Dashi

Kjo e martë nuk do të jetë aspak e favorshme për raportet ndërpersonale, e sidomos për ato në fushën e ndjenjave. Sa i takon dashurisë do të keni shumë kuriozitet dhe për rrjedhojë ndoshta mund t’iu lindë dëshira për diçka të re. Gjithsesi do të jetë inteligjenca juaj ajo që do të përmirësojë cilësinë e intensitetit në çift. Ata që janë vetëm do të duhet të zgjedhin që të mos përfshihen në një lidhje që do i stresojë. Në punë do të jeni disi të acaruar. Bëni mirë që të mos humbni qetësinë dhe të ruani përqendrim më të madh.

Demi

Kjo ditë do të jetë shumë e favorshme! Do të jetë mjaft stimuluese sa i takon dashurisë. Në raportin në çift pritet të ketë të reja të rëndësishme, ndonëse mund të bëhet fjalë për detaje të vogla. Pritet që të ketë dhurata të paparashikuara. Për ata që janë vetëm priten të reja interesante. Sa i takon punës, në sajë të kuriozitetit tuaj do të keni mundësi për të mësuar diçka të re, por që do ju vlejë shumë.

Binjakët

Ju të lindurve të kësaj shenje ju pret një e martë jo shumë e favorshme. Në dashuri, për të shmangur keqkuptimet, sidomos nëse raporti nuk ka shumë që ka nisur, bëni mirë të mos mbani sekrete. Ata që janë vetëm, po projektojnë nisjen e një lidhje të re, por mendohuni mirë para se të hidhni këtë hap. Në punë dita do të jetë mjaft e favorshme për të provuar eksperiencën tuaj.

Gaforrja

Kjo ditë do të jetë shoqëruar gjatë gjithë kohës nga humori i mirë. Në dashuri, parashikohen mundësi të shumta për t’u shfrytëzuar, qoftë për çiftet që janë të konsoliduar, edhe për ata më pak solid. Përfitoni nga ky moment pozitiv, pasi yjet ju mbështesin në çdo nismë tuajën. Në pumë, mos u bllokoni nga paragjykimet dhe frika e të tjerëve. Ju keni mjaft rezerva të fshehura, kështu që është momenti për ti nxjerrë në pah.

Luani

Kjo ditë fillim jave, duhet zhdukur sa më parë. Do të përballeni me ndikimin negativ të Hënës. Në dashuri, do të jetë e vështirë që të shmangni debatet. Do e keni të ndaluar që të shijoni qetësinë që ju duhet për tu çlodhur. Bëni mirë që ti kushtoni më shumë kohë mirëqenies suaj fizike dhe mendore. Ata që janë vetëm, duhet të mbajnë distancë nga lidhjet e komplikuara. Në punë, këshillohet që të mos e lini pas dore entuziazmin tuaj dhe dëshirën për të guxuar përballë situatave të reja.

Virgjëresha

Kjo e martë do të jetë e shkëlqyer në të gjitha aspektet. Do të jetë një ditë mjaft e qetë dhe tejet harmonike, sidomos në fushën sentimentale. Këshillohet që të veproni me maturi dhe do t’ia dilni të forconi lidhjen tuaj të dashurisë. Ata që janë vetëm, do të bëjnë njohje të reja, mjaft interesante. Në sferën profesionale, ndonëse do të keni një vullnet absolut, planifikojini mirë të gjitha detajet, para se t’ia dilni.

Peshorja

Kjo e martë do të nisë në mënyrën më të mirë të mundshme, për të lindurit e kësaj shenje. Në dashuri, askush nuk do ju pengojë në realizimin e programit tuaj, duke bërë që dita të kalojë në relaks të plotë. Ata që janë vetëm, do e kalojnë ditën duke u marrë me një projekt që e kanë për zemër. Parashikimi i ditës, kërkon që të jeni më të hapur ndaj miqësive të reja. Në punë, do të arrini pa sikletin më të vogël, të realizoni atë që dëshironi. Vazhdoni kështu, herët apo vonë, do të konsolidoni, atë që prisnit prej kohësh.

Akrepi

Dita do të nisë në një mënyrë jo shumë pozitive. Në dashuri, kjo ditë nuk do të jetë në ritmet e duhura. Ajo që këshillohet për ju është që të mos tregoheni shumë kokëfortë. Ata që janë vetëm, do të kenë mundësi për një njohje të re, e cila do i bëjë që të ndihen të vlerësuar. Në punë, mundohuni që të ruani qetësinë dhe jini korrekt me kolegët tuaj. Duhet të gjeni dëshirën për të bashkëpunuar në ekip.

Shigjetari

Kjo ditë do të jetë mjaft eksituese, sidomos sa i takon dashurisë. Në raportin në çift, bëni mirë që të sqaroni çfarë ju shqetëson. Në të kundërt, rrezikoni që raporti me partnerin/en, të shoqërohet me grindje pa fund. Kush është vetëm, do të ketë takime me njerëz të rinj. Sa i takon punës, kjo do të jetë një ditë plotë energji dhe përqendrim. Do t’u tregoni eprorëve se jeni të vlefshëm dhe do të vlerësoheni pa masë.

Bricjapi

Një ditë aspak e keqe kjo e martë! Në dashuri, yjet do të stimulojnë emocione të forta. Tregohuni të arsyeshëm me personin që doni dhe lidhja do të jetë më se e mirë.

Ata që janë vetëm, do të dinë si të joshin dikë që e kanë për zemër. Në punë, do të përfshiheni nga situata që do ju mbajnë tejet të angazhuar. Mos u dorëzoni, inteligjenca juaj krijuese do ju çojë drejt suksesit të sigurtë.

Ujori

Ju pret një ditë e mbushur me pasiguri. Në fushën e ndjenjave, yjet favorizojnë realizimin e disa dëshirave tuaja. Në disa momente të ditës do të shoqëroheni nga një ndjesi e mirë mirëqenie, ku do të përfshihet edhe partneri/ja juaj. Ata që janë vetëm, duhet të reflektojnë mirë rreth një personi gjatë kësaj të marte. Sakaq në punë, mundohuni të tregoni siguri të tepruar. Yjet këshillojnë më shumë kujdes nga pikëpamja profesionale.

Peshqit

Kjo ditë e javës, do të jetë mjaft e mbarë për të lindurit e kësaj shenje. Sa i takon dashurisë, yjet do ju ndihmojnë në realizimin e ëndrrave tuaja. Jeta në çift do të jetë shumë e zjarrtë dhe në disa momente edhe speciale, ku do të keni nevojë për emocione dhe sfida të reja, shumë prej të cilave kanë të bëjnë me të ardhmen tuaj bashkë. Nëse jeni vetëm, bëni kujdes të mos e teproni në bisedat me të tjerët. Duke bërë një vetëanalizë, do të arrini në përfundimet që dëshironi. Në punë parashikohet sukses, sidomos nëse keni një aktivitet tuajin. Pritet të ketë të ardhura shtesë, ose një reduktim i daljes së parave.

Sot, Banorët e Big Brother VIP 3 janë vënë përballë një sfide mjaft të vështirë.

Ata duhet të mos reagojnë ndaj çdo gjëje të jashtëzakontë që Vëllai i Madh vendos në shtëpi.

Mirëpo, disa prej tyre nuk e kanë pasur aspak të lehtë. Pak më parë, në shtëpinë e Big Brother u fut moderatorja Bora Zemani dhe Romeo nuk duhet të reagonte.

Në pamundësi për t’i folur dhe përqafuar, Romeo shpërtheu në lot, ndërsa banorët e tjerë tentuan të shpërqëndronin situatën.

Më herët në shtëpi u fut edhe Rita Lati, vëllai i Ilnisës, zëri i djalit të julit, Dashnor Diko etj, me të cilët banorët nuk duhet të reagonin.

Artan Hoxha ka qenë i ftuar në emisionin “Të Paekspozuarit”, ku u diskutua për rënien dramatike të euros dhe arsyet që e kanë pordhuar këtë situatë.

Hoxha tha se shifrat e konvertimit të euros në vendin tonë, që brenda tetë viteve janë rritur nga 5 miliardë euro në 12 miliardë euro, lidhet me zgjerimin e narkotrafikut.

Hoxha tha se shqetësimi më i madh i trafikantëve është gjetja e sektorëve ku do të pastrojnë paratë, kryesisht ndërtimi.

“Ka një të dhënë shumë interesante te tabela e këmbimit valuator ne euro. Në 2010 ishte qeveria Berisha, është 5.5 miliardë euro. Deri në 2020 kur fillon Covid, është 6.3 miliardë euro. Pra ka lëvizur vetëm me 800 milionë euro. Në vitin 2023 ka vajtur në 12 miliardë euro.

Tregu më i pasur i BE për narkotrafikun, e ka rritur fuqinë blerëse 2.5 herë. Gjatë kësaj kohe, përveç episodeve që publikojmë, në të gjithë raportet ndërkombëatre, krimi i organizuar e ka rritur ndjeshëm peshën në trafikun e kokainës, duke u bërë pikë referimi, që nis nga burimi, duke marrë nën kontroll edhe tregun fundor, shpërndarja në BE. Janë një sërë të dhënash, mund të jenë koiçidencë, por përputhen me realitetin në terren.

Ne kemi patur një problem me kompanitë e mëdha. Problemi i narkotrafikut është se ku do të çojë paratë, përpiqen të mos i kenë të magazinuara. Një nga personat e ekstraduar nga Emiratet, dyshohet që kishte shkuar pasuria e tij në një milliard dollarë! Prandaj u kërkua me insistim që ky person të kthehej në Europë.

Mundohen të gjejnë kanale nëpërmjet atyre që janë në pushtet. Një pjesë e mirë e parave u kamufluan si investim brenda kompanive. Ne flasim për kullat, ja pra nga vijnë paratë. Atyre u duhet emër, mundësisht me historik të gjatë, financimin e gjejnë vetë. Prandaj sot nuk na përputhet ajo që shohim me sy me atë që dëgjojmë me veshë. Prandaj jemi përballë këtyre shifrave.

Vendi sot është në një situatë ku po të shohësh shifrat, del se ka rritje ekonomike, por rrogat nuk rriten, prodhimi nuk rritet. Çfarë prodhojmë? Nga vijnë lekët në këtë vend? Përfituesit më të mëdhenj zyrtarë, janë bankat që kanë rritur fitimin, oligarkët që kontrollojnë importin, sepse ne vetëm konsumojmë dhe nuk prodhojmë asgjë.

Pyetja është, në një numër kaq të kufizuar duarsh që kemi lënë ekonominë, derisa do ta mbajmë kështu?

Në pesë vite, nga gjysme milionë euro pagesë për vrasje, deri në pesë milionë euro. Janë shifra të frikshme”, tha Hoxha.

Ish-komandantja e përgjithshme e Policisë Kombëtare në Ekuador, Tannya Varela Coronel ka hedhur poshtë kategorikisht informacionin për një deklaratë që e lidh atë me mafian shqiptare.

“Unë jam e pafajshme, gëzoj prezumimin tim të pafajësisë si një e drejtë themelore dhe do ta mbroj emrin tim me vendosmëri”, ka deklaruar Coronel.

Ai tha se synimi është të detyrohet para opinionit publik ideja se Varela , duke përfituar nga pozicioni i tij, me sa duket favorizonte organizata kriminale dhe një sërë poshtërsive shtesë që ai i mohon kategorikisht dhe kategorikisht.

“Unë e thyej heshtjen sepse, me sa duket, për shumë është më rehat të qëndroj hermetike duke marrë akuzat e tyre shpifëse ndaj meje”, komentoi ajo.

Nuk dihet nëse ngjarjet me të cilat synohet të lidhet janë reale dhe kjo është detyrë e organeve kompetente, raportojnë mediat në Ekuador.

“Ata kurrë nuk do të mund të më lidhin në asnjë mënyrë me ndonjë veprim të parregullt në dobi të organizatave kriminale që kam luftuar gjatë jetës sime profesionale. Unë kurrë nuk kam bërë ndonjë parregullsi, as si komandante e përgjithshëm dhe as si civile”, shtoi ai.

7FD141E0CF

Heidi dhe Roza kanë patur përplasje dhe debate të forta gjatë qëndrimit në shtëpinë e “Big Brother Vip” dhe konkurrenca mes dy vajzave ndjehet në çdo bisedë që ato shkëmbejnë me njëra-tjetrën.

Mirëpo debatet duket se kanë kaluar limitet deri në dhunë fizike, episod të cilin Heidi e rrëfeu në spektaklin e shkuar dhe Roza e mohoi në mënyrë kategorike.

Rrjeti ka “gërmuar” dhe ka bërë publike një moment brenda shtëpisë. Në një video që po qarkullon me shpejtësi në rrjete sociale, tregohet momenti kur Arta, Rikja, Ledjona dhe Egla bisedojnë për debatin që patën vajzat, ku Arta shprehet se Heidi ka patur shenja në dorë.

Në një moment të dytë shfaqet Roza kur në mbrëmjen e “Prime” afrohet drejt Albit dhe i thotë: “Shyqyr që nuk nxorën atë pjesën”

Mesa duket Roza është e vetëdijshme që e ka dhunuar Heidin, me ose pa dashje.

Për më shumë detaje ndiqni videon më poshtë:

Watch more content recommended just for you. https://vm.tiktok.com/ZMM15Cf5n/

Policia greke vuri në pranga 10 persona, të cilët pasditen e së dielës në zonën e Zefirit, goditën me armë në një ndeshje të ligës lokale të futbollit.

Bëhet fjalë për 8 grekë dhe 2 meshkuj të kombësisë shqiptare, të cilët akuzohen për shkelje të ligjit për dhunën sportive, armëmbajtje pa leje dhe drejtim mjeti në mënyrë të rrezikshme.

Në orën 15:45 të pasdites së të dielës pas një incidenti mes tifozëve të Apollo Pontion dhe Mandraikos, persona të panjohur fillimisht, goditën 9 herë me armë zjarri. Punonjësit e policisë kanë shkuar në vendngjarje dhe kanë konstatuar 9 gëzhoja, si dhe dy të plagosur gjatë incidenteve, por jo nga të shtënat.

Konkretisht, derbi mes Apollon Pontionit dhe Mandraikos për kampionatin EPSDA është ndërprerë në minutën e 43’ dhe ndërsa rezultati ka qenë 0-0, pasi janë shënuar 9 të shtëna si në tribunë ashtu edhe jashtë fushës. Arbitri Vatsios me ndihmësit e tij dhe vëzhguesin e ndeshjes shkuan në Sigurimin Qendror të Zefirios, të shoqëruar nga forca policore, në mënyrë që aty të bëheshin deklaratat dhe të plotësohej fleta e ndeshjes.

50 vjeçarja Barbara Ioele nuk kishte punuar për 24 vjet teksa kishte gënjyer për 17 shtatzanitë e saj – të cilat i inskenonte duke vendosur jastëk për të imituar barkun e fryrë.

Mediat vendase thonë se gruaja është burgosur pas pretendimit të rreth 100 000 euro në asistencë gjatë viteve.

Nga 17 shtatzanitë e saj ajo pretendonte se vetëm pesë ishin realizuar me sukses ndërsa të tjerat kishin përfunduar me abort spontan.

Ioele tha se kishte lindur fëmijën e saj të fundit në dhjetor teksa policia tha se po e mbanin nën mbikqyrje në muajt para lindjes dhe gjithçka rezultoi një mashtrim.

Prokurorët shtonin se gënjeshtrat e Ioele ishin bërë të mundura nga vjedhja e një numri çertifikatash lindjeje nga një klinikë në Romë, si dhe me dokumente të tjera të falsifikuara, shkruan e përditshmja vendase Il Mattino.

Partneri 55 vjeçar i Ioele, Davide Pizzinato, ka pranuar në polici se ishte në dijeni të faktit se Ioele nuk ishte asnjë herë shtatzënë.

Pizzinato ka pranuar të dëshmojë kundër saj në këmbim të një dënimi më të lehtë për vete, pasi u akuzua si bashkëpunëtor në mashtrim.

Rrjeti Oddity Central shtonte se Ioele kishte nisur mashtrimin e saj prej vitit 2000, duke përfituar një shumë totale prej 100 000 të ardhura në asistencë.

Pizzinato u ka thënë hetuesve: “Ajo bëri çertifikatat false dhe unë e di këtë prej vitit 2012, kur ne nisëm marrëdhënien tonë.”

Në një rast të ngjashëm vitin e shkuar në SHBA, Robin Folsom, inskenoi shtatëzaninë e saj për të marrë leje të paguar nga puna dhe për të përfituar $100,000 por u zbulua nga punëdhënësit kur i ra jastëku që kishte vendosur në bark.

Sa vijnë dhe shtohen dyshimet se divorci mes aktorit të humorit Besart Kallaku dhe këngëtares Xhensila Myrtezaj është një marifet për ndarjen, tjetërsimin dhe humbjen e gjurmëve të burimit të një pasurie me vlerë miliona euro, para që nuk u dihet burimi.

Prapaskena mëson se zonja Myrtezaj i është drejtuar gjykatës me një padi, përmes të cilës kërkon ndarjen nga Bes Kallaku.

Pretendimet e Xhensilës për ndarjen nuk duken fort bindëse dhe reale. Ajo pretendon se bashkëshorti i saj rri gjatë me shokët (diçka normale dhe e zakonshme për shumë burra), zihen shpesh (diçka e zakonshme për të gjithë çiftet), se ka humbur interesin për familjen (një pretendim ky i pabazë pasi Besi është një djal shumë familjar), se konsumon lëndë narkotike (kjo është e vërtetë, por edhe Xhensila i mbush jo pak hundët para koncerteve, ashtu si shumica e këngëtarëve). Të gjitha pretendimet e Xhensilës në padi për ndarjen janë të dyshimta.

Ndërkaq, vitin e kaluar, në Mëzez, Kashar, Bes Kallaku ka ngritur një pasuri me vlerë mbi 2 milionë euro, ku përfshihen Kompleksi Sportiv Noku, si dhe një restorant, piceri, kënd lojërash etj., me emrin Burger Ija. Ky investim është bërë disa muaj më parë.

Ky biznes mban emrin e gjyshes së Besart Kallakut, Ijes. Përdorimi i gjysheve për të kamufluar bizneset është një tipar kryesisht i grupeve kriminale dhe i trafikantëve të kokainës.

Shumë resorte, hotele luksoze, jahte, pallate, vila, resorante dhe lokale të krimit, në letra figurojnë në emrin e gjysheve 80-90-vjeçare.

Bes Kallaku nuk është një trafikant droge, por ka lidhje të forta me trafikantë kokaine dhe politikanë të korruptuar, sidomos me Ilir Metën, një nga politikanët më të korruptuar në Ballkan, me prova dhe fakte, me zë dhe figurë, pasuri, dëshmi, rrëfime dhe bllok pazaresh në dorë.

Shtëpi 1 milionë euro te Liqeni i Thatë

Besart Kallaku dhe Xhensila Myrtezaj, muajt e fundit, kanë blerë një shtëpi me vlerë mbi 1 milionë euro pranë Kopshtit Zoologjik, një nga zonat e shtrenjta të Tiranës.

Bëhet fjalë për katin e fundit të një pallati të ri, i përshtatur si shtëpi banimi. Prapaskena mëson se vetëm arredimi i brendshëm ka kushtuar mbi 400 mijë euro, ndonëse në letra ka gjasa të jetë deklaruar shumë herë më pak.

Klinika 2 milionë euro

Në maj të vitit 2021, Xhensila Myrtezaj ka hapur një klinikë dermoestetike te Liqeni i Thatë. Bëhet fjalë për klinikën Silabel, një investim me vlerë mbi 2 milionë euro.

Nuk dihet burimi i parave për këtë investim. Xhensila Myrtezaj është pronare e dy kompanive pothuajse fantazmë, pa aktivitet të dokumentuar dhe bilance, si këngëtare, këshillime për reklama dhe shitje produkte estetike, me afresë te Liqeni i Thatë.

Restoranti i peshkut

Besart Kallaku është bashkëpronar i një restoranti peshku në Tiranë, Loku & Arditi Fisherman, hapur në vitin 2017, një investim ky gjithashtu me burim të dyshimtë parash. Aktoru i humori posedon edhe disa makina luksoze dhe apartamente, që të gjitja me burim të dyshimtë parash.

Ka disa elementë që ngrenë dyshime të forta për pastrim parash nga Xhensila Myrtezaj dhe Besart Kallaku.

Së pari, çifti i showbizit nuk ka trashëguar pasuri, pasi vijnë nga dy familje jo të pasura, si shumica e shqiptarëve.

Së dyti, çifti i showbizit nuk ka një historik biznesi. Xhensila Myrtezaj dhe Besart Kallaku dy bizneset kryesore, Silabel dhe Buger Ija, muaj e fundit.

Së treti, të ardhurat e ligjshme e çifti i showbizit vijnë nga paga e Besart Kallakut si aktor dhe Xhensila Myrtezaj si këngëtare.

Së katërti, dy vitet e fundit, kanë investuar disa milionë euro në pasuri të palujtshme, duke deklaruar blerjet dhe investimet në kontrata me kosto shumë të ulët në raport me vlerën reale të pronës.

Së treti, të ardhurat e ligjshme e çifti i showbizit vijnë nga paga e Besart Kallakut si aktor dhe Xhensila Myrtezaj si këngëtare.

9 pop

Ndërsa të gjithë fshatrat vuajnë shpopullimin dhe i janë dorëzuar këtij fati, krejt e kundërt apo ndodh me banorët e Vranishtit në bashkinë e Himarës.

Emigrantët nga ky fshat brenda dhe jashtë vendit kanë vendosur të financojnë vetë, secili sipas mundësisë së tyre dhe kanë filluar të riparojnë rrugën prej afro 3 km që lidh fshatin e tyre me aksin e Lumit të Vlorës.

Ka mjaftuar një bisedë në fshat dhe më pas thirrja e lëshuar në rrjetet sociale ka marrë përgjigje nga qindra Vranisht as që nga vendet e Evropës e deri nga Kanadaja e largët.

Riparimi i rrugës dhe më pas edhe vendosja e ndriçimit, shpresohet që jo vetëm të ndalojë shpopullimin, por të rikthejë banorët e Vranishtit dhe pse jo të zhvillojë edhe turizmin.

Me rikonstruksionin e rrugës së fshatit, Vranishti afrohet edhe më shumë me bregdetin e Himarës, pasi rruga përshkohet në vetëm 20-25 minuta./A2 Cnn

Ekzaminimet e autopsisë mbi eshtrat e Antonella Salamones dhe mbi trupat e fëmijëve të saj Emanuel, 5 vjeç dhe Kevin, 16 vjeç, kanë vërtetuar aktin makabër të torturës dhe vrasjes së tyre, në shtëpinë e tyre në Altavilla.

Giovanni Barreca, bashkëshorti i gruas dhe babai i dy djemve, rrëfeu masakrën, i ndihmuar nga vajza e tij 17-vjeçare dhe dy bashkëpunëtorët e dyshuar, Sabrina Fina dhe Massimo Caradente, të cilët i bindën ata të kryenin një lloj ekzorcizmi ndaj të afërmve të tyre për t’i “liruar nga djalli”.

Autopsia e trupave të torturuar të djemve konfirmoi atë që dyshohej nga eksperti mjekësor: Dy vëllezërit u keqtrajtuan dhe torturuan. Në trupa ka shenja të qarta djegieje dhe keqtrajtimi të të gjitha llojeve edhe nga 17-vjeçari i cili ka rrëfyer se ka marrë pjesë aktivisht në masakër.

Sa i përket eshtrave të nënës, do të duhet të përgjigja e testit të ADN-së dhe një sërë hetimesh për eshtrat e gjetura të groposura dhe të djegura.

“Në shumë vite të karrierës sime nuk kam parë asgjë më të tmerrshme”, janë fjalët e kryeprokurorit të Termini Imerese, Ambrogio Cartosio gjatë konferencës për shtyp mbi ngjarjen e rëndë.