Category: Lajme

Jetmir Salaj, ka bërë reagimin e parë pasi ndërpreu garën e tij në “Big Brother VIP 3”, duke akuzuar produksionin se e kanë cencuruar.

Me anë të një postimi në rrjetet sociale, ish-banori shprehet se sipas tij, i është mohuar një e drejtë ekzistenciale, që ai të vendoste vetë se si do ta luante lojën në shtëpi.

Ndër të tjera ai thekson se vendosi të largoje nga loja, “nën kushtet e një trysnie psikologjike të tmerrshme”.

“Të dashur miq, siç ju e patë edhe në Prime-n e kaluar, mua mu mohua një e drejtë ekzistenciale, pasi në të gjithë të drejtën e botës, qoftë edhe të këtij formati, me rregulla dhe me rregullore po deshët, nuk mund t’i mohohet e drejta një lojtari të vendosë të bëjë lojën si ta dojë ai.

Në vazhdën e të drejtave të mohuara, të para gjithmonë në opinionin dhe perceptimin tim, unë ndjeva një censurë ndaj meje dhe nën kushtet e një trysnie psikologjike të tmerrshme, vendosa të largohem nga loja. Nëse juve ju duket që gjykimi i “Big Brother” është i drejtë, atëherë kjo është Shqipëria tjetër”, thotë ai.

Kujtojmë se gjatë spektaklit, një natë më parë, Jetmiri tha se ka vendosur që të mos largohet nga gara. Ai tha se do ta vijonte qëndrimin në shtëpi, por pa folur me banorët.

“Kam marrë një vendim të habitshëm, kam vendosur që këtë respekt që më është dhënë nga ju dhe publiku ta vazhdoj këtë rrugëtim, por pa folur me banorët”, tha ai.

Por, Vëllai i Madh nuk e pranoi vendimin me kusht të Jetmirit, kështu që ai ndryshoi mendje dhe vendosi të ndërpriste garën përfundimisht.

Në studio,ai tha se iu bë qyqi publik, por pa dhënë detaje se për çfarë e kishte fjalën.

“Të gjitha veprimet e mia kanë ardhur në proporcion të asaj që kam ndjerë. Kam protestuar në mënyrën time që ajo që bëhet nuk është e drejtë, preferova të largohen. M’u bë gjyq publik. E mira vendimin, falemindrit për mundësinë”, tha ai.

Ditën e sotme duke realizuar emisionin e “TAR” Meritoni dhe Romeo të gjendur vetëm të dy duket se kanë reflektuar.

Ata kanë treguar se e kanë tepruar të dy dhe i kan? kërkuar falje njëri-tjetrit. Më tej ata janë ngritur e përqafuar duke treguar se kanë lenë hatërmbetjet.

Rikujtojmë se Meritoni dhe Romeo kanë qenë miq por brenda shtëpisë patën probleme të cilat kaluan në debate.

Meritoni: Ta përdorim për mirë, të jemi te qetë kur kemi bashkëbisedim e të mos mendojmë se tjetri e ka në mënyrë tendencioze.

Romeo pajtohet që brenda shtëpisë kanë reaguar ndryshe, duke marrë zjarr për një fjalë goje.

Meritoni: Të kërkoj ndjesë se ndoshta në momente të caktuara janë tejkaluar gjërat…

Romeo: E kemi tepruar dhe mendoj se kemi gabuar të dy… Por, këto janë situata që ndodhin në shtëpi e do të më vij keq që do t’i shoh kur të dal jashtë. Nga gabimet duhet të mësojmë të jemi të kujdesshëm e të kërkojmë falje. Por, presioni këtu brenda është shumë i lartë. Për shkak të tij, fjalën e fundit e thua të parën. Gjithmonë duhet të fitojë dashamirësia e jo loja ndaj njëri-tjetrit.

Të mendojmë për të ardhmen se çfarë ka ndodhur, ka ndodhur… nuk e ndryshojmë dot.

Juli dhe Egla kanë pasur një bisedë mes tyre në “Big Brother Radio”, ku kanë folur për disa tema.

Ndërkohë biseda mes tyre nuk ka kaluar pa batuta dhe pa humor.

Pjesë nga biseda:

Egla: O Jul po si ia bën pa u shkrydhur tre muaj?

Juli: Katastrofë! Në jetën time nuk jam i pirur drejt këtyre gjërave

Egla: Nuk je shkrydhës?

Juli: Nuk jam ndonjë shkrydhës i madh, jam një shkrydhës normal, tradicional

Një aksident i rëndë ka ndodhur mëngjesin e sotëm në Gjermani, kur një autobus me 73 studentë ka dalë nga rruga dhe është përmbysur. Mediat gjermane bëjnë me dije se autobusi po udhëtonte drejt Dortmundit.

Sipas policisë, në autobus ndodheshin kryesisht studentë (14-15 vjeç) nga Marburgu ( Hesse ) dhe disa persona shoqërues.

Grupi i turneut ishte rrugës për në Angli kur autobusi dykatësh doli papritur nga rruga pranë Olpes për arsye ende të panjohura dhe u përmbys.

Nga aksidenti kanë mbetur të plagosur 27 të rinj, katër prej tyre në gjendje të rëndë, të cilët janë dërguar në spital.

Lëndime të lehta ka pësuar edhe drejtuesi i autobusit, 54 vjeç Policia tha se për momentin nuk mund të jepet informacion për shkakun e aksidentit.

Piktura e famshme e Leonardo Da Vinçit është gjallëruar falë Inteligjencës Artificiale të Microsoft!Teknologjia nëpërmjet së cilës mund të animoni foto ose imazhe quhet Vasa-1. Njerëzit në foto këndojnë ose flasim me shprehje pothuajse perfektë të fytyrës dhe të buzëve.

Vasa-1 nuk është e hapur për tu përdorur nga publiku.

Microsoft ka publikuar disa video, siç është edhe ajo e Mona Lisës, e cila këndon rap tekstin ‘Paparazzi’, një këngë rap nga aktorja Annna Hathaway, për të treguar aftësitë e modelit të inteligjencës artificiale.

Dashi

Dash i dashur, edhe nëse Dielli ju braktis, ju jeni sërish ndër shenjat më të përkëdhelura nga yjet, sipas horoskopit të javës nga 22 prilli deri më 28 prill 2024. Në veçanti, të gjitha iniciativat tuaja të punës janë të destinuara për të pasur sukses, prandaj përveshni mëngët dhe shpërfaqini idetë tuaja, edhe sepse është momenti i duhur për të qenë sa më krijues.

Demi

Të dashur Dema, pas disa javësh të vështira, më në fund nis sezoni i favorizimit tuaj. Përveç Diellit, Jupiteri do të vazhdojë t’ju mbështesë edhe për disa kohë. Kjo do të thotë se të gjitha përpjekjet dhe angazhimi juaj do të shpërblehen mirë, gjithçka që duhet të bëni është të keni besim te vetja dhe t’i përkushtoheni me entuziazëm projekteve tuaja. Suksesi, më në fund, është i garantuar.

Binjakët

Të dashur Binjakë, kjo pranverë ju gjen në formë të shkëlqyer dhe të vendosur që të rikuperoni forcat, që të ndiheni më mirë fizikisht dhe mendërisht, sidomos pas një gjendjeje jo dhe aq të mirë shëndetësore. Keni ndër mend të nisni një projekt të ri, prandaj po shqyrtoni të gjitha mundësitë përpara se të ndërmerrni këtë iniciativë.

Gaforrja

Të dashura Gaforre, më në fund një lajm i mirë po vjen edhe për ju nga horoskopi i javës në vijim. Keni pasur disa zënka me të dashurin apo edhe keqkuptime në familje, por duke pasur parasysh javët e vështira të fundit, tashmë ju është kalitur durimi dhe jeni bërë më të kuptueshëm. Në punë do të ndiheni më të motivuar.

Luani

Të dashur Luanë, yjet ndriçojnë qiellin tuaj, duke ju favorizuar në aspektin profesional, duke ju bërë më kreativë dhe duke ju nxitur që të keni ide, falë të cilave do të shkëlqeni në vendin tuaj të punës. Bëni kujdes, megjithatë, sepse yjet ju shikojnë gjithashtu në pozicion lufte kundër të gjithë atyre që mendoni se duan t’ju pengojnë. Mundohuni të mos harxhoni energji më kot dhe të shmangni konfliktet e panevojshme, keni shumë qëllime të tjera për të arritur.

Virgjëresha

Të dashura Virgjëresha, horoskopi për javën nga 22 prilli deri më 28 prill 2024 ju sheh ende mjaft nervozë dhe të padurueshëm, si dhe të pavendosur në lidhje me atë që duhet të bëni, veçanërisht në fushën e punës. Ndoshta nuk mund të toleroni më një situatë që është e vështirë për ju dhe kështu përpiqeni të përballeni me realitetin, duke vlerësuar të gjitha të mirat dhe të këqijat, në mënyrë që më pas të zgjidhni çfarë të bëni, pa u penduar.

Advertisements

Peshorja

Peshore të dashura, do të vazhdoni edhe përgjatë këtyre ditëve të keni vështirësi në komunikim me të tjerët, si me partnerin edhe me të afërmit e tjerë. Megjithatë, sipas horoskopit të javës në vijim, më e keqja ka mbaruar. Pas disa javësh konfuzioni të madh, më në fund do t’i keni idetë më të qarta.

Akrepi

Të dashur Akrepa, yjet ju këshillojnë të bëni kujdes dhe të mos e mbingarkoni veten, që të mos përfundoni të sfilitur. Ky është një moment shumë i mirë për ju, pasi Marsi ju favorizon. Megjithatë, angazhimet e akumuluara prej kohësh mund të ndikojnë që t’ju krijohen vonesa, prandaj planifikojini gjërat mirë, në mënyrë që t’ia dilni mbanë.

Shigjetari

Të dashur Shigjetarë, keni përjetuar një periudhë vërtet entuziazmuese, plot stimuj, ide, iniciativa, aventura dhe projekte emocionuese, që ju kanë rikthyer motivimin për të cilin keni pasur nevojë, sidomos në sferën e punës. Tani mund të shijoni rezultatin e përpjekjeve tuaja, duke pasur respektin e bashkëpunëtorëve, eprorëve dhe kolegëve. Do të merrni kënaqësi të mëdha, që i meritoni plotësisht.

Bricjapi

Të dashur Bricjapë, Dielli në shenjën e Demit do të ndikojë që të ndiheni më të sigurt në vete. Horoskopi i javës në vijim ju sheh të ktheheni në qendër të vëmendjes dhe më aktivë se kurrë. Në fakt, gjithçka do të shkojë më së miri, si në sferën e punës, për shkak të së cilës keni vuajtur shumë së fundmi, edhe në familje, ku do të rikthehet harmonia pas stuhive të shumta. Me pak fjalë, shumë lajme të mira për ju.

Ujori

Të dashur Ujorë, horoskopi i javës nga 22 deri më 28 prill 2024 ju sheh të vendosur për të bërë plane për të ardhmen. Këto ditë, me gjithë entuziazmin tuaj të madh, ndoshta do të ketë një ngadalësim të papritur në mbarëvajtjen e punëve tuaja, por merreni si një ftesë për ta ulur pak ritmin, pasi kështu rrezikoni të stresoheni, ndaj mos e teproni.

Peshqit

Të dashur Peshq, ju keni në krah një kor planetësh që ndriçojnë rrugën tuaj si në aspektin shoqëror edhe në atë profesional. Nëse doni të kërkoni rritje rroge, diskutoni mundësinë e lidhjes së një kontrate të re, dilni vullnetarë për zbatimin e një projekti të ri. Yjet ju ftojnë që të mos hezitoni, por largoni ndrojtjen dhe tregoni cilësitë tuaja më të mira.

Vijon moti i paqëndrueshëm në Shqipëri për shkak të rrymave Arktike që po ushtrojnë aktivitetin e tyre në Mesdhe.Teksa pjesa më e madhe e territorit të Shqipërisë është përfshirë nga reshjet e shiut shoqëruar edhe me rrebeshe, në lartësitë mbi 1000 metër mbi nivelin e detit janë rikthyer reshjet e borës.

Situata është e tillë në askin Bogë-Theth, ku dy mjete borëpastruese janë në terren për të mbajtur rrugën e hapur. Në këtë aks lëvizet me goma dimërore.

Në qarkun Kukës në lartësitë mbi 1 mijë metër mbi nivelin e detit kanë rinisur reshjet e borës. Në Fierzë niveli i ujit ka arritur në 294 m, 2 metër larg nivelit maksimal.

Në Korçë reshjet e shiut në lartësitë mbi 1400 metër i ka lënë vend dëborës, ndërsa nuk raportohen problematika.

Në Fushë Arrëz, trashësia e dëborës shkon ne 30 centimetër. Edhe Puka është mbuluar nga dëbora, ku trashësia në qytet shkon deri në 15 centimetra.

Edhe qarku i Elbasani është përfshirë nga reshjet e dendura të shiut, ndërsa zonat malore janë zbardhur nga dëbora. Reshjet më të shumta të dëborës janë regjistruar në Qendrën Administrative të Steblëves në bashkinë e Librazhdit, ku ndodhet edhe Parku Kombëtar i Shebenikut që është zbardhur totalisht, duke ofruar pamje mahnitëse.

Autoriteti Rrugor Shqiptar (ARRSH) bën me dije se mjetet borëpastruese janë në terren dhe po punojnë për pastrimin e rrugës dhe shpërndarjen e kripës. Qarkullimi kryhet pa probleme.

ARRSH këshillon shoferët që të lëvizin me shpejtësi të reduktuar, të përdorin goma dimërore, në zonat me reshje bore, të respektojnë sinjalistikën rrugore, si dhe të ndjekin udhëzimet e Policisë Rrugore.

Në Suedi vendosën të shpërblejnë qytetarët që raportojnë parkim të paligjshëm.

Është një aplikacion që banorët e qytetit suedez të Uppsala mund ta përdorin për të raportuar parkimin e paligjshëm, pas së cilës do t’u paguhet një tarifë, sipas Euronews dhe mediave suedeze.

Krijues i aplikacionit është kompania Scout Park, dhe mund të përdoret nga të gjithë suedezët mbi 16 vjeç që kanë numër të sigurimeve shoqërore.

‘Duke përdorur aplikacionin, qytetarët mund të ndihmojnë rojet e parkingut për të gjetur persona që nuk respektojnë rregullat e parkimit në komunitet‘, tha kreu i kompanisë Erik Englund për revistën gjermane “Der Spiegel”.

Këto janë hapësira parkimi në qytet të menaxhuara nga një operator privat.

Sipas ‘Der Spiegel’, pasi një përdorues zbulon një automjet të parkuar ilegalisht në zonën në fjalë, ai ose ajo mund ta regjistrojë atë me celularin e tij dhe ta raportojë atë nëpërmjet aplikacionit. Pas kësaj, ai merr një mesazh se rojet komunale janë duke shkuar për në lokacion.

Nëse veprimi rezulton që pronari i makinës të marrë një biletë parkimi, sinjalizuesi do të marrë një bonus prej 100 korona suedeze, që është rreth nëntë euro./abcnews.al

Moti i keq i shoqëruar me reshje shiu dhe dëbore pritet të vijoj deri në fund të muajit prill. Meteorologu Hakil Osmani tha se fillimi i kësaj jave do të shënoj një përmirësim momental të kushteve atmosferike ndërsa  nga e dita e martë dhe në vijim do të ketë reshjet të dëborës në veri dhe reshje shiu në jugperëndim

Temperaturat e regjistruara në vend gjatë këtyre ditëve rezultojnë se janë disa gradë nën normalen për këtë periudhë

Problematike parashikohet të jetë dhe era në vijën bregdetare do të jetë problematike, duke pritur që të kemi herës pas here problematikat e përkohshme për sa i përket trafikut detar./abcnews.al

Isuf Mehmeti është 17-vjeçari që u aksidentua për vdekje mbrëmjen e kaluar në dalje të Fushë-Krujës, në lagjen “Bakushe Visha”.

I riu ishte duke kaluar vizat e bardha, kur u përplas nga një mjet tip “Hyundai” që po lëvizte me shpejtësi tej normave të lejuara.

Për shkak të shpejtësisë, makina ka marrë zvarrë të miturin për rreth 50 metra, duke bërë që viktimës t’i bien nga xhepat sendet personale por edhe një këpucë nga këmba.

Pas aksidentit policia arrestoi edhe drejtuesin e mjetit, ndërsa vijon puna për zbardhjen e rrethanave të aksidentit.

Njoftimi i policisë:

Rreth orës 21:30, në Fushë Krujë, automjeti me drejtues shtetasin A. K., ka aksidentuar me pasojë vdekjen një të mitur 17 vjeç. Shtetasi A. K. është shoqëruar në komisariat për veprime të mëtejshme, ndërsa grupi hetimor ndodhet në vendngjarje dhe po punon për sqarimin e rrethanave të aksidentit.