Category: Lajme

Mesditën e sotme një aksident ka ndodhur në afërsi të rrethrrotullimit të Kolonjës, në rrugën Lushnjë-Fier.

Një makinë e tipit ‘Benz’ ka çarë dy barrierat dhe ka përfunduar në kanalin anësor të rrugës. Drejtuesi i mjetit është dërguar me urgjencë në spital ku është nën kujdesin e mjekëve.

Policia ndodhet në vendin e ngjarjes ndërsa ekspertët pritet të kryejnë procedurat për të zbardhur shkaqet e këtij aksidenti.

Nga të dhënat paraprake dyshohet se drejtuesi i mjetit ishte me shpejtësi tepër të lartë dhe nuk ka frenuar duke marrë para dy barrierat e hekurta.

Sot, më 29 mars 2024, dollari amerikan blihet me 95 lekë dhe shitet me 96.9 lekë.

Euro blihet me 102.5 lekë dhe shitet 103.4 lekë.

Franga zvicerane këmbehet në blerje me 104.9 lekë, ndërsa në shitje me 106 lekë.

Paundi britanik blihet me 119.7 lekë dhe shitet me 120.7 lekë.

Dollari kanadez sot në blerje këmbehet me 69.7 lekë, ndërsa në shitje me 71 lekë.

Më poshtë, po sjellim të dhënat e këmbimin valutor, për të gjitha monedhat e huaja:

Mbrëmjen e djeshme, avokat Andrea Zotaj pjesë e Dhomës së Avokatisë, Gjirokastër, i ka shpëtuar mrekullisht një atentat i kryer në Memaliaj.

Ngjarja ka ndodhur në rrugën e vjetër te fshatit Qesarat, teksa avokat Zotaj i shoqëruar nga nipi i tij, ishin duke shkuar në zonë me autoveturën e tyre.

Ndërsa u kishte zënë pritë Fatos Lamaj 36-vjeç, nga fshati Ane Vjosë Njësia Administrative Qesarat Bashkia Memaliaj.

ipas avokatit Zotaj, Lamaj i kishte zënë pritë për t’a ekzekutuar, por fati ka qenë me avokatin i cili përmes një manovrimi të rrezikshëm të automjetit që drejtonte, arriti t’i shmangej goditjeve të plumbave të shkrehura nga ana e agresorit Lamaj.

Avokati Zotaj, është shprehur se ngjarja ka qenë për shkak te detyrës, pasi 2 netë më parë agresori ishte kapur nga policia dhe ishte mbajtur 1 dite ne paraburgim duke e liruar më pas, për shkak të një konflikti me një të afërmin e tij.

Pasi kishte dalë nga paraburgimi, Lamaj rrëmbeu automatikun duke i zënë pritë avokatit. Pasi i ka shpëtuar ekzekutimit, avokati Zotaj ka denoncuar në Stacionin Policor ngjarjen e më pas grupi hetimor, ka shkuar në vendngjarje ku ka gjetur gëzhojat e shkrehura nga kallashnikovi, e më pas ka bërë të mundur arrestimin e agresorit Lamaj.

Pak më parë, dy tërmete të fuqishme janë ndjerë në Greqi. I pari ishte me magnitudë 5.2 i shkallës Rihter dhe i dyti 5.7.

Epiqendra e saktë ndodhet 25 kilometra në lindje të Strofades. Banorët e zonës kanë dalë në rrugë për arsye sigurie.

Sipas matjeve të Qendrës Sizmologjike Euro-Mesdhetare, epiqendra ka qenë në zonën detare, 36 kilometra në perëndim të Filiatra, Messinia.

Termetet e forta janë ndjerë edhe në ishullin e Kretës. Nga goditjet e tërmeteve nuk raportohet për persona të lënduar.

Dashi

Kjo ditë do ju gjejë më produktiv dhe krijues, qoftë në sferën profesionale edhe në atë sentimentale. Gjatë kësaj të premteje, mund të nxirrni konkluzionet e duhura, sa i takon zgjedhjeve që keni bërë në të kaluarën.

Demi

Duhet të jeni të gatshëm për të ndryshuar disa parametra nga rutina juaj e përditshme, me qëllim arritjen e një objektivi të ri. Kjo është një periudhë që favorizon transformimet e mëdha dhe që do ju lejojë që të gjeni forcën dhe gjallërinë që ju duhet.

Binjakët

Do të keni mundësi që të merrni të reja të mëdha në sferën profesionale dhe kjo gjë do ju lejojë që të vlerësoni më mirë projektet tuaja dhe aktivitetet e reja për këtë verë. Në dashuri do të jeni tejet romantikë dhe të sigurtë në ndjenjat tuaja.

Gaforrja

Jeni mjaft të mërzitur, ndoshta për shkak të mungesës së stimujve, ku së fundmi e shihni veten mjaft dembel dhe të përhumbur në mendime. Megjithatë kjo e premte, premton të rena interesante sa i takon takimeve dhe jetës sentimentale.

Luani

Kjo periudhë nuk ju lejon që të guxoni tepër dhe gjithçka për shkak të një sërë çështjesh të pazgjidhura, të cilat duhet ti trajtoni me kujdesin maksimal. Në raport me partnerin duhet të jeni më të kuptueshëm dhe arsyeshëm, pasi në të kundërt rrezikoni shumë.

Virgjëresha

Gjatë kësaj dite duhet të jeni më të hapur ndaj partnerit/es tuaj, sidomos nëse gjatë javëve të fundit keni tentuar që të zgjidhni disa situata të tensionuara të mbetura pezull. Favorizohen çështjet që kanë të bëjnë me paratë.

Peshorja

Parashikohet një ditë e qetë dhe relaksuese, e cila do ju lejojë që të jetoni më qetësisht të gjitha raportet tuaja ndërpersonale. Tregohuni të besueshëm ndaj bashkëpunëtorëve tuaj, pasi realizimi i një projekti të ri ka nevojë për mbështetjen e të gjithëve.

Akrepi

Kjo e premte do të jetë mjaft e favorshme për të nisur një fazë të mbushur me aventura dhe rreziqe, të cilat do të kapërcehen për të arritur një qëllim. Jini më shumë kurajozë dhe mos u druani të përballeni me frikërat tuaja.

Shigjetari

Kjo ditë do të jetë mjaft frenetike nga pikëpamja profesionale, ku do të ndiheni gati për tu përballur me negociata të mëdha. Edhe në dashuri po jetoni një periudhë shumë interesante, e cila do të favorizojë zgjedhjet e duhura.

Bricjapi

Kjo do të jetë një e premte shumë produktive e cila do ju lejojë që të nxirrni në pah kapacitetin tuaj drejtues. Do të jeni shumë impulsiv dhe kjo gjë do ju lejojë që të zhbllokoni disa situata, sidomos në dashuri. Megjithatë duhet të tregoheni shumë të kujdesshëm me fjalët që do të thoni.

Ujori

Mundohuni që të mos lodheni shumë, pasi së fundmi do të ndiheni të sforcuar, vetëm e vetëm për të arritur objektivat tuaja në vendin e punës. Duhet të keni më shumë besim në kapacitetin tuaj, pasi intuita juaj nuk do ju zhgënjejë. Kjo e premte favorizon takimet e reja.

Peshqit

Do të jeni të gatshëm që të kaloni më shumë kohë me familjen dhe partnerin/en. Gjatë kohëve të fundit keni qenë të dekurajuar në punë dhe në raportet ndërpersonale. Disa çështje burokratike, duhen përballuar me kujdesin maksimal.

E ndërsa emri i ish-presidentit Ilir Meta mbetet ndër emrat më të lakuar se fundmi në dyert e SPAK për shkak të akuzave te shumta për përfshirjen në afera të rënda korrupsioni siç janë : fshehja e të ardhurave, korrupsion pasiv dhe aktiv, pastrim parash, shpërdorim detyre, fshehje pasurie, mospagim taksash etj, duket se presidenti nga krahu tjetër është shumë i qetë.

Këtë e vërteton edhe aktiviteti i lartë i tij nëpër rrjete sociale i këtyre ditëve të fundit me foto dhe video në stërvitje apo duke hipur në shtylla tensioni të larta duke treguar se është në “Top” forme. Sot Meta ka publikuar një foto në Facebook me qenushin e tij “Mogi” ku duken të dy të lumtur dhe aspak të shqetësuar për situatën në te cilën ndodhet.

Madje ai nuk ka nguruar tu kthejë edhe përgjigje “pikante” qytetarëve.

Teksa një qytetar i ka komentuar tek fotoja në fjalë se : “ Ai nuk të njeh se kush je është një qenie e pafajshme ta di që ke vjedh thesarin e shtetit dhe ai shok që të ka ngel s’do të afroheshe,” nga krahu tjetër presidenti i është përgjigjur me fjalët : “Sa rëndë qenke shoku patronazhist. Të shkuara dhe kurajo”. A është kjo vallë njëformë, një mënyrë për të treguar se ai nuk ka asgjë për tu shqetësuar apo po shijon deri në limite ditët e fundit si qytetar i lirë?Kjo mbetet për tu parë pas vendimit te Gjykatës.

SPAK ka lëshuar sot 9 urdhër ndalimi për 9 zyrtarë dhe ish zyrtarë të Bashkisë së Tiranës, ndër ta edhe 4 drejtorë dhe ish-drejtorë të rëndësishëm si Mariglen Qato, Taulant Tusha dhe Redi Molla.

Ndërsa për Deborah Keçin, e cila mban postin e drejtores së Klubit Sportiv Tirana, SPAK ka dhënë masën detyrim paraqitje si dhe kërkon pezullimin e saj nga posti që mban.

SPAK e akuzon Deborah Keçi për favorizimin e kompanive “V.A.S Konstruksion sh.p.k” e njëjtë me “5D Konstruksion” sh.p.k, të cilat kanë “de fakto” pronarë dy nga ish-drejtorët Qato dhe Molla.

“Së pesti, nga hetimet e kryera është provuar edhe fakti se shtetasja D.K. (Deborah Keçi) në cilësinë e titullarit të autoritetit kontraktor Klubi Sportiv “Tirana”, ka favorizuar në një procedurë prokurimi operatorin ekonomik “V.A.S Konstruksion sh.p.k” e njëjtë me “5D Konstruksion” sh.p.k, duke i krijuar avantazhe dhe privilegje të padrejta, si dhe duke e shpallur fitues në mënyrë të parregullt. Shtetasja D.K. ka pasur komunikime direkte me shtetasin N.M. administrator i shoqërisë “5D Konstruksion” sh.p.k dhe vlerësimin e ofertave të pjesëmarrësve në tender e kanë bërë vetë punonjës të shoqërisë “5D Konstruksion” sh.p.k, duke i dhënë titullari i autoritetit kontraktor shtetasit N.M user-at e anëtarëve të KVO-së”, njofton SPAK.

Nga një vëzhgim në rrjetet sociale, ajo që të bie menjëherë në sy është profili i Deborah Keçit i mbushur me fotografi që të kujtojnë fëmijët e familjeve miltimiliardere evropiane.

Ajo shihet teksa bën një jetë luksoze, të mbushur me udhëtime nga më ekzotiket si dhe duke praktikuar herë pas here pasionin e saj për sportin e notit dhe skive.

Ajo gjithashtu ka qenë shpesh e ftuar në emisione të ndryshme në ekranet e televizioneve shqiptare.

“Caktimin ndaj personit nën hetim D.K (Deborah Keçi). të masave të sigurimit “Detyrim për tu paraqitur në policinë gjyqësore”, të parashikuar nga neni 234 i K.Pr.Penale dhe “Pezullimi i ushtrimit të një detyre a shërbimi publik”, të parashikuar nga neni 242 i K.Pr.Penale, duke e pezulluar nga funksioni publik “Drejtor” në “Klubin Sportiv Tirana”, pranë Bashkisë Tiranë, e dyshuar për kryerjen e veprës penale “Shkelja e barazisë së pjesëmarrësve në tendera apo ankande publike”, të parashikuar nga neni 258 i Kodit Penal, sipas përmbajtjes së kësaj dispozite para ndryshimeve të kryera me ligjin nr.43/2021, datë 23.03.2021”, thuhet në njoftimin e SPAK për masën ndaj Keçit.

Sulmi ndaj një oficeri Policie që u njoftua si një konflikt banal me fqinjin, në fakt ishte një sulm i mirëfilltë kriminal që kishte si qëllim vrasjen e tij.

Admir Okaj, aktualisht shef i rendit të Gramshit, rezulton të jetë goditur 3 herë me thikë pas shpinë, dy herë në qafë dhe një herë në shpatull.

Ngjarja ndodhi të hënën në zonën e “Zdrales” në Shkodër dhe Policia tha se pas disa orësh autori, Ormir Gucia u arrit të arrestohej.

Janë siguruar pamjet e një kamera sigurie që ka fiksuar momentin e sulmit.

Siç shihet nga këto pamje, oficeri Admir Okaj është duke biseduar me dy vajza, që pas saktësimit rezultoi të jenë mbesat e tij dhe në një moment, një person i maskuar me kapele dhe me syze vjen me vrap drejt tij dhe e godet disa herë me një objekt të fortë nga mbrapa.

Okaj vetëmbrohet dhe nxjerr nga brezi një pistoletë që fillimisht ia drejton autorit, me qëllim për ta neutralizuar, më pas e godet në kokë me tytën e armës.

Admir Okaj pasi merr mjekim në spital, jep edhe dëshminë e tij. Kjo ngjarje është referuar në Prokurori si vrasje e mbetur në tentativë.

Sipas burimeve nga Policia e Shtetit, ngjarja dyshohet të ketë lidhje me detyrën e oficerit Admir Okaj, i cili më parë ka qenë pjesë e FNSH-së së Shkodrës, ku ka shërbyer për 23 vjet.

Departamenti i Policisë Kriminale ka një dosje lidhur me kërcënimet që ai ka marrë gjatë detyrës së tij nga grupi Bajri. Madje edhe ngjarja e së hënës shihet si një hakmarrje për shumë arrestime e shoqërime që ai ka kryer.

Në vitin 2000 ka arrestuar për armëmbajtje pa leje edhe biznesmenin Pëllumb Gjoka, i arrestuar gjatë operacionit Metamorfoza, bashkë me anëtarë të grupit Bajri.

Një shqiptar i Kosovës ka humbur jetën tragjikisht në Itali në vendin e punës.

Mësohet se 52-vjeçari humbi jetën pasi u shtyp nga një ngarkesë, ndërsa po punonte në kantierin e shtëpisë së të moshuarve.

Mediat italiane raportojnë se Nazmi Morina po përdorte një vinç të vogël, duke lëvizur materialin, kur ngarkesa u lirua papritmas dhe e zuri poshtë.

Fatkeqësisht ndihma e parë nuk mundi të bënte asgjë pasi ai humbi jetën menjëherë.

Prokuroria ka hapur një hetim për vrasje nga pakujdesia, pa asnjë të dyshuar, vinçi dhe materialet e zhvendosura janë tashmë nën sekuestrim.

Nazmi Morina kishte gati 20 vjet që jetonte në zonën e Breshias ku kishte ndërtuar një të ardhme dhe një familje. Ai jetonte në Rudiano me gruan dhe 4 fëmijët e tij të vegjël.

Jul Deda i ka “propozuar” për t’u lidhur bashkë aktores Egla Ceno, duke “thumbuar” Romeo Veshaj për rikthimin e tij me Heidi Baçin.

Aktorja u përgjigj që “Po”, por i vendosi një kusht aktorit duke u shprehur se donte një unazë.

Ndërsa aktori Romeo Vesha iu drejtuar ironive të dy banorëve duke u thënë “lidhuni ju që ta përdor unë”.

Pjesë nga biseda:

Juli: Egla do të lidhemi bashkë

Advertisements

Egla: Po zemra, ke unazë?

Egla: Lidhuni ju që ta përdor unë

Juli: Ke unazë?

S’kam, e kam në shtëpi. të lidhemi, jo të martohemi

Egla: E dua unazën e romancës

Juli: E do me spango

Egla: Po