Category: Lajme

Një darkë familjare ka përfunduar në gjakderdhje në Poloninë jugore mbrëmjen e së dielës.

Një 32-vjeçar vrau prindërit e tij dhe vëllanë me armë zjarri.

Më pas për t’i shpëtuar arrestimit, ai i dha fund jetës me armë zjarri.

Siç raportojnë mediat e huaja, familja ishte duke darkuar, kur papritmas 32-vjeçari hapi zjarr ndaj prindërve dhe vëllait të tij, të cilët për fat të keq ndërruan jetë në vend.

Më pas autori 32-vjeçar mbajti peng partneren e vëllait dhe fëmijët e saj, dy vajza të moshës 5 dhe 7 vjeç, raportuan mediat polake.

Gruaja arriti të shpëtonte dhe kërkoi ndihmë. Shtëpia u rrethua nga forca të shumta policie dhe një negociator special u përpoq, për orë të tëra, të bindte vrasësin të dorëzohej.

Rreth orës 5 të mëngjesit, burrave të forcave speciale të policisë iu dha drita jeshile për të bastisur shtëpinë.

Pasi arritën të shpëtonin fëmijët, forcat e policisë u përballën me personin e armatosur, i cili preferoi t’i jepte fund jetës për të shmangur arrestimin.

Agjencia Polake e Lajmeve (PAP) raporton se vrasësi përdori një armë që e posedonte ligjërisht. Autoritetet po kryejnë hetimet për të zbardhur rrethanat e sakta të masakrës si dhe motivin e autorit.

Olta Gixhari zbuloi disa të pathëna dhe ndau momente emocionuese nga jeta dhe karriera e saj.

Megjithatë, ajo nuk mundi t’i shpëtonte një pyetjeje për marrëdhënien e saj me Luiz Ejllin.

Olta sqaroi se, pavarësisht bashkëpunimit të tyre në një film, ata nuk kanë ndjerë ndonjëherë nevojën për t’u afruar si miq.

“Është budallai moj. E rreh gruaja,” tha ajo më pas me shaka.

E duket se ky koment nuk ka kaluar pa marrë vëmendjen e Luizit.

Ai vendosi t’i përgjigjet me humor në foton më të fundit të bashkëshortes së tij, Kiara Tito, në Instagram.

“Ça mos me m’rrah kjo. Kam gru, jo llafe,” shkroi Luizi, duke lënë të kuptohet se e kishte marrë me sportivitet komentin e Oltës.

Një histori si nëpër filma është regjistruar në Uells, ku Halfina Eddy-Evans pasi hodhi aksidentalisht në kosh hard-diskun e ish-partnerit të saj James Howells është penduar, kur ka mësuar se ai vlente 682 milionë euro, pasi përmbante kodin për Bitcoins.

James tani po lufton për të marrë një leje që do t’i jepte atij mundësinë për të kërkuar në vendgrumbullimin e mbetjeve për hard-diskun që e bën atë milioner.

Ai kishte nisur të blinte Bitcoin që në vitin 2009 dhe ndërkohë e kishte harruar plotësisht llogarinë e tij me kriptomonedha. Pasi zbuloi se sa vlejnë tani 8 mijë Bitcoin-ët e tij, ai dëshiron që të gjejë hard-diskun, por Halfina thotë se e ka hedhur në kosh, por me kërkesën e tij.

Disku përfundoi në plehra nëntë apo dhjetë vjet më parë dhe çifti u ndanë ndërkohë. Pasi James eksperimentoi me kriptomonedha për javë të tëra në vitin 2009, ai ndaloi së bëri atë pas ankesave nga Halfina. Kompjuteri me të cilin kishte blerë Bitcoins ishte në dhomën e gjumit, kështu që partnerja kishte shprehur shqetësim për zhurmën e ventilatorit ndërsa flinte.

Pas kësaj, James i shiti komponentët për pjesë, por e mbajti hard-diskun. Ai më vonë transferoi të gjitha fotot dhe muzikën nga ai në kompjuterin e ri, megjithëse nuk mundi të transferonte skedarin e vogël që përmban kodet e Bitcoin sepse nuk ishte i pajtueshëm me sistemin operativ Apple. Ai shprehet për mediat britanike se e futi diskun në një sirtar dhe e harroi.

Halfina tani shpjegon për një tabloid britanik se disku u gjet në një qese të zezë së bashku me mbeturina të tjera, të cilat ish-partneri i saj ia kërkoi që t’i hidhte tutje. “Po, ia hodha plehrat, vetë ma kërkoi. Nuk e kisha idenë se çfarë kishte në çantë, me dëshirë e lashë në landfill. Duhej të ishte përgjegjësia e tij, por doja të ndihmoja. Shpresoj ta gjejnë sepse do ta mbyllë gojën, nuk dua asnjë cent nga paratë e tij. Unë jam e sëmurë dhe e lodhur duke dëgjuar për të, nuk është faji im që ai e humbi atë!”, tha Halfina për Daily Mail.

Landfilli tani drejtohet nga këshilli i Newport-it dhe ata refuzuan t’i jepnin James lejen për të kërkuar në këtë zonë, duke përmendur lejen mjedisore dhe efektet e mundshme negative në mjedis.

Ai u ka ofruar edhe një donacion prej 10% të të ardhurave nga Bitcoin-et e gjetura, por ata nuk kanë pranuar. James sakaq ka nisur procedurat ligjore dhe kërkon dëmshpërblim prej 593 milionë eurosh për “privimin e pasurisë”.

Landfilli mban më shumë se 1.4 milion ton mbeturina, por James thotë se ka ngushtuar vendndodhjen e diskut në një zonë që përmban 100,000 tonë. “Ky problem nuk do të largohet kurrë, unë do të jem gjithmonë në kërkim të thesarit sepse ai po bëhet më i vlefshëm çdo ditë e më shumë”, tha James për Fortune.

Vlera e Bitcoin së fundmi arriti në 80 mijë dollarë, që është një rritje prej 80% këtë vit dhe rekordi më i lartë që nga krijimi i tij.

Disa ditë më parë një video ku shfaqej këngëtarja Eli Malaj u bë virale në rrjet. Eli Malaj, teksa ka qenë duke përformuar në skenë një fans ka tentuar t’i vendosë 50 euro në gjoks.

Por ajo që bëri habi ishte reagimi i saj.

“5000 euro ci*a, ti do të fusësh 50. Jo mor shpirt”, thuhej nga këngëtarja në videon e bërë virale në rrjet.

Në një lidhje telefonike me emisionin “Goca & Gra”, Malaj tregon se si ndodhi e gjithë situata.

“I uroj fat se ai ndoshta nuk e ka bërë me të keq. Ashtu e ka menduar dhe ashtu e ka bërë, por njerëzit e marrin për keq. Ai donte të fuste dorën në gjoks. I thashë tri herë: ‘Të lutem! Mi jep në dorë, mos i mbaj se nuk ka problem’. ‘Jo, po e dua unë’. Nuk mund ta duash t’i’, i thashë dhe ja ula dorën tre-katër herë, por ai nuk e kuptoi. Për t’i treguar të gjithëve që këtu nuk është han të bëjnë ç’të duan, edhe ndodhi kjo që i thashë. Ne vërtet jemi artistë, por jo çdo kush mundet të tallë tr*pin me ne, të bësh çfarë s’bëhet. Unë kam familjarë, unë kam vëlla në skenë, kam fëmijë që më shohin, kam nënën që më sheh, kam partnerin që më sheh, kam njerëzit e dashur që më shohin”, tha ajo.

Deputetët e partisë në pushtet në Serbi dhe ata të opozitës janë shtyrë dhe rrahur me njëri-tjetrin gjatë seancës plenare të 25 nëntorit.

Në transmetimin e seancës parlamentare, zëri ishte i ndalur, kështu që nuk mund të dëgjohej se çfarë po i thoshin deputetët njëri-tjetrit, as nuk ishte e qartë se si nisi incidenti.

Por, gjatë transmetimit u pa se sigurimi i Parlamentit ndërhyri për t’i ndarë deputetët e pushtetit dhe opozitës, teksa ata po shtyheshin dhe po e godisnin njëri-tjetrin.

Kryetarja e Parlamentit serb, Ana Bërnabiç, u kërkoi deputetëve të kthehen në ulëset e tyre, në mënyrë që seanca plenare të mund të vazhdojë.

Deputetët opozitarë njoftuan se do të bllokojnë punën e Parlamentit, pasi Bërnaçi refuzoi kërkesën e tyre për të caktuar një seancë ku do të diskutohej për një mocion mosbesimi ndaj Qeverisë serbe, pas incidentit në stacionin hekurudhor në Novi Sad më 1 nëntor, kur 15 persona humbën jetën si pasojë e shembjes së një strehe prej betoni.

Opozita serbe po kërkon shkarkimin e kryeministrit Millosh Vuçeviç, si dhe përcaktimin e përgjegjësisë politike dhe penale për ngjarjen në Novi Sad.

Incidentet në Parlament nisën në momentin kur kryeministri i Serbisë, Millosh Vuçeviç, dhe ministrat e Qeverisë serbe hynë në sallën plenare.

Deputetët opozitarë ngritën pankarta ku shkruhej “Korrupsioni vret” dhe “Duart tuaja janë të përlyera me gjak”.

Ata gjithashtu shpalosën një pankartë me figurën e presidentit të Serbisë, Aleksandar Vuçiç, ku duart e tij ishin me ngjyrë të kuqe.

Deputetët e pushtetit u përgjigjën duke ngritur fletë ku shkruhej “Llum i verdhë, korrupsioni dhe hajnia janë emri juaj i mesëm”.

Një pjesë e deputetëve opozitarë më pas u përpoqën të afrohen te ministrat.

Incidenti ndodhi gjithashtu edhe në galerinë e sallës së Kuvendit, ku siguria e Parlamentit ndërhyri po ashtu.

Në galeri, deputetët e pushtetit shpalosën një pankartë me shkrimin “Llumi i verdhë do luftë, Serbia do punë”. Po ashtu pati përleshje me deputetët e opozitës, të cilët tentuan të hiqnin pankartën.

Fjalimi i kryeministrit të Serbisë, Millosh Vuçeviç, u ndërpre nga opozita, të cilët krijuan zhurmë përmes pipave dhe vuvuzellave, teksa deputetët opozitarë mbajtën në duar pankarta ku shkruhej “Duart tuaja janë të përlyera me gjak”./ REL

E zënë ngushtë mes gjyqësorit të zakonshëm dhe atij kontabël, Giorgia Meloni po eksploron rrugë të reja, ku njëra prej tyre është edhe shndërrimi i “hotspoteve” në Gjadër në burgje për të strehuar të burgosurit e lidhur me “mafien shqiptare”, të cilët numërohen të jenë rreth 2800 në Itali.

Kështu e nis shkrimin e saj media italiane Il Tempo,e cila citon më pas kryeprokurorin e Napolit, që paralajmëroi pak kohë më parë se: “Mafia e së ardhmes, jo vetëm në Itali, por edhe në Europë, do të jetë ajo shqiptare”

Sipas gazetës, “Synimi i kryeministres ishte transferimi i emigrantëve nga Afrika, të shpëtuar në ujërat ndërkombëtare nga anijet e Marinës dhe Financave, direkt në Shëngjin dhe Gjadër, në pritje të procedurave burokratike të fatit të tyre. Sot vizioni ka ndryshuar!

Në fakt, lajmet e fundit raportojnë se pothuajse i gjithë stafi i qendrës është tërhequr në Itali. Tani mbetet për t’u përcaktuar se si këto vende mund të përdoren me një raport kosto/dobi që deri tani anon në favor të së parës”.

“Bashkëpunimi midis Romës dhe Tiranës ka rrënjë të thella – vijon gazeta – Mjafton të kujtojmë eksodin biblik të vitit 1991 – i përjetësuar në filmin “L’America” ??të Gianni Amelio, me 20.000 emigrantët që iknin nga Shqipëria postkomuniste të shtypur në anijen e Vlorës, e cila u ankorua në Bari.

Në vitet në vijim vazhduam me misionet italiane si “Alba”, në 2017 dhe ndërhyrjet pas tërmetit në 2019, në të cilat Italia ishte e para që ndërhyri.

Aktualisht bashkëpunimi është edhe më i ngushtë, duke përfshirë Forcat e Armatosura, drejtues të inteligjencës dhe personaliteteve shqiptare. Ndër këta spikat një njeri kyç, i marrëdhënieve dypalëshe, si Ilir Kulla, ish-ministër për Çështjet Fetare, këshilltar për siguri ndërkombëtare i kryeministrave dhe presidentëve dhe një mik i madh i Italisë, ku u diplomua.

Shkëmbimet mes dy kombeve datojnë në shekullin e 15-të, me lindjen e komuniteteve arbëreshe në Italinë jugore. Të forcuar nga ky bashkëpunim, bisedimet konfidenciale të vazhdueshme kanë të bëjnë me hipotezën e rizhvillimit të qendrave për emigrantët në burgje, në mënyrë që të lehtësohet sistemi ynë penitenciar, i cili është gjithnjë e më i mbushur me njerëz dhe më pak i menaxhueshëm. Ideja bazohet në një protokoll efektiv tashmë në përdorim që nga koha e kryeministrave Fatos Nano dhe Silvio Berlusconi, për të mos përmendur që Italia dhe Shqipëria janë përfshirë prej vitesh në marrëveshje ministrore dhe vendi ynë në të shkuarën ka financuar dy burgje në Shqipëri.

Përballë mbipopullimit të burgjeve të vendit, me përqindje që i kalojnë 130% dhe me rritjen e numrit të vetëvrasjeve të të burgosurve, dalin propozime të arsyeshme për të përdorur zonën e Lezhës, për të burgosurit shqiptarë të dënuar në Itali.

Megjithatë, Porti i Shëngjinit, mund të presë emigrantë përgjatë rrugës ballkanike, në bashkëpunim me Bashkimin Evropian. Këto ndërhyrje do të përfaqësonin një “win-win” për të dy vendet. Autoritetet shqiptare do të donin gjithashtu të shfrytëzonin këtë mundësi për t’u pozicionuar në qendër të vëmendjes evropiane, ndoshta në funksion të procesit të anëtarësimit në BE. Ideja e transferimit të emigrantëve në Shqipëri lindi nga bisedat mes Giorgia Melonit dhe kryeministrit të atëhershëm britanik Rishi Sunak, i cili ilustroi projektin e “deportimit” të emigrantëve në Ruandë. Megjithatë, ndërsa Ruanda është mijëra kilometra larg Londrës, Shqipëria është përballë Italisë, duke e bërë projektin në dukje më të zbatueshëm. Ideja u perfeksionua më pas në verën e vitit 2023, gjatë pushimeve të Melonit në Shqipëri në bisedat me kryeministrin Edi Rama, i cili i vuri në dispozicion territorin e tij. Paralelisht, BE ka arritur një marrëveshje për Paktin e ri të Migracionit dhe Azilit, të miratuar nga Parlamenti dhe Këshilli Europian majin e kaluar, i cili parashikon që qendra si ato italiane në Shqipëri të aplikohen duke filluar nga viti 2026.

Pavarësisht kritikave të shumta, përfshirë ato të brendshme, në Europë qendrat shqiptare konsiderohen model për t’u studiuar. Ndër gabimet e bëra ishte mungesa e një strukture organizative solide. Marrëveshja e nënshkruar vitin e kaluar midis Romës dhe Tiranës parashikonte që Shqipëria të priste deri në tre mijë emigrantë me një kosto prej të paktën 670 milionë euro për pesë vjet.

Anija gjysmë e zbrazët me më pak se 20 emigrantë, kostot e larta, vendi i zgjedhur në rrezik përmbytjeje, beteja juridiko-politike e menaxhuar keq, bëri që mediat të çmendeshin. Me menaxhim më të mirë, koordinim të aktorëve të shumtë dhe planifikim më të thellë, qendrat mund të ishin plotësisht funksionale dhe të kishin dhënë një përgjigje konkrete.

Qeveria e ka servirur polemikën në një pjatë të argjendtë, si për drejtësinë, ashtu edhe për opozitën. Tani ne mund të përpiqemi vetëm të korrigjojmë situatën, duke parandaluar që një projekt ambicioz dhe i guximshëm të kthehet në një Titanik politik”, përfundon artikulli i gazetës.

Kreu i Partisë Demokratike, Sali Berisha thotë se çështja e tij në Gjykatën e të Drejtave të Njeriut është vendosur në kategorinë “leading” dhe pritet të ndiqet me përparësi.

Më herët Berisha kishte njoftuar se do të dërgonte në Strasburg vendimin sipas tij “antikushtetues” ndaj masës së sigurisë, pasi kërkesa iu rrëzua në Gjykatën Kushtetuese.

“Dua t’ju informoj se Gjykata Kombëtare e të Drejtave të Njeriut, e ka konsideruar çështjen “Berisha”, si “leading”. Pra shumë të rëndësishme dhe që do shqyrtohet, shpreh besimin tim të plotë se avoketërit e mi do të paraqisin aty të gjitha argumentat. Besim të plotë ndaj Gjykatës së të Drejtave të Njeriut”, u shpreh Berisha.

Agim Karaj, një prej emrave më të njohur në fushën e mjekësisë dhe onkologjisë në Shqipëri, ka ndërruar jetë një ditë para ditëlindjes së tij. I lindur më 25 nëntor 1950 në Tiranë, ai ishte një shembull frymëzimi për përkushtimin dhe pasionin e tij në profesion.

Përveçse i shkëlqyer në studime, ai spikati edhe në sporte të ndryshme dhe zotëronte disa gjuhë të huaja. Pas përfundimit të studimeve në Fakultetin e Mjekësisë në vitin 1975, Dr. Karaj filloi karrierën si kirurg në Qendrën Spitalore Universitare “Nënë Tereza”, ku më pas u specializua si kirurg onkolog.

Në vitin 1987, ai u specializua në Institutin “Gustave Roussy” në Paris, një nga institucionet më të mira në botë për onkologji dhe onkoplastikë. Karriera e tij u pasurua nga pjesëmarrje në trajnime dhe konferenca ndërkombëtare, si dhe nga referimet e tij në institucione të njohura si Instituti i Onkologjisë në Milano.

Në vitin 1990, ai emigroi në Kanada, ku punoi me përkushtim dhe sakrifica për të ndërtuar një jetë të re për veten dhe familjen e tij. Pas stabilizimit të familjes, në vitin 1996, Dr. Karaj u kthye në Shqipëri dhe vazhdoi të kontribuonte si shef kirurgjie në Spitalin Onkologjik deri në vitin 2015.

Në vitin 2008, ai themeloi spitalin privat “Amavita”, ku drejtoi me përkushtim dhe profesionalizëm deri në momentet e fundit të jetës së tij. Dr. Agim Karaj ishte një njeri i dashur, i thjeshtë dhe shumë i përkushtuar ndaj punës dhe pacientëve të tij. Humbja e tij është një goditje e madhe për familjen, kolegët, pacientët dhe gjithë ata që patën fatin ta njohin.

E ftuar në emisionin “Historia ime” në Tv Klan, ka qenë një grua 30-vjeçare e cila është martuar në moshën 17 vjeç me da shuri.

Nga marrëd hënia erdhi në jetë një vajzë e cila tani është 11 vjeç.

Ajo rrëfen se celebrimin e ka bërë pas lindjes se vajzës e cila ka mbiemrin saj.

Aktualisht vajzën e mban ba bai i saj, pra gjyshi. 30-vjeçarja rr ëfen se u n da nga burri i parë sepse

ishte xh eloz dhe në vitin 2013 krijoi një tjetër marrë dh ënie nga e cila erdhi në jetë një vajzë tjetër e cila është 8 vjeç.

Jοshja është një lojë dhe në dαshuri fiton kush largohet, ne e dimë këtë shumë mirë. Le të mësojmë se si ta mbash një mashkull të lidhur pas vetes, këtu janë 5 kës hilla se sit a bëni këtë:

“Historitë e pamundura” na tërh eqin, ato paksa të paqarta dhe të vës htira na mag jepsin, por edhe burrat nuk janë të im unizuar ndaj këtij rregulli tërheqës. 

Si të bëjmë që një mashkull të çme ndet pas nesh? Mos thuaj “po” menjëherë:A ju ka kërkuar të dilni? Mos e pranoni menjëherë dhe lëreni të “vuajë pak”.

Pretendo se je e zënë, por lini shpresën që ju do të mund ta lironi veten një moment tjetër.

Mos e jepni veten menjëherë:Ne nuk po flasim për një truk moral, por për një lojë me dinakëri.

Silleni në maje dëshirën e tij, e do të jeni në gjendje të kuptoni se sa është i gatshëm të presë që t’ju ketë.

Tregojeni veten të pavarur:Mos u ngjitni pas tij, lëreni të kuptojë se jeta vazhdon edhe pa atë.

4.Provokoni pak xhelozi:Mashkulli të ndjek kur sheh se mund të të “vjedhin nga pjata e tij”, ai lufton për atë që dëshiron.

Bëhuni jos hëse: Jos hja është një lojë që meshkujt me të vërtetë e pëlqejnë. Ngac mojen atëi me shikime dhe fjalët tuaja.