Category: Lajme

Emri i kryebashkiakut të zgjedhur të Himarës, Fredi Beleri, i cili është dënuar nga GJKKO me 2 vite burg nën akuzë për blerje votash, flitet se do të përfshihet në listën e kandidatëve të kryeministrit grek, Kyriakos Mitsotakis, për eurodeputet në zgjedhjet europiane të qershorit.

“Me sytë drejt zgjedhjeve evropiane, shtabet e partisë së Mitsotakis po mbledhin fytyra dhe emra tërheqës për të plotësuar listën e kandidatëve”, shkuan Protothema.

Në kampin blu, sipas informacioneve, kryeministri Kyriakos Mitsotakis po pranon sugjerimet për të përfshirë edhe kryetarin e zgjedhur të bashkisë së Himarës, Fredi Beleri.

Ata që mbështesin propozimin për t’u përfshirë në fletëvotimin evropian konsiderojnë se përtej simbolikës dhe forcimit të dukshëm të kryebashkiakut të burgosur, një lëvizje e tillë politike do të ndihmonte edhe në parandalimin e rrjedhjeve te partitë më të djathta.

Megjithatë, ka edhe kundërshtime të forta. Ata që shprehin mosmarrëveshjen e tyre, deklarojnë se një lëvizje e tillë do ta kufizonte një problem evropian në atë dypalësh mes Athinës dhe Tiranës.

Burgimi i Belerit solli një krisje në marrëdhëniet e Greqisë me Shqipërinë, pasi Kyriakos Mitsotakis e ngriti çështjen në Samitin e fundit, duke kërcënuar homologun e tij Edi Rama se do të “bllokojë” negociatat e pranimit të Shqipërisë në BE.

Dy ish-konkurrentët e Big Brother VIP janë përplasur me njëri-tjetrin në studion e “Fun Club”, për shkak të deklaratës që Silvi ka bërë për Sarën, pak para se të futej në shtëpi.

Sipas Bardhit, deklarata e Silvit se ka pasur një flirt me Sarën, me të cilën këngëtari është në një lidhje tashmë, e quajti si zhgënjyese. Silvi mohoi të ketë thënë diçka të tillë ndërsa theksoi se nuk ka pasur asnjë lidhje me të, por vetëm njohje.

Bardhi: Doja t’i thoja që atje brenda ia kemi kaluar mirë, kam menduar që je djalë i mirë, por jashtë më ke zhgënjyer shumë, nuk e vlerësoj atë që e ke bërë me Sarën. Njëherë ke ndenjur me atë dhe ke dhënë atë deklaratë.

Silvi: Unë në asnjë moment nuk kam thënë që kam qenë ishi i Sarës, as nuk kam thënë që kam pas flirtuar. Më kanë pyetur disa herë kë njeh dhe kam thënë që kam një foto me të. Kam thënë që nëse do kisha një ish të dashur, nuk do isha futur. Dua të kërkoj ndjesë, mendoj që Sara është gocë super, kam besuar te dashuria e tyre dhe nëse është keqkuptuar, kërkoj ndjesë publikisht.

Dy opinionistët, Ina dhe Ronaldo iu kundërvunë ish-banorit, duke shprehur se nuk ka pse të keqkuptohet kur ai vetë është shprehur që ka pasur një flirt mes tyre.

Bardhi: Ideja është të zgjidhte këtë problem, e pashë që e ka bërë për vëmendje.

Silvi: Pasi kam dalë nga BIG-u kam vazhduar jetën time, jam me një gocë që ka një jetë shumë private. Për hir të respektit të asaj nuk dua ta vazhdoj më këtë diskutim. Unë e pranoj atë video dhe kërkoj falje. Nuk ka asgjë të keqe të flirtosh.

Teksa moderatorja e programit, Enxhi Nasufi po i shpjegonte që nuk ka asnjë transformim të fjalëve që ai ka thënë në “Fun Club” përpara se të futej në BBV, Silvi kërkoi të largohet nga emisioni.

Silvi: Nëse do vazhdojë kështu kjo intervistë më mirë ta lemë këtu. Të çohem të iki? Më mirë kështu? Ju thash që nuk doja ta vazhdoja.

Enxhi: Nuk detyroj askënd të rrijë në këtë program.

Meritoni dhe Romeo kanë patur një debat të ashpër gjatë spektaklit të sotëm në “Big Brother Vip”.

Në momentin e lançimit të publicitetit, Romeo akuzoi Meritonin se merret me gratë e shokëve, duke iu referuar këtu ngacmimeve ndaj Heidit.

Meritoni ia ktheu ashpër tek i tha se në fakt namin për t’u marrë me gratë e shokëve e ka vetë Romeo dhe për këtë i kanë dalë video jashtë shtëpisë.

Meritoni i referohej deklaratave të reperit Clevio i cili është shprehur se Romeo i ka ngacmuar Klean Elgitit.

Romeo e ka kuptuar se çfarë po i referohej Meritoni, ndaj i ka përmendur vetë këta emra.

Pas kësaj situate, një reagim ka ardhur nga vetë Elgiti.

Mesa duket ai vazhdon t’i qëndrojë krah mikut të tij duke mos i marrë parasysh akuzat e Meritonit.

“Lojtar i dobët…Ka 2 orë prime për @romeoveshaj. Për kë do flisnit po mos ishte Romi”- ka shkruar ai me anë të një postimi në InstaStory.

“Një tërmet i madh që mund të ndodhë brenda 6 deri në 10 vite, rrezikon Stambollin.”

Ky pretendim i sizmiologut të njohur Naci Görür ka pushtuar faqet e para të mediave turke, duke theksuar se një goditje e tillë do të bënte që Turqia “të shembej në gjunjë”.

“Probabiliteti i një tërmeti me magnitudë 7 ose më shumë në rajonin e Marmaras është 47%. Nëse do të kishte një tërmet në Stamboll, do të kishte më shumë humbje jete dhe prona të shkatërruara se të gjitha 11 provincat e tjera së bashku. Mund të ketë më shumë se 50 mijë viktima nga një tërmet i mundshëm në Stamboll”, tha Görür.

Gjeologu i njohur i ka rënë “kambanës” së alarmit duke thënë se duhet të ndërtohet një qytet rezistent ndaj tërmeteve dhe se magnituda e lëkundjeve sizmike që kërcënojnë Stambollin do të variojë midis 7.2 dhe 7.6 ballë të shkallës Rihter.

“Në vitin 1766, Stambolli u përball me dy tërmete mbi 7 ballë me një diferencë prej 3 muajsh. Kjo është një çështje shumë e rrezikshme. Nëse të dy pllakat përplasen, ekziston mundësia e magnitudave 7.5 dhe 7.6. Për të adresuar këtë rrezik, tërmetet dhe ngjarjet që mund të shkaktohen nga tërmetet, si do të reagojë Stambolli, janë studiuar për një kohë të gjatë në kërkimet e kryera që nga viti 1999. Personalisht , nën presidencën time, tetë anije ndërkombëtare, përfshirë ato turke, po punojnë në të gjithë rajonin e Marmarasë. Ne kemi kryer këto studime. Ne e dimë se cilat pjesë të Stambollit do të jenë të pambrojtura dhe cilat janë dobësitë tona. Shpresoj që Kryetari i Bashkisë Metropolitane të Stambollit të bëjë atë që është e nevojshme për të përgatitur qytetin për një tërmet. Një tërmet pritet të ndodhë brenda 6 deri në 10 vite, aktualisht po luajmë kundër akrepave të orës”, deklaroi profesori për TGRT Haber.

Duke iu referuar nevojës për të investuar për qytete më rezistente ndaj tërmeteve, Gyorur tha: “Kohët e fundit Japonia pati një tërmet me magnitudë 7.6 ballë dhe 120 njerëz humbën jetën për fat . Nuk mund të na vdesin 20 mijë, 50 mijë qytetarë në çdo tërmet. Çështja e vërtetë e mbijetesës është tërmeti. Si do ta mbijetojmë këtë shekull? Ne duhet t’i drejtohemi menjëherë qyteteve të mbrojtura nga tërmetet. Ne mund ta bëjmë vendin rezistent ndaj tërmeteve në 10-15 vite. Kam më shumë frikë nga rajoni i Marmarasë. Arsyeja është se rajoni i Marmarasë siguron afërsisht 60% të GDP-së. Nëse rrotat e ekonomisë në këtë rajon ndalojnë së funksionuari si në rajonin juglindor, Turqia do të shembet në gjunjë. Lëre pavarësinë ekonomike të Turqisë, do të mund të diskutojmë edhe për pavarësinë politike”.

Dy persona, burrë e grua, janë gjetur pa shenja jete mesditën e sotme në Rahovec.

Drejtoria rajonale e Policisë së Gjakovës njoftoi përmes një komunikate për media se çifti u gjetën të vdekur në shtëpinë e tyre.

“Me datën 17.03.2024 rreth orës 12:25 jemi njoftuar se në fshatin Pataqan i Poshtëm në Rahovec, burrë e grua të moshës madhore janë gjetur pa shenja jete në shtëpinë e tyre. Njësitet e nevojshme policore kanë dalë në vendin e ngjarjes, si dhe ekipi mjekësorë të cilët kanë konstatuar vdekjen e viktimave”, thuhet në komunikatë.

Nga hetimet e para të zhvilluara, ekzaminimet e kryera në vendin e ngjarjes si dhe dëshmive tjera të siguruara, Policia thotë se “dyshohet se deri tek vdekja e viktimave ka ardhur si pasojë e asfiksimit nga tymi, pasi kishte marr flakë një kolltuk nga një prizë elektrike”.

Ndonëse kanë patur mosmarrëveshje dhe debate të forta me njëra-tjetrën, Egla dhe Julia janë bërë bashkë mesditën e sotme në shtëpinë e “Big Brother Vip” përmes rrëfimeve nga e kaluara, atëherë kur ishin të reja në fushën e aktrimit por punën e bënin me pasion pavarësisht rrethanave të pakëndshme. Pa përmendur emra të përveçëm, Julia tregoi se është ngacmuar në ambientet e punës por nuk ka folur.

Të njëjtën situatë rrëfeu edhe Egla por ndryshe nga kolegia e saj, nuk heshti. Ajo tha se Saimir Kodra e ka ngacmuar seksualisht para shumë vitesh, ndërsa sot ai del në ekran me zë dhe figurë dhe ndoshta të njëjtën gjë bën edhe me gra e vajza të tjera.

“A të ka kërkuar ndonjëherë favor seksual shefi? Ishte pyetja që iu drejtua banorëve, ndërsa Egla tregoi historinë e saj kur sapo kishte mbaruar akademinë, që sipas saj punëdhënësi që ajo shkoi për të kërkuar punë ka qenë shumë i drejtpërdrejtë në këtë aspekt.

“Po kërkoja punë nëpër Tiranë dhe shkoj te piramida që ishte ‘Top Albania Radio’ dhe punonte një person që sot e shfaq fytyrën e vet në një televizion tjetër bashkë me një kolegun tim. Në kërkesën time për punën ai tha “po varet”, ka qenë shumë i drejtpërdrejtë. Kam ikur nga sytë-këmbët e tij sepse isha shumë e vogël, sapo kisha mbaruar akademinë. Këta mesa duket mjafton që të jesh femër dhe e provojnë.”- tregoi aktorja.

“Po moj, Kodra ka qenë, ai që bën atë gjënë programin. Se nuk e kam fare problem, ai ka qenë. Zero, se kam fare problem ta them. Duhet me dalë me emra të përveçëm se ndryshe je duke bërë “ham, ham” kot”, tha Egla.

Egla: Puna nuk mbaron, do të marrin në punë tjetër nuk do jesh ti e dëmtuara se nuk ke bërë asgjë të keqe. I the një derri mu hiq qafe, e the me vend dhe në vendin e duhur. Unë po në piramidë në atë kohë, ishte një zotëri tjetër që kishte një radio s’po ja them emrin se nuk ekziston më. Unë hyra atjë dhe punova, po në radio si zonjë. Më ka trajtuar me një rrogë fantastike në atë periudhë nuk e di si ta merrja. Isha “Happy”, paguaja qeranë, haja ndonjë darkë jashtë. Por duhet të them gjërat vijnë.

Julia: Kur them na iku jeta them, na iku kjo pjesa e ngacmimeve për hir të moshës jemi shumë të lira nga kjo pjesë. Nuk do kemi më nga këto, nuk mendoj.

Egla: Nuk është kaq e vogël historia është më e gjerë

Julia: Unë, zëri im do ngrihet jo vetëm për këtë çështje por për shumë e shumë çështje të tjerë dhe ke le të flasin dhe të diskutojnë.

Egla: Nuk duhet të dalin më me zë dhe figurë në ekran, ma kanë bërë mua, ja kanë bërë shumë të tjerave pas meje, ndoshta e bën akoma dhe ti del në ekran me emër.

Julia: Mund të dalin me emër por kjo ngelet në dëshirën tënde në këtë pikë. Për fenomenin kemi një detyrim moral, qytetar që të flasim. Pastaj për emra të përveçëm secili ka përgjegjësinë të bëjë atë që do.

Egla: Po moj, Kodra ka qenë, ai që bën atë gjënë programin. Se nuk e kam fare problem, ai ka qenë. Zero, se kam fare problem ta them. Duhet me dalë me emra të përveçëm se ndryshe je duke bërë “ham, ham” kot.

Komuniteti Shqiptar në Greqi, ka publikuar në rrjete sociale një vendim që sipas tyre, ndalon emigrantët shqiptarë të hyjnë apo dalin nga territori grek pa leje qëndrimin.

Ky vendim pritet të zbatohet pas datës 30 Mars 2024. Para kësaj date, emigrantët duhet të jenë kthyer në Greqi, ose ndryshe nuk do t’ju lejohet hyrja.

Regullorja e re thuhet në njoftim se është shpërndarë në të gjitha pikat kufitare.

Njoftimi:

Të gjithë emigrantët që jetojnë në Greqi dhe janë në pritje të lejes së qëndrimit, mund të udhëtojnë drejt vendeve të tyre vetëm me leje qëndrimi. Nëse jeni në pritje të lejes së qëndrimit dhe keni në duar vërtetimin, nuk mund të udhëtoni as drejt vendit tuaj, pas datës 30 mars 2024. Mos bëni gabimin të udhëtoni, sepse nuk do të lejohet hyrja. E njëjta gjë vlen edhe për të gjithë ata që ndodhen jashtë Greqisë sot. Duhet të jenë kthyer deri në datën 30 mars, ndryshe nuk do lejohet hyrja e tyre.

Kështu thotë rregullorja e re që është dërguar në të gjitha pikat kufitare. Nga policia e aerodromit më thanë që presin ndryshime, por nuk e dimë a do ketë ndryshime dhe si do funksionojnë ato. Për momentin bëni kujdes”.

Ky vendim vjen në vijim të ftohjes së marrëdhënieve mes Shqipërisë dhe Greqisë, për shkak të burgosjes së Fredi Belerit dhe moslejimin e tij si kryebashkiak i zgjedhur i Himarës.

Beleri është dënuar gjithashtu nga GJKKO, me mbi dy vjet burg nën akuzën e korrupsionit në zgjedhje.

Ndërkohë më 19 Mars, pritet të mbahet edhe një seancë gjyqësore për këtë çështje në Gjykatën e Apelit.

https://www.facebook.com/Komuniteti.Shqiptar.Gr?ref=embed_post

Vajza e Ledionës ka dhënë një intervistë ekskluzive për “Fun Club” në Top Channel, ku ka treguar emocionet e saj pas takimit që bërë në shtëpinë e Big Brother.

Ajo u shpreh se e kishte marrë malli shumë për të ëmën, teksa tha se në këtë kohë që Lediona është futur në shtëpi, për të kujdesen gjyshërit (prindërit e Ledionës), shoqes e saj dhe koleget.

“Më kishte marrë malli shumë, kisha kohë që e prisja. Me mamin kam të përbashkët karakterin, fytyrën, të gjitha. Më kanë qëndruar shoqet e mamit, gjyshërit, koleget”, tha ajo.

E pyetur për momentin më të vështirë që ka përjetuar gjatë kësaj periudhe kur Lediona nuk ka qenë pranë saj, ajo u ndal tek deklaratat dhe mesazhet që babai i saj bëri për të ëmën.

Vajza e Lediojnes tregoi se më parë fliste me të atin, por pas kësaj ndodhie, nuk ka më asnjë komunikim, por vetëm me gjyshërit, (prindërit e babait)

“Situata më babanë me ato sms. Flisja, tani nuk flas më, vetëm me nënë dhe gjyshin nga babi. Nuk më ka uruar as për ditëlindje, as për asgjë. Më ka mërzit”, tha Mihaela.

Dy të vdekur dhe një i plagosur rëndë. Ky është bilanci i një aksidenti tragjik rrugor i regjistruar përgjatë rrugës, Casilina, mes Colleferro dhe Anagni mbrëmjen e së shtunës. Dy të rinj me origjinë shqiptare humbën jetën si dhe personi i tretë mbeti i plagosur rëndë.

Nga informacionet fillestare ishte një aksident nga shpejtësia. Të tre, pak pas orës 22:00, po udhëtonin me një BMW të zezë në drejtim të Colleferro, kur shoferi humbi kontrollin e makinës. Prej aty ka ndodhur përplasja, ku vetura është përmbysur, duke e nxjerrë të plagosurin nga kabina e pasagjerëve.

Pasi ka përfunduar jashtë rrugës, makina ka marrë flakë, ku dy viktimat kanë ngecur brenda. Shkak i aksidentit dyshohet të jetë shpejtësia e lartë.

Përveç karabinierëve nga Colleferro, në vendngjarje kanë ndërhyrë edhe zjarrfikësit dhe ambulancat të cilat nuk kanë mundur të bëjnë gjë tjetër veçse konfirmojnë vdekjen e të dyve. I plagosuri u transportua me kodin e kuq në Colleferro.

Trupat u dërguan në morgun e Poliklinikës Tor Vergata ku u identifikuan falë edhe gjurmëve të gishtërinjve. Sipas asaj që bëri me dije policia, në bagazhin e makinës u gjetën mjete për vjedhje si dhe vetë mjeti rezultonte i vjedhur. Tre të rinjtë janë të dënuar më parë për krime pronësie.

Përtej debateve gjatë ‘Prime’ të së shtunës pati dhe momente plot humor, ku një ndër to ishte dhe aktorja Julia Iliriani.

E pyetur nga Ledjoni se çfarë kishte, Julia shprehet se:

“Asgjë mor Ledjon asgjë, po mendoja kur do vijnë ata 40 e sipër që të flirtojmë dhe ne, që të dalim në ‘Prime’ se vdiqëm”

Krahas saj doli dhe Egla e cila i kërkoi moderatorit ta mendonin një herë si ide

Ledjoni ju përgjigj duke thënë se do ta mendonin pasi ishte një sugjerim interesant.

Ndërkohë që banorët kanë shpërthyer në të qeshura.