Category: Lajme

Një 48-vjeçar shqiptar ka humbur jetën tragjikisht këtë të diel në zonën Spartila të ishullit të Korfuzit në Greqi

Shqiptari fatkeq humbi jetën mëngjesin e sotëm, teksa po punonte në një arë me ullinj.

Mediat lokale, referuar burimeve të policisë, bëjnë me dije se 48-vjeçari vdiq, kur shkopi prej hekuri që ai po përdorte gjatë punimeve të pemët e ullinjve preku te telat e tensionit të lartë, ku për pasojë shqiptari mori plagë fatale.

Ai u transportua në spital, por nuk i mbijetoi plagëve të marra.

Policia e Korfuzit po punon për zbardhjen e plotë të rrethanave të ngjarjes.

Në episodin e sotëm të “Pa Filtra” ka ndodhur diçka e pazakontë.

Igli u shfaq papritur në studio me pretendimin se pasi Erjola Doçi doli nga shtëpia e BBV disa muaj më parë, ra dakord me Iglin për t’i reklamuar biznesmenin me një shifër prej 14 mijë eurosh, 6 mijë prej të cilave i ka marrë parapagim për reklamin në Instagram.

Sipas pretendimit të Iglit, Erjola pasi mori gati gjysmën e pagesës nuk i hapi më telefonin.

“Çfarë është tu ndodh, na morët ftyrën”- U shpreh Erjola teksa e revoluar u largua nga studio me lot në sy:
“Une me vellain tend, ose me shoqen tende mund te jem takuar, por me ty kurre”, tha Erjola.

Nderkaq, Igli theksoi se takimi ka ndodhur ne pranvere.

“Thjesht ke dale mashtruese”, tha ai.

“Jo mashtruesi i vetem qe trillon gjera te tilla je ti”- theksoi Erjola Doci.

Ne emision u fol edhe per nje kontrate te firmosur nga Erjola Doci, e cila pranoi se aty ndodhet firma e saj.

Po ashtu ne dokument ishte edhe adresa dhe te dhenat e tjera te Docit.

“Nuk kam hall te prish fytyren time per 6 mije euro, i marr aq nga instagrami o djale i dashur”, tha Doci.

“Ke ardhur ne sallon kemi firmosur kontraten, kemi pire kafe”, theksoi biznesmeni.

Ne fund, pasi Erjola u largua nga skena dhe u rikthye serish, “Igli” pranoi se ne fakt ishte gjithcka e sajuar dhe nje kamera e fshehte.

Ish-zyrtari i lartë i NATO-s, Nicholas Williams, ka reaguar pas vendimit të Joe Biden për të hequr kufizimet në përdorimin e armëve amerikane nga Ukraina kundër Rusisë, duke e cilësuar si një hap të rëndësishëm.

Në një prononcim për Sky News, Williams tha se lëvizja e liderit amerikan ishte e rëndësishme kur bëhej fjalë për pozicionimin e Ukrainës për të mos bërë lëshime të rëndësishme që Rusia dëshiron për të arritur paqen.

“Është domethënëse,” tha ai. “Ukrainasit mund të thonë se është shumë pak vonë, por nuk është tepër vonë për të ndikuar në objekivat final”, shtoi Williams.

Ndër të tjera ai ka deklaruar se diskutimi i kancelarit gjerman Olaf Scholz me Vladimir Putin nuk tregoi se lideri i Kremlinit ishte i gatshëm të bënte kompromis ose i gatshëm të bënte hapa pas për të arritur paqen, dhe kjo mund të ketë pasur një ndikim në këtë vendim sot.

I pyetur se çfarë do të bënte tani Britania e Madhe, ai shtoi: “Starmer donte të tërhiqej dhe tani ai në mënyrë të pashmangshme do të vendosë të miratojë raketat me rreze të gjatë që sulmojnë objektivat ruse në afërsi të kufirit.”

Duke parë se çfarë do të thotë të lejosh raketat të godasin thellë në Rusi, ai tha gjithashtu se Ukraina do të synojë objektiva ushtarake që mund të kenë ndikim në kufi ose në betejë.

“Do të jenë objektiva thjesht ushtarake,” tha ai.

Dashi
Nëse jeni ne një lidhje duhet me patjetër te vendosi pak rregull sepse po vazhduat ashtu si e keni nisur nuk keni për te shkuar gjate. Beqaret nuk do jene shume me fat dhe serish nuk kane për ta gjetur personin qe po kërkojnë. Tregohuni pak me te duruar. Ne planin financiar do kryeni transaksione me rëndësi duke qene se situata do jete me e qëndrueshme.

Demi
Dite e mire kjo e sotmja për pjesën me te madhe te atyre qe janë ne një lidhje. Asnjë planet nuk do ndikoje negativisht, përkundrazi ata do ju nxitin te tregoheni me tolerante dhe te kuptueshëm. Beqaret ka shume mundësi ta gjejnë personin qe aq shume kane ëndërruar. Financat do kenë përmirësime duke filluar qe nga mesdita. Do ndiheni me te qete ne këtë sektor.

Binjaket
Momentet e lumtura do jene te shumta gjate kësaj dite. Do ndiheni për mrekulli ne krahët e partnerit tuaj dhe nuk do keni çfarë te kërkoni me tepër sesa do iu jepet. Beqaret nga ana tjetër do ndihen mire edhe ashtu si janë dhe nuk do e kërkojnë me ngulm personin ideal. Ekuilibri financiar nuk do ketë tronditje te mëdha, megjithatë duhet pasur kujdes me shpenzimet.

Gaforrja
Dite e favorshme kjo për te dashuruarit. Do jeni me te qarte për ato qe ndjeni dhe do flisni hapur me partnerin. Te dy do bini ne një mendim për gjithçka. Beqaret do kenë takime, por nuk është periudha e favorshme për te filluar histori dashurie. Ne planin financiar duhet sa me shume maturi dhe përkujdesje. Po e tepruat me shpenzimet do përballeni me vështirësi.

Luani
Saturni do ju nxite te jeni mjaft kërkues ne jetën tuaj ne çift gjate kësaj dite, por kjo nuk do i pëlqejë dhe aq atij qe keni ne krah. Ka gjasa qe debatet te jene te shumta. Beqaret do jene shume pranë gjetjes se personit ideal, atij qe iu përshtatet me se miri. Situata financiare do varet tërësisht nga sjellja juaj. Po shpenzuar kuturu përgatituni për probleme.

Virgjeresha
Mos kërkoni qe gjithçka ne jetën tuaj ne çift te jete si neper filma sepse ne këtë mënyrë do e lëndoni veten. Mundohuni te jeni sa me realiste dhe ta jetoni momentin si t’iu vije. Beqaret, ne një mënyrë apo ne një tjetër do e gjejnë personin e duhur, por do presin disa kohe para se te hedhin çdo hap. Klima ne planin financiar nuk do jete e keqe, kështu qe do jeni te qete ne këtë sektor.

Peshorja
Konfigurimi i yjeve do jete mjaft pozitiv gjate kësaj dite për ata qe janë ne një lidhje. Do flisni me lirshëm me partnerin dhe do i zgjidhni edhe mosmarrëveshjet qe keni pasur. Beqaret duhet ta lënë veten te lire dhe t’i marrin gjerat si t’iu vijnë. Yjet rekomandojnë te mos hidhet asnjë hap i nxituar. Financat do jene me te mira se disa dite me pare, por nuk është ende koha për shpenzime te mëdha.

Akrepi
Kuptoheni edhe vetëm me shikime me partnerin tuaj sot dhe lidhja qe keni krijuar do përforcohet me tepër. Ata qe kane pasur mosmarrëveshje do dini te kërkojnë falje dhe do falin. Beqaret do kërkojnë shume, por me kot. Financat nuk do jene te mrekullueshme, por dhe shume problematike nuk do jene. Mundohuni t’i menaxhoni me kujdes ato para qe keni.

Shigjetari
Dite shume e trazuar kjo e sotmja për ata qe janë ne një lidhje. Nuk do bini dakord për asgjë me partnerin tuaj dhe do kërkoni gjithmonë te behet si thoni ju. Beqaret duhet te bëjnë ende durim nëse duan te gjejnë personin me te përshtatshëm. Situata financiare do ketë mjaft përmirësime për shkak te ndihmës qe do iu japin familjaret ose për shkak te një trashëgimie.

Bricjapi
Marrëdhënia me çift do jete shume e ngrohte gjate kësaj dite. Komunikimi do shtohet dhe do pranoni me lehtësi mendimet e njeri-tjetrit. Beqaret do kërkojnë gjithë ditën dhe do jene te pavendosur për atë qe duan te bëjnë. Mire është qe ata te sqarohen njëherë me veten. Financat do jene goxha te paqëndrueshme duke qene se ju do shpenzoni pa u menduar.

Ujori
Dite mjaft harmonike kjo e sotmja për ata qe janë ne një lidhje. Do ndiheni me se miri pranë partnerin dhe nuk do dëshironi asgjë me shume sesa ai do iu japë. Beqaret nuk do kenë shume fat dhe do ngelen serish me te njëjtin status. Ne planin financiar nuk duhet te rrezikoni shume edhe nëse situata do jete e qëndrueshme. Mendoni edhe për te nesërmen.

Peshqit
Ata qe janë ne një lidhje do kërkojnë vetëm qetësi dhe rehati gjate kësaj dite. Ka ikur koha e çmendurive. Flisni me partnerin ne mënyrë qe edhe ai ta mësojë atë qe ju dëshironi. Beqaret duhet t’i shprehin me tepër ato qe ndjejnë sepse vetëm ne këtë mënyrë do e tërheqin pas vete personin qe pëlqejnë. Për financat do jete dite goxha e vështirë. Kujdes!

Vitali Kvartsiani, një emër i njohur i trajningut në Ukrainë, ka paralajmëruar përfaqësuesen e vendi të tij se duhet të hyjë në fushë në Tiranë me një dëshirë të jashtëzakonshme për të fituar, përndryshe do të përballet me një rezultat zhgënjyes përballë Shqipërisë këtë të martë.

Kvartsiani ka treguar se karakteri i lojtarëve shqiptarë do të vendosë në vështirësi Ukrainën e cila ka shfaqur shumë luhatje në ndeshjet e Ligës së Kombeve dhe jo më kot është në vendin e fundit në grupin kualifikues.

“Besoj se kemi një mundësi për të fituar. Megjithatë, do të jetë shumë e vështirë. Shqiptarët janë lojtarë që nuk dorëzohen, agresivë, fizikisht të fortë. Unë kam kryqëzuar rrugët me ta gjatë eksperiencës si trajner, nëse ukrainasit nuk hyjnë në fushë në Tiranë si ujq, atëherë nuk e di çfarë të them”, deklaroi ai fillimisht për “Sport”.

“Gjeorgjia gjithashtu ka lojtarë emocional, pasionantë dhe me temperament. Por ata bëhen guximtarë vetëm kur janë shumë. Shqiptarët janë ndryshe. Secili prej tyre mund të ngutet dhe të sulmojë kështjellën i vetëm. ata do të luftojnë dhe kafshojnë në të njëjtën kohë.

Unë kam stërvitur shumë lojtarë nga Ballkani, shqiptarë sidomos, ndaj unë e di se për çfarë po flas. Ukrainasit duhet të tejkalojnë vetveten, të bëjnë më shumë se munden, vetëm kështu do të jenë në gjendje të fitojnë”, tha trajneri i njohur ukrainas./PANORAMASPORT.AL

Personi në foto është Aldi Zonja, një ndër “kokat” kryesore të financimit dhe organizmit të një laboratori droge, në fshatin Qerekë të Fushë Krujës.

Zonja kishte shkuar në Amerikën Latine me vizë turistike dhe më pas ishte bllokuar atje për shkak të pandemisë. Gjatë kohës së qëndrimit në Amerikën Latine, 37-vjeçari ka krijuar njohje me trafikantë droge dhe kështu ngritën skemën e mirëfilltë për të trafikuar lëndën narkotike. Ai është djali i gazetarit Artur Zonja dhe këngëtares së njohur Afërdita Zonja.

37-vjeçari, i përfshirë në këtë veprimtari të paligjshme shfaq në rrjetet sociale një jetë luksoze. Në një nga fotot e postuara ai shihet në një jakuzi në një resort në breg të detit, ndërsa në një tjetër shihet me një tjetër trafikant të arrestuar, pjesë e grupit, Artion Çaushllari. Nuk mungojnë fotot as nga skitë, makinat e shtrenjta, orat apo drekat e darkat.

Të përfshirë në këtë grup janë edhe Klajd Birce, Ismail Abdurramani, Baki Huqi dhe Endi Sejdini. Ky i fundit është personi që kishte në pronësi ndërtesën ku u ngrit laboratori.

Hetimi i SPAK zgjati për disa muaj, ndërsa gjatë kontrollit të ushtruar u gjetën sasi kokaine, përzierës kimikë, objekte të specializuara për fshehjen e drogës, pajisje laboratorike, shuma parash dhe mjete transporti të përdorura për veprimtarinë kriminale.

Klaudia është zhvendosur për një ditë nga programi i përditshëm i “Rudinës” në “Ka Një Mesazh Për Ty” për të ndarë historinë e saj.

Në rrëfimin për rubrikën e së “Dielës Shqiptare” në Tv Klan, gazetarja tregoi për familjen dhe lidhjen e fortë me ta, sakrificat e prindërve për të, motrën e vëllain dhe dashurinë për profesionin.

Por në jetën private të Klaudias ka ndodhur një lëkundje e fortë që i ka thyer edhe zemrën. Historia disavjeçare e dashurisë, për të cilën sakrifikoi edhe profesionin, përfundoi. Përjetimi i fortë nuk i përkiste vetëm Klaudias, por edhe familjes që ishte e shqetësuar për të.

Klaudia: Normalisht që edhe unë se sot e kësaj dite që flasim jam 30 vjeç kështu që patjetër kam jetuar dhe kam pasur një histori të bukur dashurie, e cila fatmirësisht ose fatkeqësisht nuk përfundoi edhe aq e lumtur. Ishte një marrëdhënie e gjatë disavjeçare, por që ishte, mbetet tek “ishte”. Mendoj se në ditët e sotme, në një botë me shumë mundësi, njeriu duhet të zgjedhë gjithmonë veten dhe familjen për aq kohë sa gjysma jote më e mirë nuk arrin ta kuptojë se disa ëndrra apo pasione janë shumë të rëndësishme për gjysmën tjetër dhe nuk është aty për ty në çdo hap për të luftuar dhe për ta çarë detin të dy, atëherë ose njëri duhet të mësojë notin ose… ka një problem në këtë mes.

Ardit Gjebrea: Në këtë rast duhet ta mësoje ti notin apo ai?
Klaudia: Le të themi të dy nga pak, nuk arritëm ta çanim detin.

Ardit Gjebrea: Dhe kur një marrëdhënie disavjeçare nuk funksionon, ti ke një përjetim dhe familja ka një përjetim sepse kur zgjat me vite, besoj që personi bëhet pjesë edhe e jetës së tyre apo jo?

Klaudia: Patjetër që po. Kjo është edhe arsyeja që unë e kam ftuar Romanën sot, përpos gjithë pjesës që është programi im i preferuar dhe jam sy e veshë, jo vetëm si gazetare, por edhe si Klaudia, si individ.

Ardit Gjebrea: Faleminderit!

Klaudia: Mendoj se kujtimet janë gjërat më të bukura në jetë që ne u lëmë të dashurve tanë dhe na bëjnë të kuptojmë që ne kemi jetuar, përmes atyre kutjimeve. Doja ta kishte pikërisht këtë kujtim për t’i thënë që pavrësisht gjithçkaje, unë jam mirë, ai sfondi bardhë e zi që unë kam përjetuar dhe jo vetëm unë, edhe familja ime, tashmë ka kaluar. Jam mes ëndrrës sime, mes asaj që për hir të një dashurie të madhe unë e lashë për shumë vite, hoqa dorë por…

Ardit Gjebrea: Më fal, pse t’u bë pengesë puna për këtë?

Klaudia: Po.

Ardit Gjebrea: A mund të më thuash deri në cilin cak duhet të sakrifikojmë ne për dashurinë që kemi për punën, për pasionin, për dashurinë tonë dhe ekulibri që duhet të vendosim mes familjes, duke qenë se edhe unë jam deficitar, por jo deri në kufijtë e ndarjes. Për fat punoj me nusen këtu, kështu që e kalojmë kohën bashkë, por do të ishte vërtet një problem i madh nëse nuk do të ishim bashkë këtu pasi që nga mëngjesi e deri në darkë ne jemi në punë. Megjithatë, unë nuk jam shembulli më i mirë prandaj do të kërkoja një ndihmë nga ty sepse mund të ketë shumë çifte që mund ta kenë këtë problem.

Klaudia: Është shumë e vërtetë. Unë s’kam pikë dyshimi që ti je shembulli më i mirë duke njohur edhe bashkëshorten dhe jeni një familje për t’u marrë shembull nga të gjithë. Në atë periudhë që unë e kam përjetuar këtë dashuri, patjetër që kam bërë shumë kompromise me jetën dhe me ish-partnerin tim. Për të qenë konkrete, për hir të asaj dashurisë se gjithmonë kam qenë me idenë që dashuria, familja janë gjithçka që njeriu ka nevojë në fund të ditës, domethënë isha me këtë idenë që okej, karriera është një sukses se ti ke studiuar, prindërit e mi kanë sakrifikuar pafund, ndoshta i kanë mohuar shumë gjëra vetes që mua mos të më mungojë asgjë dhe gjithmonë kam qenë me atë idenë që familja është suksesi i vërtetë. Në këtë rast, nuk rezultoi kështu. Patjetër unë kam lënë karrierën, profesionin, gjithçka për hir të asaj marrëdhënieje, edhe pse kur e kthej kokën mbrapa prapë nuk bëhem pishman sepse për dashurinë njeriu bën gjithçka dhe deri në atë pikë ku ty të vlerësohet dhe kuptohet nga pala tjetër.

Kalvari i Simone Del Vecchio (majtas në foton lart) nisi më 13 mars, ditën kur 37-vjeçari nga Barletta e Italisë, me profesion ueb-dizajner vendosi t’i nënshtrohej trajtimit dentar në një klinikë në Tiranë për vendosjen e protezave në të dy harqet për të rregulluar disa dhëmbë që i mungonin. Ajo që ndikoi në zgjedhjen e tij për të shkuar në Shqipëri ishte një reklamë që premtonte rezultate të shkëlqyera me çmime konkurruese.

Menjëherë pas operacionit Del Vecchio u sëmur dhe pësoi 4 arreste kardiake. Në 8 muaj, Simone shkoi nga reanimacioni i spitalit të Tiranës në atë të Poliklinikës së Barit dhe më pas përfundoi në Casa Sollievo della Sofferenza në San Giovanni Rotondo ku ndodhet aktualisht në spital.

“Një odise që duket se nuk ka fund”, – thotë vëllai i tij binjak, Marko (djathtas në foton lart). Këto ditë Simone do t’i nënshtrohet një operacioni të ri, këtë herë për të zgjidhur një stenozë trakeale që i bllokon frymëmarrjen, ndoshta të shkaktuar nga intubimi i zgjatur. Por, le të bëjmë një hap prapa. Pse kishte vendosur Simone të shkonte në Shqipëri për të trajtuar dhëmbët? Më poshtë intervista e sjellë nga Corriere della Sera.

“Nëna jonë kishte qenë atje 2 vjet më parë dhe gjithçka kishte shkuar mjaft mirë. Për vendosjen e dy protezave dentare ajo kishte kursyer mbi 50% të asaj që do të kishte shpenzuar në Itali. Në Shqipëri ka një kursim në kosto, por edhe në kohë pasi gjithçka ndodh brenda dy ditësh. Dhe kështu, edhe Simone vendosi të bëjë të njëjtën gjë. Nuk isha dakord, por gjithsesi ata shkuan atje”.

Kështu, më 13 mars Simone shkoi në Tiranë.

“Ai shkoi atje me nënën time, unë qëndrova në Barletta. Në orën 14 të asaj dite ai iu nënshtrua operacionit me heqjen e të gjithë dhëmbëve në një seancë të vetme dhe futjen e njëkohshme të implanteve në të dy harqet. 20 dhëmbë të nxjerrë të gjithë menjëherë. Ata administruan 4 anestezi të mishrave të dhëmbëve me një qetësues të lehtë të përgjithshëm pa kryer teste parandaluese, si dhe antibiotikë, anti-inflamatorë apo qetësues kundër dhimbjeve. Nëna ime mund ta dëgjonte atë duke bërtitur nga dhoma tjetër. Simone ishte vigjilent, i ndërgjegjshëm dhe me dhimbje. Pas trajtimit, i cili zgjati nga ora 14:00 deri në 18:00, ai u kthye në dhomën e tij në të njëjtën klinikë ku i ishte nënshtruar operacionit. Simone, megjithatë, nuk mundi as të shkonte në dhomë sepse, pasi piu një gllënjkë ujë, u ndje keq dhe pati arrestin e tij të parë kardiak, i cili u pasua nga 3 të tjerë.

Kush i dha ndihmën e parë?

“Mjekët nga klinika dentare kanë ndërhyrë menjëherë. Më pas ai u dërgua në spitalin “Nënë Tereza” në Tiranë. Aty iu nënshtrua një operacioni kardiak me vendosjen e stentit koronar pasi nga analizat e bëra kishte dalë edhe një patologji e lindur, përkatësisht stenoza koronare. Ai kaloi 8 ditë në terapi intensive në Tiranë dhe më 21 mars e çuam me ambulancë në Poliklinikën e Barit në reanimacion”.

Sa kohë më pas rifitoi vetëdijen?

“Ai kaloi në koma të shkaktuar nga mjekët për më shumë se një muaj deri më 1 maj kur filloi të shfaqte disa shenja shërimi. Unë isha atje atë ditë kur i pakësuan qetësuesin dhe ai rihapi sytë. Ai ishte i tmerruar dhe nuk e dinte se ku ishte dhe çfarë i kishte ndodhur. Ai ka ende probleme me kujtesën e shkurtër”.

Por odiseja nuk mbaron këtu.

“Në fillim të qershorit ai u transferua në departamentin e sëmundjeve infektive për shkak të një infeksioni bakterial ngjitës, Candida auris, i cili e vonoi edhe më shumë shërimin e tij, pasi nuk mundi t’i nënshtrohej rehabilitimit. Këtu ai qëndroi deri më 27 shtator, ditën në të cilën vendosëm ta çonim në San Giovanni Rotondo”.

Si është ai tani?

“Ai tani është i shtrirë në shtrat i rraskapitur, por vigjilent. Megjithatë, ai është në rrezik të mbytjes për shkak të kësaj stenoze trakeale e cila e pengon atë të pijë, të hajë dhe të marrë frymë mirë. Për këtë arsye ai së shpejti do t’i nënshtrohet një operacioni tjetër”.

Si ishte Simone para 13 marsit?

“Një djalë vital, me shumë miq, i pëlqente të dilte dhe të shijonte jetën. Udhëtimi i fundit së bashku ishte Barcelonë në tetor 2023 për koncertin Blink-182. Ne kishim rezervuar tashmë një udhëtim tjetër në Amsterdam për 29 prill për ditëlindjen tonë. Por kjo tragjedi shkatërroi të gjitha ëndrrat tona dhe qetësinë e familjes sime. Prindërit e mi u transferuan në San Giovanni Rotondo për t’u kujdesur për të çdo ditë.”

Keni nisur veprimet ligjore?

“Po, por ne kemi shumë probleme që lidhen me faktin se është një vend që nuk është pjesë e Bashkimit Evropian dhe jemi në vështirësi në gjetjen e dokumenteve të ndërhyrjes dentare”.

Kush ju ka dhënë mbështetje dhe ndihmë në muajt e fundit?

“Me mjekët e klinikës në Shqipëri nuk folëm më. Në vend të kësaj, gjetëm ndihmë, mbështetje morale dhe logjistike nga presidenti i Andi i Bari-Bat, Fabio De Pascalis, dhe nga Nicola Cavalcanti, president i komisionit të Shoqatës Dentare Bari. Tani dëshira ime e vetme është të kthej vëllanë tim në shtëpi dhe t’i garantoj atij kujdesin dhe ndihmën më të mirë”. / Lapsi.al

Laura ka sjellë nga Suedia babanë e saj, Hamzanë për t’i kërkuar banesën. Sipas asaj që ajo tregon në “Shihemi në Gjyq” nga “E Diela Shqiptare” në Tv Klan, i ati ia ka shitur pronën e tyre në Prizren vajzës së dajës.

Fillimisht kanë nënshkruar një kontratë 5-vjeçare qiradhënieje ndërsa pas 2 vitesh mësojnë se shtëpia ishte shitur. Hamzai pranon se e ka bërë ai këtë gjë pasi kishte marrëdhënieje të mira me ta.

Hamza: Unë shkova poshtë me ta, bisedova dhe ia shita shtëpinë atij, çikës. Ia shita shtëpinë dhe kur ia shita unë shtëpinë, ata më dhanë nja 3 mijë euro, kurrgjë tjetër nuk më dhanë por unë atë e kam dajë. Daja kur shkoj unë në Kosovë më pret mirë, vajza e dajës më pret mirë, Valbona.

Laura: Nuk ke bërë mirë që ke shitur shtëpinë se ke konflikte me nënën time dhe me ne fëmijët.

Hamza: Po me ju nuk jam mirë unë prej sa vitesh që s’më shihni, as bukë nuk më jepni, as më shihni, as merrni në telefon. Ata flasin në telefon me mua, kur shkoj me pushime më presin mirë.

Laura: Kush e bëri që mos të rrinim ne me ty? Ti e bëre, ti e shite se s’ka qenë plani për t’u shitur shtëpia!

Hamza: Po e shita unë se me ta jam më mirë.

Laura: Nuk ka qenë plani të shitej shtëpia, duhej të pyesje familjen!

Hamza: Atë e kam dajë.

Laura: Për një copë bukë e ke lënë, për 30 mijë euro, gjysmat t’i ka dhënë, gjysmat s’t’i ka dhënë. Neve ku po na lë?

Hamza: Epo unë me ta shkoj mirë!

Laura: Na ke lënë sakat! Nëna ime, Emineja që prej 20 vjetësh s’flet me ty, unë prej 5 vjetësh s’flas me ty!

Shtëpia është shitur në vitin 2002. Hamzai thotë se ai e ka blerë që në themel dhe e kanë ndërtuar bashkë me gruan.

Hamza: Unë e kam shitur me vullnet atë shtëpi, ia kam dhënë dajës shtëpinë dhe është shtëpia ime.

Ardit Gjebrea: Nuk ka pjesë vajza aty?

Hamza: Vajza ka qenë fëmijë kur kam bërë shtëpinë. Në ’84 kam marrë vendin, e kam blerë.

Laura: Me kë e ke mbaruar atë shtëpi, me nënën e ke mbaruar, me Eminenë, me gruan tënde!

Hamza: Nuk më intereson!

Laura: Jo, jo ne e duam pronën!

Hamza: Ti ke qenë fëmijë!

Laura: Ç’do të thotë, fëmija i kujt jam unë?

Eni Çobani: O zonjë, mirë thotë Hamzai, po ti ke qenë fëmijë, çfarë kërkon ti tani? Në qoftë se kërkon, kërkon nëna. Ke ardhur për nënën ti këtu, kërkon nëna pronë?

Laura: E kërkojmë të gjithë.

Eni Çobani: Po ky njeriu që ëshë lënë vetëm tani, që nuk e përkrahni fare babain, është normale që flisni ju në këtë formë? Që e keni lënë babain vetëm? Më vjen keq!/tvklan.al