Category: Lajme

Një grabitje e ngjashme me skenarët e filmave “Far West” të regjisorëve të Hollywood-it ka ndodhur në Itali.

Automjete të blinduara që transportonin rreth 3 milionë euro, janë sulmuar dhe grabitur në zonën e Salentos nga një grup i armatosur që i përngjanin forcave komando.

Grabitja e mjeteve të blinduara të kompanisë Battistoli ka ndodhur pranë Torchiarolos, në rrugën nacionale që lidh Brindisin dhe Leçen.

Sipas gjetjeve fillestare nga karabinierët grupi komando që ka realizuar supergrabitjen përbëhej nga 8 deri në 10 persona. Sipas rikonstruksionit të parë, kriminelët, të armatosur dhe me fytyrat e mbuluara me kapuç, kanë qëlluar disa herë me kallashnikovë dhe kanë djegur dy makina e një furgon në rrugën përballë për të penguar ndërhyrjen e forcat e rendit.

Në total grupi i vuri flakën gjashtë automjeteve dhe pas grabitjes u largua në fshatrat përreth ku policia gjeti 300 euro në kartëmonedha, që siç duket i përkasin plaçkës së vjedhur. Rruga nacionale 613 është mbyllur për trafikun në të dy drejtimet, ndërsa hetuesit ndodhen në vendngjarje dhe kanë mbetur të tronditur, pasi grabitësit kanë vepruar në aksin e frekuentuar në këtë periudhë nga mijëra turistë që shkojnë në Salento.

Nga konstatimet e para të policisë rezulton se nuk ka pasur të lënduar në mesin e rojeve të sigurisë që ndodheshin brenda mjetit të blinduar.

Zëvendëskryetari i komisionit parlamentar Antimafia, deputeti i Brindisit, Mauro D’Attis ndërhyri për këtë çështje dhe i kërkoi ministrit të Brendshëm të ndërhynte me vendosmëri për të kapur bandën që kreu grabitjen.

Senatori i Leçes, Roberto Marti, kërkoi gjithashtu ndërhyrjen e ministrit, i cili “i dha një përgjigje të shpejtë”, me mbledhjen e komitetit krahinor për rendin dhe sigurinë, duke thënë se “akte të tilla janë të papërshkrueshme dhe nuk duhet të përsëriten”.

Një ngjarja e tmerrshme ka ndodhur në provincën e Benvetos në Itali, ku një 59-vjepçar ka vrarë vëllanë e tij duke i prerë kokën.

Ngjarja ka ndodhur të mërkurën ku 59-vjeçari i preu kokën vëllait dhe më pas e hodhi nga ballkoni.

Fqinjët që e kanë parë kanë njoftuar policinë për krimin makabër.
59-vjeçari u dorëzua pa rezistencë dhe u mor në pyetje gjatë gjithë natës përpara se të transferohej në burgun e Beneventos.

Karabinierët po marrin në pyetje të afërmit dhe të njohurit e dy vëllezërve që jetonin së bashku në shtëpinë e familjes.
Policia dyshon se vrajsa ka ndodhur në një debat të nxehtë

Ivanka Trump ka dhënë disa detaje të tjera në lidhje me resortin luksoz “Aman” që ajo dhe bashkëshorti i saj Jared Kushner do të ndërtojnë në ishullin e Sazanit, në Shqipëri.

Në një intervistë për podcastin Lex Friedman, vajza e ish-presidentit Trump foli për përfshirjen e markave më të mira botërore në këtë projekt.

“Tani për tani po punoj me bashkëshortin tim. Ne kemi këtë ishull prej 1400 hektarësh në Mesdhe dhe po sjellim arkitektët më të mirë dhe markat më të mira”.

Rezorti luksoz, në pjesën malore të ishullit të Sazanit do të drejtohet nga marka ultra luksoze “Aman” e Vlad Dronin.

Ndërsa ushqimi do të ofrohet nga Carbone, nje rrjet restorantesh italo – amerikan i drejtuar nga kuzhineret me famë botërore Mario Carbone dhe Rich Torrisi, fitues të disa çmimeve ndërkombëtare.

Zbulimi i parë i formimit të embrionit në një fazë të hershme mund të ndihmojë në zgjidhjen e misterit të defekteve kongjenitale.

Shkencëtarët kanë bërë një zbulim të rëndësishëm në studimin e zhvillimit embrional, duke kapur për herë të parë një fazë të hershme të formimit të embrionit që mund të ndihmojë në zgjidhjen e misterit të defekteve kongjenitale të lindjes tek njerëzit.

Studiuesit nga Universiteti i Queensland në Australi kanë përdorur një teknikë inovative për të shqyrtuar zhvillimin e embrioneve të thëllëzave, duke përdorur proteina fluoreshente për të ndriçuar qelizat brenda embrionit të vogël dhe duke regjistruar momentet e tij të hershme të formimit. Kjo teknikë u lejoi atyre të shohin qelizat si ato organizonin veten rreth një strukture mbështetëse bazuar në proteina, duke shfaqur format e para të zemrës dhe të shtyllës kurrizore, të njohura si ‘tub nervor’.

Një aspekt i veçantë i këtij zbulimi është ngjashmëria e zhvillimit të embrionit të thëllëzës me atë të embrionit njerëzor në fazat e hershme të rritjes, duke hapur mundësi për të kuptuar se si gabimet e hershme në zhvillimin e këtyre qelizave embrionale mund të çojnë në defekte kongjenitale të lindjes në njerëz.

Dr. Melanie White dhe ekipi i saj kanë përdorur gjenetika inxhinierike për të krijuar embrionet e thëllëzave të cilat prodhojnë një proteinë fluoreshente të quajtur Lifeact, e cila u lidh selektivisht me citoskeletin e aktinës në qelizat embrionale. Ky përdorim i proteina fluoreshente u bë i mundur përmes implantimit të gjenit të Lifeact në embrionet e gjalla të thëllëzës, duke lejuar për një shikim të detajuar të formimit të citoskeletit të aktinës dhe të strukturave të tjera të hershme të qelizave.

Në një deklaratë për zbulimin e tyre, Dr. White theksoi se kjo ishte hera e parë që një ekip ka kapur me sukses citoskeletin e aktinës në qelizat embrionale, duke lehtësuar kështu studimet e tyre për koordinimin e lëvizjeve dhe organizimit të qelizave gjatë zhvillimit embrional.

Për shkak të mundësisë së studimit të këtyre zhvillimeve të hershme në embrionet e thëllëzave, shkencëtarët tani kanë një model të avancuar për të studiuar dhe kuptuar zhvillimin njerëzor në mënyrë që të identifikojnë më mirë shkaqet dhe trajtimet e defekteve kongjenitale të lindjes. Kjo mund të përmirësojë ndjeshmërisht trajtimet e ardhshme mjekësore dhe të ndihmojë në parandalimin e problemeve shëndetësore që lidhen me defekte kongjenitale si defektet e zemrës dhe tubi nervor.

Zbulimi i shkencëtarëve australianë paraqet një hap të rëndësishëm përpara në fushën e biologjisë zhvillimore dhe shëndetit publik, duke hapur rrugën për studime më të thella që mund të ndikojnë në shëndetin dhe mirëqenien e njerëzve në të ardhmen.//DailyMail

Një zjarr ka përfshirë stadiumin “Skënderbeu” në qytetin e Korçës. Nga pamjet e siguruara, shihet se flakët kanë përfshirë pjesën e tribunës qendrore.

Sipas informacioneve paraprake, mësohet se zjarri është shkaktuar nga një shkëndijë elektrike.

Në vendngjarje ndodhen forcat zjarrfikëse të cilat po punojnë për shuarjen e flakëve.

Moderatorja Kiara Tito është brë nënë për herë të parë para dy muajve.

Edhe pse ka pak kohë që solli në jetë bebein, kjo nuk e ndali ti kaloj disa ditë pushimi në bregdet.

Ajo ka sjellur pamje të shumta nga pushimet duke përfshirë foto me bebi Lunën e me Luizin.

Por, vëmendje mori edhe me komplete që ka veshur së fundmi që po e bëjnë të duket mjaft zonjë./InfoKosova/

Shiko foton:

Një helikopter privat u rrëzua në British Columbia në Kanada ku humbi jetën piloti dhe mbetën të plagosur dy pasagjerë të tjerë. Aksidenti ka ndodhur mbrëmjen e së martës në afërsi të kufijve administrativë të provincës Alberta dhe shkaqet janë ende të paqarta.

“Ekipet e kërkimit dhe shpëtimit u vendosën në zonë dhe gjetën helikopterin dhe pilotin, i cili fatkeqësisht kishte vdekur”, tha zëdhënësi i policisë federale, James Grundy.

Ai sqaroi se në bordin e helikopterit ndodheshin edhe dy persona të tjerë, të cilët janë dërguar në spital me lëndime dhe gjendja e tyre nuk ngjall shqetësim. Emri i pilotit nuk u bë i ditur, por autoritetet thanë se ai ishte një fermer.

Imazhet e pabesueshme të një fenomeni të rrallë të njohur si “rrufeja e kuqe”, janë kapur nga një fotograf çek në Sllovaki.

Dukuria mahnitëse e motit shkaktoi shpërthime elektrike mhanitëse të dritës. Duke postuar fotot në rrjetet sociale, fotografi Horálek tha: “Moti i fortë me stuhi mbi Europën Qendrore solli një nga fenomenet më spektakolare, por edhe më misterioze: The Red Sprites”. Vëzhguar për herë të parë në 1989, ata u bënë një objektiv për shumë fotografë dhe kameramanë të specializuar.

Fotografimi i tyre konsiderohet shumë i vështirë sepse fotografi kurrë nuk e di paraprakisht se kur mund të shfaqet fenomeni.

Për shkak të lartësive të tyre dhe kohëzgjatjes së shkurtër, rrufetë e kuqe vërehen rrallë. Ato u zbuluan aksidentalisht nga fizikani John Winckler në vitin 1989, teksa ai po ndihmonte në testimin e një videokamere të re.

Legjendat urbane na kanë shoqëruar gjithë jetën, sidomos kur bëhet fjalë për shëndetin. Më poshtë do të gjeni një listë me disa prej pretendimeve dhe këshillave mjekësore që janë ose nuk janë të vërteta.

8 gota ujë në ditë?

Nuk është e nevojshme të numëroni gotat. Studimet kanë treguar që njerëzit që pijnë një gotë ujë kur janë të etur, marrin mjaftueshëm për të qenë të shëndetshëm dhe të hidratuar.
Lëngjet, supat dhe perimet ju ofrojnë doza të rëndësishme të oksigjenit. Mirë është të pini ujë, por pa e tepruar, pasi mund edhe të shkaktoni atë që quhet overdoza e ujit.

Ajo ndodh kur pini shumë ujë menjëherë ose kur pini më shumë se sa kërkon organizmi.

Veza të bën dëm për zemrën?

Ngrënia e dy vezëve në ditë nuk rrit rrezikun e sëmundjeve të zemrës, thonë studimet e Harvard. Vezët përmbajnë omega-3, amino acide të nevojshme për shëndetin e zemrës.

Nëse ke ftohtë do të ftohesh?

Nëse kaloni shumë kohë në ajër të ftohtë, nuk do të thotë që domosdoshmërisht do të sëmureni.

Përkundrazi, studimet kanë konfirmuar se njerëzit që kalojnë disa orë në temperatura nën zero janë më të shëndetshëm.

Bakteret lulëzojnë në ambiente të ngrohta të brendshme.

Multivitaminë çdo ditë?

Multivitaminat mund të merren vetëm nëse i rekomandon mjeku. Ato nuk mund të zëvendësojnë ushqyesit që nuk merrni nga ushqimet.

Hani më shumë fruta, perime, drithëra, arrorë dhe vaj ulliri që të merrni vitaminat që ju nevojiten.

Hani mëngjes për të rënë në peshë?

Ngrënia e mëngjesit mban larg urinë por rënia në peshë është pak e tepruar. Megjithatë, varet çfarë ushqimesh hani për mëngjes, ndjekur nga dreka dhe nga darka.

Sheqeri i bën fëmijët hiperaktivë?

Sheqeri është i dëmshëm për fëmijët por kjo nuk do të thotë se ata bëhen hiperaktivë ose humbasin përqendrimin.

Prindërit thjesht presin që kjo të ndodhë dhe fajësojnë sheqerin për sjelljen e fëmijëve.

Kërcitja e gishtave shkakton artrit?

Kërcitja e gishtave nuk shkakton artrit. Zhurma vjen nga formimi i gazrave në mes të kockave të gishtave. Kërcitja nuk luan asnjë rol në formimin ose jo të kësaj sëmundjeje

Por mirë është të mos e bëni pasi, nëse i kërcisni gishtat gjatë gjithë kohës, duart do t’ju enjten dhe do të keni një shtrëngim të kockave.

Heidi Baci zbuloi se pret një propozim nga Romeo në mënyrë që të realizojnë dasmën e tyre. Çifti, i cili u njoh brenda shtëpisë së Big Brother VIP, po përjeton një romancë dhe të dy duken më të lumtur se kurrë.

Baci tha se ka takuar familjarët e Romeos, ndërsa së shpejti pret që të stabilizohen.

“Ne nuk ndahemi dot nga njëri-tjetri. Fakti është ky që punën time, ngaqë gjithmonë kam jetuar në shtete të ndryshme, nuk i kisha rrënjët kaq të futura në Itali, njëlloj si Romeo këtu. Unë anoj më tepër tek Shqipëria. Më thotë gjithmonë Romeo po sikur…

Ndjehem shumë më shumë e dashuruar. E kemi shijuar njëri-tjetrin në maksimum. Ne jemi shumë njëlloj në shumë aspekte dhe ishte vonë. Poezinë që hodha në Instagram e kam pasur frymëzim të momentit. Ai më vendos këngët vlonjate. Kam qenë për drekë tek gjyshërit e Romeos, jam kënaqur me ta. I dua shumë, janë shumë të ëmbël.

Të keqen nëna më thoshte gjyshja Romeos. Familjarët ende nuk kanë ardhur këtu. Por do të shkojmë së shpejti atje. Dasma nuk është në dorën time, pres propozimin. Do e shohim”, tha ajo në “Top Arena”.