 Raketat mbi hapësirën ajrore turke, Erdogan paralajmëron Iranin: Përmbahuni nga hapat provokues

Presidenti i Turqisë, Erdogan, ka paralajmëruar Iranin që të shmangë çdo veprim provokues, pasi një raketë balistike e lëshuar nga Irani hyri në hapësirën ajrore të Turqisë.

18:36 Dita e dhjetë e konfliktit në Lindjen e Mesme, shkon në 1700 numri i viktimave

Jemi në ditën e dhjetë që kur Shtetet e Bashkuara dhe Izraeli nisën sulmet e para ndaj Iranit, duke shkaktuar kundërpërgjigje nga Teherani dhe duke përshkallëzuar ndjeshëm tensionet në Lindjen e Mesme.

17:25 “Duam një sinjal nga europianët”/ Rritja e çmimit të naftës, Putin: Jemi të gatshëm të bashkëpunojmë me ta për të stabilizuar tregun

Rusia është e gatshme të bashkëpunojë me vendet e Bashkimit Evropian për të garantuar furnizimet e nevojshme me naftë dhe gaz, me qëllim stabilizimin e tregjeve energjetike në situatën e jashtëzakonshme të shkaktuar nga lufta në Lindjen e Mesme.

17:08 “Trump na mashtroi dhe nuk e mbajti premtimin”, zyrtari i lartë iranian: Jemi përgatitur për një luftë të gjatë me SHBA, ajo mund të mbarojë vetëm nëse…

Një zyrtar i lartë iranian ka deklaruar se Irani është i përgatitur për një konflikt të gjatë me Shtetet e Bashkuara, duke paralajmëruar gjithashtu për mundësinë e vazhdimit të sulmeve ndaj vendeve të Gjirit për të ushtruar presion politik.

17:02 Ambasadori i Emirateve të Bashkuara Arabe në Gjenevë: Nuk do të marrim pjesë në asnjë sulm kundër Iranit

Ambasadori i Emirateve të Bashkuara Arabe në Gjenevë, Jamal Al-Musharakh, deklaroi se vendi i tij nuk do të marrë pjesë në asnjë sulm kundër Iranit nga territori i Emirateve.

16:46 Presidenti i Libanit bën thirrje për bisedime armëpushimi me Izraelin: Do çarmatosim Hezbollahun

Presidenti i Libanit, Joseph Aoun, ka bërë thirrje për negociata të drejtpërdrejta me Izraelin dhe për një armëpushim të menjëhershëm, me qëllim ndalimin e “të gjitha agresioneve tokësore, ajrore dhe detare izraelite kundër Libanit”, sipas një deklarate të publikuar të hënën nga presidenca libaneze.

16:34 Rrëzohet një raketë izraelite në jug të Libanit, katër të vdekur dhe tre të plagosur rëndë

Gazetari Artur Bibe i cili ndodhet në Liban, ka raportuar për rrëzimin e një rakete izraelite në një zonë në jug të vendit. Sipas tij kjo raketë la pas katër viktima dhe tre persona të tjerë të plagosur rëndë.

15:36 ‘Çmendet’ nafta, mbi 100 dollarë për fuçi, Trump: Çmim fare i vogël për paqen globale

Çmimi i naftës kapërceu për ta parën herë që nga pushtimi i Ukrainës në vitin 2022 nivelin e 100 dollarëve për fuçi, teksa lufta ne Lindjen e Mesme hyri në ditën e dhjetë.

14:36 Raketa e dytë mbi hapësirën ajërore të Turqisë, Ankaraja paralajmëron Iranin

Turqia reagoi pas raketës së dytë iraniane të kapur në hapësirën e saj ajrore. Ndërsa priste një reagim nga Presidenti Rexhep Tajip Erdogan, Ministri i Komunikacionit Burhanettin Duran foli në emër të qeverisë.

14:01 Pesë futbolliste iraniane shpëtohen nga policia pasi ikën nga skuadra, largohen nga hoteli i ekipit në Australi

Mes frikës për sigurinë e tyre, pesë anëtare të skuadrës iraniane të futbollit të femrave janë larguar nga hoteli i ekipit në Australi dhe aktualisht janë të sigurta me policinë, tha një burim për CNN Sports.

13:38 Konflikti në Lindjen e Mesme, Parlamenti vendos shtyrjen e zgjedhjeve parlamentare në Liban

Parlamenti i Libanit njoftoi se po e zgjat mandatin e tij me dy vjet dhe po shtyn zgjedhjet parlamentare për shkak të luftës së vendit me Izraelin dhe Hezbollahun.

13:33 SHBA evakuon konsullatën e saj në Turqinë jugore, i kërkon stafit diplomatik të largohet

Shtetet e Bashkuara kanë pezulluar shërbimet e tyre konsullore në Turqinë jugore dhe i kanë kërkuar stafit të tyre diplomatik jo-thelbësor të largohet nga zona “për shkak të rreziqeve të sigurisë”, njoftoi sot Departamenti i Shtetit.

13:29 Shtetet anëtare të BE-së kanë rezerva nafte deri në 90 ditë, G7 takohet urgjentisht për të liruar 400 milionë fuçi

Bashkimi Evropian ka rezerva të mjaftueshme nafte për të përballuar një krizë të mundshme energjetike, ndërsa tensionet në Lindjen e Mesme vazhdojnë të rrisin pasigurinë në tregjet globale të energjisë.

13:25 Për herë të dytë, NATO shkatërron një tjetër raketë iraniane në hapësirën ajrore të Turqisë

Një raketë balistike e lëshuar nga Irani është shkatërruar në hapësirën ajrore turke, sipas ministrisë turke të Mbrojtjes.

Raketa u shkatërrua nga mbrojtjet e NATO-s me bazë në Mesdheun lindor, thuhet në deklaratë, duke shtuar se fragmente municionesh ranë në fusha të zbrazëta në Gaziantep, në Turqinë juglindore.

12:45 Shpërndanë video, foto dhe informacione false gjatë luftës, Katari arreston 313 persona

Autoritetet e Katarit kanë arrestuar më shumë se 300 persona për publikimin e imazheve dhe “informacioneve false” gjatë sulmeve të Iranit ndaj shtetit të Gjirit, tha të martën ministria e brendshme e Katarit.

12:21 Putin përgëzon djalin e Khameneit pas zgjedhjes si lider i ri suprem i Iranit: Jam i bindur që do ta mbash me nder trashëgiminë e babait tënd

Presidenti rus Vladimir Putin i ka shkruar Mojtaba Khameneit, për ta përgëzuar për marrjen zyrtarisht të detyrës si lider i ri Suprem i Iranit, sipas Kremlinit.

“Në një kohë kur Irani po përballet me agresion të armatosur, qëndrimi juaj në këtë pozicion të lartë padyshim kërkon guxim dhe përkushtim të madh. Jemi të bindur se ju do ta mbani me nder trashëgiminë e babait tuaj dhe do ta bashkoni popullin iranian përballë sprovave të rënda”, shkroi presidenti.

DASHI

Dita fillon me një energji të caktuar dhe një dëshirë për të bërë diçka të re. Kur ndiheni të motivuar, mùnd të përfshini ata përreth jush, por sot do të duhet të jeni të kujdesshëm që të mos prisni shumë nga të tjerët. Në punë, dikush mund të mos ecë me ritmin tuaj. Në dashuri, është koha e duhur për të sqaruar një dyshim ose për të folur hapur për atë që është e rëndësishme për ju. Beqarët mund të kenë një takim interesant, veçanërisht në një mjedis shoqëror ose midis miqve.

DEMI

Sipas horoskopit të Paolo Fox (e mërkurë, 11 mars 2026), ju ndjeni nevojën për stabilitet dhe siguri. Natyra juaj e thjeshtë ju shtyn të vlerësoni me kujdes çdo vendim, veçanërisht kur bëhet fjalë për punën ose financat. Mund të vijë një konfirmim i vogël, duke ju bërë të ditur se jeni në rrugën e duhur. Në dashuri, dita fton ëmbëlsinë: ata që janë në një lidhje mund ta forcojnë lidhjen e tyre me gjeste të thjeshta, por kuptimplote. Beqarët, nga ana tjetër, duhet të lëshojnë pak më shumë pe dhe të mos kenë frikë nga njohjet e reja.

BINJAKËT

Mendja juaj është e gjallë dhe plot ide. Jeni të etur për të folur, diskutuar dhe ndoshta edhe për të ndryshuar planet në minutën e fundit. Në punë, ky dinamizëm mund t’ju ndihmojë të gjeni zgjidhje origjinale për një problem në dukje të ndërlikuar. Por kini kujdes të mos humbni shumë energji. Në dashuri, dëshira për qetësi dhe lidhje kthehet: çiftet rizbulojnë komunikimin, ndërsa beqarët mund të marrin një mesazh ose propozim të papritur.

GAFORRJA

Ndjeshmëria juaj është veçanërisht intensive. Keni nevojë të ndiheni të kuptuar dhe të mbrojtur, veçanërisht në marrëdhëniet tuaja më të rëndësishme. Në punë, mund të ketë momente të vogla tensioni, por me durimin tuaj, do të jeni në gjendje t’i kapërceni ato. Në dashuri, dita favorizon sqarime dhe momente intimiteti të madh. Ata që janë në marrëdhënie të qëndrueshme mund të rizbulojnë një lidhje të thellë, ndërsa beqarët mund të fillojnë ngadalë të krijojnë njohje të reja.

LUANI

Sipas horoskopit të Paolo Fox (e mërkurë, 11 mars 2026), dëshira për të shkëlqyer dhe për të vërtetuar vlerën tuaj kthehet. Kur energjia juaj është e lartë, mund t’i frymëzoni të tjerët me entuziazëm. Në punë, dikush mund t’ju kërkojë të merrni një vendim të rëndësishëm ose të udhëheqni një projekt. Në dashuri, pasioni mbizotëron: çiftet do të përjetojnë momente intensive, ndërsa beqarët kanë një shans të mirë për të bërë takime interesante gjatë një mbrëmjeje ose eventi.

VIRGJËRESHA

Ndjeni nevojën për të organizuar gjërat dhe idetë. Aftësia juaj për të analizuar çdo detaj mund t’ju ndihmojë të zgjidhni një çështje praktike ose organizative. Në punë, mund të gjeni një zgjidhje që të tjerët nuk e kanë marrë në konsideratë. Megjithatë, në dashuri, përpiquni të mos jeni shumë kritikë: ndonjëherë është më mirë t’i lini emocionet tuaja t’ju udhëheqin. Beqarët mund të takojnë dikë shumë të ndryshëm nga norma, por pikërisht për këtë arsye, intrigues.

PESHORJA

Duhet të gjeni ekuilibrin. Kohët e fundit mund t’ju jetë dashur të përballeni me disa vendime të vështira, por tani gjërat po fillojnë të sqarohen ngadalë. Në punë, diplomacia juaj do të jetë thelbësore në zgjidhjen e një tensioni të vogël. Në dashuri, është koha për biseda të sinqerta: çiftet mund të gjejnë harmoni, ndërsa beqarët mund të takojnë dikë që mund t’u ngacmojë kuriozitetin.

AKREPI

Sipas horoskopit të Paolo Fox (e mërkurë, 11 mars 2026), është një ditë intensive dhe plot me njohuri. Keni një aftësi të shkëlqyer për të kuptuar se çfarë po ndodh përreth jush, edhe kur të tjerët nuk janë plotësisht të hapur. Kjo ju lejon të lëvizni strategjikisht në punë. Emocionet janë të thella në dashuri: ata që janë në një lidhje mund të kenë biseda të rëndësishme që forcojnë lidhjen e tyre. Beqarët, nga ana tjetër, mund të ndihen të tërhequr nga një person misterioz dhe interesant.

SHIGJETARI

Dëshironi lëvizje dhe risi. Të qëndroni në të njëjtën situatë për një kohë të gjatë nuk është gjëja juaj, kështu që mund të kërkoni sfida të reja. Ide interesante ose kontakte të dobishme për të ardhmen ju presin në punë. Në dashuri, entuziazmi juaj mbizotëron: çiftet rizbulojnë një ndjenjë lehtësie, ndërsa beqarët mund të përjetojnë një takim argëtues dhe spontan.

BRICJAPI

Vendosmëria juaj është një forcë e madhe sot. Kur keni një qëllim të qartë, mund të punoni me durim dhe metodikë derisa ta arrini atë. Në punë, mund të merrni përgjegjësi të reja ose mundësinë për të provuar vlerën tuaj. Në dashuri, dita ju fton të jeni pak më të hapur me ndjenjat tuaja. Çiftet forcojnë besimin e tyre, ndërsa beqarët mund të takojnë dikë me vlera shumë të ngjashme.

UJORI

Sipas horoskopit të Paolo Fox (e mërkurë, 11 mars 2026), mendja juaj është plot me ide dhe projekte. Keni nevojë për frymëzim të freskët dhe kjo mund t’ju çojë të propozoni diçka origjinale në punë. Intuitat tuaja gjithashtu mund të habisin ata përreth jush. Megjithatë, në dashuri, përpiquni të mos dukeni shumë të largët: ata që ju duan duhet ta ndiejnë praninë tuaj. Beqarët mund të kenë një takim kurioz në një mjedis të pazakontë.

PESHQIT

Intuita juaj është veçanërisht e fortë sot. I ndjeni qartë emocionet e të tjerëve dhe kjo ju bën shumë empatikë. Në punë, mund të gjeni zgjidhje krijuese për një situatë të ndërlikuar. Në dashuri, qielli favorizon romancën dhe bashkëpunimin. Çiftet mund të përjetojnë momente shumë të ëmbla, ndërsa beqarët mund të surprizohen nga një takim që ndodh pothuajse rastësisht. 

Një sherr thuhet se është regjistruar pasditen e sotme në mbledhjen e Partisë Demokratike në Shkodër, ku janë konfirmuar dy kandidatët për kryetar të degës lokale, në zgjedhjet që do të mbahen më 15 mars.

Në takim ishte i pranishëm edhe drejtuesi politik i qarkut, Luçiano Boçi, i cili bëri të ditur se në garë do të jenë Genti Ibroja dhe Ardit Qylybyli. Mësohet se lista e emrave të propozuar nga baza ka qenë më e gjatë, por në fund është vendosur që në garë të përballen vetëm këta dy kandidatë.

Sipas burimeve nga mbledhja, konfirmimi i këtyre emrave ka sjellë dhe tensione. Teksa anëtari i kryesisë Ervin Gjini ka kërkuar sqarime për arsyet pse emri i tij dhe ai i nënkryetarit të PD-së në Shkodër, Arben Lusha, si dhe kandidatë të tjerë të propozuar nga baza, nuk janë përfshirë në garë.

Gjatë fjalës së tij, Gjini ka ngritur shqetësimin se kriteret e përzgjedhjes nuk janë bërë të ditura më herët. Në këtë moment, sipas burimeve, ka ndërhyrë Arban Lutfija, duke kundërshtuar deklaratat e tij, çka ka sjellë përplasje verbale mes të pranishmëve.

Debati më pas ka degraduar në përplasje fizike, ku sipas të njëjtave burimeve, Lutfija është goditur dhe vlen të theksohet se gjithçka është regjistruar para syve të Luçiano Boçit.

Lidhur me këtë ngjarje deri më tani nuk ka një reagim zyrtar nga Partia Demokratike. Të gjitha informacionet dhe emrat e lartpërmendur janë siguruar nga burimet e mediave lokale.