Category: Lajme

Xhensila Myrtezaj kohës së fundit është një nga emrat me të lakuar në mediat rozë. Ajo pas ndarjes me Besin kohën e lira çdo herë e kalon me fëmijët e saj Ajken dhe Amen.

Xhensila ka ndarë një foto ku shihet dora e djalit të saj, andaj shprehet se “Dora jote e vogël, mburojë për shpirtin tim”.

Ndryshe dite me parë janë dal pamje teksa këngëtarja dhe Besi shihen në gjykatë për t’i dhenë fund martesës së tyre disa vjeçare.

Një ngjarje e rrallë është regjistruar në Vlorë, ku peshkatarët kanë nxjerrë të gjallë nga deti një peshkaqen, që kishte të ngulur në kokë majën e mprehtë të një peshku shpatë.

Ky është rasti i parë në botë, që një peshkaqen mbijeton me fragmentin e peshkut shpatë të ngulitur në kafkën e tij, thonë ekspertët.

“Peshkaqeni blu u shpua në kokë nga një peshk shpatë, por jetoi për të “treguar ngjarjen” në rastin e parë të njohur të një peshkaqeni që i mbijetonkëtij lloj sulmi.

Kur peshkaqeni u kap nga peshkatarët në Vlorë, ai nuk kishte plagë të freskëta të shpuara dhe kishte karrem në stomak, gjë që tregonte se ushqehej normalisht. Një autopsi më vonë zbuloi një fragment 18.6 centimetrash të hundës të peshkut shpatë të ngulitur në kafkën e tij”, raporton New Scientist.

“Kur kuptova se brenda kokës së peshkaqenit kishte një majë peshku shpatë, u habita”, thotë Andrej Gajiç nga Qendra Kërkimore Sharklab ADRIA në Vlorë.

Gajiç ka kryer dhjetëra mijëra autopsi peshkaqenësh. “Unë kurrë nuk kam hasur diçka të tillë më parë, as nuk kam lexuar për të në literaturë,” thotë ai. Ekipi i tij përpiqet të ringjallë dhe të lëshojë peshkaqenë të kapur si kapje rastësore nëse është e mundur, por ky peshkaqen vdiq para se të arrinte në port.

Ka pasur tetë raste të dokumentuara më parë të peshkaqenëve blu (Prionace glauca) të goditur nga peshku shpatë (Xiphias gladius) me majën e peshkut shpatë të gjetur në ose afër kokës së peshkaqenit. Një peshkaqen shirës me sy të madh (Alopias superciliosus) dhe një peshkaqen mako me fije të shkurtër (Isurus oxyrinchus) janë gjetur gjithashtu të goditur nga peshqit e vegjël, grupi që përfshin peshkun shpatë.

Kjo është mbijetesa e parë e verifikuar e peshkaqenëve në një përballje të tillë. Ndërsa ishte ngulur te peshkaqeni, peshku shpatë i ri ndoshta reagoi instinktivisht duke ngritur kokën e tij, duke i këputur majën e hundës pa dëmtuar asnjë nga strukturat vitale të peshkaqenit, thotë Gajiç.

Peshkaqeni i rritur ishte 275 centimetra dhe peshonte 44 kilogramë. Peshku shpatë mund të rritet deri në rreth 455 centimetra dhe të peshojë deri në 650 kilogramë. Ka disa raporte për peshkaqenë blu që ushqehen me peshq shpatë dhe të dy kafshët përdorin taktika agresive të gjuetisë për t’u ushqyer me turma të dendura peshqish ose kallamarësh.

Të tilla përplasje mund të ndodhin kur peshqit e shpatës përpiqen të mbrohen nga sulmi i një peshkaqeni blu, ose për shkak të një përplasjeje aksidentale kur të dy grabitqarët ushqehen me të njëjtën pre. Gajiç thotë se nevojiten më shumë vëzhgime për të përcaktuar shkakun.

Peshku shpatë

Prej kohësh këngëtarja shqiptare Elvana Gjata ka nisur një romancë me inxhinierin Elson Bajrakurtajn.

Në mediat rozë u bë e ditur se Elsoni është inxhinier, jeton në Londër e po ashtu ka marrë pjesë në filmin e Elvanës dhe Ermalit “2 Gisht Mjaltë 2”. Inxhinieri është gjithashtu mik me Blerim Destanin dhe Noziy-n.

Duket se Elvana ka lënë pas historinë me Ervin Matën dhe po shijon romancën me Elsonin, mirëpo e gjitha kjo e ka një ‘kleçkë’. Sipas faqes ‘Vipat e Bllokut’, partneri i Elvanës rezulton se është i martuar.

Një detaj aspak i vogël apo jo? Por, duket se nuk është bërë pengesë që Elvana të krijojë lidhje me të.

Postimi në rrjetet sociale

Irani është duke u përgatitur për të sulmuar Izraelin me raketa, sipas një zyrtari të lartë amerikan.

“Irani po përgatitet të nisë “menjëherë” një sulm me raketa balistike ndaj Izraelit, sipas një zyrtari të lartë të administratës amerikane, i cili paralajmëroi të martën për “pasoja të rënda” nëse ndodh. Zyrtarët e Shtëpisë së Bardhë nuk ofruan menjëherë asnjë provë që mbështeste gjetjet e saj të inteligjencës”, raporton Associated Press.

Alarmi vjen disa ditë pasi Izraeli vrau kreun e Hezbollahut në një sulm me raketa në Bejritu, dhe një ditë pasi trupat izraelite nisën invazionin brenda territorit të Libanit.

Me kaq shumë aksidente sa po ndodhin në vendin tonë, nuk kishte se si një prej tyre të mos kapej “live” në kamera.

Kjo ka ndodhur mbrëmë në emisionin “D Night”, ku gazetari ishte duke raportuar nga sheshi “Nënë Tereza” në Tiranë.

Disa të rinj mesa duket janë emocionuar nga prezenca e kamerës dhe i kanë dhënë gaz makinës. Vetëm pak metra më larg, ata janë përplasur me një makinë tjetër që vinte po me shpejtësi.

Sheshi “Nënë Tereza” është një pikë ku në orët e vona mblidhen të rinj e të reja, shumë prej tyre të apasionuar pas shpejtësisë.

Kur Qasem Soleimani, komandanti i Brigadave Al-Quds të Iranit në Irak, u vra në një atentat nga Shtetet e Bashkuara në aeroportin e Bagdadit në fillim të janarit 2020, Udhëheqësi Suprem i Iranit Ayatollah Ali Khamenei e quajti atë një deklaratë lufte dhe u zotua për një hakmarrje të madhe.

Si përgjigje, Irani kreu sulme ajrore në bazën ushtarake Al-Asad në Irak dhe në bazën ushtarake amerikane në Erbil, në Irakun verior. Sulmet shkaktuan dëme materiale, por askush nuk u vra.

Kur Izraeli, pas sulmit nga Hamasi më 7 tetor 2023, bombardoi intensivisht Rripin e Gazës dhe numri i viktimave midis palestinezëve u rrit, ministri i jashtëm iranian Hossein Amir-Abdolahian paralajmëroi se nëse Izraeli vazhdon të sulmojë civilët e paarmatosur në Gaza, nuk mund të garantohet se konflikti nuk do të përhapet. Me fjalë të tjera: Irani mund t’i bashkohet konfliktit. Por në mars 2024, agjencia e lajmeve Reuters raportoi njoftimin e Hezbollahut libanez se, pas konsultimit me Teheranin, do të drejtonte në mënyrë të pavarur luftën kundër Izraelit dhe se Irani nuk do të përfshihej ushtarakisht.

Khamenei urdhëroi sulmin me raketa ndaj Izraelit vetëm pasi shtatë anëtarë të Gardës Revolucionare iraniane u vranë në një sulm të synuar ndaj ambasadës iraniane në Damask më 1 prill. Por Teherani njoftoi sulmin paraprakisht dhe madje informoi qeverinë amerikane. Disa orë pas sulmit me raketa iraniane, të cilat u kapën kryesisht nga Izraeli, Irani deklaroi se incidenti mund të konsiderohet “i përfunduar”. Nuk u fol shumë për suksesin e sulmit.

Dhe kur Ismail Hanije, lideri i Hamasit u vra më 31 korrik 2024, në një atentat në Teheran, për të cilin Izraeli mbahet përgjegjës, Irani u betua të hakmerret. Por ende nuk është zbatuar, shkruan DW.

Mungesa e mbështetjes brenda vendit

Është e qartë se regjimi iranian nuk është i gatshëm apo në gjendje të përmbushë kërcënimet e tij të shumta. Një arsye e rëndësishme është mungesa e mbështetjes nga popullata. Shumica e iranianëve duan fundin e regjimit dhe ankohen për shpenzimet e mëdha për të mbështetur aleatët e Iranit, ndërsa në të njëjtën kohë një pjesë e madhe e popullsisë jeton nën kufirin e varfërisë. Protestuesit kanë brohoritur prej vitesh: “As Gaza, as Libani. Unë ia kushtoj jetën time Iranit!”

Përveç kësaj, në rast të një sulmi ndaj Izraelit, Iranit do t’i duhet të llogarisë në kundërsulme të rënda, të cilat do të dobësonin në vend që të forconin regjimin në Teheran. Izraeli është ushtarakisht superior, dhe edhe nëse sulmet do të kishin për qëllim vetëm infrastrukturën, mund të shkaktonte pakënaqësi edhe më të madhe në mesin e popullatës. Përveç kësaj, Iranit do t’i duhet të frikësohej se Izraeli do të sulmonte gjithashtu objektet e tij bërthamore nëntokësore duke përdorur bomba thërrmuese, siç bëri me selinë e Hezbollahut.

Duke pasur parasysh këtë, Ayatollah Khamenei dhe pasuesit e tij duhet të mendojnë me kujdes se si do t’i përgjigjen vdekjes së Hassan Nasrallah dhe nëse do të përfshihen në një konfrontim ushtarak me Izraelin.

Të shtunën e 5 tetorit, të gjithë do të “mbërthehen” pas ekranit të Top Channel, me serialin më të ri “Tenxherja Kapakun”, me aktorët e dashur për publikun, Elvana Gjata dhe Romeo Veshaj.

Në një intervistë të dhënë për “Ftesë në 5”, të dy ata kanë treguar sfidat që kanë kaluar gjatë xhirimeve të këtij seriali, teksa gjithashtu kanë zbuluar dhe surprizat që priten nga ky serial.

“Përtej shakasë ka qenë një gjë shumë e bukur. Romeo ka qenë surprizë, sepse është një aktor shumë i mirë.

Ka skena që i kemi bërë me një xhirim, ka skena që kanë zgajtur. Jemi njerëz në fund të ditës, pavarësisht se mundohemi të përshtatemi me personazhin. Ishte një projekt sfidues, por ja kemi dalë siç duhet.

Kush vjen i pari në xhirime? Me kë po e bën intervistën e parë?! (qesh)”, u shpreh Elvana.

“Elvana është një super artiste. Përveç se një këngëtare është dhe një aktore shumë e mirë komedie. Është privilegj të kesh një kolege të tillë. Në këtë serial do të qeshni. Janë xhiruar aq shumë materiale sa që se di sa kohë kemi që xhirojmë.

Që unë vij i pari në xhirime janë vetëm llafe, sepse unë vij me një orë me vonesë (qesh). Të shkretët partnerët e mi, sepse më presin një orë. Unë këta ose i bëj që të punojnë të gjithë, ose s’ka.

Seriali? Janë situata në çift, zënkat, jeta e një çifti në të gjitha dimensionet. Do ta gjejnë veten të gjithë çiftet, ose ata që do të bëhen çifte.

Gëzimi këtu është i shpesh, por zgjat shumë pak. Duhet të xhirosh shumë shpejt dhe nuk ke kohë të gëzohesh fare. Jemi bërë si “Game of Thrones”. Kam hyrë 27 vjeç e nuk e di kur do dalë. Kemi një vit që xhirojmë. Është bërë një super punë. Është një nga produksionet më të arrira.

Ka vetë, dy aktorë. Xhirohet vetëm me një dubël dhe teksti është fantastik. Regjisorja është fantastike, Andia Xhunga. Kemi një super staf. Jemi një familje e madhe që shkojmë shumë mirë me njëri-tjetrin. Përveç se janë njerëz të mirë, janë dhe shumë profesionist.

Batutat që kam jashtë i fus brenda, ato që bëj brenda nuk i nxjerr jashtë.

10 seri të tjera? Patjetër që po. Është fat që jam këtu dhe punoj me këta njerëz për këtë projekt”, tha Romeo.

5 tetor, ora 21:00 është data që duhet të mbani shënim për të shijuar serialin komedi më të ri, vetëm në Top Channel.

Adoleshenti shqiptar 17-vjeçar (mbush 18 pas pak javësh), i cili dyshohet se vrau gjatë një takimi intim një 42-vjeçare rumune në Viadana të Mantovës në Itali, ka dëshmuar në detaje atë që ndodhi në garazhin e shtëpisë së tij, të cilin e kishte kthyer në palestër.

Sipas asaj që raportojnë mediat italiane (të cilat për shkak të moshës nuk kanë publikuar deri tani as inicialet e emrit të autorit), i riu mbyti gruan “duke ia shtrënguar krahun dhe parakrahun rreth qafës”.

Një lëvizje e sportit të mundjes, ndoshta një nga ato lëvizje e provuar edhe për argëtim me partnerët stërvitor gjatë seancave stërvitore në sportet luftarake, në atë palestër që ishte vendi i shpirtit të tij: shkonte atje edhe kur ishte sëmurë.

Nëse përpara se të organizonte takimin me pagesë me Maria Campai-n  “të njohur rastësisht në një faqe takimesh”, djali në burg i akuzuar për vrasjen e saj, kishte kërkuar në internet teknika të vrasjes me lëvizje duarsh, sapo të përfundonte raporti dhe mbrëmjen e 19 shtatorit ai zbatoi planin e përgatitur prej ditësh.

Seanca e së hënës për vlerësimin e masës së sigurisë nuk ndryshoi qëndrimin e gjyqtarit ndaj 17-vjeçarit me origjinë nga Shqipëria.

Në garazh, në mëngjes ekspertët shkencorë punuan në kërkim të gjurmëve të reja për të konsoliduar akuzat e prokurorisë, pasi djali më kot u përpoq të largonte njollat ??e gjakut dhe mbetjet organike.

Maria Campai, gruaja rumune e vrarë nga 17-vjeçari shqiptar

Në çdo rast, pas bashkëpunimit fillestar me hetuesit, ai tregoi menjëherë vendin, kopshtin e një vile të pabanuar ngjitur, ku ai dyshohet të ketë varrosur trupin e Marias.

42-vjeçarja me origjinë rumune, e divorcuar nga bashkëshorti, nënë e dy fëmijëve, u gjet nën një shtresë gjethesh dhe shkurresh.

Edhe pse, me pranimin e vetë avokatit të tij, Paolo Antonini, nuk ka ose nuk do të kishte asnjë motiv pas masakrës.

Ose më mirë, për momentin do të ishte programimi i kthjellët i bazuar në video të ndryshme të marra nga interneti dhe ekzekutimi i furishëm në garazh si një lidhje midis mendimeve dhe veprimeve.

Gjithçka zgjati disa sekonda, tha 17-vjeçari. Pak sekonda kohë dhe pa hezitim. E në ditët në vijim nuk ka ndryshuar rutinë, nuk ka tradhtuar veten, nuk ka shprehur shqetësim apo nervozizëm, nuk ka menduar të largohet nga Viadana, aq më pak, ka menduar të lëvizë trupin e Marias.

Ata që kanë jetuar me 17-vjeçarin, sigurisht duke filluar nga familja e tij, nuk kanë vënë re ndonjë shenjë të veçantë që të sillte ndonjë shqetësim.

Situatë e njëjtë në shkollë, një institut profesional që trajnon elektricistë, ndërsa kujton se si 17-vjeçari e ka zakon, kur mes bashkëmoshatarëve të tij, të tërhiqet, hesht, zgjedh të mos ndërveprojë, me pak fjalë të zhduket.

Rruga e tij e vetme e shpëtimit duket se ka qenë ai sport luftarak, me djersën e përditshme për t’i fryrë gjithnjë e më shumë muskujt dhe duke e trajtuar veten me portrete në fotografi dhe video për t’i postuar në kanalet sociale për të mbledhur pëlqime të shpërndara.

Një aktivitet që vazhdoi më pas në shtëpi, e pajisur si një palestër private me pesha me shtangë dhe pasqyra rreth divanit që priti takimin me Marian dhe ekzekutimin e saj. Nuk kishte prova të konsumimit së alkoolit ose drogës: djali ishte plotësisht i kthjellët.

Georgina Rodriguez, e fejuara e Ronaldos, ka bërë jo pak bujë me deklaratën e saj të fundit, ku në dokumentarin e Netflix ka pranuar se beson te forcat jo njerëzore, madje bukuroshja ka pranuar se ka parë djallin në shtëpinë e tyre në Arabinë Saudite.

Në një nga episodet që po shfaqet në Netflix, në dokumentarin që i kushtohet jetës së sajë, Georgina ka zbuluar në detaje se çfarë i ndodhi:

“Një ditë po ushqehesha vetëm në shtëpinë, papritur ngrita kokën dhe pashë një fytyrë, me sy, shpatulla dhe brirë. Thashë me vete:: Au, duket si djalli. Unë besoj se forcat errëta ekzistojnë, por e di gjithashtu që jam e mbrojtur nga Zoti”, u shpreh Georgina.

Në deklaratën e sajë, Gerogina shtoi se edhe fëmijët e kanë ndjerë prezencën e kësaj force të errët, duke e cilësuar si “monstra”.