Category: Lajme

Të jesh person i paraqitshëm, konsiderohet si një plus i madh, sidomos për vajzat, të cilave u hapen më lehtë dyert e jetës.

Ndërkohë që disa vlerësojnë më shumë zgjuarsinë, janë të rralla ato vajza që nuk duan që t’i shohin thjesht si të bukura.

Një rast i ngjashëm ka mbërritur në redaksinë e JOQ Albania.

Bëhet fjalë për një 19-vjeçare, e cila nuk e ka përdorur në asnjë moment të jetës pamjen e saj të jashtme dhe nuk dëshiron të identifikohet për bukurinë e saj.

Vajza rrëfen se dëshiron të jetë e një mashkulli në jetë.

Vajza ka shkruar për JOQ:

Pershendetje JOQ. Une quhem Antonela dhe doja te ndaja me ju dicka .Jam 19 vjeqe dhe edhe pse nuk me pelqen ta tregoj e paraqitshme .

Duke qene me kete pamja gjithmone dhe kur isha ne gjimnaz isha ne qender te vemendjes te cunave dhe madje mua me ngacmonin shum problemi eshte se ateher me pelqente qe te me ngacmonin

por un nuk kam qene asnjeher ne nje mardhenie dhe gjithnje qendroja serioze sa shumica e meshkujve mendonin se isha e lidhur.Mendoja se kur te vija ne tr edhe pse nuk isha shum larg tr do dilja ose do njihja dike .

Tani shoh nje ndryshim te madh tek un me bezdis fakti kur nje mashkull me ngacmon madje nuk duroj fare tme thone sa e mir je e urrej kete fakt,sdua te jem ne qender te vemendjes madje e urrej kete gje .

Kam dy vite ne tr dhe rri pothuajse vetem shkoll shpi,kontakt me cunat sbehet fjale fare nuk me ngjisin sepse me duken se te gjithe kan vetem nje qellim me femrat,dhe dua qe kur te lidhem te jete lidhja e pare dhe e vetme .

Dua nje lidhje ndryshe nga keto qe shohim per dit,dua te jem vetem e nje mashkulli dhe ai te jet i fundit per mua.

Para sa kohesh pata filluar pune si recepsioniste por dhashe dorheqjen sepse nuk vlersohesha fare per punen aty te mbanin vetem si imazh per te terhequr klientat dhe as kete nuk e duroj.

Une nuk dua te jem vetem nje vajz e paraqitshme por dua qe njerzit tme shohin pertej kesaj .Faleminderit dhe shpresoj ta postoni. Atonela T

I ftuar në një program televiziv ka qenë ish-banori, Liam Mandiaro.

Gjatë intervistë ai foli edhe për partneren e tij, ku u shpreh se: “Ajo është këtu”.

Liam zbuloi edhe se çfarë i kishte thënë ajo pas daljes nga shtëpia.

“Më bëhet qejfi tha dhe jam krenare me ty. Më bëhet qejfi që dole jashtë tha sepse nuk më interesojnë gjërat e tjera.”
Liam u pyet gjithashtu nga Enxhi edhe për cilin lojtar që ndodhet brenda shtëpisë ai do të bëjë tifo tani. Ai u përgjigj duke thënë:

“Më lër kohë vetëm 24 orë. Ju e keni parë nga ekrani por nga aty brenda unë e kam pasur horizontin më të gjerë. Julin po them. Meritoni më pëlqen por ai ka një afrimitet me Romeon që mund ta ndëshkojë për vazhdimin e lojës.

Dollari amerikan ka pësuar një rënie këtë të hënë më 29 prill dhe ai blihet sot me 93.4 lekë e shitet me 94.5 lekë sipas kursit të këmbimit valutor.

Sakaq monedha evropiane euro vijon të qëndrojë në nivele të ulëta, ajo në tregun valutor blihet me 100.5 lekë dhe shitet me 101.3 lekë.

Paundi britanik sot blihet me 117.0 lekë dhe shitet me 118.1 lekë.

Franga zvicerane në tregun valutor blihet këtë të hënë me 102.5 lekë dhe shitet me 103.5 lekë.

Aksident i rëndë në Pogradec-Qafë Thanë. Ngjarja ndodhi rreth orës 04:50, pranë fshatit Memëlisht. Burime zyrtare nga policia bënë me dije se automjeti tip “Benz” me drejtues shtetasin me inicialet D. Y., 46 vjeç, është përplasur me automjetin tip “Citroen” me drejtues shtetasin Y. M., 58 vjeç.

Për pasojë u plagos drejtuesi i automjetit tip “Citroen”, 58-vjeçari me inicialet Y. M., i cili ndodhet jashtë rrezikut për jetën dhe humbi jetën shtetasi me inicialet F. Z., 80 vjeç, banues në fshatin Çetë.

NJOFTIMI I POLICISE
Më datë 29.04.2024, rreth orës 04:50, në aksin rrugor “Pogradec-Qafë Thanë”, pranë fshatit Memëlisht, automjeti tip “Benz” me drejtues shtetasin D. Y., 46 vjeç, është përplasur me automjetin tip “Citroen” me drejtues shtetasin Y. M., 58 vjeç.

Për pasojë janë dëmtuar drejtuesi i automjetit tip “Citroen” 58-vjeçari Y. M., i cili ndodhet jashtë rrezikut për jetën dhe shtetasi F. Z., 80 vjeç, banues në fshatin Çetë, Devoll, pasagjer në këtë automjet, i cili për pasojë ndërroi jetë.

Shkaku paraprak i aksidentit dyshohet se ka qenë kalimi në korsinë tjetër të rrugës, duke mos mbajtur krahun e duhur të lëvizjes, nga ana e drejtuesit të automjetit tip “Benz” shtetasit D. Y.

Me drejtuesit e automjeteve po kryhen veprimet e mëtejshme procedurale. Grupi hetimor po punon për sqarimin e plotë të rrethanave të aksidentit.

Dashi

Venusi do vazhdoje të kujdeset ende për ju gjatë kësaj dite. Do kaloni momente të bukura, do ndiheni të pavarur dhe do shpreheni lirshëm për ato që mendoni. Nëse jeni në një lidhje duhet të gjeni sa më shumë kohë për ta kaluar me partnerin pasi ai vërtet do ketë nevojë për ju. Së bashku mund të zgjidhni edhe dilemat, por do mund ta kaloni edhe çaste të ngrohta. Ju beqarët duhet të jeni sa më të hapur për takime sepse kjo mund të jetë dita juaj. Në punë tregohuni të arsyeshëm dhe mundohuni të përshtateni edhe me kolegët edhe me projektet e reja. Buxhetin do e keni më shumë prioritet.

Demi

Sot do jeni më të ndërgjegjshëm për gabimet që keni bërë dhe do bëni gjithçka që t’i ndreqni ato sa më pare. Nëse jeni në një lidhje yjet do ju sigurojnë të jetoni në një klimë më të ngrohtë se kohët e fundit. Çastet intime do jenë edhe më të shumta. Nëse jeni beqarë do jeni më joshësit dhe më flirtuesit nga të gjithë kështu që askush nuk do ju qëndrojë dot indiferent. Në punë shpesh nuk do ndiheni në vendin që ju takon, por mirë është të mos e ngrini shumë zërin. Veproni gjithmonë me takt dhe diplomaci. Financat do kenë probleme të vogla, por po nuk i rregulluat situata ka rrezik t’iu përkeqësohet.

Binjakët

Saturni do e stabilizoje jetën tuaj sot dhe do ndiheni më në formë. Në çdo moment do merrni frymë lirisht. Nëse jeni në një lidhje, përkëdheljet dhe fjalët e ngrohta nuk do jenë të mjaftueshme për ta mbajtur partnerin pas vetes. Bëni akoma më shumë përpjekje për ta surprizuar atë e për t’ia mbushur zemrën. Për ju beqarët ndikimi i yjeve nuk do jetë shumë pozitiv kështu që nuk do ju ndodhë ndonjë gjë e jashtëzakonshme. Nëse në punë ju bëhet një propozim për ndryshim pozicioni duhet të mendoheni gjatë para se të jepni përgjigjen përfundimtare. Në planin financiar sido që të jetë situata mirë është që të shpenzoni me kujdes.

Gaforrja

Mërkuri dhe Urani do bëhen bashkë gjatë kësaj dite dhe do ua ndryshojnë tërësisht ditën. Në punë sidomos do keni më shumë fat. Gjithçka do jetë në avantazhin tuaj. Nëse keni një lidhje në mëngjes do e kritikoni partnerin për disa gjëra dhe atij mund t’i mbetet qejfi megjithatë pas mesditës gjërat do rregullohen. Do i kuptoni gabimet dhe do gjeni mënyrën më të mirë për të kërkuar falje. Ju beqarët më në fund do keni një takim serioz që do ua ndryshojë tërësisht jetën. Në punë do ju bëhen edhe propozime të jashtëzakonshme që nuk duhet t’i humbni. Dite me shumë fat për këtë plan. Paratë nuk do jenë të shumta, por të mjaftueshme.

Luani

Ambienti do jetë i tillë sot që do ju bëjë mjaft nostalgjikë. Në disa momente mundet edhe të mbylleni në vetvete. Nëse jeni në një lidhje gjatë gjithë kohës do ju pushtojë pesimizmi dhe nuk do doni të dilni nga shtëpia apo nga mjedisi ku ndodheni. Dëgjojeni partnerin dhe shoqërojeni atë atje ku do ju ftoje pasi do ndiheni më mirë. Ju beqarët do keni ide të gabuara për disa persona dhe do hidhni hapa të gabuara. Në punë nuk do mund t’iu realizohen të gjitha planet dhe ky do jetë si një dështim për ju. Sektorin e financave do e keni më tepër kujdes dhe do dini ta mbani situatën të stabilizuar.

Virgjëresha

Sot do i vini vetes qëllim për të ecur përpara dhe nuk do ndaleni për asnjë lloj arsyeje. Shokët e vjetër do keni mbështetje shumë të madhe. Nëse jeni në një lidhje do jeni të gatshëm të bashkëpunoni dhe të bëni tolerime për të mirën e përbashkët. Kritikat e partnerit mos i merrni fare për keq. Ju beqarët nuk do e realizoni dot sot takimin e jetës tuaj. Do jeni të stresuar dhe aspak ne humor për ta kërkuar dashurinë. Në punë do provoni një fushë të re që më parë nuk kishit guxuar dhe do zbuloni se keni më shumë aftësi nga sa mendonit. Në planin financiar intuita nuk ka për t’iu çuar në rrugë të gabuar.

Peshorja

Sot do kaloni një ditë tejet intensive dhe përgjithësisht pozitive, por nuk do mungojnë as momentet stresuese. Nëse jeni në një lidhje duhet t’i kushtoni më shumë vëmendje jetës në çift pasi po e latë pas dorë për jetën profesionale keni për t’u penduar rëndë. Nëse jeni vetëm do keni më shumë mundës për të realizuar takime nëse i dëgjoni miqtë dhe pranoni të dilni me personat që do ju njohin ata. Në punë do keni diskutime serioze me shefat dhe për ju do fillojë një etapë shumë më e begatë. Shpenzimet kryejini me sa më shumë maturi që të mundeni sepse po e lëshuar dorën do ju fillojnë problemet.

Akrepi

Hëna do jetë në kundërshti me Plutonin gjatë kësaj dite dhe ka rrezik që tensioni të mbizotërojë sidomos në rrethin shoqëror dhe atë sentimental. Nëse jeni në një lidhje sot do jetë dita më e favorshme për të dalë në një darkë e për të folur seriozisht. Duhet patjetër të sqaroni problemet serioze që keni pasur së fundmi. Duke i shtyrë edhe ë tepër situata do ndërlikohet. Ju beqarët do jeni të palogjikshëm dhe të paarsyeshëm prandaj mund të bëni gabime të njëpasnjëshme. Nëse në punë punoni me përkushtim dhe largpamës çdo gjë do ju shkojë më së miri. Financat nuk do jenë shumë keq.

Shigjetari

Urani do jetë planeti që do ju shoqërojë gjatë gjithë ditës sot dhe do ju sjellë gjallëri pafund. Do jenë të pakta momentet kur do ndiheni nervozë. Nëse keni një lidhje nuk do mund të qëndroni në një vend, por gjatë gjithë kohës do doni të bëni ndryshime dhe gjëra të reja. Partneri do ju bëjë të njihni një tjetër lloj pasioni që do e adhuroni pafund. Nëse jeni ende beqarët ka mundësi të keni dashuri platonike pa konkretizuar asgjë. Në punë nuk do ju mungojnë për asnjë çast energjitë dhe do i bëni të gjitha përpjekjet për të arritur sa më lart. Me shpenzimet do jeni shumë ë të matur dhe do dini t’i hidhni hapat me maturi.

Bricjapi

Planetë do ndikojnë pozitivisht tek jeta juaj sot dhe do ju bëjë t’i mendoni mirë fjalët para se t’i thoni. Ju të dashuruarit mund të jeni pak nervozë orët e para, por me kalimin e kohës gjendja do përmirësohet. Do e merrni gjithçka me optimizëm dhe do keni një pasdite të animuar. Ju beqarët duhet të dilni, të shkoni në vente të ndryshme dhe duhet të mos mbylleni në shtëpi. Vetëm duke vepruar kështu do mund të takoni persona interesantë. Në punë, strategjitë që do ndiqni dhe hapat që do hidhni do nxisin admirimin e të tjerëve. Edhe rivalët më të fortë do bëjnë një hap prapa. As buxheti nuk do jetë i keq sepse do dini t’i menaxhoni gjithë kohës të ardhurat tuaja.

Ujori

Fale planetëve sot do kaloni një ditë shumë të bukur dhe do merrni po aq sa do jepni. Nëse jeni në një lidhje do bëni gjithçka për partnerin pa e ditur se edhe ai po mendon gjëra gjigande për ju. Pasditja dhe mbrëmja do jenë me të vërtetë interesante. Nëse jeni në një lidhje sot do ecni me hapa më të shpejta drejt personin që keni filluar të pëlqeni. Në punë do fillojë të ndihet me shumë era e arritjeve, por ju nuk do doni ta besoni. Suksesi do jetë i garantuar. Buxheti nuk ka për të qenë i keq, megjithatë mirë është të ecni me plane kur të shpenzoni në mënyrë që edhe e nesërmja të jetë e mirë.

Peshqit

Ideja për të ndryshuar drejtim sot do bëhet edhe më ë fortë. Marsi do ju bëjë të reflektoni më gjatë para se të hidhni hapa. Nëse jeni në një lidhje mbyllja në vetvete për disa momente për te reflektuar për hapat që do hidhni do ju bëjë shumë mirë. Në fund të ditës priten surprizat më të mëdha. Për ju beqarët dita nuk ka për të qenë ekzaktësisht si e keni dëshiruar, por gjithsesi nuk do jetë aspak e keqe. Nëse jeni në kërkim të një pune prej kohësh sot më në fund do arrini ta gjeni atë. Nëse e keni një të tillë zhvillimet kanë për të qenë pozitive. Shpenzime mund të kryeni, por vetëm me llogari. 

Një 38-vjeçar është vrarë me armë zjarri mesditën e sotme në Duseldorf të Gjermanisë. Sipas mediave gjermane mësohet se autor është një shqiptar i Kosovës, i cili banon prej vitesh në Gjermani.

Viktima është pronar i një lokali dhe deri më tani dyshohet se vrasja ka ndodhur për motive banale.

Shqiptari është arrestuar në vendngjarje nga forcat e policisë. Pasi ka kryer vrasjen, ai është larguar, por u rikthye më vonë në lokal duke kërcënuar këdo që ishte atje.

Prokurorët e ngjarjes do japin më shumë informacion ditën e nesërme, pasi janë duke grumbulluar të gjitha provat.

Nuk dihet nëse viktima dhe autori kanë pasur njohje më herët.

Një aksident i rëndë është regjistruar ditën e sotme në Shirokë të Suharekës ku mësohet se kanë vdekur dy persona.

Mediat në Kosovë raportojnë se në aksident janë përfshirë një motoçikletë dhe një makinë.

Drejtori i Policisë në Prizren, Faton Aliu ka raportuar se dy të vdekurit kanë qenë në motoçikletë, ndërsa shoferi i makinës është dërguar për të marrë ndihmë mjekësore në Spitalin e Prizrenit.

“Një aksident mes një veture dhe një motori ka ndodhur në Shirokë të Suharekës. Janë dy viktima që kanë qenë në motor. Vozitësi i veturës po merr ndihmë shëndetësore në Spitalin e Prizrenit”, ka deklaruar ai.

Një ngjarje e rëndë dhe alarmante njëkohësisht u raportua të ketë ndodhur dje në qytetin e Vlorës, ku një shtetas duke kanosur disa të mitur, në zonën e Lungomares, Vlorë.

Vetëm sot është bërë i mundur arrestimi i 30-vjecarit që mësohet se vuan nga sëmundje të shënbdetit mendor

Reagim i Drejtorisë Vendore të Policisë Vlorë

Në lidhje me një video të publikuar në rrjete sociale, ditën e djeshme, në të cilën shfaqet një shtetas duke kanosur disa të mitur, në zonën e Lungomares, Vlorë, ju informojmë se:

Strukturat e Komisariatit të Policisë Vlorë, menjëherë kanë kryer verifikimet dhe kanë bërë të mundur identifikimin e shtetasit A. M., lokalizimin e tij, ditën e sotme, rreth orës 12:30, në zonën e Lungomares dhe shoqërimin në ambientet e Komisariatit.

Në përfundim të veprimeve procedurale u referuan materialet në Prokurori dhe nisi procedimi penal për shtetasin A. M., 30 vjeç, banues në Vlorë.

Në cilësinë e provës materiale u sekuestrua një mjet prerës (biçak), që iu gjet 30-vjeçarit, gjatë kontrollit fizik.

Shtetasi A. M. është dërguar në spitalin psikiatrik Vlorë, për trajtim mjekësor, sepse vuan nga sëmundje mendore.

Drejtoria Vendore e Policisë Vlorë falënderon median dhe qytetarët për denoncimin e paligjshmërive dhe i fton ata që të vijojnë të denoncojnë në numrin 112, duke iu garantuar anonimat të plotë, reagim të menjëhershëm dhe të paanshëm.

Mikel Shabani 30 vjeç teksa la pas qelinë e burgut në Drenovë u gjend i vetëm pasi askush nuk kishte shkuar për ta pritur.

Ai tregon se kjo nuk ishte hera e parë që burgosej pasi është i dënuar për të disatën herë për vjedhje ndërsa thotë se nuk e ka takuar asnjëherë djalin e tij që tani është 18 muajsh.

Mikeli thotë se është rritur në një familje me probleme dhe vjedhjet i ka bërë për shkak të situatës së vështirë ekonomike por vuajtjen e dënimit këtë herë e ka pasur më të vështirë pasi u bë prind .

Ndërsa tregon për vështirësitë me të cilat është përballur në burg 30-vjeçari thotë se tani është i gatshëm të punojë edhe pse duket skeptik për mundësitë që do t’i ofrohen./Top Channel

Shibian është 20 vjeç nga India dhe ka ardhur për të ndjekur arsimin e lartë për infermieri në shqipëri. Me vizë studenti, ai është pranuar në vendin tonë dhe për të përballuar jetesën ai punon part-time në një bar si ndihmës banakier.

“Është më e përballueshme jeta këtu, më lirë se në Indinë jugore ku jetoja. Dëgjova për Shqipërinë në një agjensi universitare në Indi dhe më ndihmuan për të fituar të drejtën e studimit. E vlerësova si mundësi të mirë, programin mësimor e kam nga ora 9 deri në 17:00, e më pas vij në punë. Dua t’ia arrij t’ia dal në jetë me forcat e mia!”

Studenti 20-vjeçar tregon se gjetja e punës ishte e lehtë për të; për shkak edhe të afrimit të sezonit veror turistik.

“Punën e gjeta në një njoftim Instagrami. I kontaktova. U paraqita dhe më thane: Mund të fillosh që nesër. Më duken shumë më mikpritës se në vende të tjera”.

Për Sipërmarrësin Ilir Dushkaj që ka përzgjedhur studentin indian në staf, nuk ka diferencime në etnitetet që përfaqësojnë. Me të njëjtën filozofi sic ka emigruar ai vetë në Itali, e sheh edhe punësimin e aziatikëve, të cilët mendon se nuk duhen paragjykuar.

“Unë mendoj që tani edhe falë turizmit, edhe falë shumë investimeve të reja, hoteleve të reja që hapen e kërkesa për staf patjetër që rritet kështu që kemi të gjithë nevojë. Vijnë të huajt e shikojnë që këtu ka po te huaj që vijnë punojnë ne Shqipëri e që i bën të ndihen e të thonë “wow, edhe Shqipëria ka arritur në këto nivele që të marr punonjës nga jashtë, nuk mjaftojnë vetëm shqiptarë. Rrit prestigjin. Është një grup që dikush punon 6 orë, të nesërmen e ka lirë se ka shkollë, duket sikur unë ndihmoj ata por edhe ata mua se më kanë plotësuar boshllëqe!” tha ai.