Category: Lajme

Dy reperët, Stresi dhe Noizy, pasi kanë rregulluar marrëdhëniet mes tyre, tashmë janë kthyer në miq të afërt me njëri-tjetrin.

Sot, me rastin e ditëlindjes së Noizyt, Stresi e ka uruar publikisht mikun e tij përnes një postimi në rrjetet sociale.

“Nuk mund te mendoj për një dhurate më të mirë se miqësia jonë! Gëzuar ditëlindjen”- shkruan Stresi krah videos ku shfaqet duke kënduar me Noizyn.

Kujtojmë se Noizy feston sot ditëlindjen e 38-të. Ndërkohë Stresi është ende në arrati, pasi është në kërkim nga autoritetet në Kosovë.

Stresi akuzohet se është përfshirë në sherrin e disa muajve më parë në një klub nate, ku mbeti i plagosur Tik Tokeri Medi Iseni.

Një person i quajtur Petro në Athinë, dhe që thotë se nuk mban mend asgjë, më në fund mund të ketë gjetur familjen e tij biologjike.

I njohur si Petros Koutsoukis, ai tërhoqi vëmendjen e medieve greke pasi deklaroi se kishte humbur kujtesën dhe nuk mbante mend kush ishte dhe nga vinte.

Në fillim atë e kërkuan sikur të ishte shtetas grek, por më pas, disa dëshmitarë që kishin punuar me të, dhanë informacion se ai ishte shqiptar, i larguar në Greqi 20 vite më parë.

Sot në Athinë ka mbërritur një grua e moshuar shqiptare, që besohet të jetë nëna e tij. Ajo do të japë një kampion ADN-je te autoritetet greke për verifikuar nëse është vërtet djali i saj.

Në pamjet prekëse të publikuara nga mediat greke, dallohet gruaja shqiptare teksa puth dhe përqafon atë që thotë se është djali i saj, të cilin “e njohu menjëherë”.

Sipas dëshmisë së tij, Petro vuan nga amnezia autobiografike dhe për këtë arsye nuk mban mend asgjë nga fëmijëria e tij, përveçse ka disa vezullime.

Gruaja e cila ishte e shoqëruar nga djali tjetër, thotë se është 100% e sigurt se Petro është djali i saj.

Megjithatë, sado i prekur të ndihet, Petro ende… nuk mban mend asgjë, as fytyrat e nënës dhe vëllait të tij të mundshëm nuk i kujtojnë asgjë. Megjithatë, ai ka guximin t’i pranojë si të afërm, derisa të “flasë” gjenetika.

“Jam nënë e katër fëmijëve. Jetojmë në Këlcyrë të Shqipërisë. Në vitin 1990 Petriti u largua nga Shqipëria me të tjerë dhe erdhi në Greqi. Mbajtëm lidhje deri në vitin 1995 dhe më dërgonte letra, ku më thoshte se jeton dhe punon në Kalamatë të Mesinisë. Nga viti 1995 deri në vitin 2001 ka ndërprerë komunikimin, por kam dëgjuar për të nga një bashkëfshatar që jetonte në Ekali.

Kur erdhi djali tjetër në Greqi, e thirri “Petrit” por ai u përgjigj se nuk është Petriti dhe se nuk na njeh. Pak ditë më parë e pamë në televizor duke kërkuar familjen e tij. E kuptova menjëherë se ishte djali im. Nuk kishte ndryshuar që atëherë. Unë kurrë nuk e kisha raportuar djalin tim të zhdukur”, tha ajo për autoritetet greke.

Kreu i PD, Sali Berisha në fjalën e tij përpara protestuesve i ka bërë thirrje të gjithë shqiptarëve, iu bëj thirrje të gjithë opozitarëve të bashkohemi në këtë betejë.

Berisha është shprehur se fillimi i protestave të opozitës në ditët e para të tetorit është fillimi i fundit të narkoregjimit, është fillimi i fitores të opozitës së vërtetë mbi regjimin antishqiptar të krimit, drogës dhe vjedhjes së qytetarëve.

Fjala:

Të dashur miq, fillimi i protestave të opozitës në ditët e para të tetorit është fillimi i fundit të narkoregjimit, është fillimi i fitores të opozitës së vërtetë mbi regjimin antishqiptar të krimit, drogës dhe vjedhjes së qytetarëve.

Me këtë rast ju bëj thirrje të gjithë shqiptarëve, iu bëj thirrje të gjithë opozitarëve të bashkohemi në këtë betejë. Beteja për qeverinë teknike, beteja kundër terrorit dhe dhunës ndaj opozitës.

Është betejë për dinjitetin e çdo shqiptari të ndershëm. Është betejë për interesin kombëtar të shqiptarëve, betejë për interesin e Shqipërisë.

Shqipëria me burgje politike.

Shqipëria me të burgosur politikë.

Shqipëria me farsë elektorale.

Shqipëria me drejtësi të kontrolluar nga diktatori.

Shqipëria e qytetarëve të plaçkitur gjer në palcë nga regjimi. Shqipëria e kodeve mafioze.

Është Shqipëri jo e shqiptarëve. Është Shqipëria, jo vend i bekuar i tyre, por vend i mallkuar i tyre.

Ndaj kush e ndien veten shqiptar të bashkohemi me guxim. Guximtare dhe guximtarë është koha juaj, është ora juaj, është ora e fitores, e shqiptarëve.

Ndaj dhe ke të ngrihemi ne si viganë, le t’i dëshmojmë Europës dhe mbarë botës se para se të votojmë me duart tona, do të votojmë me gjokset tona, do të votojmë me këmbët tona, do të votojmë me guximin tonë, do të votojmë me triumfin tonë, do të votojmë me fitoren tonë.

Rrofshi ju, rroftë Shqipëria!

Fitore, fitore, fitore!

Aktori i humorit, Bes Kallaku, i cili ka qenë shpesh i përfolur si një kandidat i mundshëm për të hyrë në “Big Brother VIP”, duket se këtë herë do të bëhet realitet. Sipas Besi pritet të jetë një nga banorët e edicionit të tretë të “Big Brother VIP Kosova”. I njëjti burim bën të ditur edhe një emër tjetër si konkurrent të reality show-t: Anetta Beri — modele.

Sa i përket Besit, nuk ka ende një konfirmim zyrtar nga vetë ai, apo produksioni, por burime të afërta me Kallakun kanë deklaruar se bisedimet mes tij dhe produksionit kanë përfunduar me sukses dhe ai pritet të jetë një prej emrave të mëdhenj që do të hyjnë në shtëpi.Ky informacion është bërë publik nga shokët e tij, të cilët kanë lënë të kuptohet se Kallaku ka dhënë përgjigje pozitive.

Edicioni i tretë i “Big Brother VIP Kosova” është shumë i pritur nga publiku dhe do të jetë interesant të shihet nëse humori dhe karizma e Bes Kallakut do të sjellin një dinamikë të re në këtë spektakël të njohur

Reperi i njohur, Noizy feston sot 38-vjetorin e lindjes. Miq, kolegë dhe fansa i kanë uruar ditëlindjen Rigles Rajkut.

Mirëpo urimi që ra më shumë në sy ishte i reperes, Loredana. Ajo ka publikuar një foto krah Noizyt dhe shkruan: “Gëzuar ditëlindjen, Zin! Ti je shoku im përgjithmonë. Të dua shumë!”

Dy reperat sollën bashkëpunim e tyre të parë së bashku “Heart Attack” dy vite më parë. Afërsia e tyre nxiti aludimet për një romancë mes Loredanës dhe Noizy-t.

Por dyshja kanë treguar se janë vetëm miq shumë të mirë, ndërsa reperja shijon lidhjen e dashurisë me futbollistin, Karim Adeyemi

Salsano Rrapi, i cili ka qenë për shumë vite një figurë kryesore në moderimin e “Portokalli”, duket se mund të mos jetë pjesë e këtij sezoni. Në spotin e fundit të publikuar për spektaklin, mungesa e tij ka ngritur dyshime tek publiku, duke nxitur spekulime mbi largimin e tij nga formati.

Këtë vit, bashkë me Nevina Shtyllën, Kiara Tito është bashkuar si bashkëmoderatore, por pyetja që mbetet është nëse Salsano do të zëvendësohet nga dikush tjetër apo nëse Nevina dhe Kiara do të vazhdojnë të drejtojnë programin bashkë.

Pavarësisht spekulimeve, mbetet për t’u parë zyrtarisht në fillimin e sezonit të ri nëse Salsano Rrapi do të jetë ende pjesë e trupës së “Portokalli”.

VIDEO

Një influencere në TikTok ka humbur jetën tragjikisht pasi dyshohet se është vetëhedhur nga kati i pesë i një pallati.

26-vjeçarja turke, Kubra Akyutm, e cila u bë e famshme për videon “Dasma pa dhëndër”, u gjet e vdekur në lagjen Sultanbeyli të Stambollit.

Mësohet se policët gjetën në shtëpinë e saj një shënim vetëvrasjeje. Vetëm disa orë para vdekjes së saj, Akyutm la gjithashtu një mesazh tragjik në rrjetet sociale për udhëtimin e saj të shtimit të peshës.

Ajo ka shkruar në postim: “Kam mbledhur energjinë time, por më duket se nuk po shtoj dot, humbas një kilogram çdo ditë. Nuk di çfarë të bëj, kam nevojë urgjente të shtoj peshë.”

Aykut kishte një milion ndjekës në llogarinë e saj TikTok dhe 207,000 ndjekës në llogarinë e saj në Instagram.

Top Channel

Argita Malltezi nuk e ka përjashtuar kandidimin brenda PD-së në të ardhmen, por tha se nuk do kandidojë për deputete në zgjedhjet e vitit 2025.

E pyetur nga Ylli Rakipi në emisionin “Të Paekspozuarit” për ambiciet në politikë, Malltezi nuk e refuzoi kategorikisht hyrjen në politikë.

Argita Malltezi: Unë nuk kam plan të garoj në këto zgjedhje. Nuk e di cfarë ndodh në 2025, por e them e sigurtë, Sali Berisha nga kjo betejë do të dalë i fituar. Këtë betejë që ka do ta fitojë. Nga e gjithë kjo betejë që ka bërë.

Ylli Rakipi: Larg qoftë i humbi zgjedhjet doktori?

Argita Malltezi: Ka thënë që do të japë dorëheqjen.

Ylli Rakipi: Ai tha se mund të kandidojë edhe Argita. Po aty po kandidove ti, nuk ka njeri tjetër që fiton.

Argita Malltezi: Nuk kam në plan të kandidoj për këtë vit. A do të futem më vonë? Nuk e di.

Ylli Rakipi: Po pse nuk thua do bëhem kryetare dhe bëhu aty.

Argita Malltezi: A do ta bëj nëse duhet? Që ç’ke me të.

Ylli Rakipi: Tani ti je eminenca gri e doktorit dhe të dëgjon, mund ti thuash do ta bëj unë tani.

Një lajm i trishtë njoftohet mëngjesin e sotëm kur një nga doktorët më të dashur e të respektuar të qytetit të Lushnjes, Fatmir Dabulla, ka ndërruar jetë për shkaqe natyrale.

Doktor Mili, siç i thërrisnin lushnjarët dhe jo vetëm, për vite me radhë ka kontribuar në spitalin e lushnjes i specializuar për sëmundjet e veshkave. Në duart e tij kanë kaluar me mijëra pacientë dhe doktori asnjëherë nuk i kthente mbrapsh, por gjente kohë ti shërbente të gjithëve me profesionalizëm e përkushtim. Kjo ishte një ndër arsyet kryesore pse Doktor Mili ishte i dashur në komunitetin lushnjar dhe jo vetëm.

Një mjek i papërtueshëm e konsideronte komuniteti lushnjar, një doktor që doli në pension në vitet 2020. Në spitalin e Lushnjes “Isan Çabej”, doktor Mili ka vendin e vet të shënuar për shkak të profesionalizmit.

Ai do ti mungojë familjes së tij, dhe dy djemve, njëri prej të cilëve është një figurë shumë e dashur për sportdashësit, ish-futbollisti Rezart Dabulla; si dhe djalit Idlir Dabulla, një prej sipërmarrësve më në zë në qytetin e Lushnjes. Por edhe ish-kolegëve të tij të spitalit dhe komunitetit të gjerë lushnjar.

Xhensila Myrtezaj, një nga artistet më të njohura të skenës shqiptare, ka qenë në qendër të vëmendjes së mediave dhe fansave për jetën e saj personale, duke e kaluar shpeshherë në hije karrierën e saj muzikore.

Ajo është komentuar vazhdimisht për marrëdhëniet e saj dhe ndarjet që kanë ndodhur gjatë viteve, por këtë herë, një ngjarje e veçantë ka kapur vëmendjen e publikut.

Më 26 Shtator, Xhensila kishte një seancë gjyqësore për ndarjen e pasurisë me aktorin komedian Bes Kallakun.

Kjo ngjarje e rëndësishme, e cila shënon një kapitull të ri në jetën e saj, ishte përfolur shumë në median rozë, duke bërë që fansat të ndihen të shqetësuar për gjendjen e saj emocionale.

Megjithatë, vetëm një ditë pas kësaj seance, Xhensila befasoi të gjithë me një postim të gëzuar në rrjetet sociale.

Ajo ndau disa pamje ku shfaqej me një këmishë të bardhë, duke treguar një buzëqeshje të ndritshme që fliste më shumë se mijëra fjalë.

Ndryshe nga atmosfera e tensionuar e seancës gjyqësore, ajo duket se ka gjetur një mënyrë për të reflektuar mbi jetën e saj dhe për të shijuar momentet e vogla të lumturisë.

Por çfarë e motivon atë të jetë kaq optimiste pas një dite të ngarkuar? E gjithë kjo mund të jetë një shenjë se Xhensila po e pranon ndryshimin dhe po shikon përpara, duke lënë pas ngjarjet e vështira.

Ky postim i saj mund të interpretohet si një mesazh për fansat e saj: se pavarësisht sfidave, ajo është e gatshme të përqafojë jetën me gëzim dhe energji pozitive.

Shiko foton: